Գերմանիայի Քրիստոնեա-դեմոկրատական կուսակցության անդամ, 2009-ից Բունդեսթագի պատգամավոր Կարին Շտրենցը, ով «Ադրբեջանական լվացքատան» բացահայտումների արդյունքում պարզվեց, որ գումարներ է ստացել Ադրբեջանից, պատասխանել է ամիսներ շարունակ իրեն ուղղված հարցերին ու մեղադրանքներին:

Շտրենցը 9 էջանոց հայտարարության մեջ անդրադարձել է Ադրբեջանի հետ կապերին՝ նշելով, որ ինքը կոռումպացված չէ ու չի ստել: Սակայն, ինչպես գրում է Ostsee-Zeitung-ը, Շտրենցը հարցերին պատասխանել է մասամբ: Քննադատները նրա հայտարարությունները արժանահավատ չեն համարում:

Վերջերս Գերմանիայում կայացած ընտրություններից առաջ հայտնի դարձավ, որ Շտրենցն աշխատել է Ադրբեջանի լոբբիստ Էդուարդ Լինթների համար՝ ստանալով 30 հազար եվրո: Նշվում էր, որ պատգամավորն ակնհայտորեն մտերիմ հարաբերություններ է ունեցել ավտոկրատական պետության հետ, որը սակայն Շտրենցը հերքում է՝ առանց հարցերին պատասխանելու, փոխանցում է Panorama.am-ը:

Երկուշաբթի օրը Շտրենցը, ով նաև Եվրոպայի խորհրդի խորհրդարանական վեհաժողովի անդամ էր, Եվրոպայի խորհուրդ է ուղարկել բացատրություն, որում ասել է, որ «իրեն ուղղված մեղադրանքները հավասարակշռված չեն»: Նա հերքել է ստելու ու կաշառվելու մասին մեղադրանքները, սակայն ընդունել է, որ աշխատել է Լինթների «Line M-Trade» ընկերության համար, ամսական ստացել 7497 եվրո՝ 3 ամիս, ընդհանուր 22 491 եվրո, սակայն չի իմացել, որ այն Ադրբեջանի կողմից է ֆինանսավորվում: Ըստ պայմանագրի, ընկերությունն իր հաճախորդներին տրամադրել է «իրավական, Եվրոպական, միջազգային ու տնտեսական հարցերով խորհրդատվություն»:

ԵԽ-ին ուղարկված բացատրությանը Շտրենցը կցել է նաև տարբեր  երկրների ներկայացուցիչների հետ հանդիպումների ցանկը, փորձելով ցույց տալ, որ ինքն Ադրբեջանի լոբբիստը չէ ու ակտիվ աշխատել է ոչ միայն Ադրբեջանի, այլ նաև Հայաստանի ու Վրաստանի հարցերով:

Քրիստոնեա-դեմոկրատական կուսակցությունում Շտրենցի նկատմամբ աջակցությունը կորել է: Բունդեսթագում խորհրդարանական խմբակցությունը ևս փորձում է հեռու մնալ  այս սկանդալից, իսկ գլխավոր քարտուղար Վոլֆգանգ Վալդմյուլլերն ասել է. NO COMMENT.

Artsakhpress.am

Ալիևի կարգադրությամբ՝ ադրբեջանցի պատմաբանները փորձում են ստեղծել երկրի նոր պատմություն՝ ամեն կերպ զրոյացնելով հայերի դերը Ադրբեջանի ձևավորման և զարգացման գործում: Ադրբեջանական մշակութային ժառանգության պատմության գրքերում հայկական հուշարձանների մասին տեղեկությունները պարբերաբար անհետանում են, իսկ ադրբեջանցի «գիտնականների» հոդվածները շարունակաբար ուղեկցվում են պատմական աղավաղումներով:  Այնուամենայնիվ, հայտնի փաստ է, որ հայերն առաջատար տեղ են զբաղեցրել Ադրբեջանի սոցիալական, մշակութային և գործարար կյանքում:

Ադրբեջանում շատ բաներ առաջին անգամ ներմուծել են հենց հայերը:

Օրինակ՝ առաջին տպարանը Բաքվում բացվել է հայերի կողմից, իսկ հրատարակված գրքերը լույս են տեսել ոչ միայն հայերեն, այլև ռուսերեն և եվրոպական լեզուներով, 20-րդ դարի սկզբին Մայիլով եղբայրներն առաջին անգամ Բաքվում կառուցել են օպերայի շենք՝ այժմ Ադրբեջանի պետական ակադեմիական օպերայի և բալետի ազգային ակադեմիական թատրոնը: Ադրբեջանը ներկայացնող առաջին աշխարհի չեմպիոնը եղել է հայազգի ըմբիշ Արտեմ Տերյանը: Բացի այս հայտնի փաստերից, կան նաև համամատաբար ավելի քիչ լուսաբանվող իրողություններ:

Դրանցից մեկը շատ խորհրդանշական է թվում. Ադրբեջանի ԽՍՀ պետական ​​գերբը հեղինակել է գրաֆիկական նկարիչ Ռուբեն Շխյանը:

Ռուբեն Շխյանն Ադրբեջանի հեղափոխական արվեստի աշխատողների միության անդամ էր: Խորհրդային Ադրբեջանի զինանշանը պատկերում է մուրճն ու մանգաղը,  նավթային աշտարակը ծագող արևի ֆոնին, որը մակագրված է և ադրբեջաներեն և ռուսերեն. «Ադրբեջանի Խորհրդային Սոցիալիստական ​​Հանրապետություն», «Բոլոր երկրների աշխատողներ, միացե՛ք»: Գերբի վերին հատվածում պատկերված է հնգանկյուն աստղ:

Ռուբեն Շխյանի  հայտնի աշխատանքներից է նաև Վլադիմիր Լենինի 3 մետր բարձրությամբ ռելիեֆային դիմանկարը (Վլադիմիր Ինգալի համահեղինակությամբ) Կիսլովոդսկում, որի բացմանը ներկա են եղել Ն.Կ. Կրուպսկայան, Մ.Ի. Ուլյանովան, Ն.Ա. Սեմաշենկոն:

Միևնույն ժամանակ, չնայած Շխյանի նման հայտնի արվեստի գործերին, նրա մասին շատ քիչ տեղեկություն է պահվել: Կամ ինքը Շխյանն է կյանքի ընթացքում չափազանց համեստ եղել, կամ Ադրբեջանի ժամանակակից պատմաբանները ջանք չեն խնայել…

armedia.am

Միջուկային փորձարկումներից հետո Հյուսիսային Կորեայի Պանգիրի հրաձգարանում տեղի բնակիչների մոտ մուտանտ երեխաներ են լույս աշխարհ գալիս: Այս մասին հայտնում է հարավկորեական Chosun Ilbo պարբերականը:
«Այդ շրջանում ապրող բարեկամս պատմել է, որ ծննդատներում մուտացիա ունեցող երեխաների ծննդյան դեպքեր են գրանցվում»,- ասել է պարբերականի զրուցակիցներից մեկը:

2010թ. Հյուսիսային Կորեայից փախուստի դիմած ևս մեկ տղամարդ պատմել է, որ այդ հրաձգարանից արձակված 2 փորձարկում է վերապրել: «Առաջին (2006թ. հոկտեմբեր) և երկրորդ (2009թ. մայիս) միջուկային փորձարկումների ժամանակ տարհանվեցին միայն զինծառայողների ընտանիքները, նրանց թաքցնում էին ստորգետնյա հանքերում: Տեղի բնակիչները փորձարկումների մասին ոչինչ չգիտեին»,- ասել է նա:
Բացի այդ, պարբերականի զրուցակիցները պատմել են հրաձգարանի շրջանում գետերում ձկների անհետացման և ծառերի 80%-ի ոչնչացման մասին, ինչն, ամենայն հավանականությամբ, ռադիոակտիվ աղտոտման հետևանք է:

Ադրբեջանում «Հայկական լրտեսների ցանցը» «բացահայտվելուց» հետո, ադրբեջանական ընդդիմադիր լրատվամիջոցները բազմիցս բարձրաձայնել են, որ այդ գործով կալանավորվածների խոշտանգումները և սպանությունները իրականացվում են մարտական ուղիով անցած հատուկ նշանակության ստորաբաժանումների զինծառայողների, կամ այսպես կոչված «շահիդների» հարազատների կողմից։
Ադրբեջանցի օգտատերերը գրում են, որ այդ գործով մեղադրյալներին խոշտանգումների ենթարկելու համար կալանավորվել է Ադրբեջանի զինված ուժերի հատուկ նշանակության ուժերի սպաներից մեկը։

Զինծառայողի տվյալները դեռ հայտնի չեն ։ Հայտնի միայն, որ նա ունի 26 տարվա զինվորական ծառայության ստաժ և որ փետրվարին Ակնայի ուղղությամբ մասնակցել է ձախողված դիվերսիոն գործողություններին։

Նյութի աղբյուրը՝ Арцах Армения-ի FB էջ:

Թուրքիան արդեն սկսել է փորձարկել Հայաստանի հետ սահմանի՝ Կարսի հատվածում տեղադրված տեսանկարահանման-վերահսկման համակարգը: Կարսի նախահանգապետարանից նշում են, որ այս քայլն ուղղված է սահմանային անվտանգության պահպանմանը, անցանկալի դեպքերի կանխարգելմանը: Այս մասին հայտնում է թուրքական պետական «Անադոլու» լրատվական գործակալությունը:

Ծրագիրը միայն Կարսի հատվածում ընդհանուր առմամբ գնահատվում է շուրջ 2 մլն 880 հազար թուրքական լիրա (ներկայիս փոխարժեքով՝ շուրջ 740 հազար ԱՄՆ դոլար):

Կարսի նահանգապետարանից նշել են, որ Հայաստանի հետ սահմանային շրջաններում տեսանկարահանման և վերահսկման սարքերի տեղադրման մրցույթն իրենք հայտարարել էին ընթացիկ տարվա օգոստոսի 3-ին: Կապալառու ընկերության հետ համաձայնագիրը ստորագրվել է արդեն օգոստոսի 17-ին:

Ըստ հաղորդագրության՝ տեսախցիկների մոտնաժումն արդեն ավարտվել է: Ներկայում ընթանում են համակարգի փորձարկման աշխատանքները:

Նոյեմբերի 6-ին Սիրիայում՝ Դեր Զոր քաղաքի թաղամասերից մեկում, ինքնաշեն պայթուցիկ սարք է պայթել, ինչի հետևանքով վիրավորվել է Ռուսաստանի ԶՈւ 5 զինծառայող, նրանց հետ միասին վնասվածքներ են ստացել նաև ռուսաստանյան «Զվեզդա» և «ՆՏՎ» հեռուստաալիքների 4 լրագրող: Այս մասին հայտնում է «ՏԱՍՍ» գործակալությունը:
Ըստ ՌԴ ՊՆ հաղորդագրության՝ զինծառայողները ՌԴ ԶՈւ «Միջազգային հակաականային կենտրոնի» աշխատակիցներ են և պայթունի ժամանակ տարածքի ականազերծման աշխատանքներ էին իրականացնում:

Բոլոր վիրավորվածները տեղափոխվել են «Հմեյմիմ» ավիաբազա, որտեղ նրանց տրամադրվել է անհրաժեշտ բժշկական օգնություն: Վիրավորված զինծառայողների և լրագրողների կյանքին ոչինչ չի սպառնում:

Հիշեցնենք, որ սեպտեմբերի 6-ին Դեր Զորում «Իսլամական պետություն» ահաբեկչական խմբավորման զինյալները հարձակվել էին իրանական Press TV և Al-Alam հեռուստալիքների լրագրողների վրա: Լրագրողներ չէին տուժել, սակայն վիրավորվել էր Սիրիայի կառավարական բանակի 3 զինծառայող:

Նոյեմբերին 3-ին հայտնի է դարձել, որ Սիրիայի կառավարական բանակը և նրանց աջակցող ուժերը ամբողջությամբ վերահսկողություն են սահմանել Դեր Զոր քաղաքում: Դեր Զոր նահանգում էլ իսլամիստ զինյալների ձեռքում շատ քիչ տարածքներ են մնացել, նրանք հիմնականում գործում են Սիրիա-Իրաք սահմանային հատվածում:

Razm.info

Իտալիայի ափերին փախստականների նավակում և դրա մոտակայքում 14-18 տարեկան 26 աղջկա մարմին է հայտնաբերվել. հաղորդում է Tvrain.ru-ն:

Հաղորդվում է, որ աղջիկները, հնարավոր է, սպանվել են Աֆրիկայի ափերից հեռանալու ժամանակ. նրանց նկատմամբ սեռական ոտնձգություններ են կատարվել:

Համացանցում հայտնվել են Իտալիայի Սալերնո նավահանգստից ստացված առաջին կադրերը, որտեղ հայտնաբերվել էին բռնաբարված և սպանված աղջիկների մարմինները, ովքեր փորձել էին ռետինե նավակով հատել Միջերկրական ծովը:

Հայտնի է, որ նավակում եղել է 64 մարդ. փրկվածներին տեղափոխել են ափ: Գրեթե բոլոր փախստականները Նիգերիայի, Սենեգալի, Գանայի, Գամբիայի և Սուդանի բնակիչներ են:

https://www.youtube.com/watch?time_continue=21&v=91XZj8JAUWU

Յոթամյա որդու սպանության համար ազատազրկման դատապարտված Մայքլ Ջոնսը այժմ փորձում է հերքել իր մեղքը: Ավելի վաղ տղամարդը խոստովանել էր, որ երեխային դաժան կտտանքների է ենթարկել, ում մարմնով հետո նա կերակրել է խոզերին՝ հանցանշաններից ազատվելու համար, հաղորդում է New York Post-ը:

«Ես շատ բանում եմ մեղավոր, սակայն ոչ դիտավորյալ սպանության մեջ»,- ասում է Մայքլ Ջոնսը:

Քանի որ դատարանում Մայքլը խոստովանել է իր մեղքը, նրան սահմանված 50 տարվա ազատազրկման նվազագույն ժամկետի փոխարեն դատապարտել են 25 տարվա ազատազրկման: Այժմ 46-ամյա տղամարդը պետք է ապացուցի, որ նա դարձել է դատարանի անարդարության զոհ, հակառակ դեպքում՝ նրա ժամկետը կավելացնեն:

Տղայի մարմնի մնացորդները գտել էին 2015թ. նոյեմբերին ֆերմայում, որը Կանզասում վարձակալել է նրա ընտանիքը: Քննությունը պարզել է, որ զոհվածին, մասնավորապես, սովամահ էին անում, էլեկտրոշոկերով խոշտանգումների ենթարկում: 31-ամյա խորթ մայրը՝ Հիզեր Ջոնսը, նույնպես սպանության մեջ մեղավոր էր ճանաչվել՝ չնայած կնոջ պնդմանն առ այն, որ ինքը չէր կարող հակազդել Մայքլի բռնությանը: Այդուհանդերձ, ըստ հարևանների, կինը մասնակցել է երեխայի հանդեպ կտտանքներին:

Աղբյուր` Փաստինֆո

Սաուդյան թագավորական ընտանիքի անդամ՝ արքայազն ալ-Վալիդ իբն Թալալ իբն Աբդել Ազիզ ալ-Սաուդը, ով առավել հայտնի է որպես արքայազն ալ-Վալիդ, համարվում է աշխարհի ամենահարուստ մարդկանց մեկը, ում՝ միլիարդների հասնող ունեցվածքը մեծանում է օրեցօր։

Ապագա միլիարդատերը ծնվել է 1955 թվականին, Ջիդդա քաղաքում՝սաուդցի արքայազն Թալալի և լիբանանցի Մոնա ալ-Սոլհիի ընտանիքում։ Ալ-Վալիդի պապը եղել է Սաուդյան Արաբիայի հիմնադիրը՝ երկրի առաջին թագավոր Աբդել Ազիզ իբն Սաուդը, ով արդեն պատկառելի տարիքում կնության է վերցրել Հայոց ցեղասպանության տարիներին փրկված հայուհու՝ Մունայիր անունով։

«Մունայիրը 12 տարեկանում արդեն ներկայացվել է իբն Սաուդին, իսկ շուտով դարձել սաուդցի կառավարչի սիրելի կինը և նրա համար երկու որդի լույս աշխարհ բերել՝ Թալալին և Նավաֆին»,-ասվում է Սաուդյան Արաբիայի հարցերով հայտնի մասնագետ Ջոզեֆ Քեշիշյանի «Իշխանությունն ու իրավահաջորդությունն արաբական միապետություններում, 2008թ» գրքում՝ հայտնում է rusarminfo-ն։

Սաուդցի արքայազն իր պատանեկությունն ու երիտասարդությունն անցկացրել է ԱՄՆ-ում, որտեղ ստացել է Մենլո քոլեջի բակալավրի աստիճան (Աթերթոն, Կալիֆորնիա)։ Բացի այդ, նա մագիստրոսի աստիճան է ստացել Սիրակուզի համալսարանում (Նյու Յորք)՝ PR գծով։ Ավելի ուշ նա փիլիսոփայության դոկտորի աստիճան է ստացել Էկսեթերի միջազգային համալսարանում (Մեծ Բրիտանիա)։

Դեռևս 1980-ականների սկզբին նա սկսել է զբաղվել ձեռնարկատիրական գործունեությամբ՝ կապեր հաստատելով Արևմուտքի և Սաուդյան Արաբիայի միջև։ Արքայազնի նախաձեռնությամբ ստեղծվել է միջազգային Kingdom Holding Company կորպորացիան, որը զբաղվում է աշխարհում խոշորագույն ներդրումային նախագծերով։

Այնուհետև նա սկսել է մասնաբաժիններ ձեռք բերել խոշորագույն միջազգային ֆինանսական City Group կոնգլոմերատում, News Corporation-ում, AOL-ում, Apple-ում, MCI-ում, Motorola-ում, Fox Broadcasting-ում։ 2011 թվականին նա 300 մլն դոլարի ներդրում է արել Twitter-ում։

2008 թվականին Times ամսագիրը ներառել էր նրան աշխարհի ամենաազդեցիկ 100 մարդկանց ցուցակում, իսկ Forbes-ի վարկածով արքայազնն աշխարհի ամենահարուստ 50 մարդկանցից մեկն է։ 2016 թվականին նրա կարողությունը գնահատվել է 17.3 մլրդ դոլար։

Արքայազնը երբեք պետական պաշտոններ չի զբաղեցրել Սաուդյան Արաբիայում։ Վերջին շրջանում մամուլում տեղեկություններ են շրջանառվում, որ Սաուդյան Արաբիայի թագավորը Իսրայելի հետ հարաբերություններ հաստատելուց հետո մտադիր է միլիարդատեր զարմիկին թագավորության դեսպան նշանակել այդ երկրում, գրում է 1in.am-ը:

info24.am

Ադրբեջանում որոշել են շներին վարժեցնել՝ տարբերակելու հայերեն խոսքը:

Այս մասին հայտնում է minval.az–ը։ Ադրբեջանի կինոլոգիական կենտրոնից հայտնել են, որ շների վարժեցումն ընթանում է ադրբեջաներենով։ Այսինքն՝ շները կատարում են ադրբեջաներենով տրված հրամանները։

Գլխավոր մարզիչ կապիտան Մովջուդ Ասկերովի խոսքով՝ մոտ ժամանակներս պլանավորվում է շներին վարժեցնել արձագանքել հայերեն խոսքին։ «Դա հիմնականում վերաբերում է պահապան շներին, որպեսզի նրանք կարողանան զգուշացնել զինվորներին, երբ որ թշնամու մոտենալիս հայերեն բառեր լսեն»,– ասել է նա։