Հուլիսի 2-ից 8-ն ընկած ժամանակահատվածում արցախա-ադրբեջանական հակամարտ զորքերի շփման գոտում նկատվել է լարվածության աճ, տեղեկացնում է ԱՀ ՊՆ մամուլի ծառայությունը:

Ընդհանուր առմամբ հակառակորդը հրադադարի պահպանման ռեժիմը խախտել է ավելի քան 300 անգամ՝ առաջնային գծի տարբեր հատվածներում կիրառելով նաև 60, 82 և 120 միլիմետրանոց ականանետեր, Դ-44 տիպի հրանոթներ ու նռնականետեր:

Հարկ է նշել նաև, որ հուլիսի 4-ին ադրբեջանական զինուժը նախորդ տարվա ապրիլյան ռազմագործողություններից հետո առաջին անգամ շփման գծի հարավային հատվածում կիրառել է նաև 122 մմ-ոց Դ-30 հաուբից հրանոթներ և ՏՌ-107 տիպի համազարկային հրթիռային կայանքներ՝ հարվածի թիրախ դարձնելով այդ ուղղությամբ տեղակայված հայկական բնագծերը:

Վերոնշյալ հրթիռային կայանքները տեղակայելով Ալխանլու գյուղի մերձակա տարածքում, իր սովորության համաձայն, ադրբեջանական զինուժը պատսպարվել է խաղաղ բնակչության թիկունքում՝ վերջինիս օգտագործելով որպես կենդանի վահան՝ այդ կերպ կոպտորեն խախտելով միջազգային իրավունքի նորմերը:

Օգտվելով պաշտպանվելու իր լիարժեք իրավունքից, հակառակորդի՝ խաղաղ բնակավայրին մերձակա տարածքում տեղակայված կրակակետը լռեցնելու համար, ՊԲ-ի առաջապահ զորամասերը հարկադրված են եղել դիմելու պատասխան գործողությունների:

Պաշտպանության բանակը շփման գծի ողջ երկայնքով շարունակում է հանդես գալ իրավիճակի թելադրողի դերում և վստահորեն իրականացնել իր առջև դրված մարտական խնդիրը:

Ադրբեջանական պաշտոնական քարոզչությունը շարունակում է հավատարիմ մնալ ստի և կեղծիքի վրա հիմնված իր քաղաքականությանը:

Հերթական նման դրսևորումը տեղի ունեցավ հուլիսի 6-ին, երբ Ադրբեջանի պաշտպանության, արտաքին գործերի նախարարության և գլխավոր դատախազության կողմից կազմակերպվեց այդ երկրում հավատարմագրված ռազմական կցորդների և օտարերկրյա ԶԼՄ-ների ներկայացուցիչների այցը Ալխանլու բնակավայր, որտեղ իբր թե նրանց տրամադրվել են ադրբեջանական կրակակետերի և ռազմական շտաբի բացակայության մասին «անհերքելի» ապացույցներ:

Անհրաժեշտ ենք համարում հիշեցնել նաև, որ հակառակորդ երկրի՝ միջազգային հանրությանը, մասնավորապես Ադրբեջանում հավատարմագրված օտարերկրյա ռազմական կցորդներին մոլորեցնելու մարտավարությունը նոր երևույթ չէ: Դեռևս 2016թ. ապրիլյան ռազմագործողություններից հետո կազմակերպվեց վերջիններիս այցը Ջոջուկ Մարջանլու բնակավայր, որտեղ նրանց ներկայացվեց ադրբեջանական «փառահեղ»  բանակի հաջողությունները, որոնց արդյունքում «ազատագրվել»  է  այդ բնակավայրը: Մինչդեռ Ջոջուկ Մարջանլուն ադրբեջանական զինուժի վերահսկողության տակ էր գտնվում 1994թ. հունվարից ի վեր:

Կարևոր ենք համարում ևս մեկ անգամ նշել, որ Արցախի Հանրապետության պաշտպանության բանակը երբեք քաղաքացիական բնակչությանը և օբյեկտները չի թիրախավորել: Բայց երբ հակառակորդը, իր բնակչությունն օգտագործելով որպես կենդանի վահան, խաղաղ բնակավայրերում տեղակայված կրակակետերից կրակ է վարում արցախյան դիրքապահների ուղղությամբ, ապա այդ կրակակետերը ինչպես միշտ, այսուհետ ևս լռեցվելու են: Եվ հավատարիմ մնալով փաստերի լեզվով խոսելու մեր մարտավարությանը, ձեզ ենք ներկայացնում տեսանյութ, որում պարզ երևում է Ալխանլու բնակավայրին կից տարածքում տեղակայված հրանոթը: Սրանից բխող հետևությունները թողնում ենք բանական մարդկանց առողջ տրամաբանությանը:

Վերջում հավելենք նաև, որ հուլիսի 7-ին՝ ժամը 09:00-ից սկսած հակառակորդը հարավային ուղղությամբ խախտել է հրադադարի պահպանման ռեժիմի տարբեր տրամաչափի հրաձգային զինատեսակներից, այդ թվում՝ Դ-44 հրանոթներից ու հաստոցավոր հակատանկային նռնականետերից:

ՊԲ առաջապահ զորամասերը շարունակում են վստոհերն վերահսկել իրավիճակը:

Հայաստանի պաշտպանության նախկին նախարար Սեյրան Օհանյանը հերքում է ադրբեջանական մի շարք կայքերում իր անունից տարածվող տեղեկությունը, թե հուլիսի 6-ին ղարաբաղա-ադրբեջանական շփման գծում հայ զինծառայող է զոհվել:

«Այդ տեղեկությունը մենք չենք տարածել, դա կեղծ էջ է», – Aysor.am-ի թղթակցին ասել է Սեյրան Օհանյանի ֆեյսբուքյան էջի պատասխանատուն:

Նշենք, որ ադրբեջանական լրատվամիջոցները տարածել էին Սեյրան Օհանյանի լուսանկարով կեղծ էջը, որում ռուսերենով տեղեկություն է գրվել ադրբեջանցիների հետ, իբր, մարտի ժամանակ հայ զինծառայողի կորստի մասին:

Ֆեյսբուքում Ս.Օհանյանի պաշտոնական էջը գործում է այս հասցեով:

Երևանը ևս մեկ կարևոր քայլ է արել դեպի «արևային էներգիայով սնուցվող ապագա»: Այսօր՝ հուլիսի 7-ին, Եվրոպական միության պատվիրակության ղեկավար, Հայաստանում ԵՄ դեսպան Պյոտր Սվիտալսկին փորձարկեց արևային էներգիայով սնուցվող հանրային տրանսպորտի առաջին կանգառը 2017թ-ի «Եվրոպական միության էներգաարդյունավետության օրեր Հայաստանում» խորագրով միջոցառումների շրջանակում: Այս մասին տեղեկացնում է Հայաստանում Եվրոպական միության պատվիրակության պաշտոնական կայքը։

Արևային վահանակները հանրային տրանսպորտի երկու կանգառներում տեղադրվել են Հայաստանում Եվրոպական միության պատվիրակության նախաձեռնությամբ՝ երկրում վերականգնվող էներգիայի օգտագործումը խթանելու համար: Կանգառները գտնվում են Մոսկովյան և Բաղրամյան փողոցներում և թույլ են տալիս մայրաքաղաքի բնակիչներին և այցելուներին՝ անվճար լիցքավորելու բջջային հեռախոսները և թվային այլ սարքավորումներն արևային էներգիայով: Յուրաքանչյուր կանգառ կարող է ամբողջովին լիցքավորել օրական 24 հեռախոս: Մեկ հեռախոսը լիցքավորելու համար անհրաժեշտ է 5 Վտ հզորությամբ էլեկտրական հոսանք:  Լիցքավորման տևողությունը կախված է հեռախոսի և այլ սարքավորումների ապրանքանիշից և տեխնիկական տվյալներից:

«Եվրոպական միության էներգաարդյունավետության օրեր Հայաստանում» խորագրով մեկշաբաթյա նախաձեռնությունն անցկացվում է Երևանում և մարզերում հուլիսի 3-ից 7-ը Հայաստանում ԵՄ պատվիրակության, գործընկեր կառույցների և ԵՄ ֆինանսավորմամբ իրականացվող ծրագրերի նախաձեռնությամբ: Միջոցառումների նպատակն է ներկայացնել Եվրոպական միության աջակցությունը էներգետիկայի ոլորտում բարեփոխումների իրականացման գործում, ինչպես նաև վերականգնվող, այլընտրանքային ու կայուն էներգիայի ոլորտում վերջին զարգացումներն ու հեռանկարները ԵՄ ֆինանսավորմամբ և գործընկեր կառույցների ներգրավվածությամբ իրականացվող ծրագրերի միջոցով: Մեկշաբաթյա նախաձեռնության նպատակն է նաև բարձրացնել իրազեկման մակարդակը Հայաստանում էներգաարդյունավետության, էներգետիկ անվտանգության և բազմազանության վերաբերյալ քաղաքացիների, մասնավոր և հանրային հաստատությունների, բիզնես ոլորտի, քաղաքացիական հասարակության ներկայացուցիչների ու երիտասարդների շրջանում:

Նախաձեռնության շրջանակում տեղի ունեցան քննարկումներ, հանրային զրույցներ ու շրջայցեր՝ ներկայացնելու համար ոլորտում ԵՄ ֆինանսավորմամբ իրականացվող ծրագրերի արդյունքներն ու նպաստելու էներգաարդյունավետության խթանմանը Հայաստանի քաղաքային ու գյուղական համայնքներում:

Հայաստանում Եվրոպական միության դեսպան Պյոտր Սվիտալսկին նշում է «ԵՄ էներգաարդյունավետության օրեր» նախաձեռնության վերաբերյալ. «Հայաստանում էներգետիկ ոլորտը առաջնահերթություն է և կշարունակի հետագայում էլ առաջնային լինել Եվրոպական միության համար: Այն օգնում է դիմակայել տնտեսական աճի հիմնական խոչընդոտներին, բարելավել մարզերում ապրող բազմաթիվ հայերի կենսապայմանները, ինչպես նաև նվազեցնում է էներգետիկ կախվածությունը»:

Եվրոպական միությունը երկարաժամկետ աջակցություն է տրամադրում Հայաստանին տեղական, համայնքային ու պետական մակարդակով էներգաարդյունավետության խթանման նպատակով:

Հայաստանի համար կարևորագույն զարգացում էր 2016թ-ի մարտին Արևելյան Եվրոպայի էներգաարդյունավետության և շրջակա միջավայրի գործընկերությանը (E5P) միանալը: Վերակառուցման և զարգացման Եվրոպական բանկի (ՎԶԵԲ) հետ համաձայնագրի ստորագրումը՝ 10 մլն եվրո ֆինանսավորմամբ, հնարավորություն  է տալիս Հայաստանին օգտվել 20 մլն եվրոյի չափով դրամաշնորհային միջոցներից: Վերջիններս նախատեսված են քաղաքային բնակավայրերում էներգաարդյունավետության և շրջակա միջավայրի պահպանմանն ուղղված այնպիսի առաջնահերթ ծրագրերի իրականացման համար, ինչպիսիք են ջրամատակարարման և ջրահեռացման համակարգերի վերականգնումը, կոշտ թափոնների կառավարումը, փողոցային լուսավորությունը և հանրային շենքերի ջերմամեկուսացումը:

Կենսական ռազմավարական նշանակությամբ մեծամասշտաբ ծրագիր է «Կովկասյան էլեկտրահաղորդման ցանց» ծրագիրը, որն իրականացվում է Գերմանական Զարգացման Բանկի (KfW) և Եվրոպական ներդրումային բանկի (EIB) հետ համատեղ: Ծրագրի շրջանակում նախատեսվում է Հայաստանի և Վրաստանի միջև միջսահմանային էներգիայի փոխանակման կամրջի կառուցում էլեկտրահաղորդման գծի և բարձր լարման հաստատուն հոսանքի փոխակերպիչ կայանի միջոցով: Ծրագիրը կնպաստի Հայաստանում էներգետիկ ռեսուրսների մատակարարման դիվերսիֆիկացմանը և տարածաշրջանային ինտեգրացիային:

Էներգաարդյունավետության բարելավմանն ուղղված մեկ այլ առանցքային նախաձեռնություն է «Վերականգնվող էներգիայի և էներգիայի արդյունավետ օգտագործման հնարավորությունը Վայք և Սպիտակ քաղաքներում» ծրագիրը: Եվրոպական միության ֆինանսավորմամբ և Հաբիթաթ ֆոր Հյումենիթի Արմենիա հիմնադրամի կողմից իրականացվող այս ծրագիրը կոչված է մշակելու և փորձարկելու էներգիայի խնայողության մոդելներ Վայք և Սպիտակ քաղաքների բազմաբնակարան և հանրային շենքերում: Ծրագրի նպատակներից է Սպիտակի և Վայքի 45 բազմաբնակարան  և 2 հանրային շենքերում խնայել տարեկան 15-30% էներգիա, նպաստել ածխաթթու գազի արտանետումների նվազեցմանը, բարձրացնել շենքերի բնակիչների իրազեկվածության մակարդակը շենքերի բնակիչների շրջանում, զարգացնել քաղաքապետարանների՝ կայուն էներգետիկ ծրագրեր իրականացնելու կարողությունները:

b4b.am

Ռուսաստանի Դաշնության արտաքին գործերի նախարարությունը նոր, ավելի կոշտ շեշտադրումներով հայտարարություն է տարածել՝ կապված Ադրբեջան այցելող այն ՌԴ քաղաքացիների նկատմամբ ցուցաբերվող խտրականության հետ, ովքեր ունեն հայկական ազգանուն կամ հայ ծնողներ:

Առաջին հայտարարությունը ՌԴ ԱԳՆ-ն տարածել էր հուլիսի 5-ին, որին արձագանքել էր Ադրբեջանի ԱԳՆ-ն:

Ռուսաստանի արտգործնախարարությունից հայտնում են, որ ի պատասխան ԶԼՄ-ների կողմից ուղարկված բազմաթիվ հարցումների, ստիպված են ևս մեկ անգամ հայտարարել, որ ՌԴ քաղաքացիներն իսկապես Ադրբեջան այցելելիս ենթարկվում են խտրականության էթնիկ հողի վրա:

«Ընթացիկ տարվա սկզբից Ռուսաստանի Դաշնության 25 քաղաքացու արգելվել է մուտք գործել Ադրբեջան: Որպես կանոն, նրանք մի քանի ժամ պահվել են Բաքվի օդանավակայանում (որոշ դեպքերում առանց սննդի, ջրի և բժշկական օգնության, ընդ որում դեպքերից մեկն առնչվում է չորսամյա երեխայի հետ մի կնոջ), այնուհետև բռնի կերպով հետ են ուղարկվել իրենց իսկ հաշվին: Որպես նմանօրինակ ծաղրանքի «հիմնավորում» է ներկայացվել այն, որ մեր քաղաքացիներն ունեն հայկական ազգանուններ, անուններ կամ հայրանուններ: Սակայն եղել են նաև դեպքեր, երբ ռուսական ազգանուններով, անուններով ու հայրանուններով անձանց հարցաքննել են՝ գտնելու «հայ նախնիներին»:

Այս ամենը խիստ վայրենի էություն ունի՝ չխոսելով այն մասին, որ տեղի է ունենում Ռուսաստանի քաղաքացիների իրավունքների ուղղակի խախտում՝ որը հակասում է ռուս-ադրբեջանական բարեկամության համաձայնագրի ոգուն ու տառին»,- ասվում է ՌԴ ԱԳՆ հայտարարության տեքստում:

Ռուսաստանի արտաքին քաղաքական գերատեսչությունից հայտնել են, որ իրենք բազմիցս, այդ թվում և Բաքվում ՌԴ դեսպանության և ՌԴ արտգործնախարարության պաշտոնական նոտաների միջոցով պահանջել են դադարեցնել «այդ զայրացնող գործելաոճը իրականացնել քննություն և արժանի գնահատական տալ Հեյդար Ալիևի անվան միջազգային օդանավակայանում պաշտոնատար անձանց պահվածքին»: Ռուսաստանյան կողմը նշել է, որ իրենք նման դիմումների ժամանակ հաշվի են առել այն, որ Ադրբեջանը փորձում է հանդես գալ որպես ազգային ու կրոնական հանդուրժողականության, բազմամշակութայնության օրինակ, իսկ վերջերս էլ «հայտարարել էր հայ-ադրբեջանական հասարակական երկխոսություն սկսելու մտադրության մասին»:

«Սակայն մեր ակնկալիքները չարդարացան: Միջադեպերի քննություն չի իրականացվել: Ադրբեջանի ԱԳՆ պատասխան նոտայում ասվում է, որ «անցանկալի էքսցեսները կանխելու նպատակով Ադրբեջանը ստիպված է մի շարք անձանց նկատմամբ կիրառել համապատասխան կարգավորումներ»: Մենք այս պատասխանը համարում ենք անհասկանալի և ոչ գոհացնող: Դա, ցավոք սրտի, ցույց է տալիս, որ Ադրբեջանում գտնվող Ռուսաստանի քաղաքացիները նախկինի պես ռիսկի են գնում կամայականության զոհը դառնալ:

Շարունակում ենք պահանջել դադարեցնել այս վրդովվեցնող խտրական գործելաոճը, որն անհամատեղելի է երկու երկրի միջև բարեկամական հարաբերություններին: Բնականաբար, եզրակացություններ ենք անելու ստեղծված իրավիճակից»,- ասվում է Ռուսաստանի ԱԳՆ հայտարարության եզրափակիչ հատվածում:

Artsakhpress.am

Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի ամբողջական կանդրադառնանք մեկ այլ հրապարակմամբ:

Լոռին մեր երկրի պատմամշակութային ամենահարուստ տարածաշրջաններից է: Վանական համալիրները մեկը մյուսից հետաքրքիր ու գրավիչ են: Դրանցից մեկը Օձունի վանքն է։ Ներս ես մտնում դարպասներից ու կանաչ սարերի համայնապատկերում իր ողջ շքեղությամբ բացվում է Օձունի հրաշքը:

Օձունի եկեղեցում է ծառայում Տեր-Վրթանես քահանա Բաղալյանը. Եռանդուն, նվիրյալ, պատրաստակամ մի հոգևորական, ով «Հայկական Վարկածին» պատմեց, որ 2006թ.մայիսից Գուգարաց թեմի առաջնորդ Տեր-Սեպուհ արքեպիսկոպոս Չուլջյանի կողմից նշանակվել է Օձունի և ենթաշրջանի հոգևոր հովիվ: Մեր հարցազրույցը ծավալվեց Օձունի խնդիրներ շուրջ.

-Ի՞նչվիճակում էր Օձունի տաճարը, երբ եկաք Օձուն:

-Ինձանից առաջ եկեղեցին երկար տարիներ հոգևոր սպասավոր չէր ունեցել և գտնվում էր անմխիթար վիճակում: Եկեղեցու տանիքներին խոտեր և, անգամ, ծառեր էին աճել: Ինչ արեցինք.

Նախ՝ իմ խնդրանքով համապատասխան կառույցների ղեկավարները եկեղեցին ապահովեցին ջրով, էլեկտրաէներգիայով և գազաֆիկացրեցին, ապա գյումրեցի շինարար Սամվել Տոնոյանի աջակցությամբ վերանորոգեցի եկեղեցու բակի զուգարանները, որոնք կիսակառույց  էին և չէին գործում: Այնուհետև՝ օձնեցիների  և ծնողներիս աջակցությամբ նորոգեցի բակը երիզող պարիսպը: Իմ խնդրանքով օձնեցի ճանապարհաշինարար Սամվել Տիտանյանը մաքրեց եկեղեցո ւ բակը շինարարական աղբից, վերականգնեց մուտքի կամարը և բակի դարպաս կռեց:

—Ինչու՞ տաճարի անմխիթար վիճակը չներկայացրեցիք Մշակույթինախարարությանը և Մայր Աթոռին:

-2007-ին նախկին գյուղապետ Մելիք Այվազյանը գյուղացիների խնդրանքով դիմեց Լոռու մարզպետ Հենրիկ Քոչինյանին, որն էլ իր հերթին խնդրանքով դիմել էր կառավարությանը, բայց Մշակույթի նախարարությունից պատասխանել էին, որ կառույցը գտնվում  է Մայր Աթոռի բալանսի վրա և վերջինիս պարտականությունն  է զբաղվել հուշարձանի պահպանմամբ:

—Իսկ Մայր Աթոռին դիմե՞ լ եք:

-Իհարկե՛, դիմել եմ: 2008թ-ի քահանայից ժողովի ժամանակ, բանավոր կերպով, Օձունի եկեղեցու վթարային վիճակը անձամբ վեհափառ հայրապետին ներկայացրեցի: Վեհափառն ինձ հանձնարարեց լուսանկարներով հիմնավորված իրավիճակը ներկայացնել թեմակալ առաջնորդին, որի համապատասխան դիմումից հետո կաթողիկոսը դիմեց կառավարությանը և որքանով տեղյակ եմ կառավարությունը 2009թ-ին շուրջ 7 միլիոն դրամի հատկացում կատարեց Մշակույթի նախարարությունում նախագիծ և նախահաշիվ կազմելու համար, իսկ 2010թ-ին շուրջ 20 միլիոն դրամի հատկացում արվեց նախնական աշխատանքներ սկսելու համար: Այդ ընթացքում ինձ այցելեցին Արմեն Դավթյանն ու Վանուշ Շերմազանյանը մոսկվայաբնակ օձնեցի Մովսես Վարազդատի Ձավարյանի գլխավորությամբ և հայտնեցին, որ Ձավարյանը պատրաստակամ  է ֆինանսավորել Օձունի եկեղեցու վերականգնման աստվածահաճո գործը:

2011թ-ի մարտի 3-ին Մայր Աթոռի, Մշակույթի նախարարության և Հովհան Օձնեցու անվան հիմնադրամի միջև եռակողմ համաձայնագիր կնքվեց եկեղեցու վերականգնման վերաբերյալ և 2011-2014 թթ-երին կատարվեցին որակյալ և մեծածավալ շինարարական աշխատանքներ՝ ձուլվեց եկեղեցու գմբեթի դարերի ընթացքում քայքայված խաչի կրկնօրինակը, ամրակայվեց եկեղեցո ւգմբեթը, զույգ զանգակատները, նորոգվեցին եկեղեցու աղոթասրահի ծածկասալերը, կարանախցվեցին եկեղեցու որմերը գմբեթից մինչև պատուհանագոգեր, քանդվեցին և վերաշարվեցին աղոթասրահի քիվերը, իսկ պակասող քիվերն ու քարերը լրացվեցին:

Այդ աշխատանքները վնասու՞մ էին եկեղեցու պատմամշակութային արժեքին:

-Ո՛չ, քանի որ եկեղեցին վերականգնվում էր վերականգնող ճարտարապետ Միշա Հակոբյանի նախագծով: Այն արժանացել էրՄշակութի նախարարության գիտամեթոդական խորհրդի հավանությանը և համաձայնեցված էր Մայր Աթոռի ճարտարապետական բաժնի հետ: Վերականգնումն իրականացվում էր ավանդակա նեղանակով և բարդ կրաշաղախով:

-2014թ-ին եկեղեցու վերականգնումն ավարտվե՞ց:

-Առաջին փուլը բարեհաջող կերպով ավարտվեց:

-Իսկ հիմա ի՞նչ աշխատանքներ են իրականացվում:

-2017թ-ի ապրիլի 4-ից սկսվել է վերականգնման երկրորդ փուլը, որը նախատեսված է  ավարտել հոկտեմբերի 5-ին:

-Ի՞նչաշխատանքներ են նախատեսված այս փուլում:

-Այս փուլում նախագծված  է բացել թմբուկի չորս և աղոթասրահի արևելյան պատուհանների ներքևի հատվածների հետագայում շարված հատվածները, որի արդյունքում կունենանք այդ լուսամուտների նախնական ուղղահայաց չափսերը: Խորհրդային շրջանում փայտյա լուսամուտներին փոխարինած մետաղական շրջանակով պատուհանները կրկին փոխարինել փայտյա լուսամուտներով: 1980-ականներին վերաշարման նպատակով քանդված հյուսիսային կամ արակապ սրահի կամարներն ու արևմտյան քիվերը վերաշարել և հյուսիսային սրահը հասցնել հարավայինի նիշին: Սալարկել արտաքին սրահների հատակները և ջրամեկուսացում իրականացնել աղոթասրահի շուրջ և այլն:

—Ի՞նչ առումով է կարևոր այս փուլը և Ձեր կարծիով ,ի՞նչբացթողումներ կան:

-Այս փուլն իմ կարծիքով առանցքային է այն առումով, որ իր մեջ ներառում է 80-ականներին քանդված և չվերաշարված մայր քարերի վերաշարում: Ինձ համար դա արդարության վերականգնման նման մի բան  է: Բայց այս փուլում չի նախատեսված բակի բարեկարգում, որի մեջ կարծում եմ պիտի ներառվի 80-ականերին տեղահանված տապանաքարերի իրենց նախնական տեղերի վերադարձումը, պիտի բացվեն բակի մյուս երեք մուտքերի կամարատակի 1977թ-ին շարված հատվածները և դարբնի կռածո դարպասներ տեղադրվեն: Եկեղեցու բակի չորս մուտքերից դեպի եկեղեցի տանող քարե արահետներ պատրաստել: Ցանկալի կլինի բակում փոքրիկ տաղավար կառուցել, որպեսզի մոմի, սրբապատկերների և հոգևորգրականության վաճառքը եկեղեցու աղոթասրահից դուրս կազմակերպվի:

—Այս աշխատանքները կատարելու դեպքում եկեղեցին ամբողջական տեսքով կներկայանա՞ այցելուներին:

-Ցավոք, ո՛չ: Դրա համար անհրաժեշտ  է ամբողջացնել կամարակապ սրահների թաղերը և դրանց վրա ծածկասալեր տեղադրել, որպեսզի անձրևաջրերը աղոթասրահի ծածկերիցչ թափվեն որմնակամարներին և պատերը խոնավեցնելով թափվեն և փչացնեն արտաքին եռակողմ սրահների հատակի սալիկները:

-Այդ առումով ի՞նչ մոտեցում կա:

-Այդ կտրվածքով պատմամշակութային ամեն կառույցի յուրհատուկ մոտեցում են ցուցաբերում: Օրինակ՝ ամրոցները մասնակի վերականգնվում և կոնսերվացվում են, քանի որ այսօր պրակտիկ չեն օգտագործվում: Վանքերի եկեղեցիներն ամբողջական, իսկ կից կառույցները մասնակի են վերականգնվում: Գործող եկեղեցիների պարագան այլ է, դրանք անշուշտ պետք է բերվեն ամբողջական տեսքի, որպեսզի նախ և առաջ բավարարեն հավատացյալների հոգևոր կարիքները, ապա օտարների մոտ ոչ թե խղճահարություն, այլ հիացմունք առաջացնեն:

—Մենք անշուտ  կհետևենք Օձունի վերականգնման ընթացքին, իսկ Ձեզ համբերություն այս դժվարին, նվիրում  պահանջող գործում:

-Շատ ուրախ կլինեմ, Աստված օրհնի Ձեզ և Օձուն իվերականգնմամբ բոլոր ուրախացողներին:

Զրույցը վարեց Ռուզան Ավոյանը

• 19848997_1099347303499081_1252167263_n

  https://armversion.am/wp-content/uploads/2017/07/19848997_1099347303499081_1252167263_n-576x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19849266_1099346606832484_1594103876_n

  https://armversion.am/wp-content/uploads/2017/07/19849266_1099346606832484_1594103876_n-432x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19849272_1099374503496361_1238485379_n

  https://armversion.am/wp-content/uploads/2017/07/19849272_1099374503496361_1238485379_n-576x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19858603_1099374386829706_1443113946_n

  https://armversion.am/wp-content/uploads/2017/07/19858603_1099374386829706_1443113946_n-576x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19858641_1099345660165912_1451505518_n

  https://armversion.am/wp-content/uploads/2017/07/19858641_1099345660165912_1451505518_n-576x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19866415_1099346826832462_1948038182_n

  https://armversion.am/wp-content/uploads/2017/07/19866415_1099346826832462_1948038182_n-576x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19866643_1099345663499245_2043004250_n

  https://armversion.am/wp-content/uploads/2017/07/19866643_1099345663499245_2043004250_n-576x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19866681_1099374470163031_2110278382_n

  https://armversion.am/wp-content/uploads/2017/07/19866681_1099374470163031_2110278382_n-576x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19873909_1099346946832450_1699013833_n

  https://armversion.am/wp-content/uploads/2017/07/19873909_1099346946832450_1699013833_n-576x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19873986_1099346510165827_144570685_n

  https://armversion.am/wp-content/uploads/2017/07/19873986_1099346510165827_144570685_n-576x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19874080_1099374516829693_182726771_n

  https://armversion.am/wp-content/uploads/2017/07/19874080_1099374516829693_182726771_n-576x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19883716_1099346623499149_868237966_n

  https://armversion.am/wp-content/uploads/2017/07/19883716_1099346623499149_868237966_n-450x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19894108_1099374593496352_1079253335_n

  https://armversion.am/wp-content/uploads/2017/07/19894108_1099374593496352_1079253335_n-576x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19894123_1099374560163022_233698117_n

  https://armversion.am/wp-content/uploads/2017/07/19894123_1099374560163022_233698117_n-432x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19873909_1099346946832450_1699013833_n (1)

  https://armversion.am/wp-content/uploads/2017/07/19873909_1099346946832450_1699013833_n-1-490x350.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

• 19873909_1099346946832450_1699013833_n (1)

  https://armversion.am/wp-content/uploads/2017/07/19873909_1099346946832450_1699013833_n-11.jpg
  Մեր եկեղեցիների ու վանքերի վերականգման խնդիրը եղել և մնում է անվերծանելի թնջուկ։ Այս ոլորտում անելիքներն այնքան շատ են, որ դրանց անդրադարձը լուրջ ուսումնասիրություն է պահանջում: Դրանով անհրաժեշտ է զբաղվել պարբերաբար և այս հրապարակումը միտված է դրան:  Եկեղեցիների վերականգնման թեմային ավելի … Continue reading →
  

Ադրբեջանի կողմից զոհերի լուսանկարների հրապարակումն ապացուցում է Ադրբեջանի քարոզչական մեքենայի ցինիկ եւ անմարդկային բնույթը:

Այս մասին հայտարարել է Հայաստանի Հանրապետության ԱԳՆ մամուլի քարտուղար Տիգրան Բալայանը:

«Բաքվի սադրանքի զոհերի լուսանկարների հրապարակումն ապացուցում է Ադրբեջանի քարոզչական մեքենայի ցինիկ եւ անմարդկային բնույթը»,-գրել է նա Twitter-ի իր միկրոբլոգում:

Հիշեցնենք, որ հուլիսի 4-ի երեկոյան Ադրբեջանի Ալխանլու գյուղի մոտ տեղակայված Ադրբեջանի զինուժը կրակ է բացել Արցախի ԶՈՒ դիրքերի ուղղությամբ: Փոխհրաձգության ժամանակ մահացել են 52-ամյա ադրբեջանցի կին եւ 2-ամյա աղջիկ: Դեռեւս անհայտ է, նրանք մահացել են Արցախի զինուժի պատասխան հարվածների՞ց, թե Ադրբեջանի զինուժն ինքն է հրետակոծել սեփական գյուղը:

Ադրբեջանական կողմի պահելաձևում որևէ նոր բան չկա, նույն ահաբեկչական, անմարդկային գործողություններ են, որոնք առողջ տրամաբանության շրջանակներում գնահատելն անհնարինն է: Այս մասին Tert.am-ի հետ զրույցում ասաց ԱՀ նախագահի մամուլի խոսնակ Դավիթ Բաբայանը, անդրադառնալով հակառակորդի կողմից TR-107 համազարկային հրթիռային կայանքից իրականացված կրակային խոցմանը:

«Ադրբեջանն օգտագործում է նաև նման զինատեսակներ, որոնց կիրառումը որևէ կերպ չի փոխում ռազմաքաղաքական հավասարակշռվածությունը տարածաշրջանում: Պարզապես ևս մեկ անգամ ցույց է տալիս, որ Ադրբեջանն ահաբեկչական երկիր է, այսպես ասած մոլագար երկիր է: Ադրբեջանն ստացել է անհամարժեք պատասխան: Նրանք, ըստ երևույթի, ունեն կորուստներ, այն էլ բավականին շոշափելի»,- ասաց Դավիթ Բաբայանը:

Ինչ վերաբերում է մարդկային կորուստներ ունենալուն, Դավիթ Բաբայանն ասաց, որ սովորության համաձայն՝ հակառակորդն իր կորուստները թաքցնում է, հետո, շաբաթներ անց հայտնում է, թե զինվոր է մահացել օձի խայթոցից, արևահարվել է և այլն:

Արցախի դիրքորոշման վերաբերյալ ԱՀ նախագահի մամուլի խոսնակն ասաց, որ հայկական կողմը միշտ ընդգծել է, որ Արցախի Հանրապետության ռազմական հայեցակարգի հիմքում ընկած է ակտիվ պաշտպանությունը.«Այսինքն՝ մենք երբևէ ագրեսորի դերում հանդես չենք գալու, բայց ցանկացած ագրեսիայի դրսևորում պատժվելու է»:

Հարցին, թե ինչ վիճակ է տիրել սահմանին գիշերը, Բաբայանն ասաց, որ գիշերը նորմալ է անցել.« Նման կրակոցներ դիպուկահարներից և այլ տիպի, միշտ էլ լինում են, բայց դա դարձել է սովորական: Գիշերը նորմալ է անցել»:

Հիշեցեննք, որ ԱՀ ՊԲ-ն երեկ տեսանյութ և ձայնագրություն էր տարածել, որոնցում երևում է, որ հայկական կողմը պատասխան կրակ է բացել ժամը 20:31-ին, այսինքն՝ հակառակորդի կողմից մինչ այդ մի քանի անգամ ձեռնարկված կրակային հարձակումից հետո միայն: Հակառակորդի կողմից TR-107 համազարկային հրթիռային կայանքից կրակոցներ էր արձակվել, ինչից հետո նոր միայն արցախյան կողմը պատասխանել էր:

Հուլիսի 4-ին արցախա-ադրբեջանական հակամարտ զորքերի շփման գծի տարբեր հատվածներում հակառակորդը շարունակել է խախտել հրադադարի պահպանման ռեժիմը:

Մասնավորապես, ժամը 11:30-11:35 սահմաններում արեւելյան ուղղությամբ ադրբեջանական կողմը կիրառել է 82 միլիմետրանոց ականանետ (4 արկ), նույն հատվածում ժամը 12:45-12:55-ի սահմաններում՝ հաստոցավոր հակատանկային նռնականետ (3 արկ), հարավային ուղղությամբ՝ ժամը 13:35-ին 60 միլիմետրանոց ականանետ (3 արկ), 19:10-ին՝ 60 միլիմետրանոց ականանետ (2 արկ), իսկ 20:20-20:30-ի սահմաններում Ալխանլու գյուղում տեղակայված ռազմակայանից ադրբեջանական զինուժը ՏՌ-107 տիպի համազարկային հրթիռային կայանքներից (5 արկ) կրակ է բացել հարավային ուղղությամբ գործող զորամասերից մեկի հրամանատարական կետի ուղղությամբ՝ 20:48-ին կիրառելով նաեւ 82 միլիմետրանոց ականանետ (3 արկ):

Հակառակորդի նախահարձակ ակտիվությունը ճնշելու համար ՊԲ առաջապահ զորամասերը ժամը 20:31-20:40-ի սահմաններում ստիպված  է եղել ձեռնարկել պատասխան գործողություններ, ինչի արդյունքում վնաս է հասցվել Ալխանլու գյուղում տեղակայված կրակակետին: ՊԲ համապատասխան ծառայությունների կողմից տրամադրված հավաստի տվյալներով, հակառակորդն ունի կորուստներ:

Ադրբեջանական սադրիչ գործողությունների արդյունքում ՊԲ-ն կորուստներ չի ունեցել:

Կատարվածի հետևանքների ողջ պատասխանատվությունը կրում է Բաքվի ռազմաքաղաքական ղեկավարությունը:

Ազգային ժողովն առաջին ընթերցմամբ ընդունեց Սևանա լճից լրացուցիչ 100 միլիոն խորանարդ մետր ջուր բաց թողնելու մասին օրենքի նախագիծը: Ինչպես հաղորդում է «Արմենպրես»-ը, «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» Հայաստանի Հանրապետության օրենքում լրացումներ կատարելու մասին օրենքի նախագծին կողմ քվեարկեց 77, դեմ՝ 3 պատգամավոր: Քվեարկությունից առաջ վարման կարգի վերաբերյալ ելույթ ունեցավ «Ելք» դաշինքի պատգամավոր Արտակ Զեյնալյանը, ով հայտնեց, որ «Ելք» խմբակցությունը դեմ է քվեարկելու նախագծին: Նա նաև հավելեց, որ իրենք պատրաստվում են նախագծի սահմանադրականությունը վիճարկել Սահմանադրական դատարանում, քանի որ դրանում կան Սահմանադրությանը հակասող դրույթներ:

Ծրագիրը նպատակաուղղված է 2017 թվականին Սևան-Հրազդան էներգետիկ-իռիգացիոն համակարգից սնվող ոռոգման համակարգերի ենթակայությամբ գտնվող հողատարածքների ոռոգուﬓմնիրականացնելու նպատակով անհրաժեշտ ջրաքանակ ապահովելուն: