Իրաքի ու Սիրիայի տարածքներում սպանված իսլամիստ ահաբեկիչների շարքում բազմաթիվ ադրբեջանցիներ են բացահայտվում: Այդ մասին են խոսում Ադրբեջանից դուրս թափանցող լուրերը: Ուշագրավ են հարևան երկրի կրոնական կառույցների հետ աշխատանքի պետական կոմիտեի նախագահ Սիավուշ Հեյդարովի հայտնած տեղեկությունները, որոնք ասվել են ի լուր լրագրողների:

— Մենք տեղեկատվություն ունենք Սիրիայի և Իրաքի ծայրահեղական կրոնական խմբավորումների կազմում շուրջ 300 ադրբեջանցիների մահվան մասին,— ասել է Հեյդարովը:

Ըստ ադրբեջանցի պաշտոնյայի՝ այդ խմբավորումների կազմում մարտերի մասնակցած 92 մարդ պատասխանատվության է ենթարկվել Ադրբեջանի տարածքում, իսկ 260-ը հայտնաբերվել ու զրկվել է քաղաքացիությունից: Սպանվածներից բացի, Սիրիայում և Իրաքում են գտնվում գրահայինների՝ թվով 300 կանայք և երեխաներ, որոնք նույնպես վարակված են ծայրահեղական խմբավորումների քարոզչությամբ:

— Երեխաներից մեկն արդեն վերդարձվել է Ադրբեջան. նա այժմ վերականգնողական շրջան է անցնում: Մնացած 19 երեխաներին Ադրբեջան կբերեն մոտ ապագայում: Նրանք ևս կընդգրկվեն վերականգնողական գործընթացում, որին կմասնակցեն հոգեբան, աստվածաբան և այլ մասնագետներ,— նշել է Հեյդարովը:

Այն, որ Ադրբեջանին անհանգստացնում է իսլամիստ համաքաղաքացիների ճակատագիրը, զարմանալի չէ: Չէ՞ որ բազմիցս է ասվել, որ ահաբեկիչների հետ մահվան խրախճանքի մասնակցած ադրբեջանցիները հետագայում տուն վերադառնալով՝ փորձանք կդառնան առաջին հերթին հենց Ադրբեջանի համար:

Իսկ այն, որ հարյուրամյակը դեռևս չբոլորած այդ պետության քաղաքացիներն այդպես հակված են գրոհայինների հետ համագործակցության, բնավ զարմանալի չէ. էությամբ ահաբեկչական Ադրբեջանից ուրիշ ի՞նչ է հնարավոր ակնկալել:

Նշվում է, որ «Ծայրահեղական խմբավորումների քարոզչության ազդեցությանը ենթարկված» կանանց ու երեխաներին փորձում են Ադրբեջան բերել, որպեսզի վերականգնողական գործընթացում ներգրավեն: Սա էլ, թերևս,  պետք է համարել ոչ միայն միջազգային կառույցների պահանջներին առերես հավատարմություն ցույց տալու գործելակեպ, այլև մտահոգություն, որ այդ մարդկանց մեջ ատելություն սերմանելիս շեշտը հատկապես հայերի վրա դրվի ու քարոզվի «իրենց» Ղարաբաղը վերստին Ադրբեջանի կազմ խցկելու մտագարությունը:

avangard.am

ԱՄՆ-ի ֆինանսների նախարարությունը «Կրոմլովյան զեկույց» է հրապարակել, որում ներառված են ՌԴ նախագահ Վլադիմիր Պուտինին մոտ կանգնած մարդիկ: Գրում է Rusarminfo.ru-ն:

ТАСС լրատվական գործակալության փոխանցմամբ՝ զեկույցում 210 անձանց անուն է նշվել, որոնց թվում 114 ռուս բարձրաստիճան պաշտոնյաներ և պետական ընկերությունների ղեկավարներ, ինչպես նաև 96 գործարարներ, որոնց կարողությունը գերազանցում է 1 միլիարդ դոլարը:

ԱՄՆ-ի ֆինանսների նախարարության հրապարակած զեկույցում հայտնվել են նաև հայազգի երեք խոշոր գործարարներ՝ «Տաշիր» ընկերությունների խմբի հիմնադիր Սամվել Կարապետյանը, «Մագնիտ» սուպերմարկետների ցանցի գլխավոր գործադիր տնօրեն Սերգեյ Գալիցկին (նախքան ամուսնությունը Հարությունյան) և «Росгосстрах» ընկերության նախկին նախագահ Դանիլ Խաչատուրովը: Ավելի ուշ ռուսական լրատվամիջոցները՝ հղում անելով ԱՄՆ-ի Պետդեպարտամենտի պատժամիջոցային քաղաքականակության նախկին համակարգող Դենիել Ֆրիդին, հայտնել են, որ ցուցակում ներառված անձինք պատժամիջոցների տակ չեն հայտնվում, սակայն ԱՄՆ-ի ֆինանսաների նախարարությունը ուշադիր հետևելու է նրանց գործունեությանը և անհրաժեշտության դեպքում կարող է ներառել պատժամիջոցների ցանկում:

Անգլիայում բացվել է առաջին հասարակաց տունը, որտեղ սպասարկում են սեքս-ռոբոտները: Այնտեղ սեքս-ռոբոտները գնելուց առաջ հնարավոր է փորձել, նոր գնել ապրանքը:

Այս մտահղացումը պատկանում է 40-ամյա գործարար Գրեհեմին: 130 դոլարի դիմաց հաճախորդին հնարավորություն է տրվում օգտվել երկտեղանի մահճակալից և սեքս-ռոբոտից իր իսկ ընտրությամբ:

Երբ հաճախորդը հավանում է սեքս-ռոբոտին, ապա նա կարող է ավելի բարձր գնով, քան վճարել է, գնել այն:

Գրեհեմը վստահեցնում է, որ հաճախորդները բացարձակապես դեմ չեն տիկնիկների օգտագործմանը, որոնք առաջ եղել են մեկ ուրիշի ձեռքում: Նրա վիճակագրության համաձայն՝ տղամարդկանց ընդամենը 30%-ն է պահանջում, այսպես ասած, կույս ռոբոտների:

«Ես միշտ էլ գիտեի, որ սեքս-ռոբոտի արտադրությունը կդառնա նորմալ երևույթ, որոշ տղաներ սկսում են հարեմ ստեղծել տիկնիկներով, մյուսները խաղում են միայն մեկ օրով, իսկ հետո վաճառում են, իսկ ոմանք էլ նույնիսկ ամուսնանում են »,- ասել է Գրեհեմը:

Անկարան պայմանավորվածություններ ունի Մոսկվայի հետ ընդդեմ սիրիական Աֆրին քաղաքում քրդական աշխարհազորի «Ձիթենու ճյուղ» գործողության վերաբերյալ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, գրում է թուրքական Yeni Safak թերթը։

«Թուրքիան չի հրաժարվի Աֆրինում գործողությունից, և այն համաձայնագիր ունի Ռուսաստանի հետ»,-հայտարարել է Էրդողանը։

«ԱՄՆ-ն այդ տարածաշրջան է մատակարարել 5000 խմբաքանակ սպառազինություն։ Այն բաշխվել է ահաբեկչական կազմակերպությունների միջև»,-հայտարարել է Թուրքիայի նախագահը։

Թուրքիան գործում է Սիրիայի անվտանգության ու միասնության ապահովման համար և ոտնձգություն չի կատարում այլ պետությունների տարածքային ամբողջականության նկատմամբ, վստահեցրել է Էրդողանը՝ հավելելով, որ սիրիացիները կկարողանան վերադառնալ իրենց տներն այն բանից հետո, երբ թուրքական բանակը վերահսկողություն սահմանի Աֆրինի նկատմամբ։ Էրդողանը նաև ընդգծել է, որ գործողությունն ուղղված է ընդդեմ ահաբեկչական կազմակերպությունների, այլ ոչ թե այդ շրջանում ընդդեմ քրդերի։

https://www.youtube.com/watch?time_continue=60&v=dRaeQtDIybY

Սիրիայի տարածք թուրքական բանակի ներխուժումից եւ ընթացող մարտերից հետո Թուրքիան պաշտոնապես հայտարարեց զոհված մի քանի զինվորականի մասին, տեղեկացնում է regnum.ru գործակալությունը:

