Նոյեմբերի 28-ին, ժամը 09.30-ին, Վանաձոր-Սպիտակ ճանապարհի 5-րդ կմ-ին Լեռնավան-Վանաձոր երթուղու «ՊԱԶ-3205» մակնիշի ավտոբուսի առջևի դուռը ընթացքի ժամանակ բացվել է, ինչի հետևանքով ուղևորներից երկուսը՝ կին և տղամարդ, վայր են ընկել և մարմնական վնասվածքներով տեղափոխվել հիվանդանոց, որտեղ 44-ամյա Անդրանիկ Ուռուսյանը մահացել է:

Ինչպես հաղորդում է Reuters գործակալությունը, Քուվեյթի կառավարությունը հրաժարական է տվել` երկրի վարչապետ շեյխ Նասեր Ալ-Մուհամեդ Ալ-Սաբահի տապալումը թույլ չտալու համար: Հիշեցնենք որ նրան մեղադրում `ին  կոռուպցիայի մեջ:
Վկայակոչելով քաղաքական շրջանակներում ունեցած իր աղբյուրին, դեռ հստակ պարզ չէ, արդյոք էմիրը` շեյխ Սաբահ Ալ-Ահմադ Ալ-Սաբահը, ընդունե՞լ է կառավարության հրաժարականը: Հաստատելու դեպքում նա կարող է ցրել խորհրդարանը և սահմանել ընտրությունների ժամկետը:

Այժմ Քուվեյթում տեղի են ունենում անկարգություններ, ընդդիմադիր ցուցարարները պահանջում են վարչապետ շեյխ Նասեր Ալ-Մուհամեդ Ալ-Սաբահի հրաժարականը:

Իսկ  վերջին ցույցը կրել է քաոսային բնույթ,  որի արդյունքում ցուցարարներին հաջողվել էր ներխուժել խորհրդարանի շենք:

Այսօր Եվրոպական հանձնաժողովն հաստատել է Հայաստանի ֆինանսական համակարգի կառավարման արդիականացմանն ուղղված ծրագիրը: Հայաստանին կտրամադրվի 24 մլն եվրո, այն կընդգրկի 2011թ. տարեկան գործողությունների ծրագրի երկրորդ փուլը:

Ծրագրի նպատակն է օժանդակել Հայաստանի և ԵՄ-ի առեւտրային չափորոշիչների համապատասխանեցումը: Բարելավել հանրային հատվածի թափանցիկությունը և այլն:

Գագիկ Ծառուկյանին պատկանող «Արարատ ցեմենտ» գործարանի իրացման պատասխանատու «Շլամ» մականունով Արմեն Մուրադյանն ու նրա ընկերը` Ասատուր Առուստամյանը կալանավորվել են: Այս մասին հայտնում են Ոստիկանության մամուլի ծառայությունից:

Հիշեցնենք, որ Արմեն Մուրադյանն ու Ասատուր Առուստամյանը թմրանյութ պահելու կասկածանքով ձերբակալվել են ուրբաթ օրը` նոյեմբերի 25-ին: Հարուցվել է քրեական գործ Քր.օր.-ի 268 հոդվածի 2-րդ մասի հատկանիշներով (Թմրամիջոցներ կամ հոգեմետ նյութերի ապօրինի շրջանառությունն առանց իրացնելու նպատակի): Կենտրոնի քննչական բաժնում ընթանում է նախաքննություն:

Թվում է` խնդիրը զուտ քրեական հարթությունում է, ու անհարկի է այն քաղաքականացնելը, սակայն ՀՀԿ — ԲՀԿ հակամարտությունն այլ բան է ասում, այս պայքարը օր — օրի դառնում է չափազանց համառ ու անզիջում:

Հայաստանի արտգործնախարար Էդվարդ Նալբանդյանն այսօր` նոյեմբերի 28-ին, հանդիպել է Հայաստանի ամերիկյան համալսարանի քաղաքագիտության ֆակուլտետի մագիստրատուրայի ուսանողներին եւ ներկայացրել ՀՀ արտաքին քաղաքականության հիմնական ուղղություներն ու առաջնահերթությունները:

ԱԳՆ մամուլի ծառայությունից  հայտնում են, որ ԱԳ նախարարը ներկայացրել է նաեւ անցյալ շաբաթ Եվրոպական երկրների մի շարք մայրաքաղաքներ կատարած իր այցելությունների արդյունքները:

Պատասխանելով ուսանողների հարցերին` նախարար Նալբանդյանը մանրամասն խոսել է արցախյան հիմնախնդրի կարգավորման գործընթացի մասին

Չինաստանի Հենան նահագի իշխանությունները թույլատրել են ազգաբնակչությանն ունենալ 2 և ավելի երեխա:

Ինչպես տեղեկացնում է BBC-ն, ավելի քան 90 մլն բնակչություն ունեցող նահանգի իշխանությունները որոշում են կայացրել, ըստ որի` աղջիկ երեխա ունեցող ծնողներին հնարավորություն է ընձեռվում փորձել ունենալ արու զավակ:

Իսկ այն ամուսինները, որոնք իրենց ընտանիքներում եղել են միակ երեխան, կթույլատրվի ունենալ 2 երեխա: