Ղազախստանում բողոքի ակցիաների օրերին չորս ղազախ միլիարդատեր, ներառյալ նախկին նախագահի դուստրն ու փեսան, «աղքատացել» են ընդհանուր 3 միլիարդ դոլարով: Այս մասին հայտնում է Forbes ամսագիրը։

Երկու խոշոր բանկերի՝ Kaspi – ի եւ JSC Halyk Bank-ի բաժնետոմսերի արժեքներն ընկել են, երբ ցուցարարները հրկիզել են հասարակական շենքերը եւ տապալել արձանները: Հունվարի 5-ին Բենժամին Գոդվինի, Կենտրոնական Ասիայի հարցերով փորձագետ եւ բրիտանական PRISM Political Risk Management ընկերության վերլուծական բաժնի ղեկավար Բենժամին Գոդվինի հրապարակած զեկույցի համաձայն՝ Նազարբաեւների ընտանիքը Ղազախստանից Մոսկվա է մեկնել հինգ մասնավոր ինքնաթիռով:

Միլիարդատեր Վյաչեսլավ Կիմը, որը Kaspi Bank-ի խոշորագույն բաժնետերն ու նախագահն է, 1,4 միլիարդ դոլար է կորցրել, քանի որ Kaspi-ի արժեթղթերի արժեքը հունվարի 4-ին 118 դոլարից իջել է 30 տոկոսով՝ հունվարի 6-ին հասնելով 87 դոլարի: Սրա հետևանքով Կիմի գնահատված կարողությունը 5,7 միլիարդ դոլարից հասել է 4,2 միլիարդ դոլարի:

Ազգությամբ Միխայիլ Լոմթաձեն՝ Kaspi Bank-ի գործադիր տնօրենը, կորեցրել է գրեթե 1,4 միլիարդ դոլար: Նրա գնահատված մաքուր կարողությունը 5,2 միլիարդ դոլարից ընկել է 3,8 միլիարդ դոլարի՝ երկրում անորոշության երկու գիշերվա ընթացքում:

Նազարբաևի դուստրը՝ Դինարա Կուլիբաևան, և նրա ամուսինը՝ Թիմուր Կուլիբաևը, ընդհանուր առմամբ կորցրել են 200 միլիոն դոլար, քանի որ JSC Halyk Bank-ի իրենց բաժնետոմսերի արժեքը նվազել է 16%-ով։

Ղազախստանում Ռուսաստանի դեսպան Ալեքսեյ Բորոդավկինը ՏԱՍՍ-ին տված բացառիկ հարցազրույցում խոսել է հանրապետությունում տիրող իրավիճակի, տեղի ունեցողի պատճառների, ինչպես նաև ՀԱՊԿ ուժերի արձագանքի մասին։

Դիվանագետի խոսքով՝ դավադիրներն ի վերջո չեն կարողացան իրագործել ծրագիրը և «տապալել» Ղազախստանը, քանի որ առանցքային դեր են խաղացել Ղազախստանի նախագահ Տոկաևի վճռական գործողությունները: Ըստ Բորոդավկինի՝ նախագահն առանց հապաղելու ստանձնել է երկրում կատարվողի ամբողջ պատասխանատվությունը։

«Արդյունավետ, թեև որոշակի ուշացումով, դավադիրներին և ահաբեկիչներին սկսեցին հետ մղել ուժայինները։ Վերջապես ՀԱՊԿ-ն օգնությունը հասավ ժամանակին։ Խաղաղապահ ուժերի զորակազմի տեղակայման համատեքստում ուզում եմ հատկապես նշել, որ ՀԱՊԿ անդամ երկրների ղեկավարները և մեր կազմակերպությունը դրսևորել են բացառիկ համախմբվածություն։ Չի կարող հպարտություն չառաջացնել այն օպերատիվությունը և արդյունավետությունը, որով ՀԱՊԿ-ը ձեռնամուխ է եղել Ղազախստանում սահմանադրական կարգը վերականգնելու համար հանրապետության քաղաքական ղեկավարության կողմից առաջադրված գործնական խնդիրների լուծմանը։ Նախագահ Տոկաևի՝ ՀԱՊԿ-ին ուղղված ուղերձի և Նուր Սուլթանում և Ալմաթիում խաղաղապահների առաջին ինքնաթիռների վայրէջքի ընթացքում մի քանի ժամ է անցել։

Եվս մեկ անգամ շեշտեմ՝ մեր թշնամիները չպետք է փորձեն ճակատագիրը։ Ռուսաստանը հիմա իննսունականների Ռուսաստանը չէ։ Նրանք, ովքեր կփորձեն կծել մեզ և մեր ընկերներին, կմնան առանց ատամների»,-ասել է դիվանագետը:

Ղազախական «Հաբար» հեռուստաալիքի թոք-շոուներից մեկի ժամանակ երկրի ներդրումների գծով նախկին փոխնախարար, «Թալափ» կիրառական հետազոտությունների կենտրոնի տնօրեն և Ղազախստանի նախագահին առընթեր հանրային վստահության ազգային խորհրդի անդամ Ռահիմ Օշակբաևը հայտնել է, որ հիվանդանոցներում շատ են օտարերկրյա քաղաքացիները, որոնք արաբերեն են խոսում: Այս մասին հայտնում են «Սպուտնիկ Ղազախստանը» 

Նախօրեին տեղեկություններ էին տարածվում, թե Ղազախստանում անկարգություններին մասնակցում են նաև սիրիացի վարձկաններ և, որ Թուրքիան ու Ադրբեջանը ներգրավված են գործընթացներում։ Նրանք Ղազախստան են ուղարկել սիրիացի գրոհայիններ, որոնք դեռևս նախորդ տարի մասնակցել են արցախյան 44-օրյա պատերազմին։

Հիշեցնենք, որ արաբ վարձկաններ ներգրավված են եղել նաեւ Արցախի դեմ պատերազմում՝ 2020 թվականին, որոնք Ադրբեջան էին տեղափոխվել Թուրքիայի ակտիվ ներգրավմամբ ու ադրբեջանցիների կողմից ներգրավվել Արցախի դեմ մարտական գործողություններում։

Կազմակերպված հանցավոր խմբի 6 անդամներ, այդ թվում «քրեական հեղինակություն» Դիկի Արմանը ձերբակալվել են հատուկ օպերացիայի ժամանակ, հաղորդում է Sputnik Ղազախստանը։ 

«Հանցագործներից առգրավվել է տարբեր տեսակի եւ տրամաչափի 4 կիսաավտոմատ հրացան, զրահահամալիր, սառը զենք եւ զրահապատ մեքենա»,-հայտնել են ԶԼՄ-ները։

Ղազախստանի ողջ տարածքում ձերբակալվել է 3811 մարդ, հաղորդում է Atameken Business-ը՝ հղում անելով ՆԳՆ-ին։

26-ը լիկվիդացվել է, 26 մարդ վիրավոր է, ասվում է հաղորդագրության մեջ։

Նշենք, որ Ղազախստանի իշխանությունները «ահաբեկիչների» հայտնվելու մասին սկսեցին խոսել միայն այն բանից հետո, երբ կորցրին երկրում իրավիճակի վերահսկողությունը։ «Նուր Օթան» («Հայրենիքի լույսը») կառավարող կուսակցությունը մինչեւ հիմա ի վիճակի չգտնվեց անգամ հանդես գալու հայտարարությամբ, չգումարվեց նաեւ Ղազախստանի խորհրդարանը։ Արեւմտյան ԶԼՄ-ները, քաղաքացիական հատվածի եւ ընդդիմության ներկայացուցիչները նախօրեին հայտարարել էին, որ զինվորականները կրակ են բացել գերազանցապես անզեն երիտասարդների ուղղությամբ։ 

Մեծ Բրիտանիան եւ դրա դաշնակիցները պատրաստվում են պատժամիջոցներ կիրառել Ռուսաստանի ֆինանսական հատվածի նկատմամբ Ուկրաինա Ռուսաստանի կողմից իբր հնարավոր ներխուժման դեպքում: Այս մասին հինգշաբթի հայտարարել է թագավորության արտաքին գործերի նախարարության ղեկավար Լիզ Թրասը՝ ելույթ ունենալով բրիտանական խորհրդարանի Համայնքների պալատում, փոխանցում է ՏԱՍՍ-ը։

«Մենք հստակ հասկացրել ենք, որ ցանկացած հետագա ռազմական ներխուժում Ուկրաինայի տարածք լայնածավալ հետեւանքներ կունենա, այդ թվում` պատժամիջոցների համակարգված կիրառում, ինչը լրջորեն կազդի Ռուսաստանի շահերի եւ երկրի տնտեսության վրա,- ասել է նա։- Միացյալ Թագավորությունն իր դաշնակիցների հետ աշխատում է այդ պատժամիջոցների ուղղությամբ, այդ թվում` բարձր արդյունավետ միջոցների ռուսական ֆինանսական հատվածի եւ անհատների դեմ: Մենք նաեւ Ուկրաինային անհրաժեշտ աջակցություն ենք տրամադրում տնտեսության եւ անվտանգության ոլորտներում»։

Հաշվի առնելով ռուս-ուկրաինական սահմանին տիրող իրավիճակը՝ Տրասը կոչ է արել Մոսկվային կատարել միջազգային պարտավորությունները եւ Մինսկի համաձայնագրերի պայմանները։

Ղազախստանի նախագահ Կասըմ-Ժոմարտ Տոկաևը ժողովրդին ուղղված իր ուղերձում ասել է, որ ինքը գլխավորելու է հանրապետության Անվտանգության խորհուրդը։ Նախկինում այս պաշտոնը զբաղեցնում էր նախկին նախագահ Նուրսուլթան Նազարբաևը։

Տոկաևի խոսքով՝ զանգվածային բողոքի ակցիաների ֆոնին ձեռնարկված միջոցները բավարար չեն։ Նախագահը կարծում է, որ անկարգությունների հետևում կանգնած են «ֆինանսական մոտիվացիայով դավադիրներ», որոնք ունեն «մանրամասն մտածված ծրագիր»։

«Ուստի, որպես պետության ղեկավար և այսօրվանից Անվտանգության խորհրդի նախագահ մտադիր եմ գործել հնարավորինս կոշտ»,- ասել է Տոկաևը։

Նա նաև հերքել է իր փախուստի մասին լուրերը: «Ինչ էլ լինի, ես մայրաքաղաքում եմ լինելու. Շուտով ես հանդես կգամ Ղազախստանի քաղաքական վերափոխման նոր առաջարկներով։ Ես մնում եմ հետևողական բարեփոխումների նույն դիրքորոշմանը»,- ասել է նախագահը։

Նազարբաևը Անվտանգության խորհուրդը գլխավորել է 2019 թվականին՝ նախագահի պաշտոնը թողնելուց հետո։

Միացյալ Նահանգները և ՆԱՏՕ — ի անդամ մյուս երկրները մտադիր չեն ռազմական դիմակայության մեջ մտնել Ուկրաինայի կողմից։ Այս մասին ՏԱՍՍ-ին կարծիք է հայտնել միջազգային հարցերով ռուսական խորհրդի ղեկավար Անդրեյ Կորտունովը։

«Ռուսական կողմի հաշվարկն այն է, որ արեւմտյան գործընկերներին համոզի ազդանշան ուղարկել Կիեւին, որ եթե Կիեւը փորձի Դոնբասի իրադրությունը լուծել ուժային ճանապարհով, ապա նրան սպասում է 2008 թվականի Սահակաշվիլիի ճակատագիրը, երբ նա նույնպես փորձում էր ուժ կիրառել», — ասել է նա: «Ակնհայտ է, որ Ռուսաստանի նախագահ Վլադիմիր Պուտինը սպասում է ԱՄՆ նախագահ Ջո Բայդենին, որ նա Ուկրաինայի նախագահ Վլադիմիր Զելենսկու հետ շփումներում Ուկրաինայի ղեկավարությանը կհասկացնի, որ Արեւմուտքի կողմից այդ դեպքում աջակցություն չի լինի»:

Կորտունովի խոսքով՝ նման ազդանշանները կարող են զսպող գործոն դառնալ այն քաղաքական գործիչների եւ զինվորականների համար, որոնք հանդես են գալիս Դոնբասի ուժային լուծման օգտին:

Արցախի Հանրապետության  Բերձորի շրջանի օկուպացված գյուղերից մեկում ձերբակալվել է ադրբեջանցի սահմանապահը, որը հունվարի 2-ին սպանել էր երեք ծառայակցի։ «Գազետա ռու»-ի փոխանցմամբ՝ այդ մասին Telegram-ալիքում հայտնել է Ադրբեջանի գլխավոր դատախազությունը։

Նշվում է, որ սերժանտ Էլհան Էվեզլին հանցագործություն կատարելուց հետո, որի պատճառները դեռ պարզված չեն, նետել էր զենքն ու դիմել փախուստի։ Սպանվել էին ավագ լեյտենանտ Յուսիֆ Իսմաիլովը, կրտսեր ենթասպաներ  Ամիլ Ջալիլզադեն և Ռաֆաիլ Իբրահիմովը։

Կասկածյալը հունվարի 3-ին, ժամը 00.30-ի սահմաններում, հայտնաբերվել և բերման է ենթարկվել Արցախի Հանրապետության բերձորի շրջանի Ադրբեջանի կողմից օկուպացված տարածքի գյուղերից մեկից։

«Գլխավոր դատախազությունը քրեական գործը վերցրել է հատուկ հսկողության տակ և հետաքննությունը շարունակելու հանձնարարական է տվել զինդատախազության քննչական վարչությանը»,-ասվում է հաղորդագրությունում։

Անկարայի գլխավոր դատախազությունը մտադիր է հետաքննություն սկսել քրդամետ Ժողովուրդների դեմոկրատական կուսակցության (Halkların Demokratik Partisi / HDP) այն ղեկավարների դեմ, ովքեր ապրիլքսանչորսյան հայտարարության ժամանակ օգտագործել են Հայոց ցեղասպանություն հայտարարությունը։ Դատախազությունն արձանագրություն է պատրաստել այդ հետաքննությունը Թուրքիայի Հանրապետության քրեական օրենսգրքի 301-րդ հոդվածի համաձայն իրականացնելու նպատակով։

Այդ մասին, Akunq.net-ի փոխանցմամբ, հաղորդում է Կ․Պոլսում 2 լեզուներով հրատարակվող «Ակօս» շաբաթաթերթի կայքէջը։

Թուրքական լրատվամիջոցները վկայակոչած աղբյուրի համաձայն՝ դատախազության ներկայացրած արձանագրության մեջ սույն հետաքննությունն անցկացնելու համար թույլտվություն է հայցվում Թուրքիայի արդարադատության նախարար Աբդյուլհամիդ Գյուլից։

Արձանագրության մեջ նաև հղում է արվում ՄԱԿ-ի Գլխավոր ասամբլեայի կողմից 1948 թ․ ընդունված «Ցեղասպանություն հանցագործությունը կանխելու և դրա համար պատժի մասին» կոնվենցիային և նշվում, թե այն «չի կարող հետադարձ ուժ ունենալ, և որ «ցեղասպանություն» արտահայտությունը չի կարելի այդ տարեթվից առաջ կատարված ցավալի դեպքերի վերաբերյալ օգտագործել»։

10 էջից բաղկացած արձանագրության ուղիղ 9 էջը լեցուն է Մարդու իրավունքների եվրոպական դատարանի (ՄԻԵԴ) սահմանած մարդու իրավունքներին վերաբերող մեկնաբանություններով։ Արձանագրության մեջ նաև շեշտվում է, թե Ժողովուրդների դեմոկրատական կուսակցության Կենտրոնական գործադիր խորհրդի ապրիլքսանչորսյան հայտարարությունը պարունակում է «թուրքական ազգին, Թուրքիայի Հանրապետությանը պատմության համատեքստում կասկածի տակ դնող արտահայտություններ», և որ «աներևակայելի է, թե որևէ անձ, լինելով Թուրքիայի Հանրապետության պատգամավոր, կարող է այնպիսի աշխատանքներ կատարել կամ խոսքերով ու արտահայտություններով հանդես գալ, որոնք հակառակ են այն ժողովրդի շահերին, որի ներկայացուցիչն է հանդիսանում։ Այդ առումով ակնհայտ է, որ տվյալ հայտարարության մեջ նշված արտահայտությունները դեմ են թուրք ժողովրդի ազգային շահերին»։

Այսպիսով, Թուրքիայի արդարադատության նախարարի թույլտվությունը ստացվելու դեպքում Ժողովուրդների դեմոկրատական կուսակցության 26 անդամի դեմ հետաքննություն կսկսի՝ «թուրք ազգին և Թուրքիայի Հանրապետությունը հրապարակավ ստորացնելու» հիմքով։

Թարգմանեց Մելինե Անումյանը

Akunq.net

Հունվարի 1-ից օտարերկրյա քաղաքացիներին կարող են արտաքսել Ռուսաստանից՝ ապօրինի աշխատանքային գործունեության համար, իսկ գործատուներն այդպիսի աշխատողներ վարձելու համար կարող է տուգանվել մինչեւ 800 հազար ռուբլի յուրաքանչյուր անձի համար։ Այս մասին երեքշաբթի ՏԱՍՍ-ին հայտնել են ՌԴ ՆԳՆ մամուլի կենտրոնում։

«Հունվարի 1-ից ապօրինի աշխատանքի համար, տուգանքներից (մինչեւ հինգ հազար ռուբլի) բացի, օտարերկրացիների նկատմամբ կարող են միջոցներ ձեռնարկվել Ռուսաստանից արտաքսման եւ վերադարձի մուտքի արգելքի հետ կապված։ Օտարերկրյա քաղաքացիներին աշխատանքի ապօրինի ներգրավման համար գործատուները կարող են տուգանքների (մինչեւ 800 հազար ռուբլի) ենթարկվել յուրաքանչյուր այդպիսի աշխատակցի համար», — ասվում է մամուլի կենտրոնում:

ՆԳՆ-ում նշել են, որ դեկտեմբերի 31-ին կավարտվեն Ռուսաստանի նախագահի կողմից սահմանված ժամանակավոր միջոցառումները, որոնք օտարերկրացիներին թույլ էին տալիս կարգավորել իրենց իրավական կարգավիճակը՝ առանց երկրից դուրս գալու օրինականորեն աշխատանքային գործունեություն իրականացնելու համար։

«Այդ կապակցությամբ Ռուսաստանի ՆԳՆ-ն խստորեն խորհուրդ է տալիս մինչեւ 2021 թվականի դեկտեմբերի 31-ն օտարերկրյա այն քաղաքացիներին, ովքեր չունեն փաստաթղթեր Ռուսաստանում աշխատելու համար, անհապաղ դիմել ներքին գործերի մարմիններին»,- ընդգծել են մամուլի կենտրոնում։ Ադրբեջանի, Մոլդովայի, Տաջիկստանի, Ուզբեկստանի եւ Ուկրաինայի քաղաքացիներն իրավունք ունեն արտոնագրի համար դիմել՝ առանց փաստաթղթերի ներկայացման վերջնաժամկետի եւ Ռուսաստանի Դաշնություն մուտքի հայտարարված նպատակի պահանջները հաշվի առնելու, իսկ Եվրասիական տնտեսական միության անդամ երկրների քաղաքացիները  կարող են աշխատանքային կամ քաղաքացիական իրավունքի պայմանագրեր կնքել՝ անկախ ՌԴ մուտքի նպատակից։

Գործատուները, ովքեր  օտարերկրյա քաղաքացիների են ներգրավում աշխատանք կատարելու կամ ծառայություններ մատուցելու համար, կարող են եռօրյա ժամկետում ձեւակերպել աշխատանքային հարաբերությունները նրանց հետ եւ ծանուցել Ռուսաստանի ներքին գործերի նախարարության տարածքային մարմիններին: Ընդ որում, նրանք, ովքեր չունեն օտարերկրյա աշխատողներ ներգրավելու թույլտվություն, պետք է դիմեն օտարերկրյա քաղաքացիների աշխատանքի թույլտվության համար՝ անկախ նրանց` Ռուսաստան մուտք գործելու նպատակից։