Ադրբեջանական հեռուստաընկերությունն իր էժան եւ ողորմելի ծրագրերով հերթական մարազմն է ապացուցել:

Այս անգամ 5/5 հաղորդումն է առանձնացել իր «Elçilik» (խնամախոսություն) շարքով, վրդովված հաղորդում է haqqin.az-ը:

«Նրա իմաստը նրանում է, որ հաղորդավար Զաուր Քյամալը շրջում է շրջաններով եւ աղքատ ընտանիքների փեսացուներին օգնում է հարսնացու գտնել: Եթե որևէ փեսացուի մերժում են հարսնացուի հարցում, գործին միջամտում է Զաուր Քյամալը, որն իր նկարահանող խմբի հետ գնում է աղջկա ծնողների տուն եւ փորձում է նրանց համոզել: Այս անգամ Զաուրը գնացել է 7-րդ դասարանի աղջկան ամուսնացնելու, այն դեպքում, որ Ադրբեջանում անչափահասների հետ ամուսնություններն օրենքով արգելված են: Սա մանկապղծության հոդված է ենթադրում:

«Կարելի է ենթադրել, որ նկարահանող խումբը չի իմացել, որ աղջիկը անչափահաս է, սակայն ինչպե՞ս են խմբագիրները թույլ տվել, որ դա եթեր հեռարձակվի»,-գրում է պարբերականը:

news.am

Razm.info: Ադրբեջանի «ուժային կառույցի» 20 դիպուկահար երկշաբաթյա պատրաստության կուրսեր են անցնում Թուրքիայում: Դասընթացն անցկացնում է Թուրքիայի ոստիկանության հատուկ նշանակության գործողությունների հրամանատարությունը: Այս մասին հայտնում է թուրքական պետական «Անադոլու» լրատվական գործակալությունը:
Մարզումներն անցկացվում են Թուրքիայի մայրաքաղաք Անկարայից շուրջ 20 կմ հեռավորության վրա տեղակայված ուսումնական կենտրոնում: Կուրսերը ղեկավարմանը ներգրավված թուրք ոստիկանի խոսքերով՝ մարզվում են ադրբեջանցի ուժայիններ: Այս հայտարարությունից պարզ չէ, սակայն, թե Ադրբեջանի ուժային որ համակարգի զինվորականներ են մարզվողները:

Ամեն դեպքում, հաշվի առնելով այն փաստը, որ նաև օրենսդրական մակարդակով Ադրբեջանի ուժային բոլոր կառույցների զինծառայողները ցանկացած պահի կարող են տեղափոխվել բանակ կամ ներգրավվել ռազմական գործողությունների՝ այդ հանգամանքը էական ազդեցություն չունի:

Ըստ թուրքական կողմի տվյալների՝ այդ կենտրոնում 2017 թ. ընթացքում վերապատրաստվել է 10 երկրից 150 դիպուկահար:

https://www.youtube.com/watch?time_continue=2&v=mpyJPMfxdnw

Փարիզում ու արվարձաններում կազմակերպված հանցավորության դեմ պայքարի բաժանմունքի ոստիկանները հատուկ գործողություն են իրականացրել՝ նախկին ԽՍՀՄ-ից եկածների ստեղծած հանցավոր խմբավորման անդամներին ձերբակալելու համար,հայտնում է Lenta-ն։
Ֆրանսիական հատուկ ծառայությունները կասկածյալներին հետեւել են ավելի քան երկու տարի ։ Հաղորդագրության մեջ նշվում է, որ քննությունը իրականացվել է Ֆրանսիայում Վրաստանի դեսպանատան , Ինտերպոլի ու Եվրոպոլի օժանդակությամբ։ Արդյունքում հատուկ ծառայությունների աշխատակիցները ձերբակալել են «35 մարդու, այդ թվում ութ կնոջ», որոնք հիմնականում վրացիներ են։ Նրանք մասնակցել են «կողոպուտների, դրամաշորթությունների, մարդկանց առեւտրի»։
Խուզարկությունների ժամանակ ոստիկանները բռնագրավել են 70 հազար եվրո կանխիկ գումար, մի քանի ատրճանակ ու ավտոմեքենա։ Քննիչներին նաեւ հաջողվել է բացահայտել փողերի լվացման սխեման, որը օգտագործում էին չարագործները, դրանում ներառված է եղել նաեւ շինարարական ընկերություն։

Ըստ արաբական սոցիալական ցանցերի՝ օրերս «Իսլամական պետություն» ահաբեկչական խմբավորման մի խումբ չեչեն զինյալներ դիվերսիոն հարձակում են իրականացրել Սիրիայի Դեյր Զոր քաղաքի ռազմական օդանավակայանում:
Ռուսախոս գրոհայինները, ՌԴ ԶՈՒ հանդերձանքով, պայթուցիկով բեռնված ավտոմեքենայով, անցնելով սիրիական կառավարական ուժերի կողմից վերահսկվող մի քանի հսկիչ անցակետեր, հասել են Դեյր Զորի ռազմական օդանավակայան, կրակ բացել այնտեղ գտնվող զինվորականների և տեխնիկայի վրա, ապա մեքենան ուղղել օդանավակայանի շտաբի ուղղությամբ, մինչդեռ այն պայթեցվել է՝ չհասած թիրախին: Հարձակման հետևանքով սպանվել են 19 մարդ, այդ թվում` բարձրաստիճան սպաներ և ռուսերենի թարգմանիչ:
Չեչեն զինյալները կարողացել են մոլորեցնել սիրիացի զինծառայողներին՝ ներկայանալով որպես ռուս մասնագետներ, ովքեր պետք է հանդիպեն օդանավակայանի հրամանատարության հետ և զննեն ռազմական օբյեկտը:
Սոցիալական ցանցերում բուռն քննադատւթյուն է տեղացել սիրիացի ԶՈւ-երի հասցեին, որոնց ներկայացուցիչները զինյալներին ազատ տեղաշարժի իրավունք են տրամադրել միայն այն հիմնավորմամբ, որ նրանք խոսում են ռուսերեն, առանց հավելյալ ստուգման:

Ծանրամարտի 2016 թվականի Օլիմպիական խաղերի չեմպիոն Կիանուշ Ռուստամին որոշել է վաճառել մեդալը, որպեսզի օգնի երկրաշարժից տուժած հայրենակիցներին:

«Իմ պարտքն եմ համարում ինչ-որ քայլ անելը, որպեսզի օգնեմ իմ սերիլի հայրենակիցներին, որոնք տուժել են երկրաշարժի պատճառով:

Վերադարձնում եմ ոսկե մեդալը, որը պարտկանում է ժողովրդիս: Կվաճառեմ մեդալը և ստացած գումարը կնվիրաբերեմ երկրաշարժից տուժածներին»,- Ռուստամիի խոսքը մեջբերում է «Insidethegames.biz»-ը:

Հիշեցնենք, որ օրեր առաջ Իրանում տեղի էր ունեցել երկրաշարժ, որի հետևանքով զոհերի թիվը հատել է 500-ի սահմանը:

Վերջերս իսրայելական անօդաչու թռչող սարքերի արտադրողի վերաբերյալ հետաքննության շուրջ ծագած սկանդալը չի ազդի Իսրայելի եւ Ադրբեջանի միջեւ հարաբերությունների զարգացմանը:

Այս մասին NEWS.am-ին տված հարցազրույցում հայտարարել է իսրայելցի լրագրող Յոսի Մելմանը՝ «Մաարիվ» թերթում հրապարակված աղմկահարույց հոդվածի հեղինակը:

Ավելի վաղ այս տարի, լրագրող եւ գրող Յոսի Մելմանը  հոդված էր տպագրել «Մաարիվ»-ում, որտեղ նշվում էր, որ  Իսրայելի պաշտպանության նախարարությունը ստուգում է տեղեկատվությունն այն մասին, որ իսրայելական Aeronautics Defense Systems ընկերության օպերատորները հրաժարվել են  կատարել ադրբեջանական կողմի պահանջը եւ ցուցադրել հայկական թիրախներով նոր անօդաչու սարքերի հնարավորությունները:
«Չեմ կարծում, որ ձեր տարածքում աշխարհաքաղաքական իրավիճակը փոխվել է: Այս առնչությամբ դա Իսրայելի եւ Ադրբեջանի միջեւ հարաբերությունների չի անդրադառնա: Ես այլ կերպ կասեմ `Ադրբեջանը շատ կարեւոր է Իսրայելի համար, բայց այդ դեպքն այնքան վրդովեցնող է, որ անգամ Պաշտպանության նախարարությունը հասկացել է, որ իրենք չեն կարող այս ամենի վրա փակել իրենց աչքերը», — ասել է Մելմանը:

Նա ընդգծել է, որ ադրբեջանական կողմը փորձել է ակնարկել, որ այս դեպքը «թունավորում է հարաբերությունները», սակայն իսրայելական կողմը բացատրել է, որ «իրենք ժողովրդավարական հասարակություն են եւ չեն կարող միջամտել հետաքննությանը»:
Հետաքննության մասին տեղակտվությունը հայտնի դարձավ այն բանից հետո, երբ իսրայելի դատարանը ԶԼՄ-ներին տեղակատվություն փոխանցելու արգելքին հավանություն տվեց:

«Ինչ վերաբերում է դատարանի որոշմանը, ես կարծում եմ, որ դա աբսուրդի թատրոնից է: Որոշումը մինչեւ մարտ կգործի եւ իսրայելական լրատվամիջոցներին արգելում է հետաքքննության մասին հայտնել: Կարծում եմ լրատվամիջոցները կբողոքարկեն այդ որոշումը»,- ասել էնա:
Մելմանն ավելացրել է, որ հրապարակումից հետո նա Ադրբեջանում դարձել է թշնամի, նույնիսկ ադրբեջանական կայքերից մեկում նրան անվանվել են «Հայաստանի գործակալ»:

«Ես ներողություն եմ պահանջում: Նրանք ինձ անվանել են  կոռումպացված լրագրող՝ մեղադրելով հայկական լոբբիից կաշառք վերցնելու մեջ: Ես դատի կտամ նրանց զրպարտության համար եւ  փոխհատուցման կպահանջեմ», — ասել է նա:

Լրագրողը հավելել է, որ եթե ադրբեջանական լրատվական կայքից ներողություն չստանա, նա բրիտանական դատարան բողոք կներկայացնի:

35-ամյա Էնտոնի Կլարկը և 25-ամյա Քեթրին Դեվիսը ապրում էին անգլիական Բոլտոնում ամուսնու ամիսը 320 դոլար աշխատավարձով: Ծնողներին ոստիկանությանն է հանձնել Քեթրինի մայրը, ով բնակվում է ծերանոցում:

Էնտոնին ու Քեթրինը բնակվում էին Բոլտոնի իրենց տանը՝ հույս դնելով միայն Էնտոնիի փոքր աշխատավարձի վրա: Հետո Քեթրինը հղիացել է և սկսել է ատել իր փորը, գրում է Mirror-ը:

«Այս հղիությունը ուժասպառ է անում ինձ ու ձանձրացնում: Միայն Կլարկն է ինձ ստիպում առանձնահատուկ զգալ: Թեև փորիս մեջի հրեշն ինձ գեր է դարձնում: Ատում եմ այս փուչիկը»,- գրում է Քեթրին Դեվիսը օրագրում:

Երբ երեխան ծնվել է, իրենք որոշել են, որ նրան մեծացնելն իրենց կարողությունից վեր է: Այդ պատճառով զույգը սկսել է փոքրիկին սովամահ անել: Ինչու նրանք աբորտ չեն արել կամ չեն հանձնել երեխային մանկատուն, պարզ չէ: Երկուսն էլ պետք է շփվեն հոգեբույժների հետ:

Ինչևէ, երբ երեխան մահացել է, նրանք նրա մարմինը փաթաթել են նարնջագույն ծածկոցով, դրել կոշիկի տուփի մեջ, և փաթեթը սոսնձվող ժապավենով կպցրել: Մութ գիշերով նրանք փոքրիկին թաղել են բակում:

Մեկ ամսից Քեթրինը զանգահարել է ծերատուն՝ մորը և զրույցի ընթացքում սկսել է համոզել նրան, որ իր հղիությունը հորինվածք է: Սակայն ծեր տիկինը դրան չի հավատացել և ոստիկանություն է կանչել:

Տանը հայտնաբերվել է Քեթրինի անձնական օրագիրը, որտեղ նա գրում էր հղիության մասին: Զույգը խոստովանել է կատարածը և շուտով կկանգնի դատարանի առաջ:

Աղբյուր` Փաստինֆո

Ավելի վաղ հաղորդել էինք, որ Ռուսաստանի Ռոստովի մարզում ֆուտբոլի երկրպագուներով միկրոավտոբուս է վթարի ենթարկվել, ինչի հետևանքով զոհվել է 5 մարդ, այդ թվում՝ 14 և 16 տարեկան դեռահասներ: LIfe.ru-Ն պարզել է զոհերի և վիրավորների ինքնությունը. զոհերի թվում հայազգի պատանի կա՝ 17-ամյա Սերգեյ Շիրինյանը։ Նա ֆուտբոլի և արևելյան մարտարվեստների սիրահար էր։