«Հայկական ժամանակ».  ԱԺ-ում հավատարմագրված լրագրողները երեկ խորհրդարանի միջանցքներում իրար պատմում էին, թե ինչպես է Աժ պատգամավոր Սամվել Ալեքսանյանը իրենց առաջարկել գրազ գալ, որ որևէ մեկը «իր դեմ» չի առաջադրվի Երևանի թիվ 7 ընտրատարածքում:

Լրագրողներից որևէ մեկը չի ընդունել Ալեքսանյանի գրազը` համարելով, որ տանուլ կտա: Ինքը` Ալեքսանյանն էլ առաջնորդվել է այդ կանխավարկածով, որովհետև երեկ նույն ընտրատարածքում «առաջադրվել է տվել» Մալաթիա-Սեբաստիա թաղապետարանի աշխատակից, անկուսակցական ոմն Վարդան Վարդանյանի: Թերթը հիշեցնում է, որ գործող Ընտրական օրենսգրքի համաձայն` ընտրությունների կայացման համար անհրաժեշտ է, որ գրանցված թեկնածուների թիվը լինի առնվազն երկուսը: Այսօր առաջադրումների ժամկետները սպառվում են:

Մարտի 21-ին, ժամը 17.55-ին, անհայտ քաղաքացուց  ոստիկանության Արտաշատի բաժնում ահազանգ է ստացվել, որ Ջրաշեն գյուղի բնակիչ Թորգոմ Խուդոյանի տանը դիակ կա:Դեպքի վայր մեկնած օպերատիվ խումբը տան խոհանոցի հատակին հայտնաբերել է տանտիրուհու՝ 74-ամյա Չինար   Խուդոյանի   դիակը` պարանոցի, կրծքավանդակի և որովայնի կտրած-ծակած վերքերի հետքերով:Դեպքի վայրի զննությամբ հայտնաբերվել է հանցագործության գործիք դանակը:Հարուցվել է քրեական գործ ՀՀ քրեական օրենսգրքի 104 հոդվածի 2-րդ մասի 5-րդ կետի հատկանիշներով: Կատարվում է նախաքննություն:

Իջևան քաղաքի Անկախության փողոցում տեղադրված է «Քվեն ուժ է» հասարակական շարժման կարմիր վրանը: Վրանում շարժման իջևանցի մասնակիցներ Ռոբերտ Խաչատրյանը և Արսեն Ալիխանյանն էին, որոնք ասացին, որ իրենք ՀՅԴ անդամներ են, սակայն այս դեպքում հանդիսանամ են հասարակական շարժման ներկայացացիչներ: Նրանք գրառում են շարժմանը միացողների անուն-ազգանանունները, վերջիններս ստորագրամ են, սակայն այդ մարդկանց անձնագրային տվյալները չեն հաշվառվում: Հասարակական շարժման կարմիր վրանը Իջևանում տեղադրված է մարտի 16-ից. անցած 8 օրվա ընթացքում շարժմանը միացել է շուրջ 160 իջևանցի: Ռոբերտ Խաչատրյանը և Արսեն Ալիխանյանն ասացին, որ շատերն են մոտենում և հայտարարում` ընտրությունների միջոցով Հայաստանում ոչինչ չի փոխվի, ոմանք էլ ասում են, թե սպասում են ընտրակաշառքի: Իջևանում շրջանառվող խոսակցաթյանների համաձայն` մայիսի 8-ի խորհրդարանական ընտրություններում յուրաքանչյուր ձայնի համար ընտրակաշառքը լինելու է 10 հազար դրամ:

Հանրապետական կուսակցությունն գործադիր մարմնի իր այսօրվա  նիստում որոշել է, առաջադրել պատգամավոր՝ ՀՖՖ-ի նախագահ Ռուբեն Հայրապետյանի թեկնածությունը: Նա կառաջադրվի Երևանի թիվ 1 ընտրատարածքում: Մինչ այս որոշված էր, որ այդ ընտրատարածքում առաջադրվելու է  Աբովյանի անվան մանկավարժական համալսարանի պատմության և իրավագիտության ֆակուլտետի դեկան Էդիկ Գեւորգյանը:

Հիշեցնենք, որ մի քանի օր է, քննարկվում է Հայրապետյանի առաջադրվելու խնդիրը: «Հլը մի հատ դեմքիս ուշադիր նայեք, ես նմա՞ն եմ մարդու, որին կարող են ստիպել, իմ ընկերը կարող  ինձ համոզել, միակ մարդն ինքն է, որ կարող է համոզել, որին ես շատ եմ սիրում և հարգում»,- ասել է Ռուբեն Հայրապետյանը: Խոսքը ԱԺ պատգամավոր Սամվել Ալեքսանյանի մասին է: Փաստորեն, նա կարողացել է համոզել:

վաղը Երևանում առաքելության մանդատը, գործունեության ծավալն ու շրջանակը կներկայացնի ԵԱՀԿ/ԺՀՄԻԳ ընտրությունների Ռադմիլա Շեկեռինսկան (Radmila Sekerinska Jankovska):

Ռադմիլա Շեկեռինսկան գլխավորել է ԵԱՀԿ/ԺՀՄԻԳ ընտրությունների դիտորդական առաքելությունը 2009թ. Ղրղըզստանի նախագահական ընտրություններում:

«Մեդիամաքս» գործակալությունը, հաղորդում է, որ Շեկեռինսկան 2004թ. նոյեմբեր-դեկտեմբերին եղել է Մակեդոնիայի նախկին հարավսլավական պետության վարչապետը: Այնուհետև գլխավորել է ընդդիմադիր Սոցիալ-Դեմոկրատական միությունը, եղել է Մակեդոնիայի խորհրդարանի ընդդիմության առաջնորդը:

Հետաքրքիր իրավիճակ է ստեղծվել հանրապետությունում. Քաղաքական դաշտի քաոսը, սպառնում է դառնալ զավեշտ: Հիմա, երբ արդեն ԱԺ առաջիկա ընտրություններում առաջադրվել են թեկնածուներ, քիչ թե շատ հստակեցվել է կուսակցությունների նախընտրական ցուցակները,  լրատվամիջոցներից խուսափում են թե ներկայիս գործող ԱԺ պատգամավորները, թե` նորընծա թեկնածուները:

Ժողովրդի ընտրյալները գերադասում են դուրս չգալ մարդամեջ, նրանցից շատերը դրածո են, որոնց տնօրինում են նրանք` ում վստահված է տվյալ թեկնածուն:Իսկ ապագա պատգամավորացուները սսկվել են, որ հանկարծ չվրիպեն իրենց խոսքում, չասեն այնպիսի բաներ, որ չպետք է ասեին, ինֆորմացիայի արտահոսք թույլ չտան: Իսկ նրանց պատնեշող առնվազն մի 4 — 5 հոգի է հայտնվել, որոնք ամեն ինչ անում են սիրասուն թեկնածուին զերծ պահելու անցանկալի ժուռնալիստներից:

Մարտի 20-ին, ժամը 15-ի սահմաններում, թիվ 33 երթուղու «Գազել» մակնիշի ավտոմեքենան Երևանի Ազատության պողոտայում բախվել է «ՎԱԶ-2107» և «ԲՄՎ-500» մակնիշի ավտոմեքենաների:Բախման հետևանքով երթուղայինը կողաշրջվել է. 3 ուղևորներ ստացել են մարմնական վնասվածքներ: Կատարվում է քննություն: