Դուբայում բնակվող, բայց ծագումով հնդիկ Սուչետա Սաթիշը 12 տարեկան է, սակայն արդեն հասցրել է Գինեսի գրքի կրկնակի ռեկորդակիր դառնալ, գրում է Oddity Central-ը՝ մանրամասնելով, որ աղջնակը 6 ժամ 15 րոպեում 102 տարբեր լեզվով երգեր է երգել:

Ռուսաստանում ընթացող թեժ նախնտրական պայքարում տարբեր քաղաքական ուժեր «սեփականաշնորհում են» իրենց հասանելիք հասարակական գործիչներին, քաղաքագետներին, լրագրողներին, փորձագետներին։   «Ադրբեջանամետ» դիրքորոշում ունեցող հայտնի հեռուստավարող Շեվչենկոն հայտնվել է Զյուգանովի ու Գրուդինի թիմի ճամբարում, և քննադատում է Պուտինիին և իշխանություններին :

Միաժամանակ չի մոռանում նաև իր Բաքվի տերերին և հոխորտում է հայերի դեմ՝ փորձելով, հակահայկական ֆոն ստեղծել Ռուսաստանի կոմունիստների մոտ և այդ հակահայկականությունը փորձում է կապել Ռուսաստանի շահերի հետ:

 Մանրամսները՝ տեսանյութում:

newmag.am

Թուրքիայի ամենազգայուն կետը պարզվում է` ավելի զգայուն է, քան հնարավոր էր պատկերացնել: Սա Թուրքիայի քաղաքացիների նոր մոլուցքն է` հին կասկածների ֆոնին:
Տեսանյութում կարմիր դրոշը համբուրող երիտասարդը, թուրք ազգայնականների` գորշ գայլերի նշանը ցույց տալով, սպասում է որոնման արդյունքին` իմանալու, թե ովքեր են իր պապերի պապերը: Ավելի վստահ պարզապես չեն լինում` ինքը թուրք է, արմատները որոնում է միայն թուրք լինելն ապացուցելու համար: Սա թրոլինգ է: Տեսանյութի հեղինակը հեգնում է այն ազգայնամոլներին, որոնք այս շաբաթ ճիշտ այսպես բացահայտեցին իրենց հայկական, հունական, ասորական` ոչ այնքան թուրքական արմատները:

Սա թրոլինգ է: Տեսանյութի հեղինակը հեգնում է այն ազգայնամոլներին, որոնք այս շաբաթ ճիշտ այսպես բացահայտեցին իրենց հայկական, հունական, ասորական` ոչ այնքան թուրքական արմատները:
Սոցցանցերում գրառումներ են հայտնվում ազգայնամոլների ընկերներից, որոնք պատմում են. «Մոտ ընկերս, որը թուրք ազգայնամոլ է և անգամ ձեռքերի վրա դաջվածք ունի օղուզական գրություններով, մտել է և պարզել է, որ իր ամբողջ նախնիները, թե մոր կողմից, թե հոր կողմից հայեր են: Հիմա ասում է շոկի մեջ է, ամեն օր կանչում է, ամբողջ գիշեր խմում ենք: Չգիտի ինչ անել»:

Տոհմածառի որոնման ծառայությունը գործարկել է պետությունը: Տեղեկությունը պաշտոնական է, հավաստի այնքան` որքան վստահում եք Էրդողանի կառավարությանը: CNN Turk-ի խմբագիր Սերդար Քորուջուն ևս փորձել է նոր ծառայությունը. «Մենք` Թուրքիայի բոլոր քաղաքացիներս, գիտենք, որ մենք միայն թուրք չենք: Եվ գիտենք, որ պետությունը շատ բան գիտի մեր արմատների մասին: Հիմա հույս ունենք, որ մենք էլ կիմանանք: Ես էլ ստուգեցի, բայց իմ դեպքում ծառայությունը չգործեց: Պետք է արխիվ գնամ: Ընկերս կարողացել է տեղեկություններ իմանալ: Պարզել է` իր մեծ պապի հոր անունն Անի է եղել: Հարցրեց` դա նշանակում է, որ նա հա՞յ էր: Ասացի` հայերի շրջանում Անին կնոջ անուն է, բայց, այո, կարող է պատահել»:

Ծառայությունը խափանվել էր գործարկման առաջին ժամերին` այցելուների մեծ հոսքի պատճառով: Կայքում իսկական բում է գիշերը: Թուրքիայում նկատեցին` մարդիկ գաղտնի են ստուգում իրենց իրական ծագումը:

Թուրքիայում նկատեցին` մարդիկ գաղտնի են ստուգում իրենց իրական ծագումը:
Ինչու գործարկվեց ինքնությունը բացահայտող ծառայությունը: Հստակ չէ: Իշխանության ներսում հակաէրդողանականների որոշում էր, թե Եվրամիությանն անդամակցելու պարտավորություն, որը սպրդել է Էրդողանի հսկողությունից: Ինչպես ավելի վաղ կադաստրի թվայնացումն էր, որը դադարեցվեց, երբ պարզվեց, որ թվայնացվում և ջրի երես են դուրս գալիս նաև մինչև 1915-ը հայերին պատկանած հողերի մասին փաստաթղթերը:

Ինչպես ավելի վաղ կադաստրի թվայնացումն էր, որը դադարեցվեց, երբ պարզվեց, որ թվայնացվում և ջրի երես են դուրս գալիս նաև մինչև 1915-ը հայերին պատկանած հողերի մասին փաստաթղթերը:
Ինքնությունը Թուրքիայում ճնշման ամենաազդեցիկ գործոնն է: Էրդողանից մինչև Աբդուլլահ Գյուլ և նույնիսկ քեմալական քլըքչդարօղլու. բոլորին մեղադրել են հայ լինելու մեջ: Հիմա պետությունն է առաջարկում բացահայտել պապերի ով լինելը` բացելով մինչև այս 7 կողպեքի տակ գաղտնի պահվող արխիվները: Թիրախում հատկապես ազգայնականներն են: Նրանք Էրդողանի միակ դաշնակիցն են, բայց նրանցից առաջ այդ տեղում Գյուլենն ու գյուլենականներն էին:

«Ձայնը» (The Vocie) նախագծի ժյուրիի բոլոր անդամները հոտնկայս էին ծափահարում հայաստանցի երգչուհի Միրիամ Բաղդասարյանին, որը Կանադա է մեկնել՝ ֆրանսերենը լավացնելու համար։ Նրա համար լուրջ պայքար էր ծավալվել։ Բոլորն այն կարծիքի էին, որ երիտասարդ հայուհու ձայնը կախարդական է, իսկ ժյուրիի որոշ անդամներն անգամ պատրաստ էին հանուն Միրիամի հայերեն սովորել։
Հայաստանցի Միրիամ Բաղդասարյանը փայլուն կերպով անցավ «Ձայնը» (La Voix) նախագծի կանադական տարբերակի կույր լսումների փուլը՝ հիացնելով ժյուրիի բոլոր անդամներին, որոնք նրան հոտնկայս էին ծափահարում։

«Այնպիսի տպավորություն է, որ մեկի փոխարեն չորս ձայն ենք լսում։ Դու իսկապես կարող ես ցանկացած ուղղությամբ գնալ։ Այս ձայնը կարող է հասնել երկիրնք ու երկիր վերադառնալ։ Դու ինձ խենթացրիր», — պարզապես բղավում էր Լարա Ֆաբիանը՝ հայտարարելով, որ աղջիկը հենց հիմա պետք է իրեն ընտրի։

Գարուն աղջկա մեջ ինչ-որ մոգական բան տեսավ։

«Սկզբում ինձ թվաց, որ շատ ակադեմիական ես երգում։ Մտածեցի՝ պետք է սահմաններից դուրս գա։ Եվ ահա՝ դուրս եկար։ Դու ասես այլմոլորակային լինես, որի միջից մի ուրիշ էակ է դուրս գալիս», — ասաց Գարուն՝ հավելելով, որ չգիտի՝ ինչ կարող է սովորեցնել Միրիամին, նրա «խենթությունը» վեր հանելուց բացի։

Իսկ հայտնի երգիչ ու կոմպոզիտոր Ալեքս Նևսկին ասաց, որ Միրիամը հրաշագործ է։

Ինձ ամենաշատը գրավեց քո՝ երգով տարված լինելը։ Երբ երգում ես, թքած ունես մնացած բաների վրա», — ասաց նա՝ մեկնաբանելով աղջկա ելույթը։

Երբ աղջիկն ասաց, որ Հայաստանից է Կանադա եկել, ժյուրիի անդամները զարմանքից բացականչեցին։ «Ահա թե բանն ինչումն է», — ասաց Լարա Ֆաբիանը, իսկ Գարուն պարզապես փայլում էր՝ գլուխը բազմանշանակ թափահարելով ու առեղծվածային ժպտալով (այո-այո, Գարուն նույնպես կիսով չափ հայ է)։

Իսկ Ալեքսը հայտարարեց, որ հայերեն կսովորի։ Էրիկը, որպեսզի համոզի աղջկան իրեն ընտել, անգլերենի անցավ՝ ասելով, որ նրանք կխոսեն մեկ լեզվով՝ երաժշտության ու կրքի։ Այստող միջամտեց Լարան։

«Լսիր, քանի որ դու ֆրանսերեն ես սիրում, ես քեզ համար կթարգմանեմ։ Նա ասաց, որ ինքը շատ լավն է, բայց դու պետք է ինձ մոտ գաս», — կատակեց Ֆաբիանը՝ մտածված աղավաղելով Ալեքսի խոսքերը, թեև Միրիամը շատ լավ հասկանում է անգլերեն։ Արդյունքում Միրիամ Բաղդասարյանն ընտրեց Լարա Ֆաբիանին։ Ակնհայտ էր, որ աղջիկը վաղուց էր երազում սովորել Լարայի պես վարպետի մոտ։

«Ես ընտրում եմ Լարա Ֆաբիանին», — ասաց Միրիամը, ու դա միակ պահն էր, երբ աղջկա ձայնը դավաճանեց նրան ու դողաց։

armeniasputnik.am

https://www.youtube.com/watch?time_continue=191&v=z_4ElTi87U0

Ռուսաստանը երկրի առաջատար բուհերում ուսանելու համար Հայաստանին անվճար ուսուցման 205 տեղ է հատկացրել, Sputnik Արմենիային ասաց Երևանում գիտության և մշակույթի ռուսական կենտրոնի տնօրեն Սերգեյ Ռիբինսկին։

Նրա խոսքով, Ռուսաստանում սովորելու համար թեկնածուների ընտրությունը կմեկնարկի փետրվարի 21-ին։

«Դիմորդները կարող են հայտ ներկայացնել Ռուսաստանի 500 լավագույն բուհերից մեկը։ Սկզբում նրանք հարցազրույց կանցնեն ԳՄՌԿ-ում, այնուհետև նրանց հետ կզրուցեն բուհի ներկայացուցիչները», — ասաց Ռիբինսկին։

Նա նշեց, որ Հայաստանին այս տարի 205 քվոտա է հատկացվել, տարեցտարի այդ թիվն աճում է (անցյալ տարի 187 քվոտա է եղել և 600 հայտ)։ Առավել պահանջված են տնտեսագիտություն և իրավագիտություն մասնագիտությունները։

Այս տարի ընտրության արդյունքները կհայտարարվեն մարտի 23-ին։

Ընտրության ժամանակ հանձնաժողովն ուշադրություն է դարձնելու դիմորդի ուսման առաջադիմությանը, որը պետք է հիմնավորված լինի փաստաթղթով։

«Դա կարող է լինել դիպլոմը, ավարտական փաստաթուղթը, ատեստատը։ Եթե թեկնածուն դեռ սովորում է, ապա պետք է առաջադիմության վերաբերյալ տվյալներ ներկայացնի», — ասաց ՀՀ կրթության և գիտության նախարարության արտաքին կապերի վարչության պետ Արկադի Պապոյանը։

Նա մի կարևոր պայման նշեց. դիմորդը բանակային ծառայության հետ կապված չլուծված խնդիրներ չպետք է ունենա։

«2017 թվականին Զինվորական ծառայության և զինծառայողի կարգավիճակի մասին օրենք էր ընդունվել, որի համաձայն` տարկետում չի նախատեսվում», — ասաց Պապոյանն` ավելացնելով, որ դա կարևոր գործոններից մեկն է, որը պետք է հաշվի առնել ընդունվելիս։

Մասնագիտությունների մասին խոսելիս` նա նշեց, որ Հայաստանի համար առաջատար ուղղություններից են բնական գիտությունները։ Դիմորդները կարող են ընդունվել ինչպես բակալավրիատ, այնպես էլ մագիստրատուրա, ասպիրանտուրա և օրդինատուրա։

Նրա խոսքով` թեկնածուները պետք է մասնագիտական քննություններ հանձնեն հայկական օրենսդրության համաձայն, պարտադիր է նաև ռուսաց լեզվի իմացության թեստը։

«Ինտեր-Էքսպո» ընկերության գլխավոր տնօրեն Ադելինա Քոչարյանը նշեց, որ մարտի 21-23-ը «ХХI դարի կրթություն» ավանդական ցուցահանդեսի շրջանակում ապագա դիմորդները հնարավորություն կունենան ավելի լավ ծանոթանալու ռուսական որոշ բուհերի հետ։

«Ցուցահանդեսին ավելի քան 70 բուհ է մասնակցելու, այդ թվում` Ռուսաստանի լավագույն 10 համալսարանների և ինստիտուտների ներկայացուցիչները», — ասաց Քոչարյանը։

Նրա խոսքով` դա բաց դռների օրվա պես մի բան է, երբ դիմորդները և նրանց ծնողները կարող են ծանոթանալ հայկական և ռուսական բուհեր ընդունվելու կանոններին։

Ռուսաստանի Լիբերալ-դեմոկրատական կուսակցության առաջնորդ, ՌԴ նախագահի թեկնածու Վլադիմիր Ժիրինովսկին ընտրություններում հաղթանակի դեպքում խոստացել է երկրի ղեկավար օրգանները Կրեմլից նոր Մոսկվա տեղափոխել, այս մասին հաղորդում է «ՌԻԱ Նովոստի»-ն:

«Մենք կկատարենք այն, ինչ խոստացել է նախագահ Մեդվեդեւը՝ ամբողջ վարչակազմը կտեղափոխենք նոր Մոսկվա: Կրեմլը պետք է պատմական, էքսկուրսիաների վայր լինի: Իսկ նախագահի վարչակազմի համար կարող ենք ժամանակակից շինություն կառուցել նոր Մոսկվայում», — ասել է Ժիրինովսկին «ստվերային կառավարության» կուսակցության շտաբի շնորհանդեսի ժամանակ:

Նա հավելել է, որ կտեղափոխեր այնտեղ բոլոր նախարարությունները, կառավարությունը եւ Պետդուման: «Լիցքաթափենք հին Մոսկվան»,- ավելացրել է Ժիրինովսկին:

Հիշեցնենք, որ ՌԴ նախագահական ընտրությունները տեղի կունենան մարտի 18-ին:

Ռուս լրագրող Իգոր Շիրյաևն արտասահմանյան լրագրողների խմբի հետ փետրվարի 10-14–ը եղել է Արցախում։ Նա պատրաստվում է հրապարակումների շարք ներկայացնել` նվիրված Արցախի տեսարժան վայրերին։ Առայժմ ներկայացրել է «Արցախ-2018. ինը տարի անց…» նախաբանը «Հետաքրքիր աշխարհ» ինտերնետային պարբերականում, փոխանցում է Սպուտնիկ Արմենիան:

«Ինը տարի անց մենք վերադարձել ենք Արցախ։ Դա անխուսափելի էր։ Արցախը մեր հոգիների ձգողականության կետն է։ 9 տարի առաջ` 2009թ-ին, մենք եկել էինք Արցախ, որպեսզի ընթերցողներին պատմենք այդ երկրի և այստեղ ապրող մարդկանց գեղեցկությունների մասին։ Եվ ահա ինը տարի հետո մենք վերադարձել ենք, որպեսզի շարունակենք մեր պատմությունը»,- սկսել է հեղինակը իր հրապարակումը։

Նրա խոսքով` Արցախն, ընդհանուր առմամբ, ապրում է խաղաղ կյանքով։

«Երկիրը ծաղկում է և բարգավաճում, դա շատ նկատելի է 2009թ-ի հետ համեմատած։ Այստեղ ժամանում են տարբեր մարդիկ, այդ թվում` զբոսաշրջիկներ, լրագրողներ, արվեստի և գիտության գործիչներ», — գրում է լրագրողը։

Հեղինակը հիշեցնում է, որ Արցախ այցելելուց հետո Ադրբեջան գնալը (նույնիսկ որպես զբոսաշրջիկ) հղի է հնարավոր վտանգավոր հետևանքներով։

Շիրյաևը նշում է, որ անձամբ իր համար Արցախը հոգու ձգողականության կետ է։

«Արցախը հայկական է, թե՞ ադրբեջանական. անձամբ ինձ համար պատասխանն ակնհայտ է` միանշանակ հայկական։ Դա պատմական և քաղաքական փաստ է։ Այո, Ադրբեջանի համար շատ վիրավորական է ընդունել պատերազմում պարտված լինելու փաստը, բայց պետք է կարողանալ ընդունել պարտությունը։ Ըստ էության` գլոբուսի վրա հիմա գոյություն ունի նոր երկիր, որն առաջացել է հայկական ազգային-ազատագրական շարժման և արցախյան պատերազմի հետևանքով. դա Արցախի Հանրապետությունն է։ Իմ սուբյեկտիվ կարծիքով` Արցախի միջազգային ճանաչումը մոտ ապագայի հարց է, քանի որ փաստերի հետ պետք է հաշվի նստել», – ընդգծում է նա։

Հեղինակի խոսքով` նա իրեն հաշիվ է տալիս, որ կողմերից յուրաքանչյուրը (հայկական և ադրբեջանական) իրեն ճիշտ է համարում այս միջազգային հակամարտությունում, հասկանում, թե ինչ է տեղեկատվական պատերազմը և ինչ բարդ է գտնել պատմական արդարությունը։

«Բայց կա սուբյեկտիվ պատճառ, ըստ որի Արցախը միշտ կհամարեմ հայկական։ Երբ 2009թ–ին մենք ժամանեցինք Արցախ, հեռու էինք քաղաքականությունից։ Մենք եկել էինք որպես զբոսաշրջիկներ և լրագրողներ, որպեսզի պատմենք ընթերցողներին այդ հողի գեղեցկության մասին… Հայերն ընդունեցին մեզ որպես ամենաթանկ հյուրերի։ Ես շատ ընկերներ ձեռք բերեցի հայերի շարքում։

Ադրբեջանցիները, հակառակը, ողողեցին ինձ սպառնալիքներով։ Ինձ գրեցին, զանգահարեցին հեռախոսով, սպառնացին բռնաբարել, սպանել, իսկ հետո կրկին բռնաբարել։ Նրանք հաշվի չէին առել իմ բնավորությունը։ Ինձ անհնար է վախեցնել։ Եթե ինձ սպառնում են, ես հակառակն եմ անում։ Եվ հակառակը` բարությունը և հյուրընկալությունը միշտ կհիշեմ։ Եվ հիմա Ադրբեջանը ստիպված է ընդունել այն փաստը, որ ես Արցախը միշտ համարելու եմ հայկական, իսկ հայերին` իմ ընկերները։ Ընկերներին չեն դավաճանում, ինչպես ասում են Ռուսաստանում», -գրում է նա։

Այն, որ Ադրբեջանն Իգոր Շիրյաևին ներառել է իր տխրահռչակ «սև ցուցակում», լրագրողը նշում է. «Ես միշտ հիշում եմ, որ այդ ցուցակում իմ կողքին գտնվում են, օրինակ, Մոնսերատ Կաբալյեն և ուրիշ շատ արժանի մարդիկ։ Ինձ համար պատիվ է նրանց հետո գտնվել մի ցուցակում։ Իսկ եթե զբոսաշրջիկներից ինչ-որ մեկն անհանգստանում է, որ Արցախ այցելելուց հետո նա չի կարող մեկնել Ադրբեջան, ապա նրան ոչ ոք չի խանգարում տեղերով փոխել այդ ուղևորությունները` սկզբում Ադրբեջան, ապա` Արցախ»։

Հրապարակման հեղինակը նաև հավելում է, որ Արցախը հսկայական զբոսաշրջային պոտենցիալ ունի, իսկ հայկական (և համապատասխանաբար արցախյան) խոհանոցը լավագույններից մեկն է աշխարհում։ «Արցախյան ալկոհոլը (կոնյակ, խաղողի գինի, թթի, հոնի, սալորի օղիներ) անկրկնելի ազդեցություն ունեն հոգու և մարմնի վրա։ Արցախի լեռները գեղեցկության և ոգեշնչման անսպառ աղբյուր են»։

Ադրբեջանցի ուսուցիչ Ռոշան Ազիզովին Ադրբեջանում համարում են հայկական հատուկ ծառայության լրտես, քանի որ նա «հանդգնել» է Ադրբեջանում խաղաղության կոչեր անել:

Կարճ ժամանակահատվածում ուսուցչին հեռացրել են աշխատանքից ու բացահայտել են, որ նրա նախնիները հայկական արմատներ ունեն: Չնայած այն հանգամանքին, որ հայկական արմատներ ունեն ադրբեջանցի մի շարք ավելի լուրջ պաշտոն զբաղեցնող անձինք, Ազիզովին սկսել են մեղադրել լրտես և գործակալ լինելու մեջ:

Ռոշան Ազիզովի դեմ ամենաակտիվ պայքարը սկսել է Ադրբեջանում գործունեություն ծավալող «Ղարաբաղի ազատագրման կազմակերպությունը», ու հենց այս կազմակերպությանը երիտասարդ ուսուցիչը դատի է տվել: Ազիզովը դատի է տվել նաև իր դպրոցի տնօրենին, ով առանց հիմքերի նրան աշխատանքից ազատել է այն պատճառաբանությամբ, որ իբր հայը իրավունք չունի ադրբեջանցի երեխաներին դասավանդելու:

Ադրբեջանի հասարակության մեծ մասը նման կերպ է ընդունում խաղաղության մասին խոսող ցանկացած անձի: Նրան համարում են լրտես, գործակալ ու որ իրենց համար ամենավիրավորականն է՝ հայ: Նույնիսկ հաշվի չեն նստում այն հանգամանքի հետ, որ ներկայումս Ադրբեջանում բարձր պաշտոններ զբաղեցնող անձանց զգալի մասը հայեր են, հայկական արմատներով, ովքեր ժամանակին փոխել են ազգանունները և կեղծելով իրենց կենսագրությունը՝ ապրում են Ադրբեջանում:

Աշոտ Ասատրյանի ֆեյսբուքյան էջից

ՌԴ նախագահ Վլադիմիր Պուտինը հրաժարվել է իր նախընտրական հոլովակների համար նկարահանումներից։ Այդ մասին հայտարարել է նրա շտաբի մամլո քարտուղար Անդրեյ Կոնդրաշովը, հայտնում է Meduza-ն։

Նախընտրական քարոզչության շրջանակում պատրաստվելիք հոլովակներում կլինեն Պուտինի ելույթների ձայնագրությունները։

Ավելի վաղ Պուտինը հրաժարվել էր հեռուստադեբատների անցկացման համար անվճար եթերային ժամանակից։ Պաշտոնապես այդ որոշումը որևէ կերպ չի մեկնաբանվել։

Նախընտրական հեռուստադեբատները կսկսվեն փետրվարի 26-ին։ Նախագահի ընտրությունները տեղի կունենան մարտի 18-ին։

Ավելի վաղ Independent-ի թղթակից Օլիվեր Քերոլը հայտնել էր, որ նախագահ Պուտինի առողջական վիճակը կարող է բացասաբար ազդել նրա նախընտրական արշավի վրա։