Ռուսաստանի ֆինանսների նախարար Ալեքսեյ Կուդրինի պաշտոնանկությունից հետո, Սպիտակ տանը չեն բացառում, որ կառավարության այլ անդամներ ևս ստիպված կլինեն աշխատանքի այլ վայր փնտրել։

Rbcdaily–ի կառավարական աղբյուրները հայտնել են, որ առավել հավանական թեկնածուներ են այն նախարարները, որոնց դիրքերը թույլ են Պուտինի ներկա կառավարությունում։ Դրանք են գյուղատնտեսության նախարար Ելենա Սկռիննիկը, կրթության նախարար Անդրեյ Ֆուրսենկոն, արդյունաբերության ու առևտրի նախարար Վիկտոր Խրիստենկոն ու առաջին փոխվարչապետ Վիկտոր Զուբկովը։ Անհայտ է նաև ներքին գործերի նախարար Ռաշիդ Նուրգալիևի ապագան, մանավանդ, որ այս նախարարության բարեփոխումները նախաձեռնել է անձամբ նախագահ Մեդվեդևը։

Աղբյուրը շեշտել է, որ ներկա կառավարությունում անփոխարինելիներ չկան և «հազիվ թե Պուտինը պատրաստ չի զոհաբերել ինչ–որ անձանց»։

«Հարցն այստեղ ավելի շուտ վերաբերում է փոխադարձ ընդունելի թեկնածությունների ընտրությունն է, որոնք ընդունելի կլինեն ազդեցությունների բոլոր խմբերի համար», – ընդգծել է աղբյուրը։

Զուգահեռ, արդեն կանխատեսումներ են արվում ֆինանսների նախարարի թեկնածություն շուրջ։ Ամենահավանակը համարվում է նախագահ Մեդվեդևի տնտեսական գծով խորհրդատու Արկադի Դվորկովիչի թեկնածությունը, ով իրեն համարում է Կուդրինի աշակերտը։ Սակայն, նշվում է, որ վերջնական ընտրությունն անելու է Վլադիմիր Պուտինը, որի համար շատ կարևոր է Կուդրինի դիրքորոշումը, ով լուրջ հակասություններ ունի Դվորկովիչի հետ։

Սեպտեմբերի 26-ին Տավուշի մարզի Հաղթանակ գյուղում այրվել են դեղձենու այգիներ:
Դեպքի վայր է մեկնել մեկ փրկարարների մարտական հաշվարկ: Տեղում պարզվել է, որ այրվում է խոտածածկ տարածք: Հրդեհը մեկուսացվել է ու մարվել: Այրվել է 15 հա խոտածածկ տարածք:

Նույն օրը խոտածածկ տարածքներ են այրվել նաև Կոտայքի մարզի Զովունի գյուղի հարակից տարածքում (Հրազդանի կիրճում)`2000քմ, Գեղադիր գյուղում` 2000քմ, Արագածոտնի մարզում` Աշտարակ-Փարպի ավտոճանապարհի 3-րդ կմ-ի հարակից հանդամասում `4 հա, Երևան քաղաքի Ավան վարչական շրջանի Քուչակ թաղամասի թիվ 23 շենքի մոտակայքում`3000քմ, Ձորափի փողոցի թիվ 52/2 տան մոտակայքում`2500քմ:

ՀՀ արտակարգ իրավիճակների նախարարության լրատվական ծառայությունը փոխանցում է, որ բոլոր հրդեհները մեկուսացվել և մարվել են հրշեջ-փրկարարների կողմից:

Նույն օրը՝ Շիրակի մարզի Ախուրյան գյուղի երկաթգծի կայարանում այրվել է վագոն:
Դեպքի վայր է մեկնած փրկարարական մարտական հաշվարկը տեղում պարզել է, որ Ախուրյանի խճուղում` «Մետեքս» ՍՊԸ տարածքում պարզապես այրում են ապամոնտաժված մարդատար վագոն:

Նույն օրը` Երևանի Տիգրան Մեծ փողոցի թիվ 46 շենքի մոտքում ծխապատ գոտի է նկատվել:
Դեպքի վայր է մեկնել մեկ ԱԻՆ մարտական հաշվարկ, ապա փրկարարական ուժերի վարչության օպերատիվ խումբը:

Տեղում պարզվել է, որ հրդեհը բռնկվել է թիվ 37 բնակարում:
Հրդեհը մեկուսացվել է եւ մարվել:

Հրդեհի հետևանքով 1935 թվականին ծնված Մ.Եղիազարյանը ծխահարվել է: Նրան շտապօգնության աշխատակիցները տեղում ցուցաբերել են բուժ.օգնություն և չեն հոսպիտալացրել:

Նույն օրը` Երևանի «Աէրացիա» թիվ 1 հասցեում գտնվող «Կարտոն-Տատրա» ՍՊԸ-ում ստվարաթուղթ է այրվում: Դեպքի վայր է մեկնել մեկ մարտական հաշվարկ: Տեղում պարզվել է, որ պահեստում այրվել է «ԶԻԼ» մակնիշի 995 LU 61 պետհամարանիշով ավտոմեքենայի շարժիչի տեղամասը, որից բռնկվել են նաև կողքին կուտակած ստվարաթղթերը: Ավտոմեքենան մարվել է տեղի ուժերով: Իսկ ահա 50 քմ մակերեսով ստցվարաթուղթն ամբողջությամբ այրվել է։
Նույն օրը` Արարատի մարզի Մխչյան գյուղում` ավտոսերվիսի մոտակայքում, այրվել է խոտածածկ տարածք: Դեպքի վայր է մեկնել մեկ մարտական հաշվարկ: Տեղում պարզվել է, որ հրդեհը բռնկվել է Մրգավետ գյուղի Երևանյան խճուղու թիվ 15 տան բակում: Հրդեհը մեկուսացվել է եւ մարվել:
Ի.Նուրիջյանին պատկանող տան բակում այրվել է պահեստավորված 500 հակ անասնակեր:

Բրազիլիայի Սան Պաուլու քաղաքում մեկնարկած շախմատի Մեծ սաղավարտ շարքի եզրափակիչ մրցաշարում հաղթանակով մեկնարկեց Լեւոն Արոնյանը: Հայկական շախմատի առաջատարը սպիտակներով հաղթեց իսպանացի Ֆրանսիսկո Վալյեխոյին եւ երեք միավորով միանձնյա գլխավորեց մրցաշարային աղյուսակը: Մյուս երկու պարտիաներում գրանցվեց ոչ ոքի: Խաղում էին Հիկարու Նակամուրան ու Վասիլի Իվանչուկն ու Վիշվանաթան Անանդն ու Մագնուս Կարլսենը: Երկրորդ տուրում Արոնյանը սեւերով կմրցի Կարլսենի հետ:

Աշխատանքային այցով Գերմանիայում գտնվող Ազգային ժողովի նախագահ Հովիկ Աբրահամյանի գլխավորած պատվիրակությունը, սեպտեմբերի 26-ին, Պոտսդամում այցելել է Յոհաննես Լեփսիուսի տուն-թանգարան:

Հովիկ Աբրահամյանը շրջել է Լեփսիուսի տուն-թանգարանում,  հանդիպում ունեցել թանգարանի գիտաշխատակազմի հետ: Տուն-թանգարանի տնօրեն, «Յոհաննես Լեփսիուս» հասարակական կազմակերպության խորհրդի նախագահ Հանց-Ուլրիխ Շուլցը մանրամասն ներկայացրել է Լեփսիուսի կյանքն ու գործունեությունը:Նշենք, որ գերմանացի հասարակական գործիչ, հոգեւորական, արեւելագետ Յոհաննես Լեփսիուսը երկար տարիներ զբաղվել է Հայկական հարցով: Նա դատապարտել է թուրքական իշխանությունների` հայերի բնաջնջմանն ուղղված գործողությունները եւ իր երկրի կառավարությունից պահանջել ջանքեր գործադրել դադարեցնել հայերի կոտորածները: Պարոն Շուլցը ԱԺ նախագահին նվիրեց Լեփսիուսի «Հայ ժողովրդի վիճակը Թուրքիայում» աշխատությունը:

Դիմելով ներկաներին` Հայաստանի խորհրդարանի ղեկավարը նշել է, որ հայ ժողովուրդը երախտագիտությամբ է հիշում Լեփսիուսին, քանի որ նա առաջինն էր, որ իր աշխատություններում եւ հոդվածներում բարձրաձայնեց Օսմանյան Թուրքիայում հայերի նկատմամբ պետական մակարդակով իրագործվող մասսայական բնաջնջումը եւ սպանդը: Հովիկ Աբրահամյանը հույս հայտնեց, որ 20-րդ դարի սկզբին տեղի ունեցած առաջին ցեղասպանությունը արժանանալու է համընդհանուր ճանաչման ու դատապարտման: «Յոհաննես Լեփսիուսը միայնակ դուրս եկավ պայքարի հանուն հայ ժողովրդի եւ փորձեց անել  հնարավորը հայերի ջարդերը կասեցնելու համար: Պայքարեց բռնության ու անարդարության, վայրագությունների եւ դաժանության դեմ` հետագայում իր կյանքը նվիրելով աշխարհասփյուռ հայերի ճակատագրի բարելավմանն ուղղված բարեգործությանը: Ահա թե ինչու այս թանգարանի, ես կասեի Հիշատակի տան նշանակությունը անցնում է ոչ միայն Բրանդենբուրգ երկրամասի, այլ նաեւ Գերմանիայի սահմաններից:  Դոկտոր Լեփսիուսի կյանքը մենք հիրավի դիտում ենք որպես ժամանակաշրջանի հայ ժողովրդի պատմության մաս»,-նշել է Հովիկ Աբրահամյանը:

ԱԺ նախագահի խոսքով` պատմական արդարության վերականգնումը Հայաստանի Հանրապետությունը կարեւորում է նաեւ երկու հարեւան երկրների միջեւ եւ տարածաշրջանում փոխադարձ վստահության մթնոլորտի բարելավման համատեքստում: «Թուրքիան պետք է հետեւի Գերմանիայի օրինակին, որ ճանաչեց Հոլոքոստը որպես պատմական իրողություն, եւ ճանաչի Հայոց ցեղասպանությունը»,- ասել է ԱԺ նախագահը: Հովիկ Աբրահամյանը նշել է, որ ՀՀ նախագահ Սերժ Սարգսյանի նախաձեռնությամբ փորձ է կատարվել բարելավել հարաբերությունները Հայաստանի եւ Թուրքիայի միջեւ: Բարելավել առանց նախապայմանների:

Միջազգային բարձր միջնորդությամբ Ցյուրիխում ստորագրվել են սահմանների բացման եւ դիվանագիտական հարաբերությունների հաստատման վերաբերյալ արձանագրություններ: «Ցավոք, Թուրքիան պատրաստ չէր, եւ այսօր էլ պատրաստ չի իր տրամաբանական ավարտին հասցնել սկսած գործընթացը` արձանագրությունները ստորագրելուց անմիջապես հետո առաջ քաշելով նախապայմաններ, ինչը բացարձակապես  անընդունելի է հայկական կողմի համար: Միեւնույն ժամանակ հարկ եմ համարում նշել, որ Թուրքիայի հետ հարաբերությունների բարելավման ձգտումով Հայաստանը երբեք կասկածի տակ չի դրել Հայոց ցեղասպանությունը  եւ հայրենազրկման իրողությունը: Միջազգային հանրությանը հայտնի է, որ Հայաստանը մշտապես հանդես է եկել կառուցողական նախաձեռնություններով»,- նշել է Հովիկ Աբրահամյանը:

Հանդիպման վերջում ԱԺ նախագահը գրառում կատարեց պատվավոր հյուրերի գրքում:ԱԺ նախագահի գլխավորած պատվիրակությունը Պոտսդամում այցելեց «Սեսիլ հոֆ», որտեղ 1945 թ. տեղի է  ունեցել Պոտսդամի հայտնի  կոնֆերանսը:

Սեպտեմբերի 27-ին նախատեսվում է ՀՀ ԱԺ նախագահ Հովիկ Աբրահամյանի հանդիպումը  ԳԴՀ Բունդեսթագի նախագահ Նորբերտ Լամմերթի հետ, իսկ երեկոյան Հայաստանի խորհրդարանական պատվիրակությունը կմասնակցի Բեռլինի մեծ համերգասրահում  կայանալիք Հայաստանի Հանրապետության անկախության 20-ամյակին նվիրված տոնական համերգին  եւ պաշտոնական ընդունելությանը:

Սեպտեմբերի 27-ին գիշերը ժամը 02:10-ին վերականգնվել է բնական գազի մատակարարումը Հայաստան: Գազի մատակարարումը դադարեցվել էր սեպտեմբերի 22-ին` կապված Վրաստանի տարածքում «Սագուրամո-Կրասնի մոստ» մայրուղային գազատարի 1000 մմ տրամագծով նոր հատվածի միացման աշխատանքների հետ:

ՀՀ ոստիկանության Տավուշի մարզային վարչության Դիլիջանի բաժնում հաղորդում է ստացվել ընտանիքի` թվով երեք անդամների կողմից ինքնասպանություն գործելու մասին: Այս մասին տեղեկանում ենք Գլխավոր դատախազության կայքից։

Մասնավորապես` 2011թ. սեպտեմբերի 25-ին` ժամը 00:10-ին, Դիլիջան քաղաքի շտապ օգնության կայանից ոստիկանության Դիլիջանի բաժին հաղորդում է ստացվել` ընտանիքի երեք անդամների կողմից ինքնասպանության և ինքնասպանության փորձ կատարելու մասին: Դեպքի վայր մեկնած ոստիկանության` Դիլիջանի բաժնի աշխատակիցները հայտնաբերել են, որ Դիլիջան քաղաքի բնակչուհի, երկու երեխաների մայր Գայանե Մնացականյանն իր տան միջանցքում պարանով կախվելու միջոցով ինքնասպանություն է գործել:

Միաժամանակ ինքնասպանության փորձ են կատարել նաև վերջինիս 23-ամյա դուստրը` Մ. Մարտիրոսյանը, և 25-ամյա որդին` Է. Մարտիրոսյանը: Մասնավորապես` վերջիններս ինքնասպանության փորձն իրականացրել են` նախաբազուկների միջային երեսներին բազմաթիվ կտրվածքներ հասցնելով: Մ. և Է. Մարտիրոսյանները տեղափոխվել են «Դիլիջան» Բ/Կ: Այս պահին նրանց կյանքին վտանգ չի սպառնում:

Գ. Մնացականյանի դիակի արտաքին զննությամբ բռնության հետքեր չեն հայտնաբերվել: Դեպքի վայրի զննությամբ նրանց սեփական տան սենյակներում հայտնաբերվել են Քրիստոսի` գետին նետված և ջարդված նկարներ:

Դեպքի առթիվ ՀՀ ոստիկանության Տավուշի մարզային վարչության Դիլիջանի բաժնում հարուցվել է քրեական գործ` ՀՀ քրեական օրենսգրքի 110-րդ հոդվածի 1-ի մասով: Կատարվում է նախաքննություն` պատճառները պարզելու համար:

Ռուսաստանի նախագահ Դմիտրի Մեդվեդեւը հրամանագիր է ստորագրել փոխվարչապետ, ֆինանսների նախարար Ալեքսեյ աշխատանքից ազատելու մասին, հաղորդում է Ռուսաստանի նախագահի մամուլի քարտուղար Նատալյա Տիմակովան:

Նրա խոսքով, Մեդվեդեւը Կուդրինին պաշտոնանկ է արել կառավարության ղեկավար Վլադիմիր Պուտինի առաջարկով:

Նախագահն արձագանքել է Կուդրինի այն խոսքերին, թե իրեն չի տեսնում ապագա կառավարությունում, եթե այն գլխավորի Մեդվեդեւը:

«ՌԻԱ Նովոստի» գործակալությունը հաղորդում է, որ ՌԴ դատախազությունը Ռոստովի դատարան է ուղարկել ամենաերիտասարդ «օրենքով գողի`» 1986 թվականին ծնված Սերգեյ Ասատրյանի գործը: Նա հանցագործ աշխարհում հայտնի է «Օսետրինա» եւ մականուններով: Կասկածյալին սպառնում է միչեւ 12 տարվա ազատազրկում:

Սերգեյի հայրը` Էդուարդ Ասատրյանը, որը հայտնի է հանցագործ օղակներում «Էդիկ Թբիլիսկի» մականունով, ևս  «օրենքով գող» է և «Դեդ Հասանի» հավատարիմ անձանցից:

Վրաստանի բնակիչը, հանցագործ կլանի առաջնորդը ձերբակալվել է Մոսկվայում հուլիսի 23-ին: Օպերատիվ տվյալներով, Ասատրյանը ծեծել է դատապարտյալի, կասկածելով,  որը պատիժը կրելով Ռոստովի շրջանի ուղղիչ տանը, նա տեղեկություններ է տարածել Ասատրյանի շրջապատի մասին:

Նրա դեմ քրեական գործ է հարուցվել ՔՕ 30-րդ` կանխամտածված կերպով առողջությանը ծանր վնասվածք հասցնելու հոդվածով:

Թուրքական «Միլլիյեթ» օրաթերթը զուգահեռներ է անցկացրել` անդրադառնալով Ռուսաստանի վերջին ներքաղաքական զարգացումներին: Ըստ պարբերականի,  Թուրքիայի նախագահ Աբդուլլահ Գյուլն ու վարչապետ Ռեջեփ Թայիփ Էրդողանը հաջորդ նախագահական ընտություններին, կվարվեն այնպես, ինչպես ՌԴ նախագահ Դմիտրի Մեդվեդևն ու վարչապետ Վլադիմիր Պուտինը։  Ասել է թե` 2015թվականին ամենահավանական վարկածը այն է, ինչ այսօր տեղի է ունենում Ռուսաստանում. Էրդողանն ու Գյուլը կփոխեն տեղերը :

«Աբդուլլահ Գյուլի պաշտոնավարման ժամկետը լրանում է 2014թ., և գաղտնիք չէ, որ Էրդողանը ցանկանում է ժողովրդի քվեով ընտրված առաջին նախագահը դառնալ։ Դրա համար Էրդողանը պետք է 1 տարի առաջ վայր դնի մանդատը, որից հետո կկարողանա առաջադրել իր թեկնածությունը նախագահական ընտրություններում։ Եվ մինչև 2015թ. Թուրքիան կմնա առանց վարչապետ։ Այդ ընթացքում սպասվում է, որ իշխող կուսակցությունը կգլխավորի արտգործնախարար Ահմեթ Դավութօղլուն»,– գրում է թուրքական պարբերականը:

ՀՀ ոստիկանության Տավուշի մարզային վարչության Դիլիջանի բաժնում հաղորդում է ստացվել` ընտանիքի` թվով երեք անդամների կողմից ինքնասպանություն գործելու փաստի մասին:

Հայաստանի գլխավոր դատախազության մամուլի ծառայությունից հայտնում են, որ սեպտեմբերի 25-ին` ժամը 00:10-ին, Դիլիջան քաղաքի շտապ օգնության կայանից ոստիկանության Դիլիջանի բաժին հաղորդում է ստացվել` ընտանիքի երեք անդամների կողմից ինքնասպանության եւ ինքնասպանության փորձ կատարելու մասին: Դեպքի վայր մեկնած ոստիկանության` Դիլիջանի բաժնի աշխատակիցները հայտնաբերել են, որ Դիլիջան քաղաքի բնակչուհի, երկու երեխաների մայր Գայանե Մնացականյանն իր տան միջանցքում պարանով կախվելու միջոցով ինքնասպանություն է գործել:

Միաժամանակ ինքնասպանության փորձ են կատարել նաեւ վերջինիս 23-ամյա դուստրը` Մ. Մարտիրոսյանը,  եւ 25-ամյա որդին` Է. Մարտիրոսյանը:  Մասնավորապես` վերջիններս ինքնասպանության փորձն իրականացրել են`   նախաբազուկների միջային երեսներին բազմաթիվ կտրվածքներ հասցնելով: Մ. եւ Է. Մարտիրոսյանները տեղափոխվել են «Դիլիջան» Բ/Կ: Այս պահին նրանց կյանքին վտանգ չի սպառնում:

Գ. Մնացականյանի դիակի արտաքին զննությամբ բռնության հետքեր չեն հայտնաբերվել: Դեպքի վայրի զննությամբ նրանց սեփական տան սենյակներում հայտնաբերվել են Քրիստոսի` գետին նետված եւ ջարդված նկարներ:

Դեպքի առթիվ ՀՀ ոստիկանության Տավուշի մարզային վարչության Դիլիջանի բաժնում հարուցվել է քրեական գործ` ՀՀ քրեական օրենսգրքի 110-րդ հոդվածի 1-ի մասով: Կատարվում է նախաքննություն` պատճառները պարզելու համար: