Թուրքիայի Արճեշ քաղաքում փրկարարները փլատակների տակից հանել են երկու շաբաթական նորածնի: Associated Press-ի փոխանցմամբ, երեխային հանել են այսօր` հոկտեմբերի 25-ի առավոտյան, առանձնատան փլատակների տակից: Փոքրիկի կյանքին վտանգ չի սպառնում, նրան տեղափոխել են հիվանդանոց:

http://www.youtube.com/watch?v=N9X3pEjT7gI&feature=player_detailpage

Արևմտյան Հայաստանի Ազգային խորհուրդը հաստատել է Արևմտյան Հայաստանի Հանրապետության նոր դրոշը։

Այն քառագույն է։ Կենտրոնում երկու խորհրդանիշներն են՝ մուգ կապույտ ութանկյան մեջ՝ ծիրանագույն հավերժության ութաթև նշանը, որոնք իմաստավորում են տիեզերական ներդաշնակությունը։

Ութանկյան չորս գագաթներից սկիզբ առնող մուգ կապույտ ճառագայթները ձգվում են չորս ուղղությամբ, ինչպես աշխարհի չորս ծագերը, մուգ կապույտը երիզված է ծիրանագույնով, դրոշի չորս հատվածները բաց երկնագույն են:

Դրոշը խորհրդանշում է Հայկական բարձրավանդակը, որպես քաղաքակրթության բնօրրան։

Մուգ կապույտը խորհրդանշում է հայ ժողովրդի հավերժականությունը։

Ծիրանագույնը խորհրդանշում է հայ ժողովրդի բանախոսությունը, արիականությունը և ստեղծագործ ազատության կենսասիրությունը:

Բաց երկնագույնը խորհրդանշում է հայ ժողովրդի լուսավորչականությունը և առաքելականությունը:

Սպիտակը խորհրդանշում է հայ ժողովրդի բարեպաշտությունը։

Դրոշի լայնության և երկարության չափերի հարաբերությունն է` 1։2-ի: Արևմտյան Հայաստանի Հանրապետութեան դրոշի լայնութեան եւ երկարութեան հարաբերակցության չափերի պահպանմամբ կարող է օգտագործվել նաև փոքր կամ մեծ չափի դրոշ։

Արևմտյան Հայաստանի Հանրապետութեան դրոշի նկարագրութեան գունավոր պատկերը ներկայացվում է սույն օրենքին կից։

Անցումային դրույթներ

1. Մինչև Արևմտյան Հայաստանի Հանրապետության Կառավարության և Խորհրդարանի վերջնական ձևավորումը սույն հրամանագիրն օրենքի ուժ ունի։

2. Սույն հրամանագրի ուժի մեջ մտնելու պահից Արևմտյան Հայաստանի Ազգային խորհրդի նախկին դրոշը հանձնվում է Արևմտյան Հայաստանի հայերի ասամբլեային, որպես Ասամբլեայի խորհրդանիշ։

3. Արևմտյան Հայաստանի Հանրապետության դրոշը կիրառության մեջ է մտնում հրամանագրի ստորագրման պահից։

ՀՀ ԱԻՆ սեյսմիկ պաշտպանության ազգային ծառայությունը տեղեկացնում է, որ  հոկտեմբերի 23-ին, ժամը 15.41-ին Վան քաղաքի մոտակայքում տեղի ունեցած երկրաշարժից հետո մինչև այսօր,  ժամը 08.40-ի դրությամբ արձանագրվել է 3-5 մագնիտուդով 441 հետցնցում:

Այսօր, ժամը 14։45-ին ահազանգ է ստացվել, որ Չարենցավան քաղաքի 4-րդ թաղամասի թիվ 22 շենքի 30-րդ բնակարանի բնակիչւ չի արձագանքում հեռախոսի և դռան զանգերին. Անհրաժեշտ է փրկարարների օգնությունը։ ԱԻՆ կայքից տեղեկանում ենք, որ դեպքի վայր է մեկնել մեկ մարտական հաշվարկ։ Հրշեջ-փրկարարների ուժերով, ոստիկանության աշխատակիցների ներկայությամբ բացվել է բնակարանի դուռը. Ննջասենյակում հայտնաբերվել է 1983թ. ծնված Գևորգ Հովհաննիսյանի մարմինը՝ առաստաղից կախված։

Հոկտոմբերի 23-ին`ժամը 16.20-ին, ոստիկանության Կապանի բաժնում հաղորդում է ստացվել, որ հրդեհ է բռնկվել Քաջարան քաղաքի Տերյան փողոցի 3-րդ շենքի թիվ 20 բնակարանում, ինչի հետևանքով ստացված այրվածքներից տանը մահացել են ամուսիններ` 82-ամյա Արամայիս Գալստյանը և 78-ամյա Ռոզա Սարգսյանը:

Ինչպես հայտնում են ոստիկանությունից, պարզվել է, որ նույն օրը, ժամը 15.00-ի սահմաններում, հրդեհ է բռնկվել նշված բնակարանի խոհանոցում, ինչի հետևանքով տանտերերը ստացել են տարբեր աստիճանի այրվածքներ, ծխախեղդ եղել և մահացել:

Հրդեհը մարվել է նույն օրը` ժամը 15.43-ին` մարտական 1 հաշվարկի ուժերով:

Հրդեհի առաջացման պատճառները պարզվում են:

Վան նահանգի բանտից փախչել են 150 բանտարկյալներ: Հոկտեմբերի 23-ին տեղի ունեցած երկրաշարժի հետեւանքով բանտի պատերից մեկը փլուզվել է եւ բանտարկյալները օգտվել են հնարավորությունից, հաղորդում է ИТАР-ТАСС—ը` հղում անելով թուրքական լրատվամիջոցներին:

Որոշ ժամանակ անց 150 բանտարկյալներից 50-ը վերադարձել են բանտ եւ հանձնվել են: Նրանք ասել են, թե ընդհանուր խուճապի հետեւանքով են լքել բանտը, իսկ ազատության մեջ փորձել են տեղեկանալ բարեկամների վիճակի մասին:

Վերջին տվյալներով, երկրաշարժի զոհ է դարձել ավելի քան 200 մարդ:

Հոկտեմբերի 21-ին, ժամը 15.20-ին, հիվանդանոցից ոստիկանության Կենտրոնականի բաժնում հաղորդում է ստացվել, որ «քիմիական այրվածքներ» ախտորոշմամբ իրենց մոտ բուժօգնության են տեղափոխվել դպրոցներից մեկի երկու աշակերտ և քոլեջի մեկ ուսանող:

Պարզվել է, որ նույն օրը, ժամը 14.00-ին, դպրոցի բակում անցկացվող քիմիայի գործնական դասին, քիմիական նյութերով փորձ կատարելու ընթացքում տեղի է ունեցել պայթյուն, որի հետևանքով նշված անձինք ստացել են 1-ին աստիճանի այրվածքներ:

Նշանակվել են դատաբժշկական փորձաքննություններ: Կատարվում է հետաքննություն, հաղորդում է ՀՀ ոստիկանությունը:

Բոլորը հիշում են ութոտնուկ Պաուլին, որն անսխալ գուշակում էր աշխարհի առաջնության հանդիպումների ելքերը: Պաուլից հետո հայտնվեցին տարատեսակ կենդանիներ’ կրիա, արջ և այլն, որոնց ոչ միշտ էր հաջողվում ճիշտ կանխատեսումներ անել:

Այդ կենդանիների ցանկն այժմ համալրել է Սոնի Վուլ անունով ոչխարը: Սոնին դեռևս չի սխալվել և ճիշտ է գուշակել Նոր Զելանդիայի հավաքականի մասնակցությամբ ռեգբիի աշխարհի գավաթի խաղարկության բոլոր հանդիպումների ելքերը: Այժմ նորզելանդացիները եզրափակիչում են և Սոննիի կանխատեսմամբ’ հենց նրանք էլ կնվաճեն գավաթը:

Ոչխարի տերը համոզված է, որ Սոնիի դերը մեծ է նորզելանդացիների հաջողության մեջ.«Նա միակն է 40 մլն. ոչխարների մեջ, ով նման ունակություններ ունի: Ես երազում եմ, որ Սոնին դառնա Նոր Զելանդիայի հավաքականի խորհրդանիշը: Նրան իսկապես դուր է գալիս ռեգբին: Հիշեք նրա անունը’ Սոնի Վուլ. նա պատմության մեջ կմտնի»,- ոչխարի տիրոջ’ Դենի Բոյդի խոսքերն է մեջբերում Подробности-ն:

Այսօր 30 տարվա ընդմիջումից հետո հայ հավատացյալների առջև իր դռները կբացի Թուրքիայի Դիարբեքիր քաղաքում գտնվող Մերձավոր Արևելքի ամենամեծ հայկական եկեղեցին՝ Սուրբ Կիրակոսը։

Թուրքական «Ռադիքալ» օրաթերթի հետ զրույցում Պոլսո հայոց պատրիարքական փոխանորդ Արամ արքեպիսկոպոս Աթեշյանն ասել է, որ այսօր եկեղեցու բացման արարողությանը և վաղը՝ հոկտեմբերի 23-ին, մատուցվելիք պատարագին աշխարհի տարբեր երկրներից մասնակցելու են հազարավոր հայեր։

Ավելի վաղ ԱՄՆ Արևելյան թեմի թեմական խորհրդի ատենապետը Օսկար Թաթոսյանը թուրքական «Զաման» օրաթերթին ասել էր, որ ԱՄՆ Արևելյան թեմի առաջնորդ Խաժակ արքեպիսկոպոս Պարսամյանի գլխավորությամբ 25 հոգանոց պատվիրակությունը պատրաստվում է այցելել Թուրքիա և մասնակցել Սուրբ Կիրակոս եկեղեցու բացման արարողությանը։

Սուրբ Կիրակոսը Մերձավոր Արևելքում ամենամեծ հայկական եկեղեցին է, որը վերջին 30 տարիների ընթացքում չի գործել։ Առաջին աշխարհամարտի տարիներին գերմանացիները եկեղեցին օգտագործել են որպես շտաբ, ավելի ուշ այն վերածվել է պահեստի։
Սուրբ Կիրակոս եկեղեցու վերանորոգման աշխատանքների համար ծախսվել է 3,4 միլիոն դոլար։ Ծախսերի 70%-ը հոգացել է Պոլսո հայ համայնքը, իսկ 30%-ը` Դիարբեքիրի քաղաքապետարանը: