Միխեիլ Սահակաշվիլին իր ֆեյսբուքյան էջում անդրադարձել է Նիկոլ Փաշինյանի ելույթին. «Ինձ շատ ուրախացնում է, որ Փաշինյանի հետ նույն կերպ ենք մտածում: Նա առանց ավելորդ ձգձգելու չեզոքացնում է օլիգարխների ու կոռումպացված «էլիտայի» ազդեցությունը՝ իշխանությունը փոխանցելով Հայաստանի ժողովրդին : Ժողովրդական էյֆորիայի ալիքի վրա նա արագ բարեփոխումներ է սկսել, որոնք արագորեն տեսանելի արդյունքներ են տվել ու շշմեցրել կոռումպացված «էլիտային», բայց հասկանում է, որ շփոթվածության փուլը շուտով կանցնի նրանց մոտ և նրանք կսկսեն սաբոտաժի ենթարկել նրա քայլերը և նրան հեռացնել վարչապետի աթոռից:

«ՀԱՊԿ նախագահները նաև փորձում են ցույց տալ, որ ՀԱՊԿ-ն լուրջ կառույց է, և նման գործընթացները ՀԱՊԿ ներկայացուցիչների նկատմամբ պետք է երկար կշռադատված լինեն կամ համապատասխան այլ գործընթացներով ուղեկցվեն, անցնեն սահուն, ինչն այս դեպքում տեղի չունեցավ»,- այս մասին 168.am-ի հետ զրույցում ասաց ռուս ռազմական փորձագետ Ալեքսանդր Գոլցը՝ անդրադառնալով ՀԱՊԿ գլխավոր քարտուղարի փոխարինման հարցին:

Հիշեցնենք, որ օրերս Ղազախստանի նախագահ Նուրսուլթան Նազարբաևը Ռուսաստանի իր գործընկեր Վլադիմիր Պուտինի հետ քննարկել էր ՀԱՊԿ-ի շուրջ ստեղծված իրավիճակը: «Քննարկման թեմաներից մեկը ՀԱՊԿ գլխավոր քարտուղարի հարցն է, որը մեզ համար խնդիր է դարձել»,- ասել էր Նազարբաևը:

Ի պատասխան՝ Պուտինն ասել էր. «Ինչ վերաբերում է առավել լայն հարաբերություններին՝ ՀԱՊԿ շրջանակում, ԵվրԱզԷՍ շրջանակում, այստեղ շատ մեծ օրակարգ կա, մեծ ծրագրեր, կան նաև խնդրահարույց հարցեր, ինչպես որ այն, որ Դուք նոր ասացիք»: ՀԱՊԿ գլխավոր քարտուղար Յուրի Խաչատուրովը մեղադրվում է Հայաստանի քրեական օրենսգրքի 300.1 հոդվածով: Նրա դեմ մեղադրանք է առաջադրվել 2008թ. մարտի 1-ի գործով՝ սահմանադրական կարգը տապալելու համար: Խաչատուրովը գրավի դիմաց ազատ է արձակվել: Հայաստանի ԱԳՆ-ից հայտարարել են, որ դիմել են ՀԱՊԿ-ին՝ Խաչատուրովին փոխարինելու գործընթաց սկսելու առաջարկով:

Նախ՝ խոսելով Պուտին-Նազարբաև խոսակցությունից, Գոլցն ասաց, որ ՀԱՊԿ-ի համար իսկապես Խաչատուրովի շուրջ տեղի ունեցողը խնդիր է, քանի որ նրա նշանակմանը մի որոշակի գործընթաց է նախորդել:

Նա հիշեցրեց, որ այս ռոտացիոն պաշտոնում ՀՀ ներկայացուցչի նշանակումն էապես ուշացավ ՀԱՊԿ-ում այս հարցի շուրջ անհամաձայնության պատճառով, որը պայմանավորված էր առավելապես ԼՂ հակամարտությամբ և ՀԱՊԿ անդամ մի քանի երկրների ու Ադրբեջանի հարաբերություններով, այդ ձգձգումը բավականին լուրջ դժգոհության առիթ էր դարձել հայ հասարակության ներսում, հրահրելով հակառուսական տրամադրություններ, քննադատություններ և այլն:

«Եվ Հայաստանում ստեղծված տրամադրությունները մեղմացնելու, և ՀԱՊԿ-ում կարգուկանոն հաստատելու նպատակով Ռուսաստանը հետամուտ եղավ, որպեսզի հարցը լուծվի այնպես, ինչպես ՀԱՊԿ մյուս անդամ երկրների դեպքում: Բավական լուրջ քննարկումներ էին ծավալվել այն ժամանակ: Այսինքն` այս փուլը կարևոր է դիտարկել՝ հասկանալու համար, թե ինչ է կատարվում ներկայումս: Ռուսաստանի համար սա խնդիր է, քանի որ Ռուսաստանն է այս հարցն առաջ մղել, ՀԱՊԿ մյուս անդամ երկրների համար սա առիթ է իրենց դիրքորոշումը պնդելու, ՀԱՊԿ-ի ապագայի մասին մտահոգվելու և Ռուսաստանին խնդիրներ առաջադրելու համար: Պատահական չէ, որ Նազարբաևը շեշտում է, որ դա խնդրահարույց հարց է իրենց համար: Թվում է, թե հեշտ է մի անձին փոխարինել մյուսով, թեկուզ՝ ոչ հայ թեկնածուով, բայց այս գործն այնպիսի աղմուկ է ստեղծել իր շուրջ, որ կասկածի տակ է դրել այս կառույցի լրջությունը, կարևորությունը ՀԱՊԿ անդամ երկրների համար, ինչը, հաշվի առնելով այն հանգամանքը, որ սա ապահովում է ԱՊՀ գոտում անվտանգությունը, մտահոգիչ է, և պետք է հնարավորինս սահուն լուծել այս հարցը»,- ասաց վերլուծաբանը:

Նրա խոսքով՝ ժամանակի ընթացքում փոխարինողներ կգտնվեն, բայց սա, բնականաբար, հետք կթողնի այս կառույցի վրա: Նրա կարծիքով՝ ՀԱՊԿ նախագահները դրանից են փորձում խուսափել, լուծումներ գտնել, ուստի ակտիվ շփումների մեջ են միմյանց հետ այս օրերին:

«ՀԱՊԿ նախագահները նաև փորձում են ցույց տալ, որ ՀԱՊԿ-ը լուրջ կառույց է, և նման գործընթացները ՀԱՊԿ ներկայացուցիչների նկատմամբ պետք է երկար կշռադատված լինեն կամ համապատասխան այլ գործընթացներով ուղեկցվեն, անցնեն սահուն, ինչն այս դեպքում տեղի չունեցավ: ՀԱՊԿ-ի դերակատարությունն այս երկրների համար կարևորված է նաև Ռուսաստան-Արևմուտք, Ռուսաստան-ՆԱՏՕ ներկայիս հարաբերությունների դեպքում: Հասկանալի է, որ քարտուղարին կարելի է փոխարինել, բայց ինչպես Հայաստանի թեկնածուի ընտրության դեպքում հարցը բավականին երկար ժամանակ ձգձգվեց, այս դեպքում ևս կարող է ձգձգվել, քանի որ անհրաժեշտ է անդամ բոլոր երկրների ղեկավարների համաձայնությունը տվյալ թեկնածությանը: Ուստի շտապել և շտապ լուծումներ գտնել չի կարելի, ՀԱՊԿ-ին ժամանակ է հարկավոր այս խնդիրը հաղթահարելու համար, քանի որ վաղաժամ փոփոխության համար ևս համաձայնություն է հարկավոր, թեկնածուի հարցում` ևս, պետք է որոշել, թե որ երկիրը պետք է թեկնածու առաջադրի, այդ հարցում պետք է լինի համաձայնություն»,- ասաց նա:

Խոսելով Ադրբեջանի Միլլի Մեջլիսի Իրավական հարցերի և պետական շինարարության հանձնաժողովի նախագահ Ալի Հուսեյնլիի՝ Ադրբեջանի ՀԱՊԿ անդամակցության վերաբերյալ դիտարկումների մասին՝ փորձագետն ասաց, որ ակտիվացել են այդ մասին խոսակցությունները:

«Սակայն հասկանալի է, որ դրա համար կարևոր է լինելու Հայաստանի կարծիքը, թեև կլինեն երկրներ, որոնք կաջակցեն նաև Ադրբեջանին: Այնուամենայնիվ, Հայաստանն իր դիրքորոշումը վերջերս տարբեր առիթներով հայտնել է, այն միանշանակ է, որ Հայաստանը չի կարող նման բան թույլ տալ»,- ասաց նա:

Խոսակցությունները, ըստ նրա, միանշանակորեն ակտիվացել են հայ-ռուսական հարաբերություններում առաջացած խնդիրների ֆոնին: «Այնուամենայնիվ դրանք խնդիրներ են, որոնք կողմերը հակված են կարգավորել քննարկումների կառուցողական մթնոլորտում»,- ասաց նա:

Օգոստոսի 12-ին Արցախի Հանրապետության և Ադրբեջանի սահմանի Ակնա բնակավայրից դեպի արևելք ընկած հատվածում, կողմերի զինված ուժերի դիրքերի միջև չեզոք գոտում հայտնաբերվել է Ադրբեջանի բնակչի դի։

Ինչպես  տեղեկացրին Արցախի Հանրապետության ռազմագերիների, պատանդների և անհայտ կորածների հարցերով պետական հանձնաժողովից, օգոստոսի 15-ին, Կարմիր խաչի միջազգային կոմիտեի և ԵԱՀԿ գործող նախագահի անձնական ներկայացուցչի գրասենյակի միջնորդությամբ, Արցախի Հանրապետության և Ադրբեջանի միջև ձեռք բերված պայմանավորվածության համաձայն, իրականացվել է մարմինը չեզոք գոտուց Ադրբեջան տարհանելու մարդասիրական գործողություն։

Օգոստոսի 8-ին՝ ժամը 13:40-ի սահմաններում, արցախա-ադրբեջանական հակամարտ զորքերի շփման գծի հարավարևելյան (Կուրոպատկինո) ուղղությամբ տեղակայված հակառակորդի մարտական դիրքերից մեկում տեղի է ունեցել ուժգին պայթուն, որին հետևել է մարդկային վայնասուն, իսկ այնուհետև մոտ 10 կրակոց:

Միջադեպից հինգ րոպե անց մարտական դիրքին են մոտեցել շտապ օգնության 1 և ռազմական այլ տեսակի 5 մեքենաներ:
Դեպքի հետ կապված որևէ տեղեկություն ադրբեջանական կողմը դեռևս չի տվել:

ՊԲ առաջապահ ստորաբաժանումներն ու համապատասխան ծառայությունները աչալրջորեն վերահսկում են իրավիճակը և հետևում հակառակորդի առաջնագծում նկատվող տեղաշարժերը:

ԱՀ ՊՆ մամուլի ծառայություն

Թուրքիայի ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) հայ պատգամավոր Գարո Փայլանը արձագանքել է Վաշինգտոնի պատժամիջոցներին, որոնցով արգելվել է 2 թուրք նախարարների մուտքը ԱՄՆ։

Նախարարների նկատմամբ պատժամիջոցներ սահմանելու պատճառը Թուրքիայում ձերբակալված ամերիկացի հոգևորական Էնդրյու Բրանսոնին՝ ԱՄՆ-ի բարձրագույն ղեկավարության բազմաթիվ հորդորներից հետո ազատ չարձակելն է:

Բրանսոնը մեղադրվում է ահաբեկչական կառույցների հետ կապ ունենալու մեջ։

Փայլանը «Twitter»-ի էջում թեմայի վերաբերյալ մասնավորապես գրել է.

«Հոգևորական Բրանսոնին  պատանդ պահելու պատճառով,  ԱՄՆ որոշեց պատժամիջոց կիրառել Թուրքիայի արդարադատության և ներքին գործերի նախարարների նկատմամբ։  Քանի դեռ դուք կշարունակեք պատանդ պահելու քաղաքականությունը, քաղաքական, ինչպես նաև տնտեսական տեսանկյունից ոչ մի բանով չենք տարբերվի Սուդանից»։

Հիշեցնենք, որ Փայլանը նախկինում էլ անդրադարձել էր Բրանսոնի շուրջ ստեղծված իրավիճակին։ Նա Թուրքիայի իշխանություններին մեղադրել էր այն բանում, որ նրանք հոգևորականին օգտագործում են իրենց «կեղտոտ գործարքներում»։ 

Ermenihaber.am

ԱՄՆ Կոնգրեսի հայկական հարցերով կոմիտեի համանախագահները ստորագրահավաք են սկսել Ներկայացուցիչների պալատի անդամների շրջանում, որպեսզի նամակով դիմեն Միացյալ Նահանգների նախագահ Դոնալդ Թրամփին՝ կոչ անելով նրան սեպտեմբերին Նյու Յորքում՝ ՄԱԿ-ի Գլխավոր ասամբլեայի շրջանակում հանդիպել ՀՀ վարչապետ Նիկոլ Փաշինյանի հետ: Այս մասին հայտնում է Հայ դատի ԱՄՆ հանձնախումբը:

Նամակի նախաձեռնողներն են Կոնգրեսի հայկական հարցերով կոմիտեի համանախագահներ Ֆրենկ Փալոնեն, Ջեքի Սփիրը, Դեյվ Թրոտը, Դևիդ Վալադաոն, ինչպես նաև փոխնախագահներ Գուս Բիլիրակիսն ու Ադամ Շիֆը: Նրանք համոզված են, որ հանդիպումը կնպաստի Հայաստանի հետագա ինտեգրմանը միջազգային տնտեսական համակարգում, հայ-ամերիկյան երկկողմ առևտրի ու ներդրումների աճին: Կոնգրեսականները նշել են, որ վարչապետի պաշտոնում ընտրվելուց ի վեր Փաշինյանը հանձնառու է եղել առաջ մղելու Հայաստանին հուզող հարցերն ինչպես երկրի ներսում, այնպես էլ միջազգային ասպարեզում, նա բարձրաձայնել է իր մտադրությունը խորացնել կապերը ԱՄՆ հետ: «Կասկած չկա որ նախագահ Թրամփի ու վարչապետ Փաշինյանի միջև տնտեսական զարգացման, անվտանգության ու ժողովրդավարության հարցերով զրույցը կարևոր է մեր երկրների միջև  ռազմական գործընկերության ամուր առանցք ստեղծելու հարցում»,- նշել են կոնգրեսականները:

Այս նախաձեռնությունը ողջունել է նաև Հայ դատի ԱՄՆ հանձնախմբի տնօրեն Արամ Համփարյանը՝ նշելով, որ իրենք ոգևորված են  ՀՀ-ԱՄՆ համագործակցության ամրապնդման ցանկացած նոր հնարավորությամբ:

Թուրքիայի պատմագիտական ընկերությունը «Հայկական հարցի» վերաբերյալ փաստագրական անիմացիոն ֆիլմ է նկարահանել, որը կոչվում է «Հայերի ապստամբությունը, ահաբեկչությունը և քարոզչությունն Օսմանյան պետության դեմ»:

Այն նպատակ ունի «Հայկական հարցի» մասին իրազեկել թուրքական և միջազգային հանրության:

Ընկերության պաշտոնական կայքում տեղ գտած հայտարարության մեջ նշվում է, որ ֆիլմը բաղկացած 7 մասից: Հանրության դատին կհանձնվի 5 լեզվով (թուրքերեն, անգլերեն, իսպաներեն, գերմաներեն և ֆրանսերեն):

1․ 1915 ահաբեկչություն և ապստամբություն

2․ 1915 տեղափոխություն և վերաբնակեցում

3․ Սփյուռք, դիվանագիտություն և քարոզչություն

4․ ԱՍԱԼԱ․ Արյուն ու կրակ

5․ Կեղծ փաստաթղթեր և իրականություն

6․ Ոչ պատմական դիվանագիտություն

7․ Առաջին կրակը․ 1915թ մահմեդականների նկատմամբ դաժանություն:

Աղբյուր` TTK.com.tr

Ermenihaber.am

Թուրքիայի քրդամետ ընդդիմադիր «Ժողովուրդների դեմոկրատական կուսակցության» (HDP-ԺԴԿ) պատգամավոր Կարո Փայլանն արձագանքել է թուրքական դատարանի այն որոշմանը, որով երկարաձգվել էր ամերիկացի հոգևորական Էնդրյու Բրանսոնի կալանավորման ժամկետը։

Ամերիկացի հոգևորականը մեղադրվում է լրտեսության և Թուրքիայում ահաբեկչական համարվող կառույցների հետ կապեր ունենալու համար, գրում է «Էրմենիհաբեր»-ը։

 Դատարանի որոշման մասին Փայլանը Twitter միկրոբլոգի իր էջում գրել է.

 «Ասվում էր, թե մի հոգևորականին տուր, մյուսին վերցու: Բայց դե Բրանսոնը, ով Էրդողանի խոստովանությամբ պատանդ է պահվում, այդպես էլ ազատ չարձակվեց։

 Էրդողանը, ով կարծել է, թե Դենիզ Յուջելի (Թուրքիայում կալանավորված գերմանացի լրագրող) միջոցով ծնկի բերեց Գերմանիային, շարունակում է պատանդ պահելու իր քաղաքականությունը։Մենք պետք է ամոթ զգանք, որ նախագահական պալատը հոգևորականին օգտագործում է կեղտոտ գործարքների մեջ»:

Ադրբեջանի Գյանջա քաղաքում հուլիսի 10-ի երեկոյան բողոքի ակցիայի ժամանակ ցուցարարները սպանել են երկու ոստիկանի: Ադրբեջանի ներքին գործերի նախարարության տարածած հաղորդագրության համաձայն՝ կրոնական ծայրահեղականների 150-200-հոգանոց խումբը Գյանջայի քաղաքապետարանի շենքի դիմաց փորձել է խախտել հասարակական կարգը:

Երբ ոստիկանության աշխատակիցները փորձել են գործողություններ իրականացնել հասարակական կարգը վերականգնելու համար, ցույցի մասնակիցները իրենց մոտ եղած կտրող-ծակող և բութ առարկաներով դիմադրություն են ցույց տվել: Ադրբեջանի ՆԳՆ-ի փոխանցմամբ՝ բախումների հետևանքով կրոնական ծայրահեղականները մահացու վիրավորումներ են հասցրել Գյանջայի ոստիկանության գլխավոր վարչության պետի տեղակալ, գնդապետ Իլգար Բալաքիշիևին և Գյանջայի Նիզամի շրջանի ոստիկանության բաժնի պետի տեղակալ, գնդապետ-լեյտենանտ Սամեդ Աբասովին:

Ոստիկանների գործողությունների արդյունքում ձերբակալվել է 40 անձ, մյուսներին հաջողվել է թաքնվել կամ փախչել տարածքից: Ձեռնարկված գործողությունների արդյունքում հասարակական կարգը 30 րոպեի ընթացքում վերականգնվել է, հաղորդում է Ադրբեջանի ներքին գործերի նախարարությունը: Դեպքի առթիվ Ադրբեջանի գլխավոր դատախազությունը քրեական օրենսգրքի մի քանի հոդվածներով քրեական գործ է հարուցել:

Գյանջայի բնակիչները Meydan TV-ին հայտնել են, որ Գյանջայում ոստիկանության լրացուցիչ ուժեր են բերվել: Մարդկանց ոստիկանական բաժանմունքներ են տեղափոխում անմիջապես իրենց տներից:

Հուլիսի 3-ին մահափորձ էր տեղի ունեցել Գյանջայի քաղաքապետ Էլմար Վելիևի դեմ: 35-ամյա Յունիս Սաֆարովը կրակոցներ էր արձակել Վելիևի և նրա թիկնապահի ուղղությամբ: Վերջիններս հրազենային վիրավորումներով տեղափոխվել էին հիվանդանոց, իսկ Սաֆարովը ձերբակալվել էր:

Meydan TV-ի հաղորդմամբ՝ Էլմար Վելիևի դեմ մահափորձը ակտիվ քննարկումների առիթ էր դարձել սոցցանցերում: Ընդ որում քննադատական մեկնաբանություններ են հնչել նաև Գյանջայի քաղաքապետի գործունեության վերաբերյալ: Նախօրեի բողոքի ակցիան ըստ ադրբեջանական ԶԼՄ-ների՝ կազմակերպել էին Յունիս Սաֆարովի աջակիցները: