Բրիտանական The Telegraph պարբերականը հետաքրքրվում է, թե ինչու 100-ամյա վաղեմության նկարներում կարելի է նկատել Ռուսաստանի նախագահ Վլադիմիր Պուտինի կրկնօրինակին:

ԸստLifeNews-ի, թերթի աշխատակիցները 1920 եւ 1941 թվականների լուսանկարներ են գտել, որոնցում ռուսական առաջնորդին նման մարդիկ են պատկերված: Պուտինի կրկնօրինակի ֆենոմենի հանելուկը լուծելու համար The Telegraph-ը հետաքննությանը ներգրավել է նաեւ Twitter-ի օգտատերերին:

Պարբերականի խմբագրությունը բաժանորդներին առաջարկել է պատասխանել կատակով առաջադրված հարցի. «Արդյո՞ք Պուտինն անմահ է»: Արդյունքներն անսպասելի են եղել: Ընդամենը մեկ ժամվա ընթացքում ընթերցողների 66%-ը դրական է պատասխանել:

Համացանցի օգտատերերը լրագրողներին անհանգստանալու ավելի շատ առիթ են տվել: Պարզվում է՝ Ռուսաստանի նախագահի եւս մեկ կրկնօրինակ ժպտում է 19-րդ դարի հույն գեներալի դիմանկարից:

Իսկ որոշ ընթերցողներ The Telegraph-ի հարցին այսպես են պատասխանել. «Ավելին, քան դուք եք կարծում»:

news.am

Դեպի Երուսաղեմ իր ճանապարհին Հիսուս անցնում էր Սամարիայի և Գալիլեայի սահմաններով: Եվ մինչ մի գյուղ էր մտնում, նրան հանդիպեցին տասը բորոտներ, որոնք հեռու կանգնեցին և բարձրաձայն ասացին.

-Հիսո՛ւս Վարդապետ, ողորմի՛ր մեզ:
Հիսուս տեսավ նրանց և ասաց.
-Գնացե՛ք և ձեզ ցույց տվե՛ք քահանաներին:
Եվ մինչդեռ գնում էին, արդեն իսկ մաքրվեցին:
Նրանցից մեկը երբ տեսավ, որ բժշկվեց, վերադարձավ և սկսեց բարձրաձայն փառավորել Աստծուն: Երեսի վրա գետին ընկավ Հիսուսի ոտքերի առջև և շնորհակալություն էր հայտնում նրան: Եվ նա սամարացի էր:
Հիսուս հարցրեց.
-Մաքրվողները տասը հոգի չէի՞ն. ո՞ւր են մնացած ինը: Բացի այս օտարականից ուրիշ մեկը չգտնվե՞ց, որ վերադառնար ու փառք տար Աստծուն:
Ապա սամարացուն դառնալով՝ ասաց.
-Վե՛ր կաց և գնա՛, քո հավատը քեզ փրկեց:
(Ղուկասի ավետարան 17:11-19)

Ռուբեն աբեղա Զարգարյան

Արևմտյան ԶԼՄ-ներում տարածված տեղեկության համաձայն՝ 21-ամյա երգիչ Ջասթին Բիբերը և ռեալիթի շոուների աստղ Քորթնի Քարդաշյանը հանդիպում են: Կարծես երգիչը մոռացել է ինստագրամի իր խորհրդավոր անծանոթուհու մասին և ուշադրությունը սևեռել մեկ այլ կնոջ վրա: Գրում է Spletnik.ru.-ն:

«Ջասթինն ընկերներին պատմել է, որ սիրավեպ է սկսել Քորթնի Քարդաշյանի հետ», — հայտնել է աղբյուրը: Տարածված տեղեկության համաձայն՝ նրանց սիրավեպը սկսվել է նոյեմբերի 22-ին Լոս Անջելեսում տեղի ունեցած MTV Music Awards մրցանակաբաշխությունից հետո տեղի ունեցած հավաքույթի ընթացքում: «Յուրաքանչյուր անգամ, երբ Քորթնին ու Բիբերը միասին են լինում, մշտապես սիրահետում են միմյանց: Բացի այդ նրանք մշտապես նամակագրության մեջ են», — անկեղծացել է աղբյուրը: Հիշեցենք, որ Բիբերը վաղուց Հոլիվուդում կնամոլի համբավ ունի: Կարծես նա չսահմանափակվեց հայտնի սուպերմոդել Միրանդա Քերի հետ կարճ սիրավեպով և այժմ որոշել է բարկացնել Քորթնիի նախկին ամուսնուն՝ Սքոթ Դիսիկին:

83–ամյա Սինտիյա Թեյնը 1972 թ.–ին համարվում էր  Լոնդոնի համար մեկ կավատուհին։ Նա անձամբ երկար տարիներ հասարակաց տուն է ղեկավարել։ Տարեց կինը մահացել է  82 տարեկան հասակում։  Նրա թաղում բավականին գունագեղ էր։

Գևորգ Սարգսյանի մասին թաղում վատ չեն խոսում: Ինձ հաջողվեց մի երկուսի հետ զրուցել: Հիշեցնեմ, որ նա «Շանթի Յուրայի» առանձնատան վրա կողոպուտային հարձակում կատարողն է:

-Անհավատալի է, — այսպես են ասում:

Ոստիկանությունը իր գործը կանի, հարցը դա չի: Կպարզի՝ Գրիգորը սեփական նախաձեռնությա՞մբ է գնացել, թե՞… Առավել հետաքրքիր է, երբ կողոպտիչը վերացվել է: Ու խոսելու է միայն մի կողմը:

Ինչևէ։

Հուսով եմ ոստիկանությունը կպարզի նաև, թե արդյո՞ք բոլոր գործարարների կանայք են սպառազինված: Այդպիսով կիմանանք, թե՞ ինչքանով են ապահովված մեր հարուստները ու անհանգիստ չենք լինի:

Շատ աղբյուրներ գրում են, որ Գրիգորը հրազենային վնասվածք է ստացել:

Այս դեպքի մասին չէ, որ ուզում եմ խոսել, որովհետև սրա տակ բացահայտելու շատ բան կա: Անգամ անզեն, ոչ մասնագիտական աչքը դա կնկատի:

Գողությունների հետ կապված մի փոքր մտորում ունեմ, որը կարծում եմ, հաշվի առնելով, կմեղմի գողությունների աճը:

Իրավականին զուգահեռ, կուզեի հաշվի առնվեր սոցիալական անընհատ խորացող վիհը: Սոված, անհույս, պարտքերի մեջ խրված մարդը, ով հույս չունի պետությունից, ի՞նչ պիտի անի:

Միասին մտածենք:

Կամ պիտի  Կիևյանից գցվի, անընդհատ դրա ականատեսն ենք, երբ անգամ նախարար մարդը կախվածին խնդրում է, որ այդտեղից իջնի, ինքը պարտքերը կփակի:

Կամ երկրից փախչի, ինչպես հազարավորներն են արել:

Կամ «մանրից մաղվելով», ընտանիքին էլ հետը կործանի:

Կամ էլ պիտի աչքը գցի ունեցողի ինչքի վրա: Սա հոգեբանական այնպիսի լուրջ գործոն է, ինչպես ասենք «մոստից գցվելը»: Մարդը իրեն ոչ պակաս վտանգի է ենթարկում, քան «մոստից գցվելը»:

Չհասկանաք այնպես, որ ես հանցագործությունը պաշտպանում եմ, բայց մի՞թե ավելի կարևոր չէ սոցիալ- հոգեբանական դրդապատճառներն իմանալն ու պատճառի վրա աշխատելը:

Մանավանդ որ անընդհատ խորանում է քչքչացող աղբյուրի մոտ կապած ծարավների թիվը: Հիմա դատենք: Աղբյուրի ակնի մոտ մի փոքր խումբ նստել ու թույլ չի տալիս, որ ծարավից տոչորվող մարդիկ մոտենան ջրին, որ գոնե պռոշները չչորանան: Որովհետև այդ ջուրն իրենցն է, սեփականացրել են:

Մոտեցողին բռնում, նստեցնում ու հանցագործ են ասում, չմոտեցողին, որ ծարավից նվաղում ու մեռնում է, պարկեշտ մարդ են համարում: «Կիևյանից գցվողին» էլ գիտեք ինչ են ասում: Ուրիշ երկրում աղբյուր փնտրողին էլ ծափահարում են:

Սոցիալական վիհը այնքան է խորացել, որ էլ տեղ չկա: Այս վիհն է պետք հաղթահարել, թե չէ գողին մի քանի տարի բանտում փակելով, «արմատը չի վերանա»:

ՀԳ Ավազակային մեծ կողոպուտը ծարավից չմեռնող մարդու գործ լինել չի կարող, ավելի մեծ ավազակի՜ փնտրեք… Խոսքս կոնկրետ այս գործի մասին է:

Հասմիկ Բաբաջանյան

Նյութի աղբյուրը ` hraparak.am

Հիսուս ասում է.

-Մի՛ վախեցեք նրանցից, ովքեր մարմինն են սպանում, բայց հոգին սպանել չեն կարող: Դուք վախեցե՛ք մանավանդ նրանից, ով կարող է թե՛ հոգին սպանել և թե՛ մարմինը կորստյան մատնել դժոխքում: Մի՞թե հինգ դահեկան չարժե երկու ճնճղուկը, և սակայն նրանցից մեկն իսկ գետին չի ընկնում առանց ձեր Հոր գիտության: Իսկ ինչ վերաբերում է ձեզ, ձեր գլխի ամեն մի մազն անգամ հաշվված է: Ուստի մի՛ վախեցեք, որովհետև դուք բոլոր ճնճղուկներից ավելի արժեք ունեք:

Բրիտանացի գիտնականները հերթական սենսացիոն բացահայտման մասին են հայտարարել: Նրանք պնդում են, որ հասակի վրա ազդող գեների և մտավոր կարողությունների միջև գոյություն ունի սերտ կապ:

Բարձրահասակ մարդիկ ունեն ավելի մեծ ժառանգական նախատրամադրվածություն դառնալու ավելի բարձր IQ-ի տեր, քան ցածրահասակները: Էդինբուրգի գիտնականները գրեթե 5 տարի շարունակ ուսումնասիրել են 7.000 մարդու, ովքեր չունեին բարեկամական կապեր:

 

Կույր պայծառատես Վանգան դեռ 20 տարի առաջ կանխատեսել է «Իսլամական պետություն» ահաբեկչական խմբավորման վերելքը, գրում է գերմանական Focus հանդեսը:

««Բուլղարացի Նոստրադամուսի» խոսքերով աշխարհում տեղի կունենա «Իսլամական մեծ պատերազմը», իսկ 2016թ.-ը ճակատագրական կդառնա Եվրոպայի համար:  «Հսկայական տարածքներ կվերածվեն ամայի վայրերի, ավերակների, իսկ Եվրոպան կդադարի գոյություն ունենալ ներկայիս տեսքով`թշնամիների կողմից քիմիական զենք կիրառելուց հետո»,- Վանգայի խոսքերն է մեջբերում լրագրողը:

«Վերջին հաշվով, այդ ամենը կավարտվի մինչեւ 2043թ.-ն «Իսլամական խալիֆայության» ստեղծմամբ`Հռոմ կենտրոնով»,-կանխատեսել է պայծառատեսը:

«Որպես այդ վարկածի պնդում «Իսլամական պետությունը» տարածել է քարոզչական տեսանյութ, որտեղ պատկերված է, թե ինչպես են ահաբեկիչներն ուղղություն վերցնում դեպի հռոմեական Կոլիզեյ:  Այնուամենայնիվ, Վանգայի կանխատեսմամբ, մինչեւ 2066թ.-ն Արեւմուտքը պատասխան հարված կհասցնի. ԱՄՆ-ի կողմից իսլամիստների դեմ նոր զինատեսակ կկիրառվի»,-գրում է հոդվածագիրը:

«Չնայած նրան, որ շատերը վստահելի չեն համարում Վանգայի գուշակությունները, նրա կանխատեսումների ճշգրտությունը կազմում է շուրջ 85%, ինչը զգալիորեն բարձր է, քան շատ այլ պայծառատեսների մոտ»,-եզրափակում է գերմանական պարբերականը:

Երբ տուն մտան, Հիսուս հարցրեց աշակերտներին.

-Ինչի՞ մասին էիք վիճում ճանապարհին:
Նրանք լուռ մնացին, որովհետև ճանապարհին իրար հետ վիճում էին, թե ո՛վ է մեծը: Երբ նստեց, կանչեց տասներկու աշակերտներին և ասաց նրանց.
-Եթե մեկն ուզում է առաջինը լինել, թող բոլորի վերջինը լինի և բոլորի սպասավորը:
Ապա վերցրեց մի փոքրիկ երեխայի, կանգնեցրեց նրանց մեջտեղը և նրան գիրկն առնելով՝ ասաց.
-Ով որ այսպիսի մի երեխա ընդունի իմ անունով, ի՛նձ ընդունած կլինի, և ով որ ինձ ընդունի, ընդունած կլինի ոչ թե ինձ, այլ ինձ ուղարկողին:
(Մարկոսի ավետարան 9:33-37)