ԱՄՆ-ի կենտրոնական արևմտյան և հարավային նահանգներին պատուհասած ուժեղ տորնադոների հետևանքով  22 մարդ է զոհվել , տեղեկացնում է ԻՏԱՌ-ՏԱՍՍ գործակալությունը։

Տեղական ինքնակառավարման մարմինները մահացածների ստույգ թիվ չեն հաղորդում, նշելով, որ դրանց թիվը կարող է կտրուկ աճել, երբ փրկարարները սկսեն որոնողական աշխատանքները։ Մինչդեռ, նշվում է հարյուրավոր վիրավորների մասին։

Առավել տուժել են Ինդիանա և Կենտուկի նահանգները, որտեղ փրկարարները համապատասխանաբար՝ 13 և 9 մարդկանց դիակներ են հայտնաբերել։

Ազգային օթերևութաբանական ծառայությունից հայտնել են, որ այս պահի դրությամբ՝ երկրում մոլեգնում է մոտ 6 փոթորիկ, սակայն մասնագետների կանխատեսմամբ՝ ևս 15 տորնադո է հնարավոր։

Հանրապետության տարածքում մարտի 3-ին առավելապես արևելյան շրջաններում, 4-ին և 7-ին շրջանների զգալի մասում սպասվում են տեղումներ, լեռնային և նախալեռնային շրջաններում ձյան, հովտային շրջաններում` թաց ձյան և ձնախառն անձրևի տեսքով:

5-6-ին սպասվում է առավելապես առանց տեղումների եղանակ:  Լեռնանցքներում սպասվում է բուք, ճանապարհներին մերկասառույց:

Օդի ջերմաստիճանը 5-6-ը կնվազի 2-4 աստիճանով, 7-ին նույնքան կբարձրանա։ Երևանում մարտի 3-ին և 5-6-ը սպասվում է առանց տեղումների եղանակ, 4-ին և 7-ին ժամանակ առ ժամանակ` տեղումներ:

Սիրված երգչուհի Սելին Դիոնը ձայնալարերի խնդիր ունի ու դա է պատճառը, որ նա ստիպված է եղել Լոս Անջելեսում չորս համերգ  չեղյալ հայտարարել:

Բժիշկներն ախտորոշել են վարակային հիվանդություն, որը հանգեցրել է ձայնալարերի բորբոքման: Երգչուհին բժիշկների խորհրդով մոտակա մի քանի շաբաթների ընթացքում պետք է խիստ անկողնային ռեժիմ պահպանի, տեղեկացնում է ANS PRESS-ը:

Համերգի կազմակերպիչներն արդեն երկրպագուներին տեղեկացրել են, որ կարող են վերադարձնել տոմսերի գումարները:
Հաղորդվում է, որ Դիոնը մտահոգվել է հատկապես համերգները հետաձգելու պատճառով, քանի որ չի սիրում հիասթափեցնել իր արվեստի երկրպագուներին:

Նախագահ Սերժ Սարգսյանն այսօր ընդունել է ԵԱՀԿ Մինսկի խմբի համանախագահներ Ժակ Ֆորին (Ֆրանսիա), Ռոբերտ Բրադկեին (ԱՄՆ), Իգոր Պոպովին (Ռուսաստան) և ԵԱՀԿ գործող նախագահի անձնական ներկայացուցիչ Անջեյ Կասպրշիկին: Այս մասին տեղեկացնում է ՀՀ նախագահի մամուլի ծառայությունը։

Tert.am

Բլոգերներից մեկը լուսանկարել է, թե ինչպես են Մաշտոցի պողոտայում գտնվող Փակ շուկայի կամարները քանդում, ինչն էլ  Ֆեյսբուքյան ակտիվ քննարկման առիթ է դարձել բերելով համապատասխան մեկնաբանություններ.

