29.09.2024 | 20:03
Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսե...
09.09.2024 | 12:51
Խնդրում ենք ընթերցողների ներողամտությունը
26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...
Ուժեղ մագնիսական փոթորիկ մայիսի 31-ին. վտանգավոր երկրափոթորիկ կհարվածի երկրին...
31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...
31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...
31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...
29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...
29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...
29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...
28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...
28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...
28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...
28.05.2024 | 11:11
Իշխանությունը մանթրաժի մեջ է․ «Հրապարակ»
28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...
24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...
24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...
24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...
24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...
23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...
23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...
23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...
23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...
23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...
22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...
22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...
22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...
22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...
22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...
21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...
21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...
21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...
21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...
21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...
20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...
20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...
20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...
20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...
20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...
Հայաստանի խորհրդարանն արտահերթ ռեժիմում քննարկում է հայ-ռուսական միացյալ հակաօդային պաշտպանության մասին համաձայնագիրը:
Հայաստանի իշխանական ու չիշխանական պատգամավորվերը (չհաշված մի քանի «մարգինալներին») հայ հանրությանը ցանկանում են համոզել, որ այդ պայմանագրով Հայաստանը հայ-հայ է իրենով է անում Ռուսաստանի թե ՀՕՊ-ը, թե կործանիչ ավիացիան, թե անգամ ռազմա-տիեզերական ուժերը, դրանց «պուլտը» հայտնվում է հայերի ձեռքին:
Սրանք այն ուժերն են, որոնք 2014-ից ի վեր քվեարկում ու վավերացնում են ամեն ինչ՝ էներգետիկան, պաշտպանական ոլորտը, անվտանգությունը, հաղորդակցությունները, երկրի ինքնիշխանությունը ռուսներին հանձնելու պայմանագրերը: Ընդ որում, դրա դիմաց Հայաստանը ոչինչ չի ստացել, բառացիորեն ոչինչ, եթե չհաշվենք իրավիճակի վատթարացումը:
Այդ դեպքերում էլ էին բերվում ամենաանհեթեթ փաստարկներ ու հիմնավորումներ՝ Հայաստանի բոլոր ոլորտներում զարգացման, անվտանգության ամրապնդման առումով:
Սակայն հայ-ռուսական ՀՕՊ-ը վերջն է: Ռուսաստանի հասցեին նման անհարգալից վերաբերմունք, ծաղր թերեւս չի եղել պատմության ողջ ընթացքում: Ռուսներին ակնհայտորեն հիմարի տեղ են դրել, մեղմ ասած: Հայաստանից ամեն ինչ անհատույց ստացող Ռուսաստանը, պարզվում է, իր ՀՕՊ-ը դնում է Հայաստանի տրամադրության տակ: Թե ինչ է դրա դիմաց ստանում՝ նրբանկատորեն չեն ասում, երեւի չի էլ հետաքրքրում:
Երբեմն պարզ մարդկային հարցեր են առաջանում՝ լավ, որքա՞ն կարելի է ինքզինքը եւ բոլորին, այդ թվում Ռուսաստանին դնել հիմարի տեղ: Ո՞րն է արժանապատվության, բարոյականության եւ այլնի սահմանը, որից այն կողմ չի կարելի անցնել, հնարավոր չէ անցնել:
Հայ պատգամավորների, իշխանական-չիշխանական տարբեր մաստի խեղկատակների պահվածքը թերեւս երկու բացատրություն ունի: Առաջինը՝ երկարատեւ անարժանապատիվ օրենսդրական աշխատանքից ուղեղը սմքում է, հետույքը՝ մեծանում եւ սկսում ուղեղի գործառույթներ կատարել: Ասում են՝ դինոզավրերի վերացման պատճառը դա է եղել:
Երկրորդը շատ ավելի պրոզայիկ է՝ եթե չվավերացնեն՝ նրանց ՀՕՊ կանեն, թմբլիկ հետույքները կկտրեն պատգամավորական աթոռից: Հանուն դրա՝ պատրաստ են անցնել ցանկացած սահման` ինչ արժանապատվություն, ինչ բան:
Երևանի պետական համալսարանի դասախոս Հովհաննես Հովհաննիսյանը պայթյունների պահին վայրէջք է կատարել Ստամբուլի օդանավակայնում: Ֆեյսբուքյան իր էջում նա պատմել է, որ երեկ չէ առաջին օրը բաց է թողել Աթենքից Երևան չվերթի օդանավը: Ստիպված է եղել ձեռք բերել դեպի Ստամբուլ թռչող ինքնաթիռի տոմս, վայրէջք են կատարել հենց պայթյունների պահին:
«Մենք մնացինք օդանավի մեջ երեք ժամ, երբ անկարգությունները սկսեցին: Օդանավակայանը պատրաստ չէր նման ողբերգության: Բոլոր աշխատակիցները փախան, որևէ մեկ հոգ չէր տանում հազարավոր երեխաների, հղի կանանց մասին, լացում էին, գոռում: Աշխատակազմը մեզ տվեց մեր ճամպրուկները: Շատ մարդիկ չէին կարողանում դրանք տանել, քանի որ դրանք իրենց համար ծանր էին, նրանք երեխաների հետ էին: Երբ այսօր ես ճամպրուկով ներս մտա դարպասներից, անվտանգության աշխատակիցները փորձում էին առգրավել ալկոհոլային խմիչքը: Ես ընդդիմացա ու խնդրեցի պետին: Նա ասաց, եթե ուզում եմ, որ իմ գնած ալկոհոլը մնա ուղեբեռում, պետք է հետ գնամ, հանձնեմ այն ու ևս մեկ անգամ ներս մտնեմ: Ես դրա համար ստիված էի վճարել 20 եվրո, սակայն իմ մեղքով չէր ուղեբեռը դրսում հայտնվել: Ընդհանուր առմամաբ անկարգություն ու անկազմակերպվածություն էր: Այդ օդանավակայանը լավագույնը չէ: Շատ բան կա գրելու, բայց հոգնած եմ հիմա»,-գրել է նա:
Հիշեցնենք, Աթաթուրքի անվան օդանավակայանում պայթյունները որոտացել են երեկ ուշ երեկոյան: 36 մարդ զոհվել է, 150 մարդ վնասվածքներ ստացել: Թուրքիայի վարչապետը հայտարարել է, որ դա «Իսլամական պետություն» ահաբեկչական խմբավորման ձեռքի գործն է:
Երեկ ԼՈՒՐԵՐ.com-ը հրապարակեց, որ գործարար, ԱԺ պատգամավոր Սամվել Ալեքսանյանի «Աստղիկ» բժշկական կենտրոնի աշխատակիցները ապրիլյան պատերազմում զոհված զինծառայող Ռոբերտ Աբրահամյանի ծնողներին, մեղմ ասած, վատ վերաբերմունք են ցուցաբերել։ Ռոբերտ Աբրահամյանի մայրը՝ Միլանա Ավանեսյանն ունի երակների վարիկոզ լայնացում, և նրան անհապաղ վիրահատություն է անհրաժեշտ։ Նրանք երեկ դիմել էին «Աստղիկ» բժշկական կենտրոն, ներկայացնելով Պաշտպանության նախարարության տված տեղեկանքն առ այն, որ վերջիններս կարող են օգտվել «Զինծառայողների և նրանց ընտանիքների անդամների սոցիալական ապահովության մասին» ՀՀ օրենքով սահմանված սոցիալական ապահովության երաշխիքներից և արտոնություններից։
ԲԿ-ում նրանց արհամարհել ու մերժել են՝ հորդորելով հերթագրվել ու սպասել մինչև հոկտեմբեր։ Աշխատակիցներն անգամ չեն ստուգել հիվանդին՝ տեսնելու միգուցե վերջինիս կյանքին վտանգ է սպառնում, և անհապաղ անհրաժեշտ է վիրահատություն։ Բժշկական կենտրոնի աշխատակցուհին զոհված զինծառայողի ընտանիքի անդամներին միաժամանակ «խորհուրդ» է տվել դիմել այլ բժշկական կենտրոն, քանի որ այս պահին պետպատվերի շրջանակում տեղեր չունեն։ Զոհված զինծառայողի ծնողները վրդովված, վիրավորված դուրս էին եկել ԲԿ-ից և գնացել «Միքայելյան» բժշկական կենտրոն, որտեղ նրանց շատ ջերմ ընդունել էին և նշանակել հաջորդ այցի օրը։
Այսօր արդեն «Աստղիկ» բժշկական կենտրոնի տնօրինությունը, ի դեմս գլխավոր տնօրեն Ասատուր Ասատրյանի, ներողություն խնդրեցին զոհված զինծառայողի ծնողներից՝ իրենց աշխատակիցների վատ պահվածքի ու վերաբերմունքի համար։ Ասատուր Ասատրյանը մեզ հետ զրույցում ափսոսանք հայտնեց, որ նման բան է տեղի ունեցել իրենց բժշկական կենտրոնում։ Նա տեղեկացրեց, որ միջադեպի մասնակիցներից երեքը, անմիջապես հեռացվել են աշխատանքից։ Աշխատանքից հեռացվել է նաև անվտանգության աշխատակիցը, ով զինվորի հորը՝ Աբրահամ Աբրահամյանին վիրավորել էր, ասելով՝ «գնա Կիսաբաց լուսամուտներ, քո տեղն էնտեղ ա»։
Այս ամենից հետո ԲԿ-ի տնօրենը խնդրեց Աբրահամ Աբրահամյանին՝ կնոջը տեղափոխել իրենց մոտ, իրենք ամեն ինչով կապահովեն, անվճար վիրահատությունը, լյուքս դասի հիվանդասենյակը, որպեսզի ոչ մի բանի կարիք չլինի՝ այդպիսով շտկելով իրենց աշխատակիցների երեկվա պահվածքը։ Զինվորի հայրն էլ իր հերթին շնորհակալություն հայտնեց և ասաց, որ չի ցանկանում, որ իր պատճառով մարդիկ աշխատանքից զրկվեն։ Բայց, ամեն դեպքում, աշխատակիցներն արդեն հեռացված են։ Ռոբերտ Աբրահամյանի մայրն այսօրվանից հիվանդանոցում կմնա, համապատասխան գործընթացներ կիրականացվեն, որից հետո լավագույն մասնագետը կիրականացնի վիրահատությունը։
Հ.Գ. ԱԺ պատգամավոր Սամվել Ալեքսանյանը ևս ներողություն խնդրեց զոհված զինծառայողի ծնողներից, որ բժշկական կենտրոնի աշխատակիցները նման վարքագիծ են դրսևորել։
Մանրամասները՝ ԼՈՒՐԵՐ.com-ի տեսանյութում։
Քրիստինա Աղալարյան
Երեկվա միջադեպը
https://www.youtube.com/watch?v=5mRhpmtu6Qo
ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի միջև հարաբերությունները կարծես թե բարելավման նախանշաններ են արձանագրում:
«Հյուրրիյեթ»-ի տեղեկացմամբ, նախագահների միջեւ այսօր հեռախոսազրույց է տեղի ունեցել: Թուրքիայի նախագահական նստավայրի աղբյուրները հայտնել են, որ հեռախոսազրույցը «շատ դրական» է եղել, որի գրավոր հաղորդագրությունը կտարածվի ավելի ուշ:
Պուտինի և Էրդողանի միջև հեռախոսազրույցը տևել է շուրջ 40 րոպե:
Երկու երկրների ղեկավարների այս հեռախոսազրույցն առաջինն է վերջին 7 ամիսների ընթացքում:
Հիշեցնենք, որ Թուրքիայի և Ռուսաստանի հարաբերությունները վատթարացել էին 2015 թ.-ի նոյեմբերին, երբ թուրքական օդուժի կործանիչները թուրք-սիրիական սահմանին խոցեցին ռուսաստանյան ռմբակոծիչը:
Միայն ամիսներ անց, հունիսի 27-ին Թուրքիայի նախագահ Ռեջեփ Թայիփ Էրդողանն ափսոսանք հայտնեց և ներողություն խնդրեց անցած աշնանը կործանված ռուսաստանյան Սու-24 ինքնաթիռի համար:
Այսօր՝ հունիսի 29-ին, դաժան ու ողբերգական դեպք է տեղի ունեցել Երևանում: Ժամը 12:00-ի սահմաններում ոստիկանության Նուբարաշենի բաժանմունք ահազանգ է ստացվել, որ Նուբարաշենի հոգեբուժարանի հարևանությամբ գտնվող Պալիգոն կոչվող թաղամասի արհեստական ջրամբարում երիտասարդ տղա է ջրահեղձ եղել:
Ինչպես դեպքի վայրից հայտնում է ֆոտոլրագրող Գագիկ Շամշյանը, դեպքի մասին ոստիկանության Նուբարաշենի բաժանմունքից ահազանգել են ՀՀ Արտակարգ իրավիճակների նախարարության փրկարար ծառայության օպերատիվ կառավարման կենտրոն, որտեղից դեպքի վայր են ժամանում օպերատիվ խումբն ու ջրասուզակը:
Դեպքի վայրում հավաքվածները ֆոտոլրագրողին ասում էին, որ ջրահեղձ եղած քաղաքացին Արթիկ քաղաքի բնակիչ, 20-ամյա Էդգար Չախլյանն էր, ով ծառայում էր ՀՀ ՊՆ N զորամասում և վաղը նա պետք է զորացրվեր տուն: Դեպքի վայր են ժամանել ոստիկանության Նուբարաշենի բաժանմունքի օպերատիվ խումբը՝ բաժանմունքի պետ Սահրադ Դավթյանի գլխավորությամբ:
Դեպքի մասին տեղեկությունը փոխանցվել է Հայաստանի քննչական կոմիտեի Երևանի քննչական վարչության Էրեբունի և Նուբարաշեն վարչական շրջանների քննչական բաժին, որտեղից ժամանում է քննչական խումբը: Փաստի առթիվ քննչական բաժնում նյութեր են նախապատրաստվում:
Ըստ տեղեկությունների՝ նյութերը փոխանցվելու են ՀՀ ՊՆ ռազմական ոստիկանություն: Ըստ տեղեկությունների՝ երիտասարդը ջրահեղձ է եղել լողալու հետևանքով:
***
Ֆոտոլրագրողը հայտնում է, որ նշված հատվածում սա 4-րդ դեպքն է 2 տարվա ընթացքում, սակայն ամեն անգամ պատկան մարմինները ջայլամի քաղաքականություն են որդեգրում՝ գլուխները մտցնելով ավազի մեջ ու ոչ մի գործողություններ չեն կատարում նշված հատվածում գոնե պարիսպ կառուցելու ուղղությամբ ու եթե այդ կառույցը, որը, ըստ ֆոտոլրագրողի տեղեկությունների, «Սևան -Հրազդանյան Ջրառ» ընկերությունն է, հետամուտ լինի և նշված հատվածում կառուցեն այդ պատը, ապա նման ողբերգական դեպքեր տեղի չեն ունենա: Տեղում աշխատում էին նաև Հատուկ նշանակության փրկարարական աշխատանքերի իրականացման կենտրոնի թիվ 17 փրկարարական ջոկատը՝ հրամանատար Համբարձում Վարտումյանի գլխավորությամբ:
Ջրասուզակն ու փրկարարները դուրս բերեցին դին:
2016թ. հունիսի 28-ին Ստամբուլի Աթաթյուրքի անվան միջազգային օդանավակայանում տեղի ունեցած ահաբեկչական գործողություններից հետո թուրքական «Դողան» լրատվական գործակալությունը հիշել է Թուրքիայի օդանավակայաններում տեղի ունեցած գործողությունները, որոնց հետևանքով մարդիկ են զոհվել։
Լրատվական գործակալությունը նշում է, որ վերջին 34 տարիների ընթացքում Թուրքիայի օդանավակայաններում 3 դեպք է գրանցվել, որոնց հետևանքով զոհվել են մարդիկ։ Առաջին դեպքը տեղի է ունեցել 1982թ. օգոստոսի 7-ին, երբ մայրաքաղաք Անկարայի Էսենբողա միջազգային օդանավակայանում ԱՍԱԼԱ-ի անդամներ Զոհրաբ Սարգսյանն ու Լևոն Էքմեքչյանը կրակ բացեցին օդանավակայանի անձնագրային ստուգման ծառայության մոտ գտնվող Թուրքիայի ԶՈւ ռազմական ջոկատների և անձնագրային հսկողության աշխատակիցների ուղղությամբ։
Էքմեքչյանն ու Սարգսյանը, պատանդ վերցնելով 20 մարդու, թաքնվել էին օդանավակայանի սրճարաններից մեկում։ Այս դեպքերի հետևանքով սպանվել էր 9 մարդ, վիրավորվել 82-ը։
Թուրք իրավապահներին հաջողվել էր կենդանի ձերբակալել Էքմեքչյանին, իսկ Զոհրաբ Սարգսյանը զոհվել էր։ Թուրքական դատարանի որոշմամբ՝ 1983թ. հունվարի 23-ին Էքմեքչյանը դատապարտվել է մահապատժի։ Հաջորդ դեպքը տեղի է ունեցել 2015թ. դեկտեմբերի 23-ին Ստամբուլի՝ Սաբիհա Գյոքչեն օդանավակայանում, երբ ահաբեկչական գործողությունների հետևանքով զոհվեց օդանավակայանի մեկ աշխատակից, մեկ հոգի էլ ծանր վիրավորվեց։ Երրորդ դեպքն էլ տեղի է ունեցել 2016թ. հունիսի 28-ին Ստամբուլի՝ Աթաթյուրքի անվան միջազգային օդանավակայանում, որի հետևանքով զոհվեց 36 մարդ։
Ռուսաստանի ու Հայաստանի միջև հակաօդային միավորված պաշտպանության պայմանագիրն ավելի է ուժեղացնում Հայաստանի հակաօդային պաշտպանությունը:
Լրագրողների հետ զրույցում ասաց ՀՀ պաշտպանության փոխնախարար Արա Նազարյանը, հայտնում է թերթ.ամ-ը:
Վերջինս նշեց, որ ՀՀ օդային սահմանի նկատմամբ ոտնձգության դեպքում Հայաստանն այսուհետ օգտագործելու են Ռուսաստանի ռազմաբազայի միջոցները:
— ՀՕՊ համաձայնագիրը շատ քննադատվեց: Ի վերջո՝ ի՞նչ նպատակ ունի Ռուսաստանի ու Հայաստանի միջև կնքված Հակաօդային պաշտպանության միավորված համակարգի ներդրումը:
— Սա համաձայնագիր է, որը գործում է երկու պետությունների միջև: Նպատակն այն է, որ երբ վտանգ լինի, ռազմական գործողություններ լինեն, պատերազմ սկսվի ՀՀ սահմաններին, այդ ժամանակ մենք կկարողանանք օգտագործել այս պայմանագիրը:
— Ի՞նչ երաշխիքներ կան, որ այս պայմանագիրը նման պայմաններում իսկապես գործի կդրվի:
— Երաշխիքն այն է, որ արդեն ամրագրված է և կառավարման մեխանիզմը մենք պետք է իրականացնենք: Բայց դեռ իրենք էլ պետք է վավերացնեն…
— Հայաստանի օդային սահմանին նվազագույնն ի՞նչ սպառնալիք կարող է լինել, որ այս պայմանագիրը գործի դրվի:
— Հայաստանի Հանրապետության ցանկացած օդային սահմանի խախտում…
— Միայն խախտումների դեպքո՞ւմ, թե՞ պայմանագիրը գործի կդրվի, եթե հակառակորդի օդային ուժերը նաև մոտենան:
— Կա ընթացակարգ, պրոցեսը սկսում է մինչև 50 կմ-ից:
— Եթե ՀՀ օդային սահմանին սպառնա վտանգը, Հայաստանը պետք է կապվի Ռուսաստանի հետ ու «դաբրո» ստանա՞ պայմանագիրը գործի դնելու համար:
— Ո՛չ, անմիջապես կարող ենք…
— Պարոն Նազարյան, համաձայնագրում կետ կա, որ այն ազգային ստորաբաժանման կողմից ղեկավարվում է խաղաղ պայմաններում: Իսկ պատերազմի ժամանա՞կ…
— Ոչ, ոչ, ամբողջությամբ չեք կարդացել: Կա կանոնակարգ, որն անբաժանելի մասն է պայմանագրի: Դրա 7-րդ կետը վերաբերում է պատերազմի ժամանակ զենքի կիրառմանը: Այնտեղ նշվում է, որ տվյալ պետության ազգային օրենսդրությամբ սահմանված… Ուղակի, գիտեք ինչ, պատերազմի ժամանակ հակաօդային պարագայում հարաբերական է: Պատերազմի ժամանակ մասշտաբներ են մեծանում, թե չէ գործընթացները…
— Կառավարում ասելով ի՞նչ է նկատի առնվում պայմանագրում: Կարծիքներ կան, որ մենք մեր ինքնիշխանությունը կառավարման տրամադրում ենք Ռուսաստանին:
— Այդպես չէ: Հայկական կողմն է անում:
— Ո՞ր կետով է ամրագրված, որ հայկական կողմն է կառավարում իրականացնում:
— Հայաստանը Ռուսաստանի հետ օդային սահման չունի: ՀՀ-ն ՌԴ-ում չունի տեղակայված որևէ ռազմաբազա, իսկ Ռուսաստանը Հայաստանում ունի: Ուստի, սա լրացուցիչ է… Իսկ կառավարումն արվում է 6-րդ հոդվածի 3-րդ մասի համաձայն: Կառավարման գործառույթը մեր հակաօդային պաշտպանության պետինն է: Կրկնում եմ՝ այս պայմանագրով ավելի է ուժեղանում մեր հակաօդային պաշտպանությունը: ՀՀ օդային սահմանի նկատմամբ ոտնձգության դեպքում մենք օգտագործելու ենք Ռուսաստանի ռազմաբազայի միջոցները: Սա լրացուցիչ ռեսուրս է, որից չենք հրաժարվում:
— Մենք տեսնում ենք, որ Ռուսաստանի ու Թուրքիայի հարաբերությունները լավանում ենք: Մենք կկարողանա՞նք օգտագործել ռուսական ուժերը ՌԴ դաշնակիցներ Թուրքիայի կամ Ադրբեջանի դեմ, եթե նրանք մեր դեմ քայլեն:
— Ռուսաստանի «դաշնակից» հասկացությունը հարաբերական է, քանի որ համաձայնագրով, եթե մեր օդային սահմանը խախտվի, ՀՀ-ն իրավունք է վերապահում օգտագործելու:
— Նախկինում, երբ թուրքական ինքնաթիռները հատեցին ՀՀ օդային սահմանը, ՌԴ կողմից արձագանք չեղավ:
— Այ հիմա արդեն ավելի օպերատիվ կլինի: Կառավարման այս համակարգն այդ հնարավորությունը կտա:
— Ի՞նչ է լինելու Լեռնային Ղարաբաղի օդային սահմանի հետ:
— Համաձայնագիրը ԼՂ պաշտպանության հետ կապ չունի:
— Բայց մենք ԼՂ անվտանգության երաշխավորն ենք:
— Մենք կօգտագործենք մեր ռեսուրսները, իսկ պայմանագիրը միայն Հայաստանին է վերաբերում:
Լարսի անցակետի մոտ ստեղծվել է վրանային ավան
Հունիսի 29-ին, ժամը 09.15-ին ՀՀ ԱԻՆ ճգնաժամային կառավարման ազգային կենտրոնից կապ է հաստատվել Հյուսիսային Օսիայի ՃԿԿ-ի հետ: Այնտեղից հայտնել են, որ Լարսի անցակետ տանող փլուզված ճանապարհին իրավիճակը մնում է անփոփոխ, վթարա-վերականգնողական աշխատանքները շարունակվում են, ստեղծվել է 2 վրանային ավան` նախատեսված 70 մարդու համար: Վրաններում մարդկանց տրամադրվում է տաք սնունդ և գիշերակացի հնարավորություն: Աշխատանքներ են տարվում ՌԴ սահմանային անցակետում գտնվող ՀՀ քաղաքացիներին ՌԴ ԱԻՆ օդանավով Հայաստան տեղափոխելու ուղղությամբ:
ՌԴ-ում ՀՀ ԱԻՆ ներկայացուցչի ուղեկցությամբ այսօր Վլադիկավկազի օդանավակայանում վայրէջք կկատարի ՌԴ ԱԻՆ ինքնաթիռը, որով նախատեսվում է Հայաստան տեղափոխել ՀՀ 156 քաղաքացու: Երթուղու ընթացքի և ժամանման մասին կտրվի լրացուցիչ տեղեկատվություն:
ՀՀ ԱԻՆ ՃԿԱԿ-ից իրավիճակի պարզաբանման և իրադարձությունների զարգացման վերաբերյալ տեղեկություններ ստանալու նպատակով պարբերաբար կապ է հաստատվում Վրաստանի ՆԳՆ ԱԻ դեպարտամենտի, ՌԴ ԱԻՆ և Հյուսիսային Օսիայի ՃԿԿ-ների հետ:
Ձեռնարկվող միջոցառումների գործընթացն ամբողջությամբ գտնվում է ՀՀ վարչապետ Հովիկ Աբրահամյանի ուշադրության կենտրոնում:
***
Հունիսի 28-ին, ժամը 18.10-ին ՌԴ ԱԻՆ ճգնաժամային կառավարման ազգային կենտրոնից տեղեկություն է ստացվել, որ Հյուսիսային Օսիայում առկա են տրանսպորտային միջոցների և մարդկանց կուտակումներ՝ մոտ 200 բեռնատար, 40 մարդատար ավտոմեքենա` 77 ուղևորով (10 երեխա) և 2 ավտոբուս՝ 88 ուղևորով: Ուղևորների մեջ կան նաև հղի կանայք, ովքեր չունեն միջոցներ` այլընտրանքային ճանապարհով (նավով կամ օդանավով) Հայաստան ուղևորվելու:
Նույն օրը, ժամը 21.04-ին կապ է հաստատվել Հյուսիսային Օսիայի ՃԿԿ-ի հետ, որտեղից հաղորդել են Վլադիկավկազ քաղաքի մոտ գտնվող Ռեդանտ կոչվող տարածքում կուտակված շուրջ 50 բեռնատարի մասին:
Ժամը 22.51-ին Հյուսիսային Օսիայի ՃԿԿ-ից տեղեկություն է ստացվել, որ Վերին Լարսի անցակետում առկա է տրանսպորտային միջոցների կուտակում` 53 բեռնատար, Ռենդանտ բնակավայրում` 11 բեռնատար, 2 ավտոբուս` 88 ուղևորով, 40 մարդատար` 77 ուղևորով (ընդհանուր առմամբ` 230 ՀՀ քաղաքացի):
Սահմանային հատվածում ՀՀ քաղաքացիներին է այցելել ՌԴ ԱԻՆ Հյուսիս-Կովկասյան տարածաշրջանային կենտրոնի պետ, գեներալ-գնդապետ Նիկոլայ Լիտյուկը: Վերջինս ծանոթացել է քաղաքացիների կարիքներին` դրանց հնարավոր լուծումներ տալու նպատակով:
***
Հիշեցնենք, որ հունիսի 23-ին, ժամը 16.40-ի սահմաններում Վրաստանի ՆԳՆ ԱԻ դեպարտամենտից տեղեկություն էր ստացվել, որ Վերին Լարսի անցակետից մոտ 2 կմ հեռավորության վրա (Վրաստանի տարածքում), Թերեք գետի վարարման հետևանքով ավտոճանապարհի 500-600 մ հատված ամբողջովին փլուզվել է, և այդ պատճառով փակվել է ՌԴ-Վրաստան սահմանային անցակետը:
Անվտանգության նկատառումներից ելնելով նշված ավտոճանապարհով արգելվել է բոլոր տեսակի տրանսպորտային միջոցների երթևեկությունը:
Նույն օրը, ժամը 17.00-ին ՀՀ ԱԻՆ ճգնաժամային կառավարման ազգային կենտրոնից կապ է հաստատվել Վրաստանի ՆԳՆ ԱԻ դեպարտամենտի հետ, որտեղից հայտնել են, թե ավտոճանապարհի վնասված հատվածի վերականգնումը, նախնական հաշվարկներով, կտևի 15-20 օր: Տուժածներ չկան, տարհանվել է 60-70 զբոսաշրջիկ:
AdMe.Ru կայքն ուշագրավ ֆոտոշարքով անդրադարձել է 8-ամյա լսնամաշկ աֆրոամերիկուհի Ավա Քլարկին, ում պարագայում գենետիկ մուտացիայի հետևանքը դարձել է աղջնակի «այցեքարտը»:
Նրա` աֆրոամերիկուհու համար ոչ ստանդարտ գեղեցկությունը` համարյա ճերմակ մազերը, կապտականաչավուն աչքերն ու վարդագույն շուրթերը, անտարբեր չեն թողել նորաձևության աշխարհի ներկայացուցիչներին, ովքեր փոքրիկ Ավային հրավիրել են մի շարք հեղինակավոր ամսագրերի համար նկարահանումների:
Աղբյուրը հավելում է, որ բժիշկների կանխատեսումների համաձայն` Ավան արդեն պետք է կորցրած լիներ տեսողությունը, սակայն ծնողների գործադրած ջանքերի շնորհիվ Ավան կարդում է, զբաղվում է բալետով, կարողանում է իր վրա հրավիրել հայտնի լուսանկարիչների ուշադրությունը. մի խոսքով` աղջիկն ապրում է լիարժեք կյանքով:
- Տեսանյութ
- Օրվա միտք
- Խմբագրի վարկած
- Ֆոտո
