Հունիսի 6-ին Մոսկվայի Պրեսնենսկի դատարանը 3 տարվա ազատազրկման է դատապարտել Վիկտոր Բատուրինին` Մոսկվայի նախկին քաղաքապետ Յուրի Լուժկովի աներորդուն` անշարժ գույքի մեքենայությունների մեղադրանքով:

Գործի հարուցման հիմք է հանդիսացել 2008թ. հունիսի սկզբին Բատուրինը իր ծանոթ Իգոր Վաշուրկինին 211 քառ.մետր տարածք է վաճառել 23 միլիոն ռուբլով, սակայն հրաժարվել է հանձնել տարածքը եւ մեկ ուրիշի հետ պայմանագիր է կնքել 1,5 մլն դոլարով: Արդյունքում, ըստ դատախազության, նա 35 միլիոն ռուբլու ապօրինի եկամուտ է ստացել:

Օրերս Գեմանիայում թունավորման դեպքեր էր գրանցվել: Տուժածներից 2000-ը դիմել էր բուժօգնություն ստանալու, իսկ 22-ը մահացել: Գերմանացի բժիշկները, պարզել են, որ մահացու վտանգ ներկայացնող աղիքային վարակի պատճառը ոչ թե վարունգներն էին, այլ ծլած սոյան:

Այդ են վկայում վերջին օրերին կատարված ուսումնասիրության նախնական արդյունքները: Գերմանիայի կառավարության ներկայացուցչն ասել է, որ մանրամասները կհաղորդվեն ավելի ուշ կայանալիք մամլո ասուլիսում:

Վարակի աղբյուրի հայտնաբերումը հնարավոր է դարձել հանգամանքների մանրազնին ուսումնասիրության շնորհիվ:  Ենթադրվում է, որ սոյան օգտագործվել  որպես հավելում աղցանների համար:

Հ.Գ.Նշենք, որ սոյան կենդանի վերափոխված, կամ մոդիֆիկացված օրգանիզմ պարունակող այն սննդամթերքի շարքին է դասվում, որոնք չափազանց վտանգավոր են, եթե ոչ մարդու կյանքի, ապա գոնե առողջության համար: Ի դեպ վարունգների մեջ ևս կա ԿՎՕ պարունակող տեսակ: Իսկ սոյան մեր երկրում կոնկրետ երշիկի արտադրության մեջ օգտագործվում է առանց վերահսկողության:

Թբիլիսիում ցուցադրվել է «Օգոստոսի 5 օրերը» հոլիվուդյան ֆիլմը, որը 2008 թ. ռուս-վրացական պատերազմի մասին է։

Ամերիկացի հայտնի դերասան Էնդի Գարսիան մարմնավորել է Վրաստանի նախագահ Միխեիլ Սահակաշվիլիին։ Ֆիլմի վրացերեն տարբերակում Սահակաշվիլին անձամբ է հնչյունավորել իրեն:

Ֆիլմի պրեմիերային նախորդած ասուլիսին ֆիլմի ռեժիսոր Ռենի Հառլենը հայտարարել է, որ կինոնկարը չի կարելի հակառուսական կամ հակավրացական համարել:

Թբիլիսիում կայացած ֆիլմի պրեմիերային ներկա է եղել նաև հոլիվուդյան հայտնի դերասանուհի Շերոն Սթոունը։

Ֆիլմի պրեմիերայի դեմ բողոքել են վրացի ընդդիմադիրները: Նրանցից ոմանք բերման են ենթարկվել խորհրդարանի շենքի մոտից՝ բողոքի ակցիային «Օգոստոսյան օրերը Սահակաշվիլիի համար տոն են, իսկ Վրաստանի համար՝ ողբերգություն» գրությամբ պաստառներով ներկայանալու համար։

МУЗ-ТВ-2011 ամենամյա ազգային մրցանակաբաշխության լավագույն կատարողներ ճանաչվել  ռուսական էստրադայի երգիչներ Դիմա Բիլանն ու Վերա Բրեժնևան:

Մրցանակաբաշխությունը տեղի է ունեցել երեկ Մոսկվայի «Օլիմպիյսկի» մարզահամալիրում:

«Լավագույն կատարող» անվանակարգում Դիմա Բիլանը հաղթող է ճանաչվել`շրջանցելով Վալերի Մելաձեին, Գրիգորի Լեպսին, Ստաս Միխայլովին, ինչպես նաևՍերգեյ Լազարևին:

«Լավագույն երգչուհի» ճանաչված Վերան Բրեժնևան հաղթող է ճանաչվել երգչուհիներ Անի Լորակի, Ելենա Վաենգայի, Նյուշայի ու Յոլկայի հետ պայքարում:

« Պետք է ասեմ, որ ես մեծ ու ծանր աշխատանք եմ կատարել և անչափ երջանիկ եմ: Չէ˚ որ ես աշխատել եմ հանդիսատեսի սերը նվաճելու համար, որն ստացա քվեարկության արդյունքում: »,- ասել է երգչուհին:

«Լավագույն երգ» է ճանաչվել երգչուհի Սլավայի «Միայնություն» երգը, «Լավագույն ալբոմ»` Սերգեյ Լազարևի Electric Touch-ը: «Լավագույն վիդեո» է ճանաչվել Թիմոթիի ու P. Diddy-Dirty Money-ի I’m On You տեսահոլովակը, «Լավագույն փոփ խումբ»` A’studio-ն: «Լավագույն ռոք խումբ» է ճանաչվել «Մումի Տրոլը»:

«Լավագույն դուետ» անվանակարգում հաղթել է Ֆիլիպ Կիրկորով-Աննա Նետրեբկո զույգը La Voix երգով: «Տարվա հայտնությունն» այս անգամ Արթուր Պիրոժկովն էր:

Մրցանակաբաշխությունը վարել են հեռուստահաղորդավարուհի Քսենիյա Սոբչակն ու դերասան Իվան Օխլոբիստինը:

Պերույում Նախագահական ընտրությունների նախօրեին` որոնք տեղի կունենան հունիսի 5-ին, ուրբաթ 00.00-ից մինչև երկուշաբթի 12.00 ուժի մեջ է մտնում ալկոհոլի օգտագործման արգելքի՝ «չոր օրենքը», հայտնում է РИА Новости-ն:

Ընտրությունների մասին 390 հոդվածի համաձայն, ալկոհոլային խմիչքների վաճառքը արգելված է բարերում, ռեստորաններում, սրճարաններում, խանութներում և կրպակներում:
Օրենքը խախտող ձեռնարկատերերը կտուգանվեն 1,8 հազար պերուական սոլիով ( մոտ 640 դոլար):

Օրենքի կիրառմանը հետևելու են մոտ 10 հազար մարդ: Պերուական իշխանությունները կոչ են անում քաղաքացիներին հետևողական լինել, որպեսզի ընտրության օրը ապահովվի հասարակական կարգը:

Հունիսի 5-ին՝ կիրակի, կանցկացվի նախագահական ընտրությունների երկրորդ փուլը:
Երկրորդ փուլին կմասնակցեն Ազգայնական կուսակցության առաջնորդ Օլյանտա Ումալան, ով գլխավորում է “Gana Pery” «Հաղթում է Պերուն» ձախ բլոկը և 36 տարեկան Կեյկու Ֆուխիմորին, որը ներկայացնում է երկրի աջ ուժերը նախընրտրական “Fuerza 2011 «Ուժ 2011» բլոկում:
Համաձայն հասարակական վերջին հարցումների, թեկնածուներին տրված ձայների տարբերությունը մինիմալ է: Կեյկո Ֆուհիմորիի համար պատրաստ են իրենց ձայները տալ բնակչության 50,3%-ը, իսկ Ումալուին՝ 49,7%-ը:

Այսօր ԱՄՆ Միչիգան նահանգի Դեթրոյթ քաղաքի արվարձաններից մեկի William Beaumont հիվանդանոցում մահացել է «Դոկտոր Մահ» անվամբ հայտնի նախկին բժիշկ Ջեք Գևորգյանը։ Որտեղ տևական ժամանակ է բուժվում էր:

«Հայկական Վարկած»-ն արդեն տեղեկացրել է, որ Գևորգյանը 8 տարի անցկացրեց ամերիկյան կալանավայրում, քանի որ էֆթանազիայի երդվյալ կողմնակից է և 130 հիվանդի օգնել է հեռանալ կյանքից: Ինքնասպանների մարմինները Գևորգյանը թողնում էր հյուրանոցներում, հիվանդանոցների ընդունարաններում կամ դիահերձարաններում:

Գևորգյանի դեմ հնարավոր դարձավ մեղադրանք ներկայացենլ միայն 1999-ին, երբ իրավապահներին հաջողվեց ձեռք բերել 52-ամյա Թոմաս Յորքի ինքնասպանության տեսագրությունը: Այդ բացահայտումից հետո Ջեք Գևորգյանը դատապարտվեց 8 տարվա ազատազրկման:

Բժիշկների տվյալներով՝ Գևորգյանի մահվան պատճառը եղել է թոքային անոթների թրոմբոզը։ Մայիսի կեսին 83-ամյա «Դոկտոր Մահը» հոսպիտալացվել էր երիկամների բորբոքմամբ։

2010-ին էկրան բարձրացավ «Դուք չգիտեք Ջեքին» ֆիլմը, որում Գևորգյանին կերպավորել էր հոլիվուդյան գերաստղ Ալ Պաչինոն:

160 տարվա ընթացքում առաջին անգամ The New York Times թերթի գլխավոր խմբագիրը կին է լինելու: Այս պաշտոնը կզբաղեցնի Ջիլ Աբրամսոնը՝ փոխարինելով Բիլ Քելերին:

2003 թվականից Աբրամսոնը եղել է Քելերի գլխավոր տեղակալներից մեկը։ Այս քայլն ուղեկցվել է ևս մեկ կադրային փոփոխությամբ։ Վաշինգտոնյան բյուրոյի և Los Angeles Times-ի նախկին խմբագիր Դին Բեքը կդառնա լուրերի գլխավոր խմբագիր։ Նոր նշանակումներն ուժի մեջ կմտնեն այս տարվա սեպտեմբերի 6-ից։

Քելերի խմբագիր աշխատելու տարիներին պարբերականը շահել է 18 Պուլիցերյան մրցանակ և իր ինտերնետային լսարանն ընդլայնել մինչև 50 մլն մարդ՝ ամբողջ աշխարհում։

«Ալ Քաիդա»-ի սուրհանդակը, ում հետևելու միջոցով հաջողվեց հայտնաբերել Ուսամա բեն Լադենի թաքստոցը, Իբրահիմ Սայիդ Ահմեդն էր, հայտնում է Associated Press-ը:

Ահմեդը ծնունդով Պակիստանի Սվաթ հովտի Մարթունգ գյուղից է, որը երկար ժամանակ թալիբների պատվարն էր:

Ավելի վաղ Իբրահիմ Սայիդ Ահմեդը հայտնի էր Աբու Ահմեդ ալ Քուվեյթի կեղծանունով: Իր եղբոր հետ՝ բեն Լադենի համար նա սկսել է աշխատել Քուվեյթից Սվաթ հովիտ վերադառնալուց հետո, որտեղ ինչ-որ ժամանակ տեղափոխվել են նրանց ծնողները:

Սվաթ հովիտը գտնվում է պակիստանյան Աբոթաբադ քաղաքից հյուսիս, որտեղ բեն Լադենը թաքնվում էր հինգ տարի շարունակ: Որ Ահմեդին հետևելով հնարավոր էր հայտնաբերել բեն Լադենին, ԿՀՎ-ն հասկացավ «Ալ Քաիդա»-ի բարձրաստիճան ներկայացուցչին՝ ձերբակալված Հասան Ղուլին հարցաքննելուց հետո:

Ահմեդը 2001 թվականի սեպտեմբերի 11-ի ենթադրյալ կազմակերպչի՝ Խալիդ Շեյխ Մուհամեդի ու լիբիացի Աբու Ֆարահի՝ «Ալ Քաիդա»-ի ղեկավար կազմի երրորդ դեմքի մերձավորներից էր: Բայց Մուհամեդն ու Աբու Ֆարահը, որոնց նույնպես հաջողվեց ձերբակալել, Ահմեդի մասին ողջ տեղեկատվությունը չեն հայտնել:

Սուրհանդակին հնարավոր եղավ ձերբակալել 2010-ի օգոստոսին՝ հեռախոսազանգի բացահայտման ու խափանման շնորհիվ: Հետևելով Ահմեդին՝ ամերիկացիները հայտնաբերեցին Աբոթաբադում բեն Լադենի առանձնատունը: Անսպասելի հարձակման հետևանքով 2011-ի մայիսի 2-ին «Ալ Քաիդա»-ի առաջնորդը սպանվեց: Ամերիկացիները գնդակահարեցին նաև բեն Լադենի որդիներից մեկին: Սպանվեցին Ահմեդը, նրա եղբայր Աբրարը, ինչպես նաև մի կին, որը, ըստ ԶԼՄ-ների, հենց այդ նույն Ահմեդի կինն էր:

Բելգիական մանկապիղծ վարդապետների զոհերի խումբը հայց է ներկայացրել Հռոմի կաթոլիկ եկեղեցու առաջնորդների դեմ:

Անցած մի քանի տարիների ընթացքում Բելգիայի ոստիկանությունում գրանցվել էր հոգևորականների կողմից բռնության մոտ 500 դեպք :

Դատական լսումների օրացույցը կհաստատվի սեպտեմբերին, քանի որ դեռ պետք է կատարվեն անհրաժեշտ նախապատրաստական ​​աշխատանքներ, մասնավորապես՝ Վատիկանի դեմ մեղադրանքները պետք է թարգմանվեն իտալերեն:

«Վատիկանը պետք է պատասխան տա բազմաթիվ զոհերին հասցրած  վնասի համար, քանի որ եկեղեցին տեղյակ էր այդ ամենի մասին, սակայն չի միջամտել:  Ավելին, Հռոմի Պապը հրահանգել էր այդ փաստերը գաղտնի պահել»,- հայտարարել է զոհերի իրավապաշտպանը:

Բելգիական կաթոլիկ եկեղեցու գրկում մանկապղծության դեպքերի հետ կապված սկանդալը բռնկվեց անցյալ տարվա ապրիլին: Հիմնական մեղադրյալը՝  Ռոջե Վանգելյուվը, խոստովանեց, որ երկու անչափահաս քեռորդիների հանդեպ «անպարկեշտ գործողություններ» է արել և հրաժարական տվեց:  Դրանից հետո, բազմաթիվ զոհերի մեղադրանքների ալիքը հեղեղեց Բելգիայի կաթոլիկ եկեղեցին:

Չինացի հաքերներին հաջողվել է ապօրինաբար Gmail ծառայության հարյուրավոր հասցեներ ստանալ, հայտնել է Google ընկերությունը:

Փոստային հասցեների գաղտնագրերը գողանալու համար չարագործները օգտագործել են այսպես կոչված ֆիշինգ (տեղեկատվության գողություն` կեղծ կայքերի ստեղծման միջոցով): Չինական Ցզինան քաղաքից իրականացված կիբերհարձակման նպատակն էր հասնել նամակագրության եւ հետեւել նամակների ընթացքին:

Տուժածների թվում են բարձրաստիճան ամերիկացի պետծառայողներ, զինծառայողներ, լրագրողներ, նաեւ չինացի իրավաապաշտպաններ Ասիայի մի քանի երկրների կառավարությունների աշխատակիցներ: