09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...18.05.2024 | 15:10
Բացի Սրբազանից վարչապետի այլ թեկնածուի քննարկումը բերելու է ակնհայտ քաղաքական խի...Սեպտեմբերի 27-ին և 28-ին Աղվերանում ՏՏ ոլորտը լուսաբանող լրագրողների համար Դասընթաց էր կազմակերպել «Լրագրողներ հանուն ապագայի» ՀԿ-ն՝ ԵԱՀԿ երևանյան գրասենյակի աջակցությամբ, «Տեղեկատվության անվտանգությունն ու իրավունքը» թեմայով:
«Լրագրողներ հանուն ապագայի» ՀԿ-ի նախագահ Սուրեն Դեհերյանը նշեց, որ այսօր, ցավոք, նվազել է ՏՏ ոլորտը լուսաբանող լրագրողների թիվը, սակայն հույս հայտնեց, որ ապագայում՝ այդ ոլորտի վերաբերյալ ավելի մեծ հետաքրքրություն կլինի, իսկ իրենց նպատակն է ոլորտի լավագույն մասնագետների օգնությամբ լրագրողներին տրամադրել համացանցում անվտանգությանը և իրավունքին վերաբերող հիմնարար գիտելիքներ և բարձրացնել նրանց ցանցային գրագիտության մակարդակը:
ԵԱՀԿ երևանյան գրասենյակի Ժողովրդավարացման ծրագրի ղեկավար Օլիվեր ՄակՔոյն իր հերթին ասաց, որ իրենք կարևորում են նման միջոցառումները և մեծ ոգևորությամբ են աջակցում:
«Ես հասկացել եմ, որ տեղեկատվությունը կարևոր առանցքային հարց է ժողովրդավարացման համար: Այս ոլորտը շատ փոխվել է, ու շարունակում է փոխվել, և ես նկատել եմ, որ շատ դժվար է հասնել այդ փոփոխություններին: Խոսքը վերաբերում է ոչ միայն տեխնիկական միջոցներին, այլև այն դեպքերին, երբ մենք ունենում ենք կամ շատ քիչ, կամ չափազանց շատ տեղեկատվություն: Հայաստանը փորձում է ստեղծել ժողովրդավարական պետություն, և շատ կարևոր է լրագրողի դերը, քանի որ նրանք են իրազեկում հասարակությանը»,-ասաց ՄակՔոյը:
Դասընթացը սկսեց մեդիա ոլորտի փորձագետ Արթուր Պապյանը, որը լրագրողների համար բացահայտեց փոխակերպվող մեդիայի մանրամասները, ինչպես նաև ծանոթացրեց համացանցում լրագրողների ազատ արտահայտվելու սահմաններին:
Նրա խոսքով, մեդիան անպայման պետք է փոխակերպվի, պետք է ադապտացվի, գովազդ վաճառի, ամեն պլատֆորմի համար կարողանա լինել ներկայանալի:
Արթուր Պապյանը հետաքրքիր դիտարկում արեց. «Ձեզ թվում է, թե երբ ֆեյսբուքը տարածում է լուրը, ապա ձեզ դրանով մեծ օգուտ է տալիս, սակայն մյուս կողմից, իրենք այդ կերպ ավելի մեծ թվով գումարներ են վաստակում՝ աուդիտորիան մեծացնելով ու գովազդներ ձեռք բերելով»:
Կիբերտարածության իրավական կարգավորման, խոսքի ազատության իրավական սահմանման, համացանցում անձնական և ընտանեկան կյանքի իրավունքի մասին խոսեց իրավաբան Արա Ղազարյանը:
Նա փոխանցեց, որ կիբերհանցագործությունը բաժանվում է 4 խմբի.
1.Համակարգչային տվյալների մեջ առանց թույլտվության մուտք գործելը.
2. Երկրորդ խմբում են համակարգչային միջոցների օգտագործմանն առնչվող հանցագործությունները, որոնց թվին են դասվում համակարգչային տեխնոլոգիաների օգտագործմամբ կատարված կեղծիքն ու խարդախությունը:
3. Երրորդ խմբում են մանկական պոռնոգրաֆիայի հրապարակումը.
4. Հեղինակային և հարակից իրավունքների խախտման հետ կապված հանցագործությունները:
Արա Ղազարյանն ընդգծեց, որ ազատ խոսքի բոլոր սկզբունքները, որ մինչև այժմ սահմանվել են ՄԻԱԿ-ի կողմից հավասարապես կիրառելի են համացանցի նկատմամբ, սակայն կոնվեցիայի «ներկա պայմանների» լույսի ներքո, մեկնաբանելիս անհրաժեշտ է հաշվի առնել համացանցի առանձնահատկությունները՝ որպես տեղեկություններ տարածելու ժամանակակից միջոց:
Ինտերնետի մատչելիությունը մարդու իրավունքն է, հետևաբար համացանցում տեղադրված ինֆորմացիայի ազդեցությունը բազմապատկվում է, և բոլորը, այդ թվում անչափահասները, կարողանում են մուտք գործել համացանց:
ՏՏ ոլորտի մասնագետներ Միքայել Ղազարյանը և Սամվել Մարտիրոսյանը խոսեցին ցանցային անվտանգության ապահովման գործընթացի մասին, այդ թվում՝ ներկայացրեցին, թե ինչպես պետք է համակարգիչը պաշտպանել վիրուսներից, և ինչպես պահպանել WiFi-ի անվտանգության կանոնները:
Սամվել Մարտիրոսյանը նշեց, որ համակարգիչը վիրուսներից 100 տոկոսով պաշտպանել հնարավոր չէ, սակայն ևս մեկ անգամ կոչ արեց անծանոթ լինկերը չսեղմել: Ըստ նրա, վիրուսների տարածման հիմնական պատճառն այն է, որ որոշ ֆիրմաներ որոշ պետությունների համար են ստեղծում այդ վիրուսները, իսկ մարդիկ, հաճախ չգիտակցելով, սեղմում են:
Փորձագետները խորհուրդ տվեցին հասարակական վայրերում հնարավորինս քիչ օգտվել WiFi ծառայությունից, քանի որ այդ կերպ վտանգը, որը կարող է ներթափացեն ձեր տվյալների մեջ, ավելի մեծ է:
«Հայկական Վարկած»-ը հարց ուղղեց Սամվել Մարտիրոսյանին, թե արդյո՞ք Հայաստանում կան կայքեր, որոնք գրանցում են հայկական կայքերի այցելությունները և վարկանշում դրանք:
Նա տեղեկացրեց, որ Հայաստանում նման կայք այլևս չկա.
«Circle.am-ն էր, որն այլևս չկա, ասում էին, թե գումարի վրա է հիմնված, բայց ես ճանաչելով համակարգի հիմնադրին, կարծում եմ, որ նա նման բանի ընդունակ չէր: Իսկ համաշխարհային մասշտաբով կան, որոնք զբաղվում եմ աշխարհի բոլոր կայքերի վիճակագրությամբ, դրանք են՝ alexa.com, similarweb.com»,-տեղեկացրեց Սամվել Մարտիրոսյանը:
Մասնակիցները Skype-ով կապ հաստատեցին նաև մոսկվայաբնակ իրավաբան, իրավապաշտպան Սարգիս Դարբինյանի հետ, որը խոսեց Ռուսաստանում օգտատերերի իրավունքների և վերջին շրջանում համացանցում կիրառվող սահմանափակումների մասին:
Դասընթացի վերջում լրագրողները մասնագետների օգնությամբ գործնական աշխատանք կատարեցին, դիտեցին ֆիլմեր, որոնք վերաբերում են ցանցային անվտանգությանը:
Աննա Սարգսյան
Շարունակություն. առաջին մասն՝ այստեղ
—Պարոն Շիրինյան, դատելով վերջին ամիսներին ղարաբաղա—ադրբեջանական հակամարտ զորքերի շփման գծում ստեղծված լարված իրավիճակից, կարո՞ղ ենք եզրակացնել, որ Ադրբեջանը ցանկանում է խնդիրը լուծել ռազմական ճանապարհով:
-Գիտեք արդեն երկար ժամանակ է՝ ինչ ես համոզվել եմ, որ Արցախի հարցը խաղաղ լուծում չունի: Հայկական կողմը պետք է պատրաստվի տոտալ պատերազմի, եթե դրան պատրաստ լինի՝ հարցը կլուծվի մեր օգտին:
— Ըստ Ձեզ՝ մեր բանակը և հասարակությունը պատրա՞ստ են պատերազմին:
-Բանակը ցույց տվեց, որ երիտասարդության հասցեին եղած տհաս խոսակցությունները ճիշտ չեն: Մեր բանակը գործեց փայլուն, աշխատեց պրոֆեսիոնալ մակարդակով և բարձր որակով: Մենք պետք է հասկանանք, որ թուրքը խաղաղ ճանապարհով ոչինչ չի տալու, նույնիսկ տեսեք՝ մենք գրավել ենք Արցախը, բայց թուրքը այդպես էլ չի ուզում զիջել: Մենք պետք է լավ գիտակցենք, որ մեր առջև թուրք է կանգնած՝ իր բոլոր «բարեմասնություններով»:
—Ղարաբաղյան հարցում Ձեզ համար ո՞րն է փոխզիջման սահմանը:
-Փոխզիջումը այն կլինի, որ Նախիջևան չենք մտնի և Ադրբեջանի տարածքով ավելի չենք խորանա. դա արդեն մեծ փոխզիջում կլինի:
— Նյու Յորքում ՄԱԿ—ի Գլխավոր ասամբլեայի 69-րդ նստաշրջանի աշխատանքներին մասնակցող Հայաստանի արտգործնախարար Էդվարդ Նալբանդյանը հանդիպեց ԵԱՀԿ Մինսկի խմբի համանախագահների հետ, ապա հանդիպումը շարունակվեց Ադրբեջանի արտգործնախարար Էլմար Մամեդյարովի մասնակցությամբ: Ի՞նչ եք կարծում՝ արդյո՞ք կողմերի հանդիպումների այս շարքը կարող է ազդել Ղարաբաղի հարցի լուծման վրա, թե՞ սրանք զուտ ֆորմալ բնույթ են կրում։
-Դա պարզապես թույլ է տալիս կոնֆլիկտը պահել վերահսկողության տակ՝ ոչ ավելին:
— Ինչպե՞ս եք վերաբերում այն փաստին ,որ մեր ռազմավարական գործընկեր Ռուսաստանը զենք է վաճառում Ադրբեջանին:
-Ռուսներից պետք չէ շատ բան պահանջել, Ռուսատանը մեր «պապան» չէ: Ռուսական հարցով ես առաջարկում եմ պոռոտախոսությունը դադարեցնել և լուրջ մտածել. նա այժմ կատաղած Ուկրաինան է ոչնչացնում, այսինքն՝ չի խնայում նաև հարազատ ազգին, բա մենք ի՞նչ ենք ուզում. կա չկա դա է: Ռուսական արջի ոտքի թաթերի հետ խաղալ չի կարելի, շատ վտանգավոր է՝ կճզմի, բացի այդ մենք զենքի պակաս չունենք: Պետք չէ շատ խոսել այդ մասին,պետք է լուռումունջ մեր գործը անել: Այն գիտակցությունը, որ Ռուսաստանը մեր խնամակալն է պետք է կողքի դնել: Ես առաջարկում եմ պոռոտախոսությունը ընդհանրապես քաղաքական բառապաշարից դուրս հանել. դա շատ վտանգավոր է: Եկեք պարզապես լինենք հայամետ, գործենք հայաստանակենտրոն և կգտնենք այն բանալին, որով Հայաստանը կարող է անվտանգ բարգավաճել:
Սեդա Ավետիսյան
Օրեր առաջ՝ սեպտեմբերի 25-ին, ՀՀ Ազգային անվտանգության ծառայությունը կաշառք ստանալու պահին ձերբակալվել է Խ. Աբովյանի անվան հայկական պետական մանկավարժական համալսարանի հեռակա ուսուցման ընդունելության պատասխանատու քարտուղար Մկրտիչ Սարգսի Ղուկասյանին:
Մկրտիչ Ղուկասյանը Երևան քաղաքի բնակչուհի Ց. Հովհաննիսյանին նույն համալսարանում հեռակա ուսուցմամբ ընդունվելու հարցը դրական լուծելու դիմաց՝ վերջինիցս պահանջել և ստացել է 1.700 ԱՄՆ դոլար կաշառք:
Մկրտիչ Ղուկասյանը նաև Մանկավարժական համալսարանի ռեկտորի օգնականն է: Արդյո՞ք նա միայն իր նախաձեռնությամբ է վերցրել կաշառքը, թե՞ դրանից վերևները փայ ունեն, հարկ է, որ պարզի նախաքննությունը:
Նա մոտ 70 տարեկան է, մարդ, որն ապահովված է, այդ տարիքում ունի պաշտոն (վերջինիս որդին մեր ունեցած տեղեկությամբ ՝ Քանաքեռ Զեյթուն համայնքի հարկային բաժնի պետն է) դժվար թե գնա նման ռիսկային քայլի միայն իր նախաձեռնությամբ:
Վերջին շրջանի ներքաղաքական զարգացումների հետ կապված՝ «Հայկական վարկած»-ը զրուցեց քաղաքական գիտությունների դոկտոր, փիլիսոփայական գիտությունների թեկնածու Լևոն Շիրինյանի հետ.
— Պարոն Շիրինյան, ինչպե՞ս կգնահատեք նախագահ Սերժ Սարգսյանի ելույթը ՄԱԿ-ի գլխավոր ասամբլեայի 69-րդ նստաշրջանում:
-Ելույթը նախ հավասարակշիռ էր, հետո էլ պարտվողական չէր, որովհետև Լևոն Տեր- Պետրոսյանի շրջանից սկսած մարդիկ այդ պարտվողականությանը սովորել էին: Շատ դրական բովանդակությամբ լցված ելույթ էր: Հատկապես առանձնանում էր Թուրքիայի մասը. փաստորեն, երբ հայտարարեց, որ Հայաստանը արձանագրությունները հետ կկանչի, ուզեց ասել, որ Հայոց Ցեղասպանության թեման շահարկման նյութ չէ: Այդ ամբիոնից շնորհակալություն հայտնելով Ռուսաստանին, Ֆրանսիային, Ամերիկային, Անգլիային և մյուս երկրներին, որոնք եղել են հայկական հարցի երաշխավորը և խոստացել են պատժել Թուրքիային հայոց ցեղասպանության համար՝ նախագահը նաև նրանց բարեկամաբար հուշեց, որ իրենք հայ ժողովրդի հանդեպ իրենց խոստումները չեն կատարել: Նախագահը Ցեղասպանության 100 ամյակի նախօրյակին հայոց պահանջատիրությունը աշխարհին ներկայացրեց և ընդգծեց, որ եվրոպական պետությունները պետք է կատարեն իրենց խոստումները: Իհարկե, ամեն մեկն իր ձևով կարող է ընկալել նախագահի ելույթը, բայց, ըստ իս,՝ դրական ելույթ էր:
_ Ի՞նչպես կմեկնաբանեք Սուրիկ Խաչատրյանի՝ Սյունիքի մարզպետի պաշտոնում վերանշանակվելու մասին լուրը:
-Դա մեր օրերի խայտառակությունն է, էլ մեկնաբանելու ուրիշ ոչինչ չունեմ, բայց կավելացնեմ մի բան. այնուհանդերձ, Հայաստանի իշխանությունը չկարողացավ կամ չուզեց գնահատել իշխանության վեհությունը: Իշխանությունը վեհություն, առաքինություն պետք է ունենա, որը տեսանելի չէ, բայց որի խաթարումը շատ վտանգավոր է: Իշխանությունը պետք է վեհ լինի, իսկ ինչպե՞ս կարող է մեր իշխանությունը այդպիսի մարդկանցով վեհ լինել: Պարզ է, որ այդ նշանակումը մարզի բնակչության կամքին հակառակ է եղել, իսկ ինչ վերաբերում է այդ սոցոլոգիական հարցումներին, ապա բնական է, որ դա սուտ ու կեղծված են եղել:
—Ի՞նչ է կատարվում Հայաստանի ներքաղաքական դաշտում: Ի՞նչ եք կարծում՝ քառյակը կարելի է արդեն պառակտված համարել:
-Քառյակ չկա, կա եռյակ, եռյակն էլ առայժմ իր մտադրություններից չի հրաժարվում: Եռյակի կոնսեսուսային պահանջների ցանկը այդ տասներկու կետն է: Ճիշտ է՝ այդ ցանկի մեջ իշխանափոխության խնդիր չկա և թվում է՝ լուրջ հարցեր չեն բարձրացվում, բայց շատ կարևոր մի բան կա. դրանցում կյանքի բարելավման խոստում կա, որը, եթե իրականացվի, ապա մեր ժողովուրդը կենցաղային իմաստով կունենա մեծ օգուտ, իսկ դա նշանակում է, որ, եթե ժողովուրդը իսկապես հավատա այդ ծրագրերի իրականացմանը, ապա անպատճառ կաջակցի եռյակին: Իսկ, եթե ծրագրերը չիրականացնեն, ապա եռյակը պատասխանատու է դառնալու նոր արտագաղթի ալիքի համար, որովհետև հիմա հայ ժողովրդի պատասխանը իշխանությունների վարած քաղաքականությանը դարձել է ոչ թե պայքարն, այլ արտագաղթը և եթե եռյակը ինչ — ինչ պատրվակներով և մեկնաբանություններով չկատարի իր խոստումը, ուրեմն, վստահաբար կարող եմ ասել, որ արտագաղթի նոր ալիք կսկսվի:
— Ըստ Ձեզ՝ ՀՅԴ — ի դիրքորոշումը գործող սահմանադրական կարգի` կառավարման համակարգի փոփոխությունների անհրաժեշտության վերաբերյալ ճի՞շտ է:
-Ոչ՛, ճիշտ չէ: Ես կողմ եմ նախագահական համակարգը կատարելագործելուն: Սահմանադրական փոփոխության փաստը նախագահականից խորհրդարանականի ֆետիշի են վերածել: Դոգմա են դարձրել, իբրև թե Հայաստանի դժբախտությունը սահմանադրության գրված տեքստի մեջ է, ինչը իրականում կապ էլ չունի այդ հարցի հետ: Վստահաբար կարող եմ ասել, որ այդ փոփոխությունը ոչ մի դրական արդյունք չի տալու և ոչինչ չի փոխելու: Պատրանք է ստեղծվել, թե իբր պառլամենտական կարգեր հաստատելու դեպքում ամեն ինչ կկարգավորվի: Այժմ՝ կուսակցությունների չգոյության պայմաններում, երբ մեր կուսակցությունները շահերի խմբերի են վերածվել, պետությունը խորհրդարանական դարձնել նշանակում է Հայաստանը բաժանել բդեշխությունների և ամեն մի պատգամավորի մի բդեշխ դարձնել. ըստ էության, հիմա էլ է այդպես, բայց նախագահի ինստիտուտը գոնե որոշ չափով հավասարակշռում և զսպում է այն: Այդ փոփոխությունը Հայաստանի պետականության հիմքերը կքայքայի և հեռանկարի մեջ Հայաստանը պառլամենտական մշտական ճգնաժամ կունենա:
—Ի՞նչ եք կարծում՝ ինչ է հարկավոր, որ Հայաստանի թե՛ քաղաքական և թե՛ հասարակական կյանքում նոր որակներ առաջանան։
— Մոդեռնիզացիայի ծրագիր և նոր քաղաքական էլիտա երկու հատկանիշներով՝ կրթված և հայրենասեր, դրանցից ոչ մեկը ավելորդ կատեգորեա չէ և եթե դրանք չլինեն՝ ոչինչ չի ստացվի:
Սեդա Ավետիսյան
ՄԱԿ-ի գլխավոր համագումարում նախագահ Սարգսյանի խոսքը իրավամբ բոլոր պատճառներն ունի առանձնանալու այդ ամբիոնից հնչած նախորդ ելույթներից: Յուրայատկությունը ունի թե՜ բովանդակային, թե՜ կառուցվածքային, թե՜ շեշտադրումային եւ թե՜ ոճաբանական հիմնավորումներ: Այստեղ առիթը օգտագործվել է առավելագույն ձեւով ամուր, կարծր դիրքերից ուղերձներ փոխանցելու:
Խոսքը, իր յուրաքանչյուր պարբերությամբ եւ յուրաքանչյուր բառով` իր ամբողջության մեջ երկարապատում մեկնաբանությունների կարիք չունի: Պետք է կենտրոնանալ ա՜յս ժամանակահատվածում, նախագահի կողմից կատարած ընտրանքին` նման բովանդակությամբ ու շեշտադրումներով միջազգային բարձրագույն ամբիոնից աշխարհին ներկայանալու համար:
Իհարկե, նախ նկատելի է, որ ներազգային առումով կատարված հայտարարությունների ամբողջությունը ունի հավաքող եւ համախմբող հանգամանք: Շատ քիչ ժամանակ էր բաժանում ՄԱԿ-ի ելույթը Սփյուռքի ներկայացուցիչների երեւանյան համագումարի փակման խոսքից: Եւ եթե ընդունենք, որ երկրորդը ներքին լսարանի հասցեագրված խոսք էր, ապա առաջինի եւ երկրորդի միջեւ ոչ միայն մտքերի, այլ նաեւ հռետորաբանության որոշակի ներդաշնակություն գոյություն ունի: Հետեւողականությունը, ներքին-արտաքին լսարանների ուղերձային տրամաբանության, պահպանվել է: Ավելին, նույնիսկ ժողովրդային ասացվածքը օգտագործվել է արտաքին աշխարհին պատգամ փոխանցելու համար: Փաստորեն, ջնջված են ներքինի եւ արտաքինի միջեւ տարբեր առիթներով երեւացող ե՜ւ բովանդակային ե՜ւ ոճային տարբերությունները:
Պարզ է, որ նման երեւույթը՝ հայկական աշխարհը այս հարցերի շուրջ համախմբելու եւ արտաքին ոտնձգությունները կանխարգելելու պետական ռազմավարության մաս է կազմում: Մանավանդ, շրջում է «կիսացավակցական» եւ «հրամեցեքի» շղարշներով հակառակորդի որդեգրած մարտավարական գործողությունների կանոնները: Թուրքական խաղասիրական խաբկանքը Նյու Յորքում բախվում է հայկական կարծր դիրքորոշմանը:
Նախագահ Սարգսյանը թե՜ Երեւանում եւ թե Նյու Յորքում կատարում էր նույն հայտարարությունը, որի համաձայն Երեւանը լրջորեն քննարկում է արձանագրությունները խորհրդարանից հետ կանչելու հավանականությունը: Այս հայտարարության հիմնավորումը վերաբերում է Անկարայի կիրառած նախապայմանային քաղաքականությանը: Պայմանագրեր վաւերացնելու (կամ չվաւերացնելու) ընթացակարգը ունի հանգրվանային կանգառներ. նախագահի կողմից կնքված փաստաթղթի սահմանադրական դատարան հղում, սահմանադրականության (չ)հաստատում (թեկուզ վերապահումներով), հղում խորհրդարան, խորհրդարանի օրակարգի ներառում, քննարկում եւ վաւերացում։
Ուրեմն, արձանագրությունները խորհրդարանից հետ կանչելը չի նշանակում, որ Երեւանը իր ստորագրությունը հետս է կոչում արձանագրություններից, ինչը որ միայն այդ դեպքում կանվավերացնի արձանագրությունները: Այստեղ եւս պարզ է, որ միջազգային ընտանիքի առջև Երեւանը փորձում է ցույց տալ, որ ինքը չէ՜ արձանագրությունների մերժման նախաձեռնողը: Երեւանը չէ՜ նախապայման դնողը, Երեւանը չէ՜ շրջափակողը, Երեւանը չէ՜ արձանագրությունները մերժողը: Թեեւ նման հայտարարությունից հետո, թեկուզ ոչ իրավականորեն, այսուհանդերձ քաղաքականորեն խիստ տարակուսելի կմնա այդ արձանագրությունների գործնականացման հավանականությունը:
ՄԱԿ-ի միեւնույն համագումարում Անկարայի դիրքերը թվում է, որ նույն ուժգնությունը չունեն: Անկարան, իսլամական պետության դեմ հայտարարված դաշինքին միանալու–չմիանալու իր դիրքով որոշ մեկուսացման մեջ է հայտնվել: Աշխարհաքաղական նոր իրադրության ուրվագծման ծրագրի իրականցման մեջ Թուրքիայի դերի անորոշությունը անպատեհ առիթ չէր Ակարային ներկայացնելու նաեւ իբրեւ` կովկասյան տարածաշրջանի նկատմամբ միջազգային ծրագրեր խոչընդոտողի:
Այս իրականությանն առընթեր կար նաեւ Կահիրե-Անկարա գերլարված հարաբերությունների իրավիճակը: Նախագահ Սարգսյանը հավելյալ առիթ ուներ իր դիրքերը կարծրացնելու եւ համապատասխան ուղերձ եւ ոճ օգտագործելու Անկարայի նկատմամբ:
Արտաքին այս պայմանների դերակատարությունը ավելի համոզիչ է դառնում, երբ նկատի ունենանք նաեւ հետեւյալ փաստը. Թուրքիայի նորընտիր նախագահն իր առաջին ելույթն էր ունենում ՄԱԿ-ի ընդհանուր համագումարում: Էրդողանի խոսքի պահին ՄԱԿ-ի դահլիճի հազիվ կիսալեցուն պատկերը ցուցանիշ է Թուրքիայի կիրառած արտաքին քաղաքականության նկատմամբ միջազգային հանրության պահվածքին:
Ժամանակահատվածը, ամբիոնն ու առիթը օգտագործվել էին լիարժեք` Հայաստանի Հանրապետության առաջնորդի կողմից:
Շահան Գանտահարյան
«Ազդակ» թերթի գլխավոր խմբագիր
ՀՀ աշխատանքի և սոցիալական ապահովության նախարարության սոցիալական պետական ծառայության պետ Վազգեն Խաչիկյանի, նույն գործով անցնող Աշոտ Աբրահամյանի, Հովհաննես Գրիգորյանի և Սամվել Էլբակյանի մեղադրանքը խստացվեց:
Այսօր՝ Վազգեն Խաչիկյանի գործով դատավարության ընթացքում, մեղադրող կողմը դատաքննությունը վերսկելու միջնորդություն ներկայացրեց: Մինչ այդ, դատավոր Արշակ Վարդանյանը ժամանակ էր տվել մեղադրող կողմին մեղադրական ճառին պատրաստվելու համար, սակայն մեղադրողը ներկայացրեց մեղադրանքի խստացման միջնորդություն:
Կենտրոն և Նորք- Մարաշ շրջանների ընդհանուր իրավասության դատարանում հնչեցրած դատախազի մեղադրանքների խստացման միջնորդությունը վերաբերվում էր գործով անցնող բոլոր ամբաստանյալներին: Դատարանը բավարարեց միջնորդությունը:
Ըստ միջնորդության՝ Վազգեն Խաչիկյանի (մեղադրվում է իր պաշտոնեական դիրքը չարաշահելու և կեղծ դիմումներ պատրաստելով կամ առանց այդ դիմումների վճարային ցուցակներում կենսաթոշակառուների ստորագրությունները կեղծելու միջոցով անհիմն ելքագրել և յուրացման եղանակով հափշտակել է իրենց վստահությանը հանձնված, մահացած կամ ՀՀ տարածքից բացակայող կենսաթոշակառուների վճարումը կասեցված կենսաթոշակի առանձնապես խոշոր չափերի, ընդհանուր՝ 260.956.681 ՀՀ դրամ գումարները:
Բացի այդ՝ Վազգեն Խաչիկյանը խարդախությամբ հափշտակել է պետական բյուջե վերականգնման ենթակա, առանձնապես խոշոր չափերի` 29.000.000 ՀՀ դրամ գումարը) նախկին՝ ՀՀ քրեական օրեսնգրքի 691 և 119-րդ հոդվածների մեղադրանքը փոփոխել և մեղադրել ՀՀ քրեական օրեսնգրքի 179 հոդվածի առաջին մասի առաջին և երկրորդ կետով, 178-րդ հոդվածի երրորդ մասի՝ առաջին և երկրորդ կետով և 38.314 հոդվածով:
Մյուս երեք ամբաստանյալներին, որոնք կրկին մեղադրվում են պաշտոնական դիրքը չարաշահելու և գումարների հափշտակության մեջ նույնպես առաջադրվեց նույն հոդվածները:
Դատավոր Արշակ Վարդանյանը ընթերցեց սեպտեմբերի 4-ին ստացված «Ամերիա» բանկի գրությունը: Որում մասնավորապես ասվում էր, որ Վազգեն Խաչիկյանը, գրավ դնելով իր անշարժ գույքը, վարկ է վերցրել, իսկ երբ արգելանք է դրվել նրա գույքի վրա, բնակարանը նույնպես մնացել է արգելանքի տակ, որի հետևանքով բանկը նյութական վնաս է կրել: Դատարանը որոշեց հանել բնակարանի արգելանքը մասամբ, այսինքն՝ բանկին հասանելիք գումարի չափով:
Սկսած 2008 թվականից Վերահսկիչ պալատը վերահսկում է բյուջետային միջոցներով իրականացվող շինարարական աշխատանքների օրինականությունն ու արդյունավետությունը: Այսօր հրապարակվեց ԱԺ-ում Վերահսկիչ պալատի քաղաքաշինության ոլորտին վերաբերող հաշվետվությունը:
Վերահսկիչ պալատի կողմից արձանագրվել են չկատարված աշխատանքների դիմաց վճարումներ, անորակ աշխատանքներ, գների արհեստական թանկացումներ, նախագծային և շինարարական աշխատանքների տարաբնույթ խախտումներ, թերի և սահմանված կարգի խատումներով իրականացված տեխնիկական ու հեղինակային հսկողություն և այլն:
Թե ինչ է իրականում կատարվում, ՎՊ —ն կամ լավ չի պատկերացնում իրավիճակը, կամ վերահսկողության արդյունքներն ամբողջական չեն ներկայացվում, կամ նրանց իրական վերահսկողությունից դուրս է ամբողջ ոլորտը, և խոսքը վերաբերում է ոչ բոլոր շինկազմակերպություններին:
Ըստ հաշվետվության, խախտում թույլ տված բազմաթիվ սուբյեկտներ առ այսօր բավականին գումարներ են վերականգնել պետբյուջե, վերացվել են կատարված անորակ աշխատանքները:
Արձանագրվել է 4,982 հազ. դրամի անորակ աշխատանք, ծավալային հավելագրում չի հայտնաբերվել:
Ծավալային հավելագրումներ չեն հայտնաբերվել մարզպետարաններում և Հայաստանի սոցիալական ներդրումների հիմնադրամում ստուգված շինարարական աշխատանքներում: «Սակայն դա չի նշանակում, որ շինարարության ոլորտում խնդիրներ ու խախտումներ չկան», -ասաց Իշխան Զաքարյանն՝ իր կողմից հերթական խոնարհումը անելով իշխանություններին:
Բանն այն է, որ ՎՊ նախագահը հատուկ նշեց, որ սա դրական տեղաշարժ է, քանի որ շինարարության ոլորտն ուսումնասիրվում է 2006-ից, և միայն 2008-2013 թթ-ին հավելագրումներ չեն հայտնաբերվել մարզպետարաններում և Հայաստանի սոցիալական ներդրումների հիմնադրամում ստուգված շինարարական աշխատանքներում: Մինչդեռ, նախորդ տարիներին հավելագրումների ցուցանիշը բավականին բարձր է եղել:
Երևանում առևտրի և հանրային սննդի օբյեկտներում պիտանելիության ժամկետն անցած ապրանքների վաճառքի դեպքերը հայտնաբերելու և կանխարգելելու նպատակով Երևանի քաղաքապետարանի աշխատակազմի առևտրի և սպասարկումների վարչությունը, ՀՀ գյուղատնտեսության նախարարության սննդի անվտանգության պետական ծառայության հետ համատեղ, 2014 թվականի սեպտեմբերի 2-ից մինչև սեպտեմբերի 19-ը կազմակերպվել են շրջայցեր:
Հսկողության արդյունքում 554 օբյեկտներից 34-ում հայտնաբերվել են պիտանելիության ժամկետն անցած ապրանքների վաճառքի դեպքեր:
Երևանում, ցանկացած բնագավառում, գաղտնիք չէ, որ միշտ էլ վիճակն ավելի բարվոք է, քան մարզերում, այնտեղ ուղղակի խայտառակ պատկեր է: Իսկ նշված ծառայության ռեալ վերահսկողությունը, մեղմ ասած, խիստ կասկածելի է:
Պարզելու համար՝ ի՞նչ վիճակում է այսօր սննդամթերքի անվտանգության վերահսկման ընթացքը մարզերում, և սպառողը կարո՞ղ է վստահ լինել, որ ձեռք է բերում ոչ ժամկետանց և անվտանգ սնունդ, ՀՀ ԳՆ սննդամթերքի անվտանգության պետական ծառայության աշխատակազմի ղեկավարի տեղակալ Դավիթ Հուլյանը «Հայկական Վարկածի» հետ զրույցում պարզաբանեց. «Տարբերություն չկա, մարզերում ևս, ինչպես Երևանում, պարբերաբար կատարվում են ստուգումներ»:
Մեր այն դիտարկմանը, որ բոլոր դեպքերում, մարզային խանութներում այսօր վաճառվում է ժամկետանց սնունդ՝ հատկապես կաթնամթեք, Հուլյանը նշեց, որ, եթե խանութը վաճառում է ժամկետանց ապրանք, ապա մեղքը խանութի պատասխանատուինն է, բացի այդ, վերջինս նշեց, որ միայն տեսչական ստուգումերով չեն կարող հասնել նրան, որ մեր ձեռներեցները ձերբազատվեն ժամկետանց սնունդ հրամցնելուց:
Անհրաժեշտ է, որպեսզի սպառողները ևս ուշադրություն դարձնեն առաջարկվող ապրանքի պահպանման ժամկետներին ու որակին:
Հ.Գ. Ի դեպ, երեկ Չարենցավանի խանութներից մեկից գնված «Alpen gold» շոկոլադե սալիկը բացելիս ուղղակի փխլվեց, իսկ պարունակությունը նկարագրելն անիմաստ է:
Սեդա Ավետիսյան
Հարցազրույց ԵՊՀ-ի պրոֆեսոր, մանկավարժա-հոգեբանական ակադեմիայի անդամ, դատական փորձագետ-հոգեբան, արձակագիր, ՀՀ գրողների միության անդամ Էլդա Գրինի հետ, որը շուրջ 140 գիտական աշխատանքների հեղինակ է, այդ թվում նաև դասագրքերի ու ձեռնարկների, որոնք, մասնավորապես իրավաբանական հոգեբանության ոլորտում, հանրապետությունում առաջինն են:
—Դուք երկար ճանապարհ եք անցել որպես հոգեբան և համարվում եք այդ բնագավառի գիտակներից մեկը ու Ձեր կյանքի մեծ կենսափորձը թույլ կտա արդեն հստակ տալ մեր ազգի էթնիկ հոգեբանական բնութագիրը:
-Մեր ազգը փոքր ինչ հակասական է, քանի որ յուրաքանչյուրի մեջ այս կամ այն չափով կա ագրեսիա, բողոք, և մի քիչ էլ վատատեսություն, սակայն այդ ամենը դրսևորվում է նաև զարմանալի մարդասիրական և մասնավորապես՝ հյուրասիրության ֆոնի վրա, այսինքն մի կողմից մենք բռնկվող ենք, անհամբեր, մի քիչ էլ դժգոհ մեր բախտից, կյանքից, բայց մյուս կողմից հարկ եղած դեպքում մենք դիմացինին ձեռք կմեկնենք, կօգնենք, կհյուրասիրենք: Ես համարում եմ, որ այդ դժգոհությունը և վատատեսությունը հնուց է գալիս և երևի մեր ծանր ճակատագիրը ազդել է մեր բնավորության ձևավորման վրա: Դրան գումարած, ընդհանրապես, մենք մեր խառնվածքով ավելի շատ խոլերիկ ենք և մելանխոլիկ: Խոլերիկ ենք, որովհետև մենք գործունյա ենք, աշխատասեր և դա ապացուցվում է ամեն պահ և այսօր հայը ուր էլ գնա, կարող է իր շնորհքի ամենալավ կողմը ցույց տալ:
Մյուս կողմից հայի մեջ մի հոռետեսական, մի տխուր բան կա, իսկ դա էլ մեր պատմությունից է գալիս: Հեշտ բան չէ, երբ դու ոչ միայն կոտորվում ես, այլ նաև քիչ-քիչ կորցնում ես քո տարածքը, իշխանությունը, քո՝ ժամանակին եղած հզորությունը և դա անպայման իր կնիքը դնում է մարդու խառնվածքի վրա:
—Տղամարդկանց ու կանանց միջև եղած ինչպիսի՞ ակնհայտ դրսևորվող տարբերություններ կնշեք:
— Տղամարդկանց և կանանց խառնվածքային տարբերությունները դժվար է նշել, քանի որ թե՛ կանանց և թե՛ տղամարդկանց մոտ կարող են լինել տարբեր տիպեր: Բայց բնավորության գծերի դրսևորումը կախված է նաև իրավիճակից. օրինակ, երբ բնավորությամբ պայծառ մի աղջիկ ընտրում է մի ընտանիք, որտեղ այսպես ասած «սկեսուրը սղոցում է», նա քիչ- քիչ սկսում է դառնալ ջղային, դառնում է խոլերիկ և նաև մելանխոլիկ, տխրում է, որովհետև չի տեսնում հեռանկար, որովհետև կյանքը ընթանում է կռիվների, բամբասանքի կամ ավելորդ խոսակցության մեջ: Երևի թե նաև դա է պատճառը, որ այսօր հայ կանանց մոտ նկատվում է անվստահություն, անբավարարվածություն, հոգսաշատություն նաև մի քիչ չարություն: Ինչպես նշեցի՝ մթնոլորտն էլ է ազդում մարդու բնավորության դրսևորման վրա և հետո մենք կնոջից բոլորովին այլ պահանջներ և սպասումներ ունենք, իսկ եվրոպացին՝ բոլորովին այլ, հաճախ կնոջը շատ են ծանրաբեռնում և դա այնքան էլ դրական չի ազդում նրա հոգեվիճակի վրա: Բացի այդ, հաճախ ծնողների մոտ եղած պայմաններն ու ամուսնությունից հետո եղած պայմանները կտրուկ տարբերվում են և ադապտացիան դժվար է ընթանում ու անկախ իրենից կարող է չարություն առաջանալ: Տղամարդիկ ևս փոխվել են ու եթե նախկինում նրանց չամուսնացած հատվածը ցանկանում էր 18 տարեկան կին գտնել, դիպլոմն էլ՝ օժիտ վերցնել, ապա այսօր տղամարդը գերադասում է կայացած, աշխատող աղջկա, որը կօգնի իրեն.
— Սա ինչ է՝ հոգեբանական խնդիր թե՞ միայն սոցիալական.
— Պատճառը նախևառաջ սոցիալական է: Ուզում են կայացած աղջկա հետ ամուսնանալ, քանի որ իրենք չեն կարողանում նյութապես ապահովել ընտանիքը, այսինքն առաջին հերթին նյութական պատճառն է: Բացի այդ, եթե աղջիկը արդեն կայացած է և կարող է աշխատել և ունենալ թեկուզև չնչին, բայց ստույգ աշխատավարձ,ապա դա արդեն լավ է ընտանիքի համար: Իսկ ընդհանրապես, այժմ տղամարդը նախընտրում է ամուսնանալ հասուն կնոջ հետ, որը ճիշտ կկողմնորոշվի, որի հետ կարելի է մտքերով, հեռանկարով և պլաններով կիսվել և նաև դա է պատճառը, որ այսօր ամուսնության շեմը բարձրացել է:
-Այսօր հոգևորը գրեթե դեր չունի մեր կյանքում, բայց մտավոր արժեքները ավելի շատ կանայք, թե՞ տղամարդիկ են գնահատում:
-Դժվար է ասել, որովհետև ստույգ պատասխանելու համար հարկավոր է հատուկ հետազոտություններ անցկացնել թե՛ հոգեբանության, և թե՛ հատկապես սոցիոլոգիայի գծով:Բայց ընդհանուր պատկերը, ցավոք, այնպիսին է, որ կրթված, բարձրագույն կրթություն ունեցող աղջիկը հաճախ չի նայում տղայի կրթություն ունենալուն, նա ուղղակի ուզում է ամուսնանալ, որպեսզի իր կողքին ունենա ընկեր, երեխաներ, ընտանիք, բացի այդ, երիտասարդ տարիներին միշտ ապագան ավելի վարդագույն է երևում և նա հավատում է, որ ամեն ինչ կլինի լավ և կկարողանա տղային բարձրացնել իր մակարդակին:Անգամ, եթե տղան ունենում է աչքի ընկնող բացասական գծեր, աղջիկը մտածում է, որ ինքը կվերադաստիարակի նրան՝ մոռանալով, որ կնոջը երբեք չի հաջողվում վերադաստիարակել ամուսնուն:
Սեդա Ավետիսյան
ԵՊՀ-ի «Վարդանանք» ռազմահայրենասիրական դաստիարակության ակումբը բանակ-հասարակություն կապն ամրապնդելու նպատակով հաճախ է հանդիպումներ ունենում տարբեր զորամասերի զինծառայողների հետ: Այս անգամ ակումբի անդամները Բյուրականում հանդիպեցին Արտաշատի կապի զորամասի զինվորներին: Երիտասարդները այցելեցին Ամբերդ պատմամշակութային արգելոց:
Հանդիպմանը ԱՀԾԱ անձնակազմի հետ տարվող աշխատանքների գծով հրամանատարի տեղակալ, մայոր Ռ. Համբարձումյան իր խոսքում նշեց, որ հայրենիքի, բանակի հանդեպ սերը պետք է սերմանել դպրոցից. «Հայրենիք սիրելը միայն սեպտեմբերի 21-ից 21 հավաքվելն ու դրոշ ծածանելը չէ: Այսօր երիտասարդները պատմություն չգիտեն, զրոյական վիճակ է, ինչպե՞ս պետք է սիրով գան ծառայելու. Եթե զինվորն ասի, որ հայրենիքի պաշտպանն է ու չիմանա, թե ինչ է պաշտպանում, պատերազմի դեպքում կփախչի, որովհետև չգիտի՝ ինչ է պաշտպանում»:
Զինծառայող Սևադա Համբարձումյանի խոսքով՝ միայն զինվորը չէ, որ պահպանում է հայրենիքը, առաջին հերթին պահպանում է զինվորի թիկունքում գտնվող քաղաքացին. «Մի վախեցեք, որ Ադրբեջանը կարող է շատ զենք ունենալ, քանի որ կռվում է ոչ թե զենքը, այլ զինվորը, քաղաքացին…»:
Հռիփսիմե Գալստյան
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.