Այսօր գնալով ավելի ու ավելի շատ զույգեր են բաժանվում: Դրա պատճառները տարբեր են, որ կփորձենք ներկայացնել մեկ այլ հրապարակմամբ: Իսկ ստորև բերվող խորհուրդները, որ չնայած ուղղված են ամուսնացած տղամարդկանց, կարող են օգտակար լինել նաև այլ կարգավիճակում գտնվողներին և ինչու չէ, նաև կանանց, և հուսով ենք մի պահ մտածելու տեղիք կտան.

Հատկապես ուշադիր և քնքուշ եղեք ամուսնության առաջին ամսում, առաջին տարում և տասներորդ տարում: Հոգեբանները պարզել են, որ  կանայք  ուշադրության  նշաններ են փնտրում հատկապես այդ ` ճգնաժամային  համարվող  ժամանակահատվածներում:

Հնարավորինս  հաճախ քնուշ բառեր ասեք ձեր կնոջը: Սակայն չափի  զգացումն  անգամ     այս հարցում կորցնել պետք չէ. դերասանի տպավորություն  կթողնեք:

Նվերների և հաճոյախոսությունների հարցում բազմազանություն ցուցաբերեք: Մշտապես կրկնվող` նույնիսկ ամենաշոյիչ հաճոյախոսությունները կարող են  հակառակ ազդեցություն թողնել:

Աշխատանքի գնալիս  և այնտեղից վերադառնալիս  համբուրեք կնոջը: Կանայք այս հարցում  չափազանց զգայուն են: Վստահ եղեք` ձեր քնքշանքը  կփոխհատուցվի կրկնակի ջերմությամբ:

Եթե ցանկանում եք վաստակել  ձեր կնոջ հարգանքն ու մեծ հեղինակություն դառնալ նրա համար, ապա տան ամենածանր գործերը ձեր վրա վերցրեք:

Ընտանեկան վեճերի ժամանակ  հիշեք, որ ձեր առջև կին է, ոչ թե տղամարդ. բռունցքներն ու  հայհոյանքներն անմիջապես  ձեզ կվարկաբեկեն  նրա աչքում: Իսկ ահա  ջենթլմենին  վայել  պահվածքը  լիովին  կզինաթափի նրան. Չէ որ նա կին է:

Երբեմն-երբեմն ընտանեկան հավաքույթներ  կազմակերպեք:Թող ձեր կինը տեսնի որքան առատաձեռն եք իր բարեկամների ու հարազատների հանդեպ:

Երբեմն նրան…ուրիշ տղամարդու աչքով նայեք: Խանդի զգացում ապրեցիք, շատ լավ է: Այ հիմա  կսկսեք էլ ավելի  գնահատել նրան:

Մի շտապեք բաժանվել: Հիշեք, յուրաքանչյուր մարդ  թերությունների իր հավաքածուն ունի, և երբեմն չես կարող ասել, թե ահա այն կինը,  որ հեռվից հիասքանչ է թվում, ինչպիսին կլինի ընտանեկան հարաբերություններում:

Ցանկացած կին իր հմայքն ունի: Ոմանց մոտ այն անմիջապես է աչքի զարնում, մյուսների դեպքում պետք է գտնես հոգու խորքերում:Եթե դուք մինչև  օրս ձեր կնոջ մեջ չեք գտել նրա հմայքի գաղտնիքները, ուրեմն լավ չեք  փնտրել:

ՀՀ գլխավոր դատախազությունն այսօր` մարտի 30-ին,Երևանի թիվ 11 ընտրատարածքի 15-րդ ընտրատեղամասի ընտրական ցուցակում Գարեգին Նժդեհ փողոցի 35-րդ շենքի 11-րդ բնակարան հասցեում 101 քաղաքացիների գրանցման հետ կապված գործը կուղարկի ոստիկանություն` ստուգելու և օրենքով սահմանված  կարգով ընթացք տալու համար:

Առայժմ պարզվել է, որ հաշվառված 101 քաղաքացիներից 6-ը` Այվազյան Գագիկը, Այվազյան Մամիկոնը, Թամարյան Աիգազը, Նազլույան Արթուրը, Նուրբեկյան Ալբերտը, Նուրբեկյան Սասունը Վրաստանի Նարդևան գյուղի բնակիչներ են եղել:

Իրանի քաղաքացիները ողողել են մայրաքաղաքը: Այս օրերն նրանք Հայաստան են գալիս մեծ խմբերով: «Հայկական Վարկածին» նրանց հյուրընկալած օբյեկտներից մեկի պատասխանատուն պատմեց որ, իրանցիները գալիս են խառը խմբով`կանայք ու տղամարդիկ և այստեղ վայելում են իրենց երկրում արգելված ազատությունը: Մայրաքաղաքից հեռու ընկած օբյեկտներում տեղավորվում են խմբեր համեմատաբար ոչ ունևոր խավից: Սակայն այսօրվա հյուրանոցային առատության պայմաններում նրանց «որսալն» այդքան էլ հեշտ չէ:

Իրանցիներն ամենուր են` խանութներում շուկաներում, զվարճանքի վայրերում, թե ինչքան կտևի այցելության այս բուռն տեմպը դժվար է ասել, սակայն մի բան պարզ է, իրանցիները, ըստ նրանց հետ առնչվող մարդկանց, գնալով ավելի ու ավելի շատ են ձգտում գալ Հայաստան, չնայած անընդհատ դժգոհում են, որ գները մեզ մոտ շատ թանկ են:

Այսօր լրագրողների հետ հանդիպմանը ՅՈՒՆԵՍԿՕ-ի հրապարակած տվյալները ներկայացրեց Ֆիզմաթ գիտությունների դոկտոր, պրոֆեսոր, ԳԱԱ թղթակից անդամ Արթուր Իշխանյանը. ԽՍՀՄ տարիներին Հայաստանն ուներ շուրջ 27 հազ. գիտնական, այժմ այդ թիվը 4.5 հազ. է: Այդ կտրուկ անկումը տեղի է ունեցել 1990-ական թվականներին, բայց վերջին տասնամյակում նույնպես գրանցվել է կայուն անկում` տարեկան միջինը 250 մարդ.

«Եթե այսպես շարունակվի, մենք կանգնելու ենք վթարի առաջ: Մենք կարիք ունենք գիտությունը դարձնել գրավիչ և երիտասարդների ներհոսք ապահովել, իսկ դա հնարավոր չէ իրականացնել ֆինանսավորման այն պայմաններում, ինչը մենք ունենք»,- ասաց նա` հավելելով, որ ՅՈՒՆԵՍԿՕ-ի տվյալներով` մենք գիտության ամենավատ ֆինանսավորում ունեցող երկրներից ենք:

Արթուր Իշխանյանը այն գիտնականներից մեկն է, որոնք ակտիվորեն փորձում են ելք գտնել ստեղծված իրավիճակից: Նրանց պահանջով ստեղծված «պահանջում ենք գիտության ֆինանսավորում» խումբը այսօր քննարկումների մեջ է, փորձելով հստակեցնել անելիքները, սակայն, ցավոք ներսում եղած խմորումներն ու անհամաձայնությունները լուրջ ու դրական արդյունքի չեն բերում:

Ըստ Իշխանյանի, Երիտասարդները ասպիրանտուրայի պաշտպանությունից հետո կամ այլ ոլորտներ են գնում, կամ արտագաղթում են: Գիտնականի միջին տարիքը ողջ աշխարհում մոտ 40 է, այն դեպքում, երբ Հայաստանում այն 2000 թ.-ին 48 էր, 2008 թ.-ին` 58 էր, իսկ հիմա՝ 60: Սա նշանակում է, որ մեր գիտությունը երիտասարդության ներհոսք չունի»:

Գիտնականի պնդմամբ` այս թիվը ահազանգող թիվ է, քանի որ նշանակում է, որ մի 5 — 6 տարի անց նրանք բոլորն անցնելու են թոշակի և մենք ունենալու ենք գիտության մակարդակի սարսափելի անկում:

Իշխանյանը հույս ունի, որ առաջիկայում խորհրդարանական ընտրություններին իրենք համախմբված կգործեն, ու կարծում է, որ պետք է ամեն ինչ անել, որպեսզի ձևավորվելիք խորհրդարանը լուծի ոլորտի ֆինանսավորման հարցն ու առհասարակ ոլորտի խնդիրները: Ցանկացած վրիպում կամ հապաղում Հայաստանում գիտությանը կստիպի սլանալ դեպի անդունդ:

Այն հինգ անձանց թվում, որոնց ՀՀ ոստիկանության անձնագրային և վիզաների վարչությունը մերժել է տեղեկանք տրամադրել  վերջին հինգ տարում մշտապես Հայաստանում բնակվելու մասին, եղել է նաև Էրեբունու նախկին թաղապետ, հանրապետական Մհեր Սեդրակյանի որդին` Դավիթ Սեդրակյանը:

Մենք արդեն գրել ենք, որ Մհեր Սեդրակյանը նախատեսել էր պատգամավորության թեկնածու առաջադրել իր որդուն, սակայն, ցավոք, (ցավոք` քանի շատ ավելի լավ կլիներ, եթե Սեդրակյան կրտսերի նման պատրաստված ու կիրթ երիտասարդ կադրեր լինեն խորհրդարանում, քան Սեդրակյան ավագի նմանները)  հանգամանքները թույլ չտվեցին: Դավիթը ուսանում է Լոնդոնում, և արդեն 5 տարուց ավելի է ապրում է այնտեղ:

ԱՎ վարչությունը տեղեկանք չի տրամադրել նաև գործարար, ՀԱԿ անդամ Խաչատուր Սուքիասյանին, ՕԵԿ- ական Էդուարդ Մադաթյանին, ՀԱԿ անդամներ Վոլոդյա Հովհաննիսյանին  և Արմեն Սահակյանին:

Այսօր Երևանում մեկնարկեց Հայ հեղափոխական Դաշնակցության Հայ Դատի հանձնախմբերի գումարած թվով 4-րդ եռօրյա խորհրդաժողովը:

Հայ Դատի ավելի քան 25 հանձնախմբերի անդամներ աշխարհի տարբեր երկրներից, իրենց մասնակցությունն էին բերել խորհրդաժողովին:

Օրակարգում 6 հարց էր. Հայոց ցեղասպանության միջազգային ճանաչման և պահանջատիրական պայքարի ուղղությամբ տարվող աշխատանքները, հայ-թուրքական հարաբերությունները, Արցախի միջազգային իրավական ճանաչման և բանակցային գործընթացի, Ադրբեջանի հակահայ քաղաքականության դեմ պայքարի հիմնախնդիրները, ՀՀ արտաքին քաղաքականության մարտահրավերները, Ջավախքի հայության իրավունքների պաշտպանության ուղղությամբ նախաձեռնությունները:

Հայ Դատի Բյուրոյի անդամ, ՀՅԴ պատգամավոր Վահան Հովհաննիսյանն իր զեկույցում խոսելով խորհրդարանական դիվանագիտությունից, նկատեց, որ այսօր, ընդհանուր առմամբ, թե՛ հայկական և թե՛ ընդհանրապես մյուս երկրների հանձնաժողովների ներկայացուցիչները պատրաստ չեն դիվանագիտական աշխատանքների՝ սուբյեկտիվ և օբյեկտիվ պատճառներով: Նրա համոզմամբ, հանձնաժողովները կազմված են թեմաներին լավ  չտիրապետող մարդկանցից: Խորհրդարանական դիվանագիտությունը, կարևոր միջոց է ներկայացնելու հայկական շահերը:

«Թուրքական և արդրբեջանական լոբբին աշխատում են այլ միջոցներով՝ հիմքում ունենալով նյութականը: Այս առումով մենք պետք է հասկանանք, որ չենք կարող մրցել նրանց դաշտում, նվերների, նյութական շահերի ասպարեզում։ Մեր աշխատանքը հիմնված է բարոյական, գաղափարական հենքի վրա»,-ասաց նա:

Վահան Հովհաննիսյանի կարծիքով այն հարցը,թե` արդյո՞ք Հայ Դատի աշխատանքներն այսօր արդիական են,  և արդյո՞ք ժամանակը չէ աշխատել միայն ներքին հարցերով, ունի  շատ հստակ պատասխան, «Մենք այսօր չունենք ավելի ակտուալ հարց, քան հայ դատի աշխատանքն է, քանի որ հենց ներքին, սոցիալական հարցերը, ի վերջո, ածանցյալ են այն հսկայական ողբերգությանը, ինչպիսին ցեղասպանության հարցն է»:

Հովհաննիսյանը որպես Հայ Դատի կարևոր խնդիրներ, առանձնացրեց երեքը` Ցեղասպանության միջազգային ճանաչման, Հայաստանի տնտեսական վիճակի բարելավման, ինչպես նաև Լեռնային Ղարաբաղի հարցը:

«Պետք է գտնել բանաձևեր, ճշգրիտ ձևով ապահովելով դրանց բալանսը՝ ճշգրիտ լուծումեր գտնել: Հայաստանի արտաքին քաղաքականությունը ինչքանո՞վ է նպաստում դրան։ Ցավոք միշտ չէ: Հայ Դատի գրասենյակները պետք է աշխատեն ճիշտ, իդեալական դիվանագիտությամբ, այդ սայթաքումները շտկելով»,-կարծում է նա:

Արմեն Ռուստամյանը ներկայացրեց ՀՀ արտաքին քաղաքականության մարտահրավերները. «Ռուսաստանը նկատեց այն մարտավարությունը և այն կաշկանդվածությունը, որն առկա է պաշտոնական դիվանագիտության մեջ: Հայ Դատի գաղափարախոսության հիմքում դրված է պահանջատիրությունը: Պետք է արտաքին քաղաքականության օրակարգի հիմքում դրված Հայոց Ցեղասպանության հարցում անքատելի մաս համարվի ոչ միայն ճանաչման , այլ հատուցման խնդիրները։ Դրանից չպետք է վախենալ, քանի որ մենք պետք է հասկանանք, որ մենք անխոցելի ենք, քանի որ արդարացի ենք»:

Հայ-թուրքական և Ղարաբաղյան հարցում, Ռուստամյանը գտնում է, որ պետք է գործել միասնական. «Մենք չպետք է կատարենք քայլեր, որ մեր ձեռքից բաց թողնենք մեր հնարավորությունները, և այդ քայլերով չփակենք ճանապարհները»,-ասաց նա և որպես կարգախոս նշեց, որ Հայաստանը պետք է զարգանա՝ չզիջելով:

Հանձնաժողովը առաձին ուղղությամբ քննարկման կդնի նաև «Մերձավոր Արևելքի վերջին զարգացումները, Թուրքիայի դերակատարությունը և Հայ Դատի աշխատանքների նոր մարտահրավերները» թեմաները:

Ոստիկանությունըարձագանքել է  «Հայկական Ժամանակ» օրաթերթում այսօր հրապարակված Երևանի թիվ 10 ընտրատարածքի 10/30 ընտրական տեղամասի ընտրացուցակում տեղ գտած անճշտությանը և հաղորդագրություն տարածել, որում ասվում է,  որ անճշտությունը պարզելու նպատակով ՀՀ ոստիկանության անձնագրային և վիզաների վարչությունում ստեղծված արագ արձագանքման օպերատիվ շտաբը կատարել է ուսումնասիրություն: Պարզվել է, որ անճշտությունը անձնագրային ծառայության աշխատակցի ծառայողական պարտականությունները ոչ պատշաճ կատարելու հետևանք է: Անձնագրային ծառայության քաղաքացիական ծառայողը ազատվել է զբաղեցրած պաշտոնից: Անճշտությունը վերացվելու է:

Անձնագրային և վիզաների վարչությունը հայցում է Ֆադեյ Սարգսյանի հարազատների ներողամտությունը:

Ոստիկանությունից քաղաքացիներին կրկին խնդրում են ընտրողների ցուցակներում ցանկացած անճշտություն, այդ թվում՝ մահացած անձանց տվյալներ հայտնաբերելիս, դիմել ոստիկանության անձնագրային և վիզաների վարչություն կամ հաշվառման վայրի անձնագրային ծառայություն կամ զանգահարել 010-53-88-63 հեռախոսահամարով:

Ոստիկանությունից խոստանում են օպերատիվ արձագանքել հաղորդումներին:

«Ժառանգություն» կուսակցության նախընտրական շտաբի լրատվական ծառայությունը հաղորդագրություն է տարածել,

Ըստ, որի Սյունիքի մարզում «Ժառանգության» նախընտրական շտաբի ստեղծման համար Գորիս մեկնած Զարուհի Փոստանջյանի և «Ժառանգության» Գորիսի ստորաբաժանման ակտիվիստների առջև Սյունիքի մարզային իշխանությունները խոչընդոտներ են հարուցել.

«Գորիսում քաղաքացիները, ովքեր «Ժառանգության» շտաբի հիմնադրման համար տարածք էին տրամադրել, ինչ-ինչ իշխանական ճնշումներից հետո խնդրել են վերադարձնել իրենց տարածքի բանալիները և հանել շտաբի վրա փակցված «Ժառանգության» լոգոնշանը:

Ակնհայտ է, որ բացի իշխանությունների միջամտությունից նշված քաղաքացիները որևէ այլ պատճառ տարածքի տրամադրումից հրաժարվելու համար չէին կարող ունենալ»

«Ժառանգությունը տեղեկացնում է, որ բայցի այդ, Փոստանջյանը պարզաբանումներ ստանալու նպատակով զանգահարել է Սյունիքի մարզպետ, ՀՀԿ համամասնական ցուցակում տեղ գտած Սուրեն Խաչատրյանին, և պարզաբանումների փոխարեն հայհոյախառն արտահայտություններ է ստացել:

«Ժառանգությունը» իր տարածած հաղորդագորության մեջ խստորեն դատապարտում է Սյունիքի մարզպետի պահվածքը, ինչպես նաև ԿԸՀ և իրավապահ մարմինների ուշադրությունն է հրավիրում վերը նշված փաստի վրա և պահանջում ապահովել բոլոր քաղաքական ուժերի համար նախընտրական մրցակցային հավասար պայմաններ:

Ֆրանսիայի Նիս քաղաքի Առաքելական եկեղեցու շուրջ ստեղծված թնջուկը Գարեգին Բ կաթողիկոսը փորձել է լուծել. Ֆրանսիայում հայկական թեմի առաջնորդարանը, Նորվան Զաքարյանը և Թեմական խորհրդի նախագահ Պարտրիս Ջոլոլյանը Ֆրանսիայի հայկական համայնքին տեղեկացրել են Նիսում նոր հայկական եկեղեցական համայնքի ստեղծման մասին, որը կոչվում է «Ալպ-Մարիտիմի, Վարի և Մոնակոյի հայկական առաքելական եկեղեցու և եկեղեցական համայնքի մշակութային ասոցիացիա», տեղեկացնում է Nouvelles d’Armenie-ն:

Այս նոր մշակութային ասոցիացիան ստեղծվել է, քանի որ հայտարարվել է, թե «Կոթ դ’Ազուրի հայկական առաքելական եկեղեցու եկեղեցական համայնք» կոչված մշակութային ասոցիացիան առնչություն չի ունեցել Հայ Առաքելական եկեղեցու հետ:

Ըստ էջմիածնի միավորման բոլոր փորձերն ապարդյուն են եղել: Այդ պատճառով Կաթողիկոս Գարեգին Բ-ն և Հայաստանի Գերագույն հոգևոր խորհուրդը 2012 թ.-ի հունվարի 26-ին միաձայն որոշում են կայացրել հին եկեղեցական համայնքից հետ վերցնել Հայկական Առաքելական եկեղեցի կոչվելու իրավունքը:

Իսկ նոր եկեղեցական համայնքը, որը շուտով կդառնա Թեմի անդամ, իր հերթին արդեն Նիսի հայկական համայնքի ներսում կազմակերպում է ծիսական արարողություններ: