«Մենք ենք տերը մեր երկրի» նախաձեռնությունը սոցցանցում հայտարարություն է տարածել, որով «Սասնա ծռեր» շարժման մաս դիտարկվող ուսանողներին, դպրոցականներին եւ աշխատող քաղաքացիներին կոչ է արվում սեպտեմբերի 1-ից սկսել դասադուլ. «Առաջարկում ենք ուսանողներին ու դպրոցականներին տանը մնալ դասաժամերին և խմբերով տանը կամ այլ վայրում սովորել իրենց առարկաները, իսկ երեկոյան իջնել Ազատության հրապարակ` քննարկելու այդ ուսումնական հաստատություններում դասադուլի վիճակը: Ամեն ֆակուլտետից պետք է լինի մի խումբ, որը կհամակարգի դասադուլավորների գործողությունները»: Առավոտյան մասնավորապես ԵՊՀ-ի դիմաց եւ Ազատության հրապարակում դասադուլի «դրսեւորումների» չհանդիպեցինք, միջոցառման «ֆեյսբուքյան» էջում անգամ կազմակերպվելու ժամ հիշատակված չէր:

Օգտատերերից մեկի հարցին, թե` «Քանիսի՞ն ենք գալու Ազատության հրապարակ», «Մենք ենք տերը մեր երկրի» նախաձեռնության ֆեյսբուքյան էջը գրել է. «Առավոտվանից, ով երբ կարող է», սակայն նույն օգտատերը գրել է, որ ինքն Ազատության հրապարակում է, որտեղ մարդ չկա, բայց «իվենթը բացողը պիտի գար»… Դասադուլի կազմակերպիչների հետ այդպես էլ չհաջողվեց կոնտակտի դուրս գալ: Միջոցառման էջում մի օգտատեր մեկնաբանության տեսքով կոչ է արել դասադուլը սկսել հենց Մայր բուհից:

ԵՊՀ հասարակայնության հետ կապերի եւ լրատվության վարչության պետ Կարեն Գրիգորյանն Aravot.am-ի հետ զրույցում ասաց, որ դասադուլի մասին  խոսակցություններ լսել է, սակայն բուհում նման դրսեւորումներ այսօր չեն եղել. «Դասադուլի կոչերի դեպքեր էլ չեն գրանցվել: Ուսանողներն ազատ են իրենց քաղաքական կամքն արտահայտելու մեջ: Նրանք պայմանագիր են կնքել մեզ հետ, վճարել իրենց ուսման համար, մենք էլ կրթական ծառայություն ենք մատուցում: Եթե չեն ուզում ստանալ այդ կրթությունը եւ գնան հանրահավաքի, դա իրենց իրավունքն է»: Aravot.am-ի հետ զրույցում կրթության փորձագետ Սերոբ Խաչատրյանն անդրադարձավ հարցին, թե որքանո՞վ է ընդունելի դասադուլը` որպես քաղաքացիական պայքարի ձեւ: «Ենթադրենք, այդպիսի կոչ արեցինք, որոշ մարդիկ էլ լսեցին ու դասադուլ արեցին, բայց հետագայում դա ինչ-որ նպատակի չենք կարող հանգեցնել: Անհրաժեշտության դեպքում դասադուլին նորմալ եմ վերաբերվում, բայց չեմ համարում, որ այս պահին դա պայքարի ճիշտ ձեւ է:

Բոլորս էլ գիտենք, որ այդ կոչից հետո մի փոքր խումբ դասադուլ է անելու, իսկ հետո՞ ինչ…»,-ասաց Սերոբ Խաչատրյանը: Նա որպես օրինակ հիշատակեց Վայոց ձորի մարզի Աղավնաձոր գյուղի ծնողների այսօրվա դասադուլը. «Ծնողներին խաբել են: Նրանք խաղողը հանձնել են, սակայն գումարը չեն ստացել արդեն մեկ տարի: Այդ պատճառով էլ քաղաքացիական անհնազանդություն են հայտնել` ասելով, որ իրենց երեխաներին դպրոց չեն ուղարկի: Համայնքի պարագայում սա պայքարի ձեւ է: Իսկ երբ չկան առաջնորդներ եւ մոբիլիզացիա, չեմ կարծում, որ երեխաներին պետք է ներքաշել մի բանի մեջ, որը հեռանկար չունի: Լավ բան է պայքարը, բայց պետք է խելացի պայքարել»:

Հավելենք` նախաձեռնության հայտարարության մեջ նաեւ ասվում է, որ սեպտեմբերի 17-ին Ազատության հրապարակում նախատեսվում է համաժողովրդական հանրահավաք, այդ թվում՝ Գյումրիում և Վանաձորում:

aravot.am

Եթե ցանկանում եք, որ Ձեր տնային բույսերը ծաղկեն ավելի երկարատև և փարթամ, կիրառեք այս հրաշք բաղադրատոմսը.

Հարկավոր է.

• 1 պլաստիկե շիշ
• 1լ ջուր
• 1 թ.գ. գերչակի յուղ

Սենյակային ջերմաստիճանի 1 լիտր ջրի մեջ 1 թ.գ. գերչակի յուղ լցրեք և շիշը լավ թափահարեք:

Ուշադրություն. բույսերը ջրել անմիջապես շիշը թափահարելուց  հետո, հակառակ դեպքում գերչակի յուղը կարող է այրել բույսի արմատները:

Այն բույսերի համար, որոնք ծաղկում են տարեկան մեկ անգամ, բավական է այս միջոցի մեկանգամյա կիրառումը:

Իսկ ամբողջ տարին ծաղկող բույսերը կարելի է ջրել այսպիսի ջրով ամսական մեկ անգամ:

Արդեն առաջին անգամ կիրառելուց որոշ ժամանակ անց հիանալի արդյունքի ականատես կլինեք:

Խարդախության առնչությամբ հետաքննության շրջանակում Հայաստանի ոստիկանությունն առգրավել է Թայվանի 34 քաղաքացիների անձնագրերը: Այդ մասին չորեքշաբթի հայտնել է Թայվանի արտգործնախարարությունը, հայտնում է focustaiwan.tw–ը:

Վկայակոչելով Ռուսաստանում Թայվանի ներկայացուցչի հաղորդումը՝ նախարարությունը հայտնել է, որ մանդարիներեն խոսող կասկածյալների կողմից խարդախության հետ կապված հանցագործությունների վերաբերյալ հետաքննության շրջանակում Հայաստանի ոստիկանությունն այս ամիս խուզարկել է երկու տուն և հյուրանոցը, որտեղ մնացել են Թայվանի քաղաքացիները:

Ոստիկանությունն առգրավել է 34 թայվանցու անձնագրերը, բջջային հեռախոսները և համակարգիչները: Նրանց նկատմամբ հսկողություն է սահմանվել:

Նախարարությունը նշել է, որ թայվանցիներից մի քանիսը կապվել են Ռուսաստանում Թայվանի ներկայացուցչական գրասենյակի հետ՝ օգնություն խնդրելով: Նախարարությունը հայտնել է նաև, որ հարցի առնչությամբ Ռուսաստանում Թայվանի ներկայացուցիչ Դավիդ Վանգը մեկնել է Հայաստան:

Կառավարության վաղվա նիստի ժամանակ որոշում կկայացվի սեպտեմբերի 12-ի աշխատանքային օրը տեղափոխել է 2016 թվականի սեպտեմբերի 17-ը` շաբաթ օրը: Նման որոշման նախագիծ ընդունելը նպատակ ունի հնարավորություն ընձեռնել քաղաքացիներին Խաչվերացի սեպտեմբերի 11-ին հաջորդող հիշատակի օրն այցելել իրենց ննջեցյալների գերեզմանները:

Թուրքիայի վարչապետ Բինալի Յըլդըրըմը երկրի նախագահ Թայիփ Էրդողանի հետ հանդիպումից հետո հայտարարել է թուրքական ներքին գործերի նախարար Էֆքան Ալայի հրաժարականի եւ նրա փոխարեն այդ պաշտոնում աշխատանքի եւ սոցիալական ապահովության նախարար Սուլեյման Սոյլուին նշանակելու մասին: Վերջինս ԶԼՄ-ներին հայտարարել է, որ այդ նշանակումն իր համար անակնկալ է եղել:

Ինչպես հաղորդում է «Արմենպրես»-ը` վկայակոչելով «Անատոլու» լրատվական գործակալությունը, Էֆքան Ալայի աշխատանքից ազատումը տեղի է ունեցել Ադրբեջանի ներքին գործերի նախարար Ռամիլ Ուսուբովի հետ օգոստոսի 31-ին Անկարայում նրա հանդիպումից անմիջապես հետո:

Այս իրադարձությունը տարակուսանք է առաջ բերել թուրքական փորձագիտական հանրության մեջ: Բոլորի մոտ հարց է առաջացել, ինչ է տեղի ունեցել իրականում:

Ըստ թուրք փորձագետների` Էֆքան Ալան թուրքական կառավարությունում եղել է նախագահ Էրդողանին ամենանվիրված անդամներից մեկը: Հենց նա է առանցքային դերակատարություն ունեցել հուլիսի 15-ին Թուրքիայում ռազմական հեղաշրջման փորձը ճնշելու մեջ:

Hraparak.am-ը գրում է․

Այս տարի Ծաղկաձորում հերթական անգամ անցկացվեց «Բազե» երիտասարդական հավաքը։ Ինչպես ամեն տարի, այս տարի եւս բազեականներին այցելեցին նախագահ Սերժ Սարգսյանը, վարչապետ Հովիկ Աբրահամյանը, ԱԺ նախագահ Գալուստ Սահակյանն ու պաշտպանության նախարար Սեյրան Օհանյանը։ Ավանդույթի համաձայն՝ նրանք «բաց ու անկեղծ» զրույց ունեցան ներկաների հետ, պատասխանեցին լրագրողների եւ հավաքի մյուս մասնակիցների հարցերին։ Այս տարի եւս «Բազե»-ին մասնակցում էին նաեւ լրագրողներ, նրանց ջոկատն ընդգրկված էր կարմիր ճակատում։

Բայց Սերժ Սարգսյանի հետ հանդիպման լուսանկարներում նրանց չգտանք։ Պարզվեց՝ լրագրողներն այս անգամ զրկված են եղել Սերժ Սարգսյանի հետ հանդիպումից ու նրան «բաց ու անկեղծ» հարցեր հղելու հնարավորությունից։ Եթե Հովիկ Աբրահամյանի, Գալուստ Սահակյանի եւ Սեյրան Օհանյանի հետ հանդիպումներին լրագրողների ջոկատին տեղեկացրել ու հրավիրել էին, ապա Սերժ Սարգսյանի հետ հանդիպմանը տեղյակ չէին պահել։ Պատճառները հասկանալի են՝ որպեսզի երկրի ղեկավարի հետ «բաց ու անկեղծ» զրույցը հանկարծ լրագրողները չհարամեին բաց ու անկեղծ հարցերով եւ Սերժ Սարգսյանի տոնը չփչացնեին։

Մինչդեռ, նախորդ տարիներին Սերժ Սարգսյանը, այցելելով բազեականներին, սովորաբար հանդիպում էր լրագրողներին եւ առանց փողկապի, բացատում տեղակայված մի տաղավարում «մտերմիկ» զրուցում նրանց հետ։ Առհասարակ՝ լրագրողների, նաեւ մյուս բազեականների հետ հանդիպումները մյուս պաշտոնյաների դեպքում եւս անցել են խիստ վերահսկողության պայմաններում, որպեսզի հանկարծ «անհամ» ու անցանկալի հարցեր չհնչեն եւ անհարմար դրության մեջ չդնեն վարչապետին եւ մյուսներին։

Հանրապետության տարածքում`սեպտեմբերի 1-3-ը շրջանների զգալի մասում, 4-5-ը հյուսիսային շրջաններում՝ երեկոյան ժամերին, :

Քամին՝ հարավային` 2-7 մ/վ արագությամբ:

Օդի ջերմաստիճանը 1-3-ը կնվազի 5-7 աստիճանով, 4-ին կբարձարանա 2-3 աստիճանով:

Երևանում սեպտեմբերի 1-3-ը՝ երեկոյան ժամերին, հնարավոր է կարճատև անձրև և ամպրապ, 4-5-ը սպասվում է առանց տեղումների եղանակ:

Քչերը գիտեն, որ կա մի հրաշք դեղամիջոց, որը շատ արագ բուժում է բազմաթիվ հիվանդություններ, ինչի համար էլ նրան արհամարհում է պաշտոնական բժշկությունը, գրում է Lifter.com-ը: Դեղամիջոցը կոչվում է «ԱՍԴ» (“АСД”) և շատ մատչելի է:

Աղբյուրը գրում է, որ վերջերս ԽՍՀՄ Ներքին գործերի ժողովրդական կոմիսարիատի արխիվներից մեկում հայտնաբերվել է հաշվետվություն, որը գրել է Բերիան Իոսիֆ Ստալինին: Փաստաթղթում ասվում է.
«Հաշվի առնելով, որ պրոֆեսոր Ա. Վ. Դորոգովի կողմից ստեղծված դեղամիջոցի պաշտոնական կիրառությունը կհանգեցնի՝
ա. շատ հիվանդությունների բուժման ժամկետների կրճատման, ինչն էլ իր հերթին պատճառ կդառնա բուժանձնակազմերի կրճատման և բազում այլ դեղամիջոցների արտադրության կրճատման,
բ. կերկարաձգի ԽՍՀՄ ոչ աշխատունակ բնակչության կյանքի միջին տևողությունը 15-20 տարով, ինչը կհանգեցնի Թոշակային և Բնակարանային ֆոնդերի չպատճառաբանված ծանրաբեռնվածության,
առաջարկում եմ ԱՍԴ Ֆ-1, ԱՍԴ Ֆ -2 և ԱՍԴ Ֆ -3 դեղամիջոցները ներառել անասնաբուժական դեղերի շարքում»:
Փաստաթղթի վերջում Ստալինի պատասխանն է՝«Հաստատում եմ»:
Իսկ ինչ դեղամիջոց է ԱՍԴ-ն:
Ըստ էության այն կիրառվել է դեռ միջնադարում, սակայն ալքիմիկոսների նկատմամբ եկեղեցու բռնաճնշումների պատճառով դրա մասին մոռացել են գրեթե բոլորը, բացի մի քանի գիտնականներից: Դեղամիջոցի մասին տեղդյակ է եղել նաև պրոֆեսոր Ալեքսեյ Վլասովիչ Դորոգովը: Նա նախ պարզել է, որ 13-15 դարերում Ռուսիայում եղել է ինչ-որ գերթանկարժեք և միայն ազնվականությանը հասանելի «կյանքի բալասան»: Այն ստացել են գորտերի հյուսվածքներից: Դրա համար կիրառել են ջերմային սուբլիմացիա (պինդ նյութերի գոլորշիացում առանց հեղուկանալու), ապա գոլորշու հեղուկացում: Ստացված թուրմին հավելել են ինչ-որ խոտաբույսեր՝ ավելի շատ համային, քան օգտակարության նպատակով: Դորոգովն, ի հեճուկս ԽՍՀՄ դեղագործական խորհրդի, որը դեղամիջոցի մասին զրույցները համարում էր զառանցանք կամ լեգենդ, սկսել է դրա հայտնագործման աշխատանքները: Նա աշխատել է գերգաղտնիության պայմաններում, թե ինչով է նա զբաղվում, իմացել են միայն Ստալինն ու Բերիան: Մեծ, բայց այդպես էլ հռչակ չվայելած գիտնականն սկսել է որպես հումք կիրառել գորտերին: Ստացված դեղամիջոցը ունեցել է և՛ հակաբորբոքային, և խթանող, և վերքերն ու խոցերը բուժող հատկություն: Այստեղից էլ ԱՍԴ-ի ռուսերեն հապավման բացատրությունը՝ «антисептик-стимулятор Дорогова»:
Փորձարկումների ժամանակ այն ֆենոմենալ արդյունքներ է ցույց տվել: 1953-ին Դորոգովը, սրտնեղելով, որ իրեն թույլ չեն տալիս հայտարարել իր հայտնագործության մասին, նամակ է գրել ԽՍՀՄ առողջապահության ժողկոմ Անդրեյ Տրատյակովին՝ առաջարկելով հուսվածքային թերապիայի բազմաթիվ վիրաբույժների վերապատրաստել Մոսկվայի հատուկ կլինիկայում, որտեղից նրանք իրենց փորձը կտանեին ԽՍՀՄ-ի բոլոր անկյուններ: Տրետյակովը մերժել է, բժշկի նկատմամբ անմիջապես սկսվել են քրեական հետապնդումները: Նրան մեղադրել են բժշկական ապօրինի գործունեության համար, իսկ 4 տարի անց՝ 1957-ին նա անբացատրելի պայմաններում մահացել է: Ըստ զրույցների՝ օրը ցերեկով մահացել է իր տան բակում՝ թունավորվելով շմոլ գազից:
1959 թվականի ապրիի 14-ին ԱՍԴ Ֆ-1-ի մասին ողջ տեղեկատվությունը գաղտնիացվել է:
Հետագայում, ԽՍՀՄ փլուզումից հետո այն սկսել են վաճառել դեղատներում: Այսինքն, այն գոյություն ունի, սակայն ծածուկ: Կա, բայց մարդկանց և անգամ բժիշկների մեծամասնությունը դրա մասին անգամ չգիտի: ԱՍԴ Ֆ-1-ը չեն դասավանդում համալսարաններում, իսկ ԱՍԴ Ֆ-2-ը և ԱՍԴ Ֆ-3-ը, որ օրիգինալի ածանցյալներն են, կիրառվում են միայն անասնաբուժական նպատակներով:

Հայտնի է, որ ԱՍԴ-ն օգտակար է այնպիսի հիվանդությունների դեպքում, ինչպիսիք են

* փսորիազ և նեյրոդերմիտ
* տուբերկուլյոզ և բրոնխիալ ասթմա
* մաստոպատիա և ֆիբրոմիոմա
* քաղցկեղ
* պրոստատիտ
* անպտղություն
*էկզեմա
Միակ թերությունն այս դեղանյութի շատ տհաճ հոտն է, որից հետագա հետազոտողներն այդպես էլ չեն կարողանում ձերբազատվել:
Աղբյուրը նաև նշում է դեղամիջոցի կիրառման ձևերը մի շարք հիվանդությունների դեպքում:
Գինեկոլոգիական հիվանդություններ. դեղամիջոցի 1 %-անոց ջրային լուծույթով օրական մեկ անգամ ներքին լվացում անել հոգնայի միջոցով այնքան ժամանակ, մինչև լիակատար բուժվելը:
Հիպերտոնիա. պետք է խմել՝ սկսելով 5 կաթիլից օրը 2 անգամ: Ամեն օր ավելացնել մեկական կաթիլ այնքան ժամանակ, մինչև 2 շաբաթում կաթիլների քանակությունը չհասնի 20-ի մեկ ընդունման ժամանակ: Շարունակել խմել այնքան, մինչև ճնշումը զգալիորեն չկարգավորվի:
Աչքերի բորբոքային հիվանդություններ. 3-5 կաթիլ ավելացնել եռացրած և հովացրած ջրին և խմել 5 օր: Դադար տալ 3 օր և կրկնել՝ դարձյալ խմելով 5 օր:
Ճաղատեցման կանխարգելում և մազարմատների ամրացում. ԱՍԴ Ֆ-2-ի 5 %-անոց լուծույթը քսել գլխամաշկին:
Լյարդի, սրտի, նյարդային համակարգերի հիվանդություններ. պետք է խմել 5 օր՝ օրական 10 կաթիլ՝ խառնած կես բաժակ ջրի մեջ: Այնուհետև ընդմիջել 3 օրով, ապա դարձյալ խմել 5 օր՝ արդեն օրական 20 կաթիլ, ապա նորից ընդմիջել 3 օրով: Կուրսը պետք է ավարտել 5-օրյա խմելով, որի ժամանակ պետք է խմել օրական 25 կաթիլ:
Երիկամների և լեղապարկի հիվանդություններ. ընդունել ստանդարտ սխեմայով:
Ատամնացավ. թաթախել ԱՍԴ Ֆ-2-ի մեջ բամբակը և դնել բորբոքված տեղին:
Իմպոտենցիա. 5 օր շարունակ ուտելուց առաջ խմել 3-5 կաթիլ՝ խառնելով մեկ բաժակ ջրի հետ:
Գաստրիտ. ստանդարտ դեղաչափով ընդունել օրական 1 անգամ և ոչ ավելի:
Հոդատապ, լիմֆատիկ հանգույցների բորբոքում, ռևմատիզմ. դեղաչափն ու ընդունման սխեման նույնն են, սակայն պետք է արդյունքը ուժեղացնել կոմպրեսներով: Դրանք պետք է դնել հենց ցավող հատվածների վրա: Կոմպրեսների համար 5 կաթիլ դեղամիջոցը խառնել 100 մլ ջրին:
Ռադիկուլիտ. մեկ բաժակ ջրին ավելացնել 1 թեյի բաժակ ԱՍԴ Ֆ-2, խմել օրական 2 անգամ՝ մինչև բուժվելը:
Տուբերկուլյոզ. լուծույթը խմել առավոտյան, օրական մեկ անգամ, անոթի, ուտելուց կես ժամ առաջ: Սկսել 5 կաթիլից՝ դրանք խառնելով եռացրած ջրով կիսով չափ լի բաժակում: 3 օր դադարից հետո ամեն նոր ցիկլի հետ ավելացնել կաթիլների քանակը նախ մինչև 10-ի, ապա՝ 15-ի: Բուժման ամբողջ կուրսը կտևի մոտ 3 ամիս:

mamul.am