Բանաձևում, մասնավորապես, նշվում է, որ Ռոդ Այլենդ նահանգի Ներկայացուցիչների պալատը ոգեկոչում է Սումգայիթի ողբերգական իրադարձությունների 30-րդ տարելիցը, ինչպես նաև ողջունում է Արցախի Հանրապետության ձգտումը՝ ի հեճուկս Ադրբեջանի ագրեսիային, շարունակել իր ժողովրդավարական ուղին և զարգանալ որպես միջազգային հանրության վստահելի անդամ։

Փաստաթղթում նաև նշվում է, որ նահանգի պետքարտուղարը լիազորվում է բանաձևի վավերացված պատճենները փոխանցել ԱՄՆ Նախագահին, Ռոդ Այլենդի Կոնգրեսին և ԱՄՆ Պետդեպարտամենտին։

Բանաձևի ամբողջական տեքստը հասանելի է հետևյալ հղումով՝

http://webserver.rilin.state.ri.us/BillText18/HouseText18/H8211.pdf ։

ՌԴ նախագահ Վլադիմիր Պուտինը նոր հրամանագիր է ստորագրել, որով փոխել է օտարերկրյա քաղաքացիների, այդ թվում նաև ՀՀ քաղաքացիների, 2018թ. ֆուտբոլի աշխարհի առաջնության անցկացման օրերին հաշվառման կանգնելու ժամկետը․ մի օրվա փոխարեն սահմանվել է երեք օր: ՖԻՖԱ-ի 2018թ. ֆուտբոլի աշխարհի առաջնության անվտանգության միջոցառումներով պայմանավորված Ռուսաստանի ներքոհիշյալ քաղաքներում, որտեղ տեղի են ունենալու առաջնության հանդիպումները, 2018թ․ մայիսի 25-ից հուլիսի 25-ը ընկած ժամանակահատվածում մտցված է հատուկ ռեժիմ՝ • Վոլգոգրադ • Եկատերինբուրգ • Կազան • Կալինինգրադ • Մոսկվա • Նիժնի Նովգորոդ • Դոնի Ռոստով • Սամարա • Սանկտ Պետերբուրգ • Սարանսկ • Սոչի Հատուկ ռեժիմը ենթադրում է ՝ • oտարերկրյա քաղաքացիները, այդ թվում նաև ՀՀ քաղաքացիները, պարտավոր են ՌԴ վերոնշյալ քաղաքներ մուտք գործելուց հետո 3 օրվա ընթացքում հաշվառվել ՌԴ ՆԳ նախարարության համապատասխան տարածքային մարմնում, • սահմանափակվելու է նշված քաղաքներ ուղևորափոխադրող ավտոբուսների մուտքը, • նշված ժամանակահատվածում խստացվելու է նաև միգրացիոն հսկողությունը: Հարգելի ՀՀ քաղաքացիներ, խնդրում ենք պահպանել ՌԴ տարածքում գտնվելու կանոնները. հիշեք, որ անգամ փոքր իրավախախտումները կարող են խիստ միջոցների կիրառման պատճառ դառնալ: Առավել մանրամասն տեղեկություններ կարող եք ստանալ հետևյալ կայքէջից՝ http://publication.pravo.gov.ru/Document/View/0001201805140002

ՀՀ ՏԿԶՆ միգրացիոն պետական ծառայություն 

Ադրբեջանը պատրաստ է ինտենսիվ բանակցությունների՝ ղարաբաղյան հակամարտության շուտափույթ կարգավորման համար: ԵԱՀԿ Մինսկի խմբի համանախագահների եւ ԵԱՀԿ գործող նախագահի հատուկ ներկայացուցիչ Անջեյ Կասպրշիկի հետ այսօր կայացած հանդիպման ժամանակ այս մասին հայտարարել է Ադրբեջանի արտգործնախարար Էլմար Մամեդյարովը, փոխանցում է haqqin.az-ը՝ վկայակոչելով Ադրբեջանի ԱԳՆ-ի մամուլի քարտուղար Հիքմեթ Հաջիեւին:

Ընդգծվել է ինտենսիվ բանակցությունների շարունակության կարեւորությունը՝ հաշվի առնելով, որ եւ՛ Ադրբեջանում, եւ՛ Հայաստանում ընտրական գործընթացներն ավարտվել են:

Բանակցությունների ընթացքում քննարկվել են ԵԱՀԿ Մինսկի խմբի համանախագահների կողմից բանակցային գործընթացի առաջխաղացման համար ձեռնարկվելիք քայլերը եւ տարածաշրջանում տիրող իրավիճակը:

Թուրքիայի նախագահ Ռեջեփ Թայիփ Էրդողանը հայ-թուրքական հարաբերությունների վերաբերյալ նոր հայտարարությամբ է հանդես եկել։

Թուրքիան Կենտրոնական Ասիայում և Կովկասում պահպանում է խաղաղությունն ու աջակցում բարգավաճմանը, իսկ Հայաստանը «դուրս է մնում» ընդհանուր ցանկից, հայտնել է Թուրքիայի նախագահ Ռեջեփ Թայիփ Էրդողանը` ելույթ ունենալով Chatham House լոնդոնյան վերլուծական կենտրոնում։ Այս մասին հայտնում է Milliyet թուրքական պարբերականը։

Իր երկար ելույթի ժամանակ թուրք առաջնորդն անդրադարձել է նաև հայ-թուրքական հարաբերությունների թեմային։

«Կենտրոնական Ասիայում և Կովկասում Թուրքիան նպաստում է խաղաղության և անվտանգության պահպանմանը։ Հայաստանը միակ պետությունն է, որը դուրս է մնում ընդհանուր պատկերից։ Մենք անհամբեր սպասում ենք այն օրվան, երբ Հայաստանի իշխանությունները կսկսեն խելամիտ մոտեցում և ավելի հստակ պատկերացում ցուցաբերել», – հայտնել է Թուրքիայի նախագահը։

Բացի այդ, Էրդողանը նշել է, որ Թուրքիան աջակցում է Մետաքսե ճանապարհի վերածնման պատմական նախաձեռնությանը։

Հայաստանի և Թուրքիայի հարաբերությունները բարդացնում է այն, որ Թուրքիան մերժում է Հայոց ցեղասպանությունը, Հայաստանը հրաժարվում է վավերացնել Կարսի պայմանագիրը, ինչպես նաև պաշտոնական Անկարան Արցախյան հարցում սատարում է Ադրբեջանին։

Երկու հարևան երկրների միջև սահմանը փակ է, ամբողջությամբ բացակայում է ավտոճանապարհային և երկաթուղային հաղորդակցությունը, բացակայում են դիվանագիտական ներկայացուցչությունները։

armeniasputnik.am

Սոչիում մեկնարկել է ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի հանդիպումը: Քննարկման առանցքում երկկողմ հետաքրքրություն ներկայացնող թեմաներն են։ Ինչպես Սոչիից հաղորդում է «Արմենպրես»-ի թղթակիցը, հանդիպումն անցկացվում է Եվրասիական տնտեսական միության բարձրագույն խորհրդի նիստից առաջ։

Հայկական կողմից հանդիպմանը մասնակցում են փոխվարչապետ Տիգրան Ավինյանը, ԱԳ նախարար Զոհրաբ Մնացականյանը, ՌԴ-ում Հայաստանի դեսպան Վարդան Տողանյանը, վարչապետի օգնականներ Վարուժան Ներսեսյանը, Ռուբեն Ռուբինյանը և ԱԳՆ խորհրդական, ԱՊՀ վարչության պետ Արմեն Ղևոնդյանը։

Ռուսական կողմից հանդիպմանը մասնակցում են ՌԴ նախագահի աշխատակազմի ղեկավարի տեղակալ, մամուլի քարտուղար Դմիտրի Պեսկովը, ՌԴ նախագահի օգնական Յուրի Ուշակովը, ՌԴ տնտեսական զարգացման նախարար Մաքսիմ Օրեշկինը, ՌԴ ֆինանսների նախարար Անտոն Սիլուանովը, ՌԴ տրանսպորտի նախարար Մաքսիմ Սոկոլովը, ՌԴ արտաքին գործերի նախարարի տեղակալ Ալեքսանդր Պանկինը։

Աշխատանքային այցի ընթացքում տեղի են ունենալու նաև Նիկոլ Փաշինյանի հանդիպումները Բելառուսի նախագահ Ալեքսանդր Լուկաշենկոյի, Ղըրղզստանի նախագահ Սոորոնբեյ Ժեենբեկովի հետ:

«Ռոսնեֆտ»-ի մամուլի քարտուղար Միխայիլ Լեոնտևը ՀՀ վարչապետ Նիկոլ Փաշինյանին հղված նամակով ներողություն է խնդրել իր ոչ պատշաճ մեկնաբանության համար: Այս մասին տեղեկացրին վարչապետի մամուլի ծառայությունից՝ ի պատասախան «Արմենպրես»-ի հարցման:

Հարց. Արդյոք ճիշտ է այն տեղեկությունը, որ «Ռոսնեֆտ»-ի մամուլի քարտուղար Միխայիլ Լեոնտևը նամակով ներողություն է խնդրել ՀՀ վարչապետ Նիկոլ Փաշինյանից օրեր առաջ «Կոմսոմոլսկայա պրավդա» ռադիոյի եթերի ժամանակ հայ ժողովրդի հասցեին հնչեցրած անհարգալից մեկնաբանության համար:

Պատասխան. Այո, Միխայիլ Լևոնտևը գրավոր նամակ է հղել վարչապետ Նիկոլ Փաշինյանին՝ ներողություն խնդրելով իր չափազանց զգացմունքային և ոչ պատշաճ մեկնաբանության համար՝ ընդունելով, որ քաղաքական հայացքների տարակարծությունը որևէ կերպ չի կարող արդարացնել արտահայտությունների մեջ իր կտրուկ և կոպիտ լինելը:

Նա նաև ընդգծել է, որ մեկնաբանության անհարկի զգացմունքայնությունը բխել է բացառապես Հայաստանի ճակատագրի վերաբերյալ նրա մտահոգություններով, որին նա համարում է Ռուսաստանի մտերիմ պատմական դաշնակից: Նա հավաստիացրել է, որ տարաբնույթ հաղորդումներում իր մեկնաբանությունները որևէ կերպ չեն առնչվում «Ռոսնեֆտ»-ի դիրքորոշման հետ և հույս է հայտնել, որ իր անշրջահայաց պահվածքը որևէ կերպ չի անդրադառնա «Ռոսնեֆտ»-ի և Հայաստանի միջև դրական համագործակցության վրա:

Ադրբեջանը պատրաստ է լայնածավալ ռազմական գործողությունների, զինված ուժերի հրամանատարության հետ մայիսի 12-ին անցկացրած խորհրդակցության ժամանակ նման հայտարարությամբ է հանդես եկել Ադրբեջանի պաշտպանության նախարար Զաքիր Հասանովը: Այս մասին նշված է Ադրբեջանի պաշտպանության նախարարության կողմից այսօր տարածած հաղորդագրության մեջ:

Անդրադառնալով Հայաստանի նորընտիր վարչապետ Նիկոլ Փաշինյանի վերջին հայտարարություններին` Հասանովը նշել է․- «Մենք անընդունելի ենք համարում իշխանափոխությունից հետո Հայաստանի որոշ ղեկավարների կողմից հնչեցված անպատասխանատու հայտարարությունները և զգուշացնում ենք Հայաստանի ռազմաքաղաքական ղեկավարությանը, որ Ադրբեջանի բանակը պատրաստ է լայնածավալ ռազմական գործողություններին»:

Մայիսի 9-ին Լեռնային Ղարաբաղ կատարած այցի ժամանակ Հայաստանի վարչապետ Նիկոլ Փաշինյանը հայտարարեց, որ առանց Լեռնային Ղարաբաղի մասնակցության, ղարաբաղյան հակամարտության շուրջ բանակցային ձևաչափը լիարժեք չէ:

«Բանակցային այդ ֆորմատը լիարժեք համարվել չի կարող, քանի դեռ դրան չի մասնակցում հակամարտության լիարժեք կողմերից մեկը՝ Արցախի ղեկավարությունը: Դժվար է պատկերացնել, որ ոչ լիարժեք, կիսատ ֆորմատով որևէ բանակցություն կարող է արդյունք տալ», – ասել է Նիկոլ Փաշինյանը:

azatutyun.am

ԱՄՆ-ում՝ Գլենդելում, երգիչ Ձախ Հարութը չի կարողացել շարունակել ելույթը: Ինստագրամում us_armenians էջն այդ մասին տեսանյութ է հրապարակել: Դրանում երեւում է, որ մի շարք ներկաներ բոյկոտում են նրան, ոմանք մեջքով են կանգնած երգչին: Ձախ Հարութը ստիպված հեռանում է բեմից (տեսանյութը այստեղ):

Ինստագրամում տեսանյութի մեկնաբանություններից տպավորություն է առաջանում, որ մարդիկ դժգոհ են ԱՄՆ-ում #ԻմՔայլ շարժմանն աջակցող ցույցերի նկատմամբ երգչի դիրքորոշման համար: Ըստ օգտատերերի՝ նա ժողովրդի կողքին չի կանգել:

«Հարո՛ւթ ջան, դու պետք է աջակցեիր քո ժողովրդին, որը քեզ այդքան սիրում է: Սխալ ընտրություն էր»,- գրել է մի օգտատեր:

Կան նաեւ երգչին աջակցողները: Նրանք նշում են, որ նրա նման մարդու հետ չի կարելի այդպես վարվել:

«Շատ սխալ վարվեցին: Իմ կարծիքով՝ չպետք է քաղաքականությունը խառնել արվեստի հետ: Ամոթ էր ուղղակի: Հարութին չպետք է սենց վերաբերվեին»,- գրել է մեկ այլ օգտատեր:

ԱՄՆ-ում #ԻմՔայլը շարժման ընթացքում նույնպես ցույցեր էին ընթանում: Դրանց մասնակցել են այնտեղ ապրող հայ հայտնիներ:

Ռուսաստանում ռազմական շքերթի ժամանակ ՌԴ նախագահ Վլադիմիր Պուտինը նկատել է՝ ինչպես է իր թիկնապահներից մեկը հետ մղել իր կողքով քայլող վետերանին. նախագահը կանգ է առել, մոտեցել վետերանին և «փրկել» նրան: Միջադեպի տեսագրությունը հրապարակվել է համացանցում, փոխանցում է Lenta.ru-ն:

Տեսանյութում երևում է՝ ինչպես է Պուտինը շարժվում Ալեքսանդրովյան այգու ուղղությամբ՝ Սերբիայի նախագահ Ալեքսանդր Վուչիչի և Իսրայելի վարչապետ Բինյամին Նեթանյահուի ուղեկցությամբ՝ Անհայտ զինվորի գերեզմանին ծաղիկներ դնելու համար:

Այդ պահին անվտանգության աշխատակիցները սկսել են հետ մղել Հայրենական մեծ պատերազմի վետերանին, որը փորձել է մոտենալ նախագահին: Վերջինս նկատել է դա, մի կողմ քաշել աշխատակիցներին և սեղմել վետերանի ձեռքը՝ հրավիրելով միասին գնալ հուշարձանի մոտ:

«Россия 24» հեռուստաալիքի տվյալների համաձայն՝ վետերանը ցանկացել է անձամբ մոտենալ Պուտինին և «իր հարգանքի հավաստիքը հայտնել նրան»։ Նշվում է, որ նախագահին «կտրականապես դուր չեն եկել» անվտանգության աշխատակիցների գործողությունները: