Ֆրանսիան պետք է մոբիլիզացվի, որպեսզի նախապատրաստվի էներգիայի անբավարարաության հավանական սցենարին այս աշնանը: Այս մասին հայտարարել է Ֆրանսիայի նախագահ Էմանուել Մակրոնը՝ դրա համար, իհարկե, մեղադրելով Ռուսաստանին, որը, ըստ նրա, «Ուկրաինայի հետ պատերազմում որպես զենք օգտագործում է դեպի Եվրոպա մատակարարումների կրճատումը», փոխանցում է Reuters-ը։

Հեռուստատեսությամբ Ֆրանսիայի ազգային օրվան նվիրված իր ելույթում Մակրոնն ասել է, որ այդ մոբիլիզացիայի մի մասը ենթադրում է ֆրանսիացի սպառողների եւ ձեռնարկությունների սպառման կրճատում: «Մենք պետք է պատրաստվենք մի սցենարի, երբ ստիպված կլինենք գոյատեւել առանց ռուսական գազի»,- ասել է նա:

Նրա խոսքով՝ ինքը շուտով էներգիայի սպառումը սահմանափակելու մանրամասն ծրագիր կներկայացնի։

Ֆրանսիան պետք է մոբիլիզացվի, որպեսզի նախապատրաստվի էներգիայի անբավարարաության հավանական սցենարին այս աշնանը: Այս մասին հայտարարել է Ֆրանսիայի նախագահ Էմանուել Մակրոնը՝ դրա համար, իհարկե, մեղադրելով Ռուսաստանին, որը, ըստ նրա, «Ուկրաինայի հետ պատերազմում որպես զենք օգտագործում է դեպի Եվրոպա մատակարարումների կրճատումը», փոխանցում է Reuters-ը։

Հեռուստատեսությամբ Ֆրանսիայի ազգային օրվան նվիրված իր ելույթում Մակրոնն ասել է, որ այդ մոբիլիզացիայի մի մասը ենթադրում է ֆրանսիացի սպառողների եւ ձեռնարկությունների սպառման կրճատում: «Մենք պետք է պատրաստվենք մի սցենարի, երբ ստիպված կլինենք գոյատեւել առանց ռուսական գազի»,- ասել է նա:

Նրա խոսքով՝ ինքը շուտով էներգիայի սպառումը սահմանափակելու մանրամասն ծրագիր կներկայացնի։

Առողջապահության համաշխարհային կազմակերպությունը (ԱՀԿ) որոշում Է ընդունել նորացնել գենդերային խնդիրների հաշվառման հրահանգը եւ նոր խմբագրման մեջ ըստ Էության ճանաչել երրորդ սեռը, հետեւում Է կայքում զետեղված պաշտոնական հայտարարությունից, տեղեկացնում Է «Արմենպրես»-ը: «ԱՀԿ-ն այն նորացնում Է նոր գիտական տվյալների եւ գենդերի, առողջության եւ զարգացման բնագավառում հայեցակարգային  առաջընթացի լույսով»,-  ասված Է փաստաթղթում:

Վերանայման գործընթացն, ինչպես ընդգծվում Է, կհիմնվի այն հայեցակարգի վրա, որ «սեռը չի սահմանափակվում արականով կամ իգականով», եւ կկենտրոնանա «սեռի եւ առողջության նկատմամբ երկակի մոտեցումների շրջանակներից դուրս գալու վրա՝ գենդերային բազմազանության ճանաչման համար»: Կազմակերպությունում հիշեցնում են, որ հրահանգի առաջին հրատարակությունը լույս Է տեսել  2011 թվականին եւ հիմք Է ապահովում խտրականության ցանկացած ձեւերի վերացման համար առողջապահության համակարգում, հաղորդել Է ՏԱՍՍ-ը:

Պարենի համաշխարհային շուկաներում իրավիճակը լարված է լինելու։ Այս մասին հայտարարել է ՌԴ նախագահ Վլադիմիր Պուտինը, նրա խոսքերը մեջբերում է «ՌԻԱ Նովոստին»։

Երկրի ղեկավարն ասել է, որ Ռուսաստանը պետք է ներքին շուկա ապահովի՝ բոլոր հիմնական սննդամթերքներով։

«Մի շարք օբյեկտիվ եւ սուբյեկտիվ բնույթի հանգամանքների բերումով պարենային ապրանքների համաշխարհային շուկաներում իրավիճակը լարված է լինելու։ Ուստի, առաջին հերթին, իհարկե, մենք պետք է օգտագործենք մեր գյուղմթերք արտադրողների աշխատանքի արդյունքները, որպեսզի ներքին շուկան, ռուսական շուկան ապահովենք հիմնական սննդամթերքներով եւ անհրաժեշտ ուշադրություն դարձնենք մթերքների վերամշակման ոլորտին»,- հանձնարարել է Պուտինը։

Ռուսաստանի ղեկավարի խոսքով՝ շուկաներում լարվածությունը կապված է «որոշ գործընկերների սխալ գործողությունների հետ»։ Պուտինը հավելել է, որ դա «նրանց խնդիրներն են», բայց դրանք կանդրադառնան նաեւ Ռուսաստանի քաղաքացիների վրա։

Ուկրաինան կարող է անհետանալ աշխարհի քարտեզի, եթե Ռուսաստանի նախագահ Վլադիմիր Պուտինի պատերազմում հրադադարի համաձայնություն ձեռք չբերվի։ Այս մասին Sky News-ին տված հարցազրույցում ասել է Պենտագոնի նախկին գլխավոր խորհրդական եւ բանակի պաշտոնաթող գնդապետ Դուգլաս ՄքԳրեգորը, գրում է Newsweek-ը։

«Որքան երկար շարունակվի այս պատերազմը, այնքան շատ մարդիկ կսպանվեն եւ այնքան ավելի մեծ վնաս կհասցվի Ուկրաինային»,-ավելացրել է նա։

նրա խոսքով՝ Պուտինը չի պատրաստվում հրաժարվել հակամարտությունից։

«Նա չի պատրաստվում հեռանալ, դա բացառվում է։ Որքան երկար դա շարունակվի, այնքան ավելի մեծ է հավանականությունը, որ այն կվերածվի տարածաշրջանային պատերազմի»,-հավելել է ՄքԳրեգորը։

Թբիլիսիի քաղաքապետ Կախա Կալաձեն հայտարարել է, որ եթե Վրաստանը  Ռուսաստանի հետ պատերազմ սկսի, ընդհանրապես երկիր չի մնա, գրում է «Նովոստի-Գրուզիա»-ն։ Նա Վրաստանի՝ ԵՄ անդամակցության թեկնածու երկրի կարգավիճակ ստանալը կապել էՌուսաստանի դեմ ռազմական գործողություններին Վրաստանի մասնակցության հետ։

«Նախ պատերազմ չի սկսվի։ Վրաստանում խաղաղություն և հանգստություն կլինի»,- ասել է Կալաձեն՝ շեշտելով, որ Վրաստանի իշխանություններն ամեն ինչ կանեն, որպեսզի առաջին պլան մղվեն ժողովրդի շահերը, երկրի անվտանգությունը։

«Եթե երկիրը պատերազմ սկսի, ապա ոչ միայն կարգավիճակը, մենք նույնիսկ երկիր չենք ունենա: Մենք դա տեսանք Ուկրաինայի օրինակով, թեև եթե հանգիստ թողնենք այս օրինակը, ապա բոլորը պետք է լավ հիշեն, թե ինչ կատարվեց Վրաստանում 2008 թվականին՝ կորսված տարածքներ, գյուղեր, բազմաթիվ մարդկային կյանքեր, փախուստի դիմած կառավարության անդամներ, ավերված քաղաքներ և այլն։ Պատերազմը շատ ծանր է, ըստ այդմ, մենք պետք է ամեն ինչ անենք, որ երկրում խաղաղություն լինի», — ասել է քաղաքապետը։

Թբիլիսիի քաղաքապետ Կախա Կալաձեն կրկին կապում է Վրաստանի՝ ԵՄ անդամակցության թեկնածու երկրի կարգավիճակ ստանալը Ռուսաստանի դեմ ռազմական գործողություններին Վրաստանի մասնակցության հետ։

Ղազախստանն Ադրբեջանին է ընտրել որպես իր արդյունաբերական արտադրանքի արտահանման թիրախային շուկա, հայտարարել է Ղազախստանի փոխվարչապետ, առեւտրի եւ ինտեգրման նախարար Բախիթ Սուլթանովը, փոխանցում է «ՌԻԱ Նովոստին»։

Առեւտրի նախարարության մամուլի ծառայության փոխանցմամբ՝ երեքշաբթի Նուրսուլթանում կայացել է տնտեսական համագործակցության ղազախա-ադրբեջանական միջկառավարական հանձնաժողովի 18-րդ նիստը։ Հանդիպմանը Սուլթանովը նշել է, որ ղազախական ընկերությունները շահագրգռված են ադրբեջանական շուկա արդյունաբերական եւ գյուղատնտեսական ապրանքների անխափան արտահանմամբ։

«Առեւտրի եւ ինտեգրման նախարարությունն ակտիվորեն իրականացնում է արտահանման արագացման ծրագիր, որը նախատեսում է արտահանողների ուսուցում եւ աջակցություն։ Այս տարի Ադրբեջանն ընտրվել է որպես թիրախային շուկա, 23 ընկերություններ՝ քիմիական, մեքենաշինական, սննդային եւ թեթեւարդյունաբերական արտադրողներ, ադրբեջանցի գործընկերների հետ բանակցությունների ակտիվ փուլ են անցնում»,- փոխվարչապետի խոսքերն է մեջբերում մամուլի ծառայությունը։

Ղազախական կողմի տվյալներով՝ վերջին մեկ տարվա ընթացքում երկրների միջեւ փոխադարձ առեւտուրն աճել է 3 անգամ եւ կազմել է ավելի քան 330 մլն դոլար։ Այս տարվա հունվար-մայիս ամիսների արդյունքներով այս միտումը շարունակում է աճել, արտաքին առեւտրաշրջանառությունն աճել է ավելի քան 3 անգամ եւ կազմել է 161,4 մլն դոլար։

Տեղեկատվական տվյալների համաձայն՝ աճել է ցորենի եւ բրնձի արտահանումը, ավելացել են երկաթուղային լոկոմոտիվների եւ հարթ վարձակալության մատակարարումները։ Բացի այդ, Ղազախստանը սկսել է Ադրբեջան մատակարարել երկաթի ջարդոն, ռելսեր եւ հանքային պարարտանյութեր: Աճում է նաեւ ադրբեջանական արտադրանքի ներմուծումը, Ղազախստանը սկսել է գնել լողացող օբյեկտներ, խողովակներ, պոմպեր։

ԱՄՆ-ը կարող է կարեւոր դեր խաղալ հայ-ադրբեջանական հարաբերությունների կարգավորման, հաղորդակցությունների բացման, մարդկանց միջեւ շփումների հաստատման գործում այն ժամանակ, երբ Հարավային Կովկասում բարենպաստ պայմաններ են ձեւավորվում կայուն խաղաղության հաստատման եւ տնտեսական առաջընթացի համար։ Այս մասին ասված է Ադրբեջանի նախագահ Իլհամ Ալիեւի շնորհավորական նամակում՝ ուղղված Ամերիկայի Միացյալ Նահանգների նախագահ Ջո Բայդենին, հայտնում է АПА-ն։

«Մենք նաեւ կարծում ենք, որ ԱՄՆ-ը կարող է արժեքավոր ներդրում ունենալ Հայաստանի եւ Ադրբեջանի միջեւ խաղաղության համաձայնագրի նախապատրաստման գործընթացում՝ մեր ներկայացրած հինգ սկզբունքների հիման վրա»,- ընդգծել է Ալիեւը։

Հայաստանի ներսում իշխանության վրա ճնշումը գլխավոր խնդիրն է Անկարայի և Երևանի միջև հարաբերությունների կարգավորման ճանապարհին։ Նման հայտարարություն է արել Թուրքիայի արտգործնախարար Մևլութ Չավուշօղլուն, գրում է Anadolu-ն։Հուլիսի 1-ին Վիեննայում տեղի ունեցավ Հայաստանի և Թուրքիայի հատուկ ներկայացուցիչներ` ՀՀ Ազգային ժողովի փոխնախագահ Ռուբեն Ռուբինյանի և դեսպան Սերդար Քըլըչի չորրորդ հանդիպումը։ Կողմերը պայմանավորվել են հնարավոր ամենասեղմ ժամկետներում Հայաստան-Թուրքիա ցամաքային սահմանը հատելու հնարավորություն ապահովել, համապատասխանաբար, Հայաստան և Թուրքիա այցելող երրորդ երկրների քաղաքացիների համար։ Կողմերը պայմանավորվել են նաև հնարավորինս շուտ Հայաստանի և Թուրքիայի միջև օդային բեռնափոխադրումներ իրականացնել։

Թուրքիայի ԱԳՆ ղեկավարի խոսքով` Հայաստանում որոշ շրջանակներ «տարածաշրջանում խաղաղություն չեն ցանկանում»։ Մինչդեռ Անկարան կողմ է Երևանի հետ երկխոսությունը շարունակելուն և պատրաստ է աստիճանաբար առաջ տանել այդ գործընթացը։«Ճնշումները թույլ չեն տալիս Երևանին համարձակ քայլեր ձեռնարկել կարգավորման ուղղությամբ: Մենք պատրաստ ենք կառուցողական երկխոսության: Տարածաշրջանին անհրաժեշտ է երկարաժամկետ խաղաղություն»,- ասել է թուրքական դիվանագիտության ղեկավարը:Նա կրկին առաջարկել է հարաբերությունների կարգավորման բանակցությունների հաջորդ փուլերն անցկացնել Անկարայում կամ Երևանում։«Երևանը դեռ պատրաստ չէ դրան, ապագայում հնարավոր են նմանատիպ հանդիպումներ»,- հավելել է Չավուշօղլուն։Նա նաև նշել է, որ Թուրքիան աջակցում է Հայաստանի և Ադրբեջանի միջև հարաբերությունների կարգավորման գործընթացին։«Թուրքիան բոլոր փուլերում խորհրդակցում և համակարգում է իր գործողությունները Ադրբեջանի հետ»,- ընդգծել է թուրք նախարարը։

Բելառուսի նախագահ Ալեքսանդր Լուկաշենկոն ասել է, որ աշխարհի վերաբաժանման համար պայքարի հաջորդ կռիվը լինելու է Կենտրոնական Ասիայում, դրա ախտանիշներն արդեն ի հայտ են եկել, գրում է ՌԻԱ «Նովոստի»-ն։

«Ամերիկացիներն ուզում են գերիշխել… միաբևեռ աշխարհ են ուզում, իսկ գլուխ բարձրացնողներին ռմբակոծում են… Պատճառն աշխարհում նոր հարաբերությունների ի հայտ գալն է, բազմաբևեռությունը։ Այսօր պայքար է գնում ոչ միայն մեր հետխորհրդային տարածքի, դրա եվրոպական մասի համար, այսօր պայքար է ծավալվել Կենտրոնական Ասիայի համար, որտեղ գտնվում են մեր (նախկին խորհրդային) հանրապետությունները», — ասել է Լուկաշենկոն շաբաթ Բելառուսի Անկախության տոնի առթիվ  հանդիսավոր հանդիպման ժամանակ:

Նա ընդգծել է, որ այս տարվա սկզբին Ղազախստանում զանգվածային բողոքի ցույցերից հետո զգուշացրել է Ուզբեկստանում իրավիճակի ապակայունացման վտանգի մասին։

«Տեսեք՝ Ղարակալպակստանի (ինքնավար) Հանրապետությունը… իբր ինչ-որ բան չի արտացոլվել սահմանադրության մեջ, իսկ հիմա այն ոտքի է ելել, ոչ, Ուզբեկստանը սկսել են ճոճել: Եվ այսօր արդեն հայտարարում են, որ օտարների մատը դրան խառն է: Նրանք չեն հեռանա նաև Ղազախստանից։ Իրավիճակն այնտեղ բարդ է»,- ասել է Լուկաշենկոն։

«Կենտրոնական Ասիան, ինչպես և մենք, հայտնվել է երկու կրակի արանքում՝ մի կողմից եվրոպացիները և ամերիկացիներն են, մյուս կողմից՝ Չինաստանի, որը մեծապես օգնում է Կենտրոնական Ասիայի գոյատևմանը։ Այս մենամարտը շուտով կլինի Կենտրոնական Ասիայում, դրա ախտանիշներն արդեն ի հայտ են եկել»,- հայտարարել է Բելառուսի նախագահը։ Նա ընդգծել է, որ «աշխարհը բաժանելու են»։

Հիշեցնենք, որ Ուզբեկստանի նախագահ Շավքաթ Միրզիյոևը Ղարակալպակստանի ինքնավարությունում, որտեղ տեղի են ունեցել անկարգություններ, հայտարարել է պարետային ժամ, որը գործելու է մինչև օգոստոսի 2-ը հայտարարված արտակարգ դրության շրջանակում։ 

Ուրբաթ մարդկանց խումբը փորձել էր գրավել ինքնավարության մայրաքաղաք Նուկուսում պետական մարմինները. նրանց դժգոհությունն առաջարկել էր նախագահ Միրզիյոևի սահմանադրական բարեփոխումների առաջարկը, որը վերաբերելու էր նաև ինքնավարությանը:

Իրավապահները վճռականորեն ճնշել են անօրինական գործողությունները: Հաջորդ օրը Շավքաթ Միրզիյոևը հայտարարել է, որ որոշել է չփոփոխել սահմանադրությունը Ղարակալպակստանի կարգավիճակի վերաբերյալ։

Մոտ երկու միլիոն բնակչություն ունեցող Ղարակալպակստանի Ինքնավար Հանրապետությունը գտնվում է Ուզբեկստանի հյուսիս-արևմուտքում և համարվում է երկրի ամենամեծ շրջանը՝ զբաղեցնելով նրա տարածքի մոտ 40 տոկոսը։ 1990-ականներին ստորագրվել է համաձայնագիր, որով այն ինքնիշխան հանրապետության կարգավիճակով մուտք է գործել Ուզբեկստանի կազմ՝ հետագայում հանրաքվեի հիման վրա դուրս գալու իրավունքով:

Ռուսաստանի եւ Ֆրանսիայի նախագահներ Վլադիմիր Պուտինի եւ Էմանուել Մակրոնի բանակցությունների գաղտնիության խախտումը օրինակ է այն բանի, թե ինչպես են Փարիզում հասկանում «դիվանագիտություն» բառը, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Խոսքը դիվանագիտական պրակտիկայում չտեսնված բաների մասին է։ Խոսքը գնում է այն մասին, որ երբ զանգերը բարձր մակարդակով են կատարվում, իսկ դրանք այժմ դարձել են դիվանագիտության քայլող գործիք, այդ թվում՝ պանդեմիայից հետո, ապա դա, իհարկե, գաղտնի պատմություն է, երկու առաջնորդ, երբեմն երեք հոգով էլ խոսակցություններ են լինում, և տեսակապի միջոցով, բնականաբար, դրանք փակ բանակցություններ են։ Այնպես որ, պարզվեց, որ մի քանի ամիս առաջ, երբ Մակրոնը զանգահարում էր Ռուսաստանի նախագահին, անմիջապես սենյակում, աշխատասենյակում, սեղանի մոտ, որտեղ տեղի էր ունենում այդ հեռախոսազրույցը, ձայնը բարձր կապի վրա էր դրված, դե այդպես է լինում, քանի որ ձայնագրողները մասնակցում են, եւ թարգմանիչները, իհարկե, բայց ահա չտեսնված մի բան, պարզվում է, ամբողջ զրույցը ձայնագրում էր լրագրողական տեսախցիկը լրագրողների հետ միասին, որոնք նստած այդ ամենը նկարահանում էին»”- ասել է նա «Ռոսիա-1» հեռուստաալիքի կ«Կիրակնօրյա երեկոն Վլադիմիր Սոլովյովի հետ» հաղորդման եթերում:

«Իրականում սա օրինակ է այն բանի, որ հենց այդպես են նրանք հասկանում «դիվանագիտություն» բառը», — ընդգծել Է Զախարովան:

Կիրակի ֆրանսիական ԶԼՄ-ները հրապարակել են փետրվարի 20-ին Էմանուել Մակրոնի եւ Վլադիմիր Պուտինի միջեւ բանակցությունների ամբողջական վերծանումը: Զրույցը ձայնագրել է ֆրանսիացի լրագրող Գի Լագաշը, որն անձամբ ներկա է եղել՝ նկարահանելով Ֆրանսիայի նախագահի մասին պատմող սյուժեն։ Հաղորդումը պետք է կցուցադրվեր հունիսի 30-ին՝ ժամը 22: 15-ին, France 2 հեռուստաալիքով:

Այդ զրույցի ընթացքում Մակրոնը Պուտինին ասել է, որ ինքը «թքած ունի» ԴԺՀ-ի եւ ՉԺՀ-ի ժողովրդական հանրապետությունների առաջարկների վրա՝ Մինսկի համաձայնագրերի հետ կապված: Նրա կարծիքով՝ նրանք իրավունք ունեն արձագանքել միայն ուկրաինական առաջարկներին։ Մակրոնը նաեւ Պուտինին առաջարկել էր առաջիկա օրերին Ժնեւում հանդիպել ԱՄՆ-ի նախագահի հետ, ինչին Ռուսաստանի նախագահը պատասխանել է, որ ինքը սկզբունքորեն համաձայն է: Դատելով վերծանումից՝ զրույցը երբեմն լարված էր ընթանում։