«Մեր Քաղաքը» նախաձեռնության  մտահոգությանն ի պատասխան  Երևանի քաղաքապետարանի Տեղեկատվության և հասարակայնության հետ կապերի վարչության պետ Արթուր Գևորգյանն անմիջապես արձագանքել է. Այս հարցի մասին Երևանի քաղաքապետարանի պարզաբանումն արդեն եղել է, որում մասնավորապես նշել ենք, որ Փակ շուկայի տարածքում քաղաքապետարանը թույլատրել է կատարել միայն ներքին հարդարման աշխատանքներ:

Կատարվող շինարարական գործողություններից ենթադրելի է, որ Փակ շուկայի վրա նոր հարկ(եր) են ավելացվում, քանի որ տանիքի վերանորոգման աշխատանքների պարագայում դժվար թե քանդվեն տանիքի կամարները:

Փաստորեն, Քաղաքապետարանը թույլտվություն չի տվել որևէ արտաքին փոփոխություն իրականացնելու համար, սակայն կամարները քանդվում են. դրանք արտաքին տեսքի մեջ չե՞ն մտնում:

Ստորև ներկայացնում ենք Ֆեյսբուքյան օգտատերերի գրառումները.

Ինչպես հայտնում է Ամերիկայի   Հայ ազգային կոմինտեն, ԱՄՆ կոնգրեսականներ Ադամ Շիֆը, Հարի Փեթերսը , Հովարդ Բերմանը hանդես են եկել համատեղ հայտարարությամբ:

Մասնավորապես  Փետրվարի 27-ին ԱՄՆ ներկայացուցիչների պալատում տեղի է ունեցել միջոցառում նվիրված Սումգայիթի զոհերին:

Իր ելույթում, Ադամ Շիֆը, մասնավորապես, հայտարարել է, որ իրենք հավաքվել հարգանքի տուրք մատուցելու այն հայերին, որոնք սպանվեցին  Բաքվում եւ Սումգայիթում 24 տարի առաջ: Կոնգրեսականը  հիշեցրել է, որ հարյուրավոր հայ կանայք ու երեխաներ  են սպանվել, կողոպտվել  ու աքսորվել 1988 թ ջարդերի ժամանակ.«Սա պարզապես մի դրվագ է հակահայկական գործողությունների վերաբերյալ, իրագործված Ադրբեջանի  կողմից:  Ադրբեջանի հակահայկական գործողությունները երկու տասնամյակների ընթացքում, սանձազերծված պատերազմը  Լեռնային Ղարաբաղում `սպանված հազարավոր և աքսորի մատնված հարյուր հազարավոր մարդիկ. Մոտ 450,000 հայեր Ադրբեջանում փաստորեն վերացել են», — ասել է Շիֆը:

Կոնգրեսականը հավաքվածներին  կոչ է արել հարգել Սումգայիթի  զոհերի հիշատակը մեկ րոպե լռությամբ. «Դա մեր բարոյական պարտքն է դատապարտել հանցագործությունները և  հարգել զոհերի հիշատակը, ինչպես նաև  հույս ունենալ, որ պատմությունը չի կրկնելու իրեն», — ասել է Շիֆը:

 Այսօր  քաղաքային հիվանդանոցում մահացել է Մոսկվայի հարավում սպանված Իրինա Զիրոյանի թիկնապահը, որը գործարար կնոջ հետ միասին ենթարկվել էր հրազենային հարձակման:  Այս մասին   հայտնել է Интерфакс գործակալությունը:

Թիկնապահը ծանր վիճակով տեղափոխվել էր N7 հիվանդանոցի վերակենդանացման բաժին, սակայն նրա կյանքը փրկել չի հաջողվել:

Հիշեցնենք, որ երեկ Մոսկվայում անհայտ անձինք կրակել են գործարար Իրինա Զիրոյանի վրա: Այդ մասին հաղորդել էր RIA Novosti-ն՝ վկայակոչելով երկրի իրավապահ մարմիններին:

Ոստիկանությունից հայտնել էին, որ Իրինա Զիրոյանը թիկնապահի հետ եկել էր ճաշելու «Տանուկի» ռեստորանում: Երբ նա դուրս է եկել այնտեղից և մոտեցել մեքենային, երկու հոգի կրակ են բացել նրա և թիկնապահի վրա: 52-ամյա Զիրոյանը տեղում մահացել է: Նրա թիկնապահ Վալերի Ֆիլատովը ծանր վիրավորվել և տեղափոխվել էր վերակենդանացման բաժին:

http://www.armversion.am/2012/03/01/%D5%B4%D5%B8%D5%BD%D5%AF%D5%BE%D5%A1%D5%B5%D5%B8%D6%82%D5%B4-%D5%BD%D5%BA%D5%A1%D5%B6%D5%BE%D5%A5%D5%AC-%D5%A7-%D5%A3%D5%B8%D6%80%D5%AE%D5%A1%D6%80%D5%A1%D6%80-%D5%AB%D6%80%D5%AB%D5%B6%D5%A1-%D5%A6/

Մարտի 2-ին, ոստիկանները «Զվարթնոց» օդանավակայանից բերման են ենթարկել  բորտուղեկցորդուհի Լուիզա Եղիազարյանին, որի միջոցով փորձել են մաքսանենգ ճանապարհով 1կգ  285 գրամ ոսկյա զարդեր տեղափոխել Երևան-Կրասնոդար չվերթով: Այս մասին   հայտնում է ոստիկանության լրատվության վարչությունը:

Լուիզա Եղիազարյանի ձեռքի պայուսակից հայտնաբերվել է վեց փաթեթ, որոնց վրա անուններ են գրված եղել: Նա հայտնել է, թե  պետք է թանկարժեք իրերն, առանց մաքսային հսկողության, տեղափոխեր Կրասնոդար և հանձներ տերերին: Այդ ծառայության դիմաց նա ստացել է ընդամենը 400 դոլար:

Ոսկեղենն առգրավվել է և ուղարկվել ապրանքագիտական փորձաքննության: Կատարվում է հետաքննություն:

Ազատ դեմոկրատներ» և «Ժառանգություն» կուսակցությունների միջև դաշինքի հարցը կարելի է լուծված համարել,  այսօր մամուլի ասուլիսում հայատարարել է «Ազատ դեմոկրատներ» կուսակցության ներկայացուցիչ Արարատ Զուրաբյանը: Շուտով կլինի պաշտոնական հայտարարություն:

Համամասնական ցուցակը գլխավորելու հարցը դեռ լուծված չէ: Ըստ Զուրաբյանի կհայտարարվի դաշինքի մասին, ապա կսկսվեն քննարկումները: «Ազատ դեմոկրատների» ներկայացուցիչը վստահ է, որ իրենք հաղթահարելու են 7-տոկոսանոց արգելքը և հայտնվելու են խորհրդարանում:

Զուրաբյանը տեղեկացրեց, որ մարտի 11-ին կայանալու է «Ազատ դեմոկրատների» համագումարը, որի ժամանակ էլ, ըստ ամենայնի, կհրապարակվի միասնական ցուցակը:

«Ժառանգություն» կուսակցության 7-րդ համագումարում, ըստ Զուրաբյանի, Րաֆֆի Հովհաննիսյանի ելույթից կարելի էր հասկանալ, որ դաշինքը կայանալու է և շատ տևական ու արդյունավետ:

Wikileaks-ի գաղտնազերծած փաստաթղթերից պարզ է դառնում, որ թիվ 1 ահաբեկիչի` մարմինը ծովին հանձնելու մասին լուրերը չեն համապատասխանում իրականությանը:

Anonymous-ի հաքերների միջոցով Stratfor հետախուզության կենտրոնի մի քանի միլիոն գաղտնի ֆայլերը Wikileaks-ում հրապարակվելուց հետո է պարզվել է, որ Բեն Լադենի աճույնը այլ բախտի է արժանացել:

ԱՄՆ նախագահ Բարաք Օբամայի Պակիստանում ահաբեկչի ոչնչացման մասին հայտարարության պահին, Stratfor-ի ղեկավար Ջորջ Ֆրիդմանը էլեկտրոնային նամակ է ուղարկել նրան. «Իմ տվյալներով մարմինն արդեն մեզ մոտ է: Փառք Աստծո!»:

Իր հերթին կենտրոնի փոխնախագահն ի պատասխան նշել է, որ ահաբեկչի դին գտնվում է Կենտրոնական հետախուզական ծառայության ինքնաթիռում, որն ուղևորվում է Դելավեր նահանգ, իսկ մարմինը կհանձնվի Զինված ուժերի պաթոլոգիայի ինստիտուտ: