ԱՄՆ նախագահ Բարաք Օբամայի վարչակազմը հայտարարել է, որ չունի ոչ մի ապացույց, որը կվկայի այլմոլորակայինների գոյության մասին: Այս մասին հայտնում է BBC-ն:

Այսպիսի տարօրինակ հայտարարությամբ ղեկավարները կատարել են օրենքը, համաձայն որի, «Վարչակազմը պարտավոր է պատասխանել այն հարցմանը, որը տեղադրված է Սպիտակ տան կայքում և որի տակ ստորագրում են որոշակի թվով մարդիկ»:

Տվյալ դեպքում ավելի քան 5 հազ. մարդ ստորագրել է խնդրագիրը, որի համաձայն իշխանությունը պետք է բացահայտի այլմոլորակայինների հետ կապին առնչվող տեղեկատվությունը: Իսկ ավելի քան 12 հազ. մարդ միջնորդել է, որ իշխանությունը պաշտոնապես հաստատի մարդու ռասայի ոչ երկրային ծագումը:

Ի պատասխան Ֆիլ Լարսոնը, ով աշխատում է Սպիտակ տան գիտության և տեխնիկական քաղաքականության դեպարտամենտում, գրել է, որ ԱՄՆ իշխանությունը չունի որևէ ապացույց, որ Երկիր մոլորակից դուրս կյանք գոյություն ունի:

Չնայած դրան այլմոլորակայիների գոյությունը նա չի հերքել, նշելով`«հավանականությունը, որ տիեզերքում` տրիլիոնավոր աստղերի մեջ կյանք կա, բարձր է»:

Նոյեմբերի 4-ին, ժամը 11.00-ին, հիվանդանոցից  ոստիկանության Իջևանի բաժնում հաղորդում էր ստացվել, որ մարմնի տարբեր մասերի այրվածքներով իրենց մոտ է տեղափոխվել Հովք գյուղի բնակիչներից մեկը` հայտնելով, որ վնասվածքներն ստացել է տանը, անզգուշությամբ եռման ջուրը վրան լցնելու հետևանքով: Սակայն պարզվել է, որ դեպքը տեղի է ունեցել նոյեմբերի 3-ին, ժամը 18.00-ի սահմաններում, համագյուղացու տան մոտ, օղի թորելու ժամանակ. համագյուղացին նրան դիտավորյալ հրել-գցել  է օղու թորման եռացող կաթսայի մեջ և պատճառել վնասվածքներ:

Հայաստանի ԱԳ նախարար Էդվարդ Նալբանդյանի հրավերով, նոյեմբերի 8-10-ին, պաշտոնական այցով Հայաստան է այցելելու Նորվեգիայի Թագավորության ԱԳ նախարար Յոնաս Գահր Շտյորեն:

ԱԳՆ մամուլի ծառայությունից հայտնում են, որ այցի ընթացքում Նորվեգիայի արտգործնախարարին կընդունեն Հայաստանի նախագահ Սերժ Սարգսյանը եւ Գարեգին Բ-ն:

Երեւանում Նորվեգիայի ԱԳ նախարար Յոնաս Գահր Շտյորեն հանդիպում կունենա արտաքին գործերի նախարար Էդվարդ Նալբանդյանի հետ, դասախոսություն կկարդա ԵՊՀ-ում, ինչպես նաեւ կայցելի Հայոց ցեղասպանության զոհերի հուշահամալիր:

Նորվեգիայի արտաքին քաղաքական գերատեսչության ղեկավարի` Հայաստան կատարելիք պաշտոնական այցի շրջանակներում Նորվեգիայի եւ Հայաստանի ԱԳ նախարարները կմասնակցեն «Էներգետիկ անվտանգությանն ուղղված փոքր հիդրոէներգետիկայի կայուն զարգացման նորվեգա-հայկական համագործակցության ծրագրի» մեկնարկի միջոցառմանը, Ֆրիտյոֆ Նանսենի հուշարձանի բացման արարողությանը, ինչպես նաեւ Ֆրիտյոֆ Նանսենի 150-ամյակին նվիրված համերգին:

Նախապատրաստվում է Իրանի Իսլամական Հանրապետության նախագահ Մահմուդ Ահմադինեժադի այցը Հայաստան: Ինչպես այսօր ԻԻՀ ԱԳ նախարար Ալի Աքբար Սալեհիի հետ հանդիպմանը հաջորդած համատեղ ասուլիսում նշեց ՀՀ ԱԳ նախարար Էդվարդ Նալբանդյանը, այցը ծրագրված է մինչև տարեվերջ, և Սալեհիի այցի ընթացքում քննարկվել են այցի նախապատրաստական հարցեր:

Նոյեմբերի 7-ին, ժամը 14.55-ի սահմաններում, Մարտունի-Վարդենիս ճանապարհի 2-րդ կմ-ին «ՈւԱԶ 31512» մակնիշի ավտոմեքենան բախվել է «ԳԱԶ-3110» մակնիշի ավտոմեքենայի, ինչի հետևանքով «ԳԱԶ-3110»-ի 3 ուղևորները  մարմնական վնասվածքներով տեղափոխվել են հիվանդանոց:

Նոյեմբերի 7-ին, ժամը 07.30-ի սահմաններում, անհայտ ավտոմեքենայի վարորդը Երևանի «Տաշիր» հանրախանութի մոտ վրաերթի է ենթարկել մոտ 60-ամյա մի տղամարդու, որը մարմնական վնասվածքներով տեղափոխվել է հիվանդանոց:

Նոյեմբերի 7-ին, ժամը 15.00-ի սահմաններում, անհայտ ավտոմեքենայի վարորդը Բաղրամյան պողոտայում վրաերթի է ենթարկել 47-ամյա մի կնոջ, որը մարմնական վնասվածքներով տեղափոխվել է հիվանդանոց:

Նոյեմբերի 7-ին, ժամը 03.30-ին, հիվանդանոցից ոստիկանության Կապանի բաժնում հաղորդում է ստացվել, որ «սննդային թունավորում» ախտորոշմամբ իրենց մոտ են տեղափոխվել Կապան քաղաքի 3 բնակիչներ:

Ինչպես հայտնում են ոստիկանությունից, պարզվել է, որ նրանք թունավորվել են նոյեմբերի 6-ին, ժամը 21.30-ի սահմաններում, տանն իրենց կողմից պատրաստված պիցցան ուտելու հետևանքով: Կատարվում է հետաքննություն:

Երդվյալ ատենակալների դատարանը փոփի արքա Մայք Ջեքսոնի չկանխամտածված սպանության մեջ մեղավոր է ճանաչել բժիշկ Կոնրադ Մյուրեին: Այս մասին հայտնում է «Ռիա նովոստին»:

«Որոշումն ընդունվել է միաձայն և բողոքարկման ենթակա չէ», — ասել է դատավոր Մայքլ Պաստրոն, ով նախագահում էր Լոս Անջելեսի Գերագույն դատարանում ավելի քան 6 շաբաթ ընթացքող դատական գործընթացը:

Պատժաչափը կհրապարակվի նոյեմբերի 29-ին: Նախքան մեղադրական որոշում կայացնելը, բժշկի նկատմամբ, որպես խափանման միջոց, ընտրվել էր ստորագրություն ԱՄՆ տարածքից չհեռանալու մասին, այժմ նա կալանքի տակ է:

Մյուրեյը որոշումը ընդունել է առանց էմոցիայի: