Ֆրանսիայի հարավում՝ Կարկես լճի մոտակայքում, ռազմական երկու ուղղաթիռ են բախվել: Առնվազն 5 մարդ է զոհվել: Դեպքի վայրում աշխատող փրկարարները որոնում են ուղղաթիռներից մեկում գտնված 6-րդ անձին: Ավիավթարի պատճառները հայտնի չեն:

Tert.am: Այսօր Դամասկոսի օդանավակայանում ահաբեկչական խմբավորումների զինյալների կողմից հրթիռակոծության է ենթարկվել Սոչիից վերադարձող օդանավը։ Օդանավի ուղևորները վերադառնալիս են եղել Սոչիում կայացած Սիրիայի ազգային երկխոսության կոնգրեսից:

Ինչպես փոխանցում է Հալեպի հայկական պարբերականներից «Գանձասարը», պատվիրակության կազմում է եղել Սիրիայի խորհրդարանի հայ պատգամավոր Ժիրայր Ռեիսյանը, որը պարբերականի հետ զրույցում նշել է, որ ահաբեկիչների արձակած առաջին հրթիռն ընկել է օդանավից մի քանի մետր հեռավորության վրա, դրանից հետո նրանց ուղղությամբ արձակվել է ևս երկու հրթիռ:

«Բարեբախտաբար, տուժածներ չկան, օդանավն էլ չի վնասվել», — ասել է Ռեիսյանը:

Լեհաստանի Սենատը հավանություն է տվել օրինագծին, որով յուրաքանյուր ոք, ով կպնդի, թե լեհերը մեղսակից են Հոլոքոսթին, կպատժվի տուգանքով կամ մինչև երեք տարվա ազատազրկմամբ:

Վիճահարույց օրինագիծն ընդունվել է ձայների 57 կողմ, 23 դեմ հարաբերակցությամբ, չնայած Միացյալ Նահանգներն ու Իսրայելը զգուշացրել էին՝ դա կսահմանափակի խոսքի ազատությունն ու գիտական հետազոտությունները:

Օրինագիծը, որը, ըստ աջակիցների, նպատակ ունի պաշտպանել Լեհաստանի հեղինակությունը, դեռ պետք է վավերացվի նախագահի կողմից. վերջինս ավելի վաղ հավանություն էր տվել փաստաթղթին:

azatutyun.am

Դիվերսանտ-ահաբեկիչ ադրբեջանցի սպան տեսանյութի միջոցով փորձում է աջակցել թուրք զինվորներին:

2015 թվականին Թալիշի շրջանում դիվերսիոն ներթափանցման փորձ կատարելու ժամանակ ադրբեջանցի սպա Քյամիլ Մուսավին կորցրեց մեկ աչքը և մեկ ոտքը: Հայկական բանակի զինծառայողները չներեցին թշնամու ահաբեկիչ սպայի հարձակումը և որպես պատիժ զրկեցին նրան մեկ աչքից, որպեսզի ամբողջ կյանքում, հայելու մեջ նայելուց, նա հիշի, որ չի կարելի հարձակվել խաղաղ ծառայություն իրականացնող զինվորների վրա: Սպան ադրբեջանական բանակի ոչ ավել ոչ պակաս հետախույզ էր՝ ավագ-լեյտենանտ զինվորական կոչումով:

Իրեն վստահված առաջադրանքը տարիներ առաջ ձախողելուց հետո Քյամիլը դարձավ ազգային հերոս: Ռամիլ Սաֆարովից հետո մենք իհարկե չենք զարմանում նման դեպքերից, սակայն մարտական գործողությունը ձախողած հերոս սպա ունենալ մեկ քայլ առաջ էր Ադրբեջանի համար:

Ավագ-լեյտենանտին այնքան են հերոսացրել, որ վերջինս մտածում է, թե ինքը նույնիսկ կարող է այլ զինվորների ոգեշնչման աղբյուր դառնալ: Տեսանյութի մեջ մեկ աչքանի «հերոսը» կոչ է անում թուրք զինվորներին կռվել հանուն հայրենիքի ու չխնայել կյանքը, սա ավելացնում է, որ ինքը պատրաստ է նաև իր մարմնի մյուս մասերը կորցնել հանուն թուրք ժողովրդի:

Հիմա երևի թուրք զինվորները նստած մտածում են՝ արդյո՞ք իրենք ցանկանում են մեկ աչքով ապրել:

Աշոտ Ասատրյանի ֆեյսբուքյան էջից

Հունվարի 31-ին երկրագնդի տարբեր կետերում մարդիկ հետևել են 2018-ի լուսնի առաջին խավարմանը. NASA-ն երևույթն անվանել է Super Blue Blood Moon (Կապույտ արյունոտ գերլուսին):

Անվանումը բացատրվում է նրանով, որ հունվարի 31-ին համընկնում են տիեզերական երեք երևույթներ՝ «արյունոտ» լուսնի խավարում, գերլուսին և «կապույտ լուսին»:

Նորվեգիա

Նյու Յորք

Թուրքիա

Կալիֆոռնիա

Բանգկոկ

Սան Ֆրանցիսկո

Թաիլանդ

Լոնդոն

Լոնդոն

Ռուսաստան

Հունաստան

Լոս Անջելես

Լաս Վեգաս

Թուրքական Haberturk հեռուստաընկերությունը օգտագործել է հայտնի «Պատվո մեդալ» վիդեո խաղի հատվածները՝ որպես Սիրիայում իրականացվող ռազմական գործողությունների ապացույց:

Հունվարի 24-ին թուրքական Haberturk հեռուստաընկերությունը հեռարձակել է մի տեսանյութ՝ ներկայացնելով այն որպես Սիրիայի Աֆրին շրջանում քրդերի դեմ իրականացվող Թուրքիայի զինված ուժերի հատուկ գործողությունների ապացույց:

Փորձագետներն ու սոցիալական ցանցերի օգտատերերը արագ նկատել են, որ հրապարակված տեսանյութը իրականում վերցված էր «Պատվո մեդալ» հայտնի վիդեո խաղից, որտեղ գործողությունները տեղի են ունենում Աֆղանստանում:

Թուրքիան միակ պետությունը չէ, որը վիդեո խաղերից վերցված տեսանյութերը ներկայացնում է որպես արժանահավատ լրատվություն և իրականություն:

Ըստ Polygraph.info-ի՝ 2017 թվականի նոյեմբերին Ռուսաստանի պաշտպանության նախարարությունը հրապարակել էր այդ նույն տեսանյութը։ Դրա նպատակն էր ապացուցել, որ Սիրիայում ԱՄՆ-ը աջակցում է «Իսլամական պետությանը»:

2016 թվականի փետրվարին «Պատվո մեդալ» հայտնի վիդեո խաղի հատվածները որպես իրական մարտական գործողություններ պատկերող տեսանյութ հեռարձակել էր նաև Իրանի պետական հեռուստաընկերությունը՝ ներկայացնելով այն որպես Հեզբոլլահի դիպուկահարի կողմից Դաեշի ահաբեկչի սպանության տեսանյութ: Նույն կադրերը հայտնվել էին նաև Սաուդյան Արաբիայի և միջազգային այլ լրատվամիջոցներում:

2010 թվականին թողարկված հայտնի «Պատվո մեդալ» վիդեո խաղի համակարգչային գրաֆիկան տարեցտարի կատարելագործվում է և կեղծ լրատվություն տարածող ընկերությունների կողմից շարունակում է տարածվել համացանցում՝ որպես հավաստի լրատվություն:

Ֆրանսիայի նախագահ Էմանուել Մակրոնը հունվարի 30-ին Ֆրանսիայում կազմակերպված Հայկական կազմակերպությունների համակարգող խորհրդի (CCAF) համաժողովում խոստացել է ներգրավել Ֆրանսիայի Հանրապետության օրացույցում Հայոց ցեղասպանության զոհերի հիշատակի օրը: Այս մասին հաղորդում է Rusarminfo.ru-ն:

«Սա մեր պայքարն է արդարության և Ցեղասպանության ճանաչման հարցում, մենք պայքարում ենք, և մենք կավելացնենք Ցեղասպանության օրը հանրապետության օրացույցին: Ազգային ժողովը առաջիկա ամիսներին կանրադառնա այս հարցին »,- իր ելույթում ասել է Էմանուել Մակրոնը:

Ֆրանսիայի հայկական կազմակերպությունների համակարգող խորհրդին մասնակցել են Փարիզի քաղաքապետ Էնն Իդալգոն, տարածաշրջանային խորհրդի նախագահ Վալերի Պեկրեսը, «Hauts-de-Seine» գլխավոր խորհրդի նախագահ Պատրիկ Դեվեջյանը, Լիոնի քաղաքապետ Ժորժե Քեփենեկյանը, թուրքահայ պատգամավոր Գարո Փեյլանը , ինչպես նաև հրեական համայնքի ղեկավարները:

Ադրբեջանական կայքերում լուրեր են հրապարակվում՝ «մտահոգությամբ», թե Արցախի իշխանությունները գրպանել են Թալիշի վերականգնման ուղղված ֆինանսական միջոցները:

210 ռուս չինովնիկ և օլիգարխ կարող է զրկվել ամերիկյան բանկերի հետ աշխատելու հնարավորությունից։

ԱՄՆ ֆինանսների նախարարությունը հրապարակել է այսպես կոչված «կրեմլյան զեկույցը»: Դրա դրդապատճառը 2016թ-ին ԱՄՆ նախագահի ընտրություններին Ռուսաստանի միջամտությունն է: Զեկույցում Վլադիմիր Պուտինի շրջապատից 210 անձնանց անուններ են ներառվել՝ 114 պետական ծառայողի և 96 գործարարի:

Զեկույցն այն անձանց վերջնական ցուցակը չէ, ում դեմ պատժամիջոցներ կկիրառվեն: Ֆինանսների նախարարությունը փաստաթուղթն ԱՄՆ Կոնգրեսին է փոխանցել, որտեղ զեկույցի վերաբերյալ մի քանի լսումներ կանցկացվեն: Հենց Կոնգրեսում կորոշվի, թե ով ինչ պատժամիջոցի կենթարկվի:

Զեկույցում խոսվում է յուրաքանչյուր պաշտոնյայի և գործարարի՝ Վլադիմիր Պուտինին մոտ լինելու աստիճանի և նրա եկամտի աղբյուրների մասին: Նշված են նաև հիշատակված յուրաքանչյուր ռուսաստանցու դեմ պատժամիջոցի կիրառման հնարավոր հետևանքները:

Զեկույցում, մասնավորապես, նշված է վարչապետ Դմիտրի Մեդվեդևը, արտգործնախարար Սերգեյ Լավրովը, ռուսական խորհրդարանի երկու պալատների ղեկավարներ Վյաչեսլավ Վոլոդինն ու Վալենտինա Մատվիենկոն, Վլադիմիր Պուտինի մամուլի խոսնակ Դմիտրի Պեսկովը, նախագահի վարչակազմի պետ Անտոն Վայնոն, խոշոր գործարարներ Ալեքսեյ Ուսմանովը, Ռոման Աբրամովիչը, Սուլեյման Քերիմովը, Ռուսաստանի խոշորագույն պետական ընկերությունների՝ «Ռոսնեֆտի» և «Գազպրոմի» ղեկավարներ Իգոր Սեչինն ու Ալեքսեյ Միլլերը:

Ինչպես հաղորդում է CNN-ը, գոյություն ունի ցուցակի երկրորդ մասը, որն ԱՄՆ ֆիննախը չի հրապարակել:

Արդյոք դրանում խոսվում է Պուտինի շրջապատի՝ առաջին մասում չհիշատակված անձանց մասին, թե այն լրացուցիչ տեղեկատվություն է պարունակում արդեն նշված 210 պաշտոնյաների և գործարարների մասին, դեռևս հայտնի չէ:

Թե ինչ պատժամիջոցներ կկիրառվի ԱՄՆ-ն Կոնգրեսի համաձայնությամբ, նույնպես դեռևս պարզ չէ: CNN-ի կողմից հարցված փորձագետները կարծում են, որ, առաջին հերթին, ամերիկյան բանկերի հետ աշխատանքի սահմանափակում է լինելու: