Ինչպես տեղեկացնում են ադրբեջանական լրատվամիջոցները, դեպքը տեղի է ունեցել Ուլյանովսկ քաղաքում։ Անհայտ անձը հրազենով կրակել է 23-ամյա Յասեֆ Միրբյաֆա Ալիևի վրա։ Վերջինս գլխի շրջանում ստացած վնասվածքի հետևանքով տեղում մահացել է։

Դեպքի առնչությամբ իրականացվում է հետաքննություն։

Ցվետանա Պասկալևայի Armenian Music Center-ի հետ համատեղ ստեղծած «Ղարաբաղի վերքեր» ֆիլմաշարը թարգմանվել է վեց լեզվով, որի շնորհանդեսը տեղի կունենա նոյեմբերի 18-ին:

«Սա իմ 20 տարիների աշխատանքի արդյունքն է: Հայաստանի Հանրապետության 20-ամյա տարեդարձը համընկնում է հայկական հողի վրա իմ ապրելու 20 տարիների հետ»,- նշեց Պասկալևան այսօր լրագրողների հետ հանդիպմանը: — Ես Հայաստան ընկա պատահականորեն: Ուսանող էի այստեղ, հետո, երբ գնացի Մոսկվա, լսեցի արցախյան պատերազմի մասին: Շատ կարդացի ու երբ գալիս էի որպես լրագրող, արդեն գիտեի՝ ուր եմ գնում»: Ցվետանան հատկապես տպավորված էր Գետաշենից. «Այն ինչ տեսա  Գետաշենում, ինձ մոտ կասկած չթողեց, որ որպես լրագրող պետք է աշխատեմ  ու օգնեմ մարդկանց»:

Հիշելով պատերազմական տարիները և այդ ընթացքում իր արած աշխատանքը՝ Պասկալևան ասաց, որ 20 տարի անց, հետ նայելով անցյալին՝ բոլորովին չի ափսոսում, որ թողել է ասպիրանտուրան ու անցել բոլոր այդ վտանգների միջով:

«Այն ժամանակ ես չէի մտածում ոչ մի այլ բանի մասին, միայն մտածում էի այդ մարդկանց մասին»,- հիշեց Պասկալևան. իրեն ոչինչ չէր կարող կանգնեցնել, անգամ ադրբեջանցիների ատելությունն ու վտանգը, որ սպառնում էր իր կյանքին:

Այսօր հանդուրժողականության միջազգային օրվա հետ կապված հոգեբան Կարինե Նալչաջյանը լրագրողների հետ հանդիպման ժամանակ ասաց. Հայ ժողովուրդը հանդուրժող է օտարների, նույնիսկ՝ թշնամիների նկատմամբ։ Լրացնենք նրան` սակայն անհանդուրժող է իր իսկ անդամի` իր կողքին ապրողի նկատմամբ: Ըստ նրա ասվածի ապացույցն է Ադրբեջանում և Հայաստանում անցկացված սոցիոլոգիական հարցումները:

Տիկին Նալչաջյանն ասաց, որ երբ հասարակությունն ունի սոցիալ-տնտեսական խնդիրներ` ճգնաժամային տարրերով, այդպիսի հասարակություններում հանդուժողականության դեֆիցիտ է սկսվում, քանի որ մարդիկ իրենց խնդիրները լուծելու համար դառնում են ավելի եսակենտրոն, ագրեսիան դառնում է նրանց կյանքի անբաժանելի մասը. «Երբ հասարակության ներսում ագրեսիան բարձր է, մարդիկ սկսում են օտարվել միմյանցից, այսինք հանդուժողությունը կապվում է ես-ի, մենք — ի հետ, երբ մենք -ի ընկալումը թուլանում է, զարգանում է ես -ի զգացողությունը»:

Ցավոք,  մեր հասարակության կենցաղում և շրջապատում նկատվում են օտարման նշաններ:

Հանդուժողության պակասի ցուցանիշ է, երբ մարդը սկսում է ուրիշներին վերագրել բացասական հատկանիշներ, երբ այդ հատկանիշներն ինքն էլ ունի:

Ես-ի կենտրոնացումը բերում է նրան, որ թուլանում է համազգային նպատակների ձգտումը, իսկ դա եթե արտաքնապես չի երևում միևնույնն է անում է իր սև գործը:  «Հանդուրժողության մյուս ցուցանիշը բռնի գործողությունների և հանցագործությունների աճն է»,- ասաց Նալչաջյանը՝ ամփոփելով ասելիքը. «Այսպիսով, անհանդուժողության ցուցանիշներն են սոցիալական բևեռացում, հավասար հնարավորությունների պակաս, խարիզմատիկ լիդերների պակաս, համազգային նպատակների պակաս և ազգային թերաժեքության զգացում»:

1996 թվականին ՄԱԿ-ի Գլխավոր ասամբլեան իր անդամ երկրներին առաջարկեց ամեն տարի նոյեմբերի 16-ը նշել որպես հանդուրժողականության միջազգային օր: Բանն այն է, որ դրանից ճիշտ մեկ տարի առաջ՝ 1995 թ. այդ օրը ՅՈՒՆԵՍԿՕ-ի անդամ երկրները հանդուրժողականության սկզբունքների մասին հռչակագիր էին ընդունել: Սակայն միայն դա չէր պատճառը: Ամենքն էլ հասկանում են, որ ամբողջ աշխարհում հատկապես վերջին տարիներին անհանդուրժողականության դրսևորման ու բռնության դեպքերը գնալով ավելի տագնապալի ծավալներ են ընդունում: Ամեն օր հազարավոր մարդիկ դառնում են դաժանության ու բռնությունների թիրախ` իրենց էթնիկ, կրոնական, ազգային կամ այլ առանաձնահատկությունների պատճառով: Ամեն կարգի կարծրատիպերին ու խեղաթյուրված պատկերացումներին հակազդելու, փոխադարձ հարգանք դրսևորելու և խաղաղ գոյակցության սկզբունքներով առաջնորդվելու համար սթափ բանականություն կրողները հանդես են գալիս ի պաշտպանություն խտրականության զոհերի և նրանց իրավունքների: Հանդուրժողականության միջազգային օրը ևս մի առիթ է վերահաստատելու այն գաղափարները, ըստ որի մտքերի, համոզմունքների և գործողությունների բազմազանությունը մեծ ձեռքբերում է, այլ ոչ թե սպառնալիք:

Ազգային անվտանգության խորհրդի քարտուղար Արթուր Բաղդասարյանի գլխավորած պատվիրակությունը nոյեմբերի 16-18-in, ՌԴ ԱԱԽ քարտուղար  Նիկոլայ Պատրուշեւի հրավերով կմեկնի Մոսկվա:

ԱԱԽ մամուլի ծառայությունից հայտնում են, որ այցի շրջանակներում ԱԱԽ քարտուղարը հանդիպումներ կունենա Ռուսաստանի իր գործընկերոջ` Նիկոլայ Պատրուշեւի, Ռուսաստանի Ռազմատեխնիկական համագործակցության դաշնային ծառայության ղեկավար Միխայիլ Դմիտրեւի, Քաղաքացիական պաշտպանության եւ արտակարգ իրավիճակների նախարար Սերգեյ Շոյգուի եւ ՀԱՊԿ Գլխավոր քարտուղար Նիկոլայ Բորդյուժայի հետ:

Այցի շրջանակներում կստորագրվի Հայաստանի եւ Ռուսաստանի Ազգային անվտանգության խորհուրդների միջեւ համագործակցության 2012-2013 թթ. ծրագիրը:

Հայաստան-ՀԱՊԿ համագործակցության ընթացիկ հարցերի քննարկման եւ հետագա փոխգործակցության նոր ուղիների նախանշման նպատակով Հավաքական անվտանգության պայմանագրի կազմակերպության կենտրոնակայանում տեղի կունենա «Հայաստանի համագործակցությունը ՀԱՊԿ շրջանակներում» թեմայով կլոր սեղան-քննարկում, որին կմասնակցեն ՀՀ եւ ՌԴ անվտանգության խորհուրդների, ՀԱՊԿ ստորաբաժանումների, պաշտոնական այլ շրջանակների ներկայացուցիչներ եւ փորձագետներ: ՀԱՊԿ շրջանակներում Հայաստանի կողմից իրականացված բարեփոխումների շուրջ զեկույցով հանդես կգա ԱԱԽ քարտուղար Արթուր Բաղդասարյանը:

Չինաստանի հյուսիս-արեւմուտքում տեղի ունեցած խոշոր վթարի  զոհ է դարձել  19 մարդ, որոնցից 17-ը  նախադպրոցական տարիքի երեխաներ են:

«Սինհուա» գործակալությունը հայտնում է, որ վթարը տեղի է ունեցել տեղական ժամանակով առավոտյան ժամը 09.40-ին` Հանսու նահանգի Շուլինցզի  ավանում:

Առայժմ անհայտ հանգամանքներում տեղի մանկապարտեզի ավտոբուսին ավտոմեքենա է բախվել:

Տավուշի մարզում, նոյեմբերի 15-ի վաղ առավոտյան, Ակնաղբյուր գյուղի գյուղամիջյան ճանապարհին դժբախտ դեպք է տեղի ունեցել:

Ոստիկանության մամուլի ծառայությունից  հայտնում են, որ «ԳԱԶ-53» մակնիշի բեռնատար ավտոմեքենան, վարորդի եւ եւս երկու  անձանց կողմից հրելուց հետո ճանապարհի  վայրէջքային հատվածում շարժվել է, նրանք փորձել են նստել մեքենան` կանգնեցնելու համար, սակայն ճանապարհի բանուկ մասում ավտոմեքենան վրաերթի է ենթարկել նույն գյուղի բնակիչ, 6-ամյա Սպարտակ Թուխիկյանին:

Վերջինս հիվանդանոց տեղափոխելու ճանապարհին մահացել է:

Կատարվում է քննություն: