The Straits Times պարբերականի փոխանցմամբ՝ նախօրեին Թայվանում տեղի ունեցած երկրաշարժի հետևանքով զոհերի թիվը հասել է 9-ի, առնվազն 265 մարդ վիրավորվել է: Գրում է Russian.rt.com-ը: Ինչպես հայտնում է թերթը, առնվազն 63 մարդ անհայտ կորած է համարվում: Ավելի վաղ հաղորդվել էր վեց զոհի և 256 տուժածների մասին: Հիշեցնենք, որ փետրվարի 6-ի երեկոյան Խուալյան շրջանից դեպի հյուսիս-արևելք ընկած հատվածում 6.5 մագնիտուտով երկրաշարժ էր գրանցվել:

Նյութերը մասնակի կամ ամբողջությամբ մեջբերելիս ակտիվ` հիպերլինքով հղումը Ankakh.com-ին պարտադիր է:

Ռուսաստանցի մարզիկ և հասարակական գործիչ Սերգեյ Բադյուկը, ով աշխատում է որպես Սիրիայում Anna News հրատարակչության ռազմական թղթակից, ԳԱԼԱ-ին տված հարցազրույցում պատմել է սիրիացի հայերի հետ իր ծանոթության մասին՝ նշելով, որ փաստացիորեն Հալեպի զենքի գործարանների բոլոր վարպետները հայեր են:

««Իսլամական պետության» գրոհայինների դեմ մարտ էր մղվում Հանասերի մոտակայքում, և մենք մեկնեցինք այնտեղ: Մարտի ավարտից հետո սկսեցինք շփվել մարտիկների հետ: Զենիթային ЗУ-23 համակարգի օպերատորի մոտ խաչ կար, ինչը զարմացրեց ինձ: Ես հարցրեցի, թե նրա անունն ինչ է: Եվ նա, եթե չեմ սխալվում, ասաց՝ Ռաֆայել: Ես ծիծաղեցի և հարցրեցի՝ դու հա՞յ ես: Նա պատասխանեց՝ այո, և պատմեց, որ ստորաբաժանման կազմում կռվում է արդեն 2 տարի»,- պատմում է Սերգեյ Բադյուկը:

Նրա խոսքերով՝ տեխնիկական հմտություններ ունեցող բոլոր մասնագետները, ինչպես, օրինակ, հակատանկային հրթիռների կամ զենիթային համալիրների ուղղորդիչ-օպերատորները, որպես կանոն, հայեր են:

«Նրանք տեխնիկապես շատ հմտացած են: Ես ֆիլմ եմ նկարահանել Հալեպի գործարանների մասին, որտեղ զենք էին պատրաստում աշխարհազորայինների համար: Մենք գնացինք այդ գործարաններից մեկը, և պարզվեց, որ ավագ վարպետը հայ էր: Այնուհետ պարզվեց, որ փաստացիորեն այդ գործարանների բոլոր վարպետները հայեր էին: Բացի այդ, Հալեպի արդյունաբերական շրջանի վարպետների 60-70%-ը հայկական սփյուռքի ներկայացուցիչներ են»,- պատմում է ռազմական թղթակիցը:

Սերգեյ Բադյուկն ընդգծեց նաև, որ Հալեպի հայկական շրջանն ամենամաքուր, հարդարված և թանկ շրջանն է:

«Դու մտնում ես և անմիջապես հասկանում ես, թե որ շրջանում ես գտնվում: Դա աչքի է զարնում: Հալեպի ամենահայտնի ռեստորանը հայկական է: Եվ մահմեդականները, և քրիստոնյաները ծննդյան օրերը կամ հարսանիքները տոնում են հայկական ռեստորանում: Դա որակի նշան է: Այնտեղ կա տղամարդկանց անձնակազմ, և նրանք շատ լավ խոսում են անգլերեն, ինչը շատ հազվադեպ հանդիպող երևույթ է: Հալեպի բոլոր արհեստավորները հիմնականում հայեր են»,- շարունակում է Բադյուկը:

Նրա խոսքերով՝ սիրիացի քրիստոնյաները, այդ թվում և հայերը, հսկայական կորուստներ են կրել:

«Այն քրիստոնեական շրջաններում, որտեղ եղել է ԻՊ-ը, ցեղասպանություն է եղել, բոլորին սրի են քաշել»,- նշում է Բադյուկը:

Հայաստանի Սփյուռքի նախարարության տվյալներով՝ մինչ քաղաքացիական պատերազմը Սիրիայում բնակվում էր շուրջ 100 հզր հայ: Նրանց մեծամասնությունը լքել է Սիրիան: Հայաստանի արտգործնախարար Էդվարդ Նալբանդյանի խոսքերով՝ Հայաստան է տեղափոխվել Սիրիայի 17 հզր հայազգի քաղաքացի:

galatv.am

ԱՄՆ-ը միջուկային ներուժի արդիականացման ընթացքում իր տրամադրության տակ կստանա այնպիսի զորություն, որն ընդունակ կլինի զսպել ցանկացած գրոհ իր ու իր դաշնակիցների վրա: Այդ մասին հայտարարել է ԱՄՆ-ի փոխնախագահ Մայքլ Փենսը՝ փետրվարի 8-ին ճապոնական Յոկոտայում ելույթ ունենալով ամերիկյան ռազմաօդային ուժերի ռազմակայանում:

«Կարող եք վստահ լինել, որ միջուկային ներուժի արդիականացման ընթացքում մենք ավելի ճկուն կդարձնենք մեր ռազմավարությունը եւ կունենանք այնպիսի միջուկային զորություն, որը կզսպի ցանկացած ռազմավարական գրոհ մեր ազգի, մեր ժողովրդի ու ամբողջ աշխարհում մեր դաշնակիցների վրա»,- ասել է Փենսը զինծառայողների առջեւ ելութի ընթացքում, որը հեռարձակել է Սպիտակ տան մամուլի ծառայությունը:

Փետրվարի 7-ին Մայքլ Փենսը, ամփոփելով Ճապոնիայի վարչապետ Սինձո Աբեի հետ Տոկիոյում կայացած բանակցությունների արդյունքները, հայտարարել է, որ Վաշինգտոնը խիստ տնտեսական պատժամիջոցների նոր փաթեթ է պատրաստում ԿԺԴՀ-ի դեմ նրա հրթիռամիջուկային ծրագրի դադարեցման նպատակով:

«ԱՄՆ-ը մոտ ժամանկենրս կհրապարակի ԿԺԴՀ-ի նկատմամբ ամենախիստ ու ամենաագրեսիվ տնտեսական պատժամիջոցների շարքը: Մենք կշարունակենք նրան մեկուսացնել այնքան ժամանակ, քանի դեռ նա չի հրաժարվել միջուկային զենքի ու բալիստիկ հրթիռների մշակման իր ծրագրերից»,- ասել է Փենսը, հաղորդել է ՏԱՍՍ-ը:

Մոսկվայում ձերբակալվել է հայ հայտնի բիզնեսմեն Օլեգ Մկրտչյանը, ով Դոնբասում սեփականություն ունի: Այս մասին գրում է «Московский Комсомолец»-ը:

Լրատվամիջոցի աղբյուրները, որոնք մոտ են կանգնած «Դոնբասի արդյունաբերական միության» ուկրաինական ղեկավարությանը, շատ կարճ մեկնաբանել են նրա ձերբակալությունը Մոսկվայում: «Մեր տեսանկյունից՝ Մոսկվայում ձերբակալությունը կարող է կապված լինել «Դոնբասի արդյունաբերական միության» ծրագրերի, Օլեգ Մկրտչյանի այլ ծրագրերի իրականացման համար նախատեսված միջոցների ծախսման հետ»:

Օլեգ Մկրտչյանը կապ ունի 3 տարբեր երկրներում՝ ՀՀ-ում, Ռուսաստանում եւ Ուկրաինայում, 3 տարբեր ֆուտբոլային ակումբների ղեկավարման հետ: Մեծ դեր է ունեցել ՀՀ ֆուտբոլի ազգային հավաքականի եւ Լոնդոնի «Արսենալի» կիսապաշտպան Հենրիխ Մխիթարյանի կարիերայում:

Ուկրաինայում, օրինակ, նրա անունը կապվել է Դոնեցկի «Մետալուրգի» հետ, որտեղ 2009-10 թթ. Մխիթարյանը խաղացել է: Նշվում է, որ թեեւ ակումբի նախագահը եղել է Սերգեյ Տարուտան, ակումբում բոլոր հարցերը լուծել է Մկրտչյանը: Մեկ անգամ չէ, որ նրան տեսել են թիմի մարզումների ժամանակ: ՀՀ-ում նա եղել է «Բանանցի» սեփականատերը: Ռուսաստանում մտերիմ է եղել Կրասնոդարի երկրամասի նահանգապետ Ալեքսանդր Տկաչյովի հետ եւ օգնել է տեղի Կուբանին:

Ուկրաինայում Օլեգ Մկրտչյանը եղել է ԴԻՄ բաժնետոմսերի 25%-ի սեփականատերը: Նաեւ կապ է ունեցել Ալչեւսկում եւ Կամենկայում մետաղագործական գործարանների ղեկավարման հետ: Գործարանները համագործակցել են որպես տեխնոլոգիական 1 շղթա, որը, սակայն, 2017 թ. մարտին խափանվել է:

2016 թվականի տեղական «Forbes»-ի տվյալներով՝ Օլեգ Մկրտչյանը հայտնվել է Ուկրաինայի ամենահարուստ գործարարների ցանկում: Նա 127 միլիոն դոլար ունեցվածքով հայտնվել էր 33-րդ հորիզոնականում:

Քրդական Mezopotamyaajansi.com լրատվական գործակալությունն անդրադարձ է կատարել սիրիական Աֆրինում բնակվող վերջին հային` մասնագիտությամբ երկաթագործ Հարութ Գևորգին:

Արմենպրեսի փոխանցմամբ՝  61-ամյա Հարութ Գևորգը Հայոց ցեղասպանությունից մազապուրծ Էզազ, Հալեպ ապա Աֆրին տեղափոխված Այնթափցի հայերի հետնորդներից է:

«Մենք 1915 թվականին Թուրքիայից աքսորվել ենք այստեղ: Ցեղասպանության ժամանակ եկել ենք Էզազ, ապա՝ Հալեպ, դրանից հետո` Աֆրին: Այստեղ ինձնից բացի բազմաթիվ հայ ընտանիքներ կային, բայց հիմա մենակ ես եմ մնացել: Այդ հայերի մի մասը պատերազմի պատճառով արտագաղթել են, մեծ մասն էլ զոհվել: Թուրքիան, ինչպես ցեղասպանության ժամանակ, այնպես էլ հիմա սպանում է կանանց և երեխաներին: Արդեն 100 տարի է՝ Թուրքիան շարունակում է իր հարձակումները»,- գործակալության հետ զրույցում նշել է Հարութ Գևորգը:

Աֆրինում մնացած վերջին հայը նշել է, որ Աֆրինը Սիրիայի այն եզակի շրջաններից է, որ պատերազմ չէր տեսել: Նա Թուրքիայից պահանջել է դադարեցնել սկսած արյունահեղությունը, այնուհետև մայրենի լեզվով դիմել միջազգային հանրությանը:

«Բավական է, արյուն մի թափեք, մի հարձակվեք մարդկանց վրա, Սիրիայում պատերազմ չտեսած միակ վայրն էր, ինչո՞ւ եք փորձում մարդկանց համար ապաստարան դարձած այս քաղաքը ոչնչացնել: Մենք Թուրքիայում մեր հայրենի տներից արտաքսվեցինք և այստեղ եկանք: Հիմա փորձում են մեզ այստեղից էլ հանել: Մենք պահանջում ենք, որ այս հարձակումներն ու պատերազմը դադարեցվեն: Թող բոլորը լսեն մեր ձայնը, մեր կոչն ուղղված է բոլոր ժողովուրդներին»,-խոսքը եզրափակել է Հարութ Գևորգը:

Թուրք-սիրիական սահմանին գտնվող Աֆրին շրջանը արդեն 19 օր է գտնվում է Թուրքական զորքի հարձակումների տակ:

Թուրքիայի զինված ուժերը հունվարի 20-ից Սիրիայի Աֆրին շրջանում քրդերի դեմ ռազմական գործողություն են սկսել, որը ստացել է «Ձիթենու ճյուղ» անվանումը: Այդ օրը թուրքական 72 ռազմական ինքնաթիռ ռմբակոծել է քրդերի դիրքերը, ինչից հետո թուրք զինվորներն անցել են սիրիական սահմանը՝ սկսելով ցամաքային գործողությունները: Թուրքիայի գործողություններին աջակցում է նաև Սիրիայի ընդդիմադիր «Սիրիական ազատ բանակը»: Ահաբեկչական տարրերի դեմ պայքարելու հիմնավորմամբ թուրքական զինուժն իրականում գործողություններն ուղղում է քրդերի, այդ թվում և խաղաղ բնակչության դեմ:

Անգլիայում գործող Մարդու իրավունքների հետազոտման սիրիական կենտրոնի տվյալներով՝ Թուրքիայի գործողությունների հետևանքով մահացել է քաղաքացիական 68 անձ, այդ թվում և 21 երեխա:

Պաշտոնական Դամասկոսը դատապարտել է Աֆրինում Թուրքիայի գործողությունները՝ նշելով, որ Աֆրինը Սիրիայի անբաժան մասն է:

Փետրվարի 5-ին Իլհամ Ալիևը հրամանագիր է ստորագրել Ադրբեջանում նախագահական ընտրություններն ապրիլի 11-ին նշանակելու մասին: Առաջին հայացքից այստեղ ոչ մի արտառոց բան չկա, եթե չհաշվենք, որ համաձայն այդ երկրի սահմանադրության, նշված ընտրական գործընթացը պետք է կայանար ուղիղ կես տարի անց՝ 2018–ի հոկտեմբերին: Ընդ որում, արդեն ընթանում էին որոշակի պլանային նախապատրաստական աշխատանքներ, ավելին, ո՛չ իշխանական, ո՛չ ընդդիմադիր մամուլի կողմից նույնիսկ ակնարկ չի եղել ընտրությունների ժամկետի տեղափոխման մասին: Այս ամենը վկայում է, որ իրադարձությունն, իսկապես արտառոց է, և փաստորեն գործ ունենք արտահերթ ընտրությունների հետ:

Ինչո՞վ է պայմանավորված նման հապճեպությունը: Հասկանալի է, որ այս քայլին գնալու համար Ալիևը պետք է շատ հիմնավոր պատճառներ ունենար: Չմոռանանք, նրա երակներում հոսում է մինչև ուղն ու ծուծը ԿԳԲ-ական Հեյդար Ալիևի արյունը, որի խորամանկության և նենգության մասին ժամանակին լեգենդներ էին հյուսվում: Այդ դեպքում ի՞նչ է սա՝ տակտիկական խաղ, թե՞ ֆորս-մաժորային ինչ-ինչ գործոնների հետևանք:

            Բնականաբար, այս ամենը մեզ հետաքրքրում է շատ որոշակի տեսանկյունից. այս քայլով պայմանավորված իրադարձությունների զարգացումը որքանո՞վ կարող է անդրադառնալ հայ-ադրբեջանական հակամարտության և Արցախի հիմնահարցի լուծման վրա:

Մի փոքր հապաղումից հետո բավական ցածր տրամաչափի գործչի շուրթերով Բաքվից հնչեց առաջին կիսապաշտոնական արձագանքը. Ալիևի օգնական Ալի Հասանովը հայտարարեց մոտավորապես հետևյալը. ընթացիկ տարում Ադրբեջանում տեղի են ունենալու մի շարք կարևոր իրադարձություններ, մասնավորապես, երկրի կազմավորման 100-ամյակին նվիրված միջոցառումներ, միջազգային  հումանիտար գագաթաժողով և այլն: Քանի որ դրանց մեծ մասը նախատեսված է իրականացնել տարեվերջին, որոշում կայացվեց տեղափոխել ընտրությունների ժամկետը, որպեսզի գործընթացներն իրար չխանգարեն: Դրանից զատ, գարնանն ընտրվելու պարագայում արդեն աշնանը, երբ կսկսվի նոր ֆինանսական տարին, երկրի նախագահը հնարավորություն կստանա առավել արդյունավետ լուծումներ գտնել սոցիալական և տնտեսական ոլորտներում: Ահա այսպիսի «բացատրություն»: Համաձայնեք, բավականին անհամոզիչ: Քանի որ այս պահի դրությամբ այլ պաշտոնական հիմնավորումներ չկան, մնում է դիտարկել հնարավոր վարկածները: Այդպես էլ կվարվենք՝ դրանք պայմանականորեն բաժանելով երկու խմբերի՝ ներքին և արտաքին:

Սկսենք ներքին պատճառներից: Հիշեցնեմ ընթերցողին. 1993 թվականին իշխանության եկավ Ալիև հայրը, ենթադրաբար՝ ոչ առանց Մոսկվայի բարեհաճության: Հենց նրան էր վիճակված հաջորդ տարի մինչև վերջ խմել իր երկրի պարտության դառը գավաթը, բայց չմոռանանք, որ միայն այդ գնով հնարավոր եղավ կանգնեցնել հայկական ուժերի հաղթական առաջխաղացումը: Դրանից հետո արդեն շուրջ քառորդ դար Ադրբեջանը ղեկավարում է Ալիև ընտանիքը: Ինքը՝ Իլհամը, նախագահ է ընտրվել երեք անգամ՝ 2003, 2008 և 2013 թվականներին, ընդ որում 2016-ին նախագահական լիազորությունների ժամկետը հինգից դարձավ յոթ տարի: Չնայած որոշ էքսցեսների, ընդհանուր առմամբ ներքաղաքական իրավիճակը գոնե արտաքնապես թվում էր կայուն մինչ այն պահը, երբ ընտանիքի ներսում / արդյո՞ք միայն/ որոշում կայացվեց, որ տան տիկինը պետք է դառնա նաև պետության դե-ֆակտո երկրորդ մարդը: Փորձագետների մի մասն այդ ժամանակ  շտապեց հայտարարել, որ Ադրբեջանում ձևավորվում է նեոմիապետություն և Մեհրիբան Ալիևան է լինելու երկրի հաջորդ նախագահն այնքան ժամանակ, մինչև համապատասխան տարիքի կհասնի նրանց որդի Հեյդարը: Նաև չմոռանանք, որ բացի Իլհամի կինը լինելուց, տիկին Մեհրիբանը Ադրբեջանում հայտնի Փաշաևների կլանի ներկայացուցիչներից է: Ոչ պակաս կարևոր է նաև,  որ նա ամուսնուց շատ ավելի ընդունված է միջազգային ամենատարբեր ազդեցիկ շրջանակներում՝հանդիսանալով ՄԱԿ-ի, ՅՈՒՆԵՍԿՕ-ի և մի շարք այլ լուրջ կազմակերպությունների բարի կամքի դեսպան: Դրա հետ մեկտեղ նա համարվում է մշակույթի և արվեստի նվիրյալ  հովանավոր, բարեհամբույր է ու ի տարբերություն ամուսնու՝ հեշտությամբ է կոնտակտի մեջ մտնում մարդկանց հետ: Կարծեք թե ամեն ինչ սահուն կերպով գնում էր հոկտեմբերին նախագահական փոխանցումափայտիկը ընտանիքի հաջորդ անդամին հանձնելուն, սակայն, ինչպես ասում են, շաբաթը ուրբաթից շուտ եկավ…

haydzayn.am

Դատելով Սիրիայում քրդական զինուժի՝ «Ժողովրդական ինքնապաշտպանության ջոկատների» (YPG) հրապարակած տեսանյութից՝ նրանք թուրքական ուժերից կարողացել են հետ վերցնել թուրք-սիրիական սահմանային՝ սիրիական Բյուլբյուլ շրջանի Շեյխ Խորուզ բարձունքը և մոտակա գյուղը:

Տեսանյութում նաև երևում է Թուրքիայի զինուժին պատկանող ACV15 հետևակի մարտական մեքենա, որը, համաձայն քրդական կողմի տվյալների, վերցրել են թուրքական զինուժից: Բարձունքը հետ են գրավել փետրվարի 5-ին:

Նախօրեին Աֆրինի քրդական ուժերը նաև համալրում են ստացել Իրաքից եկած եզդիական ստորաբաժանումների կողմից. այդ ուժերն արդեն իսկ հասել են թուրքերի հետ թեժ բախումների շրջաններից մեկը:

Հունվարի 20-ից Թուրքիան սկսել է Աֆինում քրդական ուժերի դեմ ռազմագործողությունը, որին ներգրավվել են նաև Թուրքիայի հովանավորյալ զինյալներ: Առայժմ թուրքական կողմը Աֆրինում կարողացել է մի քանի գյուղ և բարձունք գրավել, ընդհանուր առաջխաղացումը բավականին դանդաղ է ընթանում՝ փոխադարձ հաջողություններով:

Աղբյուրը՝ razm.info

Սարատովի մարզի 41-ամյա բնակչուհին հիվանդանոց էր հասցվել 19-ամյա Դանիլ Չ.-ի հետ շփումից հետո: Երիտասարդ տղամարդը բռնաբարել է ծանոթ կնոջը սեփական մեքենայի մեջ՝ ընթացքում օգտագործելով փայտ ու ամբարձիչ: Ավելի ուշ կինը մահացել է վերակենդանացման բաժանմունքում սեռական օրգանների պայթելու հետևանքով, հաղորդում է Daily Mail-ը:

Ըստ ԶԼՄ տեղեկատվության, զոհն ու բռնաբարողը ծանոթ են եղել և միասին ներկա են գտնվել 19-ամյա Դանիլ Չ.-ի ընկերոջ հուղարկավորությանը: Երբ տղան առաջարկել է կնոջը տուն տանել, նա ոչ մի վատ բան չի կասկածել, և ինքն է նստել ավտոմեքենան, որի հետևի նստարանին էլ տեղի է ունեցել հրեշավոր բռնաբարությունը՝ տեխնիկական գործիքի օգտագործմամբ:
Կատարելով հանցագործությունը՝ Դանիլան պարզապես թողել է արյունաքամ լինող զոհին ավտոմեքենայի մեջ, որտեղ նրան նկատել են անցորդները:

Բժիշկները մոտ մեկ օր պայքարել են կնոջ կյանքի համար, սակայն վնասվածքները չափազանց լուրջ են եղել, նա մահացել է վերակենդանացման բաժանմունքում: Հանցագործության գործիքը՝ ավտոմեքենայի ամբարձիչը, գտել են նույն այդ նստարանին, որտեղ արյունաքամ էր լինում բռնաբարության զոհը: Տաք հետքերով ձերբակալվել է Դանիլա Չ.-ն և անգամ ոչինչ չի հերքել: Նրան մեղադրում են մարդու մահվանը հանգեցրած՝ առողջությանը ծանր վնաս պատճառելու, ինչպես նաև սեքսուալ բռնության համար: Սադիստի զոհն երկու անչափահաս երեխա ուներ:

Աղբյուր` Փաստինֆո

ԱՄՆ նախագահը Պատրիկ Հովակիմյանին առաջադրել է արդարադատության նախարարության բարձր պաշտոնի
Միացյալ Նահանգների նախագահ Դոնալդ Թրամփն առաջադրել է Պատրիկ Հովակիմյանի թեկնածությունն ԱՄՆ արդարադատության նախարարության օտարերկրյա հայցադիմումների հանձնաժողովի անդամի պաշտոնում: Ինչպես հաղորդում է «Արմենպրես»-ը, այս մասին հայտնում է Սպիտակ տան պաշտոնական կայքը:

Առաջարկները քննարկման համար ուղարկվել են Սենատին: Հավանության արժանանալու պարագայում Հովակիմյանը հանձնաժողովի անդամի պաշտոնը կզբաղեցնի մինչև 2020 թվականի սեպտեմբերի 30-ը:

Պատրիկ Հովակիմյանը ԱՄՆ Կալիֆորնիա նահանգի Հարավային շրջանի դատախազի օգնականն է: Նա զբաղվում է կոռուպցիայի, ինչպես նաև գործարարների և կառավարության ներկայացուցիչների կողմից ֆինանսական շարժառիթ ունեցող հանցագործությունների քննությամբ: Իրավաբանության դոկտորի աստիճան է ստացել Սթենֆորդի իրավունքի դպրոցում:

Ermenihaber.am: Չնայած Թուրքիայի նախագահ Ռեջեփ Թայիփ Էրդողանի վատիկանյան այցի կապակցությամբ 24 ժամով արգելվել էր հանրահավաքների կազմակերպումը, այնուամենայնիվ, մի խումբ մարդիկ կարողացել են բողոքի ցույց իրականացնել։

Ըստ թուրքական «Mynet» լրատվամիջոցի՝ ցուցարարները, իրենց ձեռքերում պահելով «Քուրդիստանի բանվորական կուսակցության» (ՔԲԿ-PKK) դրոշները, բողոքել են Թուրքիայի գործողություններից Աֆրինում, որտեղ տեղի քրդական ուժերի դեմ Անկարան սկսել է «Ձիթենու ճյուղ» ռազմական օպերացիան։

Բողոքի ցույցն ուղեկցվել է Իտալիայի ոստիկանության հետ բախումներով, որոնց ժամանակ տուժածներ են գրանցվել: Աղբյուրի տեղեկացմամբ՝ կան նույնիսկ ծանր վիրավորներ։

Ոստիկանությունը, արցունքաբեր գազ կիրառելով, փորձել է ցրել ցույցի մասնակիցներին։ Որոշ մարդիկ բերման են ենթարկվել, իսկ վիրավորները հոսպիտալացվել են։