Իրանում հակաբրիտանական ցույց կազմակերպած ուսանողները ներխուժել են Թեհրանում Մեծ Բրիտանիայի դեսպանատուն։

Ինչպես տեղեկացնում է Agence France-Presse գործակալությունը, ցուցարարներն իջեցրել են Մեծ Բրիտանիայի դրոշը և փոխարենը բարձրացրել Իրանի դրոշը։ Բացի այդ, ցուցարարները հանել են դեսպանատան պատից կախված Մեծ Բրիտանիայի թագուհի Ելիզավետա Երկրորդի լուսանկարը։

Այլ մանրամասներ առայժմ չեն հաղորդվում։

Հիշեցնենք, որ օրեր առաջ Իրանի խորհրդարանը կողմ է քվերակել Մեծ Բրիտանիայի հետ դիվանագիտական հարաբերությունները գործերի ժամանակավոր հավարտարմատարի մակարդակի իջեցնելուն: Որոշման համաձայն, որն ավելի ուշ հաստատել էր նաև Սահմանադրական խորհուրդը, Թեհրանում Մեծ Բրիտանիայի դեսպանը 2 շաբաթվա ընթացքում պետք է լքի Իրանի տարածքը:
Իրանի խորհրդարանը նման քայլով պատասխանել է Լոնդոնի` Իրանի դեմ ուղղված պատժամիջոցներին:

Նորվեգացի ահաբեկիչ Անդերս Բրեյվիկի անձը համառ փորձաքննությունների է ենթարկվում: Եվրոպական մամուլը մեկը մյուսից սենսացիոն բացահայտումներ է կատարում. Այս անգամ վկայակոչելով փորձագիտական եզրակացությունը գրել է, որ Բրեյվիկը 4 տարեկան հասակում սեռական բռնության է ենթարկվել, դեռ այն ժամանակ հոգեբանը խորհուրդ է տվել նրան հանձնել խնամակալ ընտանիքի:

Հիշեցնենք, որ հուլիսի 22-ին Օսլոյում և Ուտոյա կղզում Բրեյվիկի իրականացրած ահաբեկչությունների հետևանքով զոհվել է 77 մարդ:

32-ամյա ահաբեկչի` որը տառապում է հոգեկան խանգարումներով, հոգեվիճակն ուսումնասիրող դատաբժիշկներն այսօր կներկայացնեն փորձաքննության արդյունքները, որով էլ կորոշվի Բրեյվիկը կդատապարտվի ազատազրկման, թե նրան կփակեն հոգեբուժարանում:

Հոգեբույժների եզրակացությունը կազմել է մոտ  230- էջ: Ինչպես հաղորդում է «ԻՏԱՌ ՏԱՍՍ»-ը, բժիշկները Բրեյվիկի հետ 13 հարցազրույց են ունեցել:

Ռուսական լրատվամիջոցները հաղորդում են, որ մեղսունակ ճանաչվելու դեպքում, Նորվեգիայում կիրառվող պատժաչափի վերին սահմանով նրան սպառնում է 21 տարվա ազատազրկում: Իսկ եթե դատարանը ահաբեկչին մեղավոր ճանաչի մարդկության դեմ իրականացրած ոճրի մեջ, ապա պատժաչափը կլինի 30 տարի: Իսկ եթե դատարանը, հաստատի նրա հոգեկան շեղում ունենալու փաստը, ապա Բրեյվիկը կհայտնվի հոգեբուժարանում:
Դատական գործընթացը ամենայն հավանականությամբ կավարտվի 2012թ. ամռանը:

ԱՄՆ-ում նոյեմբերի 22-ին մահացել է բռնապետ Իոսիֆ Ստալինի դուստրը՝ Սվետլանա Ալիլուևան: Այդ մասին տեղեկությունը հրապարակել է «The New York Times»-ը՝ ընդգծելով, որ լուրը Ալիլուևայի դուստր՝ Օլգայից հաստատել չի հաջողվել: Ըստ հրապարակված տեղեկության, Ալիլուևան մահացել է Ռիչլենդ քաղաքի ծերանոցներից մեկում, իսկ Օլգան ապրում է Փորտլենդում:
Ամերիկյան պարբերականի տվյալներով, Ալիլուևան մահացել է հաստ աղիքի քաղցկեղից: Նա 85 տարեկան էր

Ինչպես հաղորդում է Reuters գործակալությունը, Քուվեյթի կառավարությունը հրաժարական է տվել` երկրի վարչապետ շեյխ Նասեր Ալ-Մուհամեդ Ալ-Սաբահի տապալումը թույլ չտալու համար: Հիշեցնենք որ նրան մեղադրում `ին  կոռուպցիայի մեջ:
Վկայակոչելով քաղաքական շրջանակներում ունեցած իր աղբյուրին, դեռ հստակ պարզ չէ, արդյոք էմիրը` շեյխ Սաբահ Ալ-Ահմադ Ալ-Սաբահը, ընդունե՞լ է կառավարության հրաժարականը: Հաստատելու դեպքում նա կարող է ցրել խորհրդարանը և սահմանել ընտրությունների ժամկետը:

Այժմ Քուվեյթում տեղի են ունենում անկարգություններ, ընդդիմադիր ցուցարարները պահանջում են վարչապետ շեյխ Նասեր Ալ-Մուհամեդ Ալ-Սաբահի հրաժարականը:

Իսկ  վերջին ցույցը կրել է քաոսային բնույթ,  որի արդյունքում ցուցարարներին հաջողվել էր ներխուժել խորհրդարանի շենք:

Այսօր Եվրոպական հանձնաժողովն հաստատել է Հայաստանի ֆինանսական համակարգի կառավարման արդիականացմանն ուղղված ծրագիրը: Հայաստանին կտրամադրվի 24 մլն եվրո, այն կընդգրկի 2011թ. տարեկան գործողությունների ծրագրի երկրորդ փուլը:

Ծրագրի նպատակն է օժանդակել Հայաստանի և ԵՄ-ի առեւտրային չափորոշիչների համապատասխանեցումը: Բարելավել հանրային հատվածի թափանցիկությունը և այլն:

Համայն վրաց պատրիարք Իլիա Բ-ն Հայաստան չի ժամանել առողջական խնդիրների պատճառով։ Այս մասին այսօր` լրագրողների հետ զրույցում ասել է Նաթան եպիսկոպոս Հովհաննիսյանը, հավելելով, որ իրականում Իլյա Բ-ն ցանկանում էր մասնակցեր Երեւանում մեկնարկած ԱՊՀ միջկրոնական խորհրդի նախագահության նիստին:

Նշենք, որ այդ նիստին մասնակցում են մասնավորապես, Ամենայն հայոց կաթողիկոս Գարեգին Բ-ն, Մոսկվայի եւ Համայն Ռուսիո պատրիարք Կիրիլը, Կովկասի մահմեդականների վարչության նախագահ շեյխ Ալլահշուքյուր Փաշազադեն:

«Վրացական կողմը հյուր էր, ոչ թե ֆորումի մասնակից, քանի որ Վրաստանը ԱՊՀ անդամ չէ»,-նշել է Նաթան եպիսկոպոս Հթվհաննիսյանն ու հավելել. «Պատրիարք Իլիա Բ-ի մասնակցությունը ԱՊՀ երկրների միջկրոնական խորհրդի նիստին պարտադիր չէր»:

Այսօր Ֆրանսիայի ներքին գործերի նախարար Կլոդ Գեյանը հայտարարել է, որ մենք պատրաստ ենք ապաստան տրամադրել Մուամար Քադաֆիի կողմնակիցներին:

Գեյանի խոսքով, ապաստանի իրավունք պետք է ունենա յուրաքանչյուր ոք՝ անկախ իր ծագումից: Միակ մտավախությունը կապված է նրանց քրեական կենսագրության հետ, հայտնում է ИТАР-ТАСС-ը

Վենեսուելայի նախագահ Ուգո Չավեսի հիվանդությունը զարգանում է, գրել է «Ուոլ Սթրիթ Ջորնալ»-ը՝ վկայակոչելով նախագահին բուժող բժիշկների շրջապատի աղբյուրները:Ըստ թերթի՝ արդեն ախտահարված են ոսկրերը, իսկ ուղեղում չարորակ նորագոյացություններ են առաջացել: Սա կարող է լուրջ խոչընդոտ հանդիսանալ, որ Չավեսը չմասնակցի 2012 թվականի նախագահական ընտրություններին:

Լատինական Ամերիկայի երկրները հազարավոր ուսանողներ աջակցություն են հայտնել Չիլիի ուսանողներին, որոնք ութ ամսից ավելի պայքարում են կառավարության դեմ՝ պահանջելով բարձրագույն կրթության որակի բարելավում ու պետական ֆինանսավորում:Սանտյագոյում ուսանողական արտոնված երթն ավարտվել է բախումներով, ընդ որում, իրավապահներն օգտագործել են ջրցան մեքենաներ:

ՌԴ Դաշնային խորհուրդը երկրում նախագահական ընտրությունների օր է նշանակել 2012 թվականի մարտի 4-ը: ИТАР-ТАСС-ի համաձայն` խորհուրդը որոշումն ընդունել է միաձայն:

Այս կիրակի կանցկացվի Единая Россия կուսակցության համագումարի երկրորդ մասը: Հիշեցնենք, որ առաջինն անցկացվել էր սեպտեմբերին: Կուսակցությունը կառաջադրի վարչապետ Վլադիմիր Պուտինի թեկնածությունը:

Նախագահական լիազորությունների նոր ժամկետը արդեն 6 տարի է՝ նախկին 4-ի փոխարեն:

Նախագահի պաշտոնին են հավակնում «Ուրիշ Ռուսաստան» կուսակցության առաջնորդ Էդուարդ Լիմոնովը, Ռուսաստանի Կոմկուսի առաջնորդ Գենադի Զյուգանովը և Ռուսաստանի լիբերալ-դեմոկչատական կուսակցությունից` Վլադիմիր Ժիրինովսկին: