Հոկտեմբերի 27-ից Ամենայն հայոց կաթողիկոս Գարեգին Բ-ն Հովվապետական այցով գտնվում էր ԱՄՆ-ում: Կաթողիկոսի այցը միանշանակ չի ընդունվել ամերիկահայերի կողմից: Երեկ սոցիալական ցանցերում Հիմնադիր խորհրդարանին հարող ամերիկահայերը տեսանյութեր տարածեցին այցի ժամանակ կազմակերպված բողոքի ակցիայի մասին, որը նվիրված էր Հայստանում քաղբանտարկյալների ազատությանը:

Օգտատեր Քրիստինե Հալաջյանը Լոս Անջելեսի հայ առաքելական եկեղեցու ներսից տեսանյութ է հրապարկել, որտեղ ներկայացված է Գարեգին Բ-ի մատուցած պատարագը: Հալաջյանին պարատարագի ընթացքում մի քանի անգամ փորձում են դուրս հրավիրել, որը ընդամենը տեսանկարահանում էր պատարագը: «Ամոթ է, մեզ խայտառակում ենք»,- դիելով Քրիտսինե Հալաջյանին՝ ասում է մի տղամարդ, որին ի պատասխան Հալաջյանն ասում է. «Խայտառակողները բեմի վրա են»: Ի պատասխան այդ դիտարկմանը տղամարդը շարունակում է. «Ասելիք ունես, գնա Հայաստանում ասաց, իրեն մի ասա: Եկեղեցում պատարագը խանգարելու իրավունք չունես դու: Իրիկունը կտենաս դու, պատարագը խանգարում ես»: Հալաջյանը տղամարդուն խնդրում է ներկայանալ, սակայն ստանում է հետեւյալ պատասխանը. «Գործիդ գնա, դու»:

Իսկ մինչ այդ պատարագին մասնակցողներից մեկը բղավում է. «Գարեգին, Սերժի մարդն ես, դուրս արի, դժոխք ես գնալու»: Բղավողին ինչ-որ մարդիկ արագ հեռացնում են պատարագի վայրից:

Եկեղեցու բակում հավաքված քաղաքացիների մոտ կա «Սասնա ծռեր» խմբի տարբերանշանը, Գարեգին Բ-ի նկարով ցուցապաստառներ:

Մասնակիցներն ունեցել են պաստառներ՝ “Karekin B murderer” (Գարեգին Բ մարդասպան), “Grey Wolf Garegin B” (Գորշ Գայլ Գարեգին Բ), «Ազատություն բոլոր քաղբանտարկյալներին», “Church belongs to people and not criminal Goverment” («Եկեղեցին պատկանում է ժողովրդին, ոչ թե հանցագործ կառավարությանը»):

Լեգենդար երգիչ Շառլ Ազնավուրի բարեկամուհին`Վերա Գեգչյողլյանը, չի կարողացել Իսրայելի համերգի ժամանակ անձամբ հանդիպել մաեստրոյին: Նա հասցրել է փոխանցել ընտանեկան լուսանկարները, որոնք վկայում են, որ նա ազգակցական կապեր ունի Ազնավուրի հետ։ Հույս ունի, որ մաեստրոն անպայման կարձագանքի:

Վերա Գեգչյողլյանը (Զապրուդսկայա) հույս ունի, որ մաեստրո Շառլ Ազնավուրը կարձագանքի իր փոխանցած ընտանեկան լուսանկարներին, և նրանք անպայման կհանդիպեն: Վերան այդ մասին պատմել է Sputnik Արմենիայի թղթակցի հետ զրույցում։

Ավելի վաղ Վերան հայտնել էր, որ Ազնավուրի հետ ազգակցական կապ ունի: Նա շատ էր ուզում հանդիպել մաեստրոյին և նրան այդ մասին պատմել հոկտեմբերի 28-ին Թել Ավիվում կայացած համերգի ժամանակ:

«Համերգի ընթացքում ես ու ամուսինս փորձում էինք գտնել Շառլի հանդերձասենյակը: Ի վերջո, մենք գտանք, բայց մեզ այդպես էլ ներս չթողեցին` բացատրելով, որ չեն կարող խախտել կանոնները` անվտանգության նկատառումներից ելնելով», — ասաց Վերան:

Վերային թույլ չտվեցին ներս մտնել, բայց խոստացան փոխանցել նրա բերած ծաղկեփունջը, որի մեջ հասցրել էր դնել ազգակցական կապերը հաստատող ընտանեկան լուսանկարները, իր հասցեն և հեռախոսահամարը:

«Ծաղիկները նրան փոխանցել են: Համենայն դեպս, երբ դուրս էր գալիս համերգասրահից, նրա ձեռքում էր նաև իմ ուղարկած ծաղկեփունջը: Մենք հասցրինք լուսանկարել այդ պահը: Լուսանկարների մեջ ես դրել էին նաև այն լուսանկարը, որում նա պատկերված է տատիկիս մատանին ձեռքին: Հուսով եմ` այդ լուսանկարը տեսնելուց հետո նա անպայման կապ կհաստատի մեզ հետ», — ասաց Վերան:

Այսօր Վերան ապրում է Իսրայելի Բաթ-Յամ քաղաքում, բայց ծնվել ու մեծացել է Ախալցխայում, որտեղ ծնվել է նաև Ազնավուրի տատիկը` Հայկանուշը։ Հայկանուշն ու Վերայի պապի պապը` Հայկ Սուջյանը, հարազատ քույր և եղբայր են։

Վերան խոստովանում է, որ նա իրենց ազգակցական կապի մասին որոշել է Ազնավուրին պատմել հանուն պապի` Ռաֆիկ Սուջյանի: Կյանքի օրոք պապը միշտ ցանկացել է, որ Ազնավուրն իմանա իրենց գոյության մասին:

Ազնավուրների տոհմը, որոշ աղբյուրների համաձայն, սկիզբ է առնում Արևմտյան Հայաստանից (ներկայում՝ Թուրքիայի տարածք)։ Ազնավուրի պապը՝ հորական կողմից Միսակ Ազնավուրյանը, հայտնի խոհարար էր, որը կյանքի վերջին տարիներն անցկացրել է ընտանիքի հետ Փարիզում։ Մահացել է 1938 թվականին։ Նրա հայրը` Մամիկոնը, ծնվել է 1897 թվականի մայիսի 26-ին Ախալցխայում։

Մամիկոնը դերասան էր և հասցրել է աշխատել Թբիլիսիի թատերախմբում, ավելի ուշ թատրոնի հետ մեկնել հյուրախաղերի Կոստանդնուպոլիս (ներկա Ստամբուլ)։ Հետո ընտանիքով նրանք տեղափոխվել են Փարիզ, որտեղ հանդիպել է կնոջը` Իզմիրում ծնված Քնար Բաղդասարյան-Ազնավուրյանին։

Նրանք ամուսնացել են 1922 թվականի հունվարի 22-ին, իսկ մեկ տարի անց լույս աշխարհ է եկել նրանց դուստրը` Աիդան, երկու տարի անց` 1925 թվականին, Փարիզում ծնվել է Շառլ Ազնավուրը։

armeniasputnik.am

Հյուսիսային Կորեան կարող է ոչնչացնել ԱՄՆ գրեթե ամբողջ բնակչությանը: Այս մասին ասվում է Կոնգրեսի համար զեկույցում:

Ինչպես բացատրվում է՝ էլեկտրամագնիսական ալիքը, որն առաջանում է միջուկային պայթյունից, կարող է հանգեցնել ԱՄՆ բնակչության 90 տոկոսի ոչնչացման: Business Insider պորտալի հաղորդմամբ՝ Փխենյանը կարող է կիրառել իր հրթիռ-կրիչները՝ միջուկային զենքը դուրս բերելով հարավային բևեռի վրայով և պայթեցնելով ԱՄՆ-ի վրա:

«Դա կհանգեցնի բարձր հաճախականությամբ էլեկտրամագնիսական ալիքի: Դրա հետևանքով էլեկտրաէներգետիկ համակարգը անորոշ ժամանակով կանջատվի, ինչը մեկ տարվա ընթացքում կհանգեցնի ԱՄՆ բնակչության 90 տոկոսի մահվան»,- ասվում է փաստաթղթում:

«Հրաշքների դաշտը» ռուսական կապիտալ-շոուի հայ մասնակիցը եթերում կատարել է իր հայրենիքին նվիրված «Ջան, Ղարաբաղ» երգը, որից ոգևորվել է վարող Լեոնիդ Յակուբովիչը: Այս մասին փոխանցում է Sputnik Արմենիան:

Գասպարյանը ծննդով Արցախից է, մասնագիտությամբ ռադիոտեխնիկ է:

Լեոնիդ Յակուբովիչը չդիմացավ և ցույց տվեց իր հայերենի գիտելիքները՝ Գեորգիին դիմելով «ցավդ տանեմ» արտահայտությամբ:

Այն բանից հետո, Երբ Գասպարյանին ընկավ մրցանակի հատվածը,  Յակուբովիչը հարցրեց. «Ինչպե՞ս կարելի է ասել հայերեն  « բախտավոր մարդ»: Շոուի մասնակիցը համեստորեն պատասխանեց. «բախտավոր տղա»: «Ա՛յ, դուք հենց դա եք», — ուրախությամբ բացականչեց հեռուստախաղի վարողը:

«Ներկաների կողմից ձեր հանդեպ աննախադեպ սերը պարզապես պատել է  ստուդիան»,- ավելացրեց Յակուբովիչը:

Ի վերջո, Գեորգին ընկերների նվագակցությամբ երգեց  «Ջա՜ն, Ղարաբաղ» երգը, որի կատարման ընթացքում վարողի դեմքից չէր իջնում ժպիտը, իսկ դահլիճը հայ մասնակցին շնորհեց բուռն ծափահարություններ:

Ծրագիրը տեսագրվել է հոկտեմբերի 1-ին, սակայն հեռարձակվել է հոկտեմբերի 27-ի երեկոյան: Գեորգին իր ելույթով կիսվել է  Facebook- ի սոցցանցում՝ գրառելով  «Տղաներով ռմբակոծեցինք: Շնորհակալություն բոլորիդ աջակցության համար»:

Արևմտյան Երուսաղեմում բնակվող ռոք երաժիշտ Ապո Սահակյանը Երուսաղեմի փողոցներից մեկի լուսանկարն է հրապարակել, որտեղ պատին գրված է հետևյալ գրությունը. «Մահ արաբներին և նրանց հայ ընկերներին», հաղորդում է rusarminfo.ru- ն:

«Սա ես գտել եմ Երուսաղեմում», — գրել է երաժիշտը՝ տեղադրելով լուսանկարն իր ֆեյսբուքյան էջում:

Ապո Սահակյանն այս գրությունը անվանել է ռասիստական և ավելի ուշ հրապարակել է մեկ այլ լուսանկար, որտեղ նա և իր արաբ ընկերը` Ֆիրասը, ձեռք ձեռքի են սեղմել այս գրության ֆոնի վրա:

ԱՄՆ Ինդիանա նահանգի նախկին գինեկոլոգին մեղադրում են նրանում, որ նա անպտղության բուժման համար հիվանդներին առաջարկել է իր սերմնահեղուկը՝ դոնորականի փոխարեն։ Այս մասին հայտնում է New York Post-ը։

Այժմ Դոնալդ Կլայնն արդեն թոշակի է անցել, սակայն աշխատանքային տարիներին նա նման քայլի է դիմել առնվազն 50 անգամ։ Հայտնի է նրա 8 երեխաների մասին, որոնցից ամենակրտսերը մոտ 30 տարեկան է։ Կլայնը հարցաքննության ժամանակ հայտարարել է, որ պարզապես ցանկացել է օգնել կանանց երեխաներ ունենալ և չի կարծել, թե ինչ-որ վատ բան է անում։ Բոլոր կանայք կարծել են, թե բժիշկը նյութը վերցրել է սերմնահեղուկի բանկից։ Բժիշկը նման ոչ միանշանակ քայլի է դիմել, երբ ձեռքի տակ դոնորական նյութ չի եղել 78-ամյա նախկին գինեկոլոգը մտադիր է ճանաչել իր մեղքը։ Այդ գործով դատական լսումները նշանակված են դեկտեմբերի 14-ին։

Գործով քննությունը շարունակվում է։

Ինդիանա նահանգի օրենքներով՝ բժիշկներին չի արգելվում դառնալ սեփական հիվանդների դոնորը։ Թե ինչ պատիժ կարող է սպառնալ բժշկին, չի հստակեցվում։

ԱՄՆ-ի ամենաբարձր երկնաքերը կկառուցվի ազգությամբ հայ գործարարին պատկանող ընկերության կողմից:

Նյու Յորքի քաղաքային կառուցապատման վարչությունը հավանություն է տվել, որ քաղաքում կառուցվի Մոսկովյան Meganom ընկերության 262 Fifth Avenue երկնաքերը, հաղորդում է Dezeen-ը:

Ռուսական ճարտարապետական ընկերության կողմից կառուցվող  ԱՄՆ-ի ամենաբարձր շինությունը կունենա «երկնային դարակների» տեսք։

Երկնաքերն ունենալու է 307.5 մետր բարձրություն եւ ամենավերեւում ունենալու է դիտասրահ։ «Մենք չէինք ցանկանում, որ այն շատ բաձր լինի, բայց միաժամանակ նպատակ ունեինք, որ տեսանելի լինի բոլոր կողմերից  եւ գեղեցիկ տեսարաններ բացվեն բնակարաններից։ Մենք որոշեցինք, որ այն  չպետք է լինի ավելի բարձր, քան Էմփայր Սթեյթ Բիլդինգի դիտասրահը եւ այդ նպատակով  շատ ուշադիր ենք լինելու, որպեսզի այս կառույցը չփակի այնտեղից բացվող տեսարանը»,-նշում է ընկերության հիմնադիր Յուրի Գրիգորյանը։

Բնակարանները նմանվում են դարակների, քանի որ չկան առանձին սենյակներ, այլ առաջարկվում է ընդհանուր տարածք, որը բնակչները իրենք են որոշում ինչպես օգտագործել։

Meganom-ի այս առաջարկը Նյու Յորքի համար կլինի «յուահաատուկ» կառույց, քանի որ կառուցման համար ընտրված նյութերը հնարավորությություն կտան ունենալ կայուն զով ջերմաստիճան շոգ ամառների եւ ցուրտ ձմեռների ընթացքում։

Չնայած սա Meganom-ի առաջին նախագիծն է ԱՄՆ-ում, սակայն ընկերությունն ներգրաված է  մի շարք ռուսական շենքերի կառուցապատման գործում։

«Իսլամական պետությունը» սպառնում է ահաբեկչական գործողություններ իրականացնել 2018 թվականին Ռուսաստանում անցկացվելիք աշխարհի առաջնության եզրափակիչ մրցաշարի օրերին:

Ահաբեկչական խմբավորման հետ կապ ունեցող Wafa Media Foundation մեդիախումբը Թվիթերում հրապարակել է արյունով արտասվող Լիոնել Մեսիի պատկերով ֆոտոպաստառ՝ «Դուք պայքարում եք մի պետության հետ, որի բառարանում չկա «ձաղոխում» բառը: Nike-ի հայտնի Just Do It կարգախոսը դարձել է Just Terrorism:

«Իսլամական պետության» վերահսկողության տակ գտնվող իրաքյան եւ սիրիական բնակավայրերում 2016 թվականից արգելված են «Ռեալի», «Բարսելոնայի», «Մանչեսթեր Յունայթեդի», «Մանչեսթեր Սիթիի», «Միլանի», «Չելսիի», Անգլիայի, ԱՄՆ-ի, Ֆրանսիայի եւ Գերմանիայի հավաքականների մարզաշապիկները, նաեւ Nike-ի եւ adidas-ի արտադրանքը եւ լոգոն:

Հոկտեմբերի 25-ին Ադրբեջանի պետանվտանգության ծառայությունից հայտնել են, որ երկրի մի քանի քաղաքացիներ փորձել են ահաբեկչական գործողություններ իրականացնել Ադրբեջանի տարածքում: ՊԱԾ հատուկջոկատայինների՝ Խըրդալան քաղաքում անցկացրած գործողությունների արդյունքում սպանվել է ահաբեկչական գործողություններ պլանավորած 3 անձ:  Փոխանցում է ադրբեջանական «ԱՊԱ» գործակալությունը:

Աղբյուրը հայտնում է, որ զինյալների խումբը հավաքել էր տարբեր տեսակի զենքեր, պայթուցիկ նյութեր ու պատրաստվում էր ահաբեկչական գործողություններ իրականացնել հոկտեմբերի 28-ին՝ Ադրբեջանի ընդդիմադիր «Դեմոկրատական ուժերի ազգային խորհրդի» Յասամալ շրջանում անցկացվելիք ցույցի ժամանակ:

Գործողության արդյունքում սպանվել են Ադրբեջանի քաղաքացիներ Էլեկբարով Բախթիյար Մեմմեդսադըք օղլուն, Մեսիմլի Անար Մեհման օղլուն և Հուսեյնլի Ջավիդ Հուսեյն օղլուն:

Հիշեցնենք, որ Ադրբեջանից դուրս եկած զինյալները անդամակցում են Մերձավոր Արևելքում գործող տարբեր զինյալ խմբավորումների, մասնավորապես՝ «Իսլամական պետություն» խմբավորմանը:

Այս տարվա սեպտեմբերի Ադրբեջանի պետական անվտանգության ծառայության ղեկավար, գեներալ-լեյտենանտ Մադաթ Գուլիևը հայտարարել էր, որ վերջին 5 տարվա ընթացքում Սիրիայում և Իրաքում գործող «Իսլամական պետություն» ահաբեկչական խմբավորմանն անդամագրվել է Ադրբեջանի ավելի քան 900 քաղաքացի:

Razm.info