Այսօր ԽՍՀՄ ժողովրդական արտիստ, դիրիժոր, ջութակահար, «Մոսկվայի վիրտուոզներ» նվագախմբի հիմնադիր Վլադիմիր Սպիվակովի  67 –րդ տարեդարձն է:

2003 թվականից Սպիվակովը Մոսկվայի երաժշտության միջազգային տան նախագահն է: Նա իր հայազգի կնոջ` Սաթի Սպիվակովայի հետ ջերմորեն կապված է Հայաստանին, և մեկ անգամ չէ, որ համերգներով հանդես է եկել, մեր երկրում:

1994 թ. Սպիվակովը հիմնադրել է Միջազգային բարեգործական հիմնադրամը, որը առ այսօր գործում է հաջողությամբ` օգնում է  շնորհալի երիտասարդներին և որբ երեխաներին:

Ֆրանսիայի նախագահ Նիկոլա Սարկոզին առաջիկայում տարածաշրջանային այց կկատարի Հարավային Կովկաս։ Այս մասին հայտնել է Ֆրանսիայում Վրաստանի դեսպան Մամուկա Կուդավան։ Ինչպես հայտնում են վրացական լրատվամիջոցները, նա չի հստակեցրել այցի ժամկետը։ Սպասվում է, որ Սարկոզին Հայաստան, Վրաստան և Ադրբեջան կայցելի հոկտեմբերին։

Այսօր Մայր թատրոնի խնդիրներով մտահոգ  ասուլիս էին հրավիրել բեմադրիչ Նիկոլայ Ծատուրյանն  ու ՀՀ ժողովրդական արտիստ Կարեն Ջանիբեկյանը: Երկուսի ախտորոշումն էլ նույնն էր. Թատրոնն արդեն բորբոսնած է.իսկ Սունդուկյանի անվան թատրոնը դարձել է շոուների թատրոն, այս թատրոնը պետք է փակվի, վերանայվի ռեպերտուարային քաղաքականությունը:

Ծատուրյանը համոզված է, որ թատրոնում մտքի և հոգու սնունդ տվող արվեստ չկա, պետք է այնպիսի ներկայացումներ բեմադրվեն, որոնք հուզեն մարդկանց. «Արվեստում նոր ոճ է առաջ եկել` խրխինջիզմ: Չենք ցանկանում Գ.Սունդուկյանի անվան ազգային ակադեմիական թատրոնում բեմադրված տեսնել այդ 8 ու կեսերը, 64 ալիքներն ու 96 ատամները, որոնք հանդիսատեսին ոչ մտածելու, ոչ էլ հուզվելու նյութ են տալիս»:

Ծատուրյանը ռեժիսոր է ու համոզված է, որ երբ թատրոնում գլխավորը դառնում է տնօրենը, ամեն ինչ վերջանում է, քանի որ նա սկսում է մտածել «փող աշխատելու մասին», այնինչ` թատրոնի հիմնական դեմքը պետք է լինի բեմադրիչը: Այո, Վահե Շահվերդյանը քանդեց թատրոնը, մեր քիչ թե շատ շնորհալի ու հայտնի դերասանները հեռացան, եթե ոչ երկրից, ապա թատրոնից:

Ծատուրյանը միշտ էլ ասել է, որ չպետք է կառչել աթոռին ու թույլ չտալ երիտասարդներին առաջ գնալ: Նա որպես Սունդուկյան թատրոնի բեմադրիչներ տեսնում է Լիլի Էլբակյանին, Նարինե Գրիգորյանին, Արմեն Խանդիկյանին, Ռուբեն Բաբայանին:

Կարեն Ջանիբեկյանը նկատեց, որ հեռուստաընկերությունները անճաշակությամբ են «կերակրում» հանդիսատեսին` փոխելով ընդհանուր ճաշակը: Նրա համոզմամբ` չպետք է հապաղել, Սունդուկյան թատրոնում պետք է նշանակել գեղարվեստական ղեկավար, որը ոչ թե ֆինանսիստ պետք է լինի, այլ պետք է որոշի թատրոնի էսթետիկական կողմը, լինի թատրոնի դեմքը:

«Թատրոնը պետք է ղեկավարվի միանձնյա, մեկը պետք է լինի թատրոնի տերը, թատրոնն ունենա իր մտածողությունը, իր խնդիրները: Գեղարվեստական ղեկավար եղավ, թատրոնը կվերածնվի»,-  ասում է արտիստը: Նա այն մարդկանցից էր ով Վահե Շահվերդյանի ղեկավարման տարիներին լքեց թատրոնը, քաշվեց առանձնացավ: Սակայն այսօր ցանկանում է դերեր ստանալ ու խաղալ.իսկ որպես Սունդուկյանի թատրոնի գեղարվեստական ղեկավար տեսնում է Նիկոլայ Ծատուրյանին:«Վահե Շահվերդյանը էսթետիկան գավառական էր», -ասաց նա:

Երևան քաղաքի բյուջեն  մոտ մեկ միլիարդ դրամի եկամուտ է ունեցել. Քաղաքապետարանը տեղեկացրել է, որ  այս տարվա առաջին 8 ամիսներին 953 մլն 839 հազ. դրամ ավելի եկամուտ է ստացել, քան նախորդ տարի:

Մայրաքաղաքի եկամուտները 2011 թ. օգոստոսի վերջին կազմել են 18 մլրդ 92 մլն 499.8 հազ. դրամ, իսկ 2010 թ. նույն ժամանակահատվածում՝ 17 մլրդ 138 մլն 660.5 հազ. դրամ:

Այս տարի, նախորդ տարվա համեմատ, ավելացել է նաև համայնքի արտաքին գովազդ տեղադրելու թույլտվության համար եկամուտը` 581 մլն 849.3 հազ. դրամից դառնալով 633 մլն 49.8 հազ. դրամ:

Lenta.ru- տեղեկացնում է, որ Վրացի օրենքով գող Դավիթ Էդիշերաշվիլին, ով սպասում էր իր արտաքսմանը ՌԴ-ից Թուվա, փախել է կալանքից: 34-ամյա Դաթո Թբիլիսկին օգոստոսի 25-ին փախուստի է դիմել Կըզըլում գտնվող ոստիկանական ընդունարանից:

Քրեական հեղինակությունը փախուստի է դիմել այն բանից հետո, երբ Թուվայի դատարանը մերժել է նրա բողոքը` ուղղված Կըզըլի քաղաքային դատարանի` Ռուսաստանից վտարելու որոշման դեմ: Ավելին`Փախուստի հանգամանքների մասին ոչինչ չի հաղորդվում:

Նույն կալանավայրից  նա ազատվել է 2011 թ. օգոստոսի 2-ին: 2003 թ. նրան դատապարտել են 8.5 տարվա ազատազրկման: 2008 թ. դեկտեմբերին նա ճնշման ներքո ստորագրել է դիմում, որտեղ հրաժարվել է օրենքով գողի իր կոչումից:Ուղղիչ հաստատությունից դուրս գալու ժամանակ նրան բռնել են ոստիկանները մեղադրելով ՌԴ օտարեկրացիների ժամանելու համար պահանջվող կանոնները խախտելու մեջ:

Դաթոյին տեղափոխել են ոստիկանության ընդունարան, ապա դատարանը որոշում է ընդունել նրան Ռուսաստանից վտարելու մասին:

Այսօր  ասուլիսի էին հրավիրվել  հոգեբան Սամվել Խուդոյանը և Դրամատուրգ Կարինե Խոդիկյանը: Նրանց քննարկումը վերաբերվում էր Արարատի մարզում կատարված սահմռկեցուցիչ սպանությանը, թեպետ հարցը ընդհանրացվեց.

Բանախոսների կարծիքով ընտանեկան բռնությունները միշտ էլ եղել են, պարզապես նախկինում այդ թեման ավելի քողարկված է եղել, իսկ այսօր այն ավելի բաց է, ավելի շատ են խոսում բռնությունների մասին:

Տիկին Խոդիկյանը համոզված է, որ  «Ինչպես ծնվում են նկարիչ կամ բանաստեղծ, այնպես էլ մոլագար են ծնվում. Նրանց մեջ ինչ-որ գեն խախտվում է։ Բայց այն հասարակությունը, որն ավելի բարեկեցիկ է, որտեղ մարդը որքան կայանում է, ինքնասպանության կամ սպանության դիմելու հավանականությունն ավելի քիչ է»:

Խուդոյան էլ ասաց, որ խնդրի շուրջ անելիք ունեն բռնությունների կանխարգելմամբ զբաղվող կազմակերպությունները, մեդիան` որը հսկայական ազդեցություն կարող է թողնել իր հաղորդումներով, քննարկումներով ձևավորելով այն արժեքային համակարգը, որը բացառում է ագրեսիան ու բռնությունը:

Կարինե Խոդիկյանը համոզմունք հայտնեց, որ սոցիալական խնդիրներն են հիմնական դրդապատճառը բռնությունների ու ագրեսիայի: «Մարդը, որը տեսնում է՝ ամբողջ օրն աշխատում է, բայց չի կարողանում ընտանիքը պահել, իսկ այսօրվա դուրսպրծուկները միլիարդներ են շաղ տալիս, դա էլ է ագրեսիա ծնում: Մի անգամ կինը փող կուզի, երկրորդ անգամ…. »:

Մարդկային անզորությունը չարություն է ծնում: Ապահովված ընտանիքներում է հնարավոր սեր ու խնդություն գտնել: Սրանք պարզ ճշմարտություններ են, որոնք մեր  երկրում ռազմավարություն հիմքում պետք է դրվի. Անկարողությունը բերում է հետևանքներ, որոնք սերունդները չեն կարողանալու մարսել:

Խոդիկյանը պատմեց, որ իր հյուրերին Մոսկվա ճանապարհելիս, օդանավակայանում նկատել է եւ խիստ զգացվել, որ մարդիկ Հայաստանից հեռանում են ոչ թե արտասվելով, ինչպես նախկինում էր, այլ չարությամբ ու թշնամանքով. «Գնացողների աչքերի մեջ այնպիսի մի ատելություն  կա։ Բայց ո՞ր մեկն է նստում ու մեկնողների լացը լացում՝ սկսած արտագաղթի դեմն առնող պետական պատկան մարմիններից մինչեւ կուսակցություններ ու հասարակություն»:

Նա համոզված է, որ չունենք այն պետությունը, որը կպաշտպաներ քաղաքացուն.

Երեկ` սեպտեմբերի 11-ի կիրակին Ալավերդի քաղաքում ` կայացած քաղաքապետի արտահերթ ընտրություններին մասնակցել է ընտրողների  24 տոկոսը` 4027 ընտրող:

Ինչպես և սպասվում էր հաղթանակ է տարել Հանրապետական կուսակցության թեկնածու, փոխքաղաքապետ Արտավազդ Վարոսյանը:

Արտավազդ Վարոսյանի օգտին քվեարկել են 3484 ընտրողներ, իսկ մրցակցի` կոմունիստ Կամո Բաբայանի օգտին` 386 ընտրող: Այսինքն` ճիշտ այնքան որ ընտրությունները համարվեն կայացած:

Մենք արդեն գրել ենք, որ հուլիսի 28-ին Ալավերդիի նախկին քաղաքապետ Արթուր Նալբանդյանը նշանակվեց Լոռիի մարզպետ: Նա Ալավերդին ղեկավարում էր 2005 թվականից, և այսօր էլ այս ընտրությամբ պարզ դարձավ, որ շարունակելու է ղեկավարել:

Մոտակա օրերին Հայաստանում օդի ջերմաստիճանը կնվազի 1-ից 3 աստիճանով: Այսօր մայրաքաղաք Երեւանում տեղումներ չեն սպասվում, իսկ երեկոյան ժամերին քամու ուժգնությունը կհասնի վայրկյանում 15 մետրի: Օդի ջերմաստիճանը գիշերը կկազմի 9+11 աստիճան, առավոտյան` +24+26 աստիճան, իսկ երեկոյան` +20+22 աստիճան:

Հայաստանի տարածաքում եղանակը կբունաթագրվի բարձր մթնոլորտային ճնշմամբ: Առանձին վայրերում սպասվում են տեղումներ:

WikiLeaks-ը գաղտնազերծել է ևս մի փաստաթուղթ` Պոլսո պատրիարք Մեսրոպ 2-րդի եւ ԱՄՆ փոխպետքարտուղարի տեղակալ Մեթյու Բրայզայի 2007-ին կայացած հանդիպումը:

Հանդիպումը կայացել է Ստամբուլի «Ակոս» թերթի գլխավոր խմբագիր Հրանտ Դինքի սպանությունից հետո:  Հանդիպման ընթացքում, պատրիարքը ասել է, որ ԱՄՆ Կոնգրեսի կողմից Հայոց ցեղասպանության մասին բանաձեւի ընդունումը կարող է հանգեցնել բռնության ալիքի թուրքահայերի նկատմամբ: Նամակը ԱՄՆ պետքարտուղարություն է ուղարկել Ստամբուլում ԱՄՆ հյուպատոս Դեբորա Ջոնսը (նամակը թվարված է փետրվարի 23 2007 թ):

Պատրիարքը նաեւ նշել է, որ «1915-ի ողբերգությունը պետք է քննարկվի տարբեր հարթություններում` քաղաքական գործիչների, պատմաբանների, դիվանագետների ու սոցիոլոգների կողմից»:

Իր մեկնաբանություններում Դեբորա Ջոնսը նշում է, որ Պոլսո Հայոց պատրիարքը պաշտպանում է իր համայնքի շահերը, ընդգծելով, որ Թուրքիայում ազգային փոքրամասնությունները սկզբում «դե յուրե», իսկ հիմա նաեւ «դե ֆակտո» ստիպված են կրել երկրորդ դասի քաղաքացիներ կոչվելու պիտակը:

Հանգստյան օրերին, ինչպես նաև այս գիշեր հայ-ադրբեջանական սահմանին էական լարվածություն է նկատվել: Հակառակորդը Ղազախի շրջանի տարածքից գնդակոծել է Իջանի Բերքաբեր գյուղի հարակից դիրքերը, Թովուզի շրջանից՝ Բերդի տարածաշրջանի սահմանամերձ բնակավայրերը: Հրադադարի ռեժիմի խախտման դեպքեր են արձանագրվել նաև Ֆիզուլիի և Ջեբրայիլի սահմանային հատվածներում: Մեր բանակային ստորաբաժանումները դիմել են պատասխան գործողությունների: Տուժածների մասին չի հաղորդվում: