Սա մարող շարժում է և այսպիսի շարժումներ վերջին տարիներին շատ ենք տեսել:

Այս մասին լրագրողների հետ զրույցում ասաց փոխքաղաքապետ Արմեն Փամբուխչյանը՝ խոսելով «Տավուշը հանուն Հայրենիքի» շարժման մասին:

«Անբովանդակությունը հրաժարականի պահանջի բովանդակության մեջ է: Արդեն նշեցի, որ վերջին տարիներին շատ ենք տեսել նման հավաքներ, որոնք գնացել են մարման: Շարժման մասնակիցները, երբ Տավուշից հասան Երևան, փոխվեց շարժման բովանդակությունը և վերածվեց հրաժարականի պահանջի: Հանրության արձագանքը եղավ այն, որ առաջին հանրահավաքից հետո սկսեցին չգնալ հանրահավաքներին»,- ասաց փոխքաղաքապետը:

Մինչ այդ Փամբուխչյանը շարժման մասին խոսել է նաև ավագանու նիստի ամբիոնից.

«Հասկանում եմ, որ ընդդիմադիր քաղաքական գործիչ Վազգեն Գալստանյանի անհաջողությունների ֆոնին, քանի որ կար նաև այլ հարթակ Հանրապետության հրապարակում, մեր ընդդիմությունը չի կարողանում իր ասելիքները տեղ հասցնել և իրենց գործընկեր խմբակցությունը փորձեց այդ ամենն այստեղ բեմադրել ու այս հարթակից ասել այն, ինչ ասում է վերջին չորս-հինգ տարիներին»,- նշեց նա:

Արմեն Փամբուխչյանի խոսքով՝ պայքարին միանում են այն դեպքում, երբ մարդը հասկանում է խնդրի բովանդակությունը, ինչի մասին է պայքարը և հավատում է պայքարի ղեկավարությանը՝ հարթակին կանգնած մարդկանցից սկսած․

«Բայց դուք հարթակից էթնիկ զտման եք ենթարկում ՀՀ քաղաքացիներին և հեռու չի այն օրը, երբ փորձեք ասել, որ հայ լինելու համար Հայկ Նահապետից տեղեկանք բերեք, 26-րդ ձև ներկայացրեք, որ դուք սերում եք Հայկ Նահապետից։ Սա էթնիկ զտման դասական դրսևորում է և դա հնչել է ձեր հարթակից»,- շեշտեց փոխքաղաքապետը:

Հիշեցնենք՝ այսօր ավագանու նիստի ժամանակ «Մայր Հայաստանը» հաջակցություն «Տավուշը հանուն Հայրենիքի» շարժման պաստառներով ակցիա է իրականացրել:

«Մայր Հայաստանը» կոչ է անում Երևանի, ինչպես նաև Հայաստանի բոլոր քաղաքների ու գյուղերի ավագանու իշխանական ու ընդդիմադիր անդամներին հստակ դիրքորոշում հայտնել Տավուշում և ընդհանրապես Հայաստանի շուրջ տեղի ունեցողի վերաբերյալ։

Բագրատ Սրբազանն Արման Բաբաջանյանին կոչ է արել պատմել իր կենսագրությունը:

Քանի որ Արման Բաբաջանյանը դա չի անելու, թույլ տվեք մենք դա անենք:

Հիշյալ անձը ժամանակին կեղծել է Հյուսիսային Ամերիկայի Արևմտյան թեմի ազգային առաջնորդարանի կնիքն ու առաջնորդ Հովնան Սրբազանի ստորագրությունը: Դրա պատճառաով էլ կարգալույծ է հայտարարվել, ինչի մասին Հյուսիսային Ամերիկայի Արևմտյան թեմը հանդես է եկել հայտարարությամբ:

«Այսպիսով պաշտոնապես հայտնում ենք Թեմի համայն հավատացյալ ժողովրդին, որ Գլենդելում լույս տեսնող «Ժամանակ» թերթի գլխավոր խմբագիր Արման Բաբաջանյանը (նախկին սարկավագ), ծնված լինելով Հայաստանում, զինվորական ծառայությունից խուսափել է։

Արման Բաբաջանյանն իր սարկավագության կարգը և հոգևոր ծառայությունը շահագործելով՝ կեղծել է Մայր Աթոռ Սուրբ Էջմիածնի պաշտոնական կնիքը և Թեմի առաջնորդ՝ Գերաշնորհ Տեր Հովնան արքեպիսկոպոս Տերտերյանի ստորագրությունը։

Նկատի ունենալով իր կարգի և կոչումի համար ամոթալի և անպատվաբեր վերոհիշյալ արարքները, Հայ Եկեղեցու Արևմտյան թեմի առաջնորդ՝ Գերաշնորհ Տեր Հովնան արքեպիսկոպոս Տերտերյանը կարգալույծ է հռչակում Արման Բաբաջանյանին՝ նրան զրկելով սարկավագի բոլոր ծառայություններից և իրավունքներից»։

144Shares

Ցեղասպանությունների կանխարգելման Լեմկինի ինստիտուտը սենսացիոն հայտարարություն է տարածել, որում Հայաստանի վարչապետի պաշտոնը զբաղեցնող Նիկոլ Փաշինյանին մեղադրել է ընդհուպ Հայոց ցեղասպանությունը ժխտող նարատիվներ տարածելու մեջ. պատճառը՝ Նիկոլ Փաշինյանի ապրիլքսանչորսյան ուղերձն է, և ցեղասպանագետները կարծում են, որ Փաշինյանն իր այդ ուղերձով ոչ բացահայտորեն միացել է Հայոց ցեղասպանության ժխտմանը։

«Թեև մենք ընդհանրապես չենք ներգրավվում պետությունների ներքին գործերին, քանի դեռ չկա ցեղասպանության ներքին վտանգ, պետք է անդրադառնանք Հայաստանի վարչապետ Նիկոլ Փաշինյանի վերջին հայտարարություններից բխող մտահոգություններին, որոնք, ըստ երևույթին, շեղվում են ցեղասպանության կանխարգելման, ցեղասպանության ճանաչման և անցումային արդարադատության հիմնական սկզբունքներից, ուղղակի առնչվում են Հայաստանի ազգային անվտանգության խնդիրներին, սա էլ ավելի կարևոր է դառնում Ադրբեջանի տարածքային պահանջների և վերջին տասնամյակների ընթացքում հայերի նկատմամբ տևական ցեղասպան քաղաքականության համատեքստում»,— ասված է հայտարարության մեջ։

Շատ մասնագետներ էլ նշում են, թե Փաշինյանը սկսել է հանրության շրջանում տարածել դեռևս 1960-ական թվականներին Թուրքիայում ընդունված այն կեղծ նարատիվները, որը թուրքական ժխտողական քաղաքականությունը տարածում է ողջ աշխարհում, դրա համար լուրջ միջոցներ են օգտագործվում, և Փաշինյանը` Հայաստանի ղեկին հայտնված առաջին ղեկավարն է, որը դարձել է հենց այդ ցեղասպանությունը ժխտող նարատիվների կրողը և հանրության մեջ դրանք տարածողը։

Ցեղասպանությունների կանխարգելման Լեմկինի ինստիտուտի այս հայտարարությունից հետո, բնականաբար, իշխանության արձագանքը չի ուշացել, հեղինակավոր ինստիտուտին փաշինյանական իշխանությունն ընդհուպ մեղադրել է Հայաստանի ներքին գործերին խառնվելու մեջ։

Առաջիկայում Հայաստանի գործող իշխանությունները շարունակելու են նույն վարքագիծը, ուստի և ամեն ինչ փորձելու են անել` վարկաբեկելու իրենց գործի գիտակներին։

1or.am

Քանի որ ընդունել ենք, որ  սկսել ենք լուրջ պրոցես, և ոչ թե մի օր հավաքվեցինք 70 հազարով ու ցրվեցինք տներով, ապա հաջողությունը անպայման լինելու է։ Այդ ընթացքում կարևոր է պարբերաբար արձանագրել՝ ինչ իրավիճակ ունենք, ինչ աշխատանք պետք է արվի։ Եվ այսպես. ինչ ունենք այս պահին.

1. Ճշմարտության հրապարակ. կայուն ձևավորված կորիզ, որը դնում է երկրում խորքային փոփոխությունների պահանջ։ Սա արդեն փաստ է, նոր գործոն։

2. Հարթակից՝ Բագրատ Սրբազանը հրապարակեց կարևորագույն փաստաթուղթ՝ վաղվա Հայաստանի տեսլականը։ Հստակ ձևակերպումներով, որոնք հասկանալի են թե´ Հայաստանի ներսում, թե´ միջազգային հանրության համար, թե´ հակառակորդների։ 20 կետանոց բազմաշերտ փաստաթղթի 2 կարևորագույն բովանդակություններն են. Հայաստանը հանձնառու է շարունակել խաղաղության հաստատման բանակցությունները, ինչպես նաև սահմանազատման աշխատանքները, երկրորդ՝ այս շարժումը Հայաստանի ներքին կյանքի առողջացման  մասին է, ներքին հաշտության, արդար բարքերով՝ ժամանակակից պետության ստեղծման։

3. Գրագետ շրջանակների անմիջական և կիրառական ներգրավվածություն պրոցեսներին։ Հարթակից հնչած հանձնարարություն-խնդրանքին ի պատասխան «Դիվանագետների համահայկական խորհրդի» կազմած փաստաթուղթը բացառիկ է իր լրջությամբ և որակով։ Սա այն բեկումնային պահն է, որն այս շարժմանը նոր որակ է բերում և նաև հետագա գործողությունների նոր ուղղություններ բացում՝ աշխատանք արտաքին աշխարհի, դիվանագիտական ներկայացուցչությունների, միջազգային գործընկերների, հարևան երկրների հետ։

4. Եկեղեցին ստացել է (վաստակել է) բացառիկ ժողովրդականություն։ Եկեղեցու խոսքը հասնում է յուրաքանչյուր տուն, միջավայր, անհատներին։ Սա բացառիկ պատմական ձեռքբերում է. շատ երկար ժամանակ կար լուրջ խնդիր՝ եկեղեցու խոսքը դժվարությամբ էր հանրայնացվում։ Ե՞րբ էր քաղաքացին լսում հոգևորականին՝ պատարագի՞ ժամանակ, քարոզի՞ ժամանակ. ընդունենք, որ քչերն էին լսում ու քչերը հասկանում, եկեղեցական այլ արարողությունների՞, որոնք զանգվածային չեն և ոչ մշտական։ Իհարկե՝ հեռուստաընկերություն, մամուլ, սոցցանցեր օգտակար խողովակներ են, բայց այսօրվա ճշմարիտ խոսքի, առողջացման խոսքի, քրիստոնեական խոսքի և արժեքների տարածման նման հնարավորություն երբևէ չի եղել։ Շարունակենք այս տրամաբանությամբ, և աչքի առաջ կձևավորվի կարևորագույն արդյունք՝ հասարակության իսկական առողջացում, հայ հասարակության և հայ առաքելական եկեղեցու իսկական միասնությունը։

5. Անհրաժեշտ է շարունակել մասնագիտական խոսքի, գրագետ ուղերձի զանգվածայնացումը։ Դիվանագետների օրինակի պես, մեր մյուս ինտելեկտուալ, մասնագիտական պոտենցիալով միավորները պետք է հասրակությանը ներակայացնեն իրենց աշխատանքը։ Ամենամեծ մոլորությունն այն է, թե հասարակությունը սպասում է միայն գոռոցի կամ էժան էմոցիայի։ Երկար տարիներ հասարակությունը կարոտ է մնացել գրագետ խոսքի, ու հիմա այդ սկսված պրոցեսը պետք է ուժեղացնել։

6. Հստակ ձևակերպվել է աշխատանքի և նպատակի ճանապարհային քարտեզ՝ նոր կառավարություն և դրան հասնելու հիմնական սցենարը։ Սա շատ կարևոր պահ է, որը պահանջելու է համառ աշխատանք։

7. Հասարակության մի զգալի հատվածի համար այս վարչապետն արդեն չկա։ Եվ այս միտումն արագորեն տարածվելու է՝ մինչև կիրառական լուծում։ Բայց կառավարություն օբյեկտիվորեն կա, և կառավարության անդամների ու պետական համակարգի մտածելու խնդիրն է սա արդեն. իրենք վարչապետի՞նն են, թե՞ Հայաստանի Հանրապետությանը։ Սա վերաբերում է ամբողջ պետական համակարգին, ուժայիններին։ Սա վերաբերում է նաև ՔՊ-ի պատգամավորներին՝ նրանք Նիկոլի պատգամավորնե՞րն են, թե՞ քաղաքական ուժի և ընտրողի։ Ի դեպ, Բագրատ Սրբազանի կողմից հստակ մեսիջ ուղղվեց պետական համակարգին. քաղաքական փոփոխությունները չեն ազդելու ձեր կայուն բնականոն աշխատանքի վրա։ Պետական համակարգը, քաղծառայողների համակարգը պետության և ոչ թե մեկ հոգուն ծառայելու ինստիտուտն է։

Վահե Հովհաննիսյան
Այլընտրանքային նախագծեր խումբ

Քանի դեռ ոստիկանական ուժերը բերման են ենթարկում քաղաքացիներին, անհնազանդության ակցիաներն իրականացվում են, այլ միջոցներով ևս։Քաղաքացիները անհնազանդության ակցիաներ իրականացնելիս, օգտագործում են, նաև փողոցում եղած միջոցներ՝ թվային տեխնոլոգիայով աշխատող ինքնագլդորներ, աղբի արկղեր, փողոցների անկյուններում կատարվող հոսանքալարերը գետնի տակ անցկացնելու նպատակով արված փոսերի արգելապատնեշները։

Նման կերպ արգելափակվել է Տպագրիչների փողոցը, Նալբանդյան փողոցը, Թումանյան փողոցում քաղաքացիներն անձամբ են նստել անցումային հատվածում։Երիտասարդները նաև իրականացնում են իրազեկման ակցիաներ երթերի ձևով։

Վարչապետի թեկնածու չի կարող լինել որևէ կուսակցության կամ խմբի անդամ: Այսօր հանրահավաքում հայտարարել «Տավուշը հանուն հայրենիքի» շարժման առաջնոր Բագրատ սրբազանը:

Սահմանազատումն իրականացվում է մեր պայմանների հիման վրա, և սա մեր հաջորդ հաղթանակն է։ Ինչպես հաղորդում է ԱՊԱ-ն, այս մասին ասել է Ադրբեջանի Հանրապետության նախագահ Իլհամ Ալիևը օկուպացված Շուշի տեղափոխված առաջին բնակիչներին բնակարանների բանալիների հանձնման արարողության ժամանակ։

«Այսօր 1990 և 1992 թվականներին «օկուպացված Ղազախի հողերը» չակերտները՝ (Tert.am) վերադարձվում են մեզ առանց մեկ կրակոց արձակելու։ Սահմանազատումն իրականացվում է մեր պայմաններով, և սա մեր հերթական հաղթանակն է։ Այսօր մեր մեկ խնդրանքով Ղազախի չորս գյուղ է վերադարձվում մեզ։ Այդպես էլ շարունակվելու է:

Այստեղ խոսելու իրավունքը մեզ է պատկանում, մենք առաջատար պետությունն ենք Կովկասում, մենք առաջատար պետություն ենք տնտեսական, քաղաքական, ռազմական առումներով, բոլոր առումներով, բոլորը պետք է հաշվի նստեն մեզ հետ։ Ե՛վ Հայաստանը, և՛ դրա հետևում կանգնած արտաքին շրջանակները, նրանց սուտ խոստումներ տալով, կփոշմանեն, եթե մեզ հաշվի չառնեն»,-ասել է նա։

Երկքաղաքացի եմ, ես ՀՀ-ի և Կանադայի քաղաքացի եմ․ լրագրողների հետ զրույցում հաստատեց Բագրատ Սրբազանը։

«Անմիջապես արձագանքել են, Բագրատ Սրբազանը երկքաղաքացի է, կեցցե․․․ ի՞նչ եք խառնվել իրար, այ մարդու որդիներ, Բագրատ Սրբազանը Տավուշի թեմի հոգևոր առաջնորդն է, ավելի բարձր, քան ձեր վարչապետի աթոռն է»,-ասաց նա։

Նշենք, որ Սահմանադրությամբ նա չի կարողանա ՀՀ վարչապետ դառնալ: Սակայն, այդուհանդերձ, Սրբազանը չի բացառել այդ հավանական տարբերակը։

«Հիմա, որ ժողովուրդը որոշեց Սահմանադրության մեջ ներկայացվածություն ունենալ և երկքաղաքացի մարդուն ասել՝ ինքն էլ կարող է լինել, ձեր ի՞նչ գործն է։ Եթե ժողովուրդը ցանկանա, դա լինի ժողովրդի կամքը և Հայոց Հայրապետը օրհնի, ես ո՞վ եմ, որ ասեմ՝ չէ։ Ես նորից եմ ասում, իմ կռիվը վարչապետ դառնալու կռիվ չի, իմ կոչումն ավելի բարձր է, քան վարչապետի աթոռն է»,-ասաց նա։

Ալմաթիում բանակցությունների մեկնարկին Հայաստանի, Ղազախստանի և Ադրբեջանի ԱԳ նախարարները հանդես են եկել ողջույնի խոսքերով։ Այս մասին հաղորդում է ՀՀ ԱԳՆ-ն։

ՀՀ ԱԳ նախարար Արարատ Միրզոյանը նշել է.

«Միանում եմ ղազախական կողմին ուղղված շնորհակալական խոսքերին՝ այս հանդիպումը նախաձեռնելու և կազմակերպելու համար։ Մենք Հայաստանում բարձր ենք գնահատում Ղազախստանի ցանկությունն աջակցել իր համար երկու բարեկամ երկրներին հասնել համաձայնության և Հարավային Կովկասում հաստատել երկարատև խաղաղություն։ Կցանկանայի նաև հատուկ շնորհակալություն հայտնել Ղազախստանի նախագահին, ինչպես նաև Ձեզ՝ Մուրատ Աբուգալիևիչ, Ձեր ներդրած ջանքերի համար։

Հիրավի, շատ խորհրդանշական է, որ մենք այսօր հանդիպում ենք այս գեղեցիկ քաղաքում՝ Ալմաթիում, ավելին, այն նույն կառույցում՝ «Բարեկամության տանը», որտեղ 1991թ. ստորագրվել է Ալմա-Աթայի հռչակագիրը։ Հիշեցնեմ՝ դա այն փաստաթուղթն է, որը ստորագրեցին արդեն նախկին ԽՍՀՄ տանսմեկ հանրապետությունները՝ ԽՍՀՄ նախկին ադմինիստրատիվ սահմանները ճանաչելով որպես միջպետական սահմաններ։ Կարևոր է, որ վերջին երկու տարվա ընթացքում և’ Հայաստանի վարչապետը, և’ Ադրբեջանի նախագահը տարբեր ձևաչափերով մի քանի անգամ վերահաստատել են Ալմա-Աթայի հռչակագրին հանձնառությունը, վերահաստատել են նաև Ալմա-Աթայի հռչակագրի հիման վրա տարածքային ամբողջականության փոխադարձ ճանաչումը, ինչպես նաև վերահաստատել են, որ սահմանազատման գործընթացը պետք է իրականացվի հենց Ալմա-Աթայի հռչակագրի հիման վրա։ Ըստ էության, դա նշանակում է, որ սահմանազատման գործընթացում պետք է վերարտադրվեն այն սահմանները, որոնք գոյություն են ունեցել ԽՍՀՄ փլուզման պահին։

Եվս մեկ անգամ ցանկանում եմ ընդգծել, որ Հայաստանը ձգտում է խաղաղության, միջազգային պայմանագրի համաձայնեցմանը։ Մենք շատ կառուցողականորեն ներգրավված ենք խաղաղության գործընթացում, և ավելին, կարծում ենք, որ մենք չպետք է սահմանափակվենք խաղաղության պայմանագրի ստորագրմամբ. մենք պետք է, մենք կարող ենք առաջ գնալ՝ ապաշրջափակել տարածաշրջանում տրանսպորտային կապուղիները։ Դա անել, իհարկե, այն ընկալումով, որ բոլոր կապուղիները կլինեն այն երկրների ինքնիշխանության ներքո, կգործեն այն երկրների իրավազորության ներքո, որոնց տարածքով դրանք կանցնեն, իսկ պետական սահմանի հատման բոլոր ընթացակարգերը կհամաձայնեցվեն (վարչական, մաքսային) փոխադարձության սկզբունքին համաձայն»։

Ինքը գուցե ասում է Աստծո կամքով, բայց ժողովրդի կամքը շատ ավելի կարևոր է։

Այս մասին ԱԺ-ում լրագրողների հետ զրույցում ասաց իշխող խմբակցության պատգամավոր Անդրանիկ Քոչարյանը՝ անդրադառնալով Բագրատ Սրբազանի՝ վարչապետի հնարավոր թեկնածությանը։

«Իհարկե Բագրատ հոգևորականի համար Աստծո կամքն էլ է կարևոր, մեզ համար էլ է կարևոր, բայց ժողովրդի կամքը հենց Աստծո կամքն է։ Եթե Վազգեն Գալստանյանը ցանկություն ունի վարչապետի թեկնածու առաջադրվել, ուրեմն 2026 թվականին ինքը պետք է իր քաղաքական թիմով  հայտ ներկայացնի, մասնակցի ընտրություններին ու դառնա վարչապետի թեկնածու»,- ասաց նա։

Ինչ վերաբերում է ԱԺ-ում իմփիչմենթի գործընթաց սկսելու գործընթացին, Քոչարյանն ասաց․

«Իմփիչմենթի գործընթացը թող բերեն անեն, բայց տվյալ հոգևորականն ասում է՝ 20 ձայն է  պակասում, որտե՞ղ է այդ 20 ձայնը։ Երեք տարի է այստեղ են, իրենք տեսնո՞ւմ են թեկուզ 2․5 ձայնի հնարավորություն, անձամբ ես նույնիսկ 1․5 ձայն չեմ տեսնում։ Ինքը անուններ է տալիս, կներեք, շատ տարօրինակ է, որ հոգևորականը տալիս է անուններ՝ առանց այդ անվան տերերի հետ համաձայնեցնելու»։

Քոչարյանը զուհագեռ տանելով 2018-ի հետ՝ ասաց․

«2018-ին ճնշումը դարձավ իրականություն ու եղան արտահերթ ընտրություններ։ Այ, երբ որ կլինեն արտահերթ ընտրություններ, տվյալ հոգևորականը կհանի իր սպիտակ հագուստը, կասի՝ ես արդեն Վազգենն եմ ու Վազգեն Գալստանյան անուն ազգանունով կդառնա վարչապետի թեկնածու։ Այս պահին նա հոգևորական է, որը իրավունք չունի խառնվել քաղաքական գործընթացներին, այ Աջապահյանը ճիշտ արեց, որ ճանապարհի կեսից գնաց Էջմիածին»։