Արևելք  լրատվականն անդրադարձել է Լիբանաի հիվանդանոցներում ստեղծված վիճակին՝ նշելով, որ բժշկական սարքերի և դեղորայքի ներկրման հետ կապված խնդիրներ են առաջացել : Պատճառն, ըստ պարբերականի, ամերիկյան դոլարի անսպասելի բարձրացումն է :

«Լիբանանի ամբողջ տարածքին բժշկական սարքերու, ինչպէս նաեւ դեղորայքի սուր
տագնապ մը երեւելի դարձած է։Ինչպէս այլ առիթներով ալ գրած ենք, այս տիպի տագնապին հիմնական պատճառըամերիկեան տոլարի սակին անսպասելի բարձրացումն է, որ նոյնպէս պատճառ կը հանդիսանայ, դեղորայքի եւ բժշկական սարքեր ներածող ընկերութիւններուն  բախիլ բարդ կացութիւններու ու աւարտին ալ յայտնուիլ անդամալուծուած վիճակի մը մէջ։ Եւ այսպէս մինչ կառավարական մարմիններ կը դերանան մինչեւ հիմա առկայ պայմանաւորուածութիւնները լուծելու, անդին դեղորայք ներածողկազմակերպութիւններ նոյնպէս չեն կրնար կատարել իրենց վրայ եղած պարտաւորութիւնները։

Կը նշուի նաեւ, որ ներկայ պահու դրութեամբ տագնապահար դրութեան մէջ են
քաղցկեղէ տառապող հիւանդները, որոնց օգօգտագործած դեղերուն պակասը դարձած էերեւելի։

Կը նշուի նաեւ, որ կարգ մը հիւանդանոցներու մէջ բժշկական ծառայութիւնները կրնան
դադրեցուիլ, եթէ պատկան մարմինները ընդառաջ երթալով նեցուկ ցոյց չտան դեղ եւ
սարքեր ներածող ընկերութիւններուն»,-գրել է Արևելք լրատվականը։

Թեհրանում կործանված ուկրաինական Boeing-ը խոցվել է մարդկային սխալի հետևանքով։ Այս մասին ասված է Իրանի ԶՈւ գլխավոր շտաբի հայտարարության մեջ, հաղորդում է IRIB իրանական պետական հեռուստաալիքը։

Հայտարարությունում նշվում է, որ ինքնաթիռը խոցվել է, քանի որ թռչելիս է եղել ռազմական կարևոր նշանակություն ունեցող օբյեկտի կողքով։

Սոցցանցերում շարունակ նոր տեսանյութեր են հայտնվում ինքնաթիռի վթարից։ Նոր հրապարակված կադրերում երևում է, թե ինչպես է ինքնաթիռն օդում բռնկվում ու սկսում ընկնել։

Հիշեցնենք, որ հունվարի 8-ին Թեհրանում օդ բարձրանալուց րոպեներ անց ընկել է 176 մարդ տեղափոխող ուկրաինական ինքնաթիռը, օդանավում գտնվող բոլոր մարդիկ զոհվել են: Ուղևորների թվում եղել են Իրանի, Ուկրաինայի, Կանադայի, Գերմանիայի, Շվեդիայի, Աֆղանստանի քաղաքացիներ:

Պենտագոնի ղեկավար Մարկ Էսփերը հերքել է Իրաքից ամերիկյան զորքերի դուրսբերման մասին տեղեկությունը, հայտնում է BBC News-ը:

«Ամեն ինչից անկախ՝ Իրաքից դուրս գալու որոշում չի կայացվել: Ես չգիտեմ, թե դա ինչ նամակ է… Մենք փորձում ենք պարզել, թե այն որտեղից է հայտնվել, ինչ է դա: Բայց Իրաքից դուրս գալու որոշում չի եղել»,- ճեպազրույցի ժամանակ լրագրողներին ասել է նա:

Շտաբների պետերի միացյալ կոմիտեի նախագահ Մարկ Միլլին իր հերթին հայտարարել է, որ ԱՄՆ գլխավորած ռազմական կոալիցիայի զորքերի դուրսբերման մասին ավելի վաղ հրապարակված նամակը «սխալմունք» է եղել:

Նրա խոսքով՝ դա եղել է վատ կազմված սեւագիր, որն անգամ ստորագրված չէր եւ չպետք է հրապարակվեր:

«Այն (նամակը) ուղարկվել է մի քանի իրանցի առանցքային զինծառայողների օդային փոխադրումների եւ այլնի համակարգման համար: Հետո մեկի ձեռքից մյուսին է ուղարկվել, այնուհետեւ հայտնվել է ձեզ մոտ»,- պարզաբանել է Միլլին՝ կրկին հաստատելով Էսփերի խոսքը, որ ամերիկյան զորքերը Իրաքից դուրս չեն գալիս:

Հիշեցնենք, որ Reuters գործակալությունն ավելի վաղ հայտնել էր, որ ԱՄՆ գլխավորած ռազմական կոալիցիան հայտարարել է Իրաքից զորքերի դուրսբերման մասին՝ մեջբերելով իր տրամադրության տակ հայտնված նամակից:

Գործակալությունը հայտնել էր, որ նամակը գրել էր ԱՄՆ ծովային կորպուսի բրիգադի գեներալ Ուիլյամ Սիլին եւ հասցեագրված էր Իրաքի պաշտպանության նախարարությանը:

Գործակալության հայտարարությամբ՝ նամակի իսկությունը հաստատել էր Իրաքի պաշտպանության նախարարությունից աղբյուրը:

ԱՄՆ նախագահ Դոնալդ Թրամփը սպառնում է պատժամիջոցներ սահմանել Իրաքի դեմ՝ հայտարարելով, որ եթե ամերիկյան զորքերը լքեն երկիրը, Իրաքի կառավարությունը ստիպված կլինի Վաշինգտոնին վճարել երկրում տեղակայված «չափազանց թանկ» ռազմաբազայի համար, հաղորդում է Reuters-ը:

Նա նշել է, որ եթե Իրաքն ԱՄՆ զինված ուժերին խնդրել է լքել երկիրը «ոչ բարեկամական հիմքով», ապա «ԱՄՆ-ը նրանց դեմ այնպիսի պատժամիջոցներ կսահմանի, որ նրանք նախկինում չեն տեսել, եւ դրա համեմատ Իրանի դեմ պատժամիջոցները ձանձրալի կթվան»:

Հիշեցնենք, որ նախօրեին Իրաքի խորհրդարանը քվեարկել է երկրի տարածքից ամերիկյան զորքերի դուրսբերման օգտին:

Բացի այդ, նա անտեսել է ավելի վաղ արտահայտած մտավախություններն այն մասին, որ որպես թիրախ Իրանի մշակութային օբյեկտների ընտրությունը կարող է ռազմական հանցագործություններ սադրել:

«Նրանց կարելի է սպանել մեր մարդկանց: Նրանց կարելի է ճանապարհային ականներ կիրառել եւ պայթեցնել մեր մարդկանց: Իսկ մեզ չի՞ կարելի ձեռք տալ նրանց մշակութային օբյեկտներին: Այդպես չի լինի»,- ասել է ԱՄՆ նախագահը:

Իրանում հրաժեշտ են տալիս սպանված գեներալ Ղասեմ Սոլեյմանիին: Վերջինիս դուստրը խոստացել է, որ հոր մահը սև օր կդառնա ԱՄՆ-ի և Իսրայելի համար: Ամբողջ Իրանում սգո արարողություններին մասնակցում են հարյուր հազարավոր մարդիկ:

Հարյուր հազարավոր մարդիկ Թեհրանի «Հեղափոխություն» փողոցում են: Ժողովրդի շարքերում վեր են բարձրացել զոհված գեներալի լուսանկարները, սգո սև և վրեժի կարմիր դրոշները: Երկրի հոգևոր առաջնորդ այաթոլլա Ալի Խամենեին անձամբ է աղոթք կարդացել և սգացել գեներալի մահը: Ժողովրդի շարքերի միջից լսվում են «մահ Ամերիկային» բացականչություններ:

Սոլեյմանիի հրաժեշտի արարողությունը ներկայացվում է ուղիղ հեռարձակմամբ:

Իրանի արտաքին գործերի նախարար Մոհամադ Ջավադ Զարիֆը «ԱՄՆ-ի կողմից միջազգային ահաբեկչության ակտ» է անվանել «Ալ Կուդս» ջոկատների հրամանատար, գեներալ Կասեմ Սուլեյմանիի սպանությունը, տեղեկացնում է ՏԱՍՍ-ը։

«ԱՄՆ-ի կողմից միջազգային ահաբեկչության ակտը՝ ուղղված գեներալ Սուլեյմանիի (սպանությանը) եւ «Իսլամական պետության», «Ջեբհաթ ան Նուսրայի», «Ալ Քաիդայի» ու մյուսների դեմ պայքարող ամենաարդյունավետ ուժի գեներալին սպանած ակտը չափազանց վտանգավոր է եւ հիմար թեժացման կհանգեցնի»,- գրել է Զարիֆը։ Նա նաեւ ընդգծել է, որ ԱՄՆ-ը պատասխանատվություն է կրելու իրանցի զորահրամանատարի սպանության հետեւանքների համար։

Մինչ այդ Պենտագոնը հաստատել էր, որ ուրբաթ հրթիռային հարված է հասցրել Բաղդադի օդանավակայանի շրջանում, ինչի հետեւանքով սպանվել է Իսլամական հեղափոխության պահապանների կորպուսի (Իրանի ԶՈւ էլիտար ուժեր) հատուկ նշանակության ուժերի հրամանատար Կասեմ Սուլեյմանին։ Ամերիկյան ռազմական գերատեսչության մամուլի ծառայությունը տեղեկացրել էր նաեւ, որ գործողությունն իրականացվել է ԱՄՆ նախագահ Դոնալդ Թրամփի կարգադրությամբ։

ՌԴ նախագահ Վլադիմիր Պուտինը դեկտեմբերին 20-ին Սանտկ Պետերբուրգում ընթացող Եվրասիական Բարձրագույն խորհրդի նիստին Եվրասիական տնտեսական հանձնաժողովի նախագահ Տիգրան Սարգսյանին ԵԱՏՄ զարգացման մեջ ունեցած մեծ ներդրման համար շնորհեց բարձր պետական պարգև՝ «Բարեկամության» շքանշան։

ՌԴ ղեկավարը նշեց, որ Տիգրան Սարգսյանն անձնական մեծ ներդրում է ունեցել ԵԱՏՄ-ի զարգացման գործում, նրա ղեկավարությամբ ԵՏՀ-ն վերջին 4 տարիներին շատ հաջող է աշխատել՝ լուծելով ամենաբարդ հարցերը։

«Նա շատ բան է արել, որ ԵԱՏՄ-ն դառնա արդյունավետ տնտեսական միություն։ Մեծ ջանքեր է գործադրել բարձրացնելու նրա միջազգային հեղինակությունը։ Տիգրան Սարգսյանի ներդրումը մեծ է նաև հայ-ռուսական հարաբերությունների ընլայնման և ամրապնդման գործում»,-ասաց ՌԴ  նախագահը։

Վլադիմիր Պուտինը նաև ընդգծեց, որ Տիգրան Սարգսյանը, լինելով ԵՏՀ նախագահ, կարողացել է ստեղծել շատ լավ աշխատանքային մթնոլորտ։

«Նա համբերատարություն էր ցուցաբերում այն հարցերի շուրջ, որոնք ընթանում էին սուր քննարկումների շրջանակում, ուժ էր գտնում ամեն ինչի համբերելու, բոլոր պայմանները ստեղծում էր, որ գայինք միասնական որոշման։ Ցանկանում եմ Ձեզ առողջություն ու հետագա հաջողություններ»,-ասաց Պուտինը։

ԱՄՆ Սենատը ընդունեց Հայոց ցեղասպանության ճանաչման բանաձեւը՝ չնայած դրան խանգարելու Թուրքիայի նախագահ Ռեջեփ Թայիփ Էրդողանի բոլոր ջանքերին։ Այս մասին են գրում համաշխարհային ԶԼՄ-ները։

Համարյա բոլոր թերթերի ու գործակալությունների հրապարակումներում ընդգծվում է, որ Սենատի կողմից բանաձեւի հենց հիմա ընդունումը կապված է Թուրքիայի վարքագծի հետ։

«Հինգշաբթի օրը Սենատը միաձայն քվեարկեց այն բանի օգտին, որ Հայոց ցեղասպանությունը ճանաչվի որպես ամերիկյան արտաքին քաղաքականության հարց։ Փաստաթուղթը ընդունվեց Թրամփի վարչակազմի առարկությունների ֆոնին եւ դարձավ երկու կուսակցությունների օրենսդիրների զայրույթի արտահայտությունը Թուրքիայի հանդեպ»,- գրում է The New York Times-ը։

Ինչպես նշում է AFP-ը, մինչ Հայոց ցեղասպանության բանաձեւի ընդունումը Սենատը հավանության էր արժանացրել Թուրքիայի դեմ պատժամիջոցները։ «Օրենսդիրները մարտահրավեր նետեցին Թրամփին, որպեսզի նա հավանություն տա Ցեղասպանության բանաձեւին, թեեւ նրա պաշտոնական ստորագրությունը չի պահանջվում»,- հայտնում է գործակալությունը։

AFP-ը մեջբերում է կոնգրեսական Ադամ Շիֆին, որը հայտարարել է, թե Կոնգրեսը միաձայն համամիտ է, որ Ցեղասպանության մասին ճշմարտությունն ասվի։ «Եկել է ժամանակը, որ նախագահը միանա»,- հայտարարել է նա։

Bloomberg-ում հոդվածի հեղինակ Դենիել Ֆլեթլին նույնպես կարծում է, որ բանաձեւն ընդունվել է Թուրքիայի հետ լարված հարաբերությունների համատեքստում։ Փաստաթուղթը, նրա խոսքերով, ընդունվեց՝ չնայած Պետդեպի կողմից դիմակայությանը եւ այն մտավախություններին, որ դա ավելի կբարդացնի Թուրքիայի հետ հարաբերությունները։

Բրիտանական The Guardian-ը նույնպես գրում է, որ Թուրքիան երկար ժամանակ օգտագործում էր ՆԱՏՕ-ում դաշնակից լինելու լծակը եւ սպառնում էր երկկողմ հարաբերությունների համար հետեւանքներով։ «Հինգշաբթի օրը Թրամփն անկարող էր Սենատում իր կողմնակիցներից որեւէ մեկին համոզել հանդես գալ դրա դեմ»,- ասվում է հոդվածում։

The Washington Post-ը նույնպես կարծում է, որ Թուրքիայի գործողությունները մեծ հիասթափություն են առաջացրել Կոնգրեսում՝ նոր խթան հաղորդելով Հայոց ցեղասպանության ճանաչման հարցի վերակենդանացման ջանքերին։ «Հայոց ցեղասպանության ճանաչման բանաձեւը ինտենսիվ լոբբիի թեմա էր տասնամյակներ շարունակ, այն դեպքում երբ Թուրքիան օրենսդիրներին, ազգային անվտանգության խորհրդականներին համոզում էր այդ փաստաթղթի դեմ հանդես գալ»,- գրում է թերթը։

Սակայն, չնայած ընդունված փաստաթղթի հանդեպ լկտի քաղաքական մոտեցմանը, շատ լրատվամիջոցներ չեն կարողացել շրջանցել նաեւ զգացմունքային բաղադրիչը։ Հատկապես նշվում է ոչ միայն հայկական լոբբիի, այլեւ սենատոր Ռոբերդ Մենենդեսի ջանքերը, որի համար այս հաղթանակը հատկապես կարեւոր էր։

«Մենենդեսը չկարողացավ թաքցնել զգացմունքները՝ ասելով․ «Ես երախտապարտ եմ, որ այս բանաձեւն ընդունվեց այն ժամանակ, երբ դեռեւս կան ցեղասպանությունից հետո վերապրածներ, եւ նրանք կարող են տեսնել, որ Սենատը ճանաչում է, թե ինչի միջով են իրենք անցել»,- գրում է CNN-ը։

«Նյու Ջերսիից դեմոկրատը հուզվեց, երբ պատմում էր Ցեղասպանության սարսափների մասին»,- նշում է USA Today-ը։

New York Daily-ն ընդգծել է, որ երբեք չի լինում համապատասխան ժամանակ նրա համար, որպեսզի բարձրաձայնվի անհարմար ճշմարտությունը, սակայն Սենատը հենց այդպես վարվեց՝ ճանաչելով Հայոց ցեղասպանությունը։