Յարոսլավի մարզում կործանվել է Մինսկ թռչող Յակ-42 ուղևորատար ինքնաթիռը։ Այս մասին հաղորդում է «Ինտերֆաքս» գործակալությունը` վկայակոչելով ուժային կառույցները։

Գործակալության տեղեկություններով՝ օդանավում եղել է «Լոկոմոտիվ» հոկեյի թիմի հիմնական կազմը, ընդհանուր առմամբ 37 մարդ (ներառյալ անձնակազմը), նրանցից 36-ը զոհվել են։

Յարոսլավի «Տունոշնա» օդանավակայանից օդ բարձրանալուց շատ չանցած՝ ինքնաթիռը թեքվել է ձախ կողմի վրա և ընկել թռիքային դաշտից 500 մետր հեռավորության վրա։ Ականատեսների տվյալներով՝ ինքնաթիռը վերածվել է այրված երկաթի կույտի։ Ինքնաթիռի մնացորդները գտնվում են օդակայանից 4 կմ հեռավորության վրա։

Դեպքի առիթով հարուցվել է քրեական գործ։

Այսօր համացանցում հայտնվել է Ռուսաստանի հոկեյի առաջատար թիմերից մեկին տեղափոխող ինքնաթիռի կործանմանը հաջորդող կադրերը:
Ռուսաստանի արտակարգ իրավիճակների նախարարության համաձայն` «ՅաԿ-42» մարդատար ինքնաթիռը վթարի է ենթարկվել չորեքշաբթի օրը Յարոսլավլ քաղաքի օդանավակայանից օդ բարձրանալուց գրեթե անմիջապես հետո:
Ինքնաթիռում կար 45 մարդ, որից 37-ը եղել են Յարոսլավլի «Լոկոմոտիվ» հոկեյի թիմի անդամներ:

Տեսանյութը վեդեոբաժնում.

Պաշտպանության նախարարի մամուլի քարտուղար Դավիթ Կարապետյանը տեղեկացրել է, որ Լեռնային Ղարաբաղի «Եղնիկներ» զորամասում օգոստոսի 26-ին ժամկետային զինծառայող Աղասի Աբրահամյանի մահվան գործով այսօր` սեպտեմբերի 6-ին ձերբակալվել են եւս երկու սպաներ:

Նշենք, որ ձերբակալվածների թիվը հասավ չորսի: Ձերբակալված եւ կալանավորված զինծառայողների անունները չեն հաղորդվում նախաքննության գաղտնիության շահերից ելնելով:

Նախկինում գործով կալանավորվել էին մեկ սպա` բուժկետի պետը, եւ մեկ ժամկետային զինծառայող:

Դեպքը տեղի էր ունեցել օգոստոսի 26-ին, ժամը 20:30-ի սահմաններում. Անգիտակից վիճակում զինվորական հոսպիտալ էր տեղափոխվել պաշտպանության բանակի ժամկետային զինծառայող, 18-ամյա  Աղասի Աբրահամյանը, որտեղ մեկ ժամ անց մահացել էր:

Նախկինում կալանավորվածներից սպային մեղադրանք է առաջադրվել «Իշխանազանցություն» հոդվածով, ժամկետային զինծառայողին` զինվորական կանոնագրքային կանոնները խախտելու մեղադրանքով:

Այսօր հայկական «Յուքոմ» և «Նեթսիս» ինտերնետ պրովայդերներն հայտարարեցին իրենց միավորման մասին: Ըստ նրանց, միավորման նպատակն է ստեղծել կորպորատիվ ծառայությունների, մասնավորապես, վեբ կայքերի տեղակայման (հոսթինգի) ծառայությունների նոր որակ և հզորություններ:

«Յուքոմ» ընկերության տնօրեն Հայկ Եսայանը կարծում է որ «Յուքոմի» գերարագ ցանցի և «Նեթսիսի» կորպորատիվ բաժանորդների ու 11 տարվա գործունեության համատեղումն արդյունավետ կլինի: «Նեթսիսը» տրամադրում է Wi-Max ծառայություններ, իսկ «Յուքոմն» ունի օպտիկամանրաթելային խոշոր ցանց, և այսուհետ կորպորատիվ բաժանորդները կկարողանան ինտերնետ ստանալ երկու ճանապարհով` մեկի խափանման դեպքում օգտագործելով մյուսը:

Տեղեկացվեց, որ միավորման գործընթացը կտևի վեց ամիս, արդյունքում սակագները չեն փոխվի, փոխարենը ինտերնետ կապի մինիմալ արագությունը կավելանա 1.5-2 անգամ: Հայկ Եսայանի խոսքով` երկու ընկերությունների միավորման հետևանքով մենաշնորհ չի ձևավորվի, քանի որ այսօր դաշտում գործում են ևս չորս խոշոր ընկերություններ:

2011-ի վերջին ինտերնետ պրովայդերի ծածկույթը մայրաքաղաքում կհասնի 95 տոկոսի: Այս պահին ավարտվում են Աջափնյակի և Շենգավիթի շրջանի մոնտաժային աշխատանքները, առջևում Էրեբունի և Հարավ-արևմտյան թաղամասերն են:

Ըստ մեր ունեղած տեղեկությունների «Յուքոմ» ընկերությունը պատկանում է ՊԵԿ –ի նախագահ Գագիկ Խաչատրյանին:

Քիչ առաջ Կիևյան կամրջից ինքնասպանության հերթական դեպքը կանխել են  «Արմենիա» հեռուստաընկերության «Դժվար ապրուստ» հեռուստասերիալի դերասանուհիներ Մերին և Սյուզին:

Աղջիկները 12:30 -01:00 –ի սահմաններում նկարահանումներից տուն վերադառնալիս, տեսել են կամրջի մոտ խմբված մարդկանց: Հետաքրքրված իջել են տաքսիից տեսնելու թե ինչ է կատարվում: Պարզվել է, որ մոտ 33 տարեկան մի տղամարդ անցել է կամրջի հակառակ կողմը ու  փորձում է ցած նետվել կամրջից: Աղջիկները մոտեցել են համոզելու, որ նման բան չանի, չնայած մինչ այդ նրան համոզողները ոչ մի արդյունքի չէին հասել։ Տղան`Սամվելն ասել է, որ իր սիրած աղջիկը չի եկել ժամադրության ու ինքը իրեն նետում է կամրջից: Երկու տղամարդ մի կերպ պահում էին, որոնց ձեռքից նա աշխատում էր դուրս պրծնել:

Պատմում է Մերին

«Մեզ որպես դերասանուհիների ոստիկանները թույլ տվեցին մոտենալ. Մենք բռնել էինք ձեռքերը ու մոտ կես ժամ համոզում էինք, որ հետ կանգնի իր մտադրությունից։ Ժաննան /Սյուզին/  մասնագիտությամբ հոգեբան է. Նա սկսեց համոզել տղային` թե Սերինեն սիրում է քեզ, հիմա գալիս է, մի քիչ սպասի, նրան լսի հետո։ Տղան կախված էր կամրջի եզրից մի անզգույշ շարժում և նա կհայտնվեր ներքևում: Ցավում էր ձեռքներս, ամբողջը քերծվել էր, մի կողմից ես էի բռնել, մյուս կողմից Ժաննան, բայց մենք այլ ելք չունեինք նա ոչ ոքի լսել չէր ուզում: Շամշյանը նկարում էր, շատ մարդիկ էին հավաքվել, բայց տղան ժամանակ առ ժամանակ անհանգիստ շարժումներ էր անում:Նա կարծես այնքան էլ սթափ վիճակում չէր: Աղջիկը իրոք եկավ, գոռում էր. «Սիրում եմ քեզ», բայց արդեն նշանակություն չուներ, տղան չէր լսում, հետո աղջիկը մի կողմ քաշված լաց էր լինում: Իսկ Սամվելն արդեն ուժասպառ էր եղել, թե երկար ժամանակ բռնված կանգնելուց, թե հավաքված մարդկանց աղմուկից, հարազատներն էլ էին եկել, բայց ոչ ոքի չէր լսում: Մենք էլ արդեն չէինք դիմանում:  Ու եթե փրկարարները մի փոքր էլ ուշանային, Աստված գիտե թե ինչ կլիներ: Բայց եկան ու պարաններով նրան դուրս քաշեցին, հետո արդեն, ոստիկանները նրան տարան»:

Քիջ առաջ ոստիկանության լրատվական վարչությունից հաստատեցին, որ ՀՀ ոստիկանության Կազմակերպված հանացագործության վարչությունը (6 վարչություն),բացահայտել է դերասանուհի Անժելա Սարգսյանի մերկ լուսանկարներն ու տեսանյութը համացանցում տեղադրող անձի ինքնությունը: Նա  հարցաքննվել է, ընթանում է հետաքննություն:

Ըստ 1-ին լրատվականի Դա Անժելայի զուգընկեր` նախկինում ավազակային հարձակման համար դատապարտված և այժմ պայմանական ազատության մեջ գտնվող, Կարեն Արեյանն է:Վերջինիս հայրը օրենքով գող է Շուրա անունով:

Արեյանն այսօր առավոտյան հարցաքննվել և ստորագրությամբ ազատ է արձակվել:

Հատուկ քննչական ծառայությունը ՃՈ նախկին պետ Մարգար Օհանյանի դեմ մեղադրանքով քիչ հետո կմտնի դատարան. Կենտրոն և Նորք Մարաշ վարչական շրջանի առաջին ատյանի դատարանի դռնփակ նիստում կորոշվի Օհանյանի խափանման միջոցը:

Մարգար Օհանյանի նկատմամբ խափանման միջոց կընտրվի կալանքը: Կկիրառվի գրավ ինչպես Կարախանյանի դեպքում կպարզվի քիչ հետո:

Հիշեցնենք, Օհանյանը ձերբակալվել էր ճանապարհային ոստիկանությանը հատկացված վառելիքի խոշոր չափի յուրացման առնչությամբ հարուցված քրեական գործի շրջանակներում, ինչից հետո ոստիկանապետի հրամանով ազատվել էր զբաղեցրած պաշտոնից:

Մարգար Օհանյանին առաջադրված քրեական գործով` առայժմ միայն յուրացված բենզինի գործով ցուցմունք են տվել Հայաստանի Ճանապարհային ոստիկանության Երևանի գումարտակի նախկին հրամանատարը` Արսեն Արշակյանը և Երևանի գումարտակի ներկա հրամանատարը` Արսեն Մարդոյանը:

Լեռնային Ղարաբաղի Հանրապետության մայրաքաղաք Ստեփանակերտում ՀՀ նախագահ Սերժ Սարգսյանն այսօր ԼՂՀ նախագահ Բակո Սահակյանի, ԼՂՀ նախկին նախագահներ Ռոբերտ Քոչարյանի, Արկադի Ղուկասյանի, Ամենայն հայոց կաթողիկոս Ն.Ս.Օ.Տ.Տ. Գարեգին Երկրորդի և ԼՂՀ հռչակման 20-ամյա հոբելյանին մասնակցելու նպատակով Հայաստանից, արտերկրից ժամանած հյուրերի ու արցախահայության հետ Վերածննդի հրապարակից հանդիսավոր քայլերթով այցելել է Ստեփանակերտի հուշահամալիր:

Սերժ Սարգսյանը հարգանքի տուրք է մատուցել Արցախի անկախության համար զոհված հայորդիների հիշատակին, ծաղիկներ դրել ԼՂՀ Գերագույն խորհրդի առաջին նախագահ Արթուր Մկրտչյանի և արցախյան ազատամարտի նահատակների շիրիմներին:

Սեպտեմբերի 1-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսն երկօրյա այցով մեկնեց Լեռնային Ղարաբաղի Հանրապետություն, ուր կմասնացի ԼՂՀ հռչակման 20-ամյակին նվիրված միջոցառումներին:

Այցի ընթացքում Նորին Սրբությանն ուղեկցում են Ֆրանսիայի հայոց թեմի առաջնորդ Տ. Նորվան արքեպիսկոպոս Զաքարյանը, Նոր Նախիջևանի և Ռուսաստանի հայոց թեմի առաջնորդ Տ. Եզրաս եպիսկոպոս Ներսիսյանը, ՀՀ Զինված ուժերի հոգևոր առաջնորդ Տ. Վրթանես եպիսկոպոս Աբրահամյանը և գավազանակիր Տ. Անանիա աբեղա Ծատուրյանը:

Արտակարգ իրավիճակների նախարարությունում նոր կադրային փոփոխություն է եղել: Արմեն Երիցյանի հրամանով ԱԻՆ Փրկարարական ծառայության ղեկավարի տեղակալ է նշանակվել նախարարության մամուլի ծառայության ղեկավար, գնդապետ Նիկոլայ Գրիգորյանը:

Նախարարության մամուլի ծառայությունից, տեղեկացնում են, որ Նիկոլայ Գրիգորյանը իրենց ծառայությունը ղեկավարել է մեկ տասնամյակից ավելի, իսկ նոր պաշտոնում նա կհամակարգի այդ ոլորտում ազգային պլատֆորմի հետ կապված ինչպես նաեւ տեղեկատվության եւ հասարակայնության հետ կապերին վերաբերող աշխատանքները:

Լեռնային Ղարաբաղի խորհրդարանը երեքշաբթի օրը որոշում է ընդունել անկախության 20-ամյակի կապակցությամբ համաներում կիրառել: Համաներման մասին առաջարկությամբ հանդես է եկել նախագահ Բակո Սահակյանը:

Անկախության հռչակման օրվանից մինչ այսօր այս համաներումը ԼՂ-ում թվով վեցերորդն է:

«Ազատություն» ռադիոկայանը հաղորդում է, որ Լեռնային Ղարաբաղի նախագահի աշխատակազմի պետաիրավական վարչության պետ Արայիկ Լազարյանը նշել է, որ այս համաներմամբ ազատ են արձակվելու ազատազրկման մեջ գտնվող անձանց մոտ 20 տոկոսը եւ ազատազրկման հետ չկապված պատիժների դատապարտված բոլոր անձինք: Սակայն պաշտոնական Ստեփանակերտը հրաժարվում է բացահայտել, թե ընդհանուր առմամբ այս պահին քանի կալանավոր կա ԼՂ-ում` պատճառաբանելով, թե այդ թիվը երբեք չի հրապարակվել:

«Կարճվելու են նաեւ որոշակի քրեական կամ դատական գործեր կամ գերակա նյութեր, դրանք հիմնականում կազմում են առկա քրեական կամ դատական գործերի 60-80 տոկոսը»,- հայտարարել է Լազարյանը:

Ըստ որոշման` համաներումը կտարածվի մինչեւ 3 տարի ազատազրկման դատապարտված անձանց վրա, մինչեւ 5 տարի ժամկետով ազատազրկման դատապարտված 1-ին կամ 2-րդ կարգի հաշմանդամների, մինչեւ 18 տարին լրանալը հանցագործություն կատարած անձանց, 60 տարին լրացած անձանց, ղարաբաղյան պատերազմի մասնակիցների եւ պատերազմական գործողությունների ժամանակ զոհվածների հարազատների եւ այն անձանց վրա, որոնց նկատմամբ նշանակված պատիժը պայմանականորեն չի կիրառվել:

Համաներումը չի տարածվի մի շարք առանձնապես ծանր հանցագործություններ կատարած, պետական կարգի դեմ ուղղված հանցագործությունների համար դատապարտված անձանց վրա: Դրանք են սպանության, ավազակության, բռնաբարության, թմրամիջոցների ապօրինի շրջանառության համար դատապարտվածները: