Նոեյմբերի 22-ի լույս գիշերը Թբիլիսիի փողոցներից մեկում ահաբեկիչների ձերբակալման հատուկ գործողություն է սկսվել։ Շենքը, որտեղ ենթադրաբար տեղակայվել է երկու ահաբեկիչ, շրջապատվել է, այնտեղից մարդիկ տարհանվել են։ Առավոտյան Վրաստանի ազգային անվտանգության ուժերը գրոհել են շենքը, լսվել են կրակոցներ և պայթյուններ։ Այս մասին հայտնում է վրաստանյան Rustavi 2 հեռուստաալիքը։ Գրոհի արդյունքների և կորուստների մասին պաշտոնական տվյալներ չկան։

Ըստ շենքի բնակիչներից մեկի՝ բնակարանում ապրում էին Պանկիսիի կիրճից չեչեններ:

Ահաբեկիչների կողմից զբաղվեցված շենքի մոտ են բերվել «Կոբրա» զրահամեքենաներ:

Վիրավորվել է մեկ հատուկջոկատային, մարտական գործողությունները շարունակվում են:

Առայժմ տարածված տեղեկության համաձայն՝ Գաբրիել Սալոսի փողոցում տեղակայված շենքում գտնվում է երկու ահաբեկիչ, ովքեր Վրաստանի քաղաքացիներ չեն։ Վրաստանի ազգային անվտանգության ծառայության հատուկ նշանակության ուժերը արդեն 15 ժամ է, ինչ շարունակում են նրանց ձերբակալման ուղղությամբ հատուկ գործողությունը։

Շենքի գրոհը սկսվել է առավոտյան ժամը 5։00-ին, շուրջ մեկ ժամ լսվել են կրակոցի և պայթյունի ձայներ։ Դրանից հետո միջադեպի վայր են ժամանել շտապ օգնության մեքենաներ և իրավապահ կառույցների լրացուցիչ ուժեր։ Հատուկ գործողության պատճառով նաև տարհանվում են հարևան շենքերի բնակիչները, մոտակա դպրոցում դասերը դադարեցվել են։

Վրաստանի ՆԳՆ-ն և ՊԱԾ-ն առայժմ գործողության անցկացումը չեն մեկնաբանել։ Նաև որևէ տվյալ չի տրամադրվել հնարավոր կորուստների կամ տուժածների վերաբերյալ։

Աղբյուրը՝ razm.info

Լուգանսկում զինված հեղաշրջման հետ կապված՝ ՆԳՆ նախարար Իգոր Կորնետը հատուկ հայտարարությամբ է հանդես եկել՝ նշելով  որ Լուգանսկի ազգային հանրապետության առաջնորդ Իգոր Պլոտնիցկին փախել է:

Նշվում է նաև, որ Ներքին գործերի նախարարության զինված աշխատակիցները շրջափակել են կառավարության շենքը:

https://www.youtube.com/watch?v=wiiFWIo8Tgw

Ռուսաստանից Ս-400 հրթիռային համակարգի գնումը սխալ է: Այս մասին հայտնել է «Ժողովուրդների դեմոկրատական կուսակցության» հայազգի պատգամավոր Գարո Փայլանը Մեջլիսում արած իր ելույթի ժամանակ, հաղորդում է Akunq.net-ը՝ հղում կատարելով Yeniakit.com-ին:

«Ս-400 հրթիռները գնելու համար միլիարդավոր դոլարներ եք ծախսում, իսկապես հետաքրքիր է, թե այդ հրթիռները ո՞ւմ դեմ եք օգտագործելու: Ո՞վ է մեզ վրա հարձակում գործելու: Ներկայիս պարանոյան հետևյալն է` ՆԱՏՕ-ն մեզ վրա հարձակվել է, հետևաբար` ՆԱՏՕ-ն կրկին կարող է հարձակվել մեզ վրա: Դաշնակից կազմակերպության` մեզ հարվածելու վախը, ցավոք սրտի, խելացնորության աստիճանի է հասել:

Լուգանսկում զինված հեղաշրջում է տեղի ունենում «ԼՆՌ»-ի առաջնորդ Իգոր Պլոտնիցկիի դեմ:

Լուգանսկում Ներքին գործերի նախարարության զինված աշխատակիցները շրջափակել են կառավարության շենքը, ոմանց ձեռքին նռնակներ կան:

https://www.youtube.com/watch?v=PDAjbSeOtJw

Չեչնիայի ղեկավար Ռամզան Կադիրովն առաջարկել է հուղարկավորել Վլադիմիր Լենինին, իսկ Իոսիֆ Ստալինի աճյունը փոխանցել Վրաստանին, գրում է Interfax-ը:

«Ես բազմիցս ասել եմ Լենինի թաղման անհրաժեշտության մասին, թեև դա ինձ անձամբ չի հետաքրքրում: Նրանք հարցնում են ինձ, ես էլ իմ կարծիքն եմ հայտնում: Ինչ վերաբերում է Ստալինին, պետք է բարի կամք ցույց տալ և նրա աճյունը փոխանցել Վրաստանին, որպեսզի նրան հուղարկավորեն իր հայրենիքում: Վրաստանը ԽՍՀՄ-ի մաս էր, որը ղեկավարել է Իոսիֆ Ստալինը: Ուստի արդար կլիներ, եթե Վրաստանը նրան հուղարկավորելու հնարավորություն ստանար»,- ասել է Կադիրովը:

Նրա խոսքով` այդպես Ռուսաստանի միլիոնավոր բնակիչներ հանգիստ շունչ կքաշեին՝ իմանալով, որ ստալինյան ոգին հեռացել է երկրից:

Razm.info-ն գրում է. Նոյեմբերի 20-ին Ադրբեջանի պաշտպանության նախարարությունը հայտարարել է պայմանագրային զինծառայողների ընդունելության հերթական ժամկետները: Դիմումները պետք է ներկայացվեն 2017 թ. դեկտեմբերի 11-ից մինչև 2018 թ. հունվարի 4-ը: Ընդունվածները կանցնեն պատրաստության դասընթաց: Այս մասին հայտնում է Ադրբեջանի ՊՆ կայքը:

Հատկանշական է, որ, չնայած համաձայն Ադրբեջանի «Զինվորական ծառայության մասին» օրենքի 13-րդ հոդվածի պայմանագրային զինծառայության կարող են ընդունվել՝

նվազագույնը լիարժեք միջնակարգ կրթությամբ, օրենքով սահմանված կարգով պարտադիր զինծառայությունն անցած, մինչև 40 տարեկան զինվորականները (բացառությամբ սպաների, ենթասպաների և միչմանների), 19-40 տարեկան կանայք,

Սակայն այս անգամ ընդունելություն հայտարարվել է միայն մինչև 28 տարին լրացած քաղաքացիների համար: Նման սահմանափակում առաջին անգամ նկատվել էր 2017 թ. մայիսին՝ պայմանագրային ենթասպաների ընդունելության մասին հայտարարությունում: Այս տարիքային նեղ սահմանափակման պատճառները չեն նշվում:

Կարող ենք ենթադրել, որ սա արվում է 2016 թ. Ապրիլյան պատերազմից հետո հատուկ նշանակության ստորաբաժանումներում զինծառայողների պակասը լրացնելու նպատակով: Սակայն սա հաստատող փաստեր չկան:

Համաձայն Ադրբեջանի ՊՆ հաղորդագրության՝ այդ երկրի ՊՆ ուսումնամարզական կենտրոնում պատրաստության կուրսն անցածները զորքերում կծառայեն որպես շարքայիններ, սերժանտներ և մատրոսներ (նավաստի):

Ամբողջությամբ՝ սկզբնաղբյուր կայքում։

Բաքվի Գարադագսկի շրջանում՝ Լոկբատան բնակավայրի տարածքում, պայթյուն է որոտացել գործարաններից մեկում, հաղորդում է APA գործակալությունը:

Գործարանը պատկանում է թուրք գործարարի: Հաղորդվում է զոհերի և վիրավորների մասին, նրանց թիվը ճշտվում է:

Սկսվել է հետաքննություն:

Ռուսաստանի պաշտպանության նախարարության պաշտոնական օրգանը համարվող «Звезда» հեռուստաալիքի նոյեմբերի 19-ի եթերում հաղորդավարուհի Վերոնիկա Կրաշենիննիկովան անդրադարձել է Հայաստանին և Հայաստանի հանրապետական կուսակցությանը:

Կրաշենիննիկովան նախ նշել է, որ անսպասելիորեն Եվրամիութան կազմ է պատրաստվում մտնել Հայաստանը, որը նաև ԵԱՏՄ, ՀԱՊԿ անդամ է, Ռուսաստանի գլխավոր դաշնակիցն Անդրկովկասում:

«Տասը օրից Բրյուսելում Արևելյան գործընկերության գագաթնաժողովում Հայաստանը կստորագրի շրջանակային և ընդլայնված գործակցության մասին համաձայնագիր Եվրամիության հետ: Եվրամիության հետ ասոցացումը միակ բանը չէ, որ Հայաստանն անում է Ուկրաինայի նման:

Դժվար է հավատալ, բայց Երևանը նույնպես հերոսացնում է ֆաշիզմի հետևորդներին: 2016-ի մայիսին Երևանում տեղադրվել է Գարեգին Նժդեհի հուշարձանը: 1942 թվականին Նժեդհը դիմել է 3-րդ ռեյխին՝ խնդրելով խորհրդային Հայաստանը գերմանական գաղութ դարձնել:

Նժդեհի հուշարձանը խորագույն վիրավորանք ամբողջ հայ ժողովրդին, որը հերոսաբար կռվել է Մեծ հայրենականի ռազմաճակատներում: 106 հայեր ԽՄ հերոսներ են, բայց Նժդեհը հերոս է Հայաստանում իշխող Հանրապետական կուսակցության համար», ասում է Կրաշենիննիկովան:

Ապա հաղորդավարուհին ցույց է տալիս Հայաստանի հանրապետական կուսակցության լոգոն ու հարցնում՝ ոչինչ չի՞ հիշեցնում: Ինքը պատասխանում է՝ իրեն հիշեցնում է 3-րդ ռեյխի սիմվոլիկան:

«Երբ հանդիպել էի ՀՀԿ ղեկավարության հետ հանդիպմանը լոգոյի մասին հարցիս պատասխանելով, դուք չեք հավատա, ղեկավարներից մեկը հաստատեց՝ այո, մենք արիացիներ ենք: Կարծես թե մենք որոշ  բաներ չգիտենք Հայաստանի ղեկավար շրջանակների առանձին ներկայացուցիչերի մասին: Արդյոք նրանք պատրաստվում են Հայաստանը տանել Ուկրաինայի ճանապարհով», եզրափակում է Կրաշենիննիկովան:

Տեսանյութը՝ 19:30-րդ րոպեից:

https://www.youtube.com/watch?time_continue=1&v=pLts_RSnJf0

Ադրբեջանում մեկնարկած խոշորամասշտաբ զորավարժության շրջանակներում նոյեմբերի 18-19-ին վարժանքներ են անցկացվել Նախիջևանի առանձին համազորային բանակում։ Վարժանքներին ներգրավվել են հրթիռահրետանային, տանկային ստորաբաժանումներ, ուղղաթիռներ, ՀՕՊ ուժեր։ Այս մասին հայտնել է Ադրբեջանի ՊՆ կայքը։

Դատելով հրապարակված տեսանյութից և լուսանկարներից՝ զորավարժությանը առնվազն ներգրավվել են՝

• «Սմերչ» համազարկային կրակի ռեակտիվ համակարգեր,
• Տ-72 տանկեր,
• 2Ս1 «Գվոզդիկա» ինքնագնաց հրետանային համակարգեր՝ 122 մմ
• 2Ա31 «Գիացինտ» քարշակվող հրետանի՝ 152 մմ
• «Օսա» զենիթահրթիռային համալիրներ,
• Ս-125 ՀՕՊ համակարգեր,
• «Ստրելա» դյուրակիր ԶՀՀ,
• Մի-35 հարվածային և Մի-8/17 բեռնատար ուղղաթիռներ։

Ստորաբաժանումները հանվել են մշտական տեղակայման վայրերից և ուղարկվել նշանակված հավաքատեղիներ։ Ստուգվել են զորքերի ղեկավարման հնարավորությունները։

Զորավարժության շրջանակներում ստուգել են նաև Նախիջևանի կայազորի զորահավաքային հնավարությունները։

Հիշեցնենք, որ վարժանքները մեկնարկել են նոյեմբերի 16-ին և կավարտվեն նոյեմբերի 20-ին։ Ներգրավվել են Ադրբեջանի, այդ թվում՝ նաև Նախիջևանիբոլոր զորատեսակները, հրամանատարական կազմը։

Ադրբեջանի ԶՈւ Նախիջևանի բանակի 2Ս1 ինքնագնաց հաուբիցներ

Ադրբեջանի ԶՈւ․ Տ-72 տանկեր

Ադրբեջանի ԶՈւ․ Մի-8/17 ուղղաթիռներ

Ադրբեջանի բանակի «Օսա» ԶՀՀ-ներ

Ադրբեջանի ԶՈւ․ 2Ա31 «Գիացինտ» քարշակվող հաուբիցներ

Ադրբեջանի բանակի «Օսա» ԶՀՀ-ներ

Աղբյուրը՝ razm.info

84 տարեկան հասակում մահացել է ցմահ ազատազրկում կրող ամերիկյան սերիական մարդասպան Չարլզ Մենսոնը, հաղորդում է TMZ-ը՝ հղելով կնոջն, ում քրոջ սպանության մեջ նա մեղադրվել է:

Դեբրա Թեյթը պատմել է, որ իրեն զանգահարել են բանտից և հայտնել, որ Մենսոնը կիրակի օրը մահացել է:

Սերիական մարդասպանի հոսպիտալացման մասին հայտնի էր դարձել անցյալ շաբաթ: Կալիֆորնիայի նահանգի Պատիժների կատարման և կալանավորների ռեաբիլիտացիայի վարչությունը հաստատել է, որ Մենսոնը մահացել է բնական մահով Քերնի օկրուգի հիվանդանոցում:

1969թ. Մենսոնն «Ընտանիք» անվանվող իր կոմունայի անդամների հետ Լոս Անջելոսում սպանել էին ռեժիսոր Ռոման Պոլանսկու կնոջը՝ դերասանուհի Շերոն Թեյթին և նրա չորս ծանոթներին: Մենսոնին մեղավոր էին ճանաչել ևս երկու այլ սպանությունների մեջ: Նրան ու նրա երեք հանցակցուհիներին դատապարտել էին մահապատժի, սակայն նրանք փրկվել էին առավելագույն պատժից 1972թ. Կալիֆորնիայում դրա ժամանակավոր վերացման շնորհիվ:

1984թ. կրիշնայական կալանավոր Յան Հոլմսթրեմը հարձակվել էր Մենսոնի վրա: Նա սերիական մարդասպանի վրա լուծույթ էր լցրել ու այրել, սակայն Մենսոնը ողջ էր մնացել: 2014թ. հանցագործին թույլ էին տվել հարսանիք կազմակերպել իր երկրպագուհի Էֆտոն Էլեն Բերտոնի հետ: Աղջիկը դեռևս անչափահաս տարիքից տեղափոխվել էր Կալիֆորնիա, որպեսզի Մենսոնին ավելի մոտ գտնվի և նրան բանտում այցելում էր յոթ տարվա ընթացքում:

Աղբյուր` Փաստինֆո