Ըմբշամարտի միջազգային ֆեդերացիայի (UWW) էթիկայի հանձնաժողովը դիտարկում է ըմբիշ Իննա Տրաժուկովայի և Ռուսաստանի ըմբշամարտի ֆեդերացիայի նախագահ և UWW 4 փոխնախագահներից մեկի՝ Միխայիլ Մամիաշվիլիի հետ կապված միջադեպը։

Մամիաշվիլին «ոչնչություն» էր որակել մարզուհու ելույթն (խմբ․- վերջինս արծաթ մեդալ է նվաճել) ու նշել, որ նա իրավունք չուներ «10 վայրկյանում ձեռքից բաց թողնել ոսկե մեդալը»։ Տրաժուկովան հայտարարել էր, իր ելույթներից դժգոհ Մամիաշվիլին երկու անգամ հարվածել է իրեն։

«Նա փորձեց հարվածել նաև երրորդ անգամ, սակայն կանգնեցրին հավաքականի մարզիչները։ Դա տեղի ունեցավ մարզասրահում։ Այնտեղ էին մի շարք երկրների հավաքականներ։ Այն բանից հետո, երբ նա հարվածեց, ցանկանում էի փախչել։ Նա բռնեց ուսիս գցած պայուսակս ու չթողեց դա անել։ Նա անսթափ վիճակում էր։

Հանդիպելու եմ սպորտի նախարարի հետ՝ քննարկելու այդ իրավիճակը։ Եթե ղեկավարությունը, ֆեդերացիան քայլեր չձեռնարկի, դիմում ենք ներկայացնելու կառավարությանը։ Պահանջում եմ հրապարակային ներողություն»,- հայտարարել էր մարզուհին։

«Գիտեմ, որ Ըմբշամարտի միջազգային միության էթիկայի հանձնաժողովը դիտարկում է միջադեպը։ Ինչ-որ որոշում կլինի այս կապակցությամբ։ Պետք է միջադեպը քննարկել ամենասկզբից։

Մամիաշվիլիի հետ խոսել եմ։ Պետք է հանգստացնել նյարդերը։ Մեկ մեդալ ավել, մեկ մեդալ պակաս, լինի ոսկե թե արծաթե։ Սա սպորտ է։ Չի կարելի ողբերգություն դարձնել»,- հայտարարել է Ռուսաստանի օլիմպիական կոմիտեի նախագահ Ալեքսանդր Ժուկովը։

Ինչպես հայտնի է, Շիրակի մարզի առաջին ատյանի դատարանը ցմահ ազատազրկման դատապարտեց Գյումրիում Ավետիսյանների ընտանիքի յոթ անդամների սպանության մեջ մեղադրվող ռուսական ռազմաբազայի զինծառայող Վալերի Պերմյակովին:

Past.am-ն իրավապաշտպան Վարդան Հարությունյանից փորձեց ճշտել՝ կարելի՞ է հանցագործությունը լիարժեք բացահայտված համարել, մնացե՞լ են մութ կետեր այս դատավարությունից հետո: Պարոն Հարությունյանի խոսքով ՝ հստակ չի կարելի ասել, թե հանցագործությունը բացահայտվել է ամբողջովին: Ամեն դեպքերում, ըստ մեր զրուցակցի, դատավճիռը կայացած փաստ է: «Եթե տուժողները բավարարված չեն, ապա կարող են բողոքարկել»,- հավելեց նա:

Մեր հարցին՝ ինչո՞ւ հայտնի չդարձավ, թե որտեղ է կրելու Պերմյակովն իր պատիժը, Վարդան Հարությունյայնն ասաց. «Ցմահ ազատազրկումն ավելի կարևոր էր հնչեցնել, քան թե պատիժը կրելու վայրը: Իհարկե, մնում է մի կարևոր կասկած, որ Ռուսասստանում կրելու դեպքում կարող է ազատ արձակվել կամ նման այլ բան: Կարծում եմ, այնուամենայնիվ, նա պետք կարողանա տեսակցել իր հարազատներին և օգտվել նման իրավունքներից: Բնական է, որ Ռուսաստանում ավելի մեծ կլինեն այդ ամենի հնարավորությունները: Բայց այս խնդիրը պետք է լուծվի Հայաստան-Ռուսաստան փոխհամաձայնությամբ»:

Իրավապաշտպանի կարծիքով՝ շատ ավելի սկզբունքային խնդիր էր նախաքննության իրականացումը հայաստանյան իրավապահների կողմից: Պարոն Հարությունյանն ընդգծեց, որ հենց սկզբից Պերմյակովը պետք է տրամադրվեր հայկական կողմին՝ գտնվելով ոչ թե ռուսական զորամասում, այլ հայկական կալանավայրում: «Դատավճռից հետո, իմ կարծիքով, այնքան էլ էական չէ, թե որտեղ կկրի պատիժը»,- խոսքը եզրափակեց Վարդան Հարությունյանը:

Զինված խմբի որոշ անդամների փաստաբանների կողմից այսօր կրկին հասարակությանը մոլորության մեջ գցելու հերթական փորձն է արվել: Հանրությանը ցանկանում ենք տեղեկացնել, որ խմբի` «Դատապարտյալների հիվանդանոց» քրեակատարողական հիմնարկում գտնվող անդամներին իբր անհրաժեշտ բուժօգնություն չտրամադրելու մասին վերջիններիս փաստաբանների «ահազանգերի» և Զանգվածային լրատվության միջոցներում տեղ գտած հրապարակումների կապակցությամբ Քրեակատարողական ծառայության ներկայացուցիչներն այսօր այցելել են «Դատապարտյալների հիվանդանոց» քրեակատարողական հիմնարկում գտնվող վերոնշյալ կալանավորված անձանց, տեղում ծանոթացել իրավիճակին և իրազեկվել, որ վերջիններս քրեակատարողական հիմնարկի բուժանձնակազմի կողմից ցուցաբերվող բժշկական օգնությունից և խնամքից բողոքներ չունեն:

Ինչ վերաբերում է նրան, որ այս օրերին հաճախ է շահարկվում ՀՀ ԱՆ «Դատապարտյալների հիվանդանոց» քրեակատարողական հիմնարկի կալանավոր Հովհաննես Հարությունյանին բժշկական պատշաճ օգնություն և խնամք չցուցաբերելու, կամ, ինչպես նրա փաստաբանների ու այլ անձանց կողմից շեշտվում է, նրան այս կերպ խոշտանգումների ենթարկելու հարցը, ապա այլևայլ անհիմն ապատեղեկատվությունից խուսափելու նպատակով ՀՀ ԱՆ քրեակատարողական վարչությունը հայտնում է հետևյալը:

27.07.2016 – 23.08.2016թթ` «Դատապարտյալների հիվանդանոց» քրեակատարողական հիմնարկ տեղափոխվելու պահից առ այսօր, Հովհաննես Հարությունյանը ենթարկվել է տարատեսակ բժշկական հետազոտությունների և զննությունների, այդ թվում` որովայնի և կոնքի սոնոգրաֆիկ և աջ ստորին վերջույթի ռենտգեն հետազոտությունների, ուրոլոգի և նյարդավիրաբույժի խորհրդատվությունների:

Բացի վերոբերյալից` հանվել է հիվանդի կմախքային ձգումը և դրվել է գիպսային վիրակապ: Ի լրումն` յուրաքանչյուր 2-րդ օրը հիվանդը զննվում է <<Էրեբունի>> ԲԿ-ի վնասվածքաբանների կողմից:

Հարկ է նշել, որ բոլոր հետազոտությունների և զննությունների մասին գրառումները առկա են նրա հիվանդության պատմագրում: Հավելենք նաև, որ «Դատապարտյալների հիվանդանոց» ՔԿՀ-ի կալանավորված անձ Հովհաննես Հարությունյանը անհրաժեշտության դեպքում ստացել և ստանում է ցավազրկող դեղամիջոցներ, հակաբիոտիկներ, պարբերաբար կատարվում են վերքերի մշակումներ, ժամանակին փոխվում են վիրակապերը:

Ներկայումս «Էրեբունի» ԲԿ-ի վնասվածքաբանների հետ քննարկվում է ինչպես Հ. Հարությունյանի, այնպես էլ <<Դատապարտյալների հիվանդանոց>> ՔԿՀ-ում պահվող խմբի մյուս անդամների վիրահատման ծավալների և ժամկետների հարցը: Հավելենք, որ այս պահի դրությամբ ՀՀ ԱՆ «Դատապարտյալների հիվանդանոց» քրեակատարողական հիմնարկում պահվում և բուժում են ստանում այլ կալանավորված անձինք և դատապարտյալներ, որոնք նույնպես խնամքի և բազմապրոֆիլ բուժման կարիք ունեն, ինչը և ապահովվում է «Դատապարտյալների հիվանդանոց» ՔԿՀ-ի արհեստավարժ և փորձառու բուժանձնակազմի կողմից:

Եվս մեկ անգամ շահագրգիռ անձանց կոչ ենք անում զերծ մնալ թեմայի`տարբեր նպատակներով անհարկի շահարկումներից:

ՀՀ ԱՆ ՔԿՎ հանրային կապերի բաժին

ԱԺ պատգամավոր, «Քաղաքացիական պայմանագիր» կուսակցության վարչության անդամ Նիկոլ Փաշինյանը ֆեյսբուքի իր էջում գրել է.

«Հենց նոր, ալիք փոխելիս, ականջովս ընկավ «Կիսաբաց լուսամուտների» եթերում.
«Եթե մարդը կնգան բերան կքրֆե, էդ բերանը իրա երեխեքը կպաչեն չէ՞» եւ այլն:
Եթե ոմանց կարծիքով սա խոսքի, եթերի ազատություն է, այդ մարդիկ սխալվում են:
Սա աղբ է, որ պետք է արմատախիլ անել եթերից:

Ի դեպ, ATV-ի սեփականատերը Վատիկանում ՀՀ դեսպան Միքայել Միասնյանն է, Սերժ Սարգսյանի փեսան:

Իրենց տանը այս հաղորդումը նայու՞մ են:
Իսկ ՀՌԱՀ-ը ինչպես միշտ, գործում է «օրենքի շրջանակներում»: ԱԺ աշնանային նստաշրջանում այս թեմայով էլ կխոսենք»:

Շատ լիբերալ մտածողների մի հատված էլ կա, որ ասում են՝ հենց դադարենք պնդել ոչ մի թիզ հող, կդառանանք քաղաքակիրթ, ժողովրդավար երկիր, կքայլենք աշխարհի հետ հավասար: Ախ, իմ սիրելի աշխարհի հետ համաչափ քայլող Հռոմի Պապից ավելի կաթոլիկներ, մի րոպե պատկերացրեք, ամենաչեզոք, ամենաքաղաքակիրթ Նորվեգիան նույնատիպ Շվեդիային ասեր՝ քո հողերից հինգ մարզ կտրի, տուր Ֆինլանդիային, իմ խաթեր, ախպոր պես, ախր մենք բարեկամ ենք, դաշնակից, տես ուր կկորչեր: Հայրենիքը հողով չի մարդով է, չգիտեմ մարմնի որ մասից հանած փիլիսոփայությունը: Ում ինչ գործն է փոքր երկիր եմ, մեծ երկիր եմ, ես երկիր եմ, պետություն եմ իմ հողը իմն է, իմ սահմանը իմն է, կուզեմ մեկի հետ բարեկամություն կանեմ, կուզեմ մյուսի, կուզեմ երրորդի: Մի մասը հանգիստ նստած հայրենիքի կենացն է խմում, մի մասը լացակումած ստասուսներ դնում, թե ափսոս հեռու ենք, բայց աղոթում ենք, մի մասը օպերայի շրջապատի սրճարաններում ցինիկ ժպիտով սուրճ են խմում ու քամակները աթոռից չեն կտրում գան, կանգնեն էնդեղ, դե քանի որ իրենք շատ խելոք են, իրենք գիտեն, որ սաղ սուտ ա, էս աշխարհում մի ուժ կա՝ փողն ա, մի մասն էլ հուսահատ արտագաղթի ճամփան է բռնում:
Մի հռչակագրի տակ ստորագրելն ինչ ա` էն էլ չենք անում: Պարզ ասում եմ, շատ պարզ` Հայաստան պետություն չի լինի շատ շուտով, եթե այսպես շարունակենք, գուցե ձեզ համար միևնույն է, քանի որ մարդն է կարևոր ու հայրենիքը կարող է իր ներսում կրել:

Թամար Հովհաննիսյան

ՀՀ առողջապահության նախարարի տեղակալ Սերգեյ Խաչատրյանն այսօր  լրագրողներին հայտնեց, որ հունվարի 1-ից հանրապետության հինգ խոշոր բժշկական կենտրոններում ներդրվել է «Անվճար մեկ ստենտ՝ կյանքի համար» ծրագիրը՝ միտված սուր ինֆարկտով հիվանդների կյանքի փրկությանը: Ծրագրի շրջանակներում տեղադրվում է անվճար մեկ` ոչ դեղապատ ստենտ:

Ըստ նրա՝ ծրագրի շրջանակներում մինչ օրս 801 ստենտավորում է կատարվել: Դիմելիությունը, բնականաբար, ավելի է եղել:

«Այդ գինը կապված է հիվանդների քիչ քանակի ու պահպանման ծախսերի բարձր լինելու հետ: Սակայն մեծ թվով հիվանդներին օգնություն ցույց տալը կբերի ֆիքսված ծախսերի կայուն մնալուն և գների իջեցմանը»,-հայտնեց փոխնախարարը:

Սերգեյ Խաչատրյանն ուրախությամբ փաստեց, որ կենտրոններից ﬔկն արդեն իր ծառայության գինը 1.8 միլիոն դրամից իջեցրել է 1.2 միլիոնի:

«Սա վերջը չէ, վստահ ենք, որ գինն ավելի է իջեցվելու: Կարծում եմ, շատ շուտով կտեղեկանաք այլ կենտրոնների կողﬕց նման իջեցումների մասին ևս»,-նշեց պաշտոնյան:

Ըստ վիճակագրության` սրտի անհետաձգելի վիրահատության ծրագրով 2015 թվականին բժշկական օգնություն է ստացել 1516, իսկ 2016-ին՝ 866 քաղաքացի:

«Շատերը բողոքում են, որ Հայաստանում ստենտավորումն ավելի թանկ է, քան հարևան երկրներում: Մենք տեղի 11 կենտրոնների հետ ենք խոսել և տնտեսագիտական հաշվարկներով ցույց տվել, որ իրականում ծառայության գինն իջեցնելու հնարավորություն կա, և բարձր գինը պայմանավորված է նաև հիվանդների քիչ թվով: Գյումրիի հիվանդանոցը, օրինակ, արդեն իսկ իջեցրել է ստենտավորման գները` 1 800 000-ից դարձնելով 1 200 000, բայց սա էլ դեռ վերջնական գինը չէ: Այնպես որ` առաջիկայում կարող ենք սպասել, որ ստենտավորման գինը Հայաստանում որոշակիորեն կիջնի»,- ասաց Խաչատրյանը:

«Հովհաննես Հարությունյանի առողջական վիճակն օրեցօր վատանում է, արդեն չի կարողանում ոտքի մատները շարժել: Այսօր՝ oգոստոսի 23-ին, ժամը 16:00-ին հավաքվելու ենք ՄԻՊ գրասենյակի մոտ՝ բարձրաձայնելու վիրավորված «Սասնա ծռերի» անդամներին պատշաճ բուժօգնություն և բուժման պայմաններ տրամադրելու խնդրի մասին։ Երթով շարժվելու ենք դեպի Արդարադատության նախարարություն, այնուհետև՝ դատապարտյալների հիվանդանոց»,- ԳԱԼԱ-ին փոխանցեց փաստաբան Արա Ղարագյոզյանը:

«Հ. Հարությունյանի ցավերը երեկ երեկոյան այնքան են սրվել, որ դռան վրա իրեր է նետել, որպեսզի գան իրեն բժշկական օգնություն ցուցաբերեն՝ ցավազրկեն, քանի որ ոչ մեկը նրան օգնություն չի ցուցաբերել»,- ԳԱԼԱ-ի հետ զրույցում շեշտեց փաստաբանը:

Փաստաբանի խոսքով՝ այս ամենը խոշտանգում է, և իրենք՝ պաշտպանները, միտում են տեսնում, որ մարդուն ցանկանում են ցավերի մեջ պահել միայն նրա համար, որ նա «Սասնա ծռերի» անդամ է, և այդ ձևով նրան պատժում են:

«Երեկվանից մենք տեղեկացել ենք, որ «Էրեբունի» ԲԿ բուժակներն այլևս հսկողություն չեն իրականացնելու: Երեկ Քրեակատարողական վարչության մամլո խոսնակը՝ Գոռ Ղլեջյանը, ասաց, որ նրանց կարիքը չկա և դատապարտյալների հիվանդանոցն ամեն ինչով ապահովված է:

Ես հայտարարում եմ, որ դատապարտյալների հիվանդանոցը չի կարող ապահովել այն պայմանները, որտեղ հրազենային վնասվածք ստացող անձը պատշաճ բժշկական օգնություն ստանա: Մենք ենք մտնում Հովհաննեսի մոտ և տեսնում ենք, թե օրեցօր նա ինչ վիճակի է հասնում: Նրա վիճակն օրեցօր վատանում է, իսկ բժիշկներն ասում են, որ դեռ ժամանակը չէ, իսկ թե երբ է ժամանակը կամ ինչի ժամանակը՝ նրանք հիմնավոր ձևով չեն մեկնաբանում»,- ասաց Արա Ղարագյոզյանը:

ԳԱԼԱ-ի հետ զրույցում փաստաբանը նաև ասաց, որ առաջին իսկ օրերից իրենք բողոքներ են ներկայացնում Հ.Հարությունյանին տեղափոխելու քաղաքային հիվանդանոց, սակայն ստանում են պատասխան, որ դատապարտյալների հիվանդանոցը պատշաճ բժշկական օգնություն է ցուցաբերում և կարիք չկա:

«Եթե Հովհաննես Հարությունյանի վիճակը վիրահատությունից հետո լավ չլինի, ամբողջ պատասխանատվությունը կրելու է Քրեակատարողական վարչությունը, Արդարադատության նախարարությունը, Հատուկ քննչական ծառայությունը և Առողջապահության նախարարությունը, մենք սա պարզապես հայտարարում ենք: Եթե իրենց ուշացման պատճառով վիրահատությունից հետո Հովհաննեսի վիճակը նորից վատ եղավ, ամբողջ պատասխանատվությունն իրենք են կրելու»,- ԳԱԼԱ-ի հետ զրույցի ժամանակ շեշտեց Արա Ղարագյոզյանը: