Երեկ՝ հունիսի 7-ին, ողբերգական ավտովթար է տեղի ունեցել Վայոց Ձորի մարզում: Ժամը 21:00-ի սահմաններում Վազ 2121 մակնիշի 56 ՏՏ 883 համարանիշի ավտոմեքենայի վարորդը Զեդեա գյուղից դեպի Հորադիս գյուղատեղի տանող դաշտամիջյան ճանապարհին դուրս է եկել երթևեկելի գոտուց և մոտ 250 մետր գլորվել ձորը:

Վթարի հետևանքով Վայքի բուժմիավորում են տեղափոխվել Վայք քաղաքի բնակիչներ, 51-ամյա Հրայր Գևորգյանը, 48-ամյա Միսակ Մարգարյանը և Ջերմուկ քաղաքի բնակիչ, 58-ամյա Սիրակ Գևորգյանը: Ֆոտոլրագրողը հայտնում է, որ վիրավորներին ձորից մեծ դժվարությամբ դուրս են բերել Վայքի փրկարարները և տեղի ՃՈ աշխատակիցները:

Հիվանդանոց տեղափոխված Ս. Գևորգյանը ժամեր անց մահացել է:

© shamshyan.com

Այսօր՝ հունիսի 3-ին, խոշոր ու շղթայական ավտովթար է տեղի ունեցել Արագածոտնի մարզում: Ժամը 10:30-ի սահմաններում Երևան- Գյումրի ավտոճանապարհի 20-րդ կմ հատվածում, Աշտարակի վարչական տարածքում գտնվող Ճանապարհային ոստիկանության անշարժ պահակետի հարևանությամբ, բախվել են Երևանի բնակիչներ, 43-ամյա Արման Սիմոնյանի վարած Վազ 2121 մակնիշի 51 AC 001 համարանիշի, 38-ամյա Հովհաննես Կարապետյանի վարած Lexus մակնիշի 10 AM 200 համարանիշի և Արագածոտնի մարզի Ոսկեվազ գյուղի բնակիչ, 47-ամյա Գեղամ Սիմոնյանի վարած Mercedes մակնիշի 54 QQ 555 համարանիշի ավտոմեքենաները:

Վթարի հետևանքով Mercedes-ի վարորդ Գ. Սիմոնյանն ու Նիվայի ուղևորուհի, 20-ամյա Մերի Դավիդյանը մարմնական վնասվածքներով տեղափոխվել են Աշտարակի բժշկական կենտրոն:

Նիվայի վարորդ Ա. Սիմոնյանն աշխատում է «Վիվալդի» ռեստորանային համալիրում՝որպես երաժիշտ, իսկ Mercedes-ի վարորդ Գ. Սիմոնյանը՝ Պետական պահպանության գլխավոր վարչության անձի անվտանգության և գույքի պահպանության բաժնում:

© shamshyan.com

Հունիսի 2-ին, ժամը 15.10-ին, ոստիկանության Մասիսի բաժնի ծառայողների ձեռնարկած օպերատիվ-հետախուզական միջոցառումների շնորհիվ` Գետափնյա գյուղից բերման է ենթարկվել 1978 թ. ծնված Քրիստինե Մ.-ն, ով հունիսի 2-ից հետախուզվում էր ՀՀ քրեական օրենսգրքի 258 հոդվածի (Խուլիգանությունը) 4-րդ մասի մեղադրանքով:

Այսօր՝ հունիսի 2-ին, մահացել է «Արվասար» ռեստորանային և հյուրանոցային համալիրի սեփականատեր «Մալաթիա» տոնավաճառի տնօրեն, Ռադիկ Սարգսյանը:

Ռադիկ Սարգսյանի մոտ հիվանդությունը բարդացել էր և վիրահատական միջամտության կարիք էր առաջացել, որի հետ կապված  նա մեկնել էր արտերկիր վիրահատվելու,  սակայն  վիրահատությունը չի օգնել փրկելու կյանքը:

Այսօր՝ հունիսի 2-ին, ողբերգական ավտովթար է տեղի ունեցել Երևանում: Ժամը 05:10-ի սահմաններում Ռոստովյան-Աթոյան փողոցների խաչմերուկում բախվել են 33-ամյա Հովհաննես Սարգսյանի վարած Ford Transit մակնիշի 23 ՍՏ 344 համարանիշի և 62-ամյա Վալերի Մնացականյանի վարած Renault մակնիշի Լ 3121 համարանիշի ավտոմեքենաները:

Բախման հետևանքով Renault-ն դուրս է եկել ճանապարհի երթևեկելի գոտուց, բախվել էլեկտրական սյանն ու կողաշրջվել:

Վթարի հետևանքով ավտոմեքենաների վարորդներն ու Renault-ի ուղևորուհիներ՝ Երևանի բնակիչ, 47-ամյա Սուսաննա Խաչատրյանն ու Արմավիրի մարզի բնակիչ, 32-ամյա Արմենուհի Ալեքյանը մարմնական վնասվածքներով տեղափոխվել են «Էրեբունի» բժշկական կենտրոն:

Մինչ հրշեջների ժամանումը՝ Renault մակնիշի ավտոմեքենան դարձի են բերել և միջից դուրս բերել Ս. Խաչատրյանին և օպերատիվորեն ժամանած շտապ օգնության բրիգադը նրան տեղափոխել է հիվանդանոց: Արդեն ժամանած փրկարարները հատուկ տեխնիկայի գործադրմամբ նոր միայն կարողացել են Renault-ի վարորդին ու մյուս ուղևորուհուն դուրս բերել մեքենայից: Հիվանդանոցում Ս. Խաչատրյանը, գիտակցության չգալով, մահացել է, իսկ Վ. Մնացականյանն ու Ա. Ալեքյանը գտնվում են ծայրահեղ ծանր վիճակում:

© shamshyan.com

Կապանում մայիսի 30-ին՝ շաբաթ օրը, բենզալցակայան է պայթել: Պայթյունի հետևանքով լցակայանի աշխատակիցը ծայրահեղ ծանր վիճակում տեղափոխվել է Երևան:

Այժմ գտնվում է Այրվածքաբանության կենտրոնում՝ վերակենդանացման բաժանմունքում: Երիտասարդի մոտ առկա է 90 տոկոս այրվածք, վնասվածքներն անհամատեղելի են կյանքի հետ, վիճակը երեկվա դրությամբ ծայրահեղ ծանր էր: Սա վերջին 1 ամսվա ընթացքում 5-րդ դեպքն է, օրեր առաջ Չարենցավանում էր գազալցակայան պայթել, աշխատակիցը մահացել էր:

Դրանից առաջ Էջմիածնում՝ նախկին պատգամավոր Հակոբ Հակոբյանի գազալցակայանում, Հակոբյանի եղբայրը երեկ մահացել է: Դրանից առաջ էլ ևս 2 դեպք էր եղել, արդյունքում դարձյալ զոհ, վիրավորներ: Դեպքերի մեծ մասը տեղի է ունեցել փորձաքննություն չանցած լցակայաններում, որտեղ խախտված են եղել տեխնիկական շահագործման կանոնները:

Հավելենք, որ լցակայանները հիմնականում պատկանում են պաշտոնյաներին ու նրանց մերձավորներին, այդ պատճառով էլ նրանք անարգել անօրինական գործունեություն են ծավալում՝ մարդկանց կյանքը վտանգելով:

Հրապարակ

Մայիսի 31-ին, ժամը 11.45-ին, ՊՊԾ դասակի 3-րդ սպայական ջոկի ծառայողին է մոտեցել մի տղամարդ և հայտնել, որ Գյումրիի Մովսես Խորենացու թիվ 31/19 հասցեում գտնվող խանութի հետնամասում անհայտ քաղաքացու դիակ է հայտնաբերվել:
Պարզվել է, որ հայտնաբերվել է ոստիկանության Մուշի բաժնի կողմից մայիսի 24-ից որպես անհայտ կորած որոնվող, 1972 թ. ծնված Հովհաննես Խաչատրյանի դիակը:
Արտաքին զննությամբ դիակի վրա բռնության հետքեր չեն հայտնաբերվել:
Նախապատրաստվում են նյութեր:

Ավելի վաղ ոստիկանությունը հայտնել էր, որ Գյումրի քաղաքի ոստիկանության Մուշի բաժնի կողմից որպես անհայտ կորած որոնվում է Շիրակի մարզի Քեթի գյուղի բնակիչ, 1972 թվականին ծնված Հովհաննես Արտուշի Խաչատրյանը, որը մայիսի 23-ին, ժամը 08:00-ին, գյուղից մեկնել է Գյումրիի Մովսես Խորենացու փողոցի 8-րդ շենքի դիմաց գտնվող կոշիկի վերանորոգման կետ, որտեղ աշխատում է, և տուն չի վերադարձել։
Արտաքին նկարագիրը. հասակը՝ մոտ 165-170 սմ, նիհարավուն կազմվածքով, սև մազերով, օվալաձե դեմքով, աչքերը՝ սև:
Հագին եղել է սև սվիտեր, սպորտային սև տաբատ՝ սպիտակ գծերով, դարչնագույն կոշիկներ։
Հովհաննես Խաչատրյանի գտնվելու վայրի վերաբերյալ տեղեկություններ ունենալու դեպքում խնդրում ենք զանգահարել 0312-5-85-54, 3-18-61, 3-18-23, 1-02 հեռախոսահամարներով կամ դիմել ոստիկանության մոտակա բաժին։

Ծեծի են ենթարկել Աբովյանի քաղաքապետի ընտրություններին առաջադրված թեկնածու, նախկին քաղաքապետ Կարապետ Իսրայելյանին:

Ոստիկանությունից հայտնեցին, որ մայիսի 31-ին` ժամը 16.45-ին Կարապետ իսրայելյանը դիմել է ոստիկանություն՝ հայտնելով, որ  Աբովյանի Հանրապետության փողոցում գտնվող Կենտրոնական շուկայի տարածքում իրեն ծեծի են ենթարկել:

Պարզվել է նրան հարվածողի անձը՝ Կարապետ Մկրտչյանն է, կատարվում է հետաքննություն:

News.am

Այսօր՝ հունիսի 1-ին, արտակարգ դեպք է տեղի ունեցել Երևանում: Ժամը 12:00-ի սահմաններում ՀՀ Տարածքային կառավարման և արտակարգ իրավիճակների նախարարության Փրկարար ծառայության օպերատիվ կառավարման կենտրոն ահազանգ է ստացվել, որ Հանրապետական ծննդատան 5-րդ հարկի պատուհանից մի կին փորձում է ինքնասպանություն գործելու նպատակով ցած նետվել:

Մինչ հրշեջ-փրկարարների ժամանումը՝ ծննդատան բուժանձնակազմը կարողանում է համոզել կնոջը, ով Լոռու մարզի բնակչուհի, 29-ամյա Սյուզաննա Կատինյանն է, որպեսզի չդիմի այդ ծայրահեղ քայլին:

Փաստի առթիվ ոստիկանության Մաշտոցի բաժնում նյութեր են նախապատրաստվում:

© shamshyan.com