Իսկ ընդդիմադիր խմբավորումների ներկայացուցիչները հայտնել են, որ «Ձիթենու ճյուղ» ռազմական գործողության 7 օրերի ընթացքում սպանվել է 59 խաղաղ բնակիչ եւ 43 զինյալ, այդ թվում 8 կին: Վիրավորվել է ավելի քան 140 մարդ:

Քրդական խմբավորումների զինյալներն իրենց հերթին հայտնում են թուրքական զինվորականների շրջանում առկա բազմաթիվ զոհերի մասին: Աֆրինի քրդերը տեսանյութ են հրապարակել, որտեղ ներկայացվում է սպանված թուրք զինծառայողների դիակները, նրանց անձնագրերը եւ թողած զենք-զինամթերքը:

Քրդական ժողովրդական ինքնապաշտպանության ջոկատների տարածած հայտարարության մեջ նշվում է, որ իրենք ստիպված են դիմում այս քայլին, որպեսզի թուրք ժողովուրդը տեսնի, թե ինչպես է իրենց ղեկավարությունը թաքցնում զոհերին եւ նրանց իրական թիվը։

https://www.youtube.com/watch?time_continue=7&v=2EVxQpmN8ME

Բրազիլիայի Կամասարիում նրանց տան հետնամասի բակում հայտնաբերվել է 44-ամյա Քրիստինա Ամարալի մարմինը՝ քայքայված, ոչ խորը գերեզմանում՝ նրա ամուսնու՝ Յուվենալի, դիակի հետ միասին:

Փորձագետ-քրեագետները պարզել են, որ 57-ամյա տղամարդուն դաժանորեն ծեծել են ու հասցրել դանակի մի քանի վնասվածքներ՝ ստիպելով նրան նայել, թե ինչպես են բռնաբարում նրա կնոջը, հաղորդում է The Sun-ը:

Բանդիտները ամուսիններին պատանդ են պահել առնվազն 24 ժամ, մինչև որ որոշել են դաժան խոշտանգումների անցնել այն պատճառով, որ նրանց այդպես էլ չի հաջողվել տանը փող գտնել:

Սպանությունների բաժնի պետ, դետեկտիվ Մարիա Թերեզա Սանթոսը պատմել է, որ հարձակվողները կիրառել են մարդակերություն: Դեռևս ուսումնասիրվում է վարկածն առ այն, որ հանցագործները կերել են իրենց զոհերից, երբ նրանք դեռևս ողջ են եղել:

«Ներքին օրգանները՝ ներառյալ ձվարաններն ու ֆալլոպիական խողովակները, պոկած-հանված է կնոջ մարմնից, իսկ մարմնի մյուս մասերը բացակայում են: Ոչ մի կառչելու բան չկա, որը ցույց կտար, թե որտեղ են այդ օրգանները: Փափուկ հյուսվածքները դիտավորյալ կտրվել ու առանձնացվել են զոհերի ոսկրերից»,- ասել է դետեկտիվը:

Ամուսինները դաժանորեն սպանվել են այն բանից հետո, երբ հարձակվածներից մեկի տատը, որը նրանց մոտ որպես հավաքարար էր աշխատում, պատմել է, որ նրանք փոխհատուցում են ստացել 15 հազար ֆունտի չափով: Սպանության կասկածանքով կալանավորվել էին 29-ամյա Դանիել Սանթոս Նեվեսը, 25-ամյա Կարլոս Ալբերտո Ներեսը և ևս երեք անչափահասներ՝ 13, 14 և 16 տարեկան:

Ձերբակալության ժամանակ նրանց մոտ գտել են 12-րդ կալիբրի կոտորքացան հրացան, ատրճանակ և զոհվածներին պատկանող ավտոմեքենան:

pastinfo.am

Հայտնի իսրայելցի բլոգեր ու ճանապարհորդ Ալեքսանդր Լապշինը հարցազրույց է տվել ադրբեջանական «Տուրան ՏՎ» հեռուստաալիքին, որի ժամանակ պատմել է, թե ինչպես են նրա հետ վարվել Բաքվի բժիշկները, մասնավորապես, ատամնաբույժները, փոխանցում է «Սպուտնիկ Արմենիան»։

«Ընդհանուր առմամբ, բուժսպասարկումը տանելի էր, փառք աստծո, բանտում որևէ լուրջ հիվանդություն ձեռք չեմ բերել։ Ատամների հետ կապված խնդիր ունեի, հավանաբար, վատ սնունդն էր պատճառը, ատամներս սկսեցին ճաքել և կոտրվել։ Ինձ բժիշկի տարան», – պատմում է նա։

Բլոգերի խոսքով` ատամները նրա բուժում էին առանց անզգայացման, իսկ բժիշկը ծիծաղելով բացատրեց, որ «հայ լրտեսներին անզգայացում չի հասնում»։

«Շատ ցավոտ էր ու տհաճ, առավել ևս, որ ես հայ լրտես չեմ, և նման թեմաներով կատակելն անտեղին եմ համարում», — ավելացրել է Լապշինը։

Բլոգերը նշել է նաև, որ բացի վերջին օրից, երբ նրան ուզում էին սպանել, նրան խոշտանգումների չեն ենթարկել։

«Սակայն միջանցքներում լսվում էին մյուս բանտարկյալների ճիչերը, որոնք ինձ սպառնում էին ու «հայ մարմնավաճառ» անվանում», – ասել է նա։

Արդեն մի քանի օր է, ինչ Փարիզով հոսող Սենա գետի վարարումն իսկական աղետի է վերածվել։ Կանխատեսվում է, որ հանգստյան օրերին մեկ ևս մետրով կբարձրանա ջրի մակարդակը: Ինչպես փոխանցում է Armlife.am-ի Փարիզի թղթակից Աննա Իգնաթևոսյանը` Սենան ջրի նման բարձր մակարդակ ունեցել է 1910 թվականին. «Այս պահին Փարզի հարակից շրջաններից տարհանվել է ավելի քան 400 ընտանիք, փակ են մի շարք դպրոցներ, խաթարված է էլեկտրաէներգիայի ու գազի մատակարարումը: Միաժամանակ փակ են Լուվրն ու Օրսեյի թանգարանը, ներքևի հարկերից տարհանվել են թանգարանային նմուշներ։ Չի աշխատում քաղաքամերձ երկաթգիծը: Ափամերձ տները հայտնվել են ջրի մեջ: Վտանգի տակ է նաև Ֆրանսիայի արտգործնախարարության շենքը, որ գտնվում գետի ափին: Փարիզի իշխանությունները ստիպված են եղել փակել Էֆելյան աշտարակի և Գրան Պալեի մոտ գտնվող թունելը »,- փոխանցում է փարիզյան մեր թղթակիցը։

Բաքվի հեռուստաաշտարակի շրջանում սողանքների սպառնալիքն այն աստիճանի է հասել, որ որոշում է կայացվել տարհանել շրջակա գոտու բանակիչներին:

Ինչպես հայտնում են haqqin.az-ը, Սաբալինի շրջանի գործադիր իշխանություններն անցկացրել են հատոոկ շտաբի արտակարգ նիստ, որի նպատակն է եղել քննարկել ստեղծված իրավիճակը: Հատուկ շտաբը որոշում է կայացրել տարհանել սողանքի տարածքում ապրող մարդկանց:

Ոստիկանության աշխատակիցները հանդիպել են վտանգավոր գոտու բնակիչների հետ, առաջարկել ժամանակավորապես թողնել իրենց բնակարաններն ու տեղափոխվել ազգականների մոտ ապրելու: Ստեղծվել են նաեւ ժամանակավոր կացարաններ: Տարածքը վերցվել է ոստիկանության հսկողության տակ:

Ավելի վաղ հաղորդվել էր, որ սողանքներն ակտիվացել էին շինարարական աշխատանքների պատճառով: Տեղանքում գետնի մակերեսին առաջացել են 1,5 մետրանոց ճեղքեր, որոնց խորությունը հասնում է 7 մետրի: