Տեղեկություններ կան երեկ` հոկտեմբերի 2-ի երեկոյան, ժամը 19.00-ի սահմաններում Տավուշի մարզի Վանաձոր-Բագրատաշեն ճանապարհին տեղի ունեցած սողանքի հետեւանքով անհայտ կորած մարդկանց մասին: Այդ մասին հայտնում տեղեկացնում են Արտակարգ իրավիճակների նախարարության մամուլի ծառայությունից:

Նրանք են`

1. Արմեն Սորսումատյան (1973 թ. ծնված, Երեւանի բնակիչ)

2. Մեխակ Սորսումատյան (1964 թ. ծնված, Երեւանի բնակիչ)

3. Նորիկ Միրզոյան (1939 թ. ծնված, Լճկաձոր գյուղի բնակիչ)

4. Արթուր Գուգենի Հակոբյան (1992 թ. ծնված, Վրաստանի քաղաքացի)

5. Գուրգեն Մովսեսի Հակոբյան (1949 թ. ծնված, Վրաստանի քաղաքացի)

6. Գենա Սուրմանիձե (1961 թ. ծնված, Վրաստանի քաղաքացի)

7. Նուքրի Սուրմանիձե (1981 թ. ծնված, Վրաստանի քաղաքացի)Դեպքի վայրում որոնողական աշխատանքները շարունակվում են:

ԱԻՆ ճգնաժամային կառավարման կենտրոնում գործում է թեժ գիծ՝ 010-52-96-90 , 010-36-02-97 , 060 44 02 38 հեռախոսահամարներով:

Քիչ առաջ տեղեկություններ   եղան  Վանաձոր-Բագրատաշեն ճանապարհին տեղի ունեցած սողանքի հետևանքով անհայտ կորած մարդկանց մասին:

ԱԻՆ մամուլի ծառայությունից հայտնում են,որ  նախկինում անհայտ կորածների ցուցակում նշված 49-ամյա Մամիկոն Գասպարյանը, 27-ամյա Ալեքսանդր Բաղդասարովը, 25-ամյա Տիգրան Մեջինյանը, Գյումրիի բնակիչ, 36-ամյա Վարդան Կարապետյանը, Գյումրիի բնակիչ, 41-ամյա Արտակը կապի են դուրս եկել իրենց հարազատների հետ եւ ասել, որ սողանքի պահին դեպքի վայրում չեն եղել:

Տավուշի մարզում տեղի ունեցած սողանքային գոտում ամբողջ գիշեր շարունակվել են որոնողա-փրկարարական աշխատանքները:

Արտակարգ իրավիճակների նախարարության մամուլի ծառայությունից հայտնում են, որհոկտեմբերի 4-ի, առավոտյան ժամը 08:20-ի դրությամբ անհայտ կորածների ցուցակում փոփոխություններ չկան:

Հայաստանի ազգային հավաքականի մարզչական շտաբը` Վարդան Մինասյանի գլխավորությամբ հրապարակեց թիմի կազմը, որը կնախապատրաստվի 2012թ. Եվրոպայի առաջնության ընտրական հանդիպումներին ՆՀՀ Մակեդոնիայի (հոկտեմբերի 7-ին) և Իռլանդիայի (հոկտեմբերի 11-ին) թիմերի հետ:
Ազգային ընտրանին հոկտեմբերի 3-ից 10-ը ուսումնամարզական հավաք կանցկացնի Ֆուտբոլի ակադեմիայում:

Ներկայացնում ենք Հայաստանի ազգային հավաքականի կազմը.

Դարպասապահներ`

Ռոման Բերեզովսկի, «Խիմկի» Ռուսաստան
Գևորգ Կասպարով, «Միկա»

Պաշտպաններ`

Սարգիս Հովսեփյան, «Փյունիկ»
Հրայր Մկոյան, «Միկա»
Ռոբերտ Արզումանյան, «Յագելոնիա», Լեհաստան
Վալերի Ալեքսանյան, «Սանատ Նաֆթ», Իրան
Լևոն Հայրապետյան, «Լեխիա», Լեհաստան
Արտակ Եդիգարյան, «Փյունիկ»
Արթուր Յուսպաշյան, «Փյունիկ»
Վարազդատ Հարոյան, «Փյունիկ»

Կիսապաշտպաններ`

Արթուր Եդիգարյան, «Բանանց»
Հենրիխ Մխիթարյան, «Շախտյոր», Ուկրաինա
Կառլեն Մկրտչյան, «Մետալուրգ» Դ. Ուկրաինա
Էդգար Մալաքյան, «Փյունիկ»
Արազ Օզբիլիս, «Այաքս», Հոլանդիա
Զավեն Բադոյան, «Իմպուլս»

Հարձակվողներ`

Գևորգ Ղազարյան, «Մետալուրգ» Դ. Ուկրաինա
Մարկոս Պիզելլի, «Մետալուրգ» Դ. Ուկրաինա
Էդգար Մանուչարյան, «Ուրալ», Ռուսաստան
Յուրա Մովսիսյան, «Կրասնոդար», Ռուսաստան
Արթուր Սարկիսով, «Շիննիկ», Ռուսաստան

Կոշտուկները մաշկի վերին շերտի`էպիդերմիսի հաստացած հատվածներն են, որոնք սեղմելիս խիստ ցավոտ են: Կոշտուկի առաջացման հիմնական պատճառնը ոչ համապատասխան կոշիկն է: Եթե դուք կրում եք ոչ հարմար կոշիկ, ապա համարեք, որ դառնում եք կոշտուկի պոտենցիալ կրող: Եթե կոշիկը փոքր է, ապա ոտնաթաթի մաշկը ենթարկվում է չափից դուրս ճնշման և հակառակը, եթե կոշիկը մեծ է, ապա մաշկը հարվում է: Այնպես որ, կոշիկ ընտրելիս աշխատեք, որ այն ճիշտ ձեր ոտքով լինի:

Կոշտուկների առաջացման պատճառ կարող են լինել նաև բարձր կրունկները, քանի որ ոտնաթաթի վրա ծանրաբեռնվածությունն ընկնում է ոչ համաչափ: Հիշեք, որ 5 սմ բարձրությամբ կրունկը մեծացնում է ծանրաբեռնվածությունը ոտնաթաթի վրա 2 անգամ: Իսկ ավելի բարձրակրունկ կոշիկները ոչ միայն առաջացնում են ոտնաթաթի ձևափոխում, այլև կոշտուկներ: Մեծ ծանրաբեռնվածության ժամանակ մաշկի բջիջները սեղմվում են և կոշտանում, արդյունքում ստանում ենք կոշտուկ, որի ներսում գտնվում է ձագարաձև արմատ, ինչն էլ սեղմում է նյարդարմատների վրա` առաջացնելով ցավ:

Հոկտեմբերի 2-ին` ժամը 01.45-ին, հիվանդանոցից ոստիկանության Մարտունու բաժնում հաղորդում է ստացվել, որ շմոլ գազից թունավորված վիճակում իրենց մոտ է տեղափոխվել հինգ մարդ, մահացած` 52-ամյա Զինարիկ Արշակյանը: Ոստիկանությունից հայտնում են, որ հոկտեմբերի 1-ին` ժամը 23.55-ի սահմաններում, նշված անձինք թունավորվել են Լիճք գյուղի անասնապահական համալիրի անասնապահների համար նախատեսված սենյակում էլեկտրական հոսանք արտադրող գեներատորից շմոլ գազի արտահոսքի հետևանքով: Հանգամանքները պարզվում են: Կատարվում է նախաքննություն:

Այսօր` լրագրողների հետ հանդիպման ժամանակ,«Ժառանգություն» կուսակցության փոխնախագահ Ռուբեն Հակոբյանը հայտարարեց. «Այսօր ՀԱԿ-ը անհասկանալի որոշումներ ընդունելու գործում ոնց որ մոնստր լինի։ Այդպես չեն որոշումներ ընդունում ու առաջարկություններ անում»:

Ըստ նրա` այդպես չեն համագործակցում, ոչ մի իրեն հարգող քաղաքական ուժ չի միավորվի ՀԱԿ-ի շուրջ այնպիսի հայտարարության պարագայում, թե «թող մեզ միանան այն ուժերը, որոնք անգամ մեզ չեն համակրում»:
Նա համոզված է, որ արտահերթ ընտրություններով միայն կբավարարվի ՀԱԿ-ի քաղաքական ամբիցիաները, իսկ ժողովուրդը դրանից ոչինչ չի շահի. «Լևոն Տեր-Պետրոսյանն ամեն ինչ արեց, որ իր դեմ թշնամաբար տրամադրի ընդդիմության մնացած քաղաքական ուժերին. դա նրա մարդկային տեսակն է,- ավելացրեց Հակոբյանը,- ընդդիմությունը դեռ կարող է միավորվել, քանի որ երբեք չի կարելի ասել` երբեք»:

Հոկտեմբերի 2-ին, Տավուշի մարզի Այրում կայարանի տարածքում տեղի ունեցած սողանքի հետեւանքով «Ալավերդիի բժշկական կենտրոն» ՓԲԸ-ի շտապ օգնության մեքենայով բժշկական կենտրոն է տեղափոխվել յոթ քաղաքացի, որոնց մոտ եղել են գանգի վնասվածքներ` առանց գանգոսկրի կոտրվածքների, կրծքավանդակի սալջարդ` առանց ներքին օրգանների վնասվածքների, նախաբազկի եւ սրունքի ոսկրների կոտրվածքներ:

Ինչպես  հայտնում  են  Առողջապահության նախարարությունում, տուժածները տեղում ստացել են համապատասխան բուժօգնություն եւ հարազատների պահանջով տեղափոխվել են մայրաքաղաք: Մեկ տուժած տեղափոխվել է Նոյեմբերյանի բժշկական կենտրոն` աջ սրունքի դրսային պճեղի փակ կոտրվածքով, առանց տեղաշարժի, վեգոսկրի դրսային եզրի բեկորային կոտրվածքով, տեղաշարժով: Կատարվել է գիպսային անշարժացում, ցավազրկում, եւ հիվանդը դուրս է գրվել հիվանդանոցից: Ընդհանուր առմամբ, տուժածների վիճակը գնահատվում է միջին ծանրության: Բոլորը Երեւանի բնակիչներ են:

Հոկտեմբերի 2-ին, ժամը 21.20-ի սահմաններում, «ՎԱԶ-2103» մակնիշի ավտոմեքենան Գետափ-Մարտունի ճանապարհի 2-րդ կմ-ին դուրս է եկել ճանապարհի հանդիպակաց երթևեկելի գոտի և բախվել «Ֆորդ Տրանզիտ» մակնիշի ավտոմեքենայի:

Հոկտեմբերի 2-ին, ժամը 12.40-ին, հիվանդանոցից ոստիկանության  Մասիսի բաժնում հաղորդում է ստացվել, որ մարմնական վնասվածքով իրենց մոտ բուժօգնության է տեղափոխվել 39-ամյա մի կին: