ԱՄՆ նախագահ Ջո Բայդենն ուրբաթ օրը դաշնակից երկրների ղեկավարների հետ տեսակոնֆերանսի ժամանակ ասել է, թե իբր Ռուսաստանը կարող է հարձակվել Ուկրաինայի վրա փետրվարի 16-ին։ Նման հայտարարություն կա ուրբաթ օրը Politico թերթում հրապարակված նյութում, որը հղում է անում սեփական աղբյուրներին։

Ըստ թերքի՝ զրույցին մասնակցել են Մեծ Բրիտանիայի, Գերմանիայի, Իտալիայի, Կանադայի, Լեհաստանի, Ռումինիայի և Ֆրանսիայի ղեկավարները, ինչպես նաև ՆԱՏՕ-ի գլխավոր քարտուղարն ու Եվրահանձնաժողովի ղեկավարը։ Հրապարակման համաձայն՝ Վաշինգտոնը դաշնակիցներին ասել է, որ, ինչպես կարծում են ԱՄՆ-ում, «ներխուժմանը» կարող են նախորդել հրթիռային հարվածներ և կիբեր հարձակումներ։ Թերթի աղբյուրներից մեկը կարծիք է հայտնել, որ զրույցում մատնանշվել է կիբերհարձակումների «անխուսափելիության» մասին, իսկ մյուս զարգացումները հետախուզությունը գնահատել է «կոնկրետ և անհանգստացնող»:

Իր հերթին, անանուն բրիտանացի պաշտոնյան թերթին ասել է, որ Լոնդոնը փետրվարի 16-ի վերաբերյալ «հետախուզական տվյալների այլ մեկնաբանություն ունի»: Պարբերականի եվրոպական աղբյուրն էլ ավելի մեծ թերահավատությամբ է արձագանքել։ Դիվանագետներից մեկն ասել է, որ ԵՄ-ն «դեռ հրաժարվում է դրան հավատալ»։ «Այն սխալ կլինի… պատերազմը թանկ արժե»,-ասել է նա։ Միևնույն ժամանակ, Արևելյան Եվրոպայի երկրներից մեկի պաշտոնյան նշել է, որ «դժվար է ասել», թե որքան անխուսափելի է «ներխուժումը»։ «Գլխավոր գաղափարն այն է, որ պատրաստ լինենք պատժամիջոցներին… Համակարգումն ու միասնությունն առանցքային են»,-հավելել է նա։

Միևնույն ժամանակ, պարբերականը ինքն է խոստովանում, որ փետրվարի 16-ի հետախուզական տվյալները դեռ կարող են լինել «հում» և չեն ներկայացնում ԱՄՆ իշխանությունների կողմից իրավիճակի ընդհանուր գնահատականը։

Ֆրանսիայի նախագահի այցը Ռուսաստան զգուշավոր լավատեսական մեկնաբանություններ առաջացրեց՝ Ուկրաինա ներխուժման կանխման վերաբերյալ, սակայն Միացյալ Նահանգները կասկածելիորեն զուսպ են դիվանագիտական ​​առաքելության նկատմամբ, գրում է AFP-ն։

Էմանուել Մակրոնի եւ Վլադիմիր Պուտինի հանդիպումից հետո ԱՄՆ պաշտոնյաները կա՛մ լռում էին, կա՛մ նույնիսկ թերահավատորեն էին վերաբերվում նրան, ինչ եվրոպական երկրներն առաջընթաց են անվանում պատերազմի կանխման հարցում:

ԱՄՆ պաշտոնյաները բացեիբաց կասկած են հայտնել, որ, Մակրոնի խոսքով, ինքը Պուտինից երաշխիքներ է ստացել, որ Ռուսաստանի կողմից հետագա էսկալացիա չի լինի։

«Իհարկե, եթե դիվանագիտական ​​առաջընթաց լիներ, մենք դա կողջունեինք, բայց մենք կհավատանք դրան, երբ տեսնենք դա մեր սեփական աչքերով սահմանին»,- ասել է Սպիտակ տան մամուլի քարտուղար Ջեն Փսակին։

Մակրոնի այցի հաջորդ օրը, կարծես թե նսեմացնելով Ռուսաստանի կողմից Ֆրանսիային տրված ցանկացած խոստում, Պենտագոնը հայտարարեց, որ Ռուսաստանը շարունակում է կուտակել իր ուժերը սահմանին:

Հինգշաբթի Մոսկվան իր տանկերն ուղարկեց Բելառուս՝ զորավարժությունների համար, ինչը ՆԱՏՕ-ի կողմից չարագուշակ նախազգուշացում առաջացրել: Ռուսաստանը նաեւ վեց ռազմանավ է ուղարկել Բոսֆորով՝ Սեւ եւ հարեւան Ազովի ծովերում պլանային ծովային զորավարժությունների անցկացման համար:

Պետքարտուղարի տեղակալ Վենդի Շերմանը հինգշաբթի MSNBC-ին հայտարարեց, որ Բելառուսում մեկնարկած խոշոր զորավարժությունները «մեր կարծիքով էսկալացիա են, այլ ոչ թե՝ դեէսկալացիա»։

Վաշինգտոնն ի սկզբանե խուսափում էր նույնիսկ մեկնաբանել Մակրոնի այցը՝ ասելով, որ ուզում է տեղեկություն է ստանալ անմիջապես Ֆրանսիայի նախագահից։ Սպիտակ տան կոմյունիկեում պարզապես նշվում էր, որ երկու առաջնորդները խոսել են Ռուսաստանում, ինչպես նաեւ Ուկրաինայում Մակրոնի հանդիպումների մասին։

 Պետքարտուղարությունն անգամ չհիշատակեց Մակրոնի այցը: Հայտարարության մեջ լայն իմաստով ասվում է «Ռուսաստանի կողմից Ուկրաինայի սահմանների մոտ շարունակվող ռազմական կուտակմանը  հակազդելու ՆԱՏՕ-ի դաշնակիցների, ԵՄ գործընկերների, G7-ի անդամների եւ այլ գործընկերների համատեղ ջանքերի մասին»:

Այնուամենայնիվ, Միացյալ Նահանգները պնդում են աննախադեպ համակարգմանն իրենց դաշնակիցների հետ այս ճգնաժամում, եւ ֆրանսիացի, եւ այլ եվրոպացի դիվանագետները պատրաստակամորեն համաձայնում են. Բայդենը եւ Մակրոնն ութ օրվա ընթացքում երեք անգամ զրուցել են հեռախոսով:

«Միացյալ Նահանգները ողջունում է այդ նախաձեռնությունները, քանի որ դրանք թույլ են տալիս ավելի շատ հաղորդագրություններ ուղղել Մոսկվային, քանի որ դրանք նախապես համաձայնեցված են եւ դաշնակիցների միջեւ տարաձայնություններ չկան»,- ասել է Վաշինգտոնում Ռազմավարական եւ միջազգային հետազոտությունների կենտրոնի ֆրանսիացի հետազոտող Պիեռ Մորկոսը: 

Արեւմտյան երկրները միասնական են Ռուսաստանի դեմ կոշտ տնտեսական պատժամիջոցների սպառնալիքի հարցում, եթե այն ներխուժի Ուկրաինա, թեեւ, ըստ Մորկոսի, «Փարիզը փորձում է օգտագործել դիվանագիտական ​​ուղին եւ ներդնում է դրանում՝ ինչ կարող է»:

«Առայժմ Միացյալ Նահանգները զգուշությամբ աջակցում են Մակրոնի դիվանագիտական ​​ջանքերին։ Սակայն թերահավատությունը մեծանում է, քանի որ Վաշինգտոնը կարծում է, որ Պուտինը վճռական է ներխուժման հարցում»,- գրում է Brookings Institution ամերիկյան վերլուծական կենտրոնի ֆրանսիացի հետազոտող Սելյա Բելինը:

Foreign Affairs-ի կողմից հրապարակված հոդվածում Բելինը գրում է, որ, «ի տարբերություն ԱՄՆ-ի եւ արեւմտյան այլ ուժերի, Մակրոնը ենթադրել է, որ Ռուսաստանը «օրինաչափորեն» հայտարարում է, որ իր կարիքներն անվտանգության ոլորտում պետք է քննարկվեն»։

Նա ասաց, որ դա արտացոլում է Ռուսաստանի հետ երկխոսությունը վերսկսելու եւ եվրոպական անվտանգության ճարտարապետությունը վերազինելու Ֆրանսիայի ցանկությունը, որպեսզի այն ավելի քիչ ապավինի Միացյալ Նահանգներին:

Բայց Մակրոնը, ըստ Բելինի, «պետք է զգույշ գործի, որպեսզի տպավորություն չստեղծվի, որ նա դաշնակիցների միջեւ պառակտման է տանում այն ժամանակ, երբ միասնությունը Ռուսաստանի դեմ լավագույն զսպող միջոցն է»։

TRT Haber հեռուստաընկերությանը տված հարցազրույցում Թուրքիայի արտգործնախարար Մևլութ Չավուշօղլուն հայտարարել է, որ Թուրքիան ու Ադրբեջանն ունեն մեկ ընդհանուր ապագա և որ իրենց շահերը համընկնում են։

Չավուշօղլուն, մասնավորապես, ասել է․ «Իմ՝ քաղաքականություն մտնելու առաջին օրվանից ծառայել եմ Թուրքիայի շահերին, ինչպես նաև միջազգային հարթակներում պաշտպանել եմ եղբայրական Ադրբեջանի շահերը։ Ադրբեջանական կողմն արել է նույնը․ դրա վկայությունը «Շուշիի հռչակագիրն է»։

Ադրբեջանական լրատվամիջոցների փոխանցմամբ՝ Չավուշօղլուն նաև ասել է, որ Թուրքիա-Հայաստան հարաբերությունների կարգավորումն ընդհանրապես չի անհանգստացնում Ադրբեջանին, հակառակը՝ ողջունվում է։

Հայաստան-Թուրքիա հարաբերությունների կարգավորման առնչությամբ Թուրքիայի արտգործնախարարն ասել է․ «Առանց Ադրբեջանի հետ խորհրդակցելու և համաձայնեցնելու, ոչ մի քայլ չենք անում այդ ուղղությամբ։ Կան որոշ հարցեր, որոնք պետք է Հայաստանի հետ քննարկենք առանց միջնորդների»։

Անդրադառնալով տարածաշրջանային հարցերին՝ Չավուշօղլուն չի թաքցրել, որ Թուրքիան իր դերակատարումն այստեղ ևս մեծացնելու մեծ ախորժակ ունի։

Ի դեպ, Թուրքիայի ու Ադրբեջանի բարձրաստիճան պաշտոնյաների՝ այդ թվում զինվորական, փոխայցերը հաճախակի բնույթ են սկսել կրել հատկապես 44-օրյայից առաջ և դրանից հետո։ Առաջիկայում կկայանա Չավուշօղլուի հերթական այցն Ադրբեջան։

Ամերիկյան լրատվամիջոցներն անդրադարձել են ԱՄՆ նախագահ Ջո Բայդենի հեգնական հայտարարություններին, որոնք նա, իբր, արել է Ռուսաստանի, Ֆրանսիայի, Մեծ Բրիտանիայի և Գերմանիայի ղեկավարների հասցեին։ Այս մասին գրում է NBC News-ը՝ վկայակոչելով իր աղբյուրները։

Այսպիսով, ըստ հեռուստաալիքի, Բայդենը ՌԴ նախագահ Վլադիմիր Պուտինին բնութագրել է որպես «միջուկային զենք ունեցող տղա, որը չունի ընկերներ»:Նա նաև, իբր, ասել է, որ Ֆրանսիայի նախագահ «Էմանուել Մակրոնը ցանկանում է նմանվել Շառլ դը Գոլին» (20-րդ դարում Ֆրանսիայի լեգենդար առաջնորդ), իսկ Գերմանիայի կանցլեր Օլաֆ Շոլցը, ըստ Բայդենի, «Անգելա Մերկել չէ»։ ԱՄՆ նախագահը Մեծ Բրիտանիայի վարչապետ Բորիս Ջոնսոնի պահվածքն անվանել է «փոթորկոտ»՝ այս խոսքերը լսած աղբյուրների փոխանցմամբ։

Միաժամանակ ԱՄՆ Ազգային անվտանգության խորհրդի ներկայացուցիչ Էմիլի Հորնը հերքել է այս տեղեկությունը։

Սակայն հեռուստաալիքի աղբյուրը նշում է, որ վերջերս ազգային անվտանգության թիմի որոշ անդամների հետ հանդիպման ժամանակ Բայդենը նշել է Շոլցի ներկայիս անկարողությունը՝ միավորելու անդրատլանտյան դաշինքը՝ ի պատասխան Ուկրաինայի շուրջ Ռուսաստանի գործողությունների, ինչպես նախկինում արել էր Մերկելը։ Նույն հանդիպմանը հնչել են նրա խոսքերը Պուտինի ու Մակրոնի մասին։

Ադրբեջանը Ղազախստանին առաջարկել է համագործակցել տրանսպորտային ոլորտում։ Ադրբեջանական լրատվամիջոցների փոխանցմամբ՝ Ադրբեջանը ցանկանում է Արցախի բռնազավթած հատվածում ներդրումներ ներգրավել նաև ղազախներից։ Այդ մասին ասել է Ղազախստանում Ադրբեջանի դեսպանի խորհրդական Ռովշան Կյազիմովը։

Նա ասել է, թե, իբր, «Զանգեզուրի միջանցքի» բացումը կընդլայնի տրանսպորտային հաղորդակցությունը ոչ միայն տարածաշրջանում, այլև՝ տարածաշրջանից դուրս։ Կյազիմովը հույս է հայտնել, որ «ադրբեջանական երկաթուղու» հետ ղազախական Alstom ընկերության համագործակցությունը կնպաստի երկու երկրների միջև համագործակցության ընդլայնմանը։

Հիշեցնենք, որ Ղազախստանն առաջին երկիր չէ, որին Ադրբեջանը ջանում է ներքաշել անհեռանկար գործարքի մեջ։

Ադրբեջանի կողմից Արցախի բռնազավթված տարածքներում ցանկացած գործողություն՝ այդ թվում և ներդրում, առոչինչ ճանաչելու՝

«Բռնազավթված տարածքների մասին» օրինագիծն Արցախի Ազգային ժողովը շրջանառության մեջ է դրել։ Փետրվարի 16-ին այն քվեարկության կդրվի առաջին ընթերցմամբ։

Գերմանիայում բնակվող ադրբեջանցիները Բեռլինում բողոքի ակցիա են կազմակերպել։ Նրանք պահանջում էին հանել Հեյդար Ալիեւի հուշարձանները։ Ակցիան տեղի է ունեցել Գերմանիայում Եգիպտոսի և Սերբիայի դեսպանատների առջև։ Այս մասին Meydan TV-ին տված հարցազրույցում ասել է ակցիայի կազմակերպիչներից Է. Գասիմովը։

Այնուհետեւ կազմակերպիչները դիմել են վերոնշյալ դեսպանատներին։ Հայտարարության մեջ, մասնավորապես, ասվում է, որ Եգիպտոսում և Սերբիայում ժողովրդավարությունից հեռու գտնվող Հեյդար Ալիևի արձանի առկայությունը առնվազն անհարգալից վերաբերմունք է ժողովրդավարական սկզբունքների նկատմամբ։

Ցուցարարները պահանջել են այդ երկրներից՝ վերանայել հարաբերություններն Ադրբեջանի հետ ժողովրդավարական արժեքների համատեքստում և կոչ անել Բաքվի իշխանություններին՝ հաստատել խոսքի ազատություն և ազատ արձակել քաղբանտարկյալներին։

Meta-ն դիտարկում է ԵՄ-ում Facebook-ն ու Instagram-ը փակելու սցենար. ասվում է ԱՄՆ արժեթղթերի և բորսաների հանձնաժողովին ներկայացված զեկույցում։

Խնդիրները, ըստ «ՌԻԱ Նովոստի»-ի, կապված են ԵՄ-ում նոր օրենքի ընդունման հետ, որը նախատեսում է տվյալների պահպանում և մշակում միայն եվրոպական սերվերների վրա։ Մետատվյալները ներկայումս գտնվում են ԱՄՆ-ում և Եվրոպայում:

Ընկերությունը կարծում է, որ իր մոտեցումը չափազանց կարևոր է բիզնեսի համար՝ ինչպես սոցիալական ցանցերի, այնպես էլ գովազդային շուկայի։ Meta-ում ԵՄ նոր կանոնները գնահատվում են որպես սպառնալիք Facebook-ի և Instagram-ի աշխատանքին։ Առանց տվյալների փոխանցման տրանսատլանտյան համակարգի՝ ընկերությունը կարող է ընդհանրապես հեռանալ եվրոպական շուկայից։

Գլոբալ հարցերով փոխնախագահ Նիկ Քլեգն ասել է, որ օրենքն աղետալի կլինի ոչ միայն համացանցային լանդշաֆտի, այլև բիզնեսների սեփականատերերի համար, որոնք ապավինում են սոցիալական մեդիայի մեխանիզմներին:

Ադբեջանի մշակույթի նախարարությունը նոր հայտարարություն է տարածել, որով փաստացի վերահաստատում է Արցախի հայկական եկեղեցիները ալբանացնելու մտադրությունը։ Տեղական լրատվամիջոցների հաղորդմամբ՝մշակույթի նախարարությունը հայտարարում է, որ Ադրբեջանն, իբր, միշտ հարգանքով է վերաբերվել իր պատմական, մշակութային ժառանգությանը՝ անկախ դրա կրոնական, էթնիկ ծագումից։
«Ադրբեջանի պաշտոնատար անձինք մի անգամ չէ, որ ասել են՝ «ազատագրված տարածքներում» գտնվող պատմական, կրոնական հուշարձանները վերաբերում են ադրբեջանական ժառանգությանը և դրանց պահպանումը ադրբեջանական պետության պարտականությունն է։

Որպես ապացույց կարելի է մատնանշել Շուշիում մզկիթների հետ մեկտեղ երկու քրիստոնեական եկեղեցիների վերականգնումը»,-ասվում է հայտարարության մեջ։ Ադրբեջանի մշակույթի նախարարությունը չի նշում, որ Շուշիի եկեղեցիները՝ Կանաչ Ժամն ու Սուրբ Ղազանչեչոց եկեղեցին, պատկանում են Հայ առաքելական եկեղեցուն ու հայկական են։ Ադրբեջանը հայկական եկեղեցիները ներկայացնելով որպես ալբանական ու ուղղափառ՝ ենթարկում է կամայական «վերականգնման»։

«Ի տարբերություն Հայաստանի՝ Ադրբեջանն իր պատմամշակութային ժառանգության մեջ կրոնական և էթնիկական հողի վրա տարբերություններ չի դնում և հավատարիմ է միջազգային կոնվենցիաներով ստանձնած պարտավորություններին, ներառյալ 1954 թվականի Հաագայի կոնվենցիան Զինված հակամարտությունների ժամանակ մշակութային արժեքների պաշտպանության մասին։ Ադրբեջանի մշակույթի նախարարությունը ներկայում մոտիտորինգ է իրականացնում «ազատագրված տարածքներում»։ Ինչ վերաբերում է հնագույն ալբանական ժառանգությանը «օկուպացիայից ազատագրված տարածքներում», ապա պետք է նշել է, որ ստեղծվել է աշխատանքային խումբ դրա ուսումնասիրության համար, որի կազմում են, ինչպես տեղացի, այնպես էլ արտասահմանյան փորձագետներ։ Եվ երբ անվտանգությունը թույլ տա, աշխատանքային խմբի անդամները քրիտոնեական այդ ժառանգության մոնիտորինգ կիրականացնեն ու կհետազոտեն։։Կեղծիքների հայտանբերման դեպքում այդ խախտումները կփաստագրվեն միջազգային փորձագետների մասնակցությամբ ու կներկայացվեն միջազգային հանրությանը»,-ասվում է Ադրբեջանի մշակույթի նախարարության հայտարարության մեջ։ Սա ևս մեկ անգամ փաստում է, որ պաշտոնական Բաքուն չի պատրաստվում հրաժարվել Արցախի գրավյալ տարածքների հայկական պատմական, կրոնական ու մշակույթային հուշարձանների ու եկեղեցիների ալբանացման պետական քաղաքականությունից։Հիշեցնենք, որ օրերս Ադրբեջանի մշակույթի նախարար Անար Քերիմովը հայտարարել էր, որ «Ալբանիայի (Աղվանք) պատմության ու ճարտարապետության մասնագետների աշխատանքային խումբ է ստեղծվել», իբր, ալբանական կրոնական տաճարներից «հայերի գրած կեղծ հետքերը (գրառումները)» վերացնելու համար։ «Մենք դիտարկել ենք այդ վայրերն աշխատանքային խմբի անդամների հետ, ստուգումից հետո կորոշենք մեր հաջորդ քայլերը։ Այդ վայրերը դեռ լիովին անվտանգ չեն։ Տարածքների ականազերծումից հետո մենք տեղական ու միջազգային փորձագետներին կտանենք այնտեղ, կփաստագրենք հայկական կեղծիքն ու փոփոխությունները և կներկայացնենք միջազգային հանրությանը»,- ասել էր Քերիմովը։ Քերիմովի այս հայտարարություններն այսօր դատապարտել էր ՀՀ ԱԳՆ-ն։

Հյուսիսատլանտյան դաշինքը տասնամյակներ շարունակ ռազմական տեխնիկա և զորքեր է տարածում ՌԴ-ի սահմանների մոտակայքում, ՆԱՏՕ-ն չէ, որ պետք է հաշվի ռուսական զորքերի թվաքանակը և դրանց տեղաշարժ Ռուսաստանի ինքնաիշխան տարածքում. նրանք իրենց տանն են: ՏԱՍՍ գործակալության փոխանցմամբ՝ այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

Մեկնաբանելով Արևմուտքից հնչող մեղադրանքները Ռուսաստանի դեմ իբրև թե Ուկրաինայի սահմանի մոտակայքում ռուսական զորքերի կուտակման համար՝ դիվանագետը հիշեցրել է, որ տասնամյակներ շարունակ ՆԱՏՕ-ի զորքերը տեղակայվել են ՌԴ-ի սահմանների մոտակայքում:

«Այդ ամենը. ռաամական տեխնիկան, զորքերը, զինված ուժերը, դրանք ՆԱՏՕ-ի երկրներն են, այն կազմակերպության, որը մեզ հռչակել է որպես մրցակից, ոչ թե գործընկեր, որպես մի երկիր, որի հետ ոչ թե հավասար մրցակցություն է վարվելու, այլ բոլորովին այլ մեթոդներ»,- ընդգծել է Զախարովան:

Բացի այդ, նրա խոսքով՝ դաշինքի անդամները պատժամիջոցային և քաղաքական ճնշում են գործադրում Ռուսաստանի վրա, ինչպես նաև միջամտում են երկրի ինքնիշխան գործերին:

«Դուք չէ, որ ներկայացնում եք անգլո-սաքսոնական աշխարհը, պետք է հաշվեք՝ ինչքան բանակ ունենք, որտեղ են գտնվում և ուր են տեղափոխվում մեր զինված ուժերը: Որտեղ նրանք պետք է լինեն, այնտեղ էլ գտնվում են. նրանք իրենց տանն են»,- եզրափակել է Զախարովան:

Ամերիկացիները խելագարներ են, եթե իրենց դեմ միավորել են Ռուսաստանին ու Չինաստանին: Այդ մասին հայտարարել է Բելառուսի նախագահ Ալեքսանդր Լուկաշենկոն ռադիոհեռուստահաղորդավար Վլադիմիր Սոլովյովին տված հարցազրույցում, հաղորդում է ԲԵԼՏԱ-ն:

Հարցազրույցի ժամանակ պետության ղեկավարը ներկայացրել է որոշ մանրամասներ ԱՄՆ նախկին պետքարտուղար Մայք Պոմպեոյի հետ բանակցություններից, որն այցելել էր Բելառուս 2020 թվականի սկզբում: Նախագահի խոսքով՝ հանդիպման ժամանակ քննարկվել է նաեւ Չինաստանի ու Ռուսաստանի նկատմամբ ԱՄՆ քաղաքականությունը:

«Երբ այստեղ ժամանել էր Պոմպեոն, մենք իր հետ աշխատասենյակում էինք: Ես նրան մի շարք հարցեր էր տվել, ասել էի. «Դուք խելագարնե՞ր եք, փոխարցի՛ր քո Թրամփին, որ դուք խելագարներ եք»: Նա, ինձ նայելով, հարցնում էր. «Ի՞նչ նկատի ունեք» — «Ինչո՞ւ դուք միավորել եք ռազմական պոտենցիալով հզորագույն միջուկային պետությունը հսկայական տնտեսական գերտերության հետ եւ փորձում եք վարել պատերազմ ընդդեմ այդ միավորման: Դուք երբեք չեք հաղթի: Դուք ինչո՞ւ եք դա անում, խելագարներ»: Ես նրան ասել եմ այդ մասին: Նա պատասխանել է. «Չինաստանը տեխնոլոգիաներ է գողանում, մենք նրանց կանգնեցնում ենք»: Ես պատասխանել եմ. «Ուշ է: Ես Չինաստանն ավելի լավ գիտեմ: Չինաստանին այսօր ոչ ոք չի կանգնեցնի: Նրանք նաեւ առանց ձեր տեխնոլոգիաների էլ կբավարարվեն»,-պատմել է Ալեքսանդր Լուկաշենկոն այդ հանդիպման մասին: