Հունիսի 28-ին, ժամը 21.45-ին, ոստիկանության Բագրատաշենի բաժնի ծառայողները Բագրատաշենի մաքսատան հարակից տարածքից բերման են  ենթարկել 43-ամյա Գագիկ Ա.-ին, որը 2010 թ. հունիսի 25-ից ՌԴ Սարատովի մարզի իրավապահների կողմից հետախուզվում էր սպանության մեղադրանքով:

Գագիկ Ա.-ն կալանավորված է:

Հայտնաբերման մասին տեղյակ է պահվել հետախուզումը նախաձեռնողին:

Հունիսի 28-ին, ժամը 22.00-ին,  ոստիկանության Արաբկիրի բաժնի  ծառայողները ԼՂՀ Շուշի քաղաքից բերման են ենթարկել 28-ամյա Արտյոմ Հ.-ին, որը հունիսի 4-ից հետախուզվում էր խարդախության մեղադրանքով:

Կատարվում է քննություն:

Հունիսի 28-ին, ժամը 18.30-ին, ոստիկանության էրեբունու բաժին է ներկայացել 57-ամյա  Սարգիս Թ.-ն, որը 1988 թ. հունվարի 15-ից հետախուզվում էր խարդախության և կաշառք տալու  մեղադրանքներով:

Կատարվում է քննություն:

Հունիսի 28-ին, ժամը 11.00-ին, ոստիկանության Երևան քաղաքի վարչության ծառայողները Օղակաձև զբոսայգուց բերման են ենթարկել 47-ամյա Նունե Ք.-ին, որը հունիսի 27-ից հետախուզվում էր կողոպուտի փորձ կատարելու մեղադրանքով:

Կատարվում է քննություն:

Հունիսի 28-ին, ժամը 18.00-ին, ոստիկանության քրեական հետախուզության գլխավոր վարչության և Գյումրիի բաժնի ծառայողները Մոսկվա-Գյումրի չվերթի ինքնաթիռի ժամանումից հետո «Շիրակ» օդանավակայանից բերման է ենթարկվել 30-ամյա Լիլիթ Հ.-ն, որը 2007 թ. դեկտեմբերի 24-ից հետախուզվում էր խոշոր չափերով յուրացում կատարելու մեղադրանքով:

Կատարվում է քննություն:

Հունիսի 25 առավոտյան «Եռաբլուր» պանթեոնում դիակ էր հայտնաբերվել:

Մենք արդեն տեղեկացրել ենք, որ 08:25-ի սահմաններում, անհայտ քաղաքացին զանգահարել է ոստիկանության Մալաթիայի բաժին եւ հայտնել, որ «Եռաբլուր» պանթեոնի մոտ տղամարդու դիակ կա:

Ապա պարզվել է, որ մահացածը ոստիկանության քրեական հետախուզության գլխավոր վարչության օպերլիազոր, ոստիկանության ավագ լեյտենանտ 25-ամյա Կորյուն Արզումանյանն է: Դիակի մոտ հայտնաբերվել է ձեռագրով գրված մի նամակ, իսկ ձեռագրի հետեւում համակարգչով հավաքված տեքստ, որտեղ, մասնավորապես, գրված է, որ «Ես ներողություն եմ խնդրում բոլորից…»:

Ըստ նախնական տեղեկությունների, Կ. Արզումանյանն ինքնասպան է եղել իրեն ամրակցված Մակարով տեսակի ատրճանակից: Օպերլիազորը մահացել է ծնոտին արձակված մեկ կրակոցով:Սակայն մեր ունեցած տեղեկություններով երիտասարդը նախ` երկու անգամ կրակել է իր որովայնի հատվածին, որից սակայն որևէ կենսական օրգան չի վնասվել, ապա երրորդ կրակոցն արձակել է ծնոտի հատվածում: Առայժմ հայտնի չէ նրա մահվան ստույգ պատճառը, շրջանառվում է պարտքեր ունենալու և այլ վարկածներ:

Գործը քննում է Հատուկ քննչական ծառայությունը:

Վարորդը մահացել է

Հունիսի 27-ին ոստիկանության Գյումրիի բաժնում հաղորդում է ստացվել, որ ժամը 22.20-ի սահմաններում 48-ամյա  Սամվել Սարգսյանի վարած «Ֆոլքսվագեն-Գոլֆ» մակնիշի ավտոմեքենան Մարմաշեն-Գյումրի ճանապարհի 3-րդ կմ-ին շրջվել է:

Պատահարի հետևանքով  վարորդը ստացած մարմնական վնասվածքներից հիվանդանոցում, գիտակցության չգալով, մահացել է:

Կատարվում է քննություն:

Վրաերթ Էրեբունու փողոցում

Հունիսի 27-ին ոստիկանության Էրեբունու բաժնում հաղորդում է ստացվել, որ ժամը 11.00-ին 43-ամյա Սուսաննա Բ.-ն «Սուզուկի Գրանդ Վիտարա» մակնիշի ավտոմեքենայով Էրեբունու փողոցի թիվ 16/1 շենքի դիմաց վրաերթի է ենթարկել 54-ամյա Փառանձեմ Մ.-ին, որը մարմնական վնասվածքներով տեղափոխվել է «Էրեբունի»  բժշկական կենտրոն:

Երևան‑Երասխ Ճանապարհին

Հունիսի 27-ին ոստիկանության Արարատի բաժնում հաղորդում է ստացվել, որ  ժամը 18.30-ի սահմաններում 64-ամյա  Ֆրունզիկ Ա.-ի վարած «Օպել Վեկտրա» մակնիշի ավտոմեքենան Երևան-Երասխ ճանապարհի 45-րդ կմ-ին բախվել է 60-ամյա Մելսիկ Գ.-ի  վարած «Ֆորդ Տրանզիտ» մակնիշի ավտոմեքենային, ինչի հետևանքով «Օպել Վեկտրա»-ի ուղևորը մարմնական վնասվածքներով տեղափոխվել է հիվանդանոց:

Հունիսի 27-ին, ժամը 18.30-ին, Երևան-Սևան ճանապարհի 52-րդ կմ-ին գտնվող գազալցակայանից  ոստիկանության Սևանի բաժնում ահազանգ է ստացվել, որ իրենց մոտ պայթյուն է տեղի ունեցել:

Դեպքի վայր մեկնած օպերատիվ խումբը պարզել է, որ նույն օրը, ժամը 17.50-ի սահմաններում, 29-ամյա Մանվել Ղ.-ի «ՎԱԶ-21063» մակնիշի ավտոմեքենան լիցքավորելիս ավտոմեքենայի բեռնախցիկում տեղադրված բալոնը պայթել է, ինչի հետևանքով գազալցակայանի աշխատակիցը մարմնական վնասվածքներով տեղափոխվել է «Հրազդան» բժշկական կենտրոն:

Հանգամանքները պարզվում են:

Կատարվում է հետաքննություն:

Մեդիամաքս գործակալությունը հղում կատարելով «Սիստեմա» -ի մամուլի ծառայությանը հայտնել է, որ  ՀՀ երկրորդ նախագահ Ռոբերտ Քոչարյանը վերընտրվել է «Սիստեմա» բաժնետիրական ֆինանսական կորպորացիայի տնօրենների խորհրդի կազմում:

Հիշեցնենք, որ Հայաստանում «Սիստեմա» ԲՖԿ-ի ակտիվների շարքում են «Ղ-Տելեկոմ»-ը (Vivacell-MTS ապրանքանիշ), «Cornet AM» WiMax օպերատորը, «Մարս» գործարանը և երեք գիտահետազոտական ինստիտուտներ: Ռոբերտ Քոչարյանն առաջին անգամ ընտրվել է «Սիստեմա» ԲՖԿ-ի անկախ տնօրենի պաշտոնում 2009-ի հունիսին:

Երեկ գիշեր Գյումրիում ողբերգական դեպք է տեղի ունեցել: Գյումրու Զույգ աղբյուր կոչվող թաղամասում, ժամը 23-ի սահմաններում, շտապ օգնությունը կանչ է ստացել, րոպեներ անց մեկնել են ահազանգի  հետքերով: Խմբին դիմավորել է հիվանդի 28-ամյա որդին:

Նախնական  տեղեկություներով` տղան եղել է հարբած վիճակում: Դիմավորելով Գյումրու շտապ բուժօգնության բժիշկ, 65-ամյա Աշոտ Գրիգորյանին, տղան հարձակվել է նրա վրա, դուրս քաշել մեքենայից և սկսել հարվածել ոտքերով:
Ծեծից հետո բժիշկը շարունակել է իր մասնագիտական առաքելությունը` անհրաժեշտ առաջին բուժսպասարկում ապահովելով: Գյումրու շտապ օգնության  կայանից տեղեկացրել են, որ այնուհետև բժիշկը տուն է գնացել և  մահացել:

Գործի վերաբերյալ  ոստիկանության լրատվության  բաժնի  պատասխանատու Արմեն Մալխասյանը մեզ տեղեկացրեց,  որ  ըստ դատական  փորձաքննության  համաձայն  մահը  պայմանավորված է գանգուղեղային  կենսական կարևոր  ֆունկցիաների  խանգարումով,  սուր ներորովայնային  արյունահոսությամբ,  որը հետևանք է  գանգուղեղի և որովայնի  բութ գործիքի  գործադարման:

Հանցագործությունը  կատարել է  1983 թվականի ծնված  Արտակ Կարապետյանը:

Նա այս պահին  ձերբակալված է,  հարուցվել է քրեական գործ` քրեական օրենսգրքի  104 հոդվածի հատկանիշներով: Հանգամանքները պարզվում են:

Երեկ գիշեր Գյումրիում ողբերգական դեպք է տեղի ունեցել: Գյումրու Զույգ աղբյուր կոչվող թաղամասում, ժամը 23-ի սահմաններում, Շտապ օգնությունը կանչ է ստացել, րոպեներ անց մեկնել են ահազանգի  հետքերով: Խմբին դիմավորել է հիվանդի 28-ամյա որդին:

Նախնական  տեղեկություներով` տղան եղել է հարբած վիճակում: Դիմավորելով Գյումրու Շտապ բուժօգնության բժիշկ, 65-ամյա Աշոտ Գրիգորյանին, տղան հարձակվել է նրա վրա, դուրս քաշել մեքենայից և սկսել հարվածել ոտքերով:
Ծեծից հետո բժիշկը շարունակել է իր մասնագիտական առաքելությունը` անհրաժեշտ առաջին բուժսպասարկում ապահովելով: Գյումրու Շտապ օգնության  կայանից տեղեկացրել են, որ այնուհետև բժիշկը տուն է գնացել և  մահացել…

Հունիսի 26-ին, ժամը 22.30-ին, ոստիկանության Գորիսի բաժնում  ահազանգ է ստացվել, որ Հալիձոր գյուղից ներքև գտնվող այգիներում «ԳԱԶ-53» մակնիշի ավտոմեքենա է գլորվել  ձորը:

Պարզվել է, որ նույն օրը, ժամը 19.00-ի սահմաններում, 33-ամյա Ռուդիկ Մ.-ի  վարած «ԳԱԶ-53» մակնիշի մակնիշի ավտոմեքենան Հալիձոր գյուղի մոտ դուրս է եկել ճանապարհի բանուկ մասից և գլորվել գետը, ինչի հետևանքով նրա ուղևորուհին՝ 29-ամյա  Լուսինե Սանթրյանը ստացած մարմնական վնասվածքներից մահացել է, իսկ մյուս 3 ուղևորներ մարմնական վնասվածքներով տեղափոխվել են հիվանդանոց:

Կատարվում է քննություն:

Բախվել է Էլեկտրասյանը

Հունիսի 26-ին ոստիկանության Շենգավիթի բաժնում հաղորդում է ստացվել, որ ժամը 16.00-ին, 28-ամյա Հարություն Ս.-ն «Աուդի»  մակնիշի ավտոմեքենայով Նորագավիթի 5-րդ փողոցում բախվել է էլեկտրասյանը, ինչի հետևանքով 2 ուղևորները  մարմնական վնասվածքներով տեղափոխվել են «Էրեբունի»  բժշկական կենտրոն:

Սևան‑Գավառ Ճանապարհին

Հունիսի 26-ին, ժամը 16.00-ի սահմաններում, Սևան-Գավառ ճանապարհի 26-րդ կմ-ին իրար են բախվել 55-ամյա Նաիրի Ա.-ի վարած «ՎԱԶ-2106»  մակնիշի և 24-ամյա Սարգիս Օ.-ի վարած «Բելոռուս» մակնիշի տրակտորը, ինչի հետևանքով Նաիրի Ա.-ն և նրա 3 ուղևորները մարմնական վնասվածքներով տեղափոխվել են Գավառի

հիվանդանոց:

Բախվել են

Հունիսի 26-ին ոստիկանության Նոր Նորքի բաժնում հաղորդում է ստացվել, որ ժամը 02.40-ի սահմաններում «Արքայաձոր» ռեստորանային համալիրի մոտ  իրար են բախվել 27-ամյա Վահե Վ.-ի վարած «Ֆորդ-Տրանզիտ» մակնիշի և 50-ամյա Յուրի Շ.-ի վարած «Շևրոլե» մակնիշի ավտոմեքենաները, որի հետևանքով Վահե Վ.-ն մարմնական վնասվածքներով տեղափոխվել է հիվանդանոց:
Կատարվում է քննություն:

Քասախ գետի մոտ

Հունիսի 26-ին ոստիկանության Աշտարակի բաժնում հաղորդում է ստացվել, որ ժամը 05.10-ի սահմաններում «ԲՄՎ-318»  մակնիշի ավտոմեքենան Երևանյան փողոցում` Քասախ գետի կամրջի մոտ, բախվել է ճամփեզրի քարե պատին, ինչի հետևանքով վարորդը մարմնական վնասվածքներով տեղափոխվել է Աշտարակի հիվանդանոց:

«Շևրոլե»‑ն շրջվել է

Հունիսի 26-ին  ոստիկանության Սևանի բաժնում հաղորդում է ստացվել, որ ժամը 19.00-ի սահմաններում, 40-ամյա Հրաչյա Մ.-ի վարած «Շևրոլե» մակնիշի ավտոմեքենան Երևան-Իջևան ճանապարհի 55-րդ կմ-ին շրջվել է, ինչի հետևանքով նրա 6 ուղևորները  մարմնական վնասվածքներով տեղափոխվել են հիվանդանոց:

Հունիսի 24-ին, ժամը 13.00-ին, ոստիկանության Երևան քաղաքի վարչության ՊՊԾ գնդի 3-րդ վաշտի ոստիկանները «Կիևյան» կամրջի մոտից բերման են ենթարկել 22-ամյա Շուշանիկ Մ.-ին, որը ինքնասպանություն գործելու նպատակով փորձել էր ցած նետվել կամրջից:

Հանգամանքները պարզվում են:Կատարվում է քննություն:

Երեւանում այսօր` առավոտյան «Եռաբլուր» պանթեոնում դիակ է հայտնաբերվել:

08:25-ի սահմաններում, անհայտ քաղաքացին զանգահարել է ոստիկանության Մալաթիայի բաժին եւ հայտնել, որ «Եռաբլուր» պանթեոնի մոտ տղամարդու դիակ կա:

Պարզվել է, որ մահացածը ոստիկանության քրեական հետախուզության գլխավոր վարչության օպերլիազոր, ոստիկանության ավագ լեյտենանտ 25-ամյա Կորյուն Արզումանյանն է:

Դիակի մոտ ոստիկանները հայտնաբերել են ձեռագրով գրված մի նամակ, իսկ ձեռագրի հետեւում համակարգչով հավաքված տեքստ, որտեղ, մասնավորապես, գրված է, որ «Ես ներողություն եմ խնդրում բոլորից…»:

Ըստ նախնական տեղեկությունների, Կ. Արզումանյանն ինքնասպան է եղել իրեն ամրակցված Մակարով տեսակի ատրճանակից: Օպերլիազորը մահացել է ծնոտին արձակված մեկ կրակոցով:

Ոստիկանության քննչական գլխավոր վարչության Երեւանի քննչական վարչության Մալաթիայի քննչական բաժնի քննիչ Սուրեն Նավոյանի կողմից նշանակվել են մի շարք փորձաքննություններ, այդ թվում ձեռագրաբանական, դատաձգաբանական, դատաբժշկական, ձգաբանական եւ դատաքիմիական:

Քննչական բաժնում նյութեր են նախապատրաստվում: «Մակարով» տեսակի ատրճանակը առգրավվել եւ ուղարկվել է ոստիկանության փորձաքրեագիտական վարչություն:

Մանրամասները հաղորդում է Գագիկ Շամշյանը