Փետրվարի 6-ին Քաղաքացուց գումարի տեսքով կաշառք պահանջելու և ստանալու պահին   ձերբակալվել է «Հոգեբուժական բժշկական կենտրոն» ՓԲԸ նարկոլոգիական կլինիկայի առաջին բաժանմունքի վարիչ Մկրտիչ Խաչատրանը:   Ոստիկանության մամուլի ծառայությունից հայտնում են, որ երեկ ոստիկանության կազմակերպված հանցավորության դեմ պայքարի գլխավոր վարչության (6–րդ) աշխատակիցները  իր աշխատավայրում քաղաքացուց 80.000 դրամ կաշառք պահանջելու  և ստանալու պահին ձերբակալել են «Հոգեբուժական բժշկական կենտրոն» ՓԲԸ նարկոլոգիական կլինիկայի առաջին բաժանմունքի վարիչ, 57-ամյա Մկրտիչ Խաչատրանին։

Բաժնի վարիչը կաշառքը պահանջել և ստացել է Արմավիրի մարզի բնակիչ Սահակ Սահակյանից, որն այդ գումարը տվել է բաժնի վարիչին, որպեսզի իր հիվանդ որդուն ՝ 31-ամյա Գոռ Սահակյանին պետական պատվերի շրջանակում ընդունի հիվանդանոց՝ բուժման նպատակով։ Փաստի առթիվ հարուցվել է քրեական գործ, ՀՀ Քր. Օր–ի 311 հոդվածի (կաշառք ստանալը) հատկանիշներով։

Ազգային ժողովի ԲՀԿ խմբակցությունը բոյկոտել է ԱԺ նիստը և ներկա չէ նիստերի դահլիճում:
Լրագրողների հետ զրույցում ԲՀԿ խմբակցության պատգամավոր Նաիրա Զոհրաբյանը նշել է, որ հաշվի առնելով խորհրդարանում ստեղծված ոչ կոնստրուկտիվ մթնոլորտը, ԲՀԿ խմբակցությունն այսօր չի մասնակցելու խորհրդարանի աշխատանքներին»:

ՀՀԿ-ի խնդրած 20 րոպե ընդմիջումից հետո ԱԺ նախագահ Սամվել Նիկոյանն առաջարկեց հետաձգել քվեարկությունները (չնայած ԱԺ աշխատանքների համար քվորումն ապահովված էր, քվերակությունների համար ձայները չէին բավականացնում):

Մեծ Բրիտանիայում և աշխարհի այլ երկրներում այսօր նշում են ամենահայտնի և հաջողակ բրիտանացի գրողներից մեկի` Չարլզ Դիքենսի ծննդյան 200-ամյակը: Ինչպես հաղորդում է բրիտանական BBC-ն, գլխավոր արարողությունը տեղի կունենա լոնդոնյան Վեստմինստերի աբբայությունում, որտեղ 1870թ-ից ամփոփված է գրողի աճյունը:

Դիքենսի գերեզմանին ծաղկեպսակ կդնի արքայազն Չարլզը, նրան կհետևեն գրողի ժառանգները: Տոնական միջոցառումներ կանցկացվեն նաև գրողի հայրենի Պորտսմուտ քաղաքում:

Դիքենսի հոբելյանի կապակցությամբ BBC-ն հետազոտություն է պատվիրել, որի հեղինակներն առաջին անգամ կազմել են գրողի ստեղծագործական ժառանգության արժեքը` եթե այն լիներ ապրանքանիշ: Հետազոտությունը կատարած Interbrand խորհրդատվական ընկերությունը հաշվել է, որ «Օլիվեր Թվիսթի» և «Պիկվիկյան ակումբի հետմահու գրությունների» հեղինակն ամեն տարի բրիտանական տնտեսությանը բերում է մոտ 280 մլն ֆունտ (մոտ 440 մլն դոլար):

Ինչպես գրում է BBC-ի թղթակիցը, փողը միշտ եղել է Դիքենսի` որպես գրողի հետաքրքրությունների ամենագլխավոր առարկաներից մեկը:

«Գրողներից և ոչ մեկն այդքան ուշադրություն չի դարձրել փողի ուժին ու աղքատության տառապանքներին, որքան Դիքենսը, ով լավ գիտե` ինչ է աղքատությունը, և դրանից հետո, որքան էլ սկսել է խոշոր գումարներ վաստակել, երբեք չի մոռացել իր աղքատ անցյալի մասին»,- գրել է լրագրողը:

Գրողը, արդյունքում, մահացել է հարստության մեջ` իրենից հետո թողնելով հարուստ գրական ժառանգություն:

Դիքենսի ստեղծագործությունները լավ վաճառվում են նաև այսօր, նրա գրքերը հրատարակիչներին բերում են տարեկան մոտ 3 մլն ֆունտ, իսկ նրա նովելների էկրանավորումը` 34 մլն, թատերական ներկայացումները` 64 մլն ֆունտ:

Ըստ BBC-ի հետազոտության` եկամուտների «առյուծի բաժինն» ընկնում է զբոսաշրջությանը. Լոնդոնում, Պորտսմուտում և Քենթի կոմսությունում գրողի թանգարանները զբոսաշրջիկների մշտական տեսարժան վայրերից են:

Սիրիայի բանակն այսօր շարունակել է Հոմս քաղաքի ռմբակոծությունը: Նախօրեին ընդդիմադիրների խոսքով ռմբակոծություններից զոհվել էր 50 մարդ:

Երկրի իշխանությունը հայտարարում է, որ զորքերն ապստամբությունը կշարունակեն ճնշել այնքան ժամանակ, քանի դեռ «զինված ահաբեկիչները» չեն զիջի իրենց դիրքերը, գրում է BBC-ին:

Այսօր Սիրիա է այցելում Ռուսաստանի ԱԳ նախարար Սերգեյ Լավրովը և Ռուսաստանի արտաքին հետախուզության ծառայության ղեկավար Միխայիլ Ֆրադկովը:

Նախօրեին Սիրիայի կառավարական ուժերի սկսած ռմբակոծության ընթացքում իշխանությունը գործի էր դնում մարտական ուղղաթիռներ և հրթիռային կայաններ:

Սերբ թենիսիստ Նովակ Ջոկովիչ «Laureus»-ի կոմից ընտրվել է 2011 թվականի «լավագույն մարզիկ»: 24-ամյա թենիսիստն արժանանալով լավագույնի կոչմանը,  ասել է որ հնարավոր է մեկ խաղաշրջանում նվաճել «Մեծ սաղավարտ»-ի բոլոր տիտղոսները` դառնալով նաեւ օլմիպիական չեմպիոն:

««Մեծ սաղավարտ»-ի խաղերը եւ օլիմպիական խաղերն իմ նպատակներն են այս տարում: Ես պետք է մնամ լավատես եւ շարունակեմ հավատալ այն գործին, որն անում եմ, ինչպես նաեւ իմ հնարավորություններին»,- ասել է «Ավստրալիայի բաց» առաջնության չեմպիոնը:

Փետրվարի 6-ին, ժամը 03.55-ին, հիվանդանոցից ոստիկանության Քանաքեռ-Զեյթունի բաժնում հաղորդում է ստացվել, որ ժամը 03.40-ին Ռուբինյանց փողոցի 2/1 շենքի բնակարաններից մեկից, շմոլ գազի թունավորումով, իրենց մոտ բուժօգնության է տեղափոխել երեք բնակիչ:

Պարզվել է, որ նրանք թունավորվել են բնակարանի գազի վառարանից շմոլ գազի արտահոսքի հետևանքով:

***

Փետրվարի 7-ին, ժամը 00.30-ին, հիվանդանոցից ոստիկանության Ապարանի բաժնում հաղորդում է ստացվել, որ շմոլ գազի թունավորումով իրենց մոտ բուժօգնության է տեղափոխել Ապարան քաղաքի երեք բնակիչ:

Երգչուհի Քրիստինե Պեպելյանն ամուսնու` Արամի եւ եւս մեկ զույգի հետ երեկ գնացել է «Jose» համալիր` լիցքաթափվելու: Քառյակը փորձել է աննկատ մնալ` նստելով մութ անկյունում: :

Նրանք սկսել են ինչ-որ բաներ պատվիրել, եւ երբ Քրիստինե Պեպելյանի մականունավոր ամուսնու «Վստրեչի Ապերի» պատվերը, իր կարծիքով, ուշացել է, նա հրահանգել է իր «տղերքին» մենեջեր Գեւորգ Ավետիսյանին ծեծել, ապա գցել են մեքենան ու տարել:

Ի դեպ, մենեջերը «Jose» նախկին տիրոջ` Մհեր Ավետիսյանի եղբայրն է:

Այս մասին գրում է aravot.am -ը և խոստանում.

Մանրամասները` առաջիկայում:

Ոստիկանության մամուլի ծառայությունից հայտնում են, որ  ոստիկանության քրեական հետախուզության գլխավոր վարչության ծառայողները, փետրվարի 4-ին, ժամը 15:00-ին, օպերատիվ միջոցառումներ իրականացնելիս, Երևանի Պարոնյան փողոցում գործող «Ուրարտու» ռեստորանի մոտից, հանցագործություն կատարելու կասկածանքով, բերման են ենթարկել նշված ռեստորանի գործադիր տնօրեն, 45-ամյա Աշոտ Երիցյանին:

Պարզվել է, որ նա փետրվարի 2-ի ժամը 20.00-ից մինչեւ փետրվարի 3-ի ժամը 04.00-ն ընկած ժամանակահատվածում, մի կնոջ հետ միասին Պարոնյան փողոցում գործող «Մասկարադ» կարաոկե բարում, ապա «Ուրարտու» ռեստորանում և Սայաթ-Նովայի պողոտայի թիվ 37 շենքի մուտքում, ծեծի են ենթարկել 24-ամյա Արտակ Գ.-ին, որից հետո նրան Ա. Երիցյանի «Մերսեդես» մակնիշի ավտոմեքենայով տեղից տեղ են տեղափոխել, որի ընթացքում Երիցյանը Արտակ Գ.-ի նկատմամբ բռնություն կիրառելով՝ նրան մտցրել է մեքենայի բեռնախցիկ՝ զրկելով ազատ տեղաշարժվելու հնարավորությունից:

Փետրվարի 4-ին, ժամը 18.00-ին, Արտակ Գ.-ից ընդունվել է հաղորդում:

Հարուցվել է քրեական գործ ՀՀ քրեական օրենսգրքի 133 հոդվածի 2-րդ մասի 1-ին կետի հատկանիշներով, այն է՝ ազատությունից ապօրինի զրկելը, որը կատարվել է մի խումբ անձանց կողմից նախնական համաձայնությամբ:

Կատարվում է նախաքննություն:

Ավելի վաղ NEWS.am-ը հայտնել էր, որ իրենց  հասած տեղեկություններով, այդ ամենի պատճառը եղել է այն, որ ոմն մեկը sms է գրել մի աղջկա։ Հաղորդագրությանը հաջորդել են «Ուրարտուի» տնօրենի հետևյալ գործողությունները. Նա հաղորդագրության հեղինակին ծեծել է, ապա գցել մեքենայի բեռնախցիկն ու տարել անհայտ ուղղությամբ:

Մեր հավաստի աղբյուրների փոխանցմամբ, այս գործում ընդգրկված է նաև դեռեւս խորհրդային շրջանում հայտնի «մաֆիոզ Գագոյի» աղջիկը՝ Քրիստինեն, ով այժմ որոնվում է ոստիկանների կողմից: Նշենք, որ վերջինս «Մասկարադ» կարաոկեի սեփականատերն է, որը դարձյալ  գտնվում  է Պռոշյան փողոցում, «Ուրարտու» ռեստորանից մոտ 50 մ հեռավորության վրա:

Թուրքիայի եվրաինտեգրման հարցերով նախարար Էգեմեն Բաղըշը Հունվարի 30-ին , գտնվելով Շվեյցարիայում, որտեղ քրեական պատասխանատվություն է նախատեսված Հայոց ցեղասպանության ժխտման համար, ասել էր. «Մենք այժմ Շվեյցարիայում ենք, և ես հայտարարում եմ, որ 1915թ. դեպքերը ցեղասպանություն չեն։ Թող գան ու ձերբակալեն ինձ»:

Շվեյցարացի իրավապահները մտադիր են ձերբակալել հոխորտացող թուրք նախարարին.
Ցյուրիխի պետական դատախազ Քրիսթին Բրաունշվայը Doğan Haber լրատվական գործակալությանը տված պարզաբանման մեջ ասել է.

«Անցյալ շաբաթ մեր դատարան մի դիմում է ստացվել, որի համաձայն Բաղըշը Շվեցարիայում քրեական օրենսգրքի 261-րդ հոդվածում առկա  օրենքին դեմ է արտահայտվել:Հետաքննություն է սկսվել, քանի որ դատարանն այդ պնդումը հիմնավոր է համարել: Հիմա մենք քննելու ենք հայոց ցեղասպանութունը ժխտելու մասին` Էգեմեն Բաղըշի արտահայտությունը: Կուսումնասիրենք նաև նրա դիվանագիտական անձեռնմխելիության հետ կապված հարցը: Ապա  դատական գործ կբացենք, եթե այս ամենը օրենքին հակասող լինի և դիվանագիտական անձեռնմխելիության խնդիր չլինի»: