Մարդու իրավունքների եվրոպական դատարանը հայտարարել է, որ ՌԴ իշխանությունները խախտել են քաղաքական գործիչ Ալեքսեյ Նավալնու իրավունքները, երբ հրաժարվել են հետաքննել «Նովիչոկով» նրա թունավորումը։

Դատարանը համարել է, որ Ռուսաստանը խախտել է մարդու իրավունքների պաշտպանության մասին կոնվենցիայի երկրորդ հոդվածը, որը պաշտպանում է կյանքի իրավունքը: Դատարանը վճռել է, որ ՌԴ իշխանությունները Նավալնուն պետք է 40 հազար եվրո փոխհատուցում վճարեն:

«Դիմումատուն բողոքել է, որ ռուսական իշխանությունները հրաժարվել են քրեական գործ հարուցել իր դեմ մահափորձի հետ կապված։ Նա պնդել է, որ իրեն թունավորել են քիմիական նյութով, որին հասանելիություն են ունեցել միայն պետական անվտանգության ծառայությունները, եւ բողոքել է, որ Ռուսաստանի իշխանությունները արդյունավետ հետաքննություն չեն անցկացրել»,-ասվում է ՄԻԵԴ-ի որոշման մեջ։ 

Սեպտեմբերին Ռուսաստանը դադարել է անդամակցել Մարդու իրավունքների եվրոպական կոնվենցիային։ ՄԻԵԴ-ում հայտարարել են, որ Ռուսաստանը պարտավոր է կատարել դատարանի որոշումները, որոնք վերաբերում են Եվրոպայի խորհրդից դուրս գալուց առաջ կատարված ցանկացած գործողության՝ անկախ այն բանից, թե երբ են կայացվել որոշումները։  

Ադրբեջանի ԱԳՆ-ն հայտարարել է քարտեզների հիման վրա Հայաստանի հետ սահմանազատումից հրաժարվելու մասին։

Հայտարարության մեջ Ադրբեջանի ԱԳՆ-ն նշել է․ «Ելնելով այն պահանջից, թե ինչ հիմքով պետք է իրականացվի սահմանազատման գործընթացը, նշենք, որ ինչպես Պրահայի, այնպես էլ Սոչիի հանդիպման վերաբերյալ հայտարարությունների համաձայն՝ սահմանազատումը պետք է իրականացվի տարածքային ամբողջականության եւ ինքնիշխանության փոխադարձ ճանաչման հիման վրա։ Որպես կանոն այդ հայտարարություններում ՄԱԿ-ի կանոնադրությանը եւ Ալմաթիի հռչակագրին հղումները տրվում են նշված սկզբունքների համատեքստում։ Հայկական կողմին քաջ հայտնի է, որ այս եւ մյուս հանդիպման ընթացքում որեւէ համաձայնություն ձեռք չի բերվել որեւէ քարտեզի հիման վրա սահմանազատում իրականացնելու վերաբերյալ:

Միջազգային պրակտիկայի համաձայն՝ ի տարբերություն Հայաստանի, սահմանազատման գործընթացը, որը Ադրբեջանը մինչ օրս իրականացրել է իր որոշ հարեւանների հետ, իրականացվել է ոչ թե հատուկ ընտրված քարտեզի, այլ իրավական նշանակություն ունեցող բոլոր փաստաթղթերի վերլուծության եւ դիտարկման հիման վրա: Հնարավոր է, որ այդ պրակտիկան կիրառվի նաեւ Հայաստանի հետ։ Այս կոնկրետ դեպքում հայկական կողմին ավելի ձեռնտու կլիներ սկսել սահմանազատման աշխատանքները, քան պնդել կոնկրետ հղում 1975 թվականի քարտեզին»,-ասվում է հայտարարության մեջ։

Ադրբեջանի ԱԳՆ-ն մեղադրում է Հայաստանին, որ «տարբեր պատրվակներով դանդաղեցրել է 8 գյուղերի վերադարձն Ադրբեջանին»։ Խոսքը այսպես կոչված «անկլավների» մասին է: Ընդ որում, Ադրբեջանում լռում են Ադրբեջանի տարածքում հայկական անկլավների առկայության մասին։

Ճիշտ այդպես Ադրբեջանի ԱԳՆ-ն «հիմքեր է գտել» հայ գերիներին չվերադարձնելն արդարացնելու համար։ «Արմեն Գրիգորյանը հարցազրույցի ժամանակ հայտարարել է, թե, իբր, Ադրբեջանը խոստացել է ազատ արձակել ձերբակալված 10 հայերին, իրականում ցույց է տալիս հայկական կողմի՝ միջազգային մարդասիրական իրավունքների ու մարդասիրության սկզբունքների, ինչպես նաեւ մոլորվելով սահմանը հատած 10-ից ավելի հայ զինծառայողների նկատմամբ անվերապահ անհապաղ վերադարձի նկատմամբ վստահության հաստատման միջոցառումների անտեսումը, ինչը հանգեցրել է նրան, որ Հայաստանը թաքցնում է իր գործողությունները՝ չպատասխանելով փոխադարձաբար»,-ասվում է Ադրբեջանի ԱԳՆ-ի հայտարարության մեջ։

Հիշեցնենք, որ Ադրբեջանն ադրբեջանական ԽՍՀ-ի իրավահաջորդը չէ, այլ ԱԴՀ-ի իրավահաջորդը՝ Հայաստանի նկատմամբ տարածքային բոլոր պահանջներով, ինչն արտացոլված է անկախության վերականգնման մասին հռչակագրում եւ սահմանադրության մեջ: Այսպիսով, Ադրբեջանի ԱԳՆ-ն արդեն բացահայտ հայտարարում է իր մտադրությունների մասին։

ՌԴ նախագահի խոսնակ Դմիտրի Պեսկովը հայտարարել է, որ Ռուսաստանը պետք է «իր գործն ավարտին հասցնի», քանի որ նա «այլընտրանք չունի»։ Այսպես է նա մեկնաբանել Ուկրաինայի կողմից  ՌԴ Բելգորոդի մարզի գնդակոծությունները, տեղեկացնում է «Կոմերսանտը»։

Ըստ նրա, Արևմուտքի երկրները Դոնբասում նման իրավիճակն անտեսել էին դեռ հատուկ ռազմական գործողության սկսվելուց առաջ։

«Մենք պետք է իմանանք մեր գործը, անենք մեր գործը և հասցնենք այդ գործն ավարտին։ Մենք այլընտրանք չունենք»,- ասել է Պեսկովը «Ռոսիա 1» հեռուստաալիքի «Մոսկվա։ Կրեմլ։ Պուտին» հաղորդման եթերում։

Այն հարցին, թե ինչպես անել այդ գործը, երբ Ուկրաինան ուժեղանում է արևմտյան սպառազինության հաշվին, մամուլի քարտուղարը հայտարարել է, որ ՆԱՏՕ-ի երկրների մատակարարումները կհանգեցնեն «լարվածության ահագնացման պարույրի հերթական գալարին»։ «Սա ավելորդ անգամ, հավանաբար, պարտավորեցնում է մեզ առավել  հավաքված, առավել ուժեղ, առավել մոբիլիզացված լինել։ Շարունակել սկսած գործը»,- ամփոփել է Դմիտրի Պեսկովը։

Թուրքիայի նախագահ Ռեջեփ Էրդողանը հունիսի 3-ին երդմնակալության արարողության ժամանակ, երբ թվարկում էր պետությունների եւ կառավարությունների ղեկավարներին, չի դիմել ՀՀ վարչապետ Նիկոլ Փաշինյանին:

Ինչպես հաղորդում է ՏԱՍՍ-ի թղթակիցը Թուրքիայի նախագահական համալիրից, Էրդողանը շնորհակալություն է հայտնել եւ ողջունել մի շարք երկրների, մասնավորապես՝ Ադրբեջանի, Բուլղարիայի, Վենեսուելայի, Ղազախստանի, Ղրղըզստանի, Պակիստանի եւ Ուզբեկստանի նախագահներին ու կառավարությունների ղեկավարներին, ՆԱՏՕ-ի գլխավոր քարտուղար Յենս Սթոլթենբերգին, աֆրիկյան մի շարք երկրների ղեկավարներին: Այդ ընթացքում Թուրքիայի TRT հեռուստաընկերությունը ցույց է տվել հյուրերին, եւ կադրում հայտնվել է Փաշինյանը։

Կինն ու օգնականները Էրդողանին հուշել են, որ նա, հավանաբար, մոռացել է շնորհակալություն հայտնել ինչ-որ մեկին։ Դրանից հետո նա դիմել է որոշ քաղաքական գործիչների, ինչպես նաեւ նախագահի նախկին թեկնածու Սինան Օհանին։ Սակայն Փաշինյանին այդպես էլ չի դիմել։

Էրդողանի խոսքով՝ «բոլոր հյուրերին թվարկելու ժամանակը չի բավականացնի»։ «Ավելի ուշ հանդիսավոր ընթրիքի ժամանակ մենք բոլորս խոսելու հնարավորություն կունենանք»,-ասել է նա։

Նշենք, որ հունիսի 3-ին ՀՀ վարչապետ Նիկոլ Փաշինյանը ժամանել է Անկարա: Նրան ուղեկցում է ՀՀ ԱԺ փոխնախագահ, հայ-թուրքական բանակցային գործընթացում հատուկ ներկայացուցիչ Ռուբեն Ռուբինյանը:

Հայաստանի Հանրապետությունը ստացել է հրավեր՝ մասնակցելու Թուրքիայի նախագահ Ռեջեփ Թայիփ Էրդողանի երդմնակալության արարողությանը:

Հայտնում են ՀՀ կառավարությունից։

Հունիսին 3-ին ՀՀ վարչապետ Նիկոլ Փաշինյանը կմեկնի Անկարա՝ արարողությանը մասնակցելու համար:

ՌԴ նախագահի մամուլի քարտուղար Դմիտրի Պեսկովն ասել է, որ Կրեմլն ի գիտություն է ընդունել Հայաստանի վարչապետ Նիկոլ Փաշինյանի այն հայտարարությունը, թե Հայաստանը Ռուսաստանի Դաշնության դաշնակիցը չէ ուկրաինական հակամարտությունում, մոտեցումների նրբությունները ընդունված են։

Ինչպես գրում է ՌԻԱ «Նովոստի»-ն, Փաշինյանն ասել էր, որ ուկրաինական հակամարտությունում Հայաստանը Ռուսաստանի Դաշնության դաշնակիցը չէ. այս առճակատումը, ըստ նրա, անհանգստություն է առաջացնում հայկական կողմի համար, քանի որ ուղղակիորեն ազդում է Երևանի բոլոր հարաբերությունների վրա։

«Մենք դա ընդունում ենք ի գիտություն: Սա կարևոր հայտարարություն է: Մենք գիտենք, որ Հայաստանի մոտեցումներում կան որոշակի նրբերանգներ Ուկրաինայի շուրջ հակամարտության վերաբերյալ, մենք դրանք հաշվի ենք առնում, գիտենք դրանց մասին: Բայց, իհարկե, մենք շարունակում ենք զարգացնել մեր դաշնակցին հարաբերությունները Հայաստանի հետ»,- ասել է Պեսկովը:

Թուրքիայի նախագահ Ռեջեփ Էրդողանը վերջին պահին հրաժարվել է մասնակցել Եվրոպական քաղաքական համայնքի գագաթաժողովին, գրում է Politico-ն:

Էրդողանը, որը եւս հինգ տարի կղեկավարի Թուրքիան՝ կիրակի օրը կայացած ընտրությունների երկրորդ փուլի արդյունքներով, չի մեկնի Մոլդովա։

Այսպես կոչված Եվրոպական քաղաքական համայնքը (ԵՔՀ), որը նոր կոլեկտիվ է, որը ստեղծվել է Ուկրաինայում պատերազմից հետո, կոչված է միավորելու եվրոպական առաջնորդներին ԵՄ-ից դուրս:  

Էրդողանը ներկա է եղել ԵՔՀ գագաթաժողովին Չեխիայի մայրաքաղաքում, սակայն դրա ավարտին նվիրված ընթրիքի ժամանակ կոնֆլիկտի մեջ է մտել իր հույն գործընկեր Կիրիակոս Միցոտակիսի հետ:

Մոսկվայի վրա ուկրաինական անօդաչու թռչող սարքերի հարձակման միջոցով Կիևի իշխանությունները փորձում են վախեցնել Ռուսաստանի քաղաքացիներին և  Ռուսաստանի ղեկավարությանը սադրել նմանատիպ պատասխանների:Այս մասին երեքշաբթի հայտարարել է ՌԴ նախագահ Վլադիմիր Պուտինը Զոտովի կենտրոն կատարած այցի ժամանակ՝ մեկնաբանելով այսօր առավոտյան Մոսկվայի և Մոսկվայի մարզի վրա անօդաչու թռչող սարքերի հարձակումը:

Ինչպես գրում է ՏԱՍՍ գործակալությունը, երկրի ղեկավարը մայրաքաղաքի վրա հարձակումը կապել է այն բանի հետ, որ Ռուսաստանի զինված ուժերը որոշ ժամանակ առաջ հարվածներ են հասցրել Ուկրաինայի ռազմական հետախուզության շտաբին։

Պուտինի խոսքով՝ Ռուսաստանի Դաշնությունը հարվածներ է հասցնում Ուկրաինայի տարածքին, բայց դա անում է «հեռահար ճշգրիտ զենքով»:

«Երկու-երեք օր առաջ ռուսական զինված ուժերը հարվածներ են հասցրել Ուկրաինայի ռազմական հետախուզության շտաբին։ Միաժամանակ Կիևի ռեժիմն այլ ճանապարհ ընտրեց՝ ահաբեկել Ռուսաստանի քաղաքացիներին և հարձակվել բնակելի շենքերի վրա։ Սա ահաբեկչական գործունեության ակնհայտ նշան է», — ասել է ՌԴ նախագահը։

Նրա խոսքով՝ Մոսկվայի վրա անօդաչու թռչող սարքի հարձակման նպատակը «Ռուսաստանին պատասխանի հրահրելն է»։

Պուտինը նաև ընդգծել է, որ Մոսկվայի հակաօդային պաշտպանության համակարգը հարձակման ժամանակ աշխատել է «նորմալ, բավարար»։

«Չնայած, աշխատելու բաներ դեռ կան», — ընդգծել է Պուտինը։

Հիշեցնենք, որ ուկրաինական անօդաչու թռչող սարքերը հարձակվել են Մոսկվայի և Մոսկվայի մարզի վրա մայիսի 30-ի առավոտյան։ Ռուսաստանի Դաշնության պաշտպանության նախարարության տվյալներով՝ հարձակմանը ներգրավվել է ութ սարք:

Ամբողջական հոդվածը կարող եք կարդալ այս հասցեով՝ https://factor.am/651770.html

© factor.am

Պաշտոնական Բաքուն արձագանքել է ՀՀ ԱԳՆ հայտարարությանը, որը վերաբերում է Ադրեջանի նախագահ Իլհամ Ալիևի հերթական ելույթին։ Հիշեցնենք՝ Ալիևը դարձյալ ուժի սպառնալիքով էր խոսել Հայաստանի հասցեին, ինչպես նաև Արցախում նոր ռազմական ագրեսիայի իրականացման և էթնիկ զտման ակնարկներ հնչեցրել։ Ադրբեջանի ԱԳՆ-ն պնդում է, թե  Երևանը, իբր, «խեղթյուրում է  Ադրբեջանի նախագահի ասածները»։ Ըստ Բաքվի՝ Ալիևը կոչեր է հնչեցրել, ոչ թե հերթական ագրեսիայի սպառնալիքներ։ «Հայաստանի ԱԳՆ-ի կողմից տարածքային ամբողջականությունն ու ինքնիշխանությունը հարգելու անհրաժեշտության, Ադրբեջանի ներքին գործերին միջամտության անթույլատրելիության և տարածաշրջանում անջատողականությունը խրախուսող քայլերի վճռական կանխարգելման վերաբերյալ Ադրբեջանի նախագահի «կոչերի միտումնավոր խեղաթյուրումը» վկայում է այն մասին, որ Հայաստանի ԱԳՆ-ն դասեր չի քաղում պատմությունից»,-ասվում է հայտարարության մեջ։ Ըստ Ադրբեջանի ԱԳՆ-ի՝ Ալիևի հայտարարություննեը, իբր, Արցախում էթնիկ զտում իրականացնելու մասին չեն և «անհիմն են» Հայաստանի պնդումները  էթնիկ զտման վերաբերյալ։ Չնայած այն հանգամանքին, որ Ադրբեջանի նախագահն է գրեթե ամենօրյա ռեժիմով սպառնալիքներ հնչեցնում Հայաստանի ու Արցախի հասցեին՝ ըստ Բաքվի՝ Երևանն է խոչընդոտում տարածաշրջանում խաղաղությանը։ «Այսպիսով, լավ կլիներ, որ հայկական կողմը, ոչ թե խոսքով, այլ գործով, խաղաղության հաստատման ջանքերը խոչընդոտելու և կեղծ հայտարարություններ անելու փոխարեն, հարգեր մեր երկրի տարածքային ամբողջականությունն ու ինքնիշխանությունը»,-ասվում է հայտարարության մեջ։ Ի դեպ, Բաքուն այդպես էլ չի նշում, հարգում է արդյո՞ք Հայաստանի տարածքային ամբողջականությունը։

Թուրքիայի արտգործնախարար Մևլութ Չավուշօղլուն Ժողովրդահանրապետական կուսակցության առաջնորդ և նախագահի ընդդիմադիր թեկնածու Քեմալ Քըլըչդարօղլուին մեղադրել է Հայաստանին և Արևմուտքին հաճոյանալու փորձի մեջ, հայտնում է «Անադոլուն»։

Թուրքիայի արտգործնախարարն անդրադարձել է Քըլըչդարօղլուի վերջին հայտարարություններին, թե դեպի Չինաստան տրանսպորտային երթուղին պետք է անցնի ոչ թե Ադրբեջանով, այլ Իրանով։

«Ի՞նչ իմաստ ունի ոտնահարել Ադրբեջանի շահերը. Հայաստանին կամ արևմտյան երկրներին հաճոյանալու համա՞ր է: Մենք քաջատեղյակ ենք այն ուժերի նպատակներին, որոնք ձգտում են մեկուսացնել եղբայրական Ադրբեջանը»,-ասել է Չավուշօղլուն:

Նա նաև հայտարարել է թյուրքական պետությունների կազմակերպության հարթակի կարևորության մասին, որն ուժ և վստահություն է հաղորդում թյուրքալեզու երկրներին։