Մարտական պատրաստվածության մակարդակի ստուգման նպատակով այսօր՝ սեպտեմբերի 6-ին, Ադրբեջանում մեկնարկել է ԶՈւ-ի հրամանատարաշտաբային լայնամասշտաբ զորավարժություն, որին մասնակցում են բոլոր, այդ թվում՝ ՀՕՊ և զենիթահրթիռային ստորաբաժանումները:

Ադրբեջանի ՊՆ մամուլի ծառայության հաղորդմամբ՝զորավարժությանը մասնկացում են 65 հազար զինծառայող, 700 միավոր զրահատեխնիկա, ավելի քան 500 միավոր հրթիռային և հրետանային միջոցներ, ՌՕՈւ շուրջ 40 ռազմական ինքնաթիռ ու 50 ուղղաթիռ, ՌԾՈւ 20 նավ, կատեր ու հակաօդային պաշտպանության համակարգեր: Օդային հետախուզության առաջադրանքների կատարման նպատակով կիրառվելու են նաև ԱԹՍ-ներ:

Թեև նշվում է, որ զորավարժությունը հրամանատարաշտաբային է, ներառված ստորաբաժանումներից ու զինտեխնիկայից կարելի է դատել, որ խոսքը օպերատիվ-մարտավարական զորավարժության մասին է:

Համաձայն զորավարժության սցենարի՝ զորքերը բերվելու են «լրիվ» մարտական պատրաստության աստիճանի, իրականացվելու են պաշտպանության, հակահարձակման, պայմանական թշնամուն շրջափակելու ու ոչնչացնելու առաջադրանքներ:

Զորավարժությունը շարունակվելու է մինչև սեպտեմբերի 13-ը:

razm.info

Առաջնային գծում ադրբեջանական զինուժի կողմից ձեռնարկվող սադրիչ գործողությունների հաճախականությունը և այդ ընթացքում կիրառվող զինատեսակների քանակական ու որակական աճի դինամիկան փաստում է, որ Բաքուն, հանձինս իր ռազմաքաղաքական ղեկավարության, որդեգրել է իրավիճակը պատերազմականին մոտեցնելու հանցավոր մարտավարություն: Վերջին շրջանում հակամարտ զորքերի շփման գոտում տեղ գտնող զարգացումներն ու դրանց զուգահեռ իրականացվող ռազմաշունչ հայտարարությունները ասվածի վկայությունն են: Այսօր արդեն Ադրբեջանը ոչ թե, ինչպես նախկինում էր, սեփական քարոզչությամբ փորձում է իր իսկ կողմից ձեռնարկվող նախահարձակ գործողությունները մատուցել որպես հայկական կողմին ուղղված պատասխան քայլեր, այլև տարբեր տրամաչափի հրետանային, ռեակտիվ հրթիռահրետանային և հրաձգային զենքերից` հայկական դիրքերի ուղղությամբ պարբերաբար իրականացվող արկակոծումներն ու գնդակոծումները բացահայտ լկտիությամբ ներկայացնում է ոչ այլ կերպ, քան իր ռազմական հնարավորությունները ցուցադրելու մարտավարական ու ռազմավարական կարևորության մտահաղացման իրագործում: ԼՂՀ պաշտպանության նախարարությունը նախազգուշացնում է, որ Ադրբեջանի ռազմաքաղաքական ղեկավարության կողմից որդեգրած այդօրինակ գործելաոճը ոչ միայն պատճառ են դառնում չարդարացված ու անդառնալի կորուստների, այլև դեպքերի նման զարգացման շարունակականության խորացումը հնարավոր է հանգեցնի անկանխատեսելի հետևանքների: Ելնելով վերոնշյալից` Արցախի հանրապետության ռազմական գերատեսչության ղեկավարությունը տեղեկացնում է ինչպես Ադրբեջանի պաշտպանության նախարարությանը, այնպես էլ ադրբեջանա-ղարաբաղյան հակամարտության խաղաղ կարգավորմամբ զբաղվող միջազգային կառույցներին, մասնավորապես` ԵԱՀԿ Մինսկի խմբի համանախագահներին, որ հակամարտ զորքերի շփման գծում տեղ գտնող հետագա սրացումների և դրանցից բխող հետևանքների ողջ պատասխանատվությունն ընկնում է ադրբեջանական կողմի վրա:

ԼՂՀ ՊՆ մամուլի ծառայություն

Սեպտեմբերի 6-ին` ժամը 01:45-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասի մարտական հենակետում տեղի ունեցած արտակարգ պատահարի արդյունքում մահացել է ՊԲ զինծառայող, 1996թ. ծնված Նարեկ Արտյոմի Հարությունյանը:

Դեպքի մանրամասները պարզելու համար կատարվում է քննություն:

ԼՂՀ պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:

ԼՂՀ ՊՆ մամուլի ծառայություն

Հիսուս ասում է.

-Այս բոլորն ասացի ձեզ, քանի որ տակավին ձեզ հետ եմ: Բայց Մխիթարիչը՝ Սուրբ Հոգին, որին իմ Հայրը կուղարկի ձեզ մոտ իմ անունով, նա ձեզ ամեն ինչ կսովորեցնի և ձեզ կհիշեցնի այն ամենը, ինչ ես ասացի ձեզ:
-Խաղաղություն եմ թողնում ձեզ. իմ խաղաղությունն եմ տալիս ձեզ, որ տարբեր է այս աշխարհի տված խաղաղությունից: Մի՛ խռովվեք և մի՛ վախեցեք:
(Հովհաննեսի ավետարան 14:25-27)

Հանրապետության տարածքում սեպտեմբերի  6-9-ին շրջանների զգալի մասում, 10-ին հյուսիսային շրջաններում երեկոյան ժամերին և գիշերը սպասվում է կարճատև անձրև և ամպրոպ: Քամին՝ արևմտյան՝ 2-5 մ/վրկ, ամպրոպի ժամանակ սպասվում է քամու ուժգնացում՝ 15-20 մ/վրկ: Օդի ջերմաստիճանը 6-ի ցերեկը կնվազի 2-3 աստիճանով, այնուհետև նույնքանով կբարձրանա:

Երևանում` 6-9-ին երեկոյան ժամերին և գիշերը սպասվում է ամպրոպ, կա կարճատև անձրևի հավանականություն, 10-ին սպասվում է առանց տեղումների եղանակ:

ՀՀ տարածքային կառավարման և արտակարգ իրավիճակների նախարարություն

էքստրասենս Անի Մաջնունյանի սպանության մեջ մեղադրվող «Յանուս» թատրոնի գեղարվեստական ղեկավար Մուշեղ Մխիթարյանը  մասամբ ենթարկվել է բժշկական հետազոտության:

Այս մասին Shabat.am-ին ասաց նրա փաստաբան Արտակ Գարոյանը, ով օրերս մեզ հետ զրույցում նշել էր, որ գրավոր դիմում է ներկայացրել ՔԿՀ-ի պետին, որպեսզի իր պաշտպանյալին հետազոտեն, քանի որ վերջինս ունի առողջական խնդիրներ:

Նշենք, որ Մուշեղ Մխիթարյանը դեռևս 2013թ. թոքի վիրահատություն է տարել:

«Դիմումի արդյունքում Մուշեղին զննել են, սպասում ենք պատասխանի, դեռ պարզ չէ կտեղափոխեն նրան «Դատապարտյալների հիվանդանոց», թե՞ ոչ»,-ասաց փաստաբանը:

Նրա փոխանցմամբ, այս ընթացքում քննիչը դեռ ոչ մի գործողություն չի կատարել իր պաշտպանյալի հետ:

«Մուշեղն ունի  առողջական խնդիրներ, ինչն էլ նպաստեց, որ հետազոտության համար գրավոր դիմենք ՔԿՀ-ի պետին: Խնդիրները կապված են թոքի վիրահատության հետ,  սթրես է տանում, ընդհանուր հոգեկան ընկճված վիճակի մեջ է»,-ասաց փաստաբան Արտակ Գարոյանը:

Փաստաբանի փոխանցմամբ, Մուշեղ Մխիթարյանի ընկճվածության պատճառն այն է, որ վերջինս բոլորովին այլ՝ թատերական աշխարհից է և չի կարողանում հարմարվել իր նոր վիճակի, ինչպես նաև իրեն անհիմն ներկայացված մեղադրանքի հետ:

shabat.am

Խմբագիր, հրապարակախոս Արամ Աբրահամյանը ֆեյսբուքի իր էջում գրառում է կատարել հակառակորդի պատճառած ավերածությունների, հայերի ստիպված պատասխանի մասին…
«Հակառակորդը կրակում է մեր գյուղերի ուղղությամբ՝ պատճառելով ավերածություններ և զոհեր: Մենք ստիպված ենք պատասխանել՝ քանդելով նրանց գյուղերը և ոչնչացնելով նրանց զինվորներին:

Պատերազմն իրենց ղեկավարությանն է պետք՝ ինչ-ինչ քաղաքական հաշվարկներից ելնելով, մեզ պատերազմ պետք չի: Բայց ես կիսում եմ նաև ադրբեջանցի գյուղացու վիշտը, որի տունն այդ պատերազմի պատճառով քանդվում է, կիսում եմ ադրբեջանցի մոր վիշտը, ում որդին զոհվում է՝ իր երկրի ղեկավարության խելահեղ քաղաքականության պատճառով: Հայաստանում ոչ բոլորն են այդպես մտածում, ոմանց գուցե իմ այդ մտքերը «սրբապիղծ» թվան: Բայց ես կարող եմ հանգիստ արտահայտել իմ այդ մտքերը՝ չվախենալով «անարգանքի սյունին գամվելուց»: Դրանում է մեր և նրանց տարբերությունը: Հենց այդ տարբերության պատճառով էլ մենք միշտ հաղթելու ենք նրանց»,- գրել է նա:

Մեր ժամանակներում հաճախ   ենք  խաբվում  կեղծ օծանելիք ձեռք բերելով: Պատճառը անվստահելի խանութներից օծանելիք ձեռք բերելն է:  Այնուամենայնիվ,  ինչպես տարբերակել իսկական օծանելիքը կեղծից: 

 1. Առաջին և ոսկե կանոնը՝ երբեք մի գնեք օծանելիք ոչ մասնագիտացված խանութներից:

 2. Իսկ եթե , այնուամենայնիվ,   արդեն գնել եք,  ապա ուշադիր նայեք փաթեթավորմանը: Ցելոֆանե փաթեթավորումը պետք է լինի չվնասված, իսկ կարերը՝ շատ կոկիկ:

3. Ուշադրություն դարձրեք նաև տուփին:Ամեն բրենդ ունի իր փաթեթավորման չափանիշները՝ յուրահատուկ, բարձրորակ թուղթ:Բացի այդ ֆիրմային օծանելիքների լոգոտիպը դաջված է հստակ և արտահայտված, հաճախ շոշոփոլի հարթությամբ:

4. Իսկական օծանելիքի սրվակի ապակին մաքուր է, պարզ՝ առանց երանգների, բաղադրությունը՝ թափանցիկ՝ առանց նստվածքի և պղտորության: Յուրաքանչյուր օծանելիք ունենում է համարային նշան՝ դաջված հենց սրվակի հատակին:

 5. Ուշադիր կարդացեք բոլոր գրությունները: Դրանք պետք է լինեն հստակ գրված: Հաճախ կեղծարարներն ավելորդ տառեր են ավելացնում բառերում կամ փոխում դրանց տեղերը: Օրինակ՝ տուփի վրա կարող է գրված լինել BULGARI`BVLGARI-ի փոխարեն:  Ի դեպ, իսկական ֆրանսիական օծանելիքների վրա գրվում է parfum` ֆրանսերեն  կամ perfume՝անգլերեն, իսկ parfume-ն փաստում է, որ ձեզ պատրաստվում են խաբել: Բացի այդ օրիգինալ տուփի վրա միշտ նշվում է բրենդի  և ապրանքի անունները, արտադրող երկիրը, պիտանելիության ժամկետը և բաղադրությունը:

 6. Իսկական օծանելիքը բաղկացած է երեք նոտաներից՝ սկզբնական, խորքային և բազային: Կեղծը շատ ավելի հեշտ է պատրաստվում, այն վերարտադրում է միայն սկզբնական նոտան:Մի քիչ սպասեք, մի շտապեք անմիջապես գնել օծանելիքը, սպասեք մինչև բացվի խորքային <<սրտի նոտան>>:

7. Եվ այս ամենից հետո, եթե կասկածներ են մնացել, պահանջեք վաճառողից ապրանքանիշի համապատասխանության հավաստագիր (սերտիֆիկատ):

artfashion.am

Վաշինգտոնը Թուրքիայում գտնվող ամերիկացի դիվանագետների ու զինվորականների ընտանիքներին խորհուրդ է տվել լքել երկիրը «Իսլամական պետություն» ծայրահեղական խմբավորման դեմ ռազմական գործողությունների ակտիվացման ֆոնին: Պենտագոնի ղեկավար Պիտեր Կուկը հայտարարել է, որ կամավոր տարհանման կարող է մասնակցել Ադանայի շրջանում գտնվող 900 մարդ:Թուրքիայի նախագահ Էրդողանն ուղիղ մեղադրել է Արեւմուտքին, որ չի նպաստել Սիրիայի, Լիբիայի եւ Իրաքի բարգավաճմանը: «Լիբիայում, Իրաքում նավթ կա, որի արդյունայանումը ցանկանում է վերահսկել Արեւմուտքը»,- ասել է նա:Թուրքիայի իշխանությունը մեկ տարով երկարացրել է մանդատը, որով կառավարությանը թույլ է տրվում ռազմական ուժ կիրառել Սիրիայի եւ Իրաքի տարածքում: Մանդատը գործում է 2014 թ. հոկտեմբերից:Թուրքիան լայնամասշտաբ պատերազմի է պատրաստվում, որն ըստ ամենայնի սկսվելու է շատ շուտով: Փորձագետներն ասում են, որ Թուրքիան արդեն հիմա չի կառավարում քրդաբնակ տարածքները: Ընդ որում, Էրդողանը ստիպված էր ժամանակավոր կառավարությունում ընդգրկել քրդական կուսակցության ներկայացուցիչների:Փորձագետները Թուրքիայում իրադարձությունների զարգացման երկու տարբերակ են նշում: Երկիրը կամ դադարում է ունիտար լինել, իրավունքներ տալով բոլոր էթնիկ փոքրամասնություններին (այդ թվում, ի դեպ, հայերին), կամ էլ պետությունը կփլուզվի: Այսպես թե այնպես, Թուրքիան փոխվելու է, եւ Էրդողանը բոլորից լավ գիտե այդ մասին: Նա հասկանում է, որ ԱՄՆ-ը տարածաշրջանում նոր սահմաններ է գծում,  որոնք չեն համընկնում իր ծրագերին: Գոնե դեմքը, եթե ոչ երկիրը պահելու համար Էրդողանը ստիպված է լինելու պատերազմ սկսել:Տարածաշրջանում սահմանների վերաձեւումը վերաբերելու է ոչ միայն Թուրքիային, այլ նաեւ Ադրբեջանին: Անխուսափելիորեն դրվելու է ոչ միայն Ղարաբաղի, այլ նաեւ Նախիջեւանի հարցը: Թուրքիան պատահաբար չէ իր ռազմաօդային ուժերն ուղարկել Նախիջեւան երկարաժամկետ զորավարժությունների անվան տակ: Թուրքիային ու Ադրբեջանին անհրաժեշտ է Հայաստանը ներգրավել իրենց պատերազմում, որպեսզի չեզոքացնեն հայերի պահանջները, որոնք կարող են վճռորոշ դառնալ:Այդ համատեքստում հասկանալի է դառնում, թե ինչու է Ադրբեջանը սրում վիճակը ոչ թե Ղարաբաղում, այլ Հայաստանի հետ սահմանին՝ Տավուշում: Ադրբեջանը պատասխան գործողություններ է սպասում հայկական կողմից, որպեսզի ռազմական օգնություն «խնդրի» Թուրքիայից եւ Հայաստանը ներքաշի տարածաշրջանային մեծ պատերազմի մեջ:Հայաստանն իր զինվորների ու խաղաղ բնակիչների կյանքի գնով տարածաշրջանը զերծ է պահում մեծ պատերազմից: Հայաստանը պետք է պատրաստ լինի Թուրքիայի ու Ադրբեջանի առավել լկտի գործողություններին: Էրդողանն ու Ալիեւը կորցնելու բան չունեն, նրանք արդեն գիտեն, որ իրենց համար լավ ժամանակներն ավարտվել են:

lragir.am