Երեւանում, նոյեմբերի 16-ին, Իսակովի պողոտայի թիվ 25 հասցեում տեղի է ունեցել ավտովթար. կան տուժածներ:

Հայաստանի ԱԻՆ փրկարար ծառայությունից  հայտնում են, որ դեպքի վայր է մեկնել փրկարարական ուժերի վարչության հատուկ փրկարարական ջոկատի հերթապահ խումբը:

Դեռեւս չպարզված հանգամանքներում BMW- X5 մակնիշի 15 ԼՕ 687 համարանիշի ավտոմեքենան բախվել է էլեկտրական սյանը եւ շրջվել:

Մինչ փրկարարների դեպքի վայր հասնելը ավտոմեքենայի վարորդը` 22-ամյա Ա. Բաբայանը եւ ուղեւորներ` 26-ամյա Էդիկ Մանուկյանը եւ 29-ամյա Վահագն Մանուկյանը շտապօգնության մեքենաներով տեղափոխվել են Երեւան քաղաքի «Արմենիա» եւ «Մալաթիա» բժշկական կենտրոններ:

Փրկարարների ուժերով ավտոմեքենան ուղղվել է, հոսանքազրկվել եւ հանձնվել ոստիկանության աշխատակիցներին:

Վ.Մանուկյանի  առողջական վիճակը բժիշկները գնահատել են բավարար, իսկ Է. Մանուկյանինը եւ Ա.Բաբայանինը` ծայրահեղ ծանր:

Նոյեմբերի 16-ին, ժամը 02.00-ի սահմաններում, անհայտ ավտոմեքենայի վարորդը Բագրատունյաց փողոցում վրաերթի է ենթարկել 50-ամյա մի կնոջ, որը մարմնական վնասվածքով տեղափոխվել է հիվանդանոց: Կատարվում է քննություն:

Նոյեմբերի 15-ին, ժամը 23.30-ի սահմաններում, անհայտ ավտոմեքենայի վարորդը Ծովակալ Իսակովի պողոտայում վրաերթի է ենթարկել 56-ամյա մի տղամարդու, որը մարմնական վնասվածքներով տեղափոխվել է հիվանդանոց: Կատարվում է քննություն:

Նոյեմբերի 22-24-ին Երևանում տեղի կունենա ԱՊՀ երկրների ուսանողների և երիտասարդ գիտնականների կոնֆերանս «Տիեզերական դարաշրջանի 50 տարին. երկնքի իրական և վիրտուալ ուսումնասիրություններ» թեմայով, որի ընթացքում կքննարկվեն ինչպես աստղագիտական նորագույն արդյունքներն ու տվյալները, այնպես էլ շրջահայությունները, տվյալների շտեմարանները և վիրտուալ աստղադիտարանները: Կոնֆերանսը կազմակերպվում է առաջին տիեզերական թռիչքի 50-ամյա միջոցառումների շրջանակում, ինչպես արդեն հայտարարվել էր: Կոնֆերանսին կմասնակցեն Հայաստանի, Ռուսաստանի, Ուկրաինայի, Լատվիայի, Լիտվայի և Տաջիկստանի 50 ուսանողներ և երիտասարդ գիտնականներ, ինչպես նաև եվրոպացի, ռուս և հայ դասախոսներ, որոնք կկարդան հրավիրված դասախոսություններ: Ուսանողները ելույթ կունենան իրենց մագիստրոսական կամ թեկնածուական թեզերի և հետազոտությունների թեմաներով: Կանցկացվեն նաև գործնական պարապմունքներ, կկազմակերպվի այցելություն Բյուրականի աստղադիտարան: Կոնֆերանսի պաշտոնական լեզուներն են անգլերենը և ռուսերենը: Այն ֆինանսավորվում է ռուս-հայկական համագործակցության հիմնադրամի կողմից:

Կոնֆերանսի պաշտոնական բացումը տեղի կունենա նոյեմբերի 22-ին, ժամը 09:30-ին ՀՀ ԳԱԱ նախագահության նիստերի փոքր դահլիճում:

Նոյեմբերի 15-ին, ժամը 12.30-ին, Զաքյան փողոցի թիվ 10 շենքի մոտ իրար են բախվել «Նիսսան» և «ՎԱԶ-21053» մակնիշի ավտոմեքենաներ: «ՎԱԶ-21053» մարմնական վնասվածքներով տեղափոխվել է հիվանդանոց: Կատարվում է քննություն:

ՀՀ ոստիկանության պետ, գեներալ-լեյտենանտ Վլադիմիր Գասպարյանի այսօրվա հրամանով, ոստիկանության գնդապետ Ռոմա Մկրտումյանը նշանակվել է ՀՀ ոստիկանության պետական պահպանության գլխավոր վարչության պետ:

Ոստիկանության մամուլի ծառայությունից հայտնում են, որ նույն օրը ՀՀ ոստիկանության պետը ոստիկանության պետական պահպանության գլխավոր վարչության անձնակազմին ներկայացրել է նորանշանակ գլխավոր վարչության պետին:

ՀՀ Գլխավոր դատախազության մամլո խոսնակ Սոնա Տռուզյանը լրատվամիջոցներին հայտնել է, որ այսօր Հատուկ քննչական ծառայությունում հարուցվել է քրեական գործ` գործարար Սիլվա Համբարձումյանի բողոքի հիման վրա:

Հիշեցնենք, որ Սիլվա Համբարձումյանը լրագրողների հետ զրույցում պնդել է, որ Սյունիքի մարզպետ Սուրիկ Խաչատրյանը «Մարիոթ» հյուրանոցում հարձակվել է իր վրա և հարվածել:
Քրեական գործը հարուցվել է 118-րդ հոդվածի հատկանիշներով:

Հիշեցնենք, որ երեկ Մարիոթ հյուրանոց է մտել Սյունիքի մարզպետ Սուրեն Խաչատրյանը, հերթով սկսել բարևել ներկաներին: Շուրջը բազմամարդ է եղել. Սիլվա Համբարձումյանը, որ ընկերուհու հետ է եղել, տեսնելով նրան` ասել է. «Ես գնացի»:

Մարզպետը Սիլվային մոտեցել է, թե` «Մի գնա, բան ունեմ ասելու», ու ծնկով հանկարծակի խփել փորին: Կինը կռացել է, որից հետո խաչատրյանը սկսել է խփել նրա գլխին:

«Ու ոչ մի բառ չէր ասում, — պատմում են ականատեսները,- չէր էլ հայհոյում: Հետո բոլորը կախվեցին Լիսկայից, հեռու տարան: Սիլվան նստեց սկսեց լաց լինել:Լիսկան էլ մի քիչ հեռու նստեց: Իր հետ եղած տղամարդիկ եկան ներողություն ասեցին բոլորի անունից: Սիլվան ընկերուհու հետ էր: Ընկերուհին մխիթարական խոսքեր էր ասում: Դա տևեց երևի 10-15 րոպե»:

v

Այսօր Հայաստանի Սահմանադրական դատարանը մերժել է մարդու իրավունքների պաշտպան Կարեն Անդրեասյանի դիմումը եւ հակասահմանադրական չի ճանաչել Քաղաքացիական օրենսգրքի 1087.1 հոդվածը:

Նշենք, որ Մարդու իրավունքների պաշտպանը դիմել էր ՍԴ-ին` խնդրելով քննել օրենսգրքի տվյալ դրույթի սահմանադրականությունը, որը վերաբերում է զրպրտությանն ու վիրավորանքին: Հիշեցնենք նաև օրենսգրքում 2010թ. փոփոխությունը ներկայացրել էր հենց Կարեն Անդրեասյանը, որն եւ այժմ վիճարկում էր իր իսկ հեղինակած դրույթի սահմանադրականությունը: Իսկ նա այդ արել էր, ոչ թե այն պատճառով որ զղջում էր կատարվածի` (արդյունքում բազմաթիվ քաղհայցեր լրատվամիջոցների դեմ խոշոր գումարային պահանջով) իր իսկ ներկայացրած դրույթի համար, այլ, որ ևս մեկ անգամ ապացուցվի իր ճշմարտացիությունը:

ՍԴ-ն այսօր` նոյեմբերի 15-ին քննել է դիմումը, եւ  հոդվածը հակասահմանադրական չի ճանաչել, սակայն տվել է տվյալ օրենքի կիրառման մեկնաբանությունը:

ՍԴ նախագահ Գագիկ Հարությունյանը, ներկայացրել է 37 էջանոց վճռի միայն եզրափակիչ մասը, նկատելով, թե լրատվամիջոցների դեմ նյութական փոխհատուցման վճիռներ կայացնելիս դատարանները պետք է հաշվի առնեն տվյալ լրատվամիջոցների նյութական հնարավորությունները, նաեւ նպատակ չհետապնդեն սնանկացնել լրատվամիջոցը:

Գործով պատասխանող, ԱԺ իրավաբանական վարչության գլխավոր մասնագետ Անի Մխիթարյանը անհիմն էր որակել դիմումը եւ ՍԴ-ից խնդրել էր մերժել այն:

Ըստ Անդրեասյանի, օրենքի տվյալ դրույթի կիրառումը հանգեցնում է ազատության իրավունքի անհամաչափ սահմանափակմանը` արդյունքում վտանգելով որոշ լրատվամիջոցների հետագա գործունեությունը: