Վենեսուելայի նախագահ Ուգո Չավեսը մտադրություն է հայտնել մասնակցել երկրի առաջնորդի 2012թ. առաջիկա ընտրություններին, գրում է lenta.ru-ն: Այս հայտարարությունը Չավեսն արել է Կուբայից հայրենիք վերադառնալու հաջորդ օրը:

Հիշեցնենք, որ ինչպես ավելի վախ հայտվել էր, այնտեղ Վենեսուելայի առաջնորդը քաղցկեղի դեմ քիմիաթերապիայով բուժման կուրս էր անցնում:  Վերադառնալով հայրենիք` նախագահը հայտնել էր իր վիճակի բարելավման մասին:

Ուգո Չավեսը նախագահական ընտրություններին առաջին անգամ հաղթել է 1998թ.-ին եւ պաշտոնի անցել 1999թ. փետրվարին: Հետագայում, երկու անգամ վերընտրվել է 2000 եւ 2006թ.թ.-ին: Չավեսի նախագահության ժամկետն ավարտվում է 2013թ.-ի հունվարին: Վենեսուելայի օրենքների համաձայն` նախագահն ընտրվում է համաժողովրդական ընտրություններում` 6 տարի ժամկետով:

Այս գիշեր 5,2 մագնիտուդով երկրաշարժ է տեղի ունեցել Չինաստանի ժողովրդական հանրապետության Ույգուրի ինքնավար մարզում: Այս մասին հայտնում է «ՌԻԱ-Նովոստի» լրատվական գործակալությունը:

Երկրաշարժը գրանցվել է տեղական ժամով 3.05 (00.05 հայկական ժամանակով) Սինցզյանի հյուսիս-արեւմուտքում` Ցինխե կոմսությունում: Երկրաշարժի էպիկենտրոնը տեղակայված է 46.0′ հյուսիսային լայնության եւ 90.4′ արեւոլյան երկայնության վրա` 10 կմ խորությամբ:

Ավերածությունների եւ զոհերի մասին տեղեկություն չկա:

Իտալիայում պրոֆմիություների հայտարարմամբ մեծամասամբ դադարեցրել աշխատանքները տրանսպորտը: Հռոմում, Միլանում եւ Նեապոլում չի աշխատում մետրոպոլիտենը, կանգնել է ամբողջ երկրի վերգետնյա տրանսպորտը: Գործադուլը, ըստ «Իտար-Տասս» գործակալության, քաոսի է վերածել երկրի խոշոր քաղաքների վիճակը:

Գործադուլ են հայտարարել նաեւ երկաթուղու աշխատողները, միայն պետական «Տրենիտալի» ընկերությունն է երաշխավորել 67 գնացքի նորմալ աշխատանք:

Ոլորտի աշխատողները իշխանություններից պահանջում են վերակնքել աշխատանքային պայմանագրերը, որոնց ժամկետը լրացել է 3 տարի առաջ: Նրանք պահանջում են աշխատանքային պայմանների բարելավում եւ աշխատավարձերի բարձրացում:

Խենան նահանգի Սինյան քաղաքի հարակից ավտոմայրուղում երկհարկանի ավտոբուսում տեղի ունեցած հրդեհի պատճառով 41 մարդ է զոհվել, հաղորդում է BBC լրատվականը: Հրդեհը հնարավոր է դարձել մարել միայն 2 ժամ հետո: 6 հոգի, ընդ որում վարորդը, փրկվել են:

BBC հեռուստաընկերությունը տեղեկացնում է, որ Լիբիայի առաջնորդ Մուամար Քադաֆին հայտարարել է, թե  բացառում է ապստամբների հետ որևէ բանակցություն, որտեղ կքննարկվի երկրի ապագան:

«Մեր միջև բանակցություններ չեն լինի մինչև Ահեղ դատաստանի օրը»,- ընդգծել է Քադաֆին: Վերջինիս ելույթը հեռարձակվել է Սիրտ քաղաքում:

Թե ինչով է պայմանավորված այս հայտարարությունը՝ պարզ չէ, քանի որ, ըստ որոշ տեղեկությունների, Քադաֆիին հավատարիմ ուժերը մի քանի ուղղություններով զիջում են դիրքրեը, իսկ նրա գեներալներից մեկը օրեր առաջ պատանդ է ընկել ապստամբներին:

Միևնույն ժամանակ lenta.ru կայքը տեղեկացնում է, որ ՌԴ արտգործնախարար Սերգեյ Լավրովն ու   Լիբիայի արտգործնախարար Աբդել աթի Ալ‑Օբեյդին համատեղ  հանդիպման ժամանակ քաննարկել են Մուամմար Քադդաֆիի հրաժարականի հարցը: Սակայն Լիբիայի արտգործնախարարությունը չի հաստատել այս տեղեկատվությունը:

Մեդիամագնատ Ռուպերտ Մերդոկի որդուն` Ջեյմսին« News of the World-ի շուրջ պտտվող սկանդալն ուսումնասիրող խորհրդարանական հանձնաժողովի անդամների մեջ  մոլորություն առաջացնելու փորձի մեղադրանք է ներկայացվել:

Ինչպես տեղեկացնում է Ֆրանս Պրեսսը« Ջեյմս Մերդոկը պնդել է« որ չի իմացել News of the World-ի մի քանի թղթակիցների ապօրինի հեռախոսների ձեռքբերման մանրանասները: Սակայն« թերթի ղեկավարող աշխատակիցները պնդում են« որ Մերդոկին զգուշացրել են ապօրինի գործողությունների մանրամասների մասին:

Մեծ Բրիտանիայում սառաջացած սկանդալի ուսումնասիրման պատճառը« որը կապված է քաղաքացիների բջջայիններում  եղած ինֆորմացիայի ապօրինի ուսումնասիրմամբ« շարունակվում է:

«Փոքր օգնության դեպքում պատրաստ ենք շատ արագ հասնել Մուամար Քադաֆիի վերահսկողության տակ գտնվող մայրաքաղաք Տրիպոլի»,- հայտարարել են Լիբիայի ապստամբների զինվորական առաջնորդները: Ըստ France Presse գործակալության, այս հայտարարությունը նրանք արել են Փարիզում` Ֆրանսիայի նախագահ Նիկոլա Սարկոզիի հետ հանդիպումից հետո:

«Փոքր օգնություն ասելով` նկատի ունենք զենք, որն անհրաժեշտ է հաջողության հասնելու համար,- ասել է զինվորական առաջնորդներից մեկը՝ Սուլեյման Ֆորտիան` հավելելով,- «շատ արագ» ասելով հասկանում ենք մի քանի օր: Մենք այստեղ ենք` Ֆրանսիայում, որպեսզի քննարկենք, թե ինչպես անել դա»:

Այս բանակցությունները տեղի են ունենում Բրեգայում ընթացող մարտերի ֆոնին. ապստամբները շրջապատել են քաղաքը, իսկ ՆԱՏՕ-ի ուղղաթիռները ռմբակոծում և ոչնչացնում են բոլոր այն մեքենաները, որոնք փորձում են Քադաֆիի կողմնակիցներին օգնություն հասցնել: Ավելի վաղ և՛ ապստամբները, և՛ իշխանությունները հայտարարել են, որ Բրեգան իրենց վերահսկողության տակ է:

ԱՄՆ-ի տնտեսական վիճակը վատթարանում է: Այս կարծիքին է Fox News հեռուստաընկերության հուլիսի 17-19-ին  անցկացրած սոցիոլոգիական հարցման 904 մասնակիցների 58%-ը: Մեկ տարի առաջ նման տեսակետ էր հայտնել հարցվածների 52%-ը, իսկ 2009թ.-ին` 42%-ը:

ԱՄՆ-ի տնտեսական վիճակը դրական է գնահատել հարցվածների 26%-ը, մինչդեռ 2010թ.-ին նման կարծիք ուներ բնակչության 35%-ը, իսկ 2009-ին` 40%-ը:

Հարցվածների 49%-ը հայտարարել է, որ տնտեսական նահանջի մեղավորը  ԱՄՆ ներկայիս վարչակազմն է, իսկ 34%-ը համոզմունք է հայտնել, որ Օբաման կարողացել է  բարելավել երկրի տնտեսությունը:

Նախագահ Բարաք  Օբամայի գործունեությանը հավանություն է տվել հարցվածների 45%-ը, բացասական է գնահատել` 47%-ը, անցյալ տարվա, համապատասխանաբար, 46-ական տոկոսի դիմաց: Հարցվածների 43%-ը գտնում է, որ Օբաման կարողացել է ամրապնդել երկրի դրական իմիջը արտերկրում, 38%-ի համոզմամբ նախագահն իր գործունեությամբ միայն վնասում է երկրի իմիջին, իսկ 13%-ի կարծիքով Օբամայի օրոք ոչինչ չի փոխվել:

Նշենք, որ ներկայումս ԱՄՆ վարչակազմը պետպարտքի սահմանաչափի մեծացման եւ բյուջեի դեֆիցիտի նվազեցման շուրջ բանակցություններ է վարում հանրապետականների հետ: Եթե կողմերը չկարողանան ժամանակին գալ համաձայնության, օգոստոսի 2-ից հետո երկրին դեֆոլտ է սպառնալու:

Ռուսաստանում ԱՄՆ փոխդեսպան Էրիկ Ռուբինը նշանակվել է Եվրոպայի ու Եվրասիայի հարցերով ԱՄՆ պետքարտուղարի օգնականի տեղակալ՝ այդ պաշտոնում փոխարինելով Թինա Քեյդենաուին։ Վերջինս իր հերթին նշանակվել է Եվրոպայի և Եվրասիայի հարցերով ԱՄՆ պետքարտուղարի օգնականի առաջին տեղակալ։ Այս մասին հաղորդում է  Ադրբեջանական Trend լրատվական գործակալությունից:

Նոր կարգավիճակում Էրիկ Ռուբինը մասնակցել է հուլիսի 18-ին Վաշինգթոնում տեղի ունեցած պաշտպանության և անվտանգության հարցերով վրաց-ամերիկյան ռազմավարական գործընկերության խարտիայի աշխատանքային խմբի հանդիպմանը, որին մասնակցել է նաև ԱՄՆ պաշտպանության նախարարի օգնական Ալեքսանդր Վերշբոուն: Ռուբինի պարտականությունների գոտում են գտնվում Հարավային Կովկասի երկրները, Թուրքիան, Հունաստանն ու Կիպրոսը։

Ուզբեկստանի եւ  Ղրղզստանի սահմանային շրջանում տեղի է ունեցել 6«4 բալ ուժգնությամբ երկրաշարժ« տեղեկացնում է BBC-ն:

Երկրաշարժի էպիկենտրոնը գտնվել է ուզբեկական Ֆերգանա քաղաքից 42 կմ հեռավորության վրա:

Հնարավոր ավերածությունների եւ զոհերի մասին դեռեւս տեղեկություններ չեն հաղորդվում: