Այսօր լրագրողների հետ հանդիպմանն ժամանակ ԱԺ պատգամավոր, ՀՀԿ-ական Ռուբեն Հայրապետյանը փորձեց բացել գաղտնիքը, թե ինչու է որոշել առաջադրվել:

Պարզվում է. Ռուբեն Հայրապետյանն իր թեկնածությունն առաջադրել է այն պատճառով, որ նրան տեղեկություններ են հասել, թե առաջին ընտրատարածքում իր թեկնածությունն է առաջադրելու Լևոն Տեր-Պետրոսյանը.«Ես փորձեցի օգտվել այդ հաճույքից և անպայման առաջադրվել ու ժողովրդին ներկայացնել, թե իրականում ով է Լևոն Տեր-Պետրոսյանը: Այն էլ` մարդը վախեցել է, չի դրել: Վերջերս էլ հայտարարություն է  արել, թե ինքը «ռազբորկի» չի գնա: Տարիներ շարունակ ձգտել է ինձ հետ շփվի, եկել — շփվել է, բազմաթիվ անգամ տարբեր տրամաչափի բանագնացների ուղարկել է, որ ես աջակցեմ իրեն, իր տղային ուղարկել է ինձ մոտ, եթե դա «ռազբորկա» է, ուրեմն սա էլ է «ռազբորկա»: Ուղղակի էդ մարդը չունի այնքան ազնվություն, որ իր լեզվանի աշակերտներին ազնվորեն խոստովանի»:

Ֆեյսբուքում այսօր օգտատերերից մեկը գրել էր. որ ԱԺ հանրապետական պատգամավորները «Բեզբոժնի կայֆավատ են լինում»:

Դա իրոք այդպես է, երբ ասուլիս են հրավիրում ու ասում, որ ասենք «Հայրապետյանը 50 հազար դրամ է փոխանցել իր ընկերոջ՝ Սամվել Ալեքսանյանի նախընտրական հաշվեհամարին, քանի որ նա բազմազավակ հայր է», կամ Ալեքսանյանն է համոզել, որ Ռուբեն Հայրապետյանը փոխի իր որոշումն ու առաջադրվի թեկնածու: Կամ ասել, թե՝ չի ճանաչում ՀՀ ազգային ժողովի դեռևս գործող ՀՀԿ-ական պատգամավոր, «Գրեյթ Վելլի» ընկերության սեփականատեր Տիգրան Արզաքանցյանին.«Տիգրան Արզաքանցյանն ո՞վ է, չեմ ճանաչում, չեմ հիշում իրեն», Իսկ այ նրա փոխարեն առաջադրված «Եւրոստան ույուտ» ընկերության սեփականատեր Մանվել Բադեյանն ուրիշ է.«Այ Մանվել Բադեյանին շատ լավ եմ ճանաչում, նա իմ կուսակից ընկերն է»:

Կարելի՞ է այլ որակում տալ այս ամենին: Ասում են ընտրությունները վերածվել է թատրոնի, միայն թե պարզել է պետք՝կատակերգության ժանրում, թե՞ ողբերգության: 

Մեզ են դիմել Երևանի պետական Մանկավարժական համալսարանի ուսանողները:

«Բարև Ձեզ, մի հարցով  ենք ուզում դիմել: Մեր ԲՈՒՀ- ում ստիպում են, որ մասնակցենք ՀՀԿ-ի կազմակերպած համերգներին: Բայց մենք չենք ուզում, ու չենք էլ կարող մեր անունից գրել, կամ հրաժարվել: Խնդրում ենք, հնարավորության սահմաններում օգնեք մեզ»:

Նախընտրական գործընթացն այնպես է կլանել մեր իշխանություններին, որ շատ ոլորտներ հայտնվել են բացիթողի վիճակում: Քաղաքային տրանսպորտի վիճակը չնայած ներկրված չինական ավտոբուսներին, ու դրանց «թմբկահարմանը»,  մնում է անմխիթար: Դրա վառ օրինակը գերբեռնված երթուղայիններն են: Եթե մեր իրավասու չինովնիկները մի փոքր ուշադիր նայեն երթուղային տաքսիներին կտեսնեն, որ «պրես» եղած երթուղայինները գարնան գալու հետ շատացել են:

Օրերս 12 85 պետահարանիշի  74 համարի գազելը, ոչ միայն մարդկանց իրար վրա էր դարսել այլև դրա վարդորդը վիրավորել էր  ուղևորներից մեկին, որը դժգոհել էր, թե մի ոտքի տեղ չկա կանգնելու, դուք նոր մարդ եք վերցնո՞ւմ:

«էս վիճակով էլ ընտրություն են անում՝ փնթի, կեղտոտ, սիգարետախառը վարորդներ, որոնք կարող են մուննաթ գալ ուղևորի վրա: Դե մենք էլ ինչ անենք: Թե մի ժամանակ կարտոշկա էինք, հիմա լրիվ քալամ ենք դարձել» :

Բրյուսովի անվան լեզվաբանական համալսարանի ռեկտոր Սուրեն Զոլյանն անդամագվել է «Բարգավաճ Հայաստան» կուսակցությանը: Այս տեղեկությունը «168 ժամ» թերթինն է:

«Երեկ ԲՀԿ-ից մեզ չհաողվեց պարզել` արդյոք այս լուրը համապատասխանո՞ւմ է իրականությանը, թե՞ ոչ:

Հիշեցնենք, որ վերջին օրերին հրապարակային լուրջ բախումներ տեղի ունեցան ԿԳ նախարար Արմեն Աշոտյանի եւ  եւ Ս. Զոլյանի միջեւ: Պատճառն Ա. Աշոտյանի խիստ նկատողությունն էր Ս, Զոլյանին` իր բացակայությունների համար, ինչին ի պատասխան` Ս. Զոլյանն իր հարցազրույցում վիրավորական խոսքեր էր հնչեցրել Աշոտյանի հասցեին»,- գրում է «168 ժամ» թերթը:

ԱԺ գործող պատգամավոր Գրիգորի Մարգարյանը (Բելաջիոյի Գրիշ) Երեւանի թիվ 11 ԸՏ-ում ԱԺ պատգամավորի թեկնածու է առաջադրվել  «Բարգավաճ Հայաստան» կուսակցության կողմից եւ ընտրվելու դեպքում կլինի ԲՀԿ խմբակցության անդամ- գրում է, «Հայկական ժամանակը»

«Ներկայումս, այսինքն` չորրորդ գումարման Ազգային ժողովում, Մարգարյանը Հանրապետական կուսակցության անդամ է, այսինքն` որպես պատգամավորի թեկնածու ներկայացնում է ԲՀԿ-ն, որպես պատգամավոր` ՀՀԿ-ն:

Բայց սա պարոն Մարգարյանի բազմաբովանդակ քաղաքական կենսագրության մի հատվածն է միայն: Խնդիրն այն է, որ երրորդ գումարման Ազգային ժողովում (2003-2007թթ.)  նա եղել է «Օրինաց երկիր» խմբակցության անդամ, որը լքել է իշխանությունների կողմից  Արթուր Բաղդասարյանին «հալածելու» շրջանում:

Եւ քանի որ Գրիգորի Մարգարյանը ընթացիկ ընտրարշավի կարգախոս է ընտրել «Գործը շարունակելու պատրաստակամությամբ»-ը, ենթադրվում է որ նա նպատակ է դրել առաջիկա քաղաքական կարիերայի ընթացքում հասցնլ լինել նաեւ ՀՅ դաշնակցության, «Ժառանգության» եւ, իհարկե, Հայ ազգային կոնգրեսի խորհրդարանական խմբակցության անդամ»,- գրում է «Հայկական ժամանակ» թերթը:

«Տիգրան Խզմալյանի կինը անձամբ է խնդրել ինձ ՀՀԿ ցանկում ընդգրկվելու համար։ Ավելին, երեկ` ապրիլի 10-ին, Տիգրան Խզմալյանն իսկապես այցելել է ինձ և ներողություն խնդրել այն բանի համար, որ ինքն իր կնոջը համաձայնություն տալուց առաջ չի պատկերացրել, թե դա որքանո՞վ կարող է ազդել իր, այսպես կոչված, «իմիջի» վրա», -այսօր ի պատասխան Խզմայլանի հայտարարությունների պարզաբանել է Երևանի պետական բժշկական համալսարանի ռեկտոր, բժշկական գիտությունների դոկտոր, պրոֆեսոր, ԱԺ առաջիկա ընտրությունների ՀՀԿ համամասնական ցուցակի 21-րդ տեղը զբաղեցրած Դերենիկ Դումանյանը: 

Դոկտոր Դումանյանը մի ծավալուն պարզաբանում է ներկայացրել լրատվամիջոցներին, փակելով կինոռեժիսորի մեղայականների բոլոր հասցեները:
Դերենիկ Դումանյանի պարզաբանումը.

Այս օրերին կինոռեժիսոր Տիգրան Խզմալյանն ինչ-որ հարցազրույցներ տալով ցանկանում է ապացուցել, որ ինքն ու իր կինը ոչնչից տեղյակ չեն եղել, և կինը փաստաթղթեր է ստորագրել թյուրիմացաբար ու հայտնվել ՀՀԿ համամասնական ցուցակում։
Նախ խնդրին մոտենանք պարզ տրամաբանությամբ։ Հանրապետական կուսակցության ինչի՞ն էր պետք համամասնական իր ցուցակում ընդգրկել Երևանի բժշկական համալսարանի հենց այդ ամբիոնի վարիչին։ Համալսարան, որի 108 ամբիոնների վարիչների կեսից ավելին կանայք են, իսկ դրա կեսից ավելին էլ` դոկտոր-պրոֆեսորներ, ովքեր միգուցե առավել հստակ քաղաքական ու քաղաքացիական հայացքներ ունեն և ավելի վաստակաշատ գիտնականներ են։ Բայց, թողնենք դա, և ներկայացնեմ իսկությունը։

Այս հարցում ես հանդես եմ եկել սոսկ խորհրդատուի կարգավիճակում։ Երբ Նարինե Միրզոյանը ցանկություն հայտնեց ընդգրկվել ՀՀԿ համամասնական ցուցակում և խնդրեց ինձ օգնել իրեն` հարցրեց, թե, արդյո՞ք, կարող է խոչընդոտ հանդիսանալ այն հանգամանքը, որ ինքը Տիգրան Խզմալյանի կինն է (ես հենց այդ ժամանակ իմացա այդ մասին), նրան պատասխանեցի, որ դա որևէ նշանակություն չունի և խորհուրդ տվեցի նախ խորհրդակցել ամուսնու հետ` ընտանեկան ապագա վեճերից խուսափելու համար։ Նարինե Միրզոյանը հավատացրեց, որ ամուսինը որևէ խնդիր չի տեսնում և տվել է իր համաձայնությունը։

Դրանից հետո Նարինե Միրզոյանն, ինչպես կարգն է, այցելել է ՀՀԿ կենտրոնական գրասենյակ, լրացրել համապատասխան փաստաթղթերը` խնդրելով իրեն ընդգրկել կուսակցության համամասնական ցուցակում և ներկայացրել է պահանջվող բոլոր փաստաթղթերը (տեղեկանք մշտական բնակության մասին, հայտարարագիր եկամուտների մասին և այլն)։

Երեկ` ապրիլի 10-ին, Տիգրան Խզմալյանն իսկապես այցելել է ինձ և ներողություն խնդրել այն բանի համար, որ ինքն իր կնոջը համաձայնություն տալուց առաջ չի պատկերացրել, թե դա որքանո՞վ կարող է ազդել իր, այսպես կոչված, «իմիջի» վրա։ Նա ինձնից թույլտվություն էր խնդրում, որպեսզի կինը դիմի Կենտրոնական ընտրական հանձնաժողով` ցուցակից դուրս գալու համար։

Ես նրան պատասխանել եմ, որ ինչպես ցուցակում ընդգրկվելու հարցում եք երկուսով որոշում կայացրել, այնպես էլ հետագա ձեր քայլերը միասին որոշեք։
Սա է այն ամենն, ինչ իրականում տեղի է ունեցել։
Այս ամենը, կարծում եմ, կհաստատի նաև ինքը` Նարինե Միրզոյանը։

Մենք նախորդ “4 միլիարդ ռուբլու պարտք ունեցող MMM-ը ՀՀ-ում խոշոր հարկատու է” հրապարակման մեջ` անդրադարձել էինք  MMM ֆինասական պիրամիդային, մասնավորապես այդ ընկերության  հայաստանյան գործուներությանը:

Պարզելու համար, թե գործո՞ւմ MMM ընկերությունը   հարկային դաշտում, «Հայկական Վարկածի» բանավոր հարցմանը Պետեկամուտների կոմիտի լրատվական ծառայությունից տեղեկացրել են, որ այո MMM ընկերությունը գրանցված է հարկային դաշտում. «Պատկերացրեք, մեր խոշոր հարկատուների ցանկում է` նույնիսկ առաջնային հորիզոնականներում: Թե, երբ է գրանցվել չեմ կարող ասել, բայց եռամսյակը մեկ, մենք հրապարակում ենք հարկատուների ցանկը և այս կազմակերպությունը  խոշոր հարկատուների մեջ է»:

 Սակայն  հոդվածի հրապարակումից  հետո  Պետեկամուտների կոմիտեն պարզաբանում է ուղարկել, որի համաձայն տեղի է ունեցել շփոթմունք, Խոսքը վերաբերվել է ոչ թե MMM  ֆինասական պիրամիդային, այլ MMM  շինարարական ընկերությանը, որն ի դեպ, հարկատուների հորիզոնականում գտնվում է երկրորդ հարյուրյակից ներքև:

“Հայկական վարկած” էլեկտրոնային կայքէջի “4 միլիարդ ռուբլու պարտք ունեցող MMM-ը ՀՀ-ում խոշոր հարկատու է”  հրապարակման վերաբերյալ, անհրաժեշտ ենք համարում պարզաբանել, որ Ձեր նշած “ՄՄՄ  ֆինանսական պիրամիդա” կոչվող ընկերության վերաբերյալ բանավոր հարցմանն ի պատասխան լրագրողին առաջարկվել է այցելել www.taxservice.am կյաքէջ և ծանոթանալ այնտեղ հրապարակվող ցանկին, մինչդեռ հրապարակման մեջ նշվում է, թե իբր մենք տեղեկացրել ենք որ  “ՄՄՄ  ֆինանսական պիրամիդա”-ն գտնվում է խոշոր հարկ վճարողների ցանկում և զբաղեցնում է “հարկ վճարողների առաջին հորիզոնականները”, ինչը չի համապատասխանում իրականությանը: Բացի այդ, հրապարակման մեջ տեղ է գտել ևս մեկ  թյուրիմացություն. մեկ ընկերության մասին տեղեկատվությունը վերագրվել է միանգամայն այլ ընկերության:

Իսկ թե MMM ֆինասական պիրամիդան գործո՞ւմ է հարկային դաշտում և ո՞ր հորիզոնականն է զբաղեցնում, ՊԵԿ-ից խոստացան  պատասխանել արդեն գրավոր կարգով:

Հ.Գ. Ի դեպ Ապրիլի 5-ին MMM-ի գրանցման վերաբերյալ հարցում ենք ուղարկել նաև արդարադատության նախարարությանը և առայժմ սպասում ենք պատասխանի:

Արտաքին գործերի նախարար Ահմեդ Դավութօղլուն՝  Թուրքիայի «անընդհատ վազքի մեջ գտնվող մարդը», իր խիստ զբաղված օրակարգին ավելացրել է նոր պարտականություն. ճանապարհորդել աշխարհով մեկ՝ փորձելով հավաքագրել «տրամաբանական» հայերին։

Դավութօղլուն ձեռնամուխ է եղել նման հուսահատ նախաձեռնությանը այն բանից հետո, երբ հայերին մասնատելու և նվաճելու, ինչպես նաև իրենց արդար դատի պայքարը թուլացնելուն ուղղված Թուրքիայի փորձերը ձախողվեցին։ Թուրքիայի արտաքին գործերի նախարարը խոստովանեց, որ իրեն այս հրատապ ջանքերին մղել է Հայոց ցեղասպանության մոտալուտ100–րդ տարելիցը, որը Դամոկլեան սուրի նման կախված է իր երկրի վրա։

Թուրք–հայկական հաշտեցման հանձնաժողովի լուծարումից և աշխարհով մեկ «բարեկամ» հայեր փնտրելու անօգուտ փորձերի ձախողումից հետո, Անկարան ձեռք քաշեց սփյուռքից և իր ուշադրությունը սևեռեց դեպի «ավելի մեղմ թիրախ»՝ Հայաստանի կառավարությանը։

Ի սկզբանե, Թուրքիան որոշ հաջողության հասավ, երբ երկու երկրները ստորագրեցին հայ–թուրքական արձանագրությունները՝ համատեղ սահմանները բացելու պատրվակով։ Այնուամենայնիվ, այս վերջին փորձը սեպ խրելու «մեղմ» հայ պաշտոնատարների և «անզիջող» սփյուռքահայերի միջև ևս ձախողության մատնվեց, երբ այդքան շատ գովազդված արձանագրությունները չվավերացվեցին։

Գիտակցելով, որ Թուրքիան ցեղասպանության հետ կապված հարցերը լուծելու համար ստիպված է գործ ունենալ ոչ թե պարզապես Հայաստանի, այլ նաև սփյուռքի հետ՝ Դավութօղլուն կրկին իր ուշադրությունը սևեռեց աշխարհասփյուռ հայկական համայնքների վրա։ 2010 թվականի մարտի 24–ին՝ «CNN–Turk»-ի հետ հարցազրույցի ժամանակ, նա հայտարարեց, որ Թուրքիայի իշխանությունները երկխոսություն կնախաձեռնեն «տրամաբանական» սփյուռքահայերի հետ։

Իր այս հնարամտությունը գործադրելու համար՝ 2010 թվականի ապրիլին Դավութօղլուն Վաշինգտոնում հանդիպեց Միացյալ Նահանգներում և Կանադայում Թուրքիայի դեսպանների, ինչպես նաև Չիկագոյուն,  Հյուստոնում, Լոս Անջելեսում և Տորոնտոյում գլխավոր հյուպատոսների հետ։ Ըստ թուրքական «Today’s Zaman» թերթի՝ նախարարը հրահանգեց նրանց կապնվել այն հայերի հետ, ովքեր պատրաստ են մտնել երկխոսության մեջ և խուսափել «անզիջող խմբերից»։

Մի քանի շաբաթ անց, Հուրիեթը հաղորդեց, որ արտաքին գործերի նախարարությունը մշակել է 10 կետից բաղկացած մի ծրագիր, ըստ որի թուրք դիվանագետներն աշխարհում պետք է՝

1.    հրավիրեն և ներգրավեն տեղի հայերին թուրքական միջոցառումներին,

2.    մասնակցեն հայկական համայնքների կողմից կատարվող աշխատանքներին,

3.    կապնվեն այն հայերի հետ, ովքեր ֆինանսական շահ ունեն ցեղասպանության պահանջ ներկայացնելուց, ինչպես նաև Թուրքիայից վերջերս արտագաղթածների հետ և Թուրքիա հրավիրեն նրանց, ովքեր տարածում են հակաթուրքական հայտարարություններ,

4.    հաստատեն լավ հարաբերություններ հայ դիվանագետների հետ և մասնակցեն նրանց պաշտոնական միջոցառումներին,

5.    օգտվեն տեղի համայնքներում և համալսարանական միջոցառումներին խոսելու հնարավորություններից Հայոց ցեղասպանության պնդումների վերաբերյալ Թուրքիայի դիրքորոշումը ներկայացնելու համար,

6.    կապ հաստատեն տեղի մտավորականների հետ՝ Թուրքիայի դիրքորոշումը ներկայացնելու համար,

7.    զարգացնեն կապերը Թուրքիայի հարևան երկրների դիվանագետների հետ և ծանոթացնեն նրանց Հայոց ցեղասպանության վերաբերյալ Թուրքիայի դիրքորոշմանը,

8.    խրախուսեն «պատմաբանների համատեղ հանձնաժողովի» ստեղծումը,

9.    խթանեն հայ–թուրքական հարաբերությունների կարգավորումը,

10. ընդգծեն, որ Ղարաբաղի հակամարտության խաղաղ կարգավորումը կնպաստի հայ–թուրքական հարաբերություններին։

2011 թվականի դեկտեմբերին Թուրքիան հայտարարեց «սփյուռքի» վերանայված իր հայեցակարգը, որը ներառում էր Անատոլիայի բոլոր «հետնորդներին»՝ անկախ նրանց կրոնից կամ դավանանքից։ Դավութօղլուն հրահանգեց բոլոր թուրք դիվանագետներին «առերես» հանդիպումներ ունենալ այդ անձանց հետ, որպեսզի քննարկեն իրենց «համատեղ պատմությունը» և «Համաշխարհային առաջին պատերազմի շրջանի իրադարձությունների ընթացքում բոլոր օսմանյան ժողովրդի տառապանքը»։

Գոհ չլինելով իր դիվանագետների աշխատանքից՝ Դավութօղլուն որոշեց անձամբ զբաղվել այս նոր նախաձեռնությամբ։ Անցյալ ամիս, նա մի քանի ժամ անցկացրեց Վաշինգտոնում առանձին հանդիպումներ ունենալով Լոս Անջելեսից մի քանի հայերի և ոչ հայերի հետ՝ քննարկելու համար «հայ–թուրքական հաշտեցման» հնարավորությունը։ Թուրքիայի արտաքին գործերի նախարարը հրավիրեց իր հյուրերին այցելել Անկարա և իրենց հետ բերել այլ «ականավոր» հայերի։ Այդ ժամանակից ի վեր Դավութօղլուն այլ վայրերում ևս ունեցել է նման հանդիպումներ։

Մինչ այդ, թուրքական նախաձեռնությամբ «Հայ–թուրքական հաշտեցման» հարցերով զբաղվող մի նոր խումբ կստեղծվի Վաշինգտոնում ապրիլի 12–ին։ «HasNa» խումբը հանդիպումներ կունենա Թուրքիայի կառավարության կողմից վարձված լոբբիստական ընկերության «Արնոլդ էնդ Փորթեր» գրասենյակներում։ Մասնակիցների շարքում կլինեն որոշ հայեր և թուրքեր, ԱՄՆ պետական պաշտոնատարներ, լրատմամիջոցների ներկայացուցիչներ, հասարակական կազմակերպությունների անդամներ, մտավորականներ և այլոք։

Այն հայերը, ովքեր կներգրավվեն Թուրքիայի հավաքագրման պլաններում, հավանաբար ձգտում են համբավի կամ հարստության, կամ բարի մտադրություն ունեցող միամիտ լավատեսներ են։ Այնուամանայնիվ, անկախ նրանից, թե որոնք են վիճահարույց գործելակերպերում ներրգրավվելու նրանց դրդապատճառները, պետք է ուշադիր լինեն իրենց գործողությունների հետևանքների մասին՝

1.    Երկխոսությունը հանուն երկխոսության կարող է ավելի շատ վնաս, քան թե օգուտ հասցնել հայկական հարցին։ Թուրքիայի կառավարությունը կօգտագործի այդ ջանքերը, որպեսզի ստեղծի թյուր տպավորություն, որ հայերն ու թուրքերը  հաշտեցման փուլում են՝ դրանով իսկ շեղելով Հայոց ցեղասպանության ճանաչումը այլ երկրների կողմից։

2.    Եթե նախօրոք չհամաձայնեցվի, թե ինչ դրական արդյունքի են հասնելու այս բանակցություններում, հայ մասնակիցները ամենայն հավանականությամբ կմնան ձեռնունայն։

3.    Միայն դիվանագիտական լուրջ փորձ ունեցող Հայաստանի պաշտոնատար անձինք և վստահելի սփյուռքի ղեկավարները պետք է բանակցեն խորամանկ և հմուտ թուրք դիվանագետների հետ։ Հակառակ դեպքում թուրք պաշտոնատարները խելամտորեն գործարք կկնքեն այն անձանց հետ, ովքեր հակված են ավելի քիչ պահանջկոտ և ավելի շատ զիջող լինելու։

Հարութ Սասունյան

«Կալիֆորնիա Կուրիեր» թերթի խմբագիր

Թարգմանիչ՝ Կարինե Գևորգյան

Այսօր քաղաքական ուժերի միասնական դիրքերից հանդես գալու առաջարկի քննարկման ընթացքում«Ժառանգություն» կուսակցությունը պայման է դրել՝ կա՛մ շարունակել ԱԺ ընտրությունների հանրային վերահսկողության միասնական շտաբի 4 քաղաքական ուժերի աշխատանքները, կա՛մ իրենք կքննարկեն շտաբից դուրս գալու հարցը:

«Իմ ստորագրությունը ուժի մեջ է, եթե պայմանը բավարարվի, մենք կշարունակենք աշխատել, մյուս դեպքում կմտածենք»,- ասել է «Ժառանգություն» կուսակցության փոխնախագահ Ռուբեն Հակոբյանը:

ՀՅԴ ն և ՀԱԿ-ը պատրաստակամ են եղել պայմանը կատարելու: Իսկ Լևոն Զուրբյանը պատրաստակամ է եղել բերելու նաև Լևոն Տեր-Պետրոսյանի ստորագրությունը` եթե անհրաժեշտ է:

Սակայն Խնդիրը միայն այդքանով չի սահմանափակվել. Բան այն է, որ ԲՀԿ-ն, որը փորձում է և հաճույք ստանալ և կույս մնալ, ասել է թե` հարցն ուղղակի չի քննարկել կուսակցության ղեկավար Գագիկ Ծառուկյանի հետ: Իսկ մյուս կուսակցությունները` հատկապես Ժառանգությունը առարկություն է ունեցել. Ծառուկյանի ստորգարությունը դրվել է և՛ կոալիցիոն հռչակագրի տակ, և՛ այս նոր փաստաթղթի, ինչը հակասական է:

Վարդան Օսկայնայնն էլ մեջտեղ է բերել գլխավոր խաղաքարտը. «ԲՀԿ-ն կարող է այնպիսի ռեսուրսներ դնել, որ դու կզարմանաս»:

Քննարկումը շարունակվում է:

Երևանի Ազատության հրապարակում, ապրիլի 22-ին, կկայանա իտալացի աշխարհահռչակ տենոր Անդրեա Բոչելլիի համերգը: Ըստ երգչի պաշտոնական կայքի`  Բոչելլին ելույթ կունենա  Հայաստանի Ազգային ֆիլհարմոնիկ նվագախմբի (Մարչելո Ռոտայի ղեկավարության) ներքո, ինչպես նաեւ Հայաստանի պետական կամերային երգչախմբի եւ «Հովեր» կամերային երգչախմբի ուղեկցությամբ: