Շվեդիան Եվրամիության միակ երկիրն է, որը հրաժարվել է կորոնավիրւսի պատճառով կարանտինից, գրում է The Daily Mail-ը:

Շվեդիայում բաց են դպրոցները, ռեստորաններն ու բարերը, իսկ իշխանությունները մարդկանց խորհուրդ են տալիս փողոց դուրս գալ եւ մաքուր օդ շնչել:

Եվրոպայի երկրների մեծամասնությունը կարանտին է, նույնիսկ պարեկային ժամ է սահմանել: Սակայն Շվեդիայի իշխանությունները հայտարարել են, որ նման սահմանափակումները քաղաքացիների ազատության կոպտագույն խախտում են:

Շվեդիայում արգելված են միայն ավելի քան 500 մարդու մասնակցությամբ հավաքները: Միեւնույն ժամանակ, եվրոպական այլ երկրներում, օրինակ՝ Մեծ Բրիտանիայում եւ Գերմանիայում, արգելված են մինչեւ 2 մարդու մասնակցությամբ հավաքները:

Երկուշաբթի Շվեդիայի նախկին համաճարակաբան, ԱՀԿ խորհրդական Յոհան Գիզեկեն քաղաքացիներին կոչ է արել փողոց դուրս գալ, մաքուր օդ շնչել, տաք սուրճով թերմոսներ վերցնել եւ գնալ պիկնիկի՝ հետեւելով խելամիտ հեռավորությանը: Նրա խոսքով՝ մտշապես տանը մնալը վնասակար է առողջության համար:

Նշենք, որ worldometers.info/coronavirus/-ի վերջին տվյալների համաձայն՝ Շվեդիայում գրանցվել է կորոնավիրուսով վարակման 2526 եւ մահվան 62 դեպք:

Մարտի 23-ին՝ ժամը 21։00-ից սկսած, Սադախլոյի անցակետի մուտքը բաց կլինի բեռնատարների համար։ Տեղեկությունը տարածում է Հայկական միասնական տեղեկատվական կենտրոնը:

«Մառնեուլիի շրջանում մտցված կարանտինային ռեժիմի պատճառով բեռնատարները Մառնեուլիի մոտակայքում կախտահանվեն և պարեկային ոստիկանության ուղեկցությամբ, առանց կանգառի կշարունակեն իրենց ընթացքը (կանգառ կթույլատրվի միայն Մառնեուլիի շրջանից դուրս)։

Սադախլոյի անցակետով տարանցիկ բեռնափոխադրում իրականացնող բեռնատարների մուտքը դեպի Վրաստան ժամանակավորապես վրացական կողմից դադարեցվել էր Վրաստանի տարածքում բեռնատարների մեծաքանակ առկայության և նաև Մառնեուլիի և Բոլնիսիի շրջաններում կարանտինային ռեժիմ մտցնելու պատճառով, որը Բագրատաշենի անցակետին հարող հատվածում դարձել է բեռնատարների մեծ կուտակման պատճառ», — ասվում է կենտրոնի տարածած հաղորդագրությունում:

https://www.facebook.com/aliQmedia/videos/647050465853093/

Վրաստանում ՀՀ դեսպանությունն ակտիվ աշխատանքներ է տանում Վրաստանում գտնվող ՀՀ քաղաքացների՝ Վրաստանից ելքն ապահովելու ուղղությամբ։

Իրանում Թեհրանի նահանգապետ Անուշիրվան Մոխսենին հայտարարել է նոր տիպի կորոնավիրուսով վարակվելու նոր դեպքերի աճի տեմպերի կրճատման մասին, հաղորդում է Tasnim-ը:

Նահանգապետի խոսքով, եթե մարտի 19-ի դրությամբ կորոնավիրուսով վարակվելու աճը կազմել է 7 տոկոս, ապա մարտի 20-ին այդ թիվը կրճատվել է՝ հասնելով 4,9 տոկոսի:

Շաբաթ Իրանի առողջապահության նախարարությունը հայտնել է կորոնավիրուսից բուժված 7 635 դեպքի մասին: Ընդ որում՝ բարդությունների հետեւանքով մահերի թիվը հասել է 1 556-ի: Ընդհանուր առմամբ երկրում կորոնավիրուսով վարակվել է 20 610 մարդ:

Իրանի գերագույն առաջնորդ այաթոլլահ Ալի Խամենեին հայտարարել է ԱՄՆ-ի բժշկական ռեսուրսների պակասի մասին և մերժել է ԱՄՆ-ի կողմից կորոնավիրուսի դեմ պայքար շրջանակներում առաջարկված օգնությունը, նշելով որ ԱՄՆ-ն այն երկիրն է, որին մեղադրում են այս կորոնավիրուսը ստեղծելու համար: Այս մասին տեղեկացնում է  РИА Новости գործակալությունը:

«ԱՄՆ-ի ղեկավարությունը հայտարարել է, որ պատրաստ է բժշկական օգնություն ցուցաբերել և օգնել դեղամիջոցներով: Դրանք շատ տարօրինակ խոսքեր են: Առաջին հերթին, դուք պակասորդ ունեք, ինչպես տեղեկանում ենք ԱՄՆ-ից եկող լուրերից: Երկրորդ, ձեզ, ամերիկացիներիդ, մեղադրում են վիրուսը ստեղծելու համար: Ես չգիտեմ, թե ինչքանով են հիմնավոր այդ մեղադրանքները, բայց եթե այդ մեղադրանքները գոյություն ունեն, որ խելացի մարդը ձեզնից դեղորայքներ կընդունի: Միգուցե ձեր դեղորայքը միջոց է՝ էլ ավելի տարածելու հիվանդությունը: Ձեզ չի կարելի վստահել»,-հայտարարել է Ալի Խամենեին:

Իրանի հոգևոր առաջնորդն իր խոսքում ԱՄՆ-ին անվանել է իրենց պետության գլխավոր թշնամին, իսկ ամերիկացի պաշտոնյաներին բնութագրել է որպես խաբեբաներ:

Նոր կորոնավիրուսի բռնկումը փորձում է ՆԱՏՕ-ի ամրությունը, բայց դաշինքը պահպանում է առաքելություններ իրականացնելու  իր ունակությունը: Այս մասին հինգշաբթի հայտարարել է ՆԱՏՕ-ի գլխավոր քարտուղար Յենս Ստոլտենբերգը` ներկայացնելով 2019 թվականի ՆԱՏՕ-ի վիճակի վերաբերյալ իր տարեկան զեկույցը, փոխանցում է ՏԱՍՍ-ը:

«Մեր որոշ աշխատակիցների մոտ կորոնավիրուս է հայտնաբերվել, որոշ զորավարժություններ մոդիֆիկացվել կամ չեղարկվել են: Բայց դա չի ազդում ՆԱՏՕ-ի` իր օպերացիաներն իրականացնելու կարողության վրա: Համաճարակը փորձում է ՆԱՏՕ-ի ամրությունը, բայց մենք կհաղթենք նրան»,- ասել է նա:

Ստոլտենբերգը նշել է, որ դաշինքը վերանայել է իր զորավարժությունների ամբողջ ծրագիրը կորոնավիրուսի պանդեմիայի հետ կապված: «Մենք չեղարկել ենք մի շարք զորավարժություններ, հետաձգել կամ փոփոխել ենք որոշների ձեւաչափը», — ասել է նա: Ստոլտենբերգը շեշտել է, որ այս տարվա խոշորագույն Defender 2020 ռազմավարական զորավարժությունները «չեն չեղարկվել, սակայն վերանայվել է դրանց ձևաչափը եւ կրճատվել են անցկացման մասշտաբները»:

COVID-19 կորոնավիրուսի պանդեմիան պատշաճ հակամիջոցների ձեռնարկման դեպքում կարող Է ավարտվել մինչեւ 2020 թվականի հունիս: Այ մասին մարտի 12-ին հայտնել Է Global Times թերթը՝ վկայակոչելով չինացի առաջատար համաճարակաբան Չժուն Նանշանին, տեղեկացնում Է «Արմենպրես»-ը: «Կարող ենք ակնկալել, որ COVID-19 համաճարակը կավարտվի մինչեւ հունիս»,-հայտարարել Է համաճարակաբանը մամուլի ասուլիսում:

Չժուն Նանշանը հավելել Է, որ Չինաստան ժամանած բազմաթիվ վարակվածների մոտ հիվանդությունն անցնում Է առանց ախտանշանների, ինչպես նաեւ նշել Է ապաքինվածների շրջանում կրկնակի վարակումների ցածր տոկոսը: Ինչպես մարտի 12-ին հայտնել Է ՉԺՀ-ի հիգիենայի եւ առողջապահության հարցերի պետական կոմիտեն, Չինաստանում վերջին 24 ժամվա ընթացքում նոր կորոնավիրուսից զոհերի թիվն աճել Է 11-ով, վարակվածների թիվն ավելացել Է 15-ով, ապաքինվել Է եւս 1318 մարդ:

 Կոմիտեի տվյալներով՝ ախտահարվածների թիվը կորոնավիրուսի հարուցած հիվանդության տարածման ողջ ժամանակաշրջանում հասել Է 80,7 հազարի, նրանցից ապաքինվել են 62,7 հազարը, մահացել Է 3169 մարդ: Թարմացված տվյալների համաձայն, վիրուսից մահացության ցուցանիշը Չինաստանում կազմում Է 3,92 տոկոս՝ մեկ օր առաջվա 3,9 տոկոսի փոխարեն: Դրա հետ մեկտեղ վերջին 24 ժամում ապաքինվածների բաժինը 76,1 տոկոսից հասել Է 77,7 տոկոսի:

 Ինչպես նշել են պետկոմիտեում, 31 տարածաշրջաններից հինգում հիվանդացածներ բոլորովին չկան, ախտահարվածների թիվը եւս 25 նահանգներում, կենտրոնական ենթակայության վարչական շրջաններում եւ քաղաքներում տատանվում Է մեկից մինչեւ 90: Պեկինում գրանցվել Է 93 վարակված: Հուբեյի կենտրոնական նահանգում, որտեղ շարունակվում Է հիվանդության գլխավոր օջախի վերացումը, վերջին 24 ժամվա ընթացքում մահացել Է 10 մարդ, վարակվել Է ութ, ապաքինվել՝ 1242 մարդ: Չնայած կորոնավիրուսի դեմ հաջող պայքարին, այնտեղ դեռեւս կա 14,4 հազար ախտահարված:

Երկրի մայրցամաքային մասի տարածաշրջանների մեծամասնության տարածքում արդեն մի քանի օր ամբողջովին բացակայում են վարակման նոր դեպքերը: ՉԺՀ-ի հիգիենայի եւ առողջապահության հարցերի պետական կոմիտեի ներկայացուցիչ Մի Ֆենը հայտարարել Է, որ Չինաստանում նոր կորոնավիրուսի տարածման առավելակետն արդեն հաղթահարված Է: «Նոր տիպի կորոնավիրուսի տարածման բարձրակետը մեր երկրում արդեն անցել Է, հիվանդանալու նոր դեպքերի թիվն ավելի ու ավելի Է փոքրանում»,-Մի Ֆենի խոսքը մեջբերում Է «Սինհուա» գործակալությունը:

 Չինաստանում հայտնվել Է խելացի ռոբոտ, որը կարողանում Է կոկորդից քսուք վերցնել նոր կորոնավիրուսային վարակի ախտորոշման համար, մշակումը կարող Է նվազեցնել վարակման ռիսկը բուժաշխատողների շրջանում: Ռոբոտը բաղկացած Է օձաձեւ մեխանիկական ձեռքից, երկոսպնյակ ներդիտակից, տվյալների անհաղորդալար հաղորդման սարքավորանքից եւ ինտերակտիվ տերմինալից: Քսուքը վերցնելու ժամանակ բուժանձնակազմն ստիպված Է լինում գտնվելու պացիենտի հետ սերտ շփման մեջ, ինչը մեծացնում Է վարակման վտանգը: Մշակողները համոզված են, որ նոր ռոբոտը թույլ կտա բուժաշխատողներին պաշտպանել կորոնավիրուսով վարակվելուց, հաղորդել Է «Ինտերֆաքս»-ը:

Արմենպրես

Իրանը տեխնիկական համագործակցության մեջ է ԱԷՄԳ-ի հետ եւ պարտավոր չէ արձագանքել կեղծ հայտարարություններին, որոնք գործակալության մտահոգությունն են առաջացնում։

«ԱԷՄԳ-ի հետ մեր համագործակցության շրջանակները պարզ են։ Ցանկացած ռեժիմի կամ առանձին անձի կողմից արված ցանկացած անհեթեթ պնդումները չպետք է հիմք լինեն ԱԷՄԳ-ի հարցերի համար»,- հայտարարել է Իրանի ԱԳՆ պաշտոնական ներկայացուցիչ Աբաս Մուսավին, հայտնում է Mehr-ը։

Ավելի վաղ ԱԷՄԳ-ի գլխավոր տնօրեն Ռաֆայել Մարիանո Գրոսին հայտարարել էր, որ Իրանը արգելափակում է գործակալության հասանելիությունը այն երեք վայրերից երկուսին, որոնց մասին «գործակալությունը մի շարք հարցեր ունի՝ կապված հնարավոր չհայտարարված միջուկային նյութի եւ միջուկային գործունեության հետ»։

Հաստատելով ԱԷՄԳ-ի հետ Իրանի համագործակցությունը՝ Մուսավին նշել է, որ ԱԷՄԳ-ի մտահոգությունը այդ օբյեկտների հանդեպ, որոնք ընդհանուր ոչինչ չունեն Իրանի միջուկային ծրագրի հետ, բխում է կեղծ տեղեկատվությունից, որոնք ներկայացնում են լրտեսական գործակալությունները։

Նա նշել է, որ Իրանի ԱԳ նախարար Մուհամմեդ Ջավադ Զարիֆը վերջերս ԵՄ արտաքին գերատեսչության ղեկավար Ջոզեպ Բորելի հետ հեռախոսազրույցում քննարկել է Իրանի միջուկային գործունեության ԱԷՄԳ-ի վերջին զեկույցը՝ պարզաբանելով երկրի դիրքորոշումը։

«Երբ եվրոպացիները գործնական քայլեր ձեռնարկեն իրենց պարտականությունները կատարելու համար, Իրանը կվերադառնա իր նախկին պարտականություններին»,- նշել է Մուսավին։

Հռոմի Ֆրանցիսկոս պապն ավանդական կիրակնօրյա ելույթի ժամանակ մտահոգություն է հայտնել Սիրիայի հյուսիսարևմտյան հատվածում տիրող մարդասիրական ճգնաժամային իրավիճակի վերաբերյալ: Սրբազան քահանայապետը նաև աջակցություն է հայտնել բոլորին, ովքեր տանջվում են ողջ աշխարհում կորոնավիրուսի տարածման պատճառով:

РИА Новости-ի փոխանցմամբ՝ Ֆրանցիսկոս պապը հատուկ ողջույնի խոսք է հղել հավատացյալներին, որոնք «համերաշխություն են դրսևորում Սիրիայի ժողովրդի, նախևառաջ` Իդլիբի բնակիչների հետ, որոնք ստիպված են փախչել պատերազմից»:

«Կրկին հայտնում եմ իմ խոր մտահոգությունն ու ցավը՝ կապված այդ անպաշտպան մարդկանց վերաբերող անմարդկային իրավիճակի հետ, որոնց թվում շատ են մահվան վտանգի առաջ կանգնած երեխաները»,- ասել է Հռոմի պապը:

Անդրադառնալով կորոնավիրուսի համաճարակով պայմանավորված իրավիճակին՝ Հռոմի պապն ասել է. «Աղոթքով այն մարդկանց հետ եմ, որոնք տառապում են կորոնավիրուսի ներկայիս համաճարակի պատճառով և որոնք բուժում են անցնում: Կոչ եմ անում հավատացյալներին հաղթահարել այս դժվարին պահը հավատի ուժով, պարզ հույսով և գթուսրտությամբ: Թող Մեծ պահքի ժամանակաշրջանն օգնի մեզ բոլորիս ավետարանչական իմաստ հաղորդել ցավի և փորձության այս պահին»:

Նոր կորոնավիրուսի դեմ Չինաստանի առողջապահական հաստատությունները նախապատրաստում են 5 տարբեր տեսակի պատվաստանյութ։ Դրանցից այն տարբերակները, որ արդյունավետ ու անվտանգ կլինեն, կիրառման մեջ կդրվեն ապրիլին։ Այս մասին հայտարարել են Չինաստանում պատվաստանյութ փնտրող պետական գերատեսչությունից։

Պատվաստանյութի այդ «թեկնածուներին» հիմա փորձարկում են կենդանիների վրա՝ անվտանգությունը ստուգելու համար։ Այդ ամենից հետո, համաձայն տեղական օրենքների, չինացի մասնագետները հույս ունեն պատվաստանյութը կիրառել շտապ դեպքերի համար։

Այս պահի դրությամբ նոր կորոնավիրուսի վարակակիրների քանակն ամբողջ աշխարհում մոտ 100 հազար է։

Սրան զուգահեռ, հիշեցնենք, Միացյալ Նահանգներում և այլ երկրներում նույնպես իրականացվում են նույնպիսի հետազոտություններ։ Ամերիկյան պատվաստանյութը, ըստ մամուլի հրապարակումների, ներկայում փորձարկվում է կամավոր մարդկանց վրա։