ՀՀ ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալությունը այս ամսվա 12-18 ընկած ժամանակահատվածի համար սահմանել է թանկարժեք մետաղների՝ մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման հետևյալ գները` ՀՀ դրամով.

ՈՍԿԻ` գնման գին` 20561.84 (+643.19), բացթողնման գին` 22349.83 (+699.12), ԱՐԾԱԹ` գնման գին` 461.05 (+8.17), բացթողնման գին` 501.14 (+8.88), ՊԼԱՏԻՆ` գնման գին` 20441.77 (+285.83), բացթողնման գին` 22219.32 (+310.69), ՊԱԼԱԴԻՈՒՄ` գնման գին` 8373.62 (-100.96), բացթողնման գին` 9101.76 (-109.74):

«Կարեն Կարապետյանը նպարտակահարմար գտավ իր եռանդն օգտագործել այլ բնագավառում: Ես ցավով եմ դա ասում, քանի որ մենք նրա հետ համերաշխ, արդյունավետ աշխատել ենք և որպես ՀՀ նախագահի աշխատակամի ղեկավար, և ՀՀԿ գործադիր մարմինի անդամ»,- ասաց Ազգային ժողովի նախագահ Հովիկ Աբրահամյանն այսօր լրագրողների հետ ճեպազրույցում:
«Ես կուզեի՝ նա իր ուժերն օգտագործեր քաղաքական դաշտում, բայց ինքը որոշեց իր եռանդը ներդնել տնտեսական դաշտում»,- ասաց Հովիկ Աբրահամյանը։

Հիշեցնենք, որ Կարեն Կարապետյանն օրերս իր դիմումի համաձայն ազատվեց Նախագահի աշխատակազմի ղեկավարի պաշտոնից։

Սեպտեմբերի 12-ին Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության դեսպան Կարինե Ղազինյանն իր հավատարմագրերի պատճենը հանձնեց Միացյալ Թագավորության արտաքին քաղաքական գերատեսչության արարողակարգի ղեկավար Սայմոն Մարտինին:

Հանդիպման ընթացքում քննարկվեցին երկկողմ հարաբերություններին առնչվող մի շարք հարցեր: Երկուստեք կարևորվեց հայ-բրիտանական քաղաքական երկխոսության ակտիվացման անհրաժեշտությունը: Այս մասին հայտնում է ԱԳՆ մամլո ծառայությունը։

Արենիում հայտնաբերվել է աշխարհի հնագույն հագուստներից մեկը՝  շուրջ 5065 (15 տարի շեղում) տարեկան ծղոտե զգեստը:

Առայժմ հայտնաբերվել են կիսաշրջազգեստի մասերը, որոնք հրաշալի են պահպանվել։

Հիշեցնենք, որ նախորդ տարի գիտնականները հաստատել էին, որ 2008  թվականին Արենիի քարանձավներից մեկում հայտնաբերված գտածոն’ աշխարհի հնագույն կոշիկը 5500 տարեկան է: Գիտնականները պնդում են, որ ոտնամանը մեծ է նույնիսկ եգիպտական բուրգերից ու բրիտանական Սթոունհենջից:

Հայաստանի Ազգային ժողովը այսօր սկսեց 4-րդ գումարման 10-րդ նստաշրջանը:

Նստաշրջանի աշխատանքներին մասնակցում է «Ժառանգություն» խորհրդարանական խմբակցությունը, որը փետրվարից մինչեւ գարնանային նստաշրջանի ավարտը չէր մասնակցում խորհրդարանի նիստերին:

«Ժառանգություն» կուսակցությունը այսօր հայտարարություն է տարածել` հայտնելով, որ Ազգային ժողովի նիստերին խմբակցության մասնակցությունը վերսկսելու որոշումը երեկվա համատեղ նիստի ժամանակ կայացրել են կուսակցության վարչությունը եւ խորհրդարանական խմբակցությունը:

«Երեւանում եւ մարզերում երկրի քաղաքացիների հետ «Ժառանգության» եւ նրա առաջնորդ Րաֆֆի Հովհաննիսյանի հանդիպումները վկայում են, որ հասարակության մեջ ամրապնդվել է համակարգային փոփոխություններին միտված ամբողջական իշխանափոխության անհրաժեշտության հստակ պատկերացումը, ինչն այլեւս առոչինչ է դարձրել կոալիցիոն հուշագիրը: Քաղաքացիները […] գտնում են` ժամանակն է, որպեսզի խմբակցությունը վերսկսի աշխատանքը խորհրդարանի լիագումար նիստերում` այդպիսով ապահովելով ժողովրդի ներկայությունը եւ բարձրագույն օրենսդիր մարմնում նրա շահերի պաշտպանությունը», — ասված է, մասնավորապես, հայտարարությունում:

Այսօր` սեպտեմբերի 13-ին, Հայաստանի պետական օրհներգի ներքո մեկնարկեց չորրորդ գումարման Ազգային ժողովի 10-րդ նստաշրջանը: Այս նստաշրջանի աշխատանքներին կմասնակցի նաև ԱԺ «Ժառանգություն» խմբակցությունը:

Հիշեցնենք, որ «Ժառանգություն» խմբակցությունն առկախել էր իր մասնակցությունը խորհրդարանի լիագումար նիստերին, բայց ակտիվորեն մասնակցում էր հանձնաժողովների աշխատանքին:

Այս նստաշրջանի օրակարգի նախագծում ընդգրկվել է 147 հարց: ԱԺ առաջիկա քառօրյա նիստերի օրակարգի նախագծում ընդգրկվել է 92 հարց և միջազգային 21 պայմանագիր:

Այսօր լրագրողների հետ հանդիպման  ժամանակ  Ժիրայր Սեֆիլյանը կարծիք հայտնեց այն մասին,որ Անկախության շրջանում մեր ունեցած կորուստների արդյունքն այսօրվա համատարած անբարօրությունն է, նյութապաշտությունը, անարդարությունը, մարդու արժանապատվության ոտնահարումն ամեն քայլափոխի և մարդկանց այլասերումը: Նա նաև նշեց, որ Երրորդ հանրապետության կորուստները թվարկելու համար ժամանակը չի բավականացնի։

Սեֆիլյանի  համոզմամբ՝ մերօրյա խորհրդանիշը ոսկե հորթն, է և տարեցտարի մեր ժողովրդի մի մասը՝ հիմնականում «քաղաքական էլիտա կոչեցյալը», առավոտից երեկո այդ ոսկե հորթին է երկրպագում: Սեֆիլյանը ավելացրեց, որ Երրորդ հանրապետության վախճանի մասին պետք է մտածել այսօրվանից, որպեսզի այնպես չլինի, որ «համակարգի փլուզումից հայ ժողովուրդը մնա փլատակների տակ»:

««Սարդարապատը» համոզված է, որ երրորդի վախճանն է, և ժողովուրդը հղի է Չորրորդ հանրապետության ծնունդով, ուստի պետք է գործել»,- հայտարարեց նա՝ կարծիք հայտնելով, որ չորրորդ հանրապետության ծնունդը չի լինելու այսօրվա «նյութապաշտական ճահճի» մեջ:

Ինչ վերաբերում է քսանամյա անկախության ձեռքբերումներին, Սեֆիլյանը հայտարարեց. «Դժբախտաբար, ձեռքբերումների շարքի թվարկումը երկար չէ, դրանցից կարևորագույնը երկուսն են, առաջինը՝ որ Երրորդ հանրապետությանը հաջողվեց դառնալ միջազգային իրավունքի սուբյեկտ, և երկրորդ ձեռքբերումը Արցախի հայապահպան հողերի վերադարձն է իր հարազատ տիրոջը»:

Հայաստանի իրավապահները պարզել են կնոջ ինքնությունը, որի մարմինը հայտնաբերվել էր սեպտեմբերի 1-ին Կոտայքի մարզում:

Պարզվել է որ նա Երեւան քաղաքի բնակչուհի, «Մենք մերոնցով» թերթի խմբագիր, 51-ամյա  Ալվարդ Աբրահամյանն է, որը սեպտեմբերի 10-ից որպես անհայտ կորած հետախուզվում է ոստիկանության Նոր Նորքի բաժնի կողմից:

Արդեն տեղեկացվել է, որ Սեպտեմբերի 1-ին, ժամը 10.45-ին Ողջաբերդ գյուղի սկզբնամասում` «Չարենցի կամար» հուշարձանից մոտ  500 մ հեռավորության վրա, ճանապարհի երթևեկելի հատվածից 45 մ հեռու, ձորակում,պարանոցի շրջանում բռնության հետքերով կնոջ դիակ է հայտնաբերվել:

Այս մասին հայտնում  է ոստիկանության մամուլի ծառայությունը:

«Սպարտակ. արյուն եւ ավազ» պատմական սերիալի գլխավոր դերակատար Էնդի Ուիտֆիլդը մահացել է: Դերասանը արյան քաղցկեղ ուներ:Հենց հիվանդության պատճառով էլ թողել էր նկարահանումները: Էդիին երկարատև բուժումները օգուտ չտվեցին, և նա մահացավ 39 տարեկան հասակում: