Տավուշի մարզում տեղի ունեցած սողանքի գոտում այսօր` ժամը 09.30-ին սահմաններում, փրկարարները հողազանգվածից դուրս են բերել դի: Սողանքի գոտում հայտնաբերված դիակի ինքնությունը պարզվել է. փրկարարները հողաշերտից դուրս են բերել անհետ կորածների ցուցակում նշվող Լճկաձոր գյուղի բնակիչ, 72-ամյա Նորիկ Միրզոյանի դին:

Ինչպես  հայտնեցին Արտակարգ իրավիճակների նախարարության մամուլի ծառայությունում, այս պահին որոնողափրկարարկան աշխատանքները շարունակվում են:

Նշենք, որ  հոկտեմբերի 10-ին, ժամը 10.28-ին, հողազանգվածից դուրս են բերել անհետ կորածների ցուցակում նշվող Երեւանի բնակիչներ, Սորսումատյան եղբայրների` «Մերսեդես C 220» մակնիշի 27 ՕՍ 939 համարանիշի սեւ մարդատար ավտոմեքենան, որում հայտնաբերվել են 38-ամյա Արմեն եւ 47-ամյա Մեխակ Սորսումատյան եղբայրների դիերը:

Հիշեցնենք, որ հոկտեմբերի 2-ին, ժամը 19.03-ին M6 միջպետական մայրուղու 83-րդ կիլոմետրում Վանաձոր-Բագրատաշեն հատվածում` Այրում երկաթուղային կայարանի կամրջի մոտ (Լճկաձոր գյուղի հատվածում) տեղի է ունեցել սողանք: Փլուզված հատվածի (ճանապարհի եզրով) երկարությունը մոտ 300 մետր է, որից առավել վտանգավոր է 130 մետրը, իսկ ճանապարհին սահած հողազանգվածի միջին բարձրությունը 10-15 մետր է:

ՀՀ արտակարգ իրավիճակների նախարարության անունից հայտնում ենք մեր խորին ցավակցությունը զոհվածի հարազատներին:

Հ.Գ. Այս պահին անհայտ կորածների ցուցակում կա ևս 2 անուն` Արթուր Գուրգենի Հակոբյան (1992 թ. ծնված, Վրաստանի քաղաքացի),Գուրգեն Մովսեսի Հակոբյան (1949 թ. ծնված, Վրաստանի քաղաքացի): Որոնողական — փրկարարական աշխատանքները շարունակվում են:

Բիլբաոյում ավարտին մոտեցող շախմատի Մեծ սաղավարտի եզրափակիչ մրցաշարի նախավերջին տուրում Լեւոն Արոնյանը սպիտակներով պարտության մատնեց աշխարհի չեմպիոն Վիշվանաթան Անանդին: Վալյեխոն հաղթեց Ն

ԱՄՆ դոլարը

Այսօր` ամերիկյան դոլարի միջին փոխարժեքը «ՆԱՍԴԱՔՕԷՄԷՔՍ Արմենիա» բորսայում կրկին հատեց 377-ի սահմանը: Վերջին անգամ դոլարը 377 դրամից ավելի թանկ է եղել հունիսի 26-ին:

Այսօր բորսայական գործարքների միջին փոխարժեքը կազմել է 377 դրամ: Ընդհանուր առմամբ կայացել է 1.8 մլն դոլարի առուվաճառք:

Կանխիկ արտարժույթի շուկայում դոլարի առքի փոխարժեքը հասել է 376-ի: Վաճառքը սկսում է 378 դրամից:

Ոսկին

Հայաստանի ֆինանսների նախարարության «Թանկարժեք մետաղների եւ թանկարժեք քարերի պետական գանձարան» գործակալության կողմից հոկտեմբերի 10-16-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման եւ բացթողնման հետևյալ գները` արտահայտված ՀՀ դրամով.

ՈՍԿԻ` գնման գին` 18227.76 (+264.59), բացթողնման  գին` 19812.78 (+287.60),

ԱՐԾԱԹ` գնման գին` 341.98 (+4.49), բացթողնման գին` 371.72 (+4.88),

ՊԼԱՏԻՆ`  գնման գին`  16554.07  (-502.04), բացթողնման գին`  17993.55 (-545.70),

ՊԱԼԱԴԻՈՒՄ` գնման գին` 6522.24 (-456.97), բացթողնման գին` 7089.39 (-496.71):

Ոստիկանությունը հաղորդում է որ Հոկտեմբերի 8-ին, ժամը 00.35-ին, ոստիկանության Աշտարակի բաժնում ահազանգ է ստացվել, որ Աշտարակ քաղաքի Ներսես Աշտարակեցու փողոցի բնակարաններից մեկում վիճաբանություն է տեղի ունենում:

Նույն օրը, ժամը 01.05-ին, գլխի վնասվածքով հիվանդանոց է տեղափոխվել 26-ամյա Քաթրինե Հ.-ն:

Դեպքի վայր մեկնած օպերատիվ խումբը բնակարանի լոգարանում հայտնաբերել է 27-ամյա Արթուր Դովլաթյանի դիակը` ծակած կտրած վնասվածքների հետքերով:

Նույն բնակարանի բնակիչ, 28-ամյա Աշոտ Ս.-ն հայտարարել է, որ ինքն է Ա.Դովլաթյանին դանակով հարվածել և պատճառել մահ, իսկ կնոջը հարվածել է ատրճանակի կոթով:

Այսինքն`Աշոտ Սոխլաքյանցը գիշերը վերադառնալով իր տանը տեսել է կնոջը` սիրեկանի`Արթուրի հետ: Նա ծեծի է ենթարկել կնոջը, ապա սպանել նրա սիրեկանին:  ըստ լուրերի ամուսինները երկու անչափահաս երեխա ունեն:

Դեպքի վայրի զննությամբ հայտնաբերվել է ատրճանակ և ծալովի դանակ:

Հանգամանքները պարզվում են:

Աշոտ Ս.-ն ձերբակալված է:

Կատարվում է նախաքննություն:

ՀՀ պաշտպանության նախարար Սեյրան Օհանյանը հոկտեմբերի 10-ին աշխատանքային հանդիպում է ունեցել ՀՀ գլխավոր դատախազի տեղակալ, զինվորական դատախազ Գևորգ Կոստանյանի և ՀՀ Մարդու իրավունքների պաշտպան Կարեն Անդրեասյանի հետ: Հանդիպման ընթացքում քննարկվել են զինված ուժերում հանցավորության դեմ պայքարի և մարդու իրավունքների պաշտպանության ամրապնդմանն առնչվող հարցեր:

Հանդիպման արդյունքում պաշտպանության նախարարի և զինվորական դատախազի միջև համաձայնություն է ձեռք բերվել զինված ուժերում կարգապահության խթանման, հանցավորության մակարդակի նվազեցման, հանցագործությունների կանխարգելման և պատասխանատվության խստացման նպատակով համատեղ հրամանով ստեղծել աշխատանքային խումբ, որը կվերանայի զինված ուժերի գործունեությունը կարգավորող օրենսդրությունը և առաջարկություններ կմշակի դրանցում փոփոխություններ կատարելու վերաբերյալ:

Մասնավորապես, շեշտվել է ՀՀ քրեական օրենսգրքում համապատասխան հանցակազմերի համար պատժաչափերի խստացման և դրա արդյունքում ՀՀ զինված ուժերի կարգապահական կանոնադրության, ՀՀ ԶՈՒ ներքին ծառայության կանոնագրքի և այլ իրավական ակտերի դրույթների վերանայման անհրաժեշտությունը:

ՀՀ Մարդու իրավունքների պաշտպանն իր հերթին պատրաստակամություն է հայտնել փորձագիտական ակտիվ օժանդակություն ցուցաբերել աշխատանքային խմբի գործունեությանը:

Լեռնային Ղարաբաղի հանրապետության պաշտպանության բանակի հյուսիսարեւելյան ուղղությամբ տեղակայված զորամասերից մեկի պահպանության տեղամասի մարտական դիրքում հերթապահություն իրականացնելու ժամանակ, հոկտեմբերի 9-ին ժամը 10.40-ի սահմանում իրեն ամրակցված ԱԿՄ տիպի ինքնաձիգով ինքնասպանություն է  գործել ժամկետային զինծառայող, 19-ամյա Վլադիմիր Անդրանիկի Ասատրյանը:

ԼՂՀ պաշտպանության բանակի մամուլի ծառայությունից հայտնում են, որ միջադեպի հետ կապված մանրամասները ճշտվում են: Տարվում է  քննություն:

Առայժմ գործով ձերբակալվածներ չկան:

Ըստ ադրբեջանական APA լրատվական գործակալության՝ Ադրբեջանի արտգործնախարար Էլմար Մամեդյարովը մեկնաբանել է Խորվաթիայում տեղի ունեցած ԵԱՀԿ ԽՎ-ի նստաշրջանում ԵԱՀԿ Մինսկի խմբի համանախագահների ունեցած ելույթները.

«Խոսելով հակամարտության «հիմնարար սկզբունքների» մասին՝ համանախագահները որևէ նոր բան չասացին։ Նրանք բացահայտեցին քննարկվող հիմնարար սկզբունքները։ Մենք շարունակելու ենք աշխատել այդ սկզբունքների շուրջ։

Դրանցից միայն 5-րդ սկզբունքում է խոսք գնում հարկադիր վերաբնակների վերադարձի մասին, սակայն այստեղ խոսքը Լեռնային Ղարաբաղի և ոչ թե նրան հարակից շրջանների մասին է։ Լեռնային Ղարաբաղի կարգավիճակի հստակեցման համար առաջին հերթին ադրբեջանցիները պետք է վերադառնան այնտեղ։

Ղարաբաղյան հակամարտության կարգավորմանն առնչվող բանակցությունների «հիմնական քննարկման առարկան» ոչ թե Լեռնային Ղարաբաղի կարգավիճակի հստակեցումն է, այլ ադրբեջանական հողերի «օկուպացիայի» և հարկադիր վերաբնակների վերադարձի խնդիրները։ «Բոլորը» հասկանում են սա, այդ թվում՝ նաև «հայերը»: Դրա համար էլ Լեռնային Ղարաբաղի կարգավիճակի հարցը «պետք է» հստակեցվի ամենավերջում։

Բոլորը հասկանում են, որ հակամարտության գոտում պետք է տեղակայվի խաղաղապահ կոնտինգենտ։ Ոչ՛ հայերը և ո՛չ էլ մենք չենք վստահում միմյանց։ Դրա համար էլ լուրջ քննարկումներ են ծավալվել հակամարտության գոտում խաղաղապահ կոնտինգենտ տեղակայելու շուրջ։

Բանակցությունների ժամանակ որոշ դեպքերում առաջընթաց է գրանցվել։ Այդ գործընթացը չպետք է կորստյան մատնել։ Սակայն մի շարք հիմնական սկզբունքների շուրջ բարդություններ կան։ Դրանց շուրջ դեռևս փոխզիջում ձեռք բերված չէ։ Փոխզիջման գնալու համար պետք է գտնել նոր բանաձև և աշխատել դրա վրա։ Ադրբեջանի դիրքորոշումն ակնհայտ և միանշանակ է։ Որքան շուտ ձեռք բերվի խաղաղություն, այնքան ավելի լավ»։

Մամեդյարովը հավելել է, որ Ֆրանսիայի նախագահ Նիկոլա Սարկոզիի այցի ընթացքում ընդգծվեց ստատուս-քվոյի անընդունելիությունը և համանախագահների աշխատանքը շարունակելու անհրաժեշտությունը։

Հիշեցնենք, որ Խորվաթիայի Դուբրովնիկ քաղաքում տեղի ունեցած ԵԱՀԿ ԽՎ-ի աշնանային նստաշրջանում ԵԱՀԿ Մինսկի խմբի ամերիկացի համանախագահ Ռոբերտ Բրադտկեն նշել էր, որ հակամարտության կարգավորումը հիմնված է 3 սկզբունքի վրա. ուժի չկիրառում, պետության տարածքային ամբողջականություն և ազգերի ինքնորոշման իրավունք։

Բացի այդ` նա հայտարարել էր, որ ներկայումս աշխատանքներ են տարվում հակամարտության կարգավորման հետևյալ 6 տարրերի ուղղությամբ.

ա) Լեռնային Ղարաբաղին հարակից շրջանների ազատում
բ) Լեռնային Ղարաբաղին միջանկյալ կարգավիճակի տրամադրում
գ) Հայաստանի և Լեռնային Ղարաբաղի միջև անմիջական կապի (միջանցքի) ապահովում
դ) Լեռնային Ղարաբաղի վերջնական իրավական կարգավիճակի հստակեցում
ե) իրենց տները փախստականների վերադարձի ապահովում
զ) տարածաշրջանում միջազգային անվտանգության և խաղաղապահ գործողությունների անցկացման ապահովում։

Սուպերմարկետներից մեկում բացահայտ վաճառքի է հանված իջեցված գներով ապրանքներ: Այս փաստը ինքնին տարօրինակ է`օրեցօր բարձրացող գների ֆոնին, սա կասկածի տեղիք է տալիս: Իհարկե ոչ բոլորին`մարդիկ կան որոնք, գայթակղվում են զեղջերից ու գնում ապրանքն առանց երկմտելու: Հենց այս տիպի մարդկանց վրա էլ հույսները դրել են մեր բիզնեսմենները: Իսկ սպառողների շահերի պաշտպանները, նման դեպքերում համեստորեն լռում են:Առհասարակ նրանք կոնկրետացմանը կարծես այնքան էլ կողմ չեն: Այդպիսի տպավորություն ես ստանում նաև սննդի անվտանգության տեսչության աշխատանքից:

Նշված սուպերմարկետում, համեմատաբար էժան է վաճառվում նույն փաթեթավորմամբ սուրճը: Պատճառն  իրազեկները համարում են տվյալ սուրճի ժամկետանց լինելը: Ի դեպ, դատելով այստեղ վաճառվող սուրճերի գներից ու դրանց համից, կարելի է եզրակացնել, որ հատիկավոր սուրճն էլ է ժամկետանց:

Սննդի անվտանգության տեսչությանը խնդրեցինք պատասխանել, թե արդյոք սուպերմարկետների ապրանքաշրջանառությունը 70 միլիոնի չի հասնում ու եթե հասնում է ինչ պարբերականությամբ է ստուգվում ու ինչ խախտումներ է արձանագրվել:

«Վերահսկողություն միշտ էլ կա, ներկա պահին պլանային առումով ամբողջ հանրապետությունով մեկ մշտադիտարկումներ են անցկացվում և առաջիկա տասը օրվա ընթացքում տվյալները կհրապարակվեն: Իսկ ինչ վերաբերում է ժամկետն անց սննդամթերքի ազատ վաճառքին,ապա դա արգելված է ու ցանկացած ահազանգի դեպքում կկանխվի: Տարվա կտրվածքով բոլոր նման օբյեկտները անպայման ստուգվում են,սակայն եթե որևէ ահազանգ լինի,ապա նորից ստուգում կանցկացվի,այսինքն, եթե ստուգվել է, դա չի նշանակում,որ վերջ, ամեն ինչ նորմալ է: Մենք իրավունք ունենք նորից ամեն ինչ ստուգելու:Ներկա պահին  երկու ահազանգ է եղել սուպերմարկետում ժամկետն անցած ապրանքի վաճառքի հետ կապված`կոնկրետ ժամկետն անց հյութ են իբր վաճառում ցածր գնով:Սակայն ստուգման արդյունքում պարզել ենք, որ ոչ թե ժամկետն անցած է, այլ հաջորդ օրն է անցնելու ժամկետը ու որպեսզի վնասներ չկրեն, իրենք իրավունք ունեն ցածր գնով դա իրացնելու»,-մեզ հետ զրույցում ասաց տեսչության մամուլի պատասխանատու Բաբկեն Պիպոյանը:

Իսկ ինչքանո՞վ է վստահ տեսչությունը, որ մեկ օր անց հյութերը հանվելու են վաճառքից:

Հոկտեմբերի 9-ին`ժամը 15.06-ին ահազանգ է ստացվել, որ Էջմիածին-Արմավիր ավտոճանապարհի 3-րդ կմ-ում տեղի է ունեցել ավտոպատահար, առկա է գազի արտահոսք, կան տուժածներ, անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:

Դեռևս չպարզված հանգամանքներում բախվել են «Ֆորդ-Տրանզիտ» մակնիշի 15 ՕԼ 283 պետհամարանիշի, «Ֆոլկսվագեն գոլֆ» մակնիշի 21 ՍՏ 899 պետհամարանիշի և «ՎԱԶ-2106» մակնիշի 28 ՕՕ 279 պետհամարանիշի ավտոմեքենաները:

Մինչև հրշեջ-փրկարարների տեղ հասնելը` տեղի ուժերով վերացվել է «Ֆոլքսվագեն գոլֆ» մակնիշի ավտոմեքենայից գազի արտահոսքը: «1-03» ծառայության աշխատակիցները տուժածներ`1990թվականին ծնված Մելիքսեթ և 1964 թվականին ծնված Արտաշես Թևոսյաններին, 1984 թվականին ծնված Գրիշա Խուրշուդյանին և 1986 թվականին ծնված Լիլի Հարությունյանին տեղափոխել են Էջմիածին քաղաքի հիվանդանոց, այնուհետև Ա.Թևոսյանը տեղափոխվել է ՀՀ ՊՆ կենտրոնական կլինիկական զինվորական հոսպիտալ, իսկ Գ.Խուրշուդյանը Երևան քաղաքի «Էրեբունի» բժշկական կենտրոն:

Տուժածների վիճակը գնահատվել է բավարար:

«Սեռի պատճառով Հայաստանում հղիության ընդհատումը մեծ թիվ է կազմում։ Բոլոր դեպքերում հղիության ընդհատումը բացասաբար է անդրադառնում կնոջ օրգանիզմի վրա, հղիության յուրաքանչյուր ընդհատում կարող է լինել հղիանալու վերջին հնարավորությունը: Մարդկանց քմահաճույքի պատճառով ընդհատվում է մի պրոցես, որը թե ինչ հետևանքներ կունենա հետագայում չի կարող կանխատեսել նույնիսկ բժշկությունը», — այսօր լրագրողներին ասաց Հայ-ամերիկյան առողջության կենտրոնի գինեկոլոգիական բաժանմունքի ղեկավար Մարինա Ոսկանյանը: «Հղիության ընթացքում կինը կարող է երեք անգամ սոնոգրաֆիկ հետազոտություն կատարել մոր և պտղի վիճակը ստուգելու, այլ ոչ երեխայի սեռը ստուգելու համար»,- համոզված է նա:

Իսկ ինչու չասել, որ եթե մեր երկրում օրենք գործի ինչպես եվրոպայում այսինքն`հղիության արհեստական ընդհատումը, ոչ միայն քրեորեն պատժելի արարք համարվի, այլև պատժվի որպես այդպիսին, գուցե թե հարկ չլիներ մտածելու արգելք դնել երեխայի սեռը իմանալու հարցում:

Մինչդեռ սոցապ նախկին նախարար Կարինե Հակոբյանի կարծիքով՝ միշտ էլ Հայաստանում բարձր է եղել հղիության արհեստական ընդհատումների թիվը, դա վիճակագրությունն է փաստում: Նա պատճառը համարում է թե օրենսդրությունը, թե մարդկանց ոչ գիտակից վերաբերմունքը: «Օրենքին մենք դիմում ենք, երբ առկա է մեծ խնդիր, կարծում եմ, որ օրենքով պիտի արգելվի սեռի իրազեկումը ծնողին: Հայաստանը 1993թ. վավերացրել է ՄԱԿ-կոնվենցիան երեխաների պաշտպանության մասին, որով երեխայի իրավունքները գերակա են և առաջնային: Երեխան դեռ սաղմային վիճակում ունի իր իրավունքները»,- ասաց Հակոբյանը:

«Պետք է այս ոլորտում հետազոտություններ արվեն, պետք է թվերի միջոցով ապացուցենք մարդկանց խնդրի կարևորությունը: Գաղտնիք չէ, որ շատ գումար առաջարկելով կարող են երեխայի սեռն էլ իմանալ, կամ թե շատ են ուզում սեռի պատճառով ընդհատել հղիությունը, կարող են գումարով կաշառել, որ բժիշկը գրի, թե հիվանդի մոտ անոմալիա է և այդպիսով ընդհատի հղիությունը»,-ասում է Ոսկանյանը, մտահոգ, որ դա իր հերթին կբերի կոռուպցիայի աճ:

Ոսկանյանը իրավմամբ գտնում է, որ սեռի խտրականությամբ հղիության արհեստական ընդհատումները փոխում են դեմոգրաֆիական պատկերը. «Բնությունը միշտ գնում է ինքնակարգավորման, չի կարելի փոխել գետի բնական հունը, այն կարող է շատ ավելի մեծ բացասական հետևանքների բերել: Խնդիրը այդպիսով երկու կողմ ունի. երեխայի իրավունքների ոտնահարում և սեռական խտրականություն դեռ արգանդից»: Հակոբյանն էլ հավելեց. « Քանի դեռ պետական ծրագրերը մնում են դարակների վրա և չեն կիրառվում, նման խնդիրները կմնան օրակարգում»:

Չգիտես ինչու բանախոսները կարծում են, որ օրենքը կգործի, եթե հասարակությունն իսկապես ցանկանա: Սակայն որևէ օրենք հասարակության ցանկությամբ չէ, որ պիտի գործի, կամ չգործի: Անկախ ամեն բանից հղիության արհեստական ընդհատումը անթույլատրելի է: