Նիկոլ Փաշինյանի հայտարարությունը միանշանակ մեղադրանք էր ռուս խաղաղապահներին, իշխանությունների կողմից սա առաջին դեպքը չէ, երբ ռուս խաղաղապահների կամ ՀԱՊԿ-ի նկատմամբ մեղադրանքներ են հնչեցվում: Այս մասին NEWS.am-ի հետ զրույցում նշեց ԱԺ «Պատիվ ունեմ» խմբակցության պատգամավոր Տիգրան Աբրահամյանը՝ անդրադառնալով Նիկոլ Փաշինյանի հայտարարությանը, թե 2020-ի դեկտեմբերի 11-ին Ադրբեջանի կողմից Խծաբերդ եւ Հին Թաղեր գյուղերի գրավումը եւ հայ զինծառայողների գերեվարումը ռուս խաղաղապահների ներկայությամբ եւ թողտվությամբ, 2022-ի մարտի 24-ին ԼՂ Փառուխ գյուղի գրավումը կրկին ՌԴ խաղաղապահների ներկայությամբ, շփման գծի երկայնքով հրադադարի ռեժիմի շարունակական եւ  ահագնացող խախտումները, ԼՂ հայությանը խաղաղապահների ներկայությամբ ֆիզիկապես եւ հոգեբանորեն ահաբեկելու դեպքերը պարզապես անընդունելի են:

Նրա խոսքով, ռուսական կողմը որոշակի վերապահումներով ունի նաեւ որոշակի պատասխանատվություն. «Այստեղ ոչ մեկը չի կարող հերքել, որ ստեղծված է որոշակի ճգնաժամային իրավիճակ: Անհրաժեշտություն կա հասկանալու, թե նոյեմբերի 9-ից հետո Հայաստանը ռուս խաղաղապահների տեղակայման ժամանակ ինչ պայմանավորվածություններ է ձեռք բերել, որովհետեւ հետագայում պարզ դարձաբվ, որ նոյեմբերի 9-ի փաստաթուղթը չունի գաղտնի կամ ոչ գաղտնի հավելված եւ կան կետեր, որոնք ամբողջությամբ չեն սահմանում կողմերի պայմանավորվածությունները կամ կոնկրետ քայլերի իրականացման ճանապարհային քարտեզը: Եթե ՀՀ իշխանությունն ասում է, որ Ռուսաստանն այդտեղ ունեցել է տապալումներ, եւ նրա անգործության կամ միջամտությամբ մենք կորցրել ենք Փառուխը, կամ այս դեպքում թույլ ենք տվել զինված բախումներ, ապա ՀՀ իշխանությունը պետք է ասի, թե նոյեմբերի 9-ի հայտարարությունից բխող ինչ պայմանավորվածություն է ունեցել ՌԴ-ի հետ, եւ այդ պայմանավորվածության որ կետը չի իրականացվել: Ակնհայտորեն Արցախում ստեղծված իրավիճակը չի կարող մեզ բավարարել, որովհետեւ պատերազմից հետո մենք ունեցել ենք տարածքային կորուստներ, այ թվում Փառուխում, Քարագլխի տարբեր հատվածներում: Ունեցել ենք զոհեր եւ այլն: Բայց այս հարցն ունի իր երկրորդ մասը. Մենք ՀՀ իշխանությունների կողմից դաշտ նետվող խայծի պարագայում շատ ժամանակ խոսում ենք երրորդ, չորրորդ կողմի պարտավորությունների մասին, բայց Հայաստանի իշխանությունների պարտավորությունները, որպես կանոն լղոզված են: Իսկ ի՞նչ է արել Հայաստանը նոյեմբերի 9-ի հայտարարության Հայաստանի համար ձեռնտու կետերի իրագործման համար, ի՞նչ է արել Հայաստանի Արցախի ՊԲ-ի կամ ՀՀ ԶՈՒ-ի արդիականացման համար, ինչ է արել ՀՀ իշխանությունը ՀՀ տարածքային ամբողջականության եւ ինքնիշխանության ապահովման ուղղությամբ: Երբ այս հարցրեը դնում ենք, պարզ է դառնում, որ ՀՀ իշխանությունը այդ ամբողջ մուննաթների, քննադատության տակ նաեւ ունի չկատարված բազմաթիվ պարտվորություններ, որոնք պետք է ապահովեն Հայաստանի անվտանգությունը, մեր հայրենակիցների ֆիզիկական անվտանգությունը»,-ասաց պատգամավորը:

Անդրադառնալով նրան, որ նոյեմբերի 9-ի հայտարարությունը ամրագրել է երեք բան՝ Լեռնային Ղարաբաղ միավորի արձանագրումը, շփման գծի գոյությունը եւ Լաչինի միջանցքը, եւ Ադրբեջանը պայքարումէ  այս երեք հաստագրումների դեմ, Տիգրան Աբրահամյանն ասաց. «Եթե Ադրբեջանը այդ դրույթները չի իրգործում, եւ դրան զուգահեռ Հայաստանը պարտաճանաչորեն ոչ միայն իրականացնում է գրավոր ամրագրված դրույթները, այլ նաեւ Ադրբեջանի լրացուցիչ պահանջները, ապա ով է դրա համար պատասխանատվություն կրում:

Հայկական զինված ուժերը և հանրությունը պետք է պատրաստ լինեն, որ Ադրբեջանը ագրեսիվ գործողություններ կիրականացնի նաև օգոստոսի 4-ին և 5-ին։

Չի բացառվում, որ օգոստոսի 5-ին ռուս խաղաղապահները որոշ գործողություններ իրականացնելու հրաման կստանան՝ հաշվի առնելով հանգամանքը, որ ՌԴ նախագահ Վլադիմիր Պուտինը անվտանգության խորհրդի նիստ է այսօր անցկացրել Արցախի թեմայով։

Ադրբեջանի թիրախում դեռևս մնում են մեր բարձունքները, որոնք ռազմավարական առավելություն կտան 2025-ին ընդառաջ, հետևաբար ամեն կերպ մենք պիտի կարողանանք պահել բարձունքները։

Թե ինչ քննարկում կլինի օգոստոսի 5-ին սպասվող Պուտին-Էրդողան հանդիպման ժամանակ, դժվարանում եմ ասել այս պահին, բայց ենթադրում եմ, որ հանդիպումից առաջ ռուսական կողմը կփորձի ուժեղացնել իր դիրքերը և զսպել Էրդողանի բացած ախորժակը։

Ամեն դեպքում գլխավոր դերակատարը հայ զինվորն է։

Նաիրի Հոխիկյան

Ադրբեջանի այս ագրեսիվ հարձակումներն Արցախի նկատմամբ և Արցախը Հայաստանին կապող միջանցքը փակելու պահանջը կոպիտ խախտում են 2020թ. նոյեմբերի 9-ի եռակողմ հայտարարությունը՝ ժամկետի (3 տարի), նոր ճանապարհի կառուցման, այդ ճանապարհի պլանի փոխադարձ համաձայնեցման, ճանապարհն ավարտելու տեսանկյուններից: Այս մասին ֆեյսբուքյան իր էջում գրել է ՀՀ նախկին ՄԻՊ Արման Թաթոյանը:

«Այս լկտիությունների համար պարարտ հող են ստեղծում ադրբեջանական հանցանքների փաստերը հետևողականորեն թաքցնող, նրանց անօրինական ներկայությունը սեփական քաղաքական շահերի համար արդարացնող բարձրաստիճան պաշտոնյաները, ցավոք, Հայաստանի Հանրապետությունից:

Պատերազմի ժամանակ, դրանից հետո Ադրբեջանի պատերազմական ու մարդկության դեմ ուղղված հանցանքները մեր ժողովրդի նկատմամբ, նրանց պետական վերաբերմունքն ապացուցում են, որ այդ քաղաքականությունը չի փոխվելու։

Ի՞նչ խաղաղության (անգամ մտադրության) կամ ի՞նչ իրավունքների մասին է խոսքն այնպիսի պետության պարագայում, որ վարում է հայատյացության քաղաքականություն: Դա բացահայտ ուղղված է ոչ միայն արցախահայության` Արցախի բնիկ ժողովրդի, այլ նաև Հայաստանի դեմ:

Ադրբեջանական հանցանքները, այդ թվում` կապված այսօր հայ զինծառայողի սպանության և մի շարք զինծառայողների առողջությանը վնաս պատճառելու հետ, այդ ամենի ուղիղ ապացույցն են:

Ես շարունակում եմ պնդել, որ մենք չպետք է թույլ տանք, որ մեզ թմրեցնեն կեղծ խաղաղասիրությամբ։

Այո´, խաղաղությունը բարձրագույն արժեք է, բոլորս էլ խաղաղություն ենք ուզում, բայց խաղաղություն չի լինում միայն մեր Հայրենիքի ու մեր գոյության հաշվին, մեր իրավունքների ու արժանապատվության այն էլ շարունակական ոտնահարմամբ»,- գրել է Թաթոյանը։

Մերձավորարեւելյան քաղաքական գործընթացների փորձագետ, իսրայելագետ Սերգեյ Մելքոնյանը տելեգրամյան իր ալիքում ներկայացրել է այս պահի դրությամբ առկա փաստերը։

«1. Ադրբեջանը հարձակվել է Արցախի վրա՝ խախտելով Եռակողմ հայտարարությունը։ Այդ մասին են վկայում հայտարարված «օպերացիան» և բարձրագույն հրամանատարության նախորդող այցերը մի քանի օր առաջ։

2. Դատելով հարվածների աշխարագրությունից՝ երկու խնդիր կա՝ վերահսկողության տակ առնել Լաչինի միջանցը և թուլացնել ռազմական ներուժը՝ լայնամասշտաբ դիմադրությունն անհնարին դարձնելու համար (հարձակումներ մի շարք ռազմական օբյեկտների վրա)։

3. Խաղաղապահները միայն արձանագրում են տեղի ունեցողը և բանակցում։ Նրանք չեն պատրաստվում ռազմական ուժով կանգնեցնել (անկեղծ ասած՝ դեռ չեմ հասկանում, թե ինչու է սա նորություն ինչ-որ մեկի համար)։

4. Հայաստանն օգնության չի հասնում։ Նիկոլ Փաշինյանն արձակուրդից չի վերադառնում»,- գրել է նա։

Հաշվի առնելով այն հանգամանքը, որ ՀՀ իշխանությունները համաձայնվել են կատարել Ադրբեջանի պահանջը՝ Արցախից դուրս բերել պարտադիր ժամկետային զինծառայողներին, Ադրբեջանն առավել սեղմում է օղակը՝ պահանջելով ամբողջական զինաթափում։ Այս մասին ֆեյսբուքյան իր էջում գրել է ԱԺ պատգամավոր Տիգրան Աբրահամյանը:

«Մի քանի ամիս է ինչ Ադրբեջանն ակտիվ խոսում է Արցախում գործող «անօրինական զինված խմբավորումների» գոյության մասին՝ նկատի ունենալով պաշտպանության բանակին և զգուշացնում «հակաահաբեկչական գործողությունների» անհրաժեշտության մասին։

Մինչ Ադրբեջանը հիմք էր նախապատրաստում գործողությունների ծավալման համար, ՀՀ իշխանությունը երկրի ներսում համոզում էր, թե խաղաղությունն անխուսափելի է, իսկ հնարավոր սրացումների, մարտական գործողությունների մասին խոսացողներին իշխանական քարոզչամեքենան և քաղաքական մեծամասնությունը թիրախավորում էր։

Փաշինյանական ռեժիմը փակել է գոյատևելու և հայի գոյության բոլոր հնարավորությունները և երկիրը տանում է նոր արկածախնդրության ճանապարհով»,- գրել է Աբրահամյանը:

«Հրապարակի» տեղեկություններով՝ Տավուշի սահմանին կուտակումներ են, ադրբեջանական ուժերը զորք ու տեխնիկա են կուտակել։ Կուտակումներ կան մարզի տարբեր հատվածներում, օրինակ Այգեպարի մոտ գտնվող նախկին օդանավակայանի հատվածում, որտեղ տևական ժամանակ է ակտիվ շինարարություն է ընթանում, բնակիչների պնդմամբ օդանավակայանի տարծքում՝ ռուսական ռազմաբազա է լինելու։ Մեր աղբյուրի պնդմամբ՝ տեսանելի են տասնյակ տանկեր, զորք։ Կապ հաստատելով Բերդի համայնքապետարան՝ փորձեցինք զրուցել համայնքապետի հետ։

Մեզ ասացին, որ կմիացնեն, սակայն միացրին համայնքապետարանի մեկ այլ ներկայացուցչի հետ, որը մեր դիտարկումներին ի պատասխան ասաց․ «Նախ ես պրն Մանուչարյանը չեմ։ Իսկ ձեր հարցերի մասով դիմեք Պաշտպանության նախարարությանը։ Այո, դիմեք ՊՆ-ին, զբաղված եմ»։

ՊՆ խոսնակ Արամ Թորոսյանն էլ խոսափելով հարցերի բանավոր պատասխանից՝ գրավոր հարցում պահանջեց։

Տեղեկացանք նաև, որ թեպետ բնակիչների շրջանում մեծ խուճապ չկա, սովոր են նման բաների, սակայն պատրաստվում են ցանկացած սցենարի, գիշերը գազալցակայաններում հերթեր են եղել։

Yerevan.Today-ը գրում է․

Երեկ՝ օգոստոսի 1-ի երեկոյան, Արցախի ՊԲ-ն հայտարարություն տարածեց,թե․ «Օգոստոսի 1-ին, ժամը 09:00-ից սկսած, Արցախի Հանրապետության հյուսիսային և հյուսիս-արևմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի՝ կատարելով շփման գիծը հատելու փորձեր, որոնք կասեցվել են ՊԲ ստորաբաժանումների ուժերով: Հայկական կողմից կորուստներ չկան»:

Նախ, լուրերը, որ Արցախի սահմաններին լարվածություն է, փոխհրաձգություն է, հայտնվեցին երեկոյան ուշ՝ 9-ի կողմերը, և այդպես էլ անհասկանալի մնաց, թե ինչու են այդ մասին պաշտոնապես տեղեկացնում իրադարձությունների մեկնարկից միայն 12 ժամ անց։

Ավելի ուշ դարձյալ հաղորդագրություն տարածվեց, թե իրավիճակը շարունակում է գտնվել Պաշտպանության բանակի լիարժեք վերահսկողության  տակ ու հերքեցին ոչ պաշտոնական լուրերը․ «Հայկական կողմի կենդանի ուժի և դիրքային կորուստների մասին սոցիալական ցանցերում որոշ օգտատերերի կողմից տարածված տեղեկությունները չեն համապատասխանում իրականությանը, և ՊԲ զինվորական անձնակազմը շարունակում է պաշտպանել իրեն վստահված բնագիծը»։

Հորդորեցին զերծ մնալ չճշտված տեղեկություններ տարածելուց՝ խուսափելով, սակայն, ամբողջովին ներկայացնել իրավիճակը։

Ապա մեկ այլ հաղորդագրություն տարածեցին՝ հերքելով Համացանցում շրջանառվող տեղեկությունները, թե Արցախի որոշ հատվածներում թեժ մարտեր են։ Արցախի Հանրապետության արտաքին գործերի նախարար Դավիթ Բաբայանը ֆեյսբուքում գրեց․«Անհանգստանալու և խուճապի մատնվելու կարիք չկա, ամեն ինչ գտնվում է մեր զինված ուժերի վերահսկողության ներքո․ միայն խնդրում եմ հետևել բացարձակապես պաշտոնական լրահոսին և սադրանքների չտրվել»։

Արցախի Հանրային հեռուստաընկերությունը տեսանյութ պատրաստեց, որում ասվում էր, որ շրջանառվող լուրերը, թե հակառակորդը հարձակվել է Վանք գյուղի ուղղությամբ, և Գանձասար վանական համալիրի համար թեժ մարտեր են ընթանում, չեն համապատասխանում իրականությանը։

Ավելի ուշ Արցախի ՊՆ-ն հաստատեց մեկ վիրավորի մասին՝ ՊԲ զինծառայող Ալբերտ Վլադիկի Բախշիյանը։ Ասվեց, որ վիրավորի կյանքին վտանգ չի սպառնում։ 

Փաստացի՝ ամեն ինչի մասին հայտարարեցին, բացի նրանից, թե իրականում ինչ է կատարվել։ Մեր տեղեկություններով, կատարվել է հետևյալը․ Չարեքտար –Կըրխկըզ (Աստղաշեն — Դաշբուլաղ գյուղի դիմաց) բնագծում սահմանի վրա ադրբեջանցիները դիրքեր են տեղադրել։ Իսկ Չարեկտարի հատվածում (Վաղուհաս — Վանք «Գանձասար» գյուղերի դիմաց) նաև ականանետային կրակ են վարել։

Երբ հայկական կողմը նշում է, թե թշնամին կատարել է շփման գիծը հատելու փորձեր, վստահորեն հետ է շպրտվել, ի՞նչ նկատի ունի, եթե ըստ մեր տեղեկության, թշնամին նոր դիրքեր է դրել։ Այո, գյուղ չեն գրավել, մենք մեր դիրքերից չենք նահանջել, սակայն թշնամու դիրքը արդեն մեր քթի տակ է։

Արցախի Հանրապետության Արտաքին գործերի նախարար Դավիթ Բաբայանը Yerevan.Today-ին հերքեց տեղեկությունը, թե Չարեքտար –Կըրխկըզ (Աստղաշեն — Դաշբուլաղ գյուղի դիմաց) բնագծում սահմանի վրա ադրբեջանցիները դիրքեր են տեղադրել։ Սակայն մեր աղբյուրները լրիվ հակառակն են պնդում։

Փաստացի՝ այսօր ևս, դասեր չքաղելով ողբերգությունից, պաշտոնական լրահոսը որդեգրել է 44-օրյայի կիսատ պռատ, կասկածելի տեղեկատվության տրամադրման գործելաոճը, որը, բնականաբար, բերում է չճշտված և խեղաթյուրված լուրերի տարածմանը։ Հերթական անգամ կոչ ենք անում Արցախի ու Հայաստանի պաշտպանության նախարարություններին, պաշտոնական լրահոսին հետևելու կոչ անելուց բացի ճշգրիտ ինֆորմացիա փոխանցել հանրությանը, լրատվամիջոցներին։ Մի մոռացեք, որ խուճապ են առաջացնում ոչ թե մամուլի՝ իր տեղեկություններով փոխանցած լուրերը, այլ ձեր կողմից տեղեկությունների տրամադրման բացակայությունը կամ կրակոցների ֆոնին «իրավիճակը վերահսկվում է» ոչինչ չասող արտահայտությունը։

01.08.2022թ.-ից Արցախի Հանրապետության հյուսիսային և հյուսիս-արևմտյան հատվածներում Ադրբեջանի զինված ուժերի կողմից նախաձեռնվող ու իրականացվող սադրիչ գործողությունները Արցախի Հանրապետության կողմից արդեն որերորդ անգամ բարձրաձայնված՝ հայատյաց քաղաքականության ու Արցախը հայաթափելու ռազմավարության տակտիկական քայլերի մասն են: Արցախի պաշտպանության բանակն արդեն ներկայացրել է իրավիճակը շփման գծում և պարբերաբար տրամադրում է տեղեկատվություն: Այս մասին հայտնում է Արցախի դատախազությունը։

Թեև բազմիցս խոսվել է այդպիսի իրավիճակներում բացառապես պաշտոնական աղբյուրներին հետևելու անհրաժեշտության մասին, այդուհանդերձ, նմանօրինակ դեպքերում մշտապես ականատես ենք լինում ինքնագործունեության և անհարկի խուճապ ծնող երևույթների:

Արցախում հանրային կյանքը լարվածության մթնոլորտում է անցնում գրեթե ամեն օր, պետական մարմիններն այդ պայմաններում փորձում են կազմակերպել առողջապահություն, կրթություն, սոցիալական ապահովություն, քաղաքաշինական աշխատանքներ, մինչդեռ լարվածության ավելորդ բաժինը ոչ միայն կաթվածահար է անում նշված գործընթացը, այլև հիշյալ համակարգերի առջև արհեստականորեն ծնում է հավելյալ ծանրաբեռնվածություն, որպիսի հետևանք արձանագրվել է նաև վերջին օրերին:

Ուստի Արցախի Հանրապետության ներքին անվտանգությունն ու հանրային կյանքի բնականոն ընթացքն ավելորդ ցնցումներից զերծ պահելու համար խնդրում ենք ձեռնպահ մնալ շփման գծում առկա իրադրության շուրջ իրականությանը չհամապատասխանող կամ չստուգված տեղեկություններ տարածելուց:

Հայաստանի Հանրապետության ազգային անվտանգության ծառայության քննչական դեպարտամենտում պետական դավաճանության և լրտեսության դեպքերի առթիվ հարուցված քրեական վարույթների նկատմամբ հանրային լայն շրջանակների հետաքրքրությունը հաշվի առնելով՝ տեղեկացվում է, որ վարույթներից չորսով 2022 թվականի հուլիս ամսին կազմվել են եզրափակիչ դատավարական ակտեր և կալանքի տակ գտնվող չորս անձանց մասով քրեական վարույթները մեղադրական եզրակացություններով հանձնվել են դատարան։ Այս մասին հաղորդում է ԱԱԾ-ն:

Հարուցված և դատարան հանձնված քրեական վարույթներով պարզվել է, որ գործակալական ցանցերում ներգրավված Հայաստանի Հանրապետության քաղաքացիների ծավալած հակապետական գործունեության արդյունքում օտարերկրյա հատուկ ծառայություններին հնարավորություն է տրվել հստակ տեղեկանալ հայկական զորքերի, զորամիավորումների, զինվորական տեխնիկայի տեսակի, թվաքանակի, նրանց հնարավոր մարտավարության՝ հարձակման, պաշտպանության, հանդիպակաց մարտի, մարտավարական վերադասավորումների և այլնի վերաբերյալ, ընդհուպ մինչև՝ քարտեզի վրա տեղորոշված եղանակով ստանալով հայկական ուժերի աշխարհագրական հստակ կոորդինատները։

Օտարերկրյա հետախուզությունը լրտեսական ցանցում ներգրավել է հիմնականում նախկին կամ ներկա զինվորականների, ովքեր ծառայության բերումով հնարավորություն են ունեցել մուտք գործել Հայաստանի և Արցախի Հանրապետություններում գտնվող զորամասեր, բարձրանալ մարտական դիրքեր, ծանոթանալ ռազմական բնագավառին վերաբերող բազմապիսի փաստաթղթերի ու տեղեկությունների, քողարկված եղանակով կատարել տեսանկարահանումներ, ֆիքսել զինտեխնիկայի տեսակներն ու քանակները, զորամիավորումների շարժը, լուսանկարել ռազմական նշանակության քարտեզներ, ձեռք բերել այլ տեղեկություններ և այդպիսիք փոխանցել օտարերկրյա հետախուզության ներկայացուցիչներին՝ դրա դիմաց ստանալով իրենց վարձատրությունը։

Հայաստանի Հանրապետության ազգային անվտանգության ծառայությունը տեղեկացնում է, որ միայն 2022 թվականի ընթացքում պետական դավաճանություն կատարելու դեպքերով հարուցված քրեական վարույթներով ՀՀ ԱԱԾ քննչական դեպարտամենտի քննիչների կողմից մեղադրական եզրակացությամբ դատարան են հանձնվել ընդհանուր թվով 5 քրեական վարույթներ 12 անձանց վերաբերյալ։

Հարուցված այլ վարույթներով նախաքննությունը շարունակվում է և նկատի ունենալով դրանց նկատմամբ հանրային լայն շրջանակների հետաքրքրությունը՝ ՀՀ ազգային անվտանգության ծառայությունը պարբերաբեր տեղեկություններ կտրամադրի դրանց ընթացքի և արդյունքների մասին։

Էրեբունի թանգարանի տարածքում պոռնո տեսանյութի նկարահանումը արձագանքն է գտել նաեւ տելեգրամի ռուսական տիրույթում:

«Ю» հեռուստաալիքի պրոդյուսերը նկարահանվել է պոռնոհոլովակում՝ Էրեբունի հայկական սուրբ ամրոցի տարածքում։ Արգելոց-թանգարանի տնօրենը հայտարարել է, որ պատրաստ է լքել պաշտոնը նման խայտառակությունից հետո: Այժմ հոլովակով զբաղվում է ոստիկանությունը։

«Readovka» ալիքը նկատում է. հասարակությունը չհասցրեց ուշքի գալ Վորոնեժի տրանսգենդերներից, որոնք միզում էին գերեզմանոցում եւ պարում շիրիմների ֆոնի վրա և հայտնվեց ավելի այլասերված բան: «Ю» հեռուստաալիքի պրոդյուսեր եւ «Ուրբաթ»-ի գլխավոր խմբագիր Տատյանա Սմարժեւսկայան նկարահանվել է պոռնո հոլովակում իր ընկերոջ հետ՝ Էրեբունի հայկական պատմահնագիտական թանգարան-արգելոցի տարածքում, ու այն զետեղել իր պոռնո- ալիքում:

Պոռնոհոլովակը վիրուսավորվել է եւ զույգը սահմանափակել է իրենց էջի հասանելիությունը: Սմարժեւսկայան նույնիսկ հեռացրել է Instagram-ի իր հաշիվը: Բայց, ինչպես ասում են, համացանցը հիշում է բոլոր տեսանյութերը․ այն հասել է անգամ Երևանի ոստիկանությանը։ Զույգը արժանացել է պարսավանքի․ հանդիսատեսը, հատկապես հայաստանցիները, վրդովվել են Տատյանա Սմարժեւսկայայի եւ նրա զուգընկերոջ պահվածքից, որի ինքնությունը դեռ բացահայտել չի հաջողվել: Հանրությունն առնվազն պահանջում է Սմարժևսկայայի պաշտոնանկությունը, առավելագույնը՝ ինքնադատաստան։

Ի դեպ, տեսանյութն այլասերվածներն անվանել են այսպես. «Զույգը ռիսկային սեքսով է զբաղվում հնագույն ամրոց այցելության ժամանակ՝ փորձելով չերեւալ տեսուչների աչքին»: Արգելոց-թանգարանի տնօրեն Միքայել Բադալյանը պոռնոֆիլմի հերոսներին վիժվածք է անվանել և հայտարարել, որ պատրաստ է նույնիսկ լքել իր պաշտոնը, եթե այդպես համարի ղեկավարությունը, չէ որ տեղի ունեցածի պատասխանատվությունը նրա վրա է:

Տեսանյութը «Փաստինֆո»-ի Տելեգրամի ալիքում