Ադրբեջանական ԶԼՄ-ները հայտնի շախմատիստ, աշխարհի գավաթակիր Լևոն Արոնյանի հարսանիքի մասին լուրեր են տարածել, ընդ որում  իրենց հավակնություններով: Մասնավորապես ադրբեջանական իշխանամետ  haqqin.az կայքը գրում է.  «Համացանցում հարսի պարի տեսանյութն է տարածվել:  Արիանան պարում է “O olmasın, bu olsun” երաժշտական կոմեդիայի կերպարներից` Մեշադի Իբադի երգի երաժշտության ներքո , որը ադրբեջանցի հայտնի կոմպոզիտոր Ուզեիր Հաջիբեյլիի գործերից է համարվում:  Հայերը, «սովորության համաձայն», այն իրենց են վերագրում (մասնավորապես նույն մեղեդին հանրահայտ կոմպոզիտոր Արմեն Խաչատուրյանը «վերցրել» է իր «Գայանե» բալետի համար)»:

Նշենք, որ «Ուզունդարա»-ն հայկական հարսանեկան պար է։ Պարը կատարվում է հարսի կողմից՝ միայնակ կամ մի խումբ կանանց հետ միասին։ Ըստ հայկական աղբյուրների՝ «ուզուն» և «դարա» բառերի բացատրությունը տրված է Հրաչյա Աճառյանի «Արմատական» և «Նոր Հայկազյան» բառարաններում։ «Ուզուն» բառն առաջացել է՝ 1. «ուզել» բառից, 2.«ուզ»՝ (հարսի և փեսայի գլխին դրվող ծաղկեպսակ) բառից:

«Դարա» բառն առաջացել է՝ «դար» բառից. «դարան»՝ «թաքստոց», «թաքուն» բառից: Այսինքն՝ «ուզունդարա» նշանակում է «գաղտնի պսակ դնել»։

Թուրքիայի մայրաքաղաք Անկարայում ձերբակալվել է Սիրիայի քաղաքացի, ով փորձել է երկրից ապօրինի ճանապարհով բյուզանդական ժամանակաշրջանի Աստվածաշունչ դուրս բերել. տեղեկացնում է Ermenihaber-ը:

Ըստ թուրքական «Սոնդաքիքա» լրատվական կայքի՝ Աստվածաշունչը, որի կազմի վրա Հիսուս Քրիստոսի, Մարիամ Աստվածածնի և երկգլխանի օձի պատկերներ են, Սիրիայի քաղաքացի Մուհամմեդ Դ.-ն Սիրիայից բերել է Անկարա և այստեղից էլ փորձել է այլ երկիր տանել: Թուրքիայի հետախուզական ծառայությունը ձերբակալել է Մուհամմեդ Դ.ին, իսկ Աստվածաշունչը՝ առգրավել:

Ըստ աղբյուրի՝ եղնիկի կաշվից պատրաստված և ոսկեզօծ էջերով Աստվածաշունչը մոտավորապես գնահատվում է 1 միլիոն 500 հազար դոլար:

Թուրքիայում պետք է իսլամական դպրոցները շատացվեն, որ դիակները լվացող իմամ գոնե լինի, քանի որ նախկինում իմամների պակասի հետևանքով դիակները դրսում էին մնում։ Այս մասին հայտարարել է Թուրքիայի նախագահ Ռեջեփ Թայիփ Էրդողանը:

Ինչպես հաղորդում է News.am-ը` հղում կատարելով թուրքական Cumhuriyet–ին Թուրքիայի նախագահի այս հայտարարությունը մեծ արձագանք է գտել սոցցանցերում, որտեղ հեգնել են Էրդողանին։

Քութլու Էսենդեմիրը գրել է. «Այո, Էրդողանը ճիշտ է, դիակ լվացող իմամ չկար, պապս, որ մահացավ, դիակը տվեցինք քիմմաքրման»։

Շենայ Այդեմիրը նշել է. «Այո, իմամ չկար, ստիպված դիակները նետում էինք Ճորոխ գետը»։

Թաթյոս անունով օգտատերն էլ շարունակել է. «Երբ այն ժամանակ իմամ չկար, դիակները նետում էինք մայրուղի»։

Հայազգի պոկերի արքա Դեն Բիլզերյանը նկարել է ինքն իրեն Լաս Վեգասում երաժշտական փառատոնի ժամանակ արձակված կրակոցներից փախչելիս: Հրաձգության արդյունքում եղել են 2 զոհ և 26 վիրավոր: Այս մասին գրում է « Dhe Sun»-ը:

Ինստագրամի հայ հայտնին նկարահանել է ինքն իրեն Mandalay Bay կազինոյի մոտ և հրապարակել տեսանյութը իր էջում: Հրաձգությունը կատարվում էր հենց իր ետևում:

Ոստիկանությունը հաստատում է‚ որ հրաձիգը սպանվել է:

Ոստիկանությունը տեղեկատվություն է հավաքում հրաձիգի ինքնության և կրակոցների արձակման մասին:

Հրաձգությունը սկսվել է քանթրի երգիչ Ջեյսոն Ալդինի համերգի ժամանակ‚ որտեղ կային շուրջ 30000 հանդիսատես:

 Տեսանյութը դիտեք այստեղ

Լաս Վեգասում տեղի ունեցած հրաձգության արդյունքում զոհվել է առնվազն 20 մարդ, ավելի քան 100-ը վիրավորվել: Այս մասին հայտնել են տեղի ոստիկանությունից: Նշվում է, որ կրակոցներ արձակած հանցագործը չեզոքացվել է:

Իրավապահ մարմինների փոխանցմամբ՝ անհայտ անձը կրակ է արձակել Mandalay Bay Hotel հյուրանոցային համալիրի պատշգամբներից մեկից. հարձակվողի թիրախում եղել են քանթրի երաժշտության փառատոնի այցելուները:

Այս պահին նման տեղեկատվություն չունենք. ի պատասխան Factor.am-ի հարցին, թե Լաս Վեգասում հնչած կրակոցներից զոհերի ու վիրավորների թվում հայեր կան, պատասխանեց ԱԳՆ մամուլի խոսնակ Տիգրան Բալայանը:   «Ստուգվում է, նորություն լինելուն պես կհրապարակենք»,- հավելեց մամուլի խոսնակը:

Լաս Վեգասի կենտրոնում հրաձգության հետևանքով 50 տուժածների մեջ կան նաեւ հայեր:

Տուժածների թվում են հայ եղբայրներ Արմենակ և Մուշեղ Մուրադյանները: Նրանք Բըրբանք քաղաքից են: Արմենակը վիրավորում է ստացել ոտքի շրջանում, նրան արդեն դուրս են գրել հիանդանոցից:

https://www.youtube.com/watch?time_continue=11&v=lsnS6CadElo

ՌԴ Կրասնոդարի երկրամասում հայտնաբերված և ձերբակալված «մարդակերների ընտանիքի» գործով հետաքննության շրջանակներում հրապարակվել է նրանց բնակարանում իրականացված խուզարկության տեսանյութը, որտեղ մարդկային մնացորդներ էին հայտնաբերվել:

Ինչպես հաղորդում է Daily Mail-ը՝ վկայակոչելով հետաքննիչների հաղորդագրությունը, ամուսինների վերջին զոհը սպանվել և մասնատվել է զարդեղենի շուրջ ծագած վեճի արդյունքում, երբ ամուսինը հարբած վիճակում է գտնվել:

Ինչպես նշվում է, կասկածյալ 42-ամյա Նատալյա Բակշևան մեղադրել է 35-ամյա Ելենա Վաշրոշևային իր ամուսնուն գայթակղելու մեջ, որից հետո հանցագործ զույգը հաշվեհարդար է տեսել կնոջ նկատմամբ նույն շենքում, որն օգտագործել են որպես իրենց «սպանությունների գաղտնարան»:

Ոստիկանությունը ստուգում է ամուսինների խոստովանությունը, որի համաձայն իրենք սպանել և կերել են առնվազն 30 մարդու մի քանի տարվա ընթացքում: Ամուսնու խոսքով՝ ինքը մարդկանց սպանել և կերել է 1999-ից ի վեր:

Ինչպես ավելի վաղ հաղորդվել էր, ռուս իրավապահներն ուսումնասիրում են ամուսինների կենսագրությունը՝ սկսած մանկությունից:

Ամերիկայի հայկական համագումարի (Համագումար)հաղորդմամբ Սենատի Հատկացումների հանձնաժողովն ընդունել է 2018 ֆինանսական տարվա Պետական, արտաքին գործառնությունների և հարակից ծրագրերի հատկացումների մասին օրինագիծը, որը շարունակական ֆինանսավորում է ապահովում Լեռնային Ղարաբաղի (Արցախի) համար:

«Հանձնաժողովն առաջարկում է ղարաբաղյան հակամարտությունից տուժածներին օգնություն տրամադրել նախորդ ֆինանսական տարիներին համապատասխան գումարների չափով և հակամարտության հետ կապված ընթացիկ կարիքների համար»: Հանձնաժողովը կոչ է անում խաղաղ լուծում գտնել հակամարտությանը, որը, հաշվի առնելով Ադրբեջանի կողմից Հայաստանի և Արցախի դեմ վերջին ու աննախադեպ հարձակումները, ընդգծում է շփման գծում հրադադարի հստակ վերահսկման համակարգի ներդրման կարևորությունը:

Հանձնաժողովը նաև ընդունել է սենատոր Քրիս Վան Հոլլենի (դեմոկրատ, Մերիլենդ) առաջարկած օրենքի լրացումը, որն արգելում է զենքի վաճառքը Թուրքիայի Նախագահական անվտանգության վարչությանը` հաշվի առնելով ս.թ. մայիսի 17-ին Վաշինգտոնում տեղի ունեցած Թուրքիայի անվտանգության անձնախմբի կողմից խաղաղ ցուցարարների դեմ կատարված հարձակումը: Վերջերս 19 անձի, այդ թվում՝ 15 թուրք անվտանգության աշխատակիցների մեղադրանք էր առաջադրվել Թուրքիայի նախագահ Ռեջեփ Թայիփ Էրդողանի այցի ժամանակ Թուրքիայի դեսպանի կեցավայրի առջև այս հարձակման հետ կապված:

Օրինագիծը նաև պահպանում է Ազատության աջակցության ակտի 907 բանաձևը՝ վերահաստատելով ընդունված վեց բացառություններն Ադրբեջանին մարդասիրական ու այլ օգնության տրամադրման համար: Համագումարը շարունակում է կոչ անել 907-րդ բանաձևի լիակատար կիրարկումը` հաշվի առնելով հայերի նկատմամբ Ադրբեջանի թշնամական և ագրեսիվ գործողությունները:

«Ամերիկայի հայկական համագումարը երախտագիտություն է հայտնում Սենատի Հատկացումների հանձնաժողովի երկկուսակցական աշխատանքի համար և հատկապես բարձր է գնահատում սենատոր Վան Հոլլենի ջանքերն՝ օգնելու Արցախի շարունակական ֆինանսավորման ապահովմանը: Հայաստանի և Արցախի վերաբերյալ հույժ կարևոր առաջնահերթություններում ԱՄՆ ներգրավվածության հարցում նրա առաջնորդությունը կենսական նշանակություն ունի, և լիահույս ենք շարունակել մեր հետագա աշխատանքն այս օրհասական ժամանակաշրջանում», – հայտարարել են Համագումարի համանախագահներ Էնթոնի Բարսամյանը և Վան Գրիգորյանը:

Օրինագիծը նաև խրախուսում է կրոնական ազատությունը և հալածյալ կրոնական փոքրամասնությունների պաշտպանությունը, մասնավորապես Մերձավոր Արևելքում: 25 միլիոն ԱՄՆ դոլարի ծրագրերը նաև ներառում են 5 միլիոն ԱՄՆ դոլար՝ վայրագությունների կանխարգելման ծրագրերի համար:

Ադրբեջանական ընդդիմադիր աղբյուրներից հայտնի է դարձել, որ սեպտեմբերի 27-ին` ժամը 07-ի սահմաններում, Նախիջևանի Ջուլֆայի շրջանում տեղակայված զորամասերից մեկում, Ադրբեջանի զինված ուժերի զինծառայող, Սադարակ գյուղի բնակիչ Բահրուզ Փարվիզ օղլու Ջալիլբեյլիի (Cəlilbəyli Bəhruz Pərviz oğlu) կողմից սպանվել են 3 զինծառայողներ։

Սպանվածների տվյալներն են՝

— ավագ լեյտենանտ Նահիդ Քյարիբ օղլու Աբբասով (Abbasov Nahid Qərib oğlu, Ղարադաղի շրջանի բնակիչ)

— Էլվին Էլշան օղլու Շարիֆլի (Şərifli Elvin Elşən oğlu, Շահիլ գյուղի բնակիչ)

— Վուսսալ Ռաֆիկ օղլու Աղաև (Ağayev Vüsal Rafiq oğlu, 1993թ. ծնված, Շարուրի շրջանի Դուդանգյար գյուղի բնակիչ)

Նախնական տվյալներով` Բահրուզ Ջալիլբեյլին դիմել է փախուստի։

Փաստը հաստատվել է նաև ադրբեջանական ընդդիմադիր Մեյդան.TV կայքի կողմից։
Ադրբեջանի պաշտպանության գերատեսչությունը դեռևս որևէ տեղեկություն չի հայտնել դեպքի և սպանված զինծառայողների մասին։

Ալեն Ղուլյան. Ֆեյսբուք:

Մինչև այս տարվա վերջ ադրբեջանցի լրտեսները սպանված կլինեն: Նման հայտարարություն արել է Ադրբեջանի գլխավոր դատախազ Զաքիր Գարալովը: Լրագրողների հետ հանդիպման ժամանակ դատախազը հայտարարել է, որ մինչև տարվա վերջ կավարտվի զինվորական և քաղաքացիական լրտեսներին վերաբերվող քննությունը:

2017 թվականի մայիսի Ադրբեջանում հայտնաբերվել էին մի շարք անձինք՝ քաղաքացիական և զինվորական, որոնք մեղադրվում են լրտեսության մեջ: Ըստ մեղադրանքի նրանք շատ կարևոր ռազմական տեղեկություններ են հայտնել հայկական զինված ուժերի հետախուզներին: Մայիս ամսից մինչ օրս նրանց մեծ մասը անհետ կորել են: Նրանց սեփական տներից գողացել ու տարել են անհայտ հասցեով Ադրբեջանի ԱԱԾ-ի աշխատակիցները: Ըստ տեղեկությունները գողացված անձանց սպանել և անհայտ վայրում բոլորին թաղել են: Ահաբեկման են ենթարկվում բոլորի ընտնաիքի անդամները:

Լրտեսության մեջ մեղադրվող զինվորականների մեծ մասը ապրիլյան պատերազմի ակտիվ մասնակիցներ են և հարազատները պնդում են, որ նրանց հենց դրա համար են հետապնդել ու սպանել, քանի որ ապրիլյան պատերազմի ժամանակ շատ բաներ են տեսել ու հիմա նրանց ողջ մնալը ձեռնատու չէ իշխանության համար: Մի շարք զինվորականներ էլ փորձել են այդ տեսածները բարձրաձայնել ու նրանք առաջին անհետ կորածներն են եղել այս ամիսների ընթացքում:

Իհարկե ցուցակի մեջ եղել են իրական լրտեսներ ևս , որոնք համագործակցել են մեր զինված ուժերի հետ, սակայն առաջինը թռնում են պատերազմին մասնակցած ու լուրջ պետական խնդիրների մասին տեղեկացվածների գլուխները: Ու նման իրավիճակում երկրի գլխավոր դատախազը հավաստիացնում է , որ մինչև տարվա վերջ այս գործը կփակվի: Երևի կոնկրետ հաշվարկներ են արել, թե ամեն ամիս քանի հոգու գլուխ են ուտելու:

Աշոտ Ասատրյանի ֆեյսբուքյան գրառումը

Ֆրանսիայի իշխանություններն ընտանեկան զույգ են փնտրում, որը պատրաստ է բնակվել Բրետան թերակղզու մոտակայքում գտնվող Կեմենես անմարդաբնակ կղզում: 10 տարի այնտեղ բնակված ընտանիքը որոշել է, որ եկել է ցամաք տեղափոխվելու ժամանակը: Այս մասին հայտնում է BBC News-ը:

Ֆրանսիայի առափնյա անվտանգության գործակալությունը (Conservatoire du Littoral) հայտարարել է, որ այդ ընտանիքին փոխարինող է փնտրում և հույս ունի կամավորներ գտնել, որոնք պատրաստ են մասնակցել անսովոր փորձարկմանը:

Ավազով, քարերով և խոտով պատված փոքր կղզին մեկուկես կիլոմետր երկարություն ունի: Այնտեղ բնակվում են փոկեր, ծովային թռչուններ, ճագարներ և ուեսանյան ցեղատեսակի գաճաճ սև ոչխարներ:

Հայտնի է, որ կղզին բնակելի է եղել առնվազն հազար տարի, սակայն 25 տարի առաջ վերջին բնակիչները որոշել են լքել այն: Conservatoire du Littoral գործակալությունը, որը զբաղվում է բնական տարածքների պաշտպանությամբ, գնել է այն:
Շատերը կարծել են, թե գործակալությունը կստեղծի այստեղ հերթական արգելոցը, սակայն մասնագետները որոշել են, որ կղզում մնացած ֆերման պետք է շարունակի աշխատել: Նրանք սկսել են կամավորներ փնտրել, որոնք պատրաստ են բնակվել կղզում և զբաղվել տնտեսությամբ:
Այսպես, 2007 թվականին Դավիդ և Սուազիկ Կյուիսնյեները բնակվել են կղզում և սկսել աշխատել այնտեղ: 10 տարի անց արդեն 2 երեխա ունեցող ընտանիքը որոշել է լքել կղզին:

Նշվում է, որ նրանք վարձակալության հարցերով տարաձայնություններ են ունեցել Conservatoire du Littoral-ի հետ: Դրանից բացի, նրանք կարծում են, որ երեխաները պետք է ավելի մոտ լինեն դպրոցին:

Աղբյուրի հաղորդմամբ՝ թեկնածուների հայտերի ընդունման վերջնաժամկետն արդեն լրացել է, և այժմ իշխանությունները քննարկում են 20 թեկնածուից բաղկացած ցանկը: Հաղթողը կբնակվի տանը, որը կազատի Կյուիսնյե ընտանիքը:

Առաջիկա շաբաթների ընթացքում ընտրյալները կիմանան՝ ինչ է իրենց սպասվում, և կղզի կտեղափոխվեն 2018 թվականի սկզբին:

tert.am