Այսօր առավոտյան՝ արտակարգ դեպք է տեղի ունեցել Արմավիրի մարզում: Զվարթնոց գյուղի վարչական տարածքում գտնվող գազալցակայանում ուժեղ պայթյուն է տեղի ունեցել, ինչի հետևանքով գրեթե ամբողջովին վնասվել է Volkswagen Tuareg մակնիշի 34 QF 306 համարանիշի ավտոմեքենան:

Ըստ նախնական տեղեկությունների՝ կա 3 վիրավոր: Պայթյունն ու հրդեհն առաջացել են գազի ճնշման կայանում: Ֆոտոլրագրողի տեղեկություններով՝ նշված գազալցակայանը պատկանում է ԱԺ նախկին պատգամավոր՝ «Ճոյտ» մականվամբ Հակոբ Հակոբյանին:

Ըստ լուրերի՝ վիրավորների մեջ է նաև Հակոբ Հակոբյանի տղան, ում Վաղարշապատի հիվանդանոցից տեղափոխում են Երևան:

Պարզվել է վիրավորների ինքնությունը. նրանք են՝ Էջմիածին քաղաքի Պռոշյան 17 տան բնակիչներ՝ 30-ամյա Արմեն Հակոբի Հակոբյանը, 50-ամյա Արմեն Ռաֆիկի Հակոբյանը և Էջմիածին քաղաքի Տերյան 13 տան բնակիչ, 21-ամյա Արթուր Արթուրի Գասպարյանը:

Վիրավորներից 30-ամյա Արմենը Հակոբ Հակոբյանի տղան է, իսկ 50-ամյա Արմենը՝ Հակոբ Հակոբյանի եղբայրը:

© shamshyan.com

Երեկ՝ մայիսի 24-ին, ողբերգական ավտովթար է տեղի ունեցել Սյունիքի մարզում: Ժամը 20:00-ի սահմաններում Գորիս-Կապան ավտոճանապարհի Շուռնուխ գյուղի սկզբնամասում բախվել են Շուռնուխ գյուղի բնակիչ, 51-ամյա Մանվել Շահնազարյանի վարած Ford Transit մակնիշի 34 MT 539 համարանիշի և դեռևս անհայտ վարորդի կողմից վարած Grand Cherokee մակնիշի 34 VT 241 համարանիշի ավտոմեքենաները:

Բախման հետևանքով 2 մեքենաները դուրս են եկել երթևեկելի գոտուց և կողաշրջվել, իսկ վթարի հետևանքով Grand Cherokee -ի ուղևոր, 34-ամյա Անդրանիկ Մովսիսյանը և Ford Transit-ի վարորդ Մ.Շահնազարյանը տեղափոխվել են հիվանդանոց, սակայն ճանապարհին Մ. Շահնազարյանը մահացել է:

© shamshyan.com

ՊԲ օպերատիվ տվյալների համաձայն, մայիսի 17-ից 23-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 250 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների  ուղղությամբ արձակվել է ավելի քան 3500 կրակոց:

ՊԲ առաջապահ զորամասերը հիմնականումհավատարիմ են մնացել հրադադարի պահպանմանռեժիմին և պատասխան գործողությունների դիմել միայն խիստ անհրաժեշտությանդեպքում:

ԼՂՀ ՊՆ մամուլի ծառայություն

ՊԲ օպերատիվ տվյալների համաձայն, մայիսի 17-ից 23-ը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 250 անգամ:

Տարբեր տրամաչափի հրաձգային զինատեսակներից, հայ դիրքապահների  ուղղությամբ արձակվել է ավելի քան 3500 կրակոց: Այդ մասին տեղեկացնում է ԼՂՀ ՊՆ մամուլի ծառայությունը:

ՊԲ առաջապահ զորամասերը հիմնականում հավատարիմ են մնացել հրադադարի պահպանման ռեժիմին և պատասխան գործողությունների դիմել միայն խիստ անհրաժեշտության դեպքում:

Մայիսի 23-ին ՀՀ ՊՆ Մոնթե Մելքոնյանի անվան ռազմամարզական վարժարանում տոնական մթնոլորտ էր: Վարժարանի շրջանավարտների համար հնչեց «Վերջին զանգը»: Տոնական օրը կրթօջախում հյուրընկալվել էին ՀՀ պաշտպանության նախարար Սեյրան Օհանյանը, կրթության և գիտության նախարար Արմեն Աշոտյանը, պաշտպանության նախարարի առաջին տեղակալ Դավիթ Տոնոյանը, այլ հյուրեր, ծնողներ:

Վաղ առավոտից մոնթեականները տոնական հանդերձանքով վարժարանի շարահրապարակում էին: Օրը լի էր հույզերով և հիշարժան պահերով: Հնչեցին մաղթանքի, գոտեպնդման խոսքեր ու բարեմաղթանքներ: Կյանքի բարդ իրավիճակներում ճիշտ կողմնորոշվելու հմտություն, զինվորական կարգապահություն, իսկ ամենակարևորըª միասնական ուժերով հասնել առավելագույնին. վարժարանի սաներն այսպես են բնութագրում իրենց ուսումնառության տարիները: Եվ ահա ապագա զինվորներ ու սպաներ կրթող դարբնոցի շրջանավարտների համար մեկնարկում է կյանքի նոր ուղինª նոր փորձություններով ու մարտահրավերներով:

Միջոցառման բացման խոսքով հանդես եկավ վարժարանի պետ, գնդապետ Վիտալի Ոսկանյանը, ով, կարևորելով ռազմամարզական կրթության դերը, նշեց, որ վարժարանում ձեռք բերված գիտելիքներն ու հմտությունները կօգնեն մոնթեականներին արժանապատվորեն հաղթահարել կյանքի ցանկացած դժվարություն:

Շնորհավորելով մոնթեականներին ուսումնառության կապակցությամբ` ՀՀ կրթության և գիտության նախարար Արմեն Աշոտյանը հավաստիացրեց, որ նախարարությունը մշտապես ուշադրության ներքո է պահում վարժարանի սաների կրթական մակարդակը: Վարժարան, որն իր ձևաչափով լավագույններից մեկն է Հայաստանում:

Իր ելույթում ՀՀ պաշտպանության նախարար Սեյրան Օհանյանը, ջերմորեն ողջունելով և շնորհավորելով ներկաներին, նշեց, որ վարժարանի սաները մշտապես ցուցաբերում են բարձր առաջադիմություն ու հետաքրքրություն իրենց ընտրած մասնագիտության նկատմամբ: Սեյրան Օհանյանն ընդգծեց, որ վարժարանն ավարտած մոնթեականների մեծամասնությունն արդեն որպես սպա ծառայում են զինված ուժերի տարբեր ստորաբաժանումներում և աչքի են ընկնում մասնագիտական բարձր պատրաստվածությամբ և հմտություններով:

Վարժարանի վերջին զանգը, անշուշտ, տարբերվեց հանրակրթական մյուս կրթօջախներում անցկացված նմանօրինակ արարողություններից: Մոնթեականները ցուցադրեցին վարժարանում ուսանելու տարիներին յուրացրած ձեռնամարտի հնարքներ, ինչպես նաև արտակարգ իրավիճակներում արագ կողմնորոշվելու իրենց ունակությունները:

Վերջին զանգը հնչել է նաև «Փոքր Մհեր» կրթահամալիրի ավարտական դասարանի շրջանավարտների համար։ Հանդիսավոր արարողությանը մայիսի 22-ին մասնակցել և կրթահամալիրի սաներին բարեմաղթանքի խոսքեր են ուղղել ՀՀ պաշտպանության նախարարի տեղակալ Արա Նազարյանը, կրթահամալիրի պետ, գնդապետ Արա Մուրադյանը, բարձրաստիճան զինվորականներ։ Դիմելով կրթահամալիրի շրջանավարտներին և դեռևս ուսանող սաներին՝ Արա Նազարյանը հորդորել է լինել հարգալից, կարգապահ և ուսումնատենչ, մաղթել է կանաչ ու հարթ ճանապարհ։

Շնորհավորական խոսքերին հաջորդել է կրթօջախի սաների հրաժեշտի միջոցառումը, որի շրջանակում նրանք երախտագիտության խոսքեր ուղղեցին կրթահամալիրի մանկավարժական և ղեկավար կազմերին։ Հանդիսավոր արարողությունը եզրափակվել է կրթահամալիրի սաների ձեռնամարտի խմբերի, «Կարիճներ» հատուկ նշանակության ջոկի ցուցադրական ելույթներով:

Ինչպես հանրապետության հանրակրթական մյուս դպրոցներում, այնպես էլ Երևանի Մոնթե Մելքոնյանի անվան թիվ 11 հիմնական դպրոցում մայիսի 22-ին ազդարարվեց 2014-2015թթ. ուսումնական տարվա ավարտը և ավարտական դասարանների աշակերտների համար հնչեց վերջին զանգը:

Դպրոցի շրջանավարտներին շնորհավորելու և նրանց վերջին դասին մասնակցելու նպատակով կրթօջախ էին այցելել պաշտպանության նախարար Սեյրան Օհանյանը, բարձրաստիճան զինվորականներ, դպրոցին կցագրված զորամասի հրամկազմը, այլ հյուրեր:

Հանդիսավոր միջոցառումը մեկնարկեց կրթօջախի բակում կանգնեցված Արցախյան ազատամարտում զոհվածների հիշատակին նվիրված խաչքար-հուշակոթողի բացման արարողությամբ: Զոհվածների հիշատակը հավերժացնող խաչքարի բացման պատիվն ընձեռվեց ՀՀ պաշտպանության նախարարին: Դպրոցում տեղի ունեցավ նաև անցած ամռանն ադրբեջանական դիվերսիան հետ մղելիս արիաբար զոհված ժամկետային զինծառայող Արմեն Հովհաննիսյանի կիսանդրու բացման արարողությունը, որին բացման պատիվը տրվեց Արմենի ծնողներին: Կիսանդրին տեղադրվել է նորօրյա հերոսի անունը կրող դասասենյակում:

Այնուհետև ՀՀ պաշտպանության նախարարը, Արմեն Հովհաննիսյանի հարազատները և պատվավոր մյուս հյուրերը կրթօջախի դահլիճում ներկա գտնվեցին դպրոցի ավարտական դասարանի աշակերտների վերջին դասին: Շրջանավարտներին շնորհավորելու էին եկել նաև Հայ Առաքելական եկեղեցու Արարատյան թեմի սպասավորները, որոնց առաջարկով էլ միջոցառումը մեկնարկեց տերունական աղոթքով: Երաժշտական և պարային կատարումներով հանդես եկան դպրոցի սաները, ելույթ ունեցավ նաև ՀՀ ՊՆ Սպայի տան «Զորական» համույթը:

Շնորհավորելով դպրոցի հերթական շրջանավարտներին՝ Սեյրան Օհանյանը կարևորեց բանակ-դպրոց կապն ու երիտասարդների հայրենասիրական դաստիարակությունը: պաշտպանական գերատեսչության ղեկավարը նկատեց, լեգենդար Մոնթեի անունը կրող դպրոցի յուրաքանչյուր շրջանավարտ պետք է թե առօրյա կյանքում, թե երկրի համար վճռորոշ պահերին անի առավելագույնը` Մոնթեին, Արմենին ու հայրենիքի համար զոհված մյուս տղաներին նմանվելու համար:

Շնորհակալություն հայտնելով դպրոցի` միջոցառմանը ներկա նախկին շրջանավարտներ, իսկ ներկայումս ժամկետային զինծառայություն անցնող զինվորներին, Սեյրան Օհանյանն օրինակելի ծառայության համար նրանց շնորհեց կարճատև արձակուրդներ:

Վերջին դասի ավարտն ազդարարող զանգի ղողանջը մայիսի 22-ին հնչեց նաև Երևանի Ջոն Կիրակոսյանի անվան թիվ 20 հիմնական դպրոցում, որտեղ ևս տոնական օրվա առթիվ կազմակերպվել էր գեղեցիկ ու յուրահատուկ միջոցառում:

Այստեղ էլ շրջանավարտները վերջին անգամ դպրոցական բեմ բարձրացան՝ քաջ գիտակցելով, որ այսուհետ մտնում են կյանքի նոր փուլ, որը որքան հետաքրքիր, նույնքան էլ բարդ է ու պատասխանատու: Շրջանավարտներն իհարկե ուրախ էին ու հուզված, որ ավարտում են դպրոցական կյանքի առաջին փուլը: Չէ՞ որ առջևում՝ դեպի ավագ դպրոց տանող, հետաքրքիր իրադարձություններով ու փորձություններով լի նոր շրջանն է, բայց միևնույն ժամանակ տխուր էին, որ հրաժեշտ են տալիս տարիների ընթացքում արդեն հարազատ ու սիրելի դարձած դպրոցին ու ուսուցիչներին: Կրթօջախում ստացած գիտելիքներով, հույսերով ու երազանքներով լցված դպրոցականները երախտիքի ու հրաժեշտի խոսքեր հղեցին իրենց ուսուցիչներին, հուզիչ երգերի, բանաստեղծությունների, հումորային կատարումների միջոցով շնորհակալություն հայտնեցին իրենց կրթելու ու դաստիարակելու և այսօր արդեն նոր կյանքի շեմին հասցնելու համար:

Վերջին զանգի արարողությանը թիվ 20 հիմնական դպրոցում աշակերտների հետ մասնակցում էր նաև ՀՀ պաշտպանության նախարարի առաջին տեղակալ Դավիթ Տոնոյանը, ով հպարտությամբ ու բերկրանքով նշեց, որ ինքն էլ նույն դպրոցի շրջանավարտ է: Դավիթ Տոնոյանն աշակերտներին հորդորեց երբեք չկորցնել կապը միմյանց և հարազատ կրթօջախի հետ, մաղթեց նորանոր նվաճումներ, հաջողություններ, վերելքի բազում ուղիներ, իսկ ամենագլխավորը՝ որպեսզի յուրանքանչյուրը, անկախ ընտրած մասնագիտությունից, դառնա հայրենիքին արժանի ու նվիրյալ քաղաքացի:

Ոստիկանության լրատվական ծառայության տեղեկացմամբ՝ քաղաքացի Վանյա Հարությունյանը, ով վրաերթի էր ենթարկվել, գիտակցության չգալով՝ մահացել է:

Ավելի վաղ տեղեկացվել էր, որ մայիսի 17-ին, ժամը 11.30-ին, «Օպել» մակնիշի ավտոմեքենայի վարորդը Երևանի Մայրաքաղաքային փողոցի թիվ 55 հասցեի դիմաց, հետընթաց կատարելիս, վրաերթի էր ենթարկել 64-ամյա Վանյա Հարությունյանին, ով մարմնական վնասվածքներով տեղափոխվել էր հիվանդանոց:

Մայիսի 20-ին՝ ժամը 22:30-ին, Վ. Հարությունյանը գիտակցության չգալով՝ մահացել է:

Կատարվում է քննություն:

Արցախի Հանրապետության Նախագահ Բակո Սահակյանը մայիսի 22-ին ստորագրել է հրամանագիր 2015 թվականի ամառային զորակոչ անցկացնելու և զորացրում կատարելու մասին:

Հայաստանի քննչական կոմիտեի Արագածոտնի մարզային քննչական վարչության ավագ քննիչ Բենիկ Սարգսյանի կողմից նյութեր են նախապատրաստվում երեկ՝ մայիսի 20-ին, Արագածոտնի մարզում տեղի ունեցած ողբերգական ավտովթարի փաստով:

Ժամը 21:40-ի սահմաններում Ապարանի տարածքի Կայք գյուղի վարչական տարածքում իր վարած Վազ 21703 մակնիշի 34 CR 904 համարանիշի ավտոմեքենայի վարորդ, Արագածոտնի մարզի Նիգավան գյուղի բնակիչ, 25-ամյա Հովհաննես Թադևոսյանը դուրս է եկել ճանապարհի երթևեկելի գոտուց և կամրջի վրայից ընկել Քասախ գետը:

Ինչպես հայտնի է, վթարի հետևանքով ավտոմեքենայի ուղևոր՝ Նիգավան գյուղի բնակիչ, 25-ամյա Տիգրան Ավետիսյանը տեղում մահացել է, իսկ մյուս ուղևոր՝ 41-ամյա Քնարիկ Ներսիսյանը մարմնական վնասվածքներով տեղափոխվել է Ապարանի բժշկական կենտրոն:

Ըստ տեղեկությունների՝ մահացածն աշխատում էր ոստիկանության պետական պահպանության գլխավոր վարչության Ապարանի պահպանության բաժնում: Կոչումով կրտսեր սերժանտ էր:

© shamshyan.com