Հոկտեմբերի 15-ից 21-ն ընկած ժամանակահատվածում արցախա-ադրբեջանական հակամարտզորքերի շփման գծում հակառակորդը հրադադարի պահպանման ռեժիմը խախտել է հիմնականում հրաձգային զինատեսակներից՝ հայ դիրքապահների ուղղությամբ արձակելով ավելի քան 2300 կրակոց:

Արցախի Հանրապետության ՊՆ մամուլի ծառայությունից հայտնում են, որ ՊԲ առաջապահ զորամասերը տիրապետում են օպերատիվ-մարտավարական իրադրությանը և անհրաժեշտ քայլեր ձեռնարկում մարտական դիրքերի պահպանությունը հուսալիորեն կազմակերպելու համար:

Արտակարգ իրավիճակների նախարարություն հոկտեմբերի 21-ին՝ ժամը 06:41-ին, տեղեկություն է ստացվել, որ Մ-2 ավտոճանապարհի Սիսիան-Երևան հատվածի 7-րդ կմ-ին տեղի է ունցել ՃՏՊ. անհրաժեշտ է փրկարարների օգնությունը: Ըստ ԱԻՆ կայքի՝ դեպքի վայր է մեկնել մեկ մարտական հաշվարկ:

Պարզվել է, որ «Daiatsu Storia» մակնիշի 34 VV 208 պետհամարանիշով ավտոմեքենան (վարորդ՝ Արցախի Հանրապետության քաղաքացի, 1980 թ. ծնված Ս. Հ.) դուրս է եկել ճանապարհի երթևեկելի հատվածից և մոտ 15 մ սահել հարակից ձորակը, ինչի հետևանքով վարորդը և ուղևոր՝ Արցախի Հանրապետության քաղաքացի, 1981 թ. ծնված Է. Խ.-ը (երկուսն էլ զինվորականներ են) տարբեր մարմնական վնասվածքներով տեղափոխվել են Աղիտու գյուղի զինվորական հոսպիտալ: Բժիշկները Ս. Հ.-ի առողջական վիճակը գնահատել են բավարար, իսկ Է. Խ.-ինը՝ միջին ծանրության: Փրկարարները հոսանքազրկել են ավտոմեքենան:

Ֆրանսիայի Solar հրատարակության շնորհիվ «Հայաստանի բաղադրատոմսեր» վերնագրով գիրք է լույս տեսել: Հեղինակները հայկական արմատներով ֆրանսիացիներ են՝ քույր եւ եղբայր Ռիշար եւ Կորին Զարզավաջյանները, հաղորֆդում է RFI-ն:

Մեկ տարի առաջ Կորինը հին սնդուկի մեջ, որը նա տարիներով պահել է իր տանը, իր մոր՝ Ժակլինի խոհարարական գաղտնիքների տետրն է գտել: Գրքի հեղինակները ոչ միայն «գաղտնազերծել են ընտանեկան գաղտնարանը», այլեւ միջոցներ են գտել հազարամյակների պատմություն ունեցող հայկական խոհանոցը առողջացնելու,հայտնում է News.am-ը:

Կորին Զարզավաջյանը թատրոնի դերասանուհի է, նրա եղբայր Ռիշարը՝ France 2 հեռուստաընկերության լրագրող:

Նրանցից ոչ մեկը նախկինում գիրք գրելու մասին չէր էլ մտածել: Բայց մի անգամ Կորինը գտավ հին սնդուկ, որը տարիներ շարունակ իր տանն էր: Դրա մեջ հին խաղալիքներ էին, նամակներ, իսկ ամենատակը՝ նարնջագույն դպրոցական տետր, որում Կորինը եւ Ռիշարը ճանաչեցին մոր ձեռագիրը:

Առաջին էջին նա ֆրանսերեն մի քանի աֆորիզմներ էր գրել, իսկ ամենակարեւորն ընդգծել էր կարմիր գույնով՝

«Այն ամենն ինչ ասված է սեղանին, պահպահնվում է ծալված սփռոցի ծալքերում»:

Նանրնջագույն տետրը հենց այնպես չէր հայտնվել սնդուկում: Զարզավաջյանների համար ընտանեկան ավանդույհթները պահպանելը նշանակում է կարողանալ պահպանել գոյությունը:

Կորինի եւ Ռիշարի նախնիները փախել են Օսմանյան կայսրությոթւնից եւ փրկվելով Ցեղասպանությունից՝ հաստատվել են Ֆրանսիայում: Դառնալ ֆրանսիացիներ՝ պահպանելով իրենց ինքնությունը՝ սա շատ հայ փախստականների եւ նրանց նախնիների խնդիրն էր:

Կորինին եւ Ռիշարին, ովքեր մարտահրավեր էին նետել ձուլմանը, հաջողվեց այդ անել շնորհիվ «նարնջագույն տետրի»:

Գտնելով տետրը՝ քույր եւ եղբայր որոշեցին «գաղտնազերծել» այն եւ գիրք գրել՝ կիսվելով իրենց ընտանեկան ժառանգությամբ:

«Մեր ծնողները ֆրանսիացիներ էին, բայց միեւնույն ժամանակ չէին մոռանում իրենց հայկական արմատների մասին: Մենք ավանդույթներ ունեինք, խոսում էինք հայերեն, իսկ խոհանոցը մեզ համար տարբեր սերունդներն իրար կապող յուրահատուկ օղակ էր:

Հայկական ուտեստները միշտ մեզ համար տոն էին: Այս գրքի շնորհիվ մենք ոչ միայն փորձեցիքն լուծել ընտանեկլան հարցը (պահպանել ժառանգությունը), այլեւ ընթերցողին ծանոթացնել այս խոհանոցի հետ», — ասում է Ռիշարը:

Վերջին մի քանի տասնամյակների ընթացքում Ֆրանսիայում հայկական խոհանոցի մասին մոտ մեկ տասնյակ գիրք է հրատարակվել: Գրեթե միշտ դրանց հեցղինակները սփյուռքի հայեր են եղել, որոնք անկախ, իսկ առավել եւս խորհրդային Հայաստանի հետ ոչ մի կապ չունեին:

Երեկ՝ հոկտեմբերի 20-ին, նախնական տվյալների համաձայն զենքի օգտագործման կանոնների խախտման հետևանքով, մահացու հրազենային վիրավորում են ստացել ՊԲ զինծառայողներ, 1998թ. ծնված Արամ Սիրեկանի Խաչատրյանը և 1997թ. ծնված Հրաչ Արարատի Ավետիսյանը:

Մանրամասները պարզելու համար կատարվում է քննություն:

Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողների ընտանիքների անդամներին, հարազատներին և ծառայակիցներին:

ԱՀ ՊՆ մամուլի ծառայություն

Երրորդ կայազորային քննչական բաժնում հարուցվել է քրեական գործ` հակառակորդի կողմից պարտադիր ժամկետային զինծառայող Տիգրան Արմենի Խաչատրյանի սպանության դեպքի առթիվ։

2017 թվականի հոկտեմբերի 19-ին՝ ժամը 15:50-ի սահմաններում, N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցի հետևանքով ուսի շրջանում հրազենային վիրավորում է ստացել պարտադիր ժամկետային զինծառայող, շարքային Տիգրան Արմենի Խաչատրյանը: Վերջինս զինհոսպիտալ տեղափոխվելու ճանապարհին մահացել է: Երրորդ կայազորային քննչական բաժնում հարուցվել է քրեական գործ՝ ազգային, ռասայական կամ կրոնական ատելության կամ կրոնական մոլեռանդության շարժառիթով սպանություն կատարելու դեպքի առթիվ, կատարվում է նախաքննություն:

Ալբանիայի Դուրես քաղաքում շարունակվում է ծանրամարտի Մ20 և Մ23 տարեկանների Եվրոպայի առաջնությունը: Այս մասին հայտնում է ՀԱՕԿ-ի պաշտոնական կայքը:

85 կգ քաշային կարգում Հայաստանի ներկայացուցիչ Անդրանիկ Կարապետյանը (Մ23) երկամարտի 360 կգ արդյունքով դարձել է Եվրոպայի չեմպիոն: Պոկում վաժությունում հայ ծանրորդը գլխավերևում է պահել 170 կգ: Հրումում Կարապետյանը կարողացել է ֆիքսել 190 կգ՝ զբաղեցնելով երկրորդ հորիզոնականը:

Այսպիսով, Անդրանիկ Կարապետյանը նվաճել է մեծ ոսկե և մեկական փոքր ոսկե ու արծաթե մեդալներ:

Այսօր մրցահարթակ կմտնեն նաև Կարուշ Ղուկասյանը (94 կգ) և Տաթև Հակոբյանը (90 կգ):

Lragir.am-ը գրեւմ է. ՀՀ Արտաքին գործերի նախարար Էդվարդ Նալբանդյանը Եվրոպայի հայկական չորրորդ համագումարում իր ելույթում խոսել է Ղարաբաղյան կարգավորման ներկայիս իրավիճակի եւ Ժնեւի հանդիպման մասին: Նա նշել է, որ 4 տարվա մեջ առաջին անգամ հաջողվեց համատեղ հայտարարություն ընդունել: Միեւնույն ժամանակ, նա նշել է, որ Բաքուն պարբերաբար հրաժարվում է իր ստանձնած պարտավորություններից, այդ թվում Վիեննայի հանդիպմանը ստանձնած հանձնառությունից: Նալբանդյանը խոսել է ինտենսիվ բանակցություններ սկսելու Հայաստանի պատրաստակամության մասին, նշելով սակայն, որ դրա համար Ադրբեջանը պետք է «անվերապահորեն հարգի հրադադարը, կյանքի կոչի նախկինում ձեռք բերված պայմանավորվածությունները, վերահաստատի իր հանձնառությունը համանախագահների կողմից առաջարկված հակամարտության կարգավորման սկզբունքներին»: Ըստ էության, Նալբանդյանը կրկնել է հայկական «նախապայմանները», դրանք «վերագրելով» համանախագահներին: Հայաստանի ու համանախագահների այս պայմանները համընկնում են, սակայն, չնայած մեկ տարի առաջ Սերժ Սարգսյանի հայտարարությանը, հայկական կողմն ասում է, թե դրանք ոչ թե Հայաստանի, այլ համանախագահների պահանջներն են: Կարեւորն իհարկե այն է, որ Հայաստանը պնդի այդ պայմանները եւ բանակցության չգնա առանց դրանց: Հակառակ դեպքում վերականգնվում է Ադրբեջանի «տարածքային իրավունքն ու պատերազմի իրավունքը», եւ Բաքուն դուրս է գալիս փակուղուց, որտեղ հայտնվել է ապրիլյան պատերազմի արդյունքում: Հայաստանի վերջին օրերի պահվածքը՝ Ժնեւի հանդիպումից առաջ ու հետո, նման կասկածների ու հիմքերի տեղիք է տվել:

Հնչեցին մտահոգություններ, որ Հայաստանը հրաժարվում է իր պահանջներից ու վերադառնում է նախաապրիլյան աննպաստ ռազմա-քաղաքական ու դիվանագիտական իրավիճակին: Արդյոք Նալբանդյանի ելույթը փարատում է այս մտահոգությունները՝ ցույց կտան Հայաստանի իշխանության առաջիկա քայլերը: Իր հերթին, Նալբանդյանն իր ելույթում հիշեցրել է մի փաստաթղթի մասին, որը խնամքով մոռացության է տրվել մոտ մեկ տասնամյակ: «Ցանկանում եմ հիշատակել Եվրախորհրդարանի բանաձեւերից մեկը՝ ընդունված 1999 թվականին, որով ամրագրվում է, որ Լեռնային Ղարաբաղը հռչակել է իր անկախությունը՝ հետևելով նմանօրինակ հայտարարություններին, որոնք արվել են նախկին խորհրդային հանրապետությունների կողմից: Իհարկե, Լեռնային Ղարաբաղը երբևէ չի եղել անկախ Ադրբեջանի կազմում և, ինչպես բազմիցս նշել է Նախագահ Սարգսյանը, երբևէ չի կարող լինել», ասել է նա:

Եվրախորհրդարանի փաստաթղթի այդ ձեւակերպումը նշանակում է, որ Ղարաբաղի անկախության հանրաքվեն ունի նույն իրավա-քաղաքական ուժը, ինչ խորհրդային հանրապետություններինը, որոնք ճանաչվել են միջազգային հանրության կողմից: Հայաստանի խնդիրը դա է՝ Արցախի ինքնորոշման ու ինքնիշխանության իրավունքի ճանաչումը: Արդյոք Եվրոպայի հայկական համագումարում այս փաստաթղթի հիշատակումը նշանակում է, որ Հայաստանն անցնում է այդ իրավունքի իրացմանը, այդ խնդիրը դնելով նաեւ հայկական կառույցների առջեւ:

Նյութի աղբյուր՝ Lragir.am

Հոկտեմբերի 19-ին՝ ժամը 15:50-ի սահմաններում, ՊԲ հյուսիսարեւելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել ՊԲ զինծառայող, 1998թ. ծնված Տիգրան Արմենի Խաչատրյանը:

Արցախի ՊՆ մամուլի ծառայության փոխանցմամբ, դեպքի մանրամասները պարզելու համար կատարվում է քննություն:

Արցախի Հանրապետության պաշտպանության նախարարությունը կիսում է կորստյան ծանր վիշտը եւ իր զորակցությունը հայտնում մահացած զինծառայողի ընտանիքի անդամներին, հարազատներին եւ ծառայակիցներին:

ՀՀ ոստիկանությունում երեկ կադրային փոփոխություններ են եղել:

ՀՀ ոստիկանության պետ Վլադիմիր Գասպարյանի հրամանով երեկ Արաբկիրի ոստիկանապետի պաշտոնից ազատված ոստիկանության գնդապետ Արթուր Մկրտչյանը նշանակվել է Նոր Նորքի ոստիկանապետի պաշտոնում:

Ոստիկանապետի մեկ այլ հրամանով՝ Նոր Նորքի ոստիկանապետ, ոստիկանության գնդապետ Արմեն Գասպարյանն ազատվել է պաշտոնից՝ նշանակվելով Արաբկիրի ոստիկանապետի պաշտոնում:

Վերը նշված տեղեկությունները մեր զրույցում հաստատեց ՀՀ ոստիկանության լրատվական ծառայության ԶԼՄ-ների հետ կապի բաժնի պետ Էդգար Ջանոյանը:

Վճարովի հիմունքներով, սակայն բարձր առաջադիմությամբ ու հասարակական ակտիվությամբ ուսանողներին Կառավարությունը կաջակցի վճարել ուսման վարձը: Այս մասին այսօր որոշվել է Կառավարության նիստի ժամանակ:

Նման աջակցություն կստանան նաև 2016 թվականի ապրիլի 2-6-ը Հայաստանի ԶՈւ–ում մարտական հերթապահություն իրականացրած կամ մարտական գործողություններին մասնակցած ուսանողները։