«Дом 2» հեռուստանախագծի աստղին սպանել են, իսկ հետո՝ բռնաբարել դիահերձարանում։ Օքսանա Ապլեկաեւային սպանել էին տասը տարի առաջ։ Սակայն միայն հիմա են բացահայտվել սկանդալային համբավ ունեցող հեռուստաշոուի աստղի մահվան սարսափելի մանրամասները։

«Դնին» գրում է, որ շնչահեղձ եղած Օքսանա Ապլեկաեւայի մարմինը գտել էին Մոսկվա – Իստրա մայրուղու վրա 2008-ի սեպտեմբերի 9-ին։ Քննության վարկածով՝ աղջկան դաժանաբար սպանել էր նրա սիրեկանը, որին նա վարակել էր սեռական հիվանդությամբ։ Միայն հետո են բացահայտվել նրա մահվան սարսափելի մանրամասները։ Եվ այսպես, պարզվել է, որ բռնաբարողն ու մարդասպանը երկու տարբեր մարդիկ են։ Իսկ ամենասարսափելին այն է, որ սեռական ակտը տեղի էր ունեցել Ապլեկաեւայի մահից հետո արդեն։ Պարզվում է, որ կենսաբանական նյութի նմուշները, որոնք հայտնաբերվել են դժբախտ աղջկա մարմնի մեջ, պատկանում էին Մոսկովյան մարզի քաղաքային հիվանդանոցի Իստրայի բաժանմունքի դատաբժշկական փորձագետ Ալեքսանդր Ալուկաեւին։ Ամեն ինչ տեղի էր ունեցել Իստրայի դիահերձարանում։

Հանգամանքները երկու ամիս առաջ են բացահայտվել։ Ալեքսանդրա Ալուկաեւին տարել են քննչական մեկուսարան։ Սակայն նրան սպառնում է պատիժ ընդամենը հանգուցյալների մարմինների հանդեպ անարգանքի համար։

Նշենք, որ Օքսանա Ապլեկաեւայի մարդասպանին առայսօր չեն հայտնաբերել։ Հետաքննության ընթացքում ստուգել են տեսախցիկների ձայնագրությունները, մարդասպանի նոթատետրի ու համակարգչի տվյալները, խուզարկություն են իրականացրել Օքսանայի բնակարանում, հարցում են իրականացրել աղջկա մտերիմների շրջանում։ Եղել են նաեւ երեք կասկածյալներ, բայց բոլոր այդ տղամարդիկ կարողացել են ապացուցել իրենց անմեղությունը։

style.news.am

Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին առաջարկել է միջուկային զենքով հարձակվել Ուկրաինայի նախագահ Պյոտր Պորոշենկոյի նստավայրի վրա: Նման հայտարարությամբ քաղաքական գործիչը հանդես է եկել «Ռոսիա 1» հեռուստաալիքի «Երեկոն Վլադիմիր Սոլովյեւի հետ» հաղորդման եթերում: Տեսանյութը հասանելի է YouTube- ում:

«Փոքրիկ մի ռումբ: Ոչ թե մեծ Հիրոսիմա, այլ՝ փոքրիկ: Այ այնտեղ, որտեղ Ուկրաինայի նախագահ Պորոշենկոյի նստավայրն է: Փոքրիկ մի փոսորակիկ, օրինակ …Աշխատում է 10 կիլոմետրի վրա: Կարո՞ղ եք հասկանալ »,- ասել է քաղաքագետը, փոխանցում է «Լենտա»-ն:

«Օրինակ, 1 լիտր օղի խմել, թե՞՝ 30 գրամ: Կա՞ տարբերություն: 30 գրամը նորմալ է գնում…Լավ, ճառագայթումը նվազագույն կլինի: Բայց կրկնում եմ, այս ամենը նվազագույն կերպով է պետք ապահովել: Չէ՞ որ կարելի է դրան հասնել», — հավելել է Ժիրինովսկին:

https://www.youtube.com/watch?v=cv8GpjpjXW0

ԱՄՆ Հայ դատի հանձնախումբը  կոչ է արել չթռչել թուրքական Turkish Airlines ավիաուղիներով

ANCA-ն Twitter-յան էջում հայատարարություն է տարածվել, որում մասնավորապես ասվում է. «Թռչեք «Turkish Airlines»-ով, եթե ցանկանում եք հարստացնել նրանց գլխավոր բաժնետիրոջը՝ լրագրողների ձերբակալող, այլախոհների ոչնչացնող, եկեղեցիներ քանդող, քահանաներ առևանգող, քրիստոնյաներին ճնշող, Կիպրոսն օկուպացնող, քրդերին սպանող և հայերի, հույների, ասորիների ցեղասպանությունը հերքող Էրդողանի ռեժիմին»:

ANCA-ն տեղեկացրել է նաև, որ ամերիկյան NFL-ն ու NBC հեռուստաընկերությունը թուրքական ավիաուղիներից գումարներ են ստանում և վարում է ագրեսիվ հակաամերիկյան քարոզչություն:

Ադրբեջանի տարածքում փետրվարի 5-ի առավոտից դադարեցված են հեռուստաընկերությունների հաղորդումների հեռարձակումները:

Այս մասին սոցցանցերում գրառումներ կատարելով հայտնում են ադրբեջանցի օգտատերերը:

 Որոշ օգտատերեր գրում են, որ հեռարձակումների արգելափակումը կարող է կապված լինել Ադրբեջանի նախագահ Իլհամ Ալիևեի նախագահական արտահերթ ընտրություններ անցկացնելու որոշման հետ, և որ իշխանությունները հերթական անգամ ցանկանում են քաղաքացիներին կտրել ինֆորմացիայի աղբյուրներից:

Ադրբեջանի ընդդիմադիր Ժողովրդական Ճակատ կուսակցության առաջնորդ Ալի Քերիմլին անդրադարձել է Իլհամ Ալիևի վաղաժամկետ նախագահական ընտրություններ անցկացնելու որոշմանը և քննադատել այն: Այս մասին հայտնում է ադրբեջանական «Թուրան» լրատվական գործակալությունը:

Ընդդիմադիր գործչի հաղորդմամբ` այդ քայլով Իլհամ Ալիևը ցանկանում է 4-րդ անգամ նախագահ ընտրվել, ինչը միանգամայն անընդունելի է ընդդիմության համար:

«Փաստացի հայր և որդի Ալիևները արդեն 45 տարի ղեկավարում են երկիրը, ինչը հակասում է հանրապետության սկզբունքներին: Իլհամ Ալիևը գիտեր, որ ընդդիմությունը պատրաստվում է երկարաժամկետ քարոզարշավ իրականացնել ըհնտրակեղծիքների դեմ, և արտահերթ ընտրություններ նշանակեց, որպեսզի ընդդիմությանը զրկի բողոք արտահայտելու, թափանցիկ և ժողովրդավարական ընտրությունների պահանջ ձևավորելու հնարավորությունից»,-նշել է Ալի Քերիմլին:

Ադրբեջանի նախագահ Իլհամ Ալիևը ստորագրել է հրամանագիր երկրում արտահերթ նախագահական ընտրություններ անցկացնելու վերաբերյալ:

Ադրբեջանում արտահերթ նախագահական ընտրությունները նշանակվել են 2018 թվականի ապրիլի 11-ին:

2018 թվականին լրանում է Ադրբեջանի նախագահ Իլհամ Ալիևի պաշտոնավարման ժամկետը: Նախագահական ընտրությունները պետք է տեղի ունենային հոկտեմբերի 17-ին: Իշխող «Ենի Ազերբայջան» կուսակցության թեկնածուն կրկին գործող նախագահ Ալիևն էր:

ՌԴ պաշտպանության նախարարությունը հաստատել է Սու-25ՍՄ ինքնաթիռի կորուստը Սիրիայի Իդլիբ գավառում՝ հետախուզական թռիչք կատարող ինքնաթիռը խոցվել է հրթիռով:

Խոցված Սու-25-ի օդաչու Ռոման Ֆիլիպովը կարողացել է կատապուլտայից հետո ամրանալ դիրքում և որոշ ժամանակ հեռավորության վրա պահել գրոհայիններին, իսկ երբ իրավիճակն անելանելի է դարձել, նա իրեն պայթեցրել է նռնակով: Համացանցում հայտնվել է մարտի ենթադրայալ տեսագրությունը, որի վերջում հնչում է մայորի բացականչությունը. «Սա ձեզ տղաների համար»:

Զոհված օդաչուն կներկայացվի բարձր պետական պարգևի:

Ըստ պարբերականի, Ռոման Ֆիլիպովը երկրորդ Սու-25-ի հետ հերթական մարտական առաջադրանքն էր կատարում՝ պարեկելով տարածքը: Արտակարգ պատահարը տեղի է ունեցել արդեն առաջադրանքը կատարելուց հետո: Ինքնաթիռը խոցվել է հրթիռով, որը գրոհայիններն արձակել են զենիթահրթիռային համակարգից, գրում է «Կոմերսանտը»:

Ինքնաթիռը լուրջ վնասվածքներ է ստացել, սակայն մայոր Ֆիլիպովը փորձել է պահել ինքնաթիռն օդում, բայց, շուտով վիճակը կրիտիկական է դարձել. Շարժիչը խափանվել է, շարքից դուրս է եկել նաև կառավարման համակարգը, ուստի օդաչուն ստիպված կատապուլտայի է դիմել: Գրոհայինները, տեսնելով երկնքում սպիտակ պարաշյուտը, կրակ են բացել օդաչուի ուղղությամբ հրաձգային զենքից, սակայն Ֆիլիպովին այնուամենայնիվ հաջողվել է անվնաս իջնել, թաքստոց գտել և ամրանալ հենակետում՝ իր գտնվելու վայրի մասին հայտնելով Հմեյմիմի ավիաբազա, գրում է թերթը:

Ֆիլիպովը միայն Ստեչկինի ատրճանակ է ունեցել և ձեռքի նռնակ: «Շրջափակման մեջ հայտնվելով՝ նա պաշտպանվել է որքան կարողացել է, սակայն երբ վիճակն անելանելի է դարձել, մայոր Ֆիլիպովը պայթեցրել է իրեն նռնակով»,-ասվումէ հոդվածում:

Կատարվածի պատասխանատվությունը ստանձնել է 2 խմբավորում՝ «Հայեթ Թահրիր աշ Շամը» (նախկին «Ջեբհաթ ան Նուսրան») և «Ջեյշ ան Նասերը» («Սիրիական ազատ բանակի» կազմում):

2017 թվականի դեկտեմբերին Խմեյմին ռազմաբազան, որտեղ տեղակայված են սիրիական պատերազմին մասնակցող ռուսական խմբավորման ուժերը, հարձակման թիրախ էր դարձել։ Մի քանի ինքնաթիռ վնասվել էր։

Դարի ձմեռը. Վերջին 100 տարվա ընթացքում  Մոսկվայում նման բան տեղի չի ունեցել: Ntv.ru-ի փոխանցմամբ՝ մայրաքաղաքը կաթվածահար է եղել ձնաբքի հետևանքով: Մոսկվայի ճանապարհները դժվարանցանելի են տրանսպորտային միջոցների համար: Դժվար է քայլել նաև ոտքով, քանի որ ձյան շերտի հաստություն մարդկանց ծնկներից է:

Փրկարարներն ու քաղաքային իշխանությունները բնակիչներին հորդորում են զգույշ լինել և բնակարանից դուրս գալու միայն խիստ  անհրաժեշտության դեպքում:

Մոսկվայի փոխքաղաքապետի տղեկացմամբ՝ միայն մեկ օրվա ընթացքում ձյան ծանրության պատճառով շուրջ 370 ծառ է տապալվել, ինչի հետևանքով մեկ մարդ զոհվել է, ևս 5-ը՝ վիրավորվել:

Արտակարգ իրավիճակների նախարարության տեղեկացմամբ՝  ճանապարհներն անցանելի դարձնելու նպատակով 15 հազար միավոր հատուկ տեխնիկա և 70 հազար մարդ է աշխատում շուրջօրյա ռեժիմով:

Մայրաքաղաքի օդանավակայաններում վատ եղանակի պատճառով հետաձգվել է շուրջ 50 չվերթ:

Օդերևութաբանների տեղեկացմամբ՝  վերջին 2 օրվա ընթացքում Մոսկվայում թափվել է մեկ ամսվա տեղում։

Միայն փետրվարի 4-ին Մոսկվաում ռեկորդային 1,2 միլիոն խորհանարդ/մետր ձյուն է մաքրվել:

ԱՄՆ կոնգրեսը Թուրքիայի դեմ պատժամիջոցներ է նախապատրաստում
Վերջին շրջանում ԱՄՆ-ի և Թուրքիայի հարաբերությունները լարվել են` պայմանավորված Սիրիայի Աֆրինի շրջանում Թուրքիայի կողմից քրդերի դեմ իրականացվող «Ձիթենու Ճյուղ» ռազմական գործողությամբ: ԱՄՆ կոնգրեսը Թուրքիայի դեմ պատժամիջոցներ է նախապատրաստում 2012թ. ընդունված «Մագնիտսկու օրենքի» շրջանակներում, և պատժամիջոցների թիրախում կարող են հայտնվել Թուրքիայի որոշ նախարարներ ու քաղաքական գործիչներ: Այս մասին հայտնում է թուրքական «Հուրիեթ» պարբերականը:

«ԱՄՆ կառավարությունը գիտակցում է, որ պետք է անհրաժեշտ քայլեր ձեռնարկվեն Թուրքիային կանգնեցնելու ուղղությամբ, սակայն այս ամենին զուգահեռ ԱՄՆ-ը փորձում է կանխել նաև Սիրիայի տարածքում գտնվող թուրքական և ամերիկյան ուժերի հնարավոր բախումը»,- գրում է լրատվամիջոցը:

«Մագնիտսկու օրենք»-ը կապված է 2009թ-ին Մոսվայի բանտերից մեկում մահացած իրավապաշտպան Մագնիտսկու անվան հետ: Օրենքի համաձայն՝ մարդու իրավունքները խախտող օտարերկրյա կառավարությունների անդամներն ու պաշտոնյաների ԱՄՆ մուտքն արգելվում է, իսկ նրանց ԱՄՆ-ում գտնվող անշարժ գույքը սառեցվում:

Սիրիայում և Իրաքում տարբեր խմբավորումների կազմում կռվող ազգությամբ ադրբեջանցի շուրջ 300 ահաբեկիչ սպանվել են: Պաշտոնական տվյալներով 92 ահաբեկիչ իբր պատասխանատվության են ենթարկվել Ադրբեջանում, շուրջ 260 հոգի էլ զրկվել է քաղաքացիությունից:

Տեղեկություններ կան, որ ավելի քան 300 ադրբեջանցի կին և երեխա այս պահին գտնվում են այդ խմբավորումների կազմում, որոնք ևս սպանվում են մարտերի ժամանակ: Երեխաներից միայն մեկին է հաջողվել վերադարձնել Ադրբեջան, մնացածի մասին դեռ տեղեկություն չկա:

Վերջին 5 տարիների ընթացքում զոհված ադրբեջանցիների պաշտոնական թիվը 900 է: Եթե պաշտոնապես երկրի ԱԱԾ-ն խոսում է այս թվերի մասին, ապա բարդ չէ գլխի ընկնել, որ դրանք իրականում ավելի շատ են:

Իսկ Ադրբեջանում դատապարտվում են միայն նրանք, ովքեր չեն կատարել երկրի ղեկավարի հրամանները, քանի որ շատ են եղել դեպքեր, երբ ահաբեկչական խմբավորման շարքերում կռվող զինվորներն ապաստան են գտել հենց Ադրբեջանում, ու երկրի ղեկավարությունը նույնիսկ Ինտերպոլին չի հանձնել այդ ահաբեկիչներին:

Սա իր հերթին ապացուցում է, որ Ադրբեջանն ահաբեկչությանն աջակցող այն երկրներից է, որն օգնում է ահաբեկիչներին և՛ մարդաքանակով, և՛ զենք-զինամթերքով: Շատերին նույնիսկ իրենց կամքից անկախ են ուղարկում, մեծ մասի հետ ուղարկում են նաև ընտանիքի անդամներին:

Կանանց բռնաբարում են, մի քանի անգամ ամուսնացնում են տարբեր ահաբեկիչների հետ, երեխաներին նույնպես բռնաբարում և սպանում են:

Աշոտ Ասատրյանի ֆեյսբուքյան էջից

ԱՄՆ դատարանը բավարարել է երիտասարդ կնոջ հայցը, որի համաձայն՝ կինը լյուքս կլասի զբոսանավի վրա աշխատանքի ժամանակ անձնակազմի հարբած ծագումով լեհ անդամի կողմից ենթարկվել է  սեռական բռնության։

Կնոջը հասցված բարոյական վնասներն ու մյուս ծախսերը գնահատվել են 70 մլն 600 հազար դոլար, փոխանցում է Newsru-ն։

Քրեական գործի նյութերից պարզ է դառնում, որ հանցագործությունը կատարվել է 2015 թվաակնի փետրվարի 25-ին 40 մետր երկարությամբ Endless Summer զբոսանավի վրա։Տուժածը Island Girl Ltd. ընկերությունում ուղեկցորդուհի է աշխատել, այդ ընկերությանն էր նաեւ պատկանում զբոսանավը։

Այս պահին նավի վրա եղել են երեք հոգի՝ 20-ամյա տուժողը, կապիտան Կուրթ Կոմեցեկը եւ նավաստի Ռաֆաել Դովգվիլովիչ-Նովիցկին, որը գտնվելով ալկոհոլի ազգեցության տակ, մուտք է գործել կնոջ նավախցիկ եւ նրան ստիպել սեռական հարաբերության մեջ մտնել իր հետ, ինչպես նաեւ սպառնացել է սպանել։

Դովգվիլովիչ-Նովիցկին դատապարտվել  է 2 տարվա ազատազրկման, որից հետո կարտաքսվի Լեհաստան։

Սակայն կինը սրանով չի բավարարվել։ Նա հայց է ներկայացրել նաեւ իր գործատուի՝ Island Girl Ltd. ընկերության դեմ, քանի որ նրանք չեն ապահովել անձնակազմի անվտանգությունը։

Դատարանը  բարոյական եւ ֆիզիկական վնասը գնահատվել է 66 միլիոն դոլար։ Սրան է ավելանում նաեւ 4,2 միլիոն չվճարված եկամուտը եւ 70 հազար դոլար աշխատանքի կորստի պատճառով հասցված նյութական վնասը։ Բացի այդ, բուժման ծախսերը (այդ թվում՝ ապագայում) գնահատվել են 290 050 դոլար։

Ուրուգվայի հայկական համայնքը հայտարարություն է տարածել Թուրքիայի նախագահ Ռեջեփ Էրդողանի՝ Հարավային Ամերիկա կատարելիք այցի հետաձգման կապակցությամբ, մասնավորապես, նշելով, որ «գնահատում են Ուրուգվայի պետական քաղաքականությունը՝ ի նպաստ Թուրքիայի կողմից իրականացված Հայոց ցեղասպանության միջազգային ճանաչման՝ գիտակցելով, որ երկու երկրների միջև կան դիվանագիտական հարաբերությունները և աճող առևտրային կապեր»:

Սակայն, ըստ Ուրուգվայի հայկական համայնքի, «միջազգայնորեն վարկաբեկված նախագահ Էրդողանի այցի միակ նպատակն է Ուրուգվայի միջազգային համբավն ու վարկանիշը օգտագործել սեփական շահերի համար»։

Հիշեցնենք, Թուրքիայի նախագահը ծրագրում էր փետրվարի սկզբին այցելել լատինամերիկյան երեք երկրներ, սակայն նրա այցը անորոշ ժամանակով և չհայտարարված պատճառներով հետաձգվել է։ Վենեսուելայի, Բրազիլիայի և Ուրուգվայի հայկական համայնքները, քրդամետ և ձախակողմյան որոշ ուժեր ծրագրում էին բողոքի գործողություններ իրականացնել Էրդողանի դեմ։

Հայտարարության մեջ նաև նշվում է, որ Ուրուգվայի հայկական համայնքը ուշադրությամբ հետևում է իրադարձությունների զարգացմանը՝ հավելելով, որ իրականացվելիք բոլոր գործողությունները խաղաղ բնույթ են կրելու։

azatutyun